Akt terrorist ndaj familjes Mehaj

[Anesti_55]

Kosova nuk ka vend për “talebanë”

NGA PROF. SAMI REPISHTI

Lajmet e fundit për aktet terroriste të kryeme nga të vetëquejtunit “Xhihadi thërret” që paraqiten si “Organizata mbrojtja e Islamit në Kosovë” kundër vëllazënve dhe motrave shqiptarë të besimit katolik janë shumë shqetësuese. Në esencën e tyne këto akte terroriste janë krime kundër njerëzimit që dënohen me ligje dhe nga ndërgjegjja kolektive, si dhe akte antishqiptare që damtojnë randë kauzën e shenjtë të bashkimit kombëtar shqiptar. Akte të këtilla terroriste duhen dënue pa hezitim, pa rezerva nga të gjithë individët me arsye e ndërgjegje, si dhe nga autoritetet qeveritare e joqeveritare te Republikës së Pavarun të Kosovës, si shkelje flagrante të lirisë dhe pasunisë së qytetarëve kosovarë.

Djegia e shtëpisë së familjes shqiptare katolike Mehaj në fshatin Prigodë të komunës Burimi/Istog dhe kërcënimet e dërgueme për familje të tjera shqiptare katolike janë akte terroriste. Përshtypja e parë që më pushtoi ka qenë revolt i menjihershëm dhe dënimi pa kompromis i këtij akti terrorist. Dhe ma vonë, mosbesimi!

Dhjetë vjet ma parë kjo shtëpi u dogj nga terroristët serbë të Millosheviçit, sepse ishte shtëpia e nji shqiptari që përkrahte luftën e UÇK-së. Sot digjet shtëpia nga terroristet e padeklaruem të “Xhihadi thërret” sepse ashte shtëpia e nji të konvertuemi katolik. Përfundimi i paevitueshëm ashtë se me qenë shqiptar në Kosovë për serbët ashtë nji krim që dënohet me vdekje dhe me qenë katolik në Kosovë ashtë nji krim që dënohet nga “talebanët” kosovarë. E pabesueshme!

Sot, akoma nuk jam në gjendje me pranue se në Kosovën e lirë e të pavarun, në Kosovën e martirizueme që posa ashtë çlirue nga zgjedha shekullore serbe, lindin dhe jetojnë individë të paskrupull; që shkelin me kambë trashëgimin e lavdishëm shqiptar të tolerancës fetare. Ajo që mund të them sot, ashtë se terroristët që i kanë vue zjarrin shtëpisë Mehaj në Prilog dhe ata që kanë kërcënue familje të tjera shqiptare te konvertueme rishtas në katolicizëm nuk janë qenie njerëzore të pajisuna me arsye e ndërgjegje, nuk janë shqiptarë, nuk janë qytetarë kosovarë që njohin historinë e Kosovës, që kanë doket dhe zakonet e Kosovës, që ushqejnë aspiratat e popullit të Kosovës dhe që kanë të njëjtat interesa me të gjithë popullin e Kosovës - megjithëse flasin shqip…! Elementë të këtillë shqipfolës nuk janë shqiptarë! Ende ma e randësishme: ata nuk janë të denjë të mbajnë nderin dhe të gëzojnë lavdinë e “qenies njerëzore”!

Mendoni, ju lutem vitet 1998 dhe 1999, natyrisht pa harrue tmerrin e shkatërrimet e Kosovës që nga viti 1877, e vargun e parë të “muhaxhirëve” që mbushën Kosovën, viktima të “spastrimit etnik” serb, ushtrue mbi Kosovën. Mendoni, ju lutem, solidaritetin kosovar që habiti botën e qytetnueme me fisnikerinë dhe suksesin e saj dekada me radhë. Mendoni, ju lutem, rezistencën paqësore e të armatosun - dy anët e nji monedhe - që afroi shqiptarët, viktima aq shumë sa qe sakrifikuen jetën, dhanë shtëpitë për strehim, ushqyen të uritunit, veshën me rroba e këpucë të zhveshunit që mbeten në mes të rrugës nga terrori serb ne Kosovë. Askush nuk pyeti për fe as për ide. Mjaftonte të ishe nji person në nevojë, pa bukë, pa strehë, pa veshmbathje, pa asgja…! Muhaxhir i përbuzun!





