Presidenti Fatmir Sejdiu jep doreheqjen nga posti i presidentit

[Jeton Aliu]

Tani je shume konfuz nje her thua se nuk jam qe kryetar te jet demaqi por as kunder nuk je,te lutem qfar ke dashte me then,tema eshte se a duhet me qen apo jo,e sipas teje edhe me qen edhe mos me qen!!!!!!!!
Ti thua qe eshte enciklopedi e gjall,kete per her te par po e ndegjoj,por nese mundesh te na tregosh se me qka njeihet si enciklopedi,ne qoftse thua se ka qendru ne burg,ateher ai nuk ka pas mundesi te behet enciklopedi perkundrazi ka qen i izoluar dhe ka mbet shume mbrapa me realitetin.
Dihen gafat e tij te cilat i kushtuan shume,sepse nuk mundi ti fus hundet akund,ne A e perzun edhe jaranat e vet.
Ne qoftse ademi behet kryetar te jesh i sigurt qe ne kosove do behet llug,neve na duhet njeri i menqur i shkolluar i respektuar nga populli e jo matufa qe te vetmen fjali din me than te posht e perpjet

heheh
lexo edhe nje here shkrimin tim andaj e kupton permbajtjen se nuk e paskeni kuptue aspak

[KILI MERTURI]

Deri në zgjedhjet e ardhëshme , me gjasë të parakohshme , do të ishte mirë që postin e kryetarit të vendit ta zente Flora Brovina.

Adem Demaci është i pensionuar . Vetëm ai vet dhe disa këtu në forum nuk e kan kuptuar ende këtë!

Kili
SHQIPËRIA ETNIKE ËSHTË GJAKU IM QË NUK FALET!
BAC, U KRYMB!

[Llapi]

Tash Duhet Te Jep Dorheqje Edhe Traktoristi Zotri Hashim Thaqi Dhe Largohet

haaaaaaa
maj ymyd se ndoshta ban shelnja rrush naj here

[Llapi]

Zgjedhjet sivjet
Diplomatët perëndimorë po shtyjnë opsionin që zgjedhjet e parakohshme parlamentare të mbahen këtë vit. Kjo është zgjidhje e pranueshme edhe për PDK’në dhe LDK’në. AKR, ndërkaq, nuk është kundër. Por, LDD nuk beson në organizim të mirëfilltë të zgjedhjeve brenda 45 ose 60 ditësh, derisa AAK po mendon për bojkotim të procesit elektoral.

Nga Bekim Greiçevci më 29.09.2010 në ora 8:37
Dy palë konsultimesh po zhvillohen me partitë politike për të parë se cila është rruga më e mirë për dalje nga kriza pas dorëheqjes së Fatmir Sejdiut nga posti i Presidentit të Kosovës.

Përveç ushtruesit të detyrës së Presidentit të Kosovës, Jakup Krasniqi, me partitë më të mëdha politike në vend po konsultohen edhe ambasadorë të shteteve të Quintit.

Opsioni që po mbështetet nga shumica e ambasadorëve perëndimorë dhe disa nga partitë politike, është mbajtja e zgjedhjeve të parakohshme parlamentare gjatë këtij viti, kanë thënë burime të gazetës Express.

“Nuk ka ende marrëveshje, por opsioni që po shtyhet përpara është që zgjedhjet të mbahen në fund të nëntorit”, kanë thënë burime të gazetës.

Në këtë rast, zgjedhjet parlamentare do të duhej mbajtur jo më vonë se 45 ditë nga shpallja e tyre.

Në cilësinë e ushtruesit të detyrës së Presidentit të Kosovës, Jakup Krasniqi ka mbajtur takime të ndara me tre drejtues të partive parlamentare: Blerim Shala (AAK), Ibrahim Gashi (AKR) dhe Nexhat Daci (LDD), me të cilët ka biseduar për zhvillimet politike në vend.

“Zoti Krasniqi, gjatë ditëve të ardhshme, po në këtë cilësi, do të presë edhe drejtues të partive të tjera politike”, ka njoftuar Zyra për Informim e Kuvendit të Kosovës.

Për çështjen e zgjedhjeve, Kryeministri Hashim Thaçi ka pasur të martën takime me ambasadorë të Quintit si dhe me Shefin e ICO’së, Pieter Feith.

Burime të Express, të afërta me takimet që janë zhvilluar mes ambasadorëve dhe përfaqësuesve të institucioneve të Kosovës, thonë se ekziston konsensus i plotë në mesin e perëndimorëve se zgjedhjet duhet të mbahen këtë vit.

“Të gjithë pajtohen që vendi duhet të shkojë në zgjedhje të jashtëzakonshme. Këto zgjedhje duhet të mbahen deri në fund të këtij viti. Tash mbetet që të përcaktohen modalitetet dhe data e mbajtjes së zgjedhjeve”, ka thënë një burim i gazetës.

Dy partitë më të mëdha në vend, PDK’ja dhe LDK’ja, pranojnë se koalicioni mes tyre është goditur me dorëheqjen e Sejdiut.

Nënkryetari i LDK’së, Eqrem Kryeziu, thotë se balanca mes partnerëve në Qeveri është prishur për shkak se Sejdiu ka qenë njëri nga nënshkruesit e marrëveshjes për koalicion me PDK’në e Hashim Thaçit.

Në një intervistë për BBC’në, Kryeziu ka deklaruar se fati i koalicionit do të dihet brenda dy javësh duke mos përjashtuar as opsionin e prishjes së tij dhe mbajtjen e zgjedhjeve të parakohshme.

“Ne jemi gjithmonë gati për çdo variant. Nuk mbesin peng proceset në Kosovë për shkak të LDK’së”, ka thënë ai.

Opsioni tjetër për dalë nga kriza aktuale - zgjedhja e një Presidenti të ri nga radhët e LDK’së, nuk përkrahet nga PDK’ja.

Zyrtari i kësaj partie, Ramë Buja, ka thënë se po të ishte mundësia kushtetuese ligjore që LDK’ja ta dërgonte një kandidat tjetër për të vazhduar mandatin e Sejdiut, kjo do të ishte në rregull.

“Por në fakt ka një defekt në Kushtetutë që Presidenti që do të zgjidhet, do të ketë mundësi të zgjidhet vetëm për një mandat të plotë dhe kjo pastaj i defekton gjërat. Nuk përjashtohet mundësia që të shkohet edhe në zgjedhje të parakohshme”, ka thënë Buja.
Partia më e zëshme opozitare që në vazhdimësi ka kërkuar dorëheqjen e Qeverisë dhe zgjedhje të përkohshme, AAK’ja, është kundërshtarja më e madhe e votimit të parakohshëm.

Disa zyrtarë të saj kanë paralajmëruar edhe bojkot të procesit zgjedhor.

Nënkryetari i AAK’së, Naim Maloku, ka thënë se pohimet dhe pritjet që zgjedhjet të thirren qysh në nëntorin e këtij viti, janë të parealizueshme.

Sipas tij, arsyet për këtë janë procedurat e domosdoshme ligjore që marrin kohë, por edhe mungesa e liderit të partisë, Ramush Haradinaj.

“Sipas Kushtetutës, duhet që koalicioni qeverisës ta propozojë kandidatin për President në Kosovës, të vijë në Kuvend dhe në qoftë se nuk kalon në tre rrathë, pastaj mund të flasim për procedura të tjera të parapara me Kushtetutë dhe ligje të Kosovës”, ka thënë Maloku.

Ndërkaq, Nënkryetari i AKR’së, Ibrahim Gashi thotë se partia e tij konsideron se dorëheqja e Presidentit ka krijuar një situatë që nuk mund të tejkalohet lehtë dhe si rrugëdalje vlerësohet mbajtja e zgjedhjeve.

“Si zgjidhje në tërë këtë kemi parë zgjedhjet e parakohshme, sepse situata e krijuar në Kosovë kërkon njëfarë legjitimiteti të ri institucional të institucioneve të Kosovës. Natyrisht se nuk kemi menduar se kur do të jenë zgjedhjet, a do të jenë në fund të nëntorit, apo kur do të jenë? Por edhe nëse do të jetë ashtu, konsideroj se AKR’ja do t’iu përgjigjet dhe është e gatshme të hyjë në zgjedhje”, ka thënë Gashi.

