Kosove: Nenshkruhet mareveshja policore Eulex - Serbi

[Llapi]

Protokolli bëhet, nëse bartet sovraniteti
9 Shtator, 2009

Precedenti me protokollin EULEX-Serbi, për bashkëpunimin ndërkufitar, ka ndezur një debat të gjerë, ndërsa palët janë të interesuara të gjejnë sa më shpejt zgjidhjen dhe të shuajnë zemërimin e të pakënaqurve. Lidershipi kosovar po mundohet të jetë i kujdesshëm që të mos dalë shkelës i Kushtetutës, ndërsa Bashkimi Evropian këmbëngul që Prishtina zyrtare t’i japë fund rezistencës. Të gjendur mes dy zjarresh, institucionet tona janë të detyruara të gjejnë alternativën më të mirë të mundshme, pa bërë shkelje ligjore dhe duke arsyetuar bindshëm veprimin e tyre. Fakti që dokumenti paraqet shkelje të sovranitetit të Republikës së Kosovës është i qartë për të gjithë.
Menaxhimi i kufijve është kompetencë e adresuar saktë në kushtetutën kosovare dhe janë autoritetet tona ato që kanë legjitimitetin e plotë për të ndërmarrë vendime në këtë fushë. Duke i ditur raportet me Serbinë dhe interesin kombëtar për afrim me Bashkimin Evropian, shteti kosovar nuk ka rrugë tjetër për të zgjedhur, përveç pranimit të bashkëpunimit. Por, forma duhet të jetë në përputhje me Kushtetutën dhe në konsensus me faktorin politik të përfaqësuar në Kuvend. Ajo që nevojitet tashmë është bartja e sovranitetit tek misioni i EULEX-it, në rastin e protokollit, për t’i hapur rrugën nënshkrimit dhe për të shmangur një konflikt të panevojshëm me Brukselin. Neni 20 i Kushtetutës për “Bartjen e Sovranitetit” thotë se “Republika e Kosovës, në bazë të marrëveshjeve të ratifikuara ndërkombëtare, për çështje të caktuara mund të kalojë kompetenca shtetërore organizatave ndërkombëtare”.
EULEX-i është një mision apo një organizatë ndërkombëtare, e cila në këtë rast nuk mund ta nënshkruajë këtë protokoll, nëse nuk e ka marrë këtë sovranitet të nevojshëm. Vetëm mandati i tij ekzekutiv është i pamjaftueshëm që t’i hapë rrugë protokollit. Për këtë arsye, Kuvendi i Kosovës mund të ndërmarrë hapat konkretë në këtë drejtim të bartjes së sovranitetit në përputhje me Kushtetutën.
Politika kosovare nuk duhet të harrojë se vetë e ka miratuar Kushtetutën, e cila në nenin 143 saktëson se pavarësisht dispozitave të tjera të kësaj kushtetute “Dispozitat e Propozimit Gjithëpërfshirës për Zgjidhjen e Statusit të Kosovës të datës 26 mars 2007 kanë epërsi ndaj të gjitha dispozitave të tjera ligjore në Kosovë”.

[Anesti_55]

Nga sa kam pare ne shtyp e gjithe gurguleja eshte se, nuk jane perfshire organet e kosoves ne kete akt marrveshje me serbet.Politikanet kosovare ndjehen te pa perfillur, ndersa realiteti eshte se nje perfshirje e saj ne kete akt do te binte ne kundershtim te hapur me serbet,pra marreveshja do te deshtonte.Nese do te egzistone qofte dhe nje mundesi marreveshjeje mes Kosoves dhe serbise nuk do te kishte nevoje per intitucione ndermjetesie si eulex.Sa mire do te ishte qe ne kosove te mbyllej sa me shpejt ky deiskutim.