Në mes të qershorit 1999, krimineli i luftës S. Millosheviç, ish-Presidenti i Serbisë, u thye, u dorëzue me turp dhe ma vonë u dërgue në Hagë, si kriminel lufte në Gjykatën Ndërkombëtare për Krime Lufte në ish-Jugosllavi. Forcat çlirimtare të NATO-s dhe repartet ushtarake të UÇK-së zbriten në qytetet e katundet e Kosovës, që çliroheshin çdo dite nga thundra shekullore serbe. Kujtoni pritjen e këtyne “çlirimtareve”, buqetat me lule, gazin në fytyrat e viktimave, i madh e i vogël në kambë përshendeste lindjen e ditës së re - Ditën e çlirimit të përhershme të Kosovës. Asnji nga ushtarët çlirimtarë të NATO-s nuk ka qenë mysliman: të gjithë kanë qenë kryesisht të krishtenë të denominacioneve të ndryshme kristiane. Dhe na i përqafuem si çlirimtarë. Në Kosovë filloi jeta ku fjala, mendimi, shtypi dhe shërbimi fetar u shprehën lirisht, ku adhurimi u ba lirisht. Në kishat e xhamijat dhe teqetë e Kosovës, ku shumica dërmuese e popullsisë janë të besimit mysliman, u banë lutjet e përditshme dhe u adhurue i Madhi Zot që premtoi liri për të gjithë. Myslimanë e të krishtenë u përqafuen si vëllau me vëlla para, nji mrekullie të këtillë. Asnjeri nuk kërkoi nga tjetri të ndryshonte fenë, mendimin politik ose kombësinë. Koncepti i lirisë për të gjithë nuk e lejonte nji akt të këtillë.

Feja, çdo fe e sidomos fetë monoteiste -judaizmi, krishtenimi dhe islamizmi - mshteten mbi baza të forta e të qëndrueshme teologjike dhe morale. Nga këto baza liria fetare për të gjithë dhe e drejta e adhurimit lirisht ashtu si dikton ndërgjegja individuale e secilit prej nesh, janë themelore. Pa nji të drejtë të këtillë, feja, çdo fe, do të ishte nji imponim, dhe në praktikë nji diktaturë.

Nji qëndrim i këtillë lejon zhvillimin e lirë të shoqenisë plurikonfesionale kosovare, dhe mirëqenien shpirtënore të të gjithë popullsisë. Ky parim ashte i pashkelshëm! E drejta me besue lirisht don të thotë me pasë të drejtë me zgjedhe formen e besimit që dëshiron, dhe me pasë të drejtën me u bashkue në komunitete fetare që dëshiron secili nga ne. Adoptimi i nji feje qoftë e trashegueme nga të parët tonë ose e përqafueme lirisht nga secili individ, ashtë një proces i natyrshëm, normal, ligjor, dhe i pranueshëm nga e gjithë bota e qytetnueme. Vetëm vendet e paqytetnueme, aty ku liria dhe ligji nuk funksionojnë, mohojnë këtë të drejtë. Kosova nuk ashte nji vend i paqytetnuem!

Sot, ata “talebanë“ mesjetarë që duen te grabisin me dhunë Islamin si fe paqësore, që synojnë kthimin mbrapa të shoqënisë kosovare në shekullin e shtatë, janë pengesa ma e madhe e zhvillimit bashkëkohor të shtetit dhe shoqënisë kosovare. “Talebanët” kosovarë duhen ndalue me të gjitha mjetet ligjore që lejon Kushtetuta e Kosovës që të mos ushtrojnë zanatin e tyne vdeksor! Ata janë thjeshtësisht kërpudha helmuese!