Partia tjetër opozitare, LDD’ja, nuk është e bindur se Kosova mund të përgatisë zgjedhje sivjet.

“Kosova nuk ka dhënë shembuj të mirë në organizimin e mirë të zgjedhjeve. Nuk guxojmë të hyjmë në aventura të tilla për të improvizuar diçka. Nuk guxojmë të plotësojmë ambicie të politikave ditore”, ka thënë Nënkryetari Lulzim Zeneli.
Ai shtoi se Kosova nuk mund të organizojë zgjedhje “për 45 ose 60 ditë, siç po përmendet”.

Komisioni Qendror për Zgjedhje (KQZ) nuk është treguar efikas para një viti, kur u mbajtën zgjedhjet lokale.

Kryetarja Valdete Daka thotë se KQZ’ja është e detyruar të organizojë zgjedhje kurdo që shpallen ato, por nuk ka përgjigje se a ka kapacitete ky institucion të përgatitet teknikisht për zgjedhje të jashtëzakonshme.

“KQZ’ja ka obligim ligjor të organizojë zgjedhjet kurdo që shpallen ato dhe këtë organizim e bën sipas ligjit. Me përgatitje teknike të zgjedhjeve merret Sekretariati i KQZ’së”, ka thënë ajo.

Gjatë ditës së djeshme, ka qenë e pamundshme të kontaktohet Sekretariati i KQZ’së.

[Nice_Boy]

Fitorja e Fatmir Sejdiut

Nexhmedin Spahiu

-Derisa Hashim Thaçi investoi në përçarjen e LDK-së tani rrezikohet përçarja e PDK-së.
-Tani Fatmir Sejdiu e ka rrugën hapur për kryeministër të Kosovës.


Fatmir Sejdiu udhëhoqi një politikë të urtë e te butë në kufijtë e nënshtrimit saqë krijohej përshtypja se Kosova ka vetëm kryeministër, por jo edhe president. Dita kur Fatmir Sejdiu u tregua tamam burrë shteti ishte ajo kur ai dha dorëheqje nga posti i Presidentit. Kjo ishte dita kur Sejdiu i tha partnerit të koalicionit se nuk shkon më tej, se deri këtu e ka kufirin durimi e toleranca. Ironia ishte se kjo ndodhi pikërisht në pikën ku ai kishte lëshuar pe më së shumti: përbërjen e Gjykatës Kushtetuese të Kosovës. Nga 4 gjykatës nga radhët e komunitetit shqiptar për Gjykatën Kushtetuese të Kosovës, koncensuesi u arrit që PDK t’i kishte 3 njerëz të vet, AAK një, ndërsa LDK asnjërin. Vetë formulimi i Kushtetutës që presidenti nuk guxonte të ushtronte ndonjë post tjetër ishte një formulë kompromisi që Sejdiu e kishte pranuar urtë e butë. Ai nuk insistoi që formulimi i kushtetutës të jetë që presidenti i Kosovës ta ketë të drejtën e drejtimit të partisë siç e ka presidenti i Serbisë, Boris Tadiq, por nuk deshi të ishte një president politikisht i pafuqishëm si ai i Shqipërisë, Bamir Topi, i cili ka dhënë tërësisht dorëheqje nga partia.

Sipas marrëveshjes me partnerin e koalicionit dhe me protektorët e Kosovës ai mbajti të ngrirë pozitën e kryetarit të partisë deri në momentin kur partneri deshi ta poshtërojë edhe më tej duke e turpëruar me vendim gjykate kushtetuese. Por kjo ishte gracka ku Sejdiu nuk ra. Vendimi për dorëheqje ishte një shuplakë e fortë për Hashim Thaçin, i cili po investonte në zvetënimin e LDK-së duke i fryrë përçarjes së saj. Kthimi i Sejdiut në LDK tani e bënë LDK-në kërcënim serioz për PDK-në. Në anën tjetër, marrja e dy funksioneve të para të shtetit nga ana e Jakup Krasniqi i jep atij fuqi politike dhe pozicion të tillë ku ai nuk mund t’i lejojë vetit të sakrifikohet për akrobacionet politike të Hashim Thaçit. Në interesin e Jakup Krasniqit është që ai t’i mbajë këto dy funksione sa më gjatë që është e mundur, të paktën 6 muaj, aq sa lejon kushtetuta. Në interesin e Hashim Thaçit është që sa më parë të vendosë ndonjë të propozuar të LDK-së në mënyrë që t’i fryjë përçarjes në LDK.

