Kombëtarja Shqiptare - [lajme dhe komente]

[B.C.B]

Kaq veshtire ishte per ta kuptuar? Apo e doni shpjeguar si per femijet ne cerdhe?

Pjesa me e madhe e tifozave e ka te veshtire te ndjeki transfertat e kombtares per arsye vizash apo ekonomike, ndersa ne Shqiperi eshte normale qe shumica do iki ne stadium, keshtu qe nuk do kete vend.

pjesa me e madhe e tifozve,qe eshte tamam tifoz ai e bene zgjidhjen dhe nuk gjen arsyetime koti.
nuk po te them shko e shikoje kombetaren ne evrope kur ka loje sepse e di qe kushtet tona nuk na mundesojne ose nuk na ofrojne ate knaqsi,une vetem them qe kombetarja ne tirane duhet te perkrahet 20000%,jo perkrahje alla magjupski,por perkrahje tamam ULTRAS.mos i thuaj tifoz atij qe han fara ne stadion e rregullon frizuren,sepse kesaj rradhe kem kundershtar ne tribuna boshnjaket,dhe boshnjaket kan tifoskene te fort..nuk bon me u bo hor ne shtepine tone,ate dua te them haver.

anyway,shpresoj qe atmosfera ne Tirane do te jet e zjarrte,dhe shpresoje qe te gjitha grupet shqiptare te kalojne me se miri ndermjet vete.

B.C.B PRISHTINA


THE BOYS ARE IN TOWN !

ps.Ju ne Tirane atje mbushni frigoriferet me birra te ftohta.

a din te me tregoje ndoj Tirons si do t`jet koha me 8 tetor,shi apo me diell?

[SKRAPARI]

nga kosova po shkoni per te pare ndeshjen ne tirane! a keni lujt mentsh ju kosovaret? apo e keni nga papunesia?

[B.C.B]

nga kosova po shkoni per te pare ndeshjen ne tirane! a keni lujt mentsh ju kosovaret? apo e keni nga papunesia?

shkojm sepse e dojm shqipnine e futbollin,jem rrit ne stadion edhe jetojm per at sen..kush t`ka faj ty qe je as magjup as shqiptar.
nuk ke faj jo,se ende njerz pa ngjyra sikur ti ka kudo.

punojm ne te gjithe,por deshira per futboll e kombetare eshte pjese e jetes.vikendin dikun duhet me e kalu,apo ti nuk e din as qka eshte vikendi.
a ki televizor ti ?
qisi qifti sikur ti besom bolet n`qaf ja kisha vjerr me bo me e nxan ne Tirane.ik tash.

ne nuk kem lujt mendsh o i qmendur,por e duam kombetaren ma shume se ti e plot shqiptar te shqipnise.ik shko ne itali atje a greqi vjedh noj kulet.
edhe mos bon ksi pytje palidhje kurr mo,ose me mire po te them mos te shkon mendja me pyt noj kosovar me ket pytje banale sepse hund e buz do ti beje bashk.

[SKRAPARI]

po te pash kete vikend ne stadium do te hedh si top futbolli ne porten e boshnjakeve

[B.C.B]

po pash kete vikend ne stadium do te hedh si top futbolli ne porten e boshnjakeve

hahahahah hahahaahah

mundesh me me pa,jemi mbas golles komplet PLISAT,un jam me grupin tem B.C.B aty.eja te pres.


ps.qfar probleme ke me kosovaret,pse provokon???..nese deshiron diqka at`her gjithe tifozet e Prishtines i ke ne Tirane me 8 tetor..shko pyt pse udhtojne ata ne shqiperi ose eja me hedh mua si top...turp ti thuash vetes shqiptar ncncncn

[{A_N_G_E_L_69}]

Klodoan Duro: Trajner, futbollistë dhe tifozë; Shqipëria është një!


Autori: Adi Metaliu
Data: 06/10/2010
Version Print

Klodian Duro e konsideron Bosnjën përfaqësuese të madhe: Ndaj tyre nxjerrim ndeshje të mëdha
Kroati Josip Kuzhe gjatë qëndrimit më shumë se 1-vjeçar në krye të kuqezinjve u ka dhënë dorë shumë lojtarëve të rinj, por asgjëherë nuk e ka humbur besimin te më të vjetrit. Përkundrazi, eksperienca e tyre do ta ndihmonte kombëtaren tonë që rinovimi i saj të kishte sa më pak impakte negative. Lala dhe Skela, ndonëse në prag të tërheqjes nga futbolli, vijojnë të jenë pjesë e kombëtares, sikurse Bogdani dhe Duro, që pavarësisht se janë mbi 32 vjeç vazhdojnë të mbajnë peshën kryesore në ekip.
Pikërisht te këta futbollistë pritet shumë këtë të premte ndaj Bosnjës. Sepse do të jenë ata trajnerë në fushë, pas pasur nevojë të marrin udhëzime nga pankina. “I gjithë populli shqiptar do të ndihet mirë nëse fitojmë me Bosnjën, pikërisht edhe pse trajneri ynë është i shtruar në spital,” - deklaron Duro në konferencën për shtyp të ditës së djeshme.
- Klodian, si po e përjeton skuadra sëmundjen e Josip Kuzhes?
- Është për të ardhur keq që ai nuk ndodhet me ne. Sepse është edhe meritë e tij që skuadra jonë ka pasur këtë ecuri pozitive në dy ndeshjet e para. Në radhë të parë, ne jemi të interesuar për shëndetin e trajnerit. Shpresojmë shumë që t’i rikthehet profesionit.
Urojmë që të jetë me shëndet të plotë për veten e tij dhe për familjen. Ne do të japim maksimumin që çdo gjë të shkojë shumë mirë. Jemi të përqendruar maksimalisht te ndeshja e së premtes, që është shumë e rëndësishme për ecurinë e rezultateve tona.

- Tani ju drejton një boshnjak, Mustedanagiç…?
- Besoj se jemi përshtatur më së miri edhe më këtë trajner, sikurse ka ndodhur me Kuzhen. Ai ka një karrierë të gjatë, ka një emër për t’u respektuar në Ballkan dhe Europë. Të gjithë futbollistët e janë të kënaqur me punën e tij.
Këto dy ditë grumbullim nuk është se e kemi ndier shumë mungesën e Kuzhes, sepse edhe me “Xhemon” po punojmë shumë mirë. Detyra jonë është të zhvillojmë një ndeshje të mirë. Sigurisht që fitorja do të ishte maksimumi për gjendjen që po kalojmë. I gjithë populli shqiptar do të ndihej mirë nëse fitojmë me Bosnjën pikërisht, edhe pse trajneri ynë ndodhet në spital.
- Bosnja është ekip me tipare të theksuara sulmuese…?
- Para se të flasim apo analizojmë Bosnjën, duhet te përqendrohemi tek ekipi ynë. I nisëm shumë mirë eliminatoret, ndaj duhet ta ruajmë këtë ritëm edhe me Bosnjën, që është një ekip me lojtarë që mbajnë peshë në ekipet e tyre. Por kjo nuk na tremb, sepse ne gjithmonë kemi ditur të luajmë mirë kundër ekipeve të mëdha, madje kemi marrë rezultate pozitive.
- Në eliminatoret e shkuara, atëherë kur na duhej fitorja (me Hungarinë) për të hedhur hapin e madh, zhgënjyem, ndërsa këtë radhë kemi përballë Bosnjën…?
- Çdo ndeshje ka veçoritë e veta. Në ketë moment nuk duhet të bëjmë asgjë më tepër, veçse të ruajmë harmoninë kolektivin që kemi krijuar dita-ditës. Kemi arritur të bashkohemi si futbollistë, trajnerë, staf teknik dhe drejtues dhe tifozë.
Ndaj Bosnjës duhet të jemi të qetë dhe të bëjmë atë që dimë ta bëjmë më mirë. Meqë bëhet fjalë për një ndeshje futbolli, kërkojmë te kemi edhe fatin me vete. Me përkrahjen e tfozëve, besoj se do të arrijmë të marrim maksimumin nga kjo ndeshje.
- Dy ndeshjet e para, me Rumaninë dhe Luksemburgun, keni luajtur në dy role. Ku e sheh veten Duro ndaj boshnjakëve?
- Do të jap maksimumin tim, pa marrë parasysh rolin që më cakton trajneri. Çdo lojtar i kombëtares është i nderuar që vesh ketë fanellë dhe duhet të japë maksimumin në të gjitha rrethanat.
- Pra, mendoni se Shqipëria i ka mundësitë për tri pikë?
- Ne do te futemi në fushë për të bërë lojën tonë. Futbolli i njeh të tri rezultatet, por humbjen nuk duam ta mendojmë. Luajmë në shtëpi dhe nuk duhet të gabojmë dhe nëse do të na jepet mundësia, të fitojmë. E mira do të ishte të mos humbisnim në ketë ndeshje, që të vazhdojmë ecurinë pozitive në grup. Franca dhe Rumania, skuadrat më me emër të grupit, kanë lënë shumë pikë në ndeshjet e para. Duhet t’i marrim ndeshjet një e nga një.

