Arrestohen 9 serbë, përgjegjës për masakrën në Qyshk të Pejës

[fattlumi]

Prokuroria për krime lufte në Serbi njofton se policia ka arrestuar nëntë ish paraushtarakë të akuzuar për vrasjen e rreth 200 shqiptarëve gjatë luftës në Kosovë.

Ata akuzohen si të dyshuar për kryerjen e krimit të luftës në Qyshk të Pejës, më 14 maj të vitit 1999.

Aksioni për ndaljen e këtyre personave është zhvilluar me urdhër të Prokurorisë për krime të luftës, ndërsa siç raportojnë mediat serbe, bëhet fjalë për pjesëtarët e formacionit paraushtarak "Çakej", të mbrojtjes territoriale dhe njësisë rezervë të policisë, të cilëve u ka prirë Nebojsa Minic.

Me urdhër të Tribunalit të Hagës, Minic ishte arrestuar në vitin 2005 në Argjentinë, mirëpo kishte vdekur pak kohë pas arrestimit të tij.

Prokurori Bruno Vekariç tha se gjithsej 26 trupa serbe akuzohen për masakrën e ndodhur në Qyshk të Kosovës në maj të vitit 1999.

Vekariç shtoi se shumë nga të akuzuarit jetojnë jashtë Serbisë.

[argjenddre]

Hmm po e di per kend e ki fjalen ne qyshk , sepse une jetoj ne pej.

[fattlumi]

Më 14 maj 1999 ishte ditë e premte, kur në fshatin Qyshk (2-3 km afër Pejës) u vranë e u masakruan barbarisht 42 meshkuj, gjatë një sulmi të furishëm nga forcat e kombinuara elite militare e paramilitare serbe. Në mëngjesin e së njëjtës ditë, forcat serbe kishin sulmuar edhe dy fshatra të tjerë fqinje, Pavlanin dhe Zahaqin, dhe pasi kishin dëbuar nga shtëpitë e tyre gratë, fëmijët dhe pleqtë, kishin vrarë mizorisht dhjetëra shqiptarë të pafajshëm.

Sipas një raporti të publikuar nga “American Radio Works” dhe organizata joqeveritare amerikane “Human Rights Watch”, ky sulm ushtarak ishte planifikuar tri ditë më herët, më 11 maj, në një takim të komandantëve të ushtrisë dhe policisë serbe në Pejë.

Të mbijetuarit e masakrës së Qyshkut, për “Human Rights Watch”, kanë deklaruar se “ushtarët kishin të veshur uniforma të përziera - disa kishin uniforma policie dhe të tjerat ishin të ushtrisë jugosllave. Ata kishin fytyrat të ngjyrosura, kurse disa mbanin edhe shami për t'u maskuar”. Kur janë futur forcat serbe në fshat, disa mashkuj kishin bërë përpjekje për t´u fshehur në një mal me drunj të dendur në afërsi të fshatit, mirëpo ishin vrarë derisa orvateshin të arratiseshin, ndërsa shumica e familjeve ishin kapur nëpër shtëpitë e tyre. Me këtë rast të gjithë banorët e zënë janë dërguar pranë varrezave të fshatit, ndërkohë që forcat e shumta serbe kanë filluar t´i djegin shtëpitë e fshatit. Në këtë situatë të rëndë, gratë dhe fëmijët janë veçuar nga meshkujt, dhe pasi ata janë ndarë në tri grupe i kanë ngujuar në tri shtëpi dhe janë pushkatuar mizorisht. Pas ekzekutimit të burrave, shtëpive u është vënë zjarri, me qëllim të humbjes së gjurmëve të krimit, mirëpo për çudi në secilën shtëpi i kanë shpëtuar vdekjes nga një person, dhe ata tashmë kanë rrëfyer gjithë ngjarjen e tmerrshme të ditës së 14 majit.

[fattlumi]

Gjithsejt per masakren ne Qyshk akuzohen dhe ndjeken 26 kriminel ne mesin e te cileve ishte edhe Nebojsha Minic i cili vdiq ne ArgjentinE ne vitin 2005.Keta pjesetare qe akuzohen i takonin njesiteve paramilitare"cakojt"dhe "munja".
Ne nje aktakuze me te gjere kunder ketyre krimineleve perfshihet edhe vrasja e me se 200 shqiptareve ne Peje dhe rrethine nga keto formacione paramilitare.