Këto ditë më kujtohen gjyqet e Prizrenit në vitin 1945. Më vijnë para sysh fytyrat e profesor Kolë Margjinit (që kam njohë në Liceun e Shkodres) dhe të legjendares Maria Shllaku. Të dy këta heroj u pushkatuen nga serbët sepse mbrojtën Kosovën, nji krahinë e banueme kryesisht nga popullsi myslimane. Mos harroni! Ju lutem, mos harroni!

19 antare te kesaj familje me banim ne Danimarke riperqafuan besimin e te pareve.Perfundimisht shqipetaret , vellezerit e vet ,por si nje produkt i pushtuesit otomane u hakmoren me to duke kryer kete akt terrorist.Permua kerpurdha eshte helmuese eshte islamizmi i cili duhet braktise njehere e pergjithemone.

[Gostivari_usa]

Kjo eshte pjelle e juaja ,e jo e Xhihadit therret!!!
Juve me qellim keni djegur kete shtepi qe fajin me vone tia hudhni muslimanevese gjoja kane djegur kete shtepi si pune hidherimi ose hakmarjeje pasi keta tipa jane kthyer ne kristijan (katolik)!!!
Kujt i intereson se ne cfar feje jane konvertuar ato, per mua ishalla hindus u befshin, vone nuk me behet FARE!!!
Por ama keto intriga qe komuniteti kristijan i ben ne kosove nuk duhet te tolerohen, sepse jam 100% i sigurte qe vet e keni djegur kete shtepi dhe tani mundoheni ti fajesoni muslimanet.

Turp ju qoft.

GV_USA

[La_Fenice]

Sa turp per te gjithe shqiptaret!Gjithkush ka fene e tij por pse duhet te krijojme gjera te tilla dhe te mos respektojme njeri tjetrin?!Si mund ti djegesh shtepine atij qe je rritur me te ?!Mblidhni mendjen se jemi shqiptare te gjithe e mos u merrni me idiotesira anadollake!

[mesia4ever]

Kjo eshte fashizem, shpresoj qe qeveria e Kosoves te bej dicka, nuk e meritojme kete ne...

Edhe niher, George Bush, ta ndjekim hapin e tij...



...Freedom and fear, are at war

[Gregu]

Oj shqiptari!
Te ka marr lumi qe me pushtim e turqise, dhe po vazhdon me arabizmin kanibal!

Ne keto raste vetem diktatura e e degjeneruar e Enverit do ishte ilaqi i duhur.
Turp, budallallyk, magarallyk, lopizem, erresire, vdekje, terror...dhe plot te tjera negativizma sjell kjo kultur dhe dhe ky sistem i erret.

Por kujt po i behet vone?!
Raste te tilla ka plot dhe cdo dite, por te gjithe heshtim.
Nje dite do behet i zakonshem nje lajm i tille sic eshte bere ne vendet islamike.

Kosova dikur vuante nga serbet, e sot nga keta islamik (sic e ka thene edhe autori i shkrimit).

[Archicad]

Xhihadi therret nuk ekziston.

Asnje musliman shqiptar nuk eshte aq shpirtmire sa tia beje sherbimin kesaj familjeje.

Familja Mehaj gjenden ne Norvegji duke prite letrat.

Komisioni i shqyrtimit per kerkese azili jane shume skeptik ndaj shqiptareve te te gjitha

besimeve.

Keshtu qe arbitrimi im eshte se shtepia eshte djege vetvetiu...

[paridi26]

Or ti Gostikari ça thu or rob i trash ? Nuk kan pun tjeter n'kosov njerezit vetem me i fut zjarrin shpis syne me fajesu rob te degjenerum si puna jote lol

ti re maçok fytyr pa lare sja ke iden se ç'jane ne gjendjete bejne misioneret e krishter.

ata shkruajten nj ebibel ne te cilen thonin se jezusin e kishin kryqezuar demi i terbuar dhe kali i çmendur ,qe te konvertonin indianet ne te krishter.saqe i i pari i fundit i indianeