Shembet tuneli i Durres- Kukes
KUKËS Një shembje masive në tunelin e bllokuar të Thirrës në Kalimash, ka bërë që masive të mëdha gurësh e dherash të mbulojnë një gjatësi prej dhjetëra metrash linearë, ndërkohë që punëtorët e turnit kanë mundur të largohen duke evituar një tragjedi të rëndë. Punëtorët pohojnë se shembja masive u regjistrua rreth orës 20:00 të mbrëmjes së ditës së premte, kohë në të cilën bëhet dhe ndërrimi i turneve. “Shembja ndodhi në kilometrin e dytë të hyrjes së tunelit të Thirrës, duke krijuar përshtypjen e një tërmeti disaballësh. Gurë e dhera të shkëputura nga masivi i malit u shtrinë në një sipërfaqe prej afro 80 metrash linearë, ndërkohë që zbrazëtira në zemër të malit është e përmasave shumë të mëdha. U tmerruam dhe ikëm në të dy krahët e tunelit. Fatmirësisht nuk pati dëme në njerëz”, - pohuan punëtorët për “Gazeta Shqiptare”.
Ndërkohë, firma ndërtuese, “Bechtel-Enka” e quan këtë ngjarje si “rënie masivi shkëmbor si pasojë e fenomeneve gjeologjike të tokës”, pasojë e së cilës “nuk ka sjellë dëme në njerëz e makineri”. Që nga momenti i incidentit të rëndë, tuneli është i bllokuar dhe ruhet në të dy anët nga forca të policisë.
INCIDENTI
Shembja masive ka ndodhur në afërsi të tunelit të Thirrës. Meqenëse ishte momenti i ndërrimit të turneve, fatmirësisht punëtorët nuk kanë qenë në vendin ku ka ndodhur shembja, duke i shpëtuar tragjedisë. Punëtorët konfirmuan se shpërthimi i ngjante një tërmeti disaballësh. “Inertet (gurë e dhera) kanë rënë në një gjatësi ndoshta 80 metra, ndërsa sipër e anash tunelit është krijuar një zgavër shumë e madhe. Fatmirësisht nuk u ndodhëm aty, se tani nuk do të ishim gjallë”, - pohon një prej punëtorëve. Tmerrin që panë me sy e konfirmojnë dhe punëtorë të tjerë, por kërkojnë të mos identifikohen pasi i frikësohen ndonjë largimi të mundshëm nga puna. Shembja në tunel ka ngjallur dhe panik tek banorët përreth, veçanërisht tek ata që kishin njerëzit e tyre në turnin e radhës. Menjëherë pas ngjarjes, forca të shumta të policisë kanë marrë nën ruajtje dy hyrjet e tunelit.
MASAT
Një ndër masat e para të policisë pas ngjarjes ishte bllokimi i hyrjeve të tunelit, duke mos lënë askënd që të afrohej në këtë objekt. Ndërkohë, gjatë ditës së djeshme, automjete të rënda kanë vazhduar nxjerrjen nga thellësitë e objektit të ngarkesave me gurë të masivit të shembur. Burime për “Gazeta Shqiptare” e lidhin shembjen e djeshme në tunel me përshpejtimin në kohë të proceseve teknike, plasjet e shpeshta me eksploziv, lëvizjet e shpeshta të automjeteve të rënda si dhe reshjet e shiut të ditëve të fundit. Tuneli i Kalimashit është bllokuar një muaj më parë.
http://balkanweb.com/gazetav5/artikull.php?id=68566
************************************************** ***********
Me te vertet???????? Nuk e prisja kete gje te them te drejten, jam habit krejt. lol
Përgjigju Duke Cituar
Postuar më parë nga dea_07
Krijoni Kontakt