[fattlumi]

Nga 30 ditë paraburgim për rastin e Qyshkut


Nga Express

Gjyqi për krimet e luftës në Beograd u ka përcaktuar nga një muaj paraburgim të dyshuarve serbë për krime lufte në fshatin Qyshk, gjatë kohës së luftës në Kosovë.

“Gjykatësi hetues ka dëgjuat të dyshuarit dhe ka nisur hetimin kundër tyre me dyshimin se kanë bërë krim lufte kundër popullatës civile”, ka thënë zëdhënësja e kësaj gjykate Dushica Ristiq.

Ajo ka thënë se paraburgimi është caktuar për shkak të rrezikut të ikjes ose presionit te dëshmitarët.

Prokuroria për krime lufte e Serbisë dje ka kumtuar se kishte paraqitur kërkesën për fillimin e hetimeve kundër 26 pjesëtarëve të formacionit paramilitar “Shakali”, të Mbrojtjes territoriale dhe përbërjes rezervë të policisë për shkak të krimit në fshatin Qyshk.

[Kasumi]

zoti i shkatrrofte kriminelet serbe qe ne luften e fundit nuk kursyen as pleqt as femijet ata qe rane zoti i shperblefte me te mira ndersa te aferme te tyre ngushellime dhe durim se drejtesia edhe pse vonohet vie

[fattlumi]

Prishtinë, 22 mars

Me masakrën e Qyshkut është duke u marrë edhe EULEX-i. Ky mision i ka thënë gazetës “Kohës Ditore” se hetuesit për krime të luftës dhe Zyra e Prokurorit Special (PSRK-ja) e kanë studiuar rastin dhe po merren me të.
“Dëshmitarët janë marrë në pyetje dhe prokurorët për krime lufte në Serbi kanë qenë të konsultuar. EULEX-i shikon përpara në avancimin e këtyre rasteve me çfarëdo mjeti”, ka thënë zëdhënësja e këtij misioni, Kristiina Herodes.
Në Qyshk, më 14 maj të vitit 1999, forcat serbe ekzekutuan dhe pastaj djegën 47 shqiptarë – civilë të pafajshëm.
Prokuroria për Krime Lufte e Serbisë ka njoftuar për ngritje padie ndaj 26 të dyshuarve për këtë masakër, nga të cilët 9 tashmë janë arrestuar. Gjyqësori në Serbi edhe më parë ka zhvilluar procese ndaj autorëve të disa krimeve në Kosovë, por as dhjetë vjet pas ndodhjes së tyre nuk i ka përfunduar, ose ka shqiptuar dënime shumë të lehta.
Prokurorët e EULEX-it kanë trashëguar nga prokurorët e UNMIK-ut.60 lëndë për krime lufte.

koha.net

[dardani8]

Po flamuri Shqiptar qka kerkon aty ne ate foto, kush jana ate ne foto, ju lutem mos botoni foto pa i dhene edhe nje psjegim sado te vogel.


shnet

[fattlumi]

Po flamuri Shqiptar qka kerkon aty ne ate foto, kush jana ate ne foto, ju lutem mos botoni foto pa i dhene edhe nje psjegim sado te vogel.


shnet

Keta jane disa nga ata pjestaret famekeq qe e bene kete masaker ne Qyshk si dhe akuzohen bashke me disa te tjere per vrasjen e me shume se 200 shqiptareve ne Peje dhe rrethine.
Ti lexo burimin e lajmit ku po shkruan koha.net

http://www.koha.net/index.php?cid=1,7,15482

[fattlumi]

Suedi: Arrestohet një serb i akuzuar për krime lufte në Kosovë
Autoritetet suedeze kanë arrestuar një serb të akuzuar për krime lufte në Kosovë. I arrestuari akuzohet për përfshirje në masakrën në fshatin Qyshk të Pejës në marsin e vitit 1999.

Kohë me parë, Policia e Serbisë kishte arrestuar nëntë persona të dyshuar për kryerjen e krimit të luftës në Qyshk të Pejës, më 14 maj të vitit 1999.

Aksioni për ndaljen e këtyre personave ishte zhvilluar me urdhër të Prokurorisë për krime të luftës, ndërsa siç raportojnë mediat serbe, bëhet fjalë për pjesëtarët e formacionit paraushtarak “Çakej”, të mbrojtjes territoriale dhe njësisë rezervë të policisë, të cilëve u ka prirë Nebojsa Minic.

Me urdhër të Tribunalit të Hagës, Minic ishte arrestuar në vitin 2005 në Argjentinë, mirëpo kishte vdekur pak kohë pas arrestimit të tij. /Telegrafi/