[{A_N_G_E_L_69}]

Cana sfidon Dzekon: Kam parë më të mirë se ai!




Shtypi boshnjak i djeshëm i është referuar një interviste të Lorik Canës për median kosovare, sipas tyre, duke dashur të evidentojë duelin kryesor të sfidës së 8 tetorit në Tiranë, mes këtij futbollisti kuqezi dhe sulmuesit kryesor të tyre, Edin Dzeko. “Lorik Cana mendon se pa Kuzhen dhe Currin kombëtarja e Shqipërisë nuk është në situatë të mirë,”- citojnë mediat boshnjake, të cilat pasojnë me fjalët e vetë lojtarit shqiptar:
“Para pak kohësh humbëm Debatik Currin, i cili është një lojtar shumë i rëndësishëm për ekipin tonë. Për kombëtaren është një mungesë e madhe, sepse bashkë me të luanim mbrapa, ku edhe kemi ndërtuar forcën aktuale të ekipit, duke zhvilluar ndeshje mjaft të mira në mbrojtje. Pas Currit, fatkeqësisht ndodhi rasti me Josip Kuzhen.
Ai do të na mungojë shumë në këtë kohë. Por e rëndësishme është që të shërohet plotësisht. Kuzhe do të rrijë në kontakt me ndihmësin e vet, ndërsa ne do të mundohemi që në fushë t’i zbatojmë planet apo urdhrat e tij.” Megjithatë, edhe pse pa trajnerin Josip Kuzhe dhe pa mbrojtësin kyç, Debatik Curri, shqiptari i Gallatasarajit thotë se me bashkëlojtarët e tij do të mundohet të triumfojë në këtë “derbi ballkanik”:
“Një fitore me kombëtaren nuk i dedikohet askujt tjetër, përveç vendit dhe kombit, të cilin përfaqëson. Ne, lojtarët, që jemi më me eksperiencë, do të mundohemi ta mbulojmë sadopak mungesën e trajnerit. Kështu, do të motivohemi dhe do të luajmë edhe për Kuzhen. Do të jetë sfidë e vështirë, por ndeshjen ndaj Bosnjës do ta luajmë për ta fituar, edhe pse ata kanë ekip më kualitativ sesa yni.”
Lorik Cana, sipas të gjitha gjasave, por edhe asaj që parashikon trajneri Safet Sushiç, do të jetë “roja” i Edin Dzekos. Gatishmërinë për këtë detyrë e shfaq edhe vetë lojtari, që nënvizon: “Unë do të mundohem ta kryej detyrën time më së miri. Dzeko është njëri prej sulmuesve më të mirë sot për sot në Europë, por unë, në të kaluarën, kam pasur përballë kundërshtarë edhe më të fortë se ai, dhe ia kam dalë me mjaft sukses. Shpresoj të bëj të njëjtën gjë edhe ndaj Dzekos. Jo vetëm unë, por i gjithë ekipi, duhet të jetë në formë dhe i përqendruar për t’i bërë ballë Bosnjës.”
Dzeko: Të tregojmë se Franca qe një ditë e keqe
Sulmuesi kryesor i Bosnjë-Hercegovinës, Edin Dzeko, pret që kombëtarja e tij të fitojë në Tiranë. Këtë e mbështet në atmosferën shumë pozitive që ekziston në ekip. Sidoqoftë, Dzeko theksoi se të gjithë duhet të punojnë për përmirësimin e lojës së Bosnjës, në qoftë se dëshirohet një përfundim pozitiv, i kualifikimit në grup. “Ne kemi nevojë për të marrë maksimumin në Tiranë, çka mund të vijë vetëm falë përpjekjeve maksimale të të gjithëve. Të marrim 3 pikët në këtë ndeshje, për të treguar se humbja me francezët ishte vetëm një ditë e keqe. Jemi të angazhuar për të luajtur në maksimumin e mundësive tona, kështu që shpresojmë të dalim duke festuar nga kjo transfertë,” tha Edin Dzeko, golashënuesi i Volfsburgut dhe i kombëtares boshnjake.

[{A_N_G_E_L_69}]

Stërvitje dhe festë, kjo është pasditja e kuqezinjve




Në stadiumin “Besa” janë xhiruar pjesë të këngës se 80-vjetorit të FSHF-së, që do të promovohet ndaj Bosnjës
Stadiumi “Besa” i Kavajës është hapur dje posaçërisht për kuqezinjtë që drejtohen nga ndihmëstrajneri Xhemal Mustedanagiç. Sipas programit stërvitor, ishte parashikuar zhvillimi i vetëm një seance stërvitore, që në fakt ka pasur karakter taktik. Ndonëse ka qenë tepër e vështirë për të përcaktuar 11-shen bazë të ekipit, është krijuar një ide e përgjithshme sesi mund të luajë përfaqësuesja jonë ndaj Bosnjës.
Pas ushtrimeve të nxemjes dhe ato specifike, boshnjaku Mustedanagiç ka drejtuar një ndeshje kontrolli në gjysmë fushe, për të krijuar një ide të parë në lidhje me formën e futbollistëve. Erjon Bogdani dhe Hamdi Salihi, në fakt, janë rreshtuar krah njëri-tjetrit, ndërsa Elvin Beqiri në të majtë të mbrojtjes. Një seancë prove ka qenë edhe për Andin Lilën, që ka luajtur në krah të Lorik Canës.
Mustedanagiç ka dhënë dje përshtypjen se mund të hedhë në fushë një formacion të rreshtuar me skemën 4-4-2, kuptohet me Hamdi Salihin paksa më të tërhequr. Duhet theksuar se atmosferë pozitive në kampin kuqezi ka shpërthyer në fund të seancës së djeshme stërvitore, teksa është xhiruar një pjesë e videoklipit të këngës me rastin e 80-vjetorin të themelimit të FSHF-së.
Në mes të tapetit të stadiumit “Besa” ka qenë këngëtari Big Basta (i rrethuar nga të gjithë futbollistët kuqezinj) që këndonte këngën e krijuar posaçërisht për këtë përvjetor. Dje na Kavajë kanë qenë të pranishëm drejtues të lartë të FSHF-së, të cilët i ka ngrohur shumë atmosfera e krijuar në fund të stërvitjes.

[{A_N_G_E_L_69}]

Sushiç: Kujdes, Shqipëria s’është Luksemburgu!