Një variant më pak i mundshëm por më shumë i lakmueshëm për Hashim Thaçin do të ishte bërja e Behxhet Pacollit president i Kosovës. Arsyeja është se partinë e Pacollit, Thaçi e ka gërryer nga brenda dhe shumica e degëve të AKR-së janë më lojale ndaj Thaçit se sa ndaj Pacollit. Pacolli, në këtë rast, do të ishte politikisht shumë më i pafuqishëm se Sejdiu e se cilido kandidat nga radhët e LDK-së, tamam ashtu si i leverdisë Hashim Thaçit. Plus që Pacolli si President mund ta shëtiste Thaçin anë e kënd botës duke e takuar atë me aq mbretër, presidentë e kryeministra sa Thaçi përndryshe nuk do të mund t’i takonte edhe sikur të ishte 100 vjet kryeministër. Por, bërja e Pacollit President të Kosovës ka një problem numrash në Parlament. 33 deputetët e PDK-së e 9 të AKR-së bëjnë 42. Do të duhen edhe 9 deputetet e Dacit dhe më shumë se gjysma e minoriteteve për ta zgjedhur presidentin me rundin e tretë me 61 vota. Por, pazari i Dacit nuk mund të jetë më poshtë se kryetar Parlamenti. Kështu, për ta arritur këtë objektiv politik, Thaçit i duhet ta sakrifikojë Jakup Krasniqin. Por a është e pritshme që Jakup Krasniqi të sakrifikohet për të forcuar pushtetin e Hashim Thaçit? A është e pritshme që Jakup Krasniqi nga pozita e 01-shit e 02-shit të shtetit të pranojë vullnetarisht të jetë bishti i kavallit?

Në anën tjetër, Thaçit do t’i duhet fuqi më e madhe politike për bisedimet me Tadiqin. Lëshimet që Thaçi pritet t’ia bëjë Tadiqit do të mund ta zvetënojnë rrolin e tij si lider i PDK-së ashtu që një pjesë e kësaj partie do t’i bashkohet Albin Kurtit. Në shikim të parë duket se Thaçi politikisht i eliminoi me radhe të gjithë rivalët e vet: Demaçin, Qosjen, Surroin, Dacin, Ramushin dhe se fundit Sejdiun (pa harruar edhe rivalin brenda PDK-së Fatmir Limajn). Nga të gjithë këta, Sejdiu iu nënshtrua më së shumti Thaçit, por me gjasë, Sejdiu do të jetë ai që do ta mbijetojë politikisht Thaçin. Ajo çfarë i duhet tani Sejdiut është kurs politik i orientuar qartë në konsolidimin e LDK-së dhe synimi për vete i postit të kryeministrit në zgjedhjet që po e presin Kosovën. Çfarëdo kalkulimi tjetër e bënë atë ta humbë nga dora fitoren që tashmë e ka në grusht.

[KILI MERTURI]

Athu sa do të denohet për thyreje të ligjit, Fatmir zeza?!!!


Kili
SHQIPËRIA ETNIKE ËSHTË GJAKU IM QË NUK FALET!
BAC, UKRYMB!

Edhe , ju lutem si nuk keni turp me sjell shkrime të Nexhmedin lopes në këtë forum.

Po nejse, mbase është një temë që është duke u biseduar për njerëz të kalobrit spahiu, sjellni !

[KILI MERTURI]

[QUOTE=Llapi;2879131]



Sa po përshtatet ambientit ky simbol i kosovarëve.
Mos e pafsha ket leckë kurrë afër flamurit tonë kombëtarë!

Kili
SHQIPËRIA ETNIKE ËSHTË GJAKU IM QË NUK FALET!
BAC, UKRYMB!

[fattlumi]

Nje analize teper e sakte e bere nga Enver Robelli lidhur me doreheqjen e kryetarit Sejdiu.


Shkruan: Enver Robelli

Kjo që ndodhi me kryetarin e Kosovës, i cili dha dorëheqje dje, ishte njëri ndër kapitujt me të errët të Kosovës së pavarur. Thuajse ky vend nuk kishte mjaft probleme – prej një Qeverie të korruptuar financiarisht dhe moralisht deri te sistemi i nepotizmit ekstrem, reketimit dhe krimit të (pa)organizuar. Listës së problemeve iu shtua edhe një kryetar që e ka shkelur ligjin themelor të shtetit, duke ushtruar njëkohësisht edhe funksionin e shefit të partisë. Opinioni këto ditë mund ta paramendonte kryetarin e këtij vendi duke lobuar për njohjen e Kosovës nëpër kthinat dhe korridoret e Organizatës së Kombeve të Bashkuara (OKB) në New York dhe mund të përfytyronte, gjithashtu, se të rrallë do të kenë qenë ata burrështetas dhe diplomatë që e kanë marrë seriozisht Fatmir Sejdiun. Si mund të kërkojë njohje diplomatike për vendin e tij një funksionar shteti, i cili është shkelës i Kushtetutës, siç e konstatoi Gjykata Kushtetuese e Republikës së Kosovës? Besueshmëria edhe ashtu e luhatur e kryetarit u shkatërrua me vendimin e gjykatës. Ekzistonte rreziku që Sejdiu të merrej seriozisht vetëm nga ndonjë regjent apo potentat i mësuar me puçe ushtarake, por jo liderët e botës demokratike. Si kryetar ai e dëmtoi rëndë kredibilitetin e shtetit dhe për këtë duhet të jenë të vetëdijshëm të gjithë, më së shumti, natyrisht, vetë shkelësi i Kushtetutës, Fatmir Sejdiu. Për këtë kapitull të errët Kosova nuk ka pasur nevojë, sepse edhe ashtu është një vend me stabilitet të rrezikuar nga nacionalistët serbë në veri, nga Qeveria e Beogradit dhe - mbi të gjitha - nga një klasë politike sunduese e përzier në afera korruptive. Në vend se të pranonte menjëherë vendimin e gjykatës dhe të tërhiqej nga posti i presidentit, Sejdiu të shtunën, pas kthimit nga New Yorku, u fut në një polemikë mendjeplogët jo vetëm me Gjykatën Kushtetuese, por edhe me opinionin publik dhe me mediet. I qortoi gjykatësit, bëri disa akrobacione juridike të pakuptimta dhe sulmoi gazetarët, duke i akuzuar gati-gati për komplot kundër tij. Një kryetar që bën akuza të tilla e katapulton veten automatikisht jashtë sistemit demokratik. Kryetari ishte mllefosur pse gazetarët donin të dinin se çfarë do të bënte ai tani si shkelës i Kushtetutës? Po kjo është ngjarje me interes të jashtëzakonshëm publik! Ai u zemërua pse Radiotelevizioni i Kosovës (RTK) po e transmetonte drejtpërdrejt paraqitjen e tij në Aeroportin e Prishtinës. Ai u ankua se RTK-ja s’kishte bërë gjë për të. Këto janë akuza të padrejta, sepse një politikan që sadopak merr vesh nga demokracia duhet ta ketë të qartë se mediet nuk janë në shërbim të tij, por të së vërtetës. Kritikë tjetër, më thelbësore kundër RTK-së Sejdiu ose nuk diti, ose nuk guxoi të bënte ditën e shtunë. Vetë Sejdiu dhe partia e tij i kanë ndihmuar partnerit të koalicionit (PDK-së), që Televizionin e ashtuquajtur publik ta shndërrojë në një zadrugë propagandistike të Hashim Thaçit dhe rrethit të tij. Aq është degraduar puna në RTK, saqë kryeredaktori i saj i vërtetë, Hashim Thaçi, kur shkon në vizitë në Bruksel vetë e cakton se cili gazetar duhet ta përcjellë. LDK-ja është pjesëmarrëse në këtë mizori kundër parimeve thelbësore të gazetarisë. LDK-ja e ka duruar me vite të tëra një Bord joefektiv të RTK-së dhe e ka përpirë zgjedhjen e Bordit aktual, i cili, me ndonjë përjashtim, përbëhet prej personave që janë të lumtur që marrin një rrogë nga buxheti i Kosovës. Pra, është hipokrizi që Sejdiu u përpoq të luajë rolin e idhnakut ndaj RTK-së, kur kjo gjendje në Televizionin e ashtuquajtur publik është krijuar me pjesëmarrjen e LDK-së. Sa u përket medieve të pavarura Sejdiu do të bënte mirë t’i linte ato të kryenin punën e tyre në interes të opinionit. Ai nuk duhej t’i bënte fajtorë mediet për krizën politike, në të cilën e ka futur vendin. Arsyetimet që i gjeti kryetari kushtetutshkelës për të qëndruar në post ishin vërtet trishtuese dhe të padenja jo vetëm për një jurist. Para disa ditësh Sejdiu thoshte: „Kategoria e mosushtrimit të funksionit është formulë politike“. Të shtunën, në Aeroport, tha: „Ngrirja e postit është kategori kushtetuese“. Para disa ditësh ai njoftoi se përfaqësuesit e tij i kanë dërguar provat në Gjykatën Kushtetuese dhe shprehu besimin se ato janë mjaft të qarta. Të shtunën, në Aeroport, i njëjti person, pra Fatmir Sejdiu, tha: „Ekipit tim nuk i është dhënë mundësia që të prezantojë faktet“. Cila është e vërteta? Neni 88 i Kushtetutës së Republikës së Kosovës e thotë qartë: „1. Presidenti nuk mund të ushtrojë asnjë funksion tjetër publik. 2. Pas zgjedhjes, presidenti nuk mund të ushtrojë asnjë funksion në parti politike.“ Ky nen nuk lë vend për dykuptimësi. Një ndër arsyetimet e Sejdiut ishte se e ka ngrirë postin e kryetarit të LDK-së. Ngrirja dhe shkrirja janë procese kimike, por jo politike dhe kushtetuese. Ekzistojnë dëshmi, madje edhe publike, të cilat tregojnë se Sejdiu, me gjithë përbetimet e tij se nuk e ka ushtruar funksionin e kryetarit të LDK-së, këtë e ka bërë vazhdimisht. Dihen me emra aktivistët e LDK-së, të cilët ai ilegalisht i ka ftuar në zyrën e tij për të diskutuar për punët e partisë. Dihen emra të aktivistëve politikë lokalë, të cilët i ka ftuar në zyrë dhe i ka lutur të kandidojnë për poste publike në emër të LDK-së. Dihet se si kryetar i LDK-së ka marrë vendim për shkarkimin e Blerim Kuçit, i cili nga kryesia ishte autorizuar të reformonte partinë. Dihet se si shef i LDK-së Sejdiu ka marrë vendime për emërim dhe shkarkim ministrash. Dihet se ka negociuar me kryeministrin Thaçi për ndryshimet në Qeveri. Dihet se si kryetar i LDK-së ka qenë pjesëmarrës në procesin e kalimit të Partisë Reformiste Ora në LDK. Dihet se në dokumentet e dorëzuara në Komisionin Qendror të Zgjedhjeve emri i tij figuron si kryetar i LDK-së. Përballë këtyre fakteve gjykatësit erdhën në përfundimin e vetëm të mundshëm: kryetari ka shkelur seriozisht Kushtetutën! Të shtunën kryetari u ankua se Gjykata vetëm ka dhënë një vendim të vetin, por nuk ka rekomanduar se çfarë duhet bërë. Kjo nuk është detyrë e Gjykatës Kushtetuese dhe është skandaloze të pritet rekomandim nga gjykata. Konsekuenca që e sugjeron Gjykata Kushtetuese është e vetëkuptueshme: kryetari duhet të largohet ose nga posti shtetëror, ose nga ai partiak. Sejdiu dha dorëheqje të hënën jo nga bindja se e ka dëmtuar shtetin, por pas presionit të madh të opinionit dhe të diplomatëve perëndimorë në Prishtinë. Nga spektri politik i Kosovës ditëve të fundit u dëgjuan zëra negativë ndaj vendimit të Gjykatës Kushtetuese, madje deri në kërkesën për shpërbërjen e saj. Këtu s’mbetet gjë tjetër veçse ta citojmë autorin e njohur gjerman, Bertolt Brecht, i cili thoshte: “Është konstatuar se populli ynë është një kope e marrë e deshve, prandaj e këshillojmë qeverinë të zgjedhë një popull tjetër”. Pra, sipas kësaj logjike, pas shpërbërjes së Gjykatës Kushtetuese duhet të shpërbëhet edhe populli i Kosovës. Pastaj, nuk do ishte befasi sikur klasa sunduese politike të kërkonte zgjedhjen e një populli tjetër. Shprehja e habisë se pse është lejuar që kryetari të shkelë Kushtetutën tani është e vonshme. Deputetët e Kuvendit të Kosovës duhet të jenë aq të moralshëm dhe të pranojnë se këtë skandal e kanë mundësuar edhe ata vetë, sepse nuk kanë pasur kurajë që “dosjen Sejdiu” ta dërgojnë me vakt në Gjykatën Kushtetuese. Deputetët, me përjashtim të këtyre 32 përfaqësuesve, që më në fund gjetën guximin ta sjellin këtë çështje në gjykatë, janë bashkëpjesëmarrës në shkeljen e Kushtetutës. “Për çdo marrëzi që ndodh nuk është fajtor vetëm ai që e bën, por edhe ata që nuk e kanë penguar”, thoshte dikur shkrimtari gjerman Erich Kästner. Përveç shkeljes së Kushtetutës për çka do të mbahet në mend kryetari i deritanishëm i Kosovës Fatmir Sejdiu? Gjithsesi për heshtjen e tij stoike përballë korrupsionit. Frazat se të gjithë janë të barabartë para ligjit nuk thonë asgjë. Madje edhe këto fraza kryetari filloi t’i përmendë vetëm pasi presioni i opinionit publik kundër rasteve të korrupsionit u bë i madh. Sejdiu do të mbahet në mend edhe për ndërtimin e një sistemi nepotist, që mund të sqarohet vetëm me nepsin për shumëfishim të pasurisë. Ditë më parë në këtë gazetë janë botuar hollësi mbi pasurimin e familjarëve të tij. Një gjë e tillë nuk ka qenë e mundshme pa proteksionizmin aktiv të kryetarit tashmë të larguar. Sejdiu nuk u dëshmua si kryetar që përfaqëson unitetin e popullit, nuk mbajti asnjë fjalim që do mbetet në kujtesën e shoqërisë, përveç vizitës në Gjermani nuk tregoi ndonjë vizion për politikë aktive të jashtme, nuk i nderoi as me medalje, as me fjalë asnjë nga personalitetet ndërkombëtare, të cilat në vitet 90-të e mbështetën fuqishëm politikën e Ibrahim Rugovës kundër represionit të Beogradit. Si kryetar i LDK-së ai nuk mbajti asnjë mbledhje të partisë në rezidencën e presidentit historik të Kosovës. Lidhja Demokratike e Kosovës duhet të mendojë tani se çfarë fiton Kosova dhe vetë partia nëse Sejdiu përpiqet të qëndrojë në krye të LDK-së. Përvoja e keqe e deritanishme është indikatori më i saktë i së ardhmes. Nëse Sejdiu në të kaluarën s’ka bërë ndonjë punë të hairit në interes të shtetit, madje e ka dëmtuar atë duke shkelur Kushtetutën, atëherë diçka pozitive nuk mund të pritet as në të ardhmen. Ai do të jetë vetëm mbrojtës i gjendjes ekzistuese të pashpresë në LDK dhe i interesave personale, familjare, të akraballëkut dhe duke favorizuar në parti figura të diskredituara. Do të vazhdojë me të vjetrën, për shembull duke vaditur interesat e ngushta, siç ka qenë rasti i ndërrimit të emrit të shkollës në Kërpimeh - nga “Azem Bejta” në “Hamit Sejdiu”, i cili është gjyshi i ish-kryetarit. Njëjtë po vepron edhe Hashim Thaçi. Para disa ditësh televizioni “Klan” raportoi se në një libër të historisë për shkollat fillore shkruan se pavarësinë e ka shpallur Hashim Thaçi dhe jo Kuvendi i Kosovës. Kjo mendësi e kidnapimit të historisë dhe të shtetit e ka sjellë Kosovën në këtë qorrsokak politik. Kosova duhet t’ua kthejë shpinën këtyre politikanëve nëse ata nuk përmirësohen radikalisht. Por, siç e ka thënë Bertolt Brecht, asnjë marshim nuk është më i vështirë se ai drejt kthimit te arsyeja e shëndoshë. Tani Lidhjes Demokratike të Kosovës i duhet një lider i ri, i cili ka vizion për ringjalljen e partisë, luftimin e nepotizmit dhe korrupsionit si dhe realizimin e një strategjie për zhvillimin e vendit dhe integrimin në Bashkimin Evropian. Sejdiu do t’i ndihmonte shumë vendit sikur të mos e pengonte këtë proces. Pas dorëheqjes ai nuk ka ndonjë arsye të jetë i shqetësuar për mirëqenien materiale. Si ish-kryetar do t’i gëzojë shumë privilegje të majme. Do të bënte mirë nëse i kthehet arsyes së shëndoshë dhe së paku t’i kërkonte falje popullit të Kosovës për shkeljen e Kushtetutës. Arsyetimet sikur dje, kur tha se ka besuar se nuk e ka shkelur Kushtetutën vetëm e degradojnë edhe më shumë figurën e tij si politikan, si profesor, si jurist dhe si njeri.

[Nice_Boy]

Jakup Krasniqi respekton stemën e presidentit Ibrahim Rugova

Kush ka mundur të besojë se Jakup Krasniqi do të ushtrojë dy poste të larta shtetërore, atë të presidentit të shtetit dhe të kryetarit të Kuvendit të Kosovës. Por duket se kjo është e mundshme. Pas dorëheqjes së presidentit Fatmir Sejdiu, Jakup Krasniqi është edhe u.d i presidentit të Kosovës dhe kryetar i Kuvendit të Kosovës.

Por kush mundur të besojë se Jakup Krasniqi do të respektojë në mënyrë institucionale stemën e Presidencës së Kosovës, të propozuar nga presidenti Ibrahim Rugova. Pra stemën me pamjen e flamurit të Dardanisë që ishte propozuar nga presidenti Ibrahim Rugova edhe si simbole të shtetit të Kosovës. Ata që nuk e besojnë këtë, mund të hyjnë në vebfaqe të Presidencës së Kosovës dhe aty mund të shihni se në mes të logos së shtetit të Kosovës dhe logos së Presidencës me vulë të rrumbullakët dhe pamje të flamurit të Dardanisë është i shkruar emri i u.d. presidentit të Kosovës Jakup Krasniqi. Në skaj të vebfaqes aty ku ka qenë fotografia e presidentit Sejdiu, tash “valon” fotografia e Jakup Krasniqit.

Jo vetëm në sport por edhe në politikë vlen sintagma: “ E pabesueshme por e vërtetë!”


http://www.botasot.info/reklama/fotolajm-bm.jpg

[Brari]

edhe se nuk i njoh nga afer zhvillimet ne kosove sikurse i njeh nexhmedin spahiu..perseri mendoj se analiza e tij eshte larg objektivitetit..
e vetmja gja interesante ne at shkrim eshte se na tregon.. qe gjykatesit shqiptar te gjykates kushtetuese qenkan te PDK-se..
e kjo ka vlere..
e nga kjo mund te kuptojm lojen..
tjerat pastaj jan krejt fantazi..
kte Robellin nuk e kam lexu akoma..