[Sabriu]

Beogradi paralajmëron edhe dy marrëveshje të reja me EULEX-in

Beogradi paralajmëron edhe dy marrëveshje të reja me EULEX-in, përveç asaj që ka të bëjë me policinë.
E mërkurë, 09 Shtator 2009

Sekretari i shtetit në Ministrinë serbe për Kosovën, Oliver Ivanoviq, ka deklaruar sot se "në tavolinë do të gjenden edhe dy marrëveshje për doganën dhe gjyqësorin", sepse sipas tij EULEX në kompetencë të tij ka "komponentën policore, doganore dhe gjyqësore". Ivanoviq thotë se vendkalimet "administrative" në veri të Kosovës do të përfshihen me këtë marrëveshje që është duke u përgatitur nga Ministria serbe e Financave dhe Drejtoria serbe e doganave nga një anë dhe komponenta e doganave të EULEX-it në anën tjetër. "Duhet të kujdesemi që ata të cilët merren me krimin e organizuar të mos shfrytëzojnë boshllëkun që ekziston", thotë Ivanoviq. Ai thotë se është në interesin e të gjithëve, edhe të serbëve edhe të shqiptarëve, që marrëveshja të nënshkruhet dhe që kriminelët të nxirren para drejtësisë. Por, sipas tij, shqiptarët për arsye politike kundërshtojnë marrëveshjen e EULEX-it me Serbinë, duke e "vënë veten në mat-pozicion me reagimin e ashpër, pa e lexuar paraprakisht se çka shkruan në këtë dokument". /qik/

[Guri i Kuq]

Qëndrimet përtej mundësive

Prishtina mund ta kundërshtonte protokollin dhe t’i mbante hapur bisedimet me Bashkimin Europian. Ndërkohë që negociohej një zgjidhje e pranueshme juridikisht, Kosova mund t’i paraqiste kushtet e veta. Nëse Brukseli kërkon, duke shkelur standardet, t’ua liberalizojë me çdo kusht vizat serbëve, edhe Prishtina duhet të kërkojë të përfshihet në të njëjtin proces

Gazeta "Express"

Nga Armand Shkullaku më 10.09.2009 në ora 13:00
Liderët e Kosovës edhe këtë herë duket se po shkojnë drejt sjelljes së tyre të njohur që është kundërshtimi i fortë në fillim dhe tërheqja e zbutur në fund. Ndonëse qëndrimi i Prishtinës ndaj nënshkrimit të protokollit të bashkëpunimit policor mes EULEX dhe Serbisë zyrtarisht nuk ka ndryshuar, themelet e JO’së së fortë po fillojnë të marrin lëkundjet e para.

Presidenti Sejdiu dhe Kryeministri Thaçi fillimisht shfaqën një pozicion radikal, kur deklaruan se çdo bisedim apo negociatë për protokollin në fjalë quhet i mbyllur dhe se Kosova nuk e hapë më një kapitull të tillë. Qëndrim i fortë, në përputhje me sovranitetin e vendit dhe të drejtën e institucioneve kosovare për paritet në marrëveshjet me vendet fqinje. Por, qëndrimet e forta merren kur ndihesh i sigurt se mund t’i çosh deri në fund, pavarësisht rrethanave. Në fakt, po ndodh ndryshe: përkundër përbetimit për mbylljen e bisedimeve, në praktikë ato janë bërë më intensive se kurrë. Mes Brukselit dhe Prishtinës, çështja e protokollit, apo “aranzhimeve teknike”, është në qendër të diskutimeve me qëllim gjetjen e një zgjidhjeje të pranueshme për të gjitha palët. Mospërputhja mes deklaratave të fillimit, mes retorikës politike dhe asaj që ndodh në realitet, është shkaku kryesor që e lëkund besimin e qytetarëve tek liderët e tyre. Shumë njerëz në Kosovë mendojnë se në fund, me gjithë betejën verbale, në një farë mënyre protokolli do të marrë rrugë. Sepse, kështu ka ndodhur edhe më parë.

Po përse kanë nevojë liderët në Kosovë të mbajnë pozicione ekstreme dhe pastaj të zbythen? Përse duhet që fjalën e fundit ta thonë në fillim e më pas të detyrohen të ulin kokën për të gjetur njëmijë justifikime? Përse bëjnë premtime, mbajtja e të cilave nuk varet krejtësisht prej tyre? Në përgjigjen e këtyre pyetjeve ka shumë elementë që ndërthuren. Respektimi i shtetit, përcaktimi i sovranitetit, vendosja e autoritetit, ndjenja e të qenit lider, emocionet personale, dinjiteti, etj., janë disa prej tyre. Por, në thelb mbetet lufta e brendshme politike. Ajo përbën shkakun kryesor që shpjegon sjelljen e politikanëve kryesorë në Kosovë. Partitë që janë jashtë pushtetit ushtrojnë presion, shpeshherë të pandershëm, ndaj Qeverisë, në emër të sovranitetit dhe dinjitetit duke kërkuar vendimmarrje të pavarur, ndonëse e dinë që një gjë e tillë nuk është e mundur. E kanë provuar vetë dhe e dinë që njëlloj do të ishte edhe nëse ato do të vinin në pushtet, por loja me emocionet e elektoratit u shkon për shtat për t’i kompleksuar ata që drejtojnë vendin. Këtij presioni i shtohet edhe zëri i opinionbërësve vendorë, që në të drejtën e tyre, kërkojnë apo sugjerojnë që Qeveria dhe Presidenti të jenë më të vendosur në çështje të sovranitetit shtetëror. Në një situatë të tillë, liderët e Kosovës reagojnë të zënë në kompleksin e fajit. Nën ankthin se mund të humbin pikë në elektorat, ata përpiqen të dëshmojnë të kundërtën e asaj që akuzohen, shpeshherë duke humbur arsyen e ftohtë dhe logjikën e fakteve. Dhe pastaj e shohin veten në pozicione ekstreme, në qëndrime të forta retorike, por pa shumë mundësi praktike për t’i mbajtur. Protokolli është rezultati më i freskët, pasojë e kësaj politike.

Një situatë e tillë sigurisht nuk është e lehtë për t’u menaxhuar. Loja në fushën e emocioneve patriotike dhe dinjitetit kombëtar është e rrezikshme, sidomos në shoqëri me nivelin e ulët ekonomik dhe mungesën e përvojës demokratike. Megjithatë, liderët e Kosovës duhet të kuptojnë se ka ardhur koha kur votat nuk fitohen me retorikë, por me rezultate konkrete. Në këtë këndvështrim, pavarësisht politikës së gabuar të BE’së dhe sjelljes me standarde të dyfishta të EULEX’it, deklarimi i mbylljes pa kushte të bisedimeve për protokollin ishte i nxituar. Jo vetëm sepse Prishtina nuk është në gjendje t’i mbyllë ato, pasi faktikisht po vazhdojnë, por edhe sepse në planin konkret prej bisedimeve mund të përfitohet diçka. Politikan i mirë nuk është ai që vetëm refuzon, por ai që e përdorë refuzimin për të arritur diçka më shumë për popullin e tij.

Prishtina mund ta kundërshtonte protokollin dhe t’i mbante hapur bisedimet me Bashkimin Europian. Ndërkohë që negociohej një zgjidhje e pranueshme juridikisht, Kosova mund t’i paraqiste kushtet e veta. Nëse Brukseli kërkon, duke shkelur standardet, t’ua liberalizojë me çdo kusht vizat serbëve, edhe Prishtina duhet të kërkojë të përfshihet në të njëjtin proces. Mund të negociohet gjithashtu që BE’ja t’i shtojë financimet për Kosovën, që Serbia të detyrohet t’i njohë pasaportat dhe targat e makinave kosovare, që të vendosen doganat dhe gjykatat e Kosovës në veri, apo diçka tjetër me ndikim të drejtpërdrejtë në jetën e qytetarëve. Refuzimi në këtë kontekst do të kishte kuptim. Dhe, nëse në këmbim të gjetjes së një zgjidhjeje për protokollin e famshëm, do të arrihej, fjala vjen, liberalizimi i vizave, kjo do të kishte ndikim shumë më të madh tek vota e qytetarëve se sa edhe retorika më e fortë patriotike.

Kompleksi i sovranitetit dhe lufta e brendshme politike po i çojnë udhëheqësit e Kosovës në premtime dhe qëndrime përtej mundësive të tyre. E vetmja mundësi për t’i tejkaluar është politika realiste dhe puna konkrete për ngritjen e nivelit dhe përmirësimin e jetesës në Kosovë. Votat fitohen më mirë kështu.