Safet Sushiç, i qetë, si zakonisht, ka lançuar në konferencën e djeshme për shtyp, para gazetarëve, një objektiv të vetëm, fitoren ndaj Shqipërisë. Sipas tij, në Tiranë, edhe barazimi do të ishte dështim për skuadrën që drejton, pasi bëhet fjalë për një ndeshje, e cila përcakton kursin e ardhshëm të kualifikueseve për “Euro 2012″. “Nëse humbasin në Tiranë, do të thotë se hyjmë në një situatë të vështirë, kështu që kjo s’duhet të ndodhë kurrsesi. Madje, as barazimi nuk na bën punë, çka do të ishte dështim për ne. Vetëm me fitoren ndaj Shqipërisë do të mbeteshim në mesin e kandidatëve potencialë për të zënë dy vendet e para në grup,” - ka nënvizuar Sushiç.
Më tej, trajneri i Bosnjës ka folur edhe për atmosferën në ekip: “Atmosfera është e mirë, në bazë të raporteve fillestare që kam. Lojtarët e dinë mirë detyrën e tyre për këtë ndeshje. Në Tiranë do të ballafaqohen me një kundërshtar si Shqipëria, që mund të luajë edhe për barazim. Pra, do të mbrohet me forca të shumta, sikurse bëri në Rumani, ku mori një barazim të çmuar.”
Po çfarë e karakterizon kundërshtarin e 8 tetorit, në bazë të kasetave të ndeshjeve të shqiptarëve, që ka parë ditët e fundit? Përgjigjet Safet Sushiç: “Shqipëria ka një ekip që mbron mirë, por e ka të vështirë të organizohet dhe të dalë te goli. Ndeshja me Luksemburgun, që mezi e fituan 1‑0, e tregoi këtë, madje mund të dilte edhe pa fitues. Në Rumani, ata kishin periudha të mira loje, edhe pse u “parkuan” në zonën e tyre. Me një fjalë, unë nuk mendoj se Shqipëria ka të tilla cilësi, që mund të na habisë, por meriton vlerësimin maksimal tonin. Diferenca në cilësi, ndërmjet përfaqësuesve tona, është evidente, në favorin tonë, por kjo s’do të thotë asgjë. Shpirti i garës, që tregojnë shqiptarët, sidomos kur luajnë para tifozëve të vet, mund të hedhë në erë objektivat tonë.”
Kundërshtarit (kuqezinjve) u mungon një lojtar lider i linjës së fundit, Debatik Curri, që nuk do të luajë për shkak të dëmtimit, mungesë të cilën Sushiç thotë se nuk e dinte: “Ky është një lajm i mirë për ne, në të vërtetë nuk e dija. Në çdo rast të mungesës së lojtarëve në këtë repart, Shqipëria dobësohet ndjeshëm. Di se ka probleme në sezonin e ri edhe lojtari lider i tyre, Lorik Cana, i cili nuk po aktivizohet te Gallatasaraji. Në ndeshjen e fundit, ai u largua nga fusha pas 25 minutash lojë. Cana, kohët e fundit nuk po luan në nivele të larta. Te Gallatasaraji nuk është zgjedhje e parë, çka tregon se nuk është më ai lojtari energjik i PSG‑së, Marsejës dhe Sunderlandit. Trajektorja sportive e këtij lojtari duket në rënie dhe kjo shkon në favorin tonë.”
Përderisa vlerëson aspektin mbrojtës të shqiptarëve, kjo do të thotë se sulmi kuqezi nuk e shqetëson Sushiç, për ndeshjen e 8 tetorit. Nuk pajtohet me këtë mendim trajneri boshnjak, edhe pse lë të kuptojë se nuk e preokupon shumë ky repart i shqiptarëve: “Ndoshta, shqiptarët, do të luajnë me një sulmues. Ky është një vend i rezervuar për Bogdanin, sulmuesin e Çezenës në Itali. Mund të luajë edhe Salihi, golashënuesi i fitores kundër Luksemburgut, por do të jetë i tërhequr pak. Unë mendoj se lojtarët shqiptarë nuk kanë agresivitetin e duhur në sulm, që të mund të na dëmtojnë.” Por, a e vlerëson si faktor pozitiv për Bosnjën, mungesën e trajnerit Josip Kuzhe, në stolin e shqiptarëve, në ndeshjen e radhës? Sushiç gjykon: “Unë nuk besoj se do të ndryshojë ndonjë gjë në lojën e shqiptarëve për shkak të mungesës së trajnerit Kuzhe. Ekipin vërtet do ta drejtojë Mustedanagiç, por nënshkrimi përfundimtar në lojën e tyre do të jetë “Kuzhe”.
Atëherë, duke e njohur me kaq detaje kundërshtarin, çfarë plani loje ka Sushiç për të premten? “Shumë thonë se duhet të aplikojmë “recetën” anti‑Luksemburg, e cila, sipas mendimit tim, është thjesht e pamundur ndaj shqiptarëve. Në Luksemburg kemi pasur vetëm 15 minuta lojë të mirë, ndërsa në 75 minutat e tjera u torturuam. Ajo që ndodhi me ne ndaj Luksemburgut mund të përsëritet një herë në 100 vjet, kështu që nuk do të ndodhë më,” - përgjigjet trajneri boshnjak.
Pra, Sushiç bën thirrje për shumë kujdes, nëse duhen marrë tri pikët në Tiranë: “Patjetër duhet të tregojmë kujdes në Tiranë, të bëjmë një lojë të zgjuar. Unë do të kërkoj përkushtim të madh te lojtarët, lojë të kujdesshme në çdo nivel, si e vetmja mënyrë për të na dhënë suksesin e dëshiruar në këtë ndeshje.”

