Kosove: Nenshkruhet mareveshja policore Eulex - Serbi

[ARIANI_TB]

Knaus: Në “këmbim” të protokolleve, Kosova të fitojë udhërrëfyesin për liberalizimin e vizave


“Protokollet apo aranzhimet teknike me Serbinë janë të nevojshme, por në këmbim të tyre Kosova do të duhej të fitonte udhërrëfyesin për liberalizimin e vizave”, tha në intervistën ekskluzive për emisionin “Pika mbi i” të Radio Kosovës, ekspertja e Iniciativës Evropiane për Stabilitet Verena Knaus. Sipas saj, EULEX-i ka një varg të fuqive ekzekutive, por vitet e ardhshme kjo do të tregohet e rrezikshme dhe do të shtrohet çështja e mandatit të vërtetë të EULEX-it dhe të ICO-s.
Radio Kosova: Dua të filloj këtë intervistë me një pyetje ndoshta të thjeshtë, apo ndoshta thelbësore: a janë çështje teknike apo politike protokollet e paralajmëruara ndërmjet EUELEX-it dhe Serbisë ?

Verena Knaus: Kjo është pyetje e vështirë që mbase tingëllon shumë e thjeshtë, por në të njëjtën kohë mendoj se ka një përgjigje të thjeshtë – është njëkohësisht edhe çështje teknike edhe politike. Ajo që më prek mua si vëzhguese e reagimeve në Kosovë dhe njëkohësisht e reagimeve në Bruksel për diskutimet këtu, është se duket se ka shumë keqkuptime se për çfarë janë në realitet këto protokolle, apo marrëveshje teknike. Sipas meje këtu esencialisht bëhet fjalë për Serbinë dhe procesin e Serbisë drejtë liberalizimit të vizave, dhe, kjo është çështja që deri tani nuk është fokusuar edhe aq në Kosovë. Kur shikojmë çështjen e liberalizimit të vizave, Komisioni Evropian dhe pas tij të gjitha vendet anëtare të BE-së, kanë përcaktuar katër kushte të cilat Serbia duhet t’i plotësojë për të fituar liberalizimin e vizave. Njëra prej tyre është protokolli apo marrëveshja e bashkëpunimit me EULEX-in. Pra, kur Bashkimi Evropian e shikon këtë çështje, atëherë e shikon nga këndvështrimi se ajo është parakusht për Serbinë që të sigurojë liberalizimin e vizave. Por, gjithashtu, dhe mendoj se kjo nuk është kuptuar mirë në Kosovë, kjo është njëfarë mënyre për të “paketuar” njëfarë marrëveshje për Serbinë që të pranojë sërish kufijtë në veri, t’i hapë ata dhe t’i bëjë sërish funksionalë, të funksionojnë sërish normalisht doganat ashtu si para pavarësisë dhe në të njëjtën kohë për të operuar si më parë, por me EULEX-in si partner tani.

Radio Kosova: A po e përdorë Bashkimi Evropian misionin e tij në Kosovë për të vendosur raportet me Serbinë, apo EULEX-i thjeshtë po e bën punën e tij ?

Verena Knaus: Në përgjithësi, Bashkimi Evropian dhe vendet anëtare të tij që qëndrojnë pas EULEX-it, normalisht që kanë interes të madh në vendosjen e raporteve të mira me Serbinë. Kjo, normalisht është edhe në interesin e Kosovës. Është e qartë se as Kosova e as Serbia nuk do të përparojnë drejtë anëtarësimit në BE, apo të kenë sukses në luftimin e problemeve të veta : korrupsionit, krimit të organizuar, përmirësimit të shërbimeve doganore apo përmirësimit të jetës së qytetarëve të tyre, pa njëfarë niveli bashkëpunimi, të paktën praktik. Kjo është shumë e qartë. Mendoj se EULEX-i është dizajnuar, si mënyrë, për vendet që kanë qenë skeptike për pavarësinë e Kosovës, që t’i mundësojë Kosovës të bëhet e pavarur dhe në të njëjtën kohë për të bindur vendet anëtare skeptike se do të ketë diçka atje, pra mision të BE-së për sundimin e ligjit, që do të marrë përsipër disa funksione të caktuara nga UNMIK-u. Pra ky ishte dizajnimi fillestar: EULEX-i në konceptin e tij fillestar nuk kishte të bënte me raportet me Serbinë. Tani është bërë “mjeti” përmes të cilit Kosova do të flasë, apo të vazhdojë të flasë me Serbinë, pas ndërprerjes së bisedimeve ndërmjet Prishtinës dhe Beogradit, por kjo nuk ka qenë ideja fillestare.

Radio Kosova: Këto protokolle vërtetë janë kusht për Serbinë në procesin e liberalizimit të vizave. Por, a po përpiqet Serbia të shfrytëzojë këtë situatë edhe në lëmin e ruajtjes së ndikimit të saj në pjesën veriore të Kosovës, përmes këtyre protokolleve ?

Venera Knaus: Po dhe jo. Normalisht që Serbia po provon që të ruajë ndikimin e saj mbi veriun e Kosovës. Mendoj se ky është fakt, i cili, sipas meje është në kontradiktë me aspiratat e Serbisë për t’iu bashkuar Bashkimit Evropian. Mendoj se është shumë e qartë dhe unë plotësisht pajtohem me Marti Ahtisarin, i cili vazhdimisht e thekson se nëse Serbia vërtetë aspiron që t’i bashkohet Unionit Evropian, duhet të pranojë realitetin në Kosovë, dhe, realiteti i ri është se Kosova është e pavarur, në kufijtë aktualë që përfshijnë edhe veriun. Nuk mendoj se Serbia po e përdor këtë protokoll për të rivendosur apo rikthyer kontrollin. Ka shumë mënyra përmes të cilave Serbia mundohet të ruajë kontrollin: njëra është duke kërkuar gjithnjë rifillim të bisedimeve, mënyra tjetër është që të mbajë në të njëjtën “rrugë” pesë vendet anëtare të BE-së që ende nuk e kanë njohur Kosovën, që të mos ndërmarrin hapa përpara dhe ta njohin Kosovën. Pra, ka shumë mënyra sipas të cilave Serbia mundohet të mbajë një nivel të intervenimit politik dhe të kontrollit politik mbi komunitetin serb në Kosovë në veçanti në veri. Mendoj se kjo është kontradiktore dhe është e rrezikshme për interesat vetanake të Serbisë dhe posaçërisht është e rrezikshme për të ardhmen evropiane të të dyjave: Kosovës dhe Serbisë.

Radio Kosova: Kohët e fundit ka shumë diskutime rreth fuqive ekzekutive të EULEX-it. Sipas jush, cilat janë fuqitë ekzekutive të EULEX-it ?

Verena Knaus: Në letër, dhe në rastin e Kosovës, gjithnjë ekziston problemi se ajo që është në letër dhe ajo që ndodhë në realitet nuk janë gjithnjë të njëjta, mirëpo në letër EULEX-i ka një varg të fuqive ekzekutive. Ato shtrihen që nga marrja e përgjegjësive direkte në lëmin e policisë, përgjegjësi direkte në sistemin e drejtësisë e deri tek ndërhyrjet në procesin politik nëse EULEX-i apo ICO në bashkëpunim e vlerësojnë se është e domosdoshme. Mendoj se kjo është shumë e rrezikshme. Kosova e pavarur, demokratike, Kosova evropiane duhet të jetë 100 përqind përgjegjëse për çështjet e saja të brendshme. Mendoj se ky pozicion që kemi tani: pra me Qeverinë e Kosovës e Kushtetutën e Kosovës dhe me EULEX-in dhe ICO-n dhe të gjitha prej tyre me fuqi ekzekutive, mendoj se kjo nuk është e qëndrueshme për një afat të gjatë. Kjo ka qenë e domosdoshme si mënyrë dhe si parakusht për Kosovën që të arrijë pavarësinë, por vitin e ardhshëm, në 2010, në tavolinë do të shtrohet çështja se cili është mandati i EULEX-it në të ardhmen dhe cili do të jetë mandati i ICO-së në dritën e faktit se plani i Ahtisarit nuk ka marrë aprovimin e Këshillit të Sigurimit, se jo të gjitha vendet anëtare të BE-së qëndrojnë pas tij, pra shumëçka ka ndryshuar. Për t’u kthyer tek pyetja juaj rreth fuqive ekzekutive në praktikë: në jug, për shembull në Prishtinë, Gjilan, Pejë etj. EULEX-i ka qenë shumë i butë dhe i kujdesshëm për të mos përdorur fuqitë ekzekutive. Në veri ndërkaq ku policia e EULEX-it është çdo ditë në rrugë. Për shembull tek Kroi i Vitakut, atëherë përdorë fuqitë e veta ekzekutive. Apo mund të flasim për pjesën plotësisht veriore, në portat 1 dhe 31, ku keni policët dhe doganierët e EUELEX-it duke vepruar në kufi në emër të qeverisë së Prishtinës. Sërish është EULEX-i duke aplikuar fuqitë e tij ekzekutive. Pra në këto dy raste Prishtina është e lumtur që EULEX-i përdor fuqitë e tij ekzekutive, kështu që duhet të jemi të kujdesshëm për të thënë nëse është njësoj mirë ndokund. Pra, është një “po e kualifikuar” si përgjigje për këtë pyetje.

Radio Kosova: Institucionet e Kosovës deri tani i kanë thënë jo protokollit me Serbinë. A mundet kjo çështje të ndikojë në raportet e përgjithshme ndërmjet institucioneve të Kosovës dhe EULEX-it dhe në një aspekt më të gjerë ndërmjet institucioneve të Kosovës dhe Bashkimit Evropian ?

Verena Knaus: Po natyrisht. Mendoj se raportet nuk janë të mira tani për tani. Lidershipi i Kosovës ka dalë shumë fuqishëm kundër protokollit. Personalisht mendoj dhe ky është edhe qëndrimi i Iniciativës Evropiane për Stabilitet se ato mund të jenë më taktike. Qeveria e Kosovës mund të veprojë më me taktikë dhe të kërkojë atë për të cilën Kosova vërtetë ka nevojë. Mendoj se ekziston një çështje shumë konkrete që është e rëndësishme për Qeverinë e Kosovës, mbi të gjitha për publikun, e kjo është liberalizimi i vizave për kosovarët. Mendoj se Qeveria e Kosovës duhet të ketë qasje më taktike në raportet e saj me EULEX-in dhe të thotë: ne vërtetë kemi nevojë për EULEX-in në terren, ne vërtetë e duam EULEX-in këtu për të na asistuar, për të na monitoruar, për të na mentoruar e këshilluar, por me të vërtetë e duam EULEX-in këtu për të na ndihmuar në zbatimin e të gjitha atyre kushteve që janë të domosdoshme për Kosovën që të fitojë liberalizimin e vizave. Kjo mendoj se është pika kyçe ku misioni për sundimin e ligjit do të jetë i dobishëm dhe ndihmë për Kosovën dhe marrëdhëniet vërtetë do të jenë ato të partnerëve dhe jo ato të konkurrentëve.

Radio Kosova: Kemi parë kohët e fundit aksione kundër EULEX-it. A do të thotë kjo se ka hapësirë për, le të themi, revoltë kundër EULEX-it ?

Verena Knaus: Po, mendoj se gjithnjë ekziston rreziku. Në njërën anë është e mrekullueshme në përgjithësi se sa të durueshëm janë kosovarët. Dy vitet e fundit kanë qenë të mbushura me paqartësi – me lajme të mira dhe të këqija. Dhuna mendoj se nuk ndihmon askënd. As rrotullimi i veturave të EULEX-it në Prishtinë nuk e ndihmon Kosovën. As protestat e serbëve nëpër rrugët në veri duke parandaluar kthimin e shqiptarëve në shtëpi nuk ndihmojnë. Këto janë taktika që i takojnë së kaluarës. Protestat në rrugë, pa kërkesa për propozime konkrete, nuk e çojnë Kosovën asnjë hap përpara. Sërish, çështja nuk është që vetëm të jesh kundër diçkaje, por të jesh konstruktiv dhe të kërkosh ato për të cilat Kosova vërtetë ka nevojë. Njëra prej tyre është se e ardhmja evropiane për Kosovën vazhdon të varet nga ato pesë vende të Unionit të cilat ende nuk e kanë njohur Kosovën e pavarur. Ky duhet të jetë prioriteti numër një dhe liderët e Kosovës duhet të përdorin çdo rast në bisedat e tyre me miqtë në Evropë për të ngritur këtë çështja. Së dyti është çështja e liberalizimit të vizave. Mendoj se i gjithë raporti ndërmjet EUELEX-it, Bashkimit Evropian dhe fqinjëve do të testohet sërish me gjetjen e zgjidhjeve praktike për t’i ofruar Kosovës një udhërrëfyes.

Radio Kosova: Pesë vende të Bashkimit Evropian nuk e kanë njohur ende Kosovën. Si influencon kjo perspektivën evropiane të Kosovës ? A e dëmton atë ?

Verena Knaus: Absolutisht. Është shumë e qartë se në këtë moment është e pamundur për Kosovën dhe për Komisionin Evropian, në emër të vendeve anëtare, për të pasur marrëdhënie kontraktuese dhe për të ndërmarrë ata hapa të nevojshëm në avancimin drejtë anëtarësimit në BE. Kjo fillon me studimin e fizibilitetit si hap i parë drejtë Marrëveshjes së Stabilizim - Asociimit. Disa vende e kanë bllokuar progresin duke thënë se nuk duan studimin e fizibilitetit. Nëse shkoni tutje ato gjithashtu do të bllokojnë Marrëveshjen e Stabilizim - Asociimit. Edhe në rast se nuk do të bllokojnë Marrëveshjen, do të bllokojnë ratifikimin e saj. Do të ketë gjithnjë shumë mënyra për të bllokuar progresin e Kosovës drejtë Bashkimit Evropian. Shembull tjetër është udhërrëfyesi për liberalizimin e vizave. Komisioni Evropian i ka duart e lidhura në rastin e Kosovës, sepse nuk ka mandat në aspektin juridik, siç ka bërë me vendet tjera. Deri tani miqtë e Kosovës, dhe Komisioni është mik i Kosovës, po përpiqen të gjejnë rrugë kreative dhe disa zgjidhje që janë neutrale ndaj statusit, por në të vërtetë pa ato pesë vende, apo pa të paktën qëndrimin e tyre se nuk do të bllokojnë progresin dhe procesin evropian të Kosovës, do të jetë e vështirë, apo e pamundur për Kosovën që të bëjë hapa të rëndësishëm dhe të qëndrueshëm drejtë BE-së.

Radio Kosova: Problemet më të mëdha politike për Kosovën vlerësohet se janë në pjesën veriore të saj. Nga këndvështrimi juaj, përse institucionet e Kosovës nuk po arrijnë ende të shtrijnë autoritetin e tyre në atë pjesë të vendit ?

Verena Knaus: Për dhjetë vite institucionet e Kosovës nuk kanë qenë në gjendje që të vetme të shtrijnë autoritetin e tyre në veri të lumit Ibër. Për tre vitet e para kjo ka ndodhur shkaku i mungesës së mjeteve dhe autoritetit. Në dy tre vitet e fundit, sidomos nga shpallja e pavarësisë, kjo ndodh për shkak të kundërshtimit të hapur të popullatës serbe në veri dhe obstruksionit të hapur nga Beogradi. Nuk është shkaku i EUELEX-it që Prishtina nuk e kontrollon veriun. Kjo ka qenë e metë që në shpalljen e pavarësisë. Nuk është fer të fajësojmë EULEX-in, protokollin, Iv De Kermabon apo të tjerët.

Radio Kosova: Ju jeni çdo ditë në terren në mbarë Kosovën. A shihni ndonjë zgjidhje praktike për ta bërë pjesë integrale të Kosovës pjesën veriore ?

Verena Knaus: Tri gjëra mendoj se duhet të ndodhin që procesi të vazhdojë. Së pari: institucionet e Kosovës duhet të bëjnë atë që pritet në zbatimin e planit të Ahtisarit. Kjo do të thotë se duhet të vendosen të gjitha strukturat, ligjet, përkushtimet dhe burimet për të zbatuar gjithçka që del nga plani Ahtisari, e që institucionet e Kosovës mund ta zbatojnë. Shumë gjëra nuk do të jenë të mundura për shkak të mungesës së mbështetjes nga pala serbe, apo nga Beogradi, por vetë Kosova duhet të bëjë atë që mundet të bëj. Së dyti: Bashkimi Evropian, në formën e EULEX-it, ICO-s dhe vendeve anëtare, duhet të këmbëngul në përkushtimet e veta. Përkushtimet janë shumë të qarta dhe ato dalin nga parimet e Grupit të Kontaktit që thonë: nuk ka ndarje, Kosova shumetnike dhe nuk ka kthim në gjendjen e mëhershme. Tani 22 vende e kanë njohur Kosovën e pavarur në kufijtë e saj. Pra Bashkimi Evropian duhet të jetë i qartë dhe të ri-sigurojë Prishtinën, por edhe Beogradin, dhe, të thotë se kjo është situata dhe le të ecim përpara. Beogradit i duhet thënë qartë: harroni idenë e ri-negocimit rreth veriut, treni ka ikur dhe stacioni është mbyllur. Mesazhi ndaj Prishtinës duhet të jetë: ne qëndrojmë pas parimeve tona dhe qëndrojmë pas parimeve brenda marrëveshjes Ahtisari dhe realiteti për Kosovën e pavarur ekziston dhe nuk mund të kthehet pas asnjëherë më. Në praktikë kjo nënkupton shumë gjëra të ndryshme, por mendoj se ky duhet të jetë mesazhi. Në një afat më të gjatë mendoj se është e qartë që Serbia dhe Kosova nuk do të mund t’i bashkëngjiten Bashkimit Evropian derisa të zgjidhin çështje të marrëdhënieve të tyre. Mendoj se Bashkimi Evropian është i lodhur nga vende si Sllovenia e Kroacia, që sjellin çështjet e tyre të brendshme dhe i shndërrojnë në çështje evropiane. Pra, mendoj se Bashkimi Evropian do të jetë edhe më i kujdesshëm në Ballkan kur bëhet fjalë për vende të tjera në mënyrë që të mos përsërisë gabimet nga rasti i Qipros, apo të Maqedonisë dhe Greqisë. Pra Serbia dhe Kosova do të duhet të zgjidhin problemet e tyre. Por natyrisht çështja e tretë është se çfarë me Beogradin ? Mendoj se është shumë e qartë se për veriun e Kosovës dhe për të mirën e popullatës serbe që jeton në Kosovë, Beogradi vërtetë duhet të ndryshojë politikën e tij ndaj Kosovës. Beogradi nuk do ta njoh Kosovën as sot, as nesër e as në një të ardhme të afërt. Por është diçka ndërmjet njohjes dhe gjetjes së zgjidhjeve praktike me një vend fqinj. Nuk mendoj se politika aktuale e mbajtjes së serbëve jashtë institucioneve të Kosovës, duke i parandaluar nga pjesëmarrja në zgjedhje dhe duke forcuar strukturat paralele, është ajo e duhura që u shërben serbëve të cilët jetojnë në Kosovë, apo të cilët dëshirojnë të jetojnë apo të kthehen në Kosovë.

Radio Kosova: Për të gjitha këto duket se nuk ka zgjidhje të shpejta, mirëpo për çështjen e protokolleve sidoqoftë duhet të ketë një zgjidhje. Sipas jush cila është zgjidhja për gjendjen e krijuar rreth protokolleve ?

Verena Knaus: Pavarësisht nëse i quani aranzhmane teknike apo protokoll, një formë e tij është e nevojshme sepse e lejon EULEX-in të veprojë në veri, sidomos në kufij dhe lejon bashkëpunimin policor ndërmjet Serbisë dhe EULEX-it këtu. Po ashtu ky është parakusht edhe për Kosovën në përmbushjen e disa kushteve të saj në procesin e liberalizimit të vizave. Por, në këmbim Prishtina duhet të fitojë diçka. Ky mund të jetë, për shembull, udhërrëfyesi për liberalizimin e vizave. Pra, do të ishte një përkushtim i qartë nga ana e Bashkimit Evropian: po EULEX-it, me bashkëpunimin dhe kompromiset, kur bëhet fjalë për rolin e tij neutral ndaj statusit, por gjithashtu EULEX-i do të jetë aty për të ndihmuar Kosovën për të arritur diçka që është shumë e rëndësishme për publikun dhe për qeverinë, dhe, ky është liberalizimi i vizave – jo në një të ardhme të largët, por në 2010, apo 2011

Intervistoi: Gjylie Rexha

E gjitha kjo eshte nje genjeshter e kulluar nga ana e EULEX-UNMIK made in Serbia.

[B.C.B]

Tash edhe pak i kem zgjedhjet,t`kqyrim sa % dalin ne votime,nese dalim shumica me votu domethene pajtohen me kete sistem.E nese pajtohen me kete sistem ju koft perhajr serbia ne Kosove.skem arsye mandej as me u kajt kerkun.
Popull pasiv jem prej vitit 1999 kemi flejt ende gjumi nuk po na del.Keq shume keq.

[drenicaku]

O shipeca kur more doni me mledh mend,po ate hamam protokolli e ka nenshkru moti hashimi,edhe me kok lidhem qe vetem eshte qeshtje kohe kur do ti shohim ne tv duke u perqafu ner veti.
Hajt balit se kjo qeveri qe eshte edhe ate punen me jau ban veq kan me i zhdjerg pantollonat teposht nuk presin me i lut dy her.
Kjo eshte veq propagand kishe ka marr fund ne nuk e nenshkrujm,po nuk i han more kush ma ato fore te killavta.
A din kush me me tregu se qka eshte ber deri me sot nga kjo qeveri,u ba hajni ne polici u qu pluhen nja nje muj tash kush ma se permen,i zajn do hajna per nje der i fusin mbrenda prej tjetres i lirojn,bajn hygjym gazetarucat e shkrujn nja dy tri dit edhe e qesin e lajn vazhdon me te vjetren.
E nuk jan kan budall edhe rilindasit tan qe kan than se armiku me i madh i shqiptarve eshte vet shqiptari.
Shiqoje veriun e mitrovices nje grusht shkie luajn me krejt kosoven nuk jan ma shum se 100 shkie e del hashim zeza munohet me than diqka e nuk thot asgje.
mjerim

[Llapi]

Kryeministri Thaçi rithekson: Për institucionet e Kosovës çështja e protokollit është e mbyllur

Prishtinë, 8 shtator 2009

Kryeministri i Republikës së Kosovës, Hashim Thaçi, bashkë me ministrin e Mjedisit dhe Planifikimit Hapësinor, Mahir Yagcilar dhe në shoqëri të kryetarit të komunës, Ramadan Muja, ka vazhduar edhe sot serinë e zgjerimit të hapësirave të gjelbëruara, kësaj radhe në qytetin e Prizrenit. ku ka përuruar disa parqe, ndërkohë ka inspektuar edhe punimet qe po bëhen në infrastrukturën rrugore dhe në kanalizmin e qytetit.

Gjate rrugëtimit të tij këmbë nëpër lagjen Jeni Mahallë, Lakuriq, por edhe Tusus të Prizrenit, kryeministri Hashim Thaçi u takua dhe bashkëbisedoi edhe me qytetarët e shumtë të cilit kishin dalë për ta pritur.


Rreth 3 hektarë hapësirë e gjelbëruar, e shtrirë në lagje të ndryshme të Prizrenit, kanë përjetuar sot mbjelljen e fidaneve nga kryeministri Thaçi, ministri Yagcilar dhe kryetari i komunës së Prizrenit, Muja.

Kryeministri Thaçi gjatë vizitës në Prizren i është përgjigjur edhe interesimit të medias lidhur me rezultatet e mundshme të zgjedhjeve komunale të 15 nëntorit.

“Është herët të flitet për rezultate, këtë duhet t’ua lëmë sovranit me 15 nëntor, të angazhohemi në agjendën shtetërore...”, ka thënë kryeministri Thaçi.


Duke theksuar vazhdimin e investimeve qeveritare në qytetin e Prizrenit, në ngritjen e mirëqenies për qytetarët, kryeministri Thaçi ka rikujtuar se së shpejti do të fillohet të punohet në projektin e autostradës Morinë-Prizren-Prishtinë, e cila, siç tha kryeministri, krijon mundësi të reja punësimi dhe përveç kësaj edhe prurjen e qytetit të Prizrenit më afër bregdetit dhe më afër Prishtinës.


Gjatë vizitës në qytetin me vlera të larta të trashëgimisë kulturore, kryeministri Thaçi ka thënë se qyteti i Prizrenit është qytet model i ndryshimit për të mirë, ashtu siç është model i bashkëjetesës dhe tolerancës ndëretnike. Z.Thaçi, me këtë rast ka përgëzuar udhëheqjen komunale për të arriturat në Prizren, duke ofruar përkrahjen e plotë të qeverisë.

[drenicaku]

Lene bre ma qit protokoll,se na lodhet,kjo pune u krye moti,nese don me dit ta them une.
Nese te kujtohet plani gjasht pikesh qe hashim zeza thoshte ka vdek,e qe une mendoi qe nuk ka vdek po eshte shume i fort.
Ky protokoll ja mundeson policis serbe te futet edhe ne teritorin e kosoves gjeja per bashkpunim,ne fakt kjo eshte pika e par kurse 5 pikat tjera shume shpejt do ti shofim,keta nderkombetaret nuk ju guten punve ama me kry e kryejn se qke me te.
Keta te huajt e kan pa keta politikajt tan qe qdo gje tjeter din perveq politikse edhe po luajn me ta.
Edhe lene ket far pune se protokolli u nenshkru moti

[Harudi]

Raporti për Kosovën i sekretarit të përgjithshëm të Kombeve të Bashkuara, Ban Ki-moon, iu është dorëzuar të hënën me 24 Nëntor të vitit 2008,shteteve anëtare të Këshillit të Sigurimit.

Ose i njohur si plani gjashtëpikësh i ban ki moon-it!
Në bazë të këti plani gjashtëpikësh (dhe rezolutës 1244),konkretizohet edhe protokolli në mes të Srbisë dhe EULEX-it.

Pjesëmarrësit bien dakord të bashkëpunojnë në bazë të Rezolutës 1244 (1999) të Këshillit të Sigurimit të Kombeve të Bashkuara, dhe në bazë të Veprimit të bashkuar të Këshillit të BE 2008\124\ CFSP, duke iu referuar Raportit të sekretarit gjeneral të UNMIK-ut në 24 nëntor 2008 (S\2008\692).

Ku janë ata që palleshin deri dje në emër të institucioneve të Kosovës se,6-pikëshi ka vdekur!?
Tashti sapo do të fillojë zbatimi i pikës së parë:
1.Policia
për të vazhduar me:
2.Doganat
3.Drejtësia
4.Transporti dhe infrastruktura
5.Kufijtë dhe
6.Trashëgimia srbe (e njohur në Kosovë si decentralizim)
Ata që palleshin dje se, 6-pikëshi ka vdekur,sot pallin se protokolli mes Srbisë dhe EULEX-it është qështje e mbyllur!!!
Idiotët!


Po dua t'i pyes këtu disa qorra të Shqipnis (dhe të Kosovës) të cilët mundohen me n'a dhanë sy:
A parasheh ky protokoll dhe protokkollet tjera që do të nënshkruehn qarkullim të lirshëm të banorëve të Kosovës nëpër teritor të Srbisë,gjë që për srbët e Srbisë nuk ka kurrfarë ndalese për të qarkulluar nëpër terotor të Kosovës.

Sa kriminelë srb të luftës (vrasës,hajna,dhunues plaçkitës...) deri më sot ka gjykyar dhe dënuar Srbia (gjykatat e saj) në bazë të krimeve që kanë krye ndaj shqiptarëve (civilë) në Kosovë kriminelët srb?

Shkëmbim të menjëhershëm të informacionit të kërkuar si urgjent apo me
domethënie të veçantë sipas qëllimeve të këtij protokolli, duke përfshirë edhe rezultatet e operacioneve, si relevante për implementimin e këtij protokolli...

Përdorimi i informacionit dhe dokumenteve
Pjesëmarrësit pranojnë që çdo informacion, të dhëna dhe dokumente të marra në kuadër të këtij protokolli do të përdoren vetëm për qëllimet e lejuara dhe brenda ndalesave të vendosura nga ky protokoll. Asnjë prej pjesëmarrëseve nuk do të publikojnë këto informacione, të dhëna, apo dokumente të ofruara nga pjesëmarrësi tjetër në kuadër të këtij protokolli për qëllime të tjera jashtë këtij protokolli.

A do të arrestojë eulexi në bazë të protokolit të gjithë ata persona në Kosovë e që Srbia i ka në listat e saja të fryera dhe që ka të ngritura aktakuza ndaj shqiptarëve si kriminelë që mëpastaj do t'i dorëzojë gjykatave srbe në Srbi!!!!??

Zgjidhur çdo kundërshtim apo konflikt të ngritur nga implementimi i këtij protokolli

Qysh po shihet Srbia nuk e ka v'shtirë me luejt k.oqe me politikanët e sotit t'Kosov's.

Nuk i len as me kundërshtu e as me bë konflikt.

Lexoni,se sa shpejt hajredin kuçi ,zëdhënësi i qeverisë e ka kuptu:
“Unë i ftoj gjithë qytetarët dhe pjesëtarët e Lëvizjes “Vetëvendosje” që të respektojnë rendin dhe ligjin në Kosovë dhe të mendojnë gjithmonë për perspektivën e vendit. Dhe, kësaj radhë të mos e qesim veten në pozitën e atyre që kundërshtojnë dike...

Jo ka vdek jo u mbyll kjo punë po thojnë k'ta dahit e Kosov's,k'to janë llafe sa për me n'a i hup me kos që thotë ajo meselja,mbase i'a kish bë atë punën!

[Harudi]

“Protokollet apo aranzhimet teknike me Serbinë janë të nevojshme, por në këmbim të tyre Kosova do të duhej të fitonte udhërrëfyesin për liberalizimin e vizave”, tha në intervistën ekskluzive për emisionin “Pika mbi i” të Radio Kosovës, ekspertja e Iniciativës Evropiane për Stabilitet Verena Knaus.

Paska thënë njëra prej 999 mijë ekspertëve të iniciatovës Europiane!!!!
Dhe si kjo njëra,mediat e Kosovës (zëdhënëset e qeverisë) tash e tutje do t'na sjellin për çdo ditë si lajm!
Ku me e ditë se,edhe sa emra të ekspertëve të k'ti lloji do t'i mësojnë banorët e manipuluar të Kosovës!

Si për fund:
Ky farë udhërrëfyesi që thotë ekspertja,me thanë ma shqip,është lista e detyrave që duhet kry qeveria e sotme apo e nesërme e Kosovës,e ajo listë është shumë e gjatë dhe për më keq,ende nuk i është dërguar institucioneve të Kosovës sepse,s'jena kërkah,andaj liberalizimi i vizave për banorët e Kosovës as që është në rend dite tek Këshilli Europian!

[Llapi]

Sparkes: Protokolli s’e dëmton Kosovën

Nga Express më 09.09.2009 në ora 10:00
Ambasadori i Britanisë së Madhe në Kosovë, Andy Sparkes, thotë se Protokolli për bashkëpunimin policor EULEX- Serbi nuk shkon në dëm të Kosovës.

Në një prononcim për RTK-në, ambasadori Sparkes, ka pranuar se debati për protokollin ka marrë përmasa jo të duhura dhe se Serbia, duke mos e njohur pavarësinë e Kosovës, nuk do të mund ta nënshkruajë një protokoll të tillë me institucionet vendore.

“Ka pasur shumë zhurmë dhe spekulime për nënshkrimin e këtij dokumenti, meqë thuhet se EULEX’i do ta shkelte sovranitetin e Kosovës. Si një britanik, si një mik i Kosovës, unë sinqerisht nuk besoj se ky dokument do të përfaqësonte diçka te keqe për Kosovën, se do të shkelte sovranitetin e Kosovës, apo që do të ishte në të keqen e Kosovës”, ka thënë ai.

“Kosova nuk do të vuajë për shkak të këtij protokolli. Është një aranzhim teknik. Ai do të lejonte një bashkëpunim më të mirë me autoritet e Serbisë në kufij”, ka shtuar Sparkes.

Ambasadori britanik ka thënë se Protokolli duhet të nënshkruhet mes EULEX’it dhe Serbisë, pasi që një marrëveshje e tillë nuk mund të arrihet mes Kosovës dhe Serbisë.

