Presidenti Fatmir Sejdiu jep doreheqjen nga posti i presidentit

[mesuesi_1]

Do të marrë qëndrim pasi ta studiojë vendimin

Kreu i shtetit të Kosovës me të arritur në Aeroportin e Prishtinës, gjatë një konference për media vlerësoi se Gjykata Kushtetuese është ngutur, ndërsa sipas tij për hapat e mëtejmë Gjykata nuk sugjeron se çfarë duhet të bëhet.

kjo "gjykata" e Kosoves paska te njejten menyre pune si kjo e jona ne Shqiperi .... mendojne se si ti bejne lemsh situatat dhe jo ti zgjidhin .... e njejta menyre pune sikur me qene e njejta dore ....

[tias]

Rregulla kushtetuese qe nuk e lejon te jeshe kryetare partije dhe president Republike eshte krejt e pakupetimet.
Presidenti i republikes zgjidhet nga kuvedi dmth e zgjedh politika dhe nuk ka asnje arsue qe te mos jete ne krye te nje partije politike.

[mesuesi_1]

Rregulla kushtetuese qe nuk e lejon te jeshe kryetare partije dhe president Republike eshte krejt e pakupetimet.
Presidenti i republikes zgjidhet nga kuvedi dmth e zgjedh politika dhe nuk ka asnje arsue qe te mos jete ne krye te nje partije politike.

po ti nuk e kupeton se duan ta zbresin nga karriga Sejdiun ....???!!! per mua eshte personi me pozitiv nder drejtuesit e Kosoves ne kete moment .... mendimi im ....

[Guri i Kuq]

Kanë filluar të reagojnë shumë faktorë politik relevant pas publikimit të Vendimit të GJK të Kosovës për rastin ;Sejdiu-dhe dy postet e tij....
----------------
Sejdiu: Kushtetuesja është ngutur




Përditësimi i fundit: 25.09.2010 16:34
"Radio-E. e Lirë"
Albana Isufi

Presidenti i Republikës së Kosovës, Fatmir Sejdiu, ka thënë se është informuar lidhur me vendimin e Gjykatës Kushtetuese, por përgjigjen do ta japë, pasi ta marrë dhe studiojë vendimin në fjalë. Gjykata Kushtetuese konstatoi se presidenti Sejdiu ka shkelur Kushtetutën duke mbajtur në të njëjtën kohë postin e presidentit dhe të kryetarit të LDK-së. Sejdiu ka thënë se Kushtetuesja është ngutur. Reagime të ndryshme kanë ardhur nga partitë politike. PDK-ja dhe LDK-ja janë treguar të matura, opozita ka kërkuar dorëheqjen e Sejdiut.

Presidenti i Kosovës, Fatmir Sejdiu, për të cilin Gjykata Kushtetuese konstatoi se po e shkel seriozisht Kushtetutën duke mbajtur njëkohësisht postin e presidentit dhe të kryetarit të LDK-së, nuk e ka sqaruar pozicionin e tij pas këtij vendimi.

Sejdiu në një konferencë për gazetarë ka thënë se është njoftuar me vendimin, por nuk e ka marrë ende atë nga Gjykata për ta studiuar.

“Unë do të pres vendimin e Gjykatës dhe pastaj marr vendimin tim. Unë s’e kam marrë vendimin e Gjykatës, e as zyra ime”, ka thënë Sejdiu në një konferencë me gazetarë në Aeroportin Ndërkombëtar të Prishtinës.

Gjykata Kushtetuese njoftoi mbrëmë se presidenti i Republikës së Kosovës, Fatmir Sejdiu, “e ka shkelur seriozisht Kushtetutën e Kosovës”, përkatësisht nenin 88.2.

Vendimi i Gjykatës Kushtetuese të Kosovës është marrë me shumicë votash.
Por, presidenti Sejdiu ka thënë të shtunën se ushtrimi apo mosushtrimi i funksionit, siç ka bërë ai, duke ngrirë postin e kryetarit të LDK-së, është kategori kushtetuese.

“Është shumë e nevojshme për opinionin tonë ta them se ajo normë kushtetuese që ekziston në Kushtetutën e Republikës së Kosovës është respektuar, duke pasur parasysh zhvillimin nga ideja e ndërtimit të saj deri në gjithë qasjen e mëvonshme”.

“Mosushtrimi i funksionit apo ushtrimi i funksionit, është kategori kushtetuese”, ka thënë Sejdiu duke sqaruar se një gjë e tillë është arritur gjatë hartimit të Kushtetutës në bashkëpunim me faktorët vendorë e ndërkombëtarë.

Presidenti Sejdiu është shprehur se gjyqtarët e kushtetueses janë ngutur në marrjen e vendimit.

“Unë nuk dua t’i fajësoj, është çështje e studimit nga ana e tyre, por duhet të them diçka tjetër paralelisht. Nuk është krijuar shansi që njerëzit që kanë prezantuar çështjen e presidentit të Kosovës, të dëgjohen. Ka qenë një nguti e llojit të vet - nuk dua t’i akuzoj, mbase e ka lypur urgjenca, që të shpejtohet dhe të komunikohet në mënyrën si është komunikuar”.

“Për mua kanë qenë të mirëseardhura lajmet që kam marrë gjithmonë nga gazetat dhe mjetet e informimit dhe mjetet e caktuara të informacionit, dhe jo asnjëherë përmes përfaqësuesve të mi dhe unë drejtpërdrejt”, ka theksuar Sejdiu.

I pyetur nëse do të japë dorëheqje, Sejdiu ka thënë se një gjë të tillë nuk e rekomandon as vendimi i Gjykatës.

“Gjykata Kushtetuese ka dhënë një mendim të vetin, Gjykata Kushtetuese nuk preferon se çfarë duhet të bëjë presidenti i vendit”, ka potencuar Sejdiu, i cili megjithatë shprehet se do ta respektojë vendimin e institucioneve.

“Unë jam njeri që i respektoj institucionet dhe vendimet e tyre... Jam i ndërgjegjshëm për punën që kam bërë. E kam bërë në interes të vendit gjithmonë, gjithmonë, gjithmonë”, ka sqaruar Sejdiu.

Deputeti i pavarur, Naim Rrustemi, i mbështetur edhe nga 31 ligjvënës tjerë pati kërkuar në muajin qershor nga Gjykata Kushtetuese që të konstatojë nëse është në harmoni me Kushtetutën e Kosovës mbajtja e dy posteve nga ana e presidentit Fatmir Sejdiu.

Rrustemi i ka thënë Radios Evropa e Lirë, se pas vendimit të Gjykatës Kushtetuese, është e pakuptimtë që Sejdiu të mbajë edhe më tej postin e presidentit.

“Do të kishte qenë nonsens një gjë e tillë, të mendosh të vazhdosh të jesh president, kur në mënyrë të vazhdueshme ke shkelur Kushtetutën”, ka deklaruar Rrustemi.

Në anën tjetër, as Lidhja Demokratike e Kosovës, nuk ka ndonjë qëndrim të prerë në lidhje me vendimin e Kushtetueses. Nënkryetari Lutfi Haziri ka thënë se duhet studiuar argumentet, mbi të cilat Gjykata Kushtetuese konstatoi se presidenti po shkel aktin më të lartë juridik.

“Nuk e dimë cilat janë argumentet, cilat janë faktet dhe mbi bazë të kujt është konstatuar një gjendje e tillë. Sidoqoftë, ne do të reagojmë shumë shpejt pasi që ta kemi dokumentin në dorë, në këtë rast vendimin e Gjykatës Kushtetuese”, është shprehur Haziri.

Sipas nenit 91 të Kushtetutës së Kosovës, presidenti do të mund të shkarkohet me 2 të tretat e votave të deputetëve të Kuvendit, nëse Gjykata Kushtetuese ka përcaktuar se ai e ka shkelur Kushtetutën.

Iniciatori i rastit Sejdiu në Kushtetutë, deputeti Naim Rrustemi ka thënë se nuk do të jetë ai që do ta ndërmarrë një hap të tillë, për të iniciuar edhe shkarkimin.

Ndërkohë, anëtari i Kryesisë nga radhët e Partisë Demokratike të Kosovës, Xhavit Haliti, ka thënë se së pari do të pritet vendimi i Sejdiut, e më pas Kuvendi do të ndërmarrë hapat varësisht nga zhvillimet.

Edhe Haliti ngjashëm si zyrtarët e LDK-së, ka kërkuar që të shihet nëse gjyqtarët e Kushtetueses janë mbështetur në Kushtetutë kur kanë marrë vendimin në fjalë.

“Është shqetësuese nëse është shkelje kushtetuese që një gjë të tillë kemi mundur ta përballojmë tash 2 apo 3 vjet. Por, nëse Gjykata Kushtetuese ka marrë një vendim të imponuar politik dhe nuk është mbështetur në Kushtetutë, atëherë duhet marrë masa ndaj Gjykatës Kushtetuese. Ata që e kanë ngarkuar gjykatën, duhet ta shkarkojnë”, ka theksuar Haliti.

Shefi i Grupit Parlamentar të Alencës për Ardhmërinë e Kosoëvs, Ardian Gjini, ka thënë se vendimi i Gjykatës, çfarëdo që të jetë, duhet të respektohet.

Sipas Gjinit, nëse vetë Sejdiu nuk ndërmerr hapa, atëherë i mbetet Kuvendit që të procedojë me rastin, në mënyrë që të respektohet vendimi i Gjykatës.

“Tani mendoj se në bazë të Kushtetutës, kryetari i Kuvendit do ta njoftojë seancën plenare me vendimin e Gjykatës Kushtetuese edhe atëherë Kuvendi duhet të marrë vendim se si do të procedojë më tutje, nëse ndërkohë presidenti nuk ndërmerr hapa që të japë dorëheqje nga njëri prej funksioneve, të paktën”, ka deklaruar Gjini.

Ndërkohë, Zyra Civile Ndërkombëtare, që është organi, i cili mbikëqyrë zbatimin e Kushtetutës, po ashtu pret ta studiojë vendimin e Gjykatës, para se të dalë me qëndrim zyrtar.

“Ne jemi të njoftuar me deklaratën e djeshme të Gjykatës Kushtetuese. Ne presim tekstin e plotë të gjykimit dhe do ta studiojmë me kujdes”, ka thënë zëdhënësi i ICO-s, Kai Muller Berner.

Fatmir Sejdiu është rizgjedhur president i Kosovës në fillim të vitit 2008. Zyrtarët e LDK-së, thonë se në kohën kur është emëruar, ai nuk i ka shkelur ligjet në fuqi, pasi, sipas tyre, Korniza Kushtetuese ka rregulluar mbajtjen e dy posteve.

Kushtetuta e Kosovës ka hyrë në fuqi më 15 qershor të 2008-ës.
----------------------
Ps.Interesant,kush ka filluar ti bëjë avokatin z. Sejdiut....edhe Xhavit Haliti,i cili pa një pa dy,kërcnon haptas gjyqëtarët e Kushtetueses....!

[Brari]

si ne shqiperi si ne kosove.. gjykatesit e prokuroret etjetjere aparatcike te zyrave.. jane aty ku jane me pelqimin e mafies.
eshte mafia qe i ka zgedhur kete lloj strukture nji per nji..
ata jan te obliguar ti sherbejne kesaj mafieje per cdo sherbim qe i kerkohet..
kush eshte kjo mafie..
jan miliarderet plackites qe kan nen komanden e tyre dhe njesitet "guerile".. qe kur nuk ben pun paraja perdoret kallashi..
para kesaj mafieje ka kapitulluar cdo qeliz e shoqerise si ne kosov si ne shqiperi..

po cfare faje beri kohet e fundit sejdiu qe mafia vuri ne levizje kte far gjykate kushtetuese..
mos valle mafies i erdhi keq pse sejdiu ka asfiksuar ldk-ne duke e mbajtur ne frigorifer (fishider) pra pa aktivitet funksionin e kreut te ldk-se e me kte veprim e ka dobesuar ldk-ne e mafies nuk i konvenon e don ta gjalleroje ldk-ne duke e bere me kryetar aktiv?
jo..

kjo mafie e ka ldk-ne prej shum vitesh objekt te kallashit te saje dhe te diversionit sistematik shpifso-dizinformues..

pra faji sejdiut eshte tjeter gje..

boll i urti sejdi.. boll ka qene i bute e i bindur ndaj kupoles mafioze.. mirpo disa here u ka dale nga brazda.. pra u ka treguar ndoj here burr..

e sipas mendjes time.. "fajet" qe sejdiu i ka bere e qe mafia nuk ja fal jane disa veprime te sejdiut me raste shum sporadike por qe mafies i kan djegur shume.. sepse e ka mizen nen kesule..

e kto "heretik-llyqe" te sejdiut qe mafia ja sheh per te madhe.. jane.. nderimi qe ai u ka bere Drinit.. Tahirit.. e se fundi dekorimi i Ahmet Krasniqit..

mafia te lejon ca gjera.. ..por.. jan ca pika qe ajo i ka teper delikate dhe po e preke.. ne kto.. "dosje sekrete" reagimi i saje eshte i tmerrshem..

..


Nje gje eshte me rendesi.. se Kosoves nuk i duhet tani.. nje tollovi ne koken e shtetit..

Pra Sejdiu duhet te jet aty ku eshte..


..

[bindi]

Perse presidenti Sejdiu duhet te jap dorheqje...,ka dikush te na sqaroje ,pasi qe nuk isha ne rjedh te ngjarjes...,çka beri gabim presidenti ,ose cilen dispozite te kushtetutes shkeli...

[mesuesi_1]

Perse presidenti Sejdiu duhet te jap dorheqje...,ka dikush te na sqaroje ,pasi qe nuk isha ne rjedh te ngjarjes...,çka beri gabim presidenti ,ose cilen dispozite te kushtetutes shkeli...

ta ka spjeguar mire Brari aresyen ...

e sipas mendjes time.. "fajet" qe sejdiu i ka bere e qe mafia nuk ja fal jane disa veprime te sejdiut me raste shum sporadike por qe mafies i kan djegur shume.. sepse e ka mizen nen kesule..

e kto "heretik-llyqe" te sejdiut qe mafia ja sheh per te madhe.. jane.. nderimi qe ai u ka bere Drinit.. Tahirit.. e se fundi dekorimi i Ahmet Krasniqit..

mafia te lejon ca gjera.. ..por.. jan ca pika qe ajo i ka teper delikate dhe po e preke.. ne kto.. "dosje sekrete" reagimi i saje eshte i tmerrshem..

..

[Llapi]

Kushtetuta jam Unë
Fatmir Sejdiu nuk e ka ndërmend të jap dorëheqje. Për Presidentin, fajtor është Gjykata Kushtetuese. Me t’u kthyer nga New York’u, ai kontestoi profesionalizmin e gjykatësve, interpretoi vetë ligjin themelor të Shtetit dhe tha se Gjykata u nxitua shumë.

Nga Shpend Limoni më 26.09.2010 në ora 9:17
(E plotësuar ) Presidenti Fatmir Sejdiu ka përjetuar rëndë vendimin e Gjykatës Kushtetuese e cila konstatoi se ai ka bërë shkelje serioze të Kushtetutës duke mbajtur edhe postin e Kryetarit të LDK’së.

Në sallën e konferencave të Aeroportit të Prishtinës, pas kthimit nga Shtetet e Bashkuara të Amerikës, Sejdiu ka hyrë dukshëm nervoz dhe pa humorin që e kishte shfaqur shumë herë në atë sallë.

Në reagimin e parë pas vendimit të Gjykatës, Presidenti pothuaj vetëm sa nuk ka pështyrë në këtë institucion. Ai ka thënë se Gjykata ka dhënë vetëm një mendim, e jo një vendim që e obligon atë. Ka kontestuar integritetin e gjykatësve të instancës më të lartë të drejtësisë në vend, i ka bërë një interpretim sipas qejfit Kushtetutës, e po ashtu ka bërë edhe vërejtje tjera që atakojnë kredibilitetin e këtij vendimi.

E, sa për dorëheqjen që do duhej të ishte veprimi logjik pas kësaj shkeljeje, ai nuk tha asnjë fjalë. Çështja e dorëheqjes, sipas Kushtetutës së vendit, është vetëm çështje morali.

Fatmir Sejdiu ka shpërthyer menjëherë pasi gazetari i Televizionit Publik i cili po paralajmëronte konferencën, ka cituar vendimin e Gjykatës se Presidenti i Kosovës ka shkelur aktin më të lartë ligjor në vend.

Kjo nuk i ka pëlqyer Sejdiut.

“Speciale e paskeni? Urime, bash mirë! Të faleminderit për hyrjen shumë interesante që e keni ba. Është hera e parë që bëni diçka për Presidentin e vendit dhe ju përgëzoj”, ka thënë Sejdiu ironikisht.

Pasi ka mësuar se konferenca është duke u transmetuar drejtpërdrejtë ne televizion, ai ka folur gjatë për aktivitetin e tij në New York. Asnjë fjalë nuk e ka thënë për vendimin e Gjykatës. E, kur është pyetur për këtë, ai ka shpërthyer edhe një herë.

Fillimisht ka thënë se do ta studiojë e më pas ka shpjeguar se si e kupton Kushtetutën dhe nenin që Presidentit ia ndalon ushtrimin e një funksioni tjetër publik.

“Unë kam marrë informacion, por nuk e kam marrë vendimin. Natyrisht përgjigjen time të drejtpërdrejtë lidhur me vendimin dhe pjesën shpjeguese të tij do ta jap pasi ta studioj vendimin. E di se në atë konfirmim në faqen e Gjykatës Kushtetuese është një vendim asisoj”, ka thënë ai.
Presidenti ka thënë se ka respektuar Kushtetutën dhe ka dhënë shpjegimin e tij për nenin 88.2 që mund t’i kushtojë me karrierë politike.

“Mosushtrimi i funksionit është kategori kushtetuese e plotë. Unë jam nga njerëzit që e kam përcjellë më vëmendje ndërtimin e Kushtetutës dhe besoj se edhe gjykatësit e Gjykatës Kushtetuese kanë qenë aty dhe e dinë se cila ka qenë ideja, se nuk është shembull identik me normat kushtetuese që kanë vendet e tjera, sepse që në fillim ka qenë e paraparë që njeriu që zgjidhet për President të vendit duhet të jap dorëheqje edhe nga partia politike dhe nga funksionet politike. Kjo normë është fshirë. Kjo normë e tanishme është vendosur në bashkëpunim me faktorë të rëndësishëm ndërkombëtarë në proces. Është bërë në bashkëpunim me faktorë vendorë në proces”, ka thënë ai.

Kjo e ka hallakatur Fatmir Sejdiun i cili duket se ka shpresuar që pikërisht ndërkombëtarët do të jenë ata që do ta shpëtojnë.

Më pas ai ka goditur gjykatësit e Gjykatës Kushtetuese duke kontestuar profesionalizmin e tyre. Sipas tij, ekipi që ai ka autorizuar për të prezantuar këtë rast në këtë Gjykatë nuk është dëgjuar fare.

“Është në ndërgjegjen e njerëzve që kanë vendosur ashtu siç kanë vendosur. Unë nuk dua t’i fajësoj. Është çështje e studimit nga ana e tyre. Por dua të them diçka tjetër paralelisht - nuk është krijuar shansi të dëgjohen njerëzit që kanë prezantuar çështjen e Presidentit. Ka qenë një nguti e llojit të vet, nuk dua t’i akuzoj, mbase e ka lypur urgjenca që të shpejtohet dhe të komunikohet në mënyrën si është komunikuar”, ka thënë ai.