[drenicaku]

Sot apo neser behet ceremonia e nenshkrimit te protokollit,kurse hashimi na pat deklaru se nuk e nenshkruaj kurr.
E mozamakeq kush po na udheheq

[Guri i Kuq]

KUINTI: Bashkëpunimi teknik i EULEX-it, në pajtim me mandatin e tij
RTV "21"
Pas shqyrtimeve të hollësishme të çështjeve ligjore të ndërlidhura me marrëveshjen teknike ndërmjet EULEX-it dhe Serbisë për bashkëpunim policor, ambasadorët e vendeve anëtare të KUINT-it dhe Përfaqësuesi Civil Ndërkombëtar në Kosovë Piter Fait kanë konkluduar se instrumentet e bashkëpunimit teknik të EULEX-it, të bëra në emër të vet, janë në pajtueshmëri me mandatin e tij për të forcuar menaxhimin e kufijve dhe nuk kanë asnjë ndikim në çështjen e pavarësisë, sovranitetit dhe integritetit territorial të Kosovës.
Në deklaratën e përbashkëtë të KUINT-it dhe z. Piter Fajt thuhet se, në takimet e ambasadorëvwe të vendeve anëtare të Kuintit dhe të shefit të ICO-së është theksuar se mandati i EULEX rrjedh nga Veprimi i Përbashkët i Këshillit të Bashkimit Evropian dhe se vendosja e EULEX-it është pranuar nëpërmjet aktit sovran të institucioneve të Kosovës, me anë të Deklaratës së Pavarësisë, Kushtetutës, dhe ftesës së presidentit të Kosovës, Fatmir Sejdiu, bërë Sekretarit të Përgjithshëm, Përfaqësuesit të Lartë Solana për të themeluar EULEX-in. Kërkesa e Republikës së Kosovës për të marrë përkrahje nga EULEX-i është një akt sovran i udhëheqjes së Kosovës. Përkrahja e Kosovës për këtë mision, që përfshin pjesëmarrjen e zyrtarëve të policisë, doganave dhe të drejtësisë nga vendet evropiane, Shtetet e Bashkuara dhe kombet tjera, është një shprehje e qartë e dëshirës së saj për të luftuar kriminalitetin tejkufitar në Ballkanin Perëndimor. Kosova nuk është palë në këtë aranzhman teknik, por ne mirëpresim përkushtimin dhe interesin e institucioneve të Kosovës për luftimin e aktiviteteve joligjore tejkufitare. Ne përkrahim fuqishëm punën e institucioneve të Republikës së Kosovës për të ardhmen euro-atlantike të Republikës së Kosovës, thuhet në deklaratënë e përbashkët të ambasadorëve të vendeve anëtare të KUINT-it dhe Përfaqësuesit Civil Ndërkombëtar në Kosovë Piter Fait.



Publikuar më:
11:50:33 10.09.2009

[Milkway]

Me falni po c'far nuk ju pelqen ne kete protokoll?Po kjo tregon haptazi se nese nepermjet EULEX(pra Kosova)dhe Serbise, behet nje marrveshje koordinuese per problmet e ngritura me siper, egziston nje kufi.Nese dote zevendsoni keto dy emra "Serbi dhe Eulex dhe Shqiperi -itali Shqiperi- Greqi-Maqedon, etj, do te kuptoni se disa kopje te kesaj marrveshje do te gjeni ne sirtarin e Sali Berishes.Por shtetet kushtu punojne.Po une u gezova dhe per faktin se nese pranohet nje marreveshje, pra nje akt lidhje,tregon se egzistojne dy shtete, te pranuara defekto nga te dy palet.Pra mes Eulex (Kosoves) ka nje kufi dhe si ne te gjitha rastet ne bote krijohen marrveshje bahkepunimi.Nese kundershtohet kjo, do te thote se dikujt ne Kosove i mungon truni.Eulex ne referim me Serbine , perfaqeson dhe mbron Kosoven dhe pavarsine e saj, ndersa ne mardhenie me minoritetin serb atje, ajo mbron te drejtat e ketij te fundit.E keshtu duhet te jete.

Ku e shef fjalen kufi ti ne protokoll ???

Nuk shkruan kufi askund , pra nuk mirren dy shtete por vetem nje shtet .

[Llapi]

Thaçi e Sejdiu: Prishtina s’është e përfshirë në protokoll

Nga Express më 10.09.2009 në ora 14:21
Kryeministri Hashim Thaçi hodhi poshtë deklarimet se institucionet e Kosovës janë duke bashkëpunuar me Misionin Evropian për Drejtësi dhe Polici (EULEX) për protokollin me Serbinë, duke thënë se Kosova nuk është pjesë e një agjende të tillë. Kryeministri kosovar i bëri këto komente pas mbledhjes së rregullt të Qeverisë së Kosovës. Thaçi përsëriti se institucionet e Kosovës janë të përkushtuara për të luftuar korrupsionin dhe krimin e organizuar dhe për të ndërtuar raporte të mira paqeje me të gjithë fqinjët, përfshirë edhe Serbinë.

Reagimi i shefit kosovar të qeverisë erdhi pas pyetjeve të gazetarëve se në cilin stad kanë arritur bisedimet me EULEX-in dhe ICO-në, për çështjen e protokollit me Republikën e Serbisë. “Dëshiroj të theksoj se Prishtina nuk është pjesë e këtij pretendimi të aranzhmanit teknik, por institucionet e Kosovës do të vazhdojnë koordinimin me të gjithë faktorët relevantë, për luftën pakompromis ndaj korrupsionit dhe krimit të organizuar”, u shpreh kryeministri Thaçi, transmeton KosovaLive.

Po ashtu, sipas ti, Kosova do ta vazhdojë bashkëpunimin e ngushtë me autoritetet e Bashkimit Evropian dhe vendet e rajonit, në mënyrë që të ketë paqe, stabilitet, rend, ligj dhe perspektivë evropiane për të gjithë vendet e rajonit. Ndërsa konsultimet e vazhdueshme me autoritete e bashkësisë ndërkombëtare, kryeministri i cilësoi si të rëndomta për t’i harmonizuar qëndrimet e përbashkëta të funksionimit të shtetit kosovar. “Janë takime të rregullta javore, takime që do të vazhdojnë edhe në të ardhmen, për thellimin e bashkëpunimit me SHBA-të dhe BE-në”.

Edhe presidenti Sejdiu tha të enjten se Kosova nuk është aktere në çështjen e protokollit dhe përsëriti qëndrimin refuzues të institucioneve ndaj këtij problemi. Pas takimit njohës me komandantin e ri të KFOR-it gjeneralin Markus Bentler, presidenti Sejdiu tha se përkundër saj, Kosova do të vazhdojë bashkëpunimin e mirë me Eulex-in dhe Bashkësinë Ndërkombëtare.

“Nuk kemi koment nga ato që i kemi thënë më herët. Alternativa jonë është e bashkëpunimit të mirë me EULEX-in dhe Bashkësinë Ndërkombëtare.. Kosova nuk është aktere në këtë çështje, do të vazhdojë bashkëpunimin me EULEX-in, KFOR-in dhe Bashkësinë Ndërkomëbatre,” tha Sejdiu.

Ndonëse e kanë cilësuar të mbyllur protokollin EULEX-Serbi, kjo çështje akoma mbetet një nga temat më të diskutuara në të gjitha takimet e presidentit Sejdiu dhe kryeministrit Thaçi me përfaqësuesit e lartë ndërkombëtarë. Madje thuhet se Prishtina zyrtare ka edhe presion nga BE që të pranojë protokollet e EULEX-it me Serbinë. Hashim Thaçi megjithatë tha se nga Bashkimi Evropian nuk kanë presion që të lëshojnë pe në këtë çështje, raporton KosovaLive.

Ambasadori gjerman: Nuk dëmtoheni nga protokolli
Ambasadori i Gjermanisë në Kosovë, Hans Dieter Steinbach ka deklaruar se nënshkrimi i Protokollit mes EULEX’it dhe Serbisë nuk do ta dëmtojë sovranitetin e Republikës së Kosovës. “Qeveria gjermane, e cila ka njohur Kosovën ndër vendet e para, nuk do të mbështeste masat që shkojnë në dëm të shtetit më të ri në botë”, tha Steinbach, pas një takimi që pati me Kryetarin e Parlamentit të Kosovës, Jakup Krasniqin. Kryeparlamentari kosovar, ndërkaq, u shpreh se pavarësia e Kosovës nuk mund të vihet në pyetje, dhe se sovraniteti i Kosovës është i garantuar. Ndryshe, të enjten Krasniqi dhe Steinbach nënshkruan një marrëveshje bashkëpunimi ndërmjet Kuvendit të Kosovës dhe Bundestagut të Gjermanisë, me të cilën Kuvendit të Kosovës i akordohet një ndihmë ekonomike në vlerë afro 18 mijë euro.

[Llapi]

Kuinti: Protokolli EULEX-Serbi, pa asnjë ndikim në pavarësinë e Kosovës

Kuinti: Protokolli EULEX-Serbi, pa asnjë ndikim në pavarësinë e Kosovës
Prishtinë, 11 shtator - Përfaqësuesi Civil Ndërkombëtar dhe përfaqësuesit e Kuintit, ambasadorët e Francës, Gjermanisë, Italisë, Mbretërisë së Bashkuar dhe Shteteve të Bashkuara të Amerikës, nëpërmjet një deklarate të përbashkët theksojnë se ditëve të fundit kanë zhvilluar diskutime për avancimin e luftës kundër krimit dhe korrupsionit ndërkombëtar dhe për instrumentet dhe modalitetet për të lehtësuar bashkëpunimin policor në rajon për këtë qëllim. Mbi bazë të këtyre diskutimeve dhe konsultimeve me ekspertët e tyre ligjorë, në deklaratë përfaqësuesit e Kuintit theksojnë se mandati i Misionit të Bashkimit Europian për Sundim të Ligjit (EULEX) rezulton nga Veprimi i Përbashkët i Këshillit të Bashkimit Europian (Council Joint Action 2008/124/CFP). Ndërkaq, sipas deklaratës, përkrahja e Republikës së Kosovës për këtë mision, që përfshin pjesëmarrjen e zyrtarëve të policisë, doganave dhe të drejtësisë nga vendet europiane, Shtetet e Bashkuara dhe kombet e tjera, është një shprehje e qartë e dëshirës së saj për të luftuar kriminalitetin tejkufitar në Ballkanin Perëndimor. "Mbi bazë të shqyrtimit tonë të hollësishëm të çështjeve ligjore të ndërlidhura me marrëveshjen teknike ndërmjet EULEX it dhe Ministrisë së Punëve të Brendshme të Republikës së Serbisë për bashkëpunim policor, ne konkludojmë se instrumentet e bashkëpunimit teknik të EULEX it, të bëra në emër të vet, janë në pajtueshmëri me mandatin e tij për të forcuar menaxhimin e kufijve dhe nuk kanë asnjë ndikim në çështjen e pavarësisë, sovranitetit dhe integritetit territorial të Kosovës. Republika e Kosovës nuk është palë në këtë aranzhman teknik, por ne mirëpresim përkushtimin dhe interesin e institucioneve të Republikës së Kosovës për luftimin e aktiviteteve joligjore tejkufitare. Ne përkrahim fuqishëm punën e institucioneve të Republikës së Kosovës për të ardhmen Euro Atlantike të Republikës së Kosovës", theksohet në fund të deklaratës.

[Selami2006]

Nënshkrimi i protokollit, çështje orësh
Marrëveshja me Prishtinën për t’i dhënë dritën e gjelbër nënshkrimit të protokollit EULEX-Serbi është çështje orësh dhe jo ditësh, bën të ditur e përditshmja Koha Ditore, duke u thirrur në deklaratën e një zyrtari të lartë evropian.
Burime të kësaj gazete kanë bërë të ditur se konsultimet mes presidentit Sejdiu dhe kryeministrit Thaçi me përfaqësuesin e BE-së në Kosovë, Pieter Feith, kanë afër përfundimit, me pajtimin që Prishtina zyrtare të tërheqë kundërshtimin për protokollin.

Takimet mes liderëve kosovarë dhe diplomatëve evropianë, gjithnjë sipas kësaj gazete, janë mbajtur vazhdimisht, ndërkaq fundi i kësaj jave pritet që të përmbyllë debatin rreth protokollit, me pranimin e tij.

Zyrtari i lartë i BE-së ka bërë të ditur se, bashkësia ndërkombëtare do të japë siguri të mjaftueshme se protokolli nuk do të cenojë sovranitetin e Kosovës. /Telegrafi/