[{A_N_G_E_L_69}]

Luliç: Do të festojmë pas ndeshjes në Shqipëri




“Nuk ka dhe nuk duhet të ketë ndonjë llogari tjetër për këtë ndeshje, veçse të marrim 3 pikët në Shqipëri,” tha dje Senad Luliç, menjëherë pas mbërritjes në hotel “Hercegovina”, në Ilidza, që është edhe rezidenca e kombëtares boshnjake, i cili shtoi: “Pas dy ndeshjeve të para kualifikuese, një fitoreje dhe një humbjeje, një ndeshje tjetër shumë e rëndësishme është para nesh.
Duhet të fitojmë me shqiptarët, në qoftë se duam të shkojmë në finalet e Kampionatin Europian. Humbja me Francën ishte një mësim i mirë për ne. Ne e dimë se ku kemi gabuar dhe çfarë duhet të korrigjojmë. Situata tani do të jetë shumë më ndryshe. Shqipëria nuk e ka petkun e Francës, prandaj mund dhe do të fitojmë në Tiranë.
Me një fitore në këtë ndeshje, jemi në rrugën e duhur për të zënë njërin nga dy vendet e para në grup, në të kundërt, edhe një barazim i mundshëm, do të ishte fatale për ne.” Më tej, Luliç nuk ngurron të vlerësojë edhe kundërshtarin, i cili nuk mund të kalohet kollaj: “Shqiptarët kanë cilësi si ne. Megjithatë, shumë të mirë janë në pozitat mbrojtëse, pasi për të shënuar e kanë pak të vështirë.
Pavarësisht emrit, kundërshtari ka fituar nga dy ndeshjet e para kualifikuese katër pikë, çka tregon për forcën reale të tyre. Sidomos me barazim e tyre të papritur në Rumani, kanë befasuar këdo. Pa ndonjë pompozitet të madh, pa ndonjë emër të spikatur në radhët e tyre, por me lojën e grupit, duke qëndruar me këmbët në tokë, shqiptarët kanë fiksuar një seri prej shtatë ndeshjesh radhazi pa humbje. Shifra këto, që përbëjnë vërtet një paralajmërim edhe për ne.”