Sejdiu ka bërë edhe një tjetër akuzë për faktin se mediat kanë njoftuar për këtë shkelje para se këtë ta bëjë Gjykata.

“Për mua kanë qenë të mirëseardhura lajmet që gjithmonë i kam marrë nga gazetat dhe mjetet e caktuara të informacionit dhe jo asnjëherë përmes përfaqësuesve të mi. Dhe s’kam ç’të them tjetër, do të shohim”, ka thënë Sejdiu.

E sa për dorëheqjen e cila me Kushtetutën e vendit vetëm nënkuptohet, Sejdiu nuk ka thënë asnjë fjalë. Aktualisht ai as që e ka ndërmend ta ndërmarrë një hap të tillë.

Sipas Nenit 116, pika 1 të Kushtetutës së Kosovës kur përshkruhet “efekti juridik i vendimeve” i vendimeve të Gjykatës Kushtetuese, Sejdiu do duhej ta shqyrtonte menjëherë dorëheqjen.

“Vendimet e Gjykatës Kushtetuese janë të detyrueshme për gjyqësorin dhe të gjithë personat dhe institucionet e Republikës së Kosovës”, thuhet në Kushtetutë.

Por Sejdiu thotë se në rastin e tij Gjykata ka dhënë vetëm një mendim.

“Gjykata Kushtetuese ka dhënë një mendim të vetin. Gjykata nuk më preferon se çfarë duhet të bëjë Presidenti”.

Ai ka insistuar se do ta pres tekstin e aktgjykimit të Gjykatës Kushtetuese për të marrë një vendim edhe pse Gjykata tashmë zyrtarisht ka konstatuar shkeljen.

Sido që të jetë, Fatmir Sejdiu i cili është jurist me profesion, të shtunën foli me tone nervoze dhe aludoi se vendimi i Gjykatës është pjesë e një komploti kundër tij.

Ai madje edhe gazetarët që donin të bënin pyetje i trajtoi si komplotistë dhe aleatë të Gjykatës.

“Ju nëse e prezantoni gjykatën edhe më mirë”, ka thënë ai, plotë nervozë.


Sejdiu qorton gjykatësit

Presidenti Fatmir Sejdiu komentoi me nervozë vendimin e Gjykatës Kushtetuese. Ai la të kuptohet se nuk do ta respektojë atë. Shefi i Shtetit duket se beson se ka një komplot kundër tij.

Nga Leonard Kerquki më 25.09.2010 në ora 13:17

Fatmir Sejdiu ka lënë të kuptohet se nuk do të respektojë vendimin e Gjykatës Kushtetuese, instancë kjo që konstatoi se Presidenti i Republikës e ka shkelur Kushtetutën duke mbajtur dy poste njëkohësisht.

Shefi i Shtetit është shfaqur nervoz në Aeroportin e Prishtinës të shtunën në mesditë, pas kthimit nga New York’u.

“Gjykata Kushtetuese ka dhënë një mendim të vetin. Gjykata nuk më preferon se çfarë duhet të bëjë Presidenti”, ka thënë ai, kur është pyetur nga gazetarët nëse do të japë dorëheqje nga posti i Presidentit.

“Unë kam marrë informacion, por nuk e kam marrë vendimin. Natyrisht përgjigjen time të drejtpërdrejtë lidhur me vendimin dhe pjesën shpjeguese të tij do ta jap pasi ta studioj vendimin”, ka shtuar Sejdiu.

Më pas, ai është munduar t’i zhvlerësojë dijet shkencore të gjykatësve të Gjykatës Kushtetuese.

“Mund të them, po kështu, paralelisht, që është shumë e nevojshme për opinionin se ajo normë kushtetuese që ekziston në Kushtetutën e Republikës së Kosovës është respektuar. Është respektuar, duke pasur parasysh zhvillimin nga ideja e ndërtimit të saj e deri në qasjet mëvonshme. Mosushtrimi i funksionit është kategori kushtetuese e plotë”, ka thënë Presidenti.

“Unë jam nga njerëzit që kam përcjell më vëmendje ndërtimin e Kushtetutës dhe besoj se edhe gjykatësit e Gjykatës Kushtetuese kanë qenë aty dhe e dinë se cila ka qenë ideja - se nuk është shembull identik me normat kushtetuese që kanë vendet e tjera. Sepse, që në fillim ka qenë e paraparë që njeriu që zgjidhet për President të vendit duhet të japë dorëheqje edhe nga partia politike dhe nga funksionet politike. Kjo normë është fshirë”.

Sipas Presidentit, norma aktuale është vendosur përmes konsultimeve me faktorin vendor e ndërkombëtar.

“Kjo normë e tanishme është vendosur në bashkëpunim me faktorë të rëndësishëm ndërkombëtarë në proces. Është bërë në bashkëpunim me faktorë vendorë në proces”.

Presidenti shtoi se “është në ndërgjegjen e njerëzve që kanë vendosur ashtu siç kanë vendosur”. “Unë nuk dua t’i fajësoj”.

Megjithatë, ai i ka fajësuar. “Dua të them diçka tjetër”, tha ai. “Nuk është krijuar shansi të dëgjohen njerëzit që kanë prezantuar çështjen e Presidentit. Ka qenë një nguti e llojit të vet, nuk dua t’i akuzoj, mbase e ka lypur urgjenca që të shpejtohet dhe të komunikohet në mënyrën si është komunikuar”, ka shtuar ai.

Presidenti ka aluduar se ka qenë një komplot kundër tij mes Gjykatës dhe mediave.

“Për mua kanë qenë të mirëseardhura lajmet që gjithmonë i kam marrë nga gazetat dhe mjetet e caktuara të informacionit dhe jo asnjëherë përmes përfaqësuesve të mi. Dhe s’kam ç’të them tjetër, do të shohim”.

Vetëm në fund, ai ka thënë se do ta respektojë vendimin, por ka shtuar se “do të shoh rrugët në të cilat do të jetë përgjigjja e Presidentit të vendit”.

“Unë jam i ndërgjegjshëm për punën që e kam bërë në interes të vendit gjithmonë, gjithmonë, gjithmonë në proceset më të vështira që i kemi kaluar”, ka pohuar ai.

Në Aeroportin e Prishtinës, Shefi i Shtetit është marrë edhe me Radiotelevizionin e Kosovës, kur ka parë se ky medium po e transmeton direkt konferencën e tij.

“Speciale paskeni? Urime, bash mirë”, ka thënë Presidenti me ironi.

“Të faleminderit për hyrjen shumë interesante që e keni ba. Është hera e parë që bëni diçka për Presidentin e vendit dhe ju përgëzoj”, i ka thënë ai më pas gazetarit të RTK’së, që në hyrjen e lidhjes së drejtpërdrejtë komentoi rreth vendimit të Gjykatës Kushtetuese.

El Señor Presidente

President Sejdiu, sa gjatë do të vazhdoni të shkelni mbi Kushtetutën e Republikës së Kosovës?

Nga Shpend Limoni
Gjykata Kushtetuese e Kosovës të premten e ka publikuar vendimin që konfirmon se Presidenti i Kosovës, Fatmir Sejdiu, e ka shkelur rëndë Kushtetutën e Kosovës duke mbajtur edhe postin e Kryetarit të Lidhjes Demokratike të Kosovës.

Në një njoftim të shkurtër të Gjykatës në lidhje me rastin, thuhet se Gjykata ka ardhur në këtë konstatim me shumicë votash.

Me këtë aktgjykim, Gjykata Kushtetuese i ka hequr dilemat që për një kohë të gjatë kanë qenë pjesë e debatit në vend nëse ka pasur shkelje ose jo të Kushtetutës.
Vetë Presidenti ka deklaruar se e kishte ngrirë postin e Kryetarit të LDK’së, gjë që sipas tij, nuk binte ndesh me Kushtetutën e vendit, e cila thotë se “Presidenti nuk mund të ushtrojë asnjë funksion tjetër publik”.

Në këtë njoftim të shkurtër të Gjykatës, thuhet se palët do të njoftohen së shpejti për këtë aktgjykim.

“Në Rastin KI 47/10, ‘Naim Rrustemi dhe 31 deputetë të tjerë të Kuvendit të Republikës së Kosovës kundër Shkëlqesisë së tij, Fatmir Sejdiu, President i Republikës së Kosovës’, Gjykata konstatoi, me shumicë votash, se kërkesa e dorëzuar me 25 qershor 2010 është e pranueshme. Gjykata gjithashtu konstatoi se ka shkelje serioze te Kushtetutës së Kosovës, respektivisht te Nenit 88.2, nga Shkëlqesia e tij, Fatmir Sejdiu, duke mbajtur njëkohësisht postin e Presidentit të Republikës dhe të kryetarit të partisë politike ‘Lidhja Demokratike e Kosovës’ (LDK)”.

“Tekstet e plota të aktgjykimeve do t'iu dërgohen palëve së shpejti”, thuhet në njoftimin e Gjykatës.

Një ditë më parë, Express ka shkruar se vendimi i Gjykatës është marrë pasi që janë gjetur shumë fakte që dëshmojnë se Presidenti Sejdiu, edhe pse ka thënë se nuk po e ushtron funksionin e Kryetarit të LDK’së, e ka bërë këtë kohë pas kohe.

Shkelja e Kushtetutës nga ana e Presidentit është konfirmuar nga 7 prej 9 gjyqtarëve sa ka kjo Gjykatë.

Votimi në Gjykatë,sipas komunikatës, është bërë gjatë sesionit të mbajtur të mërkurën.


Mungon dorëheqja

Kur Presidenti Fatmir Sejdiu të ballafaqohet edhe zyrtarisht me verdiktin e Gjykatës Kushtetuese se ka shkelur aktin më të lartë juridik në vend, për shumëkënd rruga që do duhej ta ndiqte ai është e qartë.

Në fakt, Presidenti edhe nuk ka shumë opsione. Të japë dorëheqje nga posti i Presidentit ose ta shkarkojë Kuvendi i Kosovës.

Çuditërisht në Kushtetutën e Kosovës dorëheqja si mënyrë e përfundimit të mandatit nga Presidenti i Kosovës nuk përmendet fare.

Në nenin 91 të Kushtetutës së Kosovës përshkruhen arsyet kur Presidenti shkarkohet nga Kuvendi i Kosovës.

Pika tre e këtij neni sqaron situatën në të cilën ndodhet aktualisht Presidenti Sejdiu.

“... nëse Gjykata Kushtetuese konstaton se ajo/ai ka bërë shkelje të rëndë të Kushtetutës, Kuvendi mund të shkarkojë Presidentin me dy të tretat (2/3) e votave të të gjithë deputetëve të tij”.

Por aty nuk përmendet fjala dorëheqje, e cila po ashtu nuk përmendet as në Ligjin për Presidentin.

Kjo fjalë përmendet në të gjitha kushtetutat e vendeve të rajonit si një nga mënyrat për t’i dhënë fund mandatit.

Mungesa e kësaj fjale në tekstin e Kushtetutës ka habitur Hajredin Kuçin, i cili ka udhëhequr Komisionin për hartimin e aktit më të lartë juridik në vend.

“Mund të jetë lëshim. Kjo është çështje e kategorisë kudo në botë, kushdo që emërohet ose që zgjidhet ka mundësi të japë dorëheqje”, ka thënë Kuçi, në një prononcim për Express.

“Unë nuk po besoj që nuk është. Sinqerisht po mendoj që është lëshim”, shtuar Kuçi.

“Kjo është çështje e kategorisë, kudo në botë kushdo që emërohet ose që zgjidhet ka mundësi të japë dorëheqje”.

Për mungesën e fjalës dorëheqje në Kushtetutë, një shpjegim tjetër e ka Arsim Bajrami i cili ka marrë pjesë në hartimin e Kushtetutës.

“Kushtetuta është marrë me përgjegjësinë e Presidentit edhe rastet kur ai mund të largohet nga detyra. Kurse nënkuptohet që dorëheqja automatikisht sjell deri te shkarkimi i Presidentit dhe largimi dhe nuk është parë e arsyeshme që kjo të përmendet shprehimisht”, ka thënë ai për Express.

Bajrami thotë se dorëheqja ka të bëjë me kulturën politike. “Është çështje e kulturës politike, e nivelit politik, e përgjegjësisë politike”.

Ish-deputeti Ramadan Kelmendi dhe njëri nga anëtarët e Komisionit për hartimin e Kushtetutës, po ashtu, ka versionin e tij për mungesën e fjalës dorëheqje në nenin 91.

“Është diskutuar gjatë a të futet shprehja dorëheqje a jo. Unë me sa di, ndërkombëtarët, këtë po e them sinqerisht, kanë bërë presion mbi ne, jo në kuptimin fizik e intelektual, por nuk na e kanë marrë fare parasysh këtë. Ai është një lëshim qëllimor që të përdoret në momente të caktuara nga po dihet... Kemi insistuar që shprehimisht të jetë shprehja dorëheqje”, ka thënë ai për gazetën.

Kelmendi insiston se fjala dorëheqje ka qenë e shkruar në tekstet paraprake gjatë hartimit të draftkushtetutës.

“Kur është marrë vendimi që të shkojë teksti, ndoshta nuk është shtypur. Gjithçka ndodh te ne”, ka thënë ai.

Kushtetutat e rajonit

Ndryshe nga Kushtetuta e Kosovës, kushtetutat e vendeve të rajonit - pa përjashtim - përmendin aktin e dorëheqjes nga ana e Presidentit. Kushtetuta e Shqipërisë, ajo e Maqedonisë, e Malit të Zi, e Kroacisë dhe e Serbisë e precizojnë qartë këtë çështje.

“Mandati i Presidentit të Malit të Zi pushon me skadimin e mandatit, me dorëheqjen e tij dhe me pamundësinë e ushtrimit të funksionit të Presidentit”, shkruan në nenin 98 të Kushtetutës së Malit të Zi.

Ngjashëm shkruan edhe në Kushtetutën e Maqedonisë. “Në rast të vdekjes, dorëheqjes, pamundësisë së përhershme që ta ushtrojë funksionin ose pushimit të mandatit sipas fuqisë së Kushtetutës, deri në zgjedhjen e Presidentit të ri të Republikës, funksionin e Presidentit të Republikës e ushtron Kryetari i Kuvendit”, shkruan në nenin 82 të Kushtetutës maqedonase.