“Duke pasur parasysh se Serbia nuk e ka njohur pavarësinë e Kosovës, ata nuk mund të nënshkruajnë ndonjë dokument me Republikën e Kosovës. Ky protokoll do të ndihmonte punën e EULEX’it, në parandalimin e krimit të organizuara dhe të çfarëdo krimi tjetër, sidomos në veriun e Kosovës”, ka thënë ai.

Sipas tij, nënshkrimi i protokollit ndihmon në luftën ndaj krimit të organizuar. “Është e vërtetë, siç kanë thënë edhe disa media, se ky protokoll do të ishte edhe në të mirë të Serbisë. Sepse kjo është një pjesë e të arriturave në programin e liberalizimit të vizave. Një Serbi që eventualisht do të bëhej pjesë e BE’së, do të kishte një politikë ndryshe ndaj Kosovës, e cila gjithashtu ka vendin e saj në Kosovë”, ka thënë ai.

“Në këndvështrimin politik të qeverisë britanike, ky protokoll nuk përbën asnjë shqetësim për Kosovën. Gjithë kjo zhurmë në media ka kaluar në proporcione jo të duhura”, ka thënë ambasadori britanik në Kosovë, Andy Sparkes.

[ARIANI_TB]

Sparkes: Protokolli s’e dëmton Kosovën

Nga Express më 09.09.2009 në ora 10:00
Ambasadori i Britanisë së Madhe në Kosovë, Andy Sparkes, thotë se Protokolli për bashkëpunimin policor EULEX- Serbi nuk shkon në dëm të Kosovës.

Në një prononcim për RTK-në, ambasadori Sparkes, ka pranuar se debati për protokollin ka marrë përmasa jo të duhura dhe se Serbia, duke mos e njohur pavarësinë e Kosovës, nuk do të mund ta nënshkruajë një protokoll të tillë me institucionet vendore.

“Ka pasur shumë zhurmë dhe spekulime për nënshkrimin e këtij dokumenti, meqë thuhet se EULEX’i do ta shkelte sovranitetin e Kosovës. Si një britanik, si një mik i Kosovës, unë sinqerisht nuk besoj se ky dokument do të përfaqësonte diçka te keqe për Kosovën, se do të shkelte sovranitetin e Kosovës, apo që do të ishte në të keqen e Kosovës”, ka thënë ai.

“Kosova nuk do të vuajë për shkak të këtij protokolli. Është një aranzhim teknik. Ai do të lejonte një bashkëpunim më të mirë me autoritet e Serbisë në kufij”, ka shtuar Sparkes.

Ambasadori britanik ka thënë se Protokolli duhet të nënshkruhet mes EULEX’it dhe Serbisë, pasi që një marrëveshje e tillë nuk mund të arrihet mes Kosovës dhe Serbisë.

“Duke pasur parasysh se Serbia nuk e ka njohur pavarësinë e Kosovës, ata nuk mund të nënshkruajnë ndonjë dokument me Republikën e Kosovës. Ky protokoll do të ndihmonte punën e EULEX’it, në parandalimin e krimit të organizuara dhe të çfarëdo krimi tjetër, sidomos në veriun e Kosovës”, ka thënë ai.

Sipas tij, nënshkrimi i protokollit ndihmon në luftën ndaj krimit të organizuar. “Është e vërtetë, siç kanë thënë edhe disa media, se ky protokoll do të ishte edhe në të mirë të Serbisë. Sepse kjo është një pjesë e të arriturave në programin e liberalizimit të vizave. Një Serbi që eventualisht do të bëhej pjesë e BE’së, do të kishte një politikë ndryshe ndaj Kosovës, e cila gjithashtu ka vendin e saj në Kosovë”, ka thënë ai.

“Në këndvështrimin politik të qeverisë britanike, ky protokoll nuk përbën asnjë shqetësim për Kosovën. Gjithë kjo zhurmë në media ka kaluar në proporcione jo të duhura”, ka thënë ambasadori britanik në Kosovë, Andy Sparkes.

Genjeshter e Kulluar, te gjithe mundohen te genjejne si keta nderkombetaret ashtu edhe vendoret.

Por nuk do kene sukses sepse perballe e kane Levizjen VETEVENDOSJE ne krye me legjenden e gjalle ALBIN KURTIN.

Poshte EULEX-UNMIK-made in Serbia.

Rrofte Levizja Vetevendosje ( UCK ) - ALBIN KURTI

[ARIANI_TB]

Serbia paralajmëroi se protokolli me EULEX-in mund të nënshkruhet kah fundi i shtatorit

I ashtuquajturi ministër për Kosovën në Qeverinë serbe, Goran Bogdanoviq, i ka thënë shtypit serb se protokolli EULEX - Serbi mund të nënshkruhet kah fundi i shtatorit. Me këtë dokument, sipas tij, do të definohet lufta kundër të gjitha formave te krimit në Kosovë.
Ai ka thënë se nënshkrimin e protokollit midis EULEX-it dhe Serbisë e mundëson Rezoluta 12 44.