Kosove: Nenshkruhet mareveshja policore Eulex - Serbi

[Llapi]

nji tem e ngjashme ekziston

http://www.forumishqiptar.com/showthread.php?t=114642

[Selami2006]

Në pritje të marrëveshjes EULEX-Serbi
Misioni i EULEX-it është në pritje të finalizimit të marrëveshjes teknike të bashkëpunimit policor ndërmjet misionit të BE-së dhe Serbisë.
Zëdhënësja e këtij misioni në Prishtinë, ***** Limdal tha sot se nuk mund ta konfirmojë se kur do të mund të ndodhë nënshkrimi. “Jemi duke pritur, që kjo çështje të finalizohet”, tha Limdal.

Nënshkrimi i marrëveshjes teknike për bashkëpunim ndër-kufitar ndërmjet policisë së EULEX-it dhe asaj të Serbisë është mbështetur nga Bashkimi Evropian dhe vendet e Kuintit, të cilat kanë konsideruar se nënshkrimi i marrëveshjes është në përputhje me mandatin e EULEX-it në Kosovë.

Ndërkaq, Prishtina zyrtare e ka kundërshtuar këtë marrëveshje duke e cilësuar atë në kundërshtim me Kushtetutën e Republikës së Kosovës. /REL/

[Val9]

Përfaqësuesi Civil Ndërkombëtar, ambasada e Francës, ajo e Gjermanisë, Italisë, Mbretërisë së Bashkuar dhe Shteteve të Bashkuara të Amerikës kanë përkrahur aranzhimet teknike mes EULEX’it dhe Serbisë. Presidenti dhe Kryeministri i Kosovës thonë se nuk janë të përfshirë në çështjen e Protokollit.

Nga Bekim Greiçevci më 11.09.2009 në ora 8:41
Vendosja e bashkëpunimit policor mes EULEX’it dhe Serbisë përmes nënshkrimit të një marrëveshjeje teknike, po merr mbështetje gjithnjë e më të madhe nga bashkësia ndërkombëtare, ndërkaq Presidenti Fatmir Sejdiu dhe Kryeministri Hashim Thaçi deklarojnë se Prishtina nuk është pjesë e kësaj agjende.

Në favor të zyrtarizimit të aranzhimeve teknike mes Misionit të BE’së dhe autoriteteve serbe, të enjten është rreshtuar edhe ambasadori gjerman në Prishtinë, Hans-Dieter Steinbach.

Sipas tij, në tekstin e draftmarrëveshjes nuk përmendet termi “kufi administrativ”, por vetëm “kufi”, që nënkupton kufij ndërshtetërorë. Steinbach konsideron se bëhet fjalë për një marrëveshje të karakterit teknik dhe jo politik, prandaj Gjermania i jep mbështetje.

Ambasadori Steinbach thotë se shteti i tij kurrë nuk do të përkrahte cenimin e sovranitetit të Republikës së Kosovës.

“Mendimi i qeverisë gjermane është se kjo marrëveshje teknike nuk prek sovranitetin e Republikës së Kosovës. Jam shumë i sigurt se për të gjitha temat, të cilat janë të hapura, shumë shpejt do të gjendet zgjidhja përmes dialogut”, ka deklaruar ai, pas një takimi me Kryeparlamentarin Jakup Krasniqi.

Ky i fundit, për dallim nga Sejdiu dhe Thaçi, ka marrë një pozicion tjetër sa i përket bashkëpunimit të EULEX’it me Serbinë. Duke theksuar se Kosova është e njohur nga 62 shtete dhe sovraniteti i saj është i garantuar, Krasniqi vlerëson se nëse Protokolli ka për qëllim luftimin e krimit që në pjesën veriore importohet nga Serbia, atëherë edhe Kosova do të përfitonte.

“Nëse qëllimi i aranzhimeve ose protokollit teknik është për të rritur sundimin e rendit dhe ligjit në të gjithë Kosovën, nëse është për të penguar krimin e organizuar nga Serbia në Kosovë, nëse është për të siguruar doganat dhe ndërprerjen e kriminalitetit dhe kontrabandës në atë pjesë të Kosovës, realisht është çështje e EULEX’it, ndoshta edhe e Bashkimit Europian, por e konsideroj që është në këtë rast edhe në interes të Kosovës që të sundojë rendi dhe ligji”, ka thënë Kryeparlamentari Krasniqi.

Përveç strukturave të Bashkimit Europian në Bruksel, marrëveshja mes Misionit Europian dhe Ministrisë serbe të Punëve të Brendshme është mbështetur edhe nga Britania e Madhe.

Përfaqësues të Bashkimit Europian në Kosovë besojnë se bashkëpunimi teknik do të vihet në jetë gjatë këtij muaji. Këtë e kanë paralajmëruar disa herë edhe zyrtarë të Beogradit.

Sidoqoftë, Presidenti Sejdiu dhe Kryeministri Thaçi, të cilët para dy javësh kanë refuzuar fuqishëm draftin e parë të Protokollit të EULEX’it, vazhdojnë të përsërisin se nuk janë përfshirë më në këtë çështje.

“Kosova nuk është aktor në këtë çështje. Kosova do të vazhdojë mënyrën më të mirë të mundshme të bashkëpunimit me EULEX’in, ICO’në, me KFOR’in, me bashkësinë ndërkombëtare që ka investuar shumë dhe do të investojë në Kosovë, për zhvillimet e përgjithshme”, ka thënë Sejdiu, të enjten, pas një takimi me komandantin e ri të KFOR’it.

Pavarësisht mospajtimeve rreth Protokollit, edhe Thaçi thotë se institucionet kosovare do të vazhdojnë bashkëpunimin e mirë me praninë ndërkombëtare.
“Dëshiroj të theksoj se Prishtina nuk është pjesë e këtij pretendimi të aranzhmanit teknik, por institucionet e Kosovës do të vazhdojnë koordinimin me të gjithë faktorët relevantë, për luftën e pakompromis ndaj korrupsionit dhe krimit të organizuar”, ka thënë Thaçi, pas mbledhjes së rregullt të Qeverisë.

[ARIANI_TB]

Afër pranimi i protokollit
Shkruar nga Arben Ahmeti
e premte . 11 shtator 2009
Përfaqësuesit e BE-së dhe institucionet e Kosovës afër tejkalimit të mospajtimeve rreth protokollit

Zyrtarë të lartë ndërkombëtarë i kanë thënë “Kohës Ditore” se përfaqësuesit e BE-së dhe institucionet e Kosovës janë afër tejkalimit të mospajtimeve për
protokollin. Garancitë nga ndërkombëtarët për sovranitetin e Kosovës do të tërheqin kundërshtimin e Prishtinës për protokollin

[ARIANI_TB]

Afër pranimi i protokollit
Shkruar nga Arben Ahmeti
e premte . 11 shtator 2009
Përfaqësuesit e BE-së dhe institucionet e Kosovës afër tejkalimit të mospajtimeve rreth protokollit

Zyrtarë të lartë ndërkombëtarë i kanë thënë “Kohës Ditore” se përfaqësuesit e BE-së dhe institucionet e Kosovës janë afër tejkalimit të mospajtimeve për
protokollin. Garancitë nga ndërkombëtarët për sovranitetin e Kosovës do të tërheqin kundërshtimin e Prishtinës për protokollin

[ARIANI_TB]

Kuinti: Protokolli EULEX-Serbi, pa asnjë ndikim në pavarësinë e Kosovës

Kuinti: Protokolli EULEX-Serbi, pa asnjë ndikim në pavarësinë e Kosovës
Prishtinë, 11 shtator - Përfaqësuesi Civil Ndërkombëtar dhe përfaqësuesit e Kuintit, ambasadorët e Francës, Gjermanisë, Italisë, Mbretërisë së Bashkuar dhe Shteteve të Bashkuara të Amerikës, nëpërmjet një deklarate të përbashkët theksojnë se ditëve të fundit kanë zhvilluar diskutime për avancimin e luftës kundër krimit dhe korrupsionit ndërkombëtar dhe për instrumentet dhe modalitetet për të lehtësuar bashkëpunimin policor në rajon për këtë qëllim. Mbi bazë të këtyre diskutimeve dhe konsultimeve me ekspertët e tyre ligjorë, në deklaratë përfaqësuesit e Kuintit theksojnë se mandati i Misionit të Bashkimit Europian për Sundim të Ligjit (EULEX) rezulton nga Veprimi i Përbashkët i Këshillit të Bashkimit Europian (Council Joint Action 2008/124/CFP). Ndërkaq, sipas deklaratës, përkrahja e Republikës së Kosovës për këtë mision, që përfshin pjesëmarrjen e zyrtarëve të policisë, doganave dhe të drejtësisë nga vendet europiane, Shtetet e Bashkuara dhe kombet e tjera, është një shprehje e qartë e dëshirës së saj për të luftuar kriminalitetin tejkufitar në Ballkanin Perëndimor. "Mbi bazë të shqyrtimit tonë të hollësishëm të çështjeve ligjore të ndërlidhura me marrëveshjen teknike ndërmjet EULEX it dhe Ministrisë së Punëve të Brendshme të Republikës së Serbisë për bashkëpunim policor, ne konkludojmë se instrumentet e bashkëpunimit teknik të EULEX it, të bëra në emër të vet, janë në pajtueshmëri me mandatin e tij për të forcuar menaxhimin e kufijve dhe nuk kanë asnjë ndikim në çështjen e pavarësisë, sovranitetit dhe integritetit territorial të Kosovës. Republika e Kosovës nuk është palë në këtë aranzhman teknik, por ne mirëpresim përkushtimin dhe interesin e institucioneve të Republikës së Kosovës për luftimin e aktiviteteve joligjore tejkufitare. Ne përkrahim fuqishëm punën e institucioneve të Republikës së Kosovës për të ardhmen Euro Atlantike të Republikës së Kosovës", theksohet në fund të deklaratës.

Shume po genjejne si keta nderkombetaret ashtu edhe vendoret. Marshveshja per protokoll nga ana e EULEX ( UNMIK ) Made in serbia me driten e gjelbert nga ana e qeeverise se Kosoves eshte bere shume kohe me pare, mirepo e gjitha kjo se gjoja kjo gje eshte ceshtje e mbyllur nga ana e Qeverise se Kosoves, ishte vetem nje genjeshter e vazhdueshme e tyre per me disorientu popullin se cka ne fakt po behet.

Por per fat te mire te Kosoves ne skene eshte LEVIZJA VETEVENDOSJE ne krye me ALBIN KURTIN i cili qe nga formimi i kesaj levizje i kane pa genjeshtrat se pari te UNMIKUT e tani te EULEX ( UNMIK ) made in Serbia dhe qeverise se Kosoves.

[Val9]

Ne qofse pranohet ky protokoll shpresoj qe te kete demostrata masive, qe ta dine keto organizata kriminale paligjshme nderkombetare se po shkilet vullneti i popullit.

[Llapi]

Thaçi: Nuk pajtohemi rreth protokollit, EULEX-Serbi

Qendrim rreth deklaratës së Kuintit

Kryeministri i Kosovës Hashim Thaçi ka përsëritur qëndrimin kundërshtues të Kosovës për protokollin ndërmjet EULEX-it dhe Beogradit, edhe pas dhënies së pëlqimit të vendeve të Kuintit për këtë marrëveshje, ndërkohë që ka përshëndetur deklaratën e Kuintit përmes së cilës i jepet mbështetje e fuqishme zhvillimeve pozitive që kanë bërë institucionet e Kosovës në perspektivën euroatlantike të vendit, për zhvillimin ekonomik dhe fuqizimin e pavarësisë dhe ruajtjen e integritetit territorial.

Kreu i Qeverisë, i bëri këto komente pas takimit me komandantin e ri të KFOR-it, Markus Bentler.

“Unë e mirëpres deklaratën e Kuintit që i jep mbështetje të fuqishme zhvillimeve pozitive që kanë bërë institucionet e Kosovës në perspektivën euroatlantike të vendit, edhe për zhvillimin ekonomik dhe mbështetjen e plotë për të ardhmen euroatlantike të Republikës së Kosovës, për avancimin dhe fuqizimin e pavarësisë, sovranitetit, ruajtjen e integritetit territorial të Kosovës dhe vënien e ligjshmërisë në tërë territorin e Republikës. Ky është një bashkëpunim shumë i ngushtë i autoriteteve shtetërore kosovare me ato të vendeve të Kuintit, të cilat e kanë njohur dhe po e ndihmojnë shtetin e Kosovës’, ka thënë Thaçi.

Me këtë rast, ai ka përsëritur qëndrimin e vazhdueshëm se institucionet e Kosovës nuk janë palë e pretendimeve të aranzhmanit teknik të këtij protokolli.

Thaçi ka njoftuar se në fund të shtatorit Kosova do të pranojë nga Brukseli udhërrëfyesin pozitiv të perspektivës evropiane, për të cilin ka thënë se nuk është kompromis, por është rezultat i vendosmërisë për qeverisje të mirë, për transparencë, efikasitet, efektivitet qeverisës në nivel edhe qendror edhe lokal, për sundim të ligjit dhe për luftë të pakompromis ndaj dukurive negative.

“Dua të theksoj edhe njëherë fuqishëm se institucionet e Kosovës në asnjë rrethanë nuk janë palë e këtij pretendimi, të aranzhmanit teknik, por institucionet e Republikës së Kosovës, në këtë rast Qeveria e Republikës së Kosovës, do të vazhdojë luftën në mënyrë të pakompromis ndaj fenomeneve negative, korrupsionit, krimit të organizuar dhe gjithë kjo luftë do të jetë në bashkëpunim të ngushtë me autoritetet evropiane dhe gjithë autoritetet ndërkombëtare prezente në Kosovë’, është shprehur kreu i ekzekutivit të vendit.

Ndërkaq, kryeministri Thaçi e ka konsideruar si keqkuptim dhe keqinterpretim deklaratën e djeshme të kryeparlamentarit Jakup Krasniqi, i cili ka thënë se protokolli është në interes të Kosovës, nëse është për të siguruar dhe penguar krimin e organizuar nga Serbia në Kosovë dhe për të siguruar doganat në ndërprerjen e kriminalitetit dhe kontrabandës në pjesën veriore të vendit. “Ne si Qeveri e Republikës së Kosovës do të bashkëpunojmë ngushtë në vazhdimësi me autoritetet e KFOR-it, sepse edhe perspektiva dhe vizioni i shtetit të Kosovës, është që të jemi pjesë e NATO-s në të ardhmen e afërt. Tash po ndërtohet edhe Forca e Sigurisë së Kosovës sipas standardeve, rekomandimeve dhe këshillave të NATO-s. Qeveria e Republikës së Kosovës dhe unë personalisht do të jemi në bashkëpunim shumë të ngushtë me z.Bentler, në mënyrë që të ecim përpara bashkërisht, siç kemi ardhur deri tani” , theksoi kryeministri Thaçi.

Në këtë rast, Thaçi ka thënë se lidershipi në Kosovë funksionon në mënyrë unike.

“Ne jetojmë në demokraci dhe kjo është mirë që jetojmë në demokraci. Mendoj që paksa e keni keqkuptuar ose keqinterpretuar zotin Krasniqi. Ai gjithmonë ka investuar në fuqizimin e institucioneve shtetërore të Republikës së Kosovës, andaj Kosova vazhdon të funksionojë në mënyrë shumë unike, si institucione, si lidership shtetëror’, është shprehur Thaçi.

[drenicaku]

protokolli eshte i formuae ne baz te gjasht pikshit te fameshem,askush nuk na ka faj aq sa popunoim edhe punet i kemi bile mos me kan me na i krye do pune miqet tan moti kishum kapitulu.

[drenicaku]

Jo i kemi perzi ca punet,un mendoi se nuk na ka faj eulexi,fajin kryesor e kan politikajt tan,sepse kur po ju del gjumi ketyre ata veq po e perfundoin muhabetin.
ne asnje seanc te parlamentit nuk eshte debatu as per protokollin e as per sovranitetin ne pergjithesi.
Perse nuk u debatu te pakten pas protestave te vetvendosjes,keta djem qe po mundohen me mish e shpirt per te miren e kosoves.
Une nuk e kuptoi kete popull qe fatin e vendit e ka len ne duar te analfabetve.