“Në rast të vdekjes, dorëheqjes e cila i dorëzohet Kryetarit të Gjykatës Kushtetuese të Republikës së Kroacisë dhe për të cilën njoftohet Kryetari i Parlamentit të Kroacisë, ose kur Gjykata Kushtetuese vërteton arsyet për ndërprerje të mandatit të Presidentit të Republikës, detyrën e Presidentit të përkohshëm të Republikës sipas Kushtetutës e merr Kryetari i Parlamentit”, shkruan ndërkaq në nenin 96 të Kushtetutës së Republikës së Kroacisë.

Edhe Kushtetuta e Serbisë përmend dorëheqjen e Presidentit. “Mandati i Presidentit pushon kur ai dorëzon dorëheqjen e tij në Kuvendin Popullor”, thuhet në nenin 116 të Kushtetutës së Serbisë.

Edhe Kushtetuta e Shqipërisë flet për dorëheqjen e Presidentit, por jo në pjesën kur përmend arsyet e pushimit të mandatit, por në pjesën se si zgjidhet Presidentit.
“Presidenti që jep dorëheqje para mbarimit të mandatit të vet, nuk mund të kandidojë në zgjedhjen presidenciale që bëhen pas dorëheqjes së tij”, thuhet në nenin e 88 të Kushtetutës së Shqipërisë.

(Më gjerësisht rreth kësaj teme mund të lexoni në numrin e sotëm të Express-it)

[Nice_Boy]

KD: Presidenti ka planifikuar dorëheqjen

Duke i raportuar komentet e para të presidentit Fatmir Sejdiu për vendimin e Gjykatës Kushtetuese si jo serioze, Koha Ditore shkruan se kreu i shtetit ka kontestuar vendimin e Gjykatës Kushtetuese rreth rastit të tij, por ka dhënë zotimin se do ta respektojë atë.




“Unë kam marrë informacion, por nuk kam marrë vendimin dhe natyrisht përgjigjen time të drejtpërdrejtë lidhur me vendimin dhe pjesën shpjeguese të tij do ta jap pasi ta studioj... Gjykata Kushtetuese nuk preferon se çfarë duhet të bëjë presidenti”, ka thënë Sejdiu në adresimin e parë për media pas konstatimit të Gjykatës se ai ka bërë shkelje serioze të Kushtetutës, duke mbajtur njëkohësisht edhe postin e presidentit të vendit edhe të kryetarit të LDK-së.

Edhe pse ka mohuar të ndërmarrë në një të ardhme të afërt hapin e lënies së postit të presidentit, burime të afërta me të i kanë thënë gazetës se këtë opsion Sejdiu e kishte në kokë që në New York. Sipas tyre, presidenti ka pasur një skenar tjetër, para se të nisej për në Kosovë.

“Është pritur që presidenti të ofronte dorëheqjen menjëherë, apo së paku, dikush nga kabineti i tij ta paralajmëronte atë për në orët e mbrëmjes. Por, e gjitha ka ndryshuar pas konsultave që presidenti i ka zhvilluar me akterë të caktuar politikë dhe rrjedhimisht është vendosur që ai ta presë njëherë vendimin e Gjykatës”, ka thënë burimi i gazetës.

Vetëm dy orë para kthimit të presidentit në Prishtinë, dy deputetët që e kanë iniciuar lëndën e tij në Gjykatë, Naim Rrustemi dhe Driton Tali, kanë shfaqur bindjen se i pari i shtetit do të japë dorëheqje dhe nuk do të presë shkarkimin nga Kuvendi i Kosovës.

Për bindjen e këtij deputeti, kthimi i presidentit kah LDK-ja do të ishte shumë me vend, pasi kjo parti, siç ka thënë ai, ka nevojë për një kryetar funksional.

Vendimi i Gjykatës Kushtetuese se presidenti ka bërë shkelje serioze, pashmangshëm pritet të derivojë efekte politike. Se a do të jenë të rënda apo të lehta ato efekte, drejtori ekzekutiv i KIPRED-it, Ilir Deda, ka thënë se do të varet kryesisht nga Lidhja Demokratike e Kosovës.

Sipas tij, nëse LDK-ja ka dinjitet dhe e respekton vendimin e Gjykatës, mund të dëmtohet në këtë fazë, mirëpo në një proces më afatgjatë, do t’i ndiente efektet pozitive, sepse do të shkonte drejt reformimit të saj. /KD

[KILI MERTURI]

Luja sejdiu komunisti : "kUSHTETUTA JAM UNË"

Sa mirë që veq mbeturinat e komunizmit (antikombëtarët) e mbrojn këtë fosil komunist!

Nuk jap dorheqje ky deri sa te cofë si ai para këtij!

ANi mafija po e këkojka dorheqjen.
Kush është mafia ?

sejdiu me "KUSHTETUTA JAM UNÊ" nuk thot dicka tjetër vetëm "MAFIA JAM UNÊ"

Kili
SHQIPËRIA ETNIKE ËSHTË GJAKU IM QË NUK FALET!
BAC, U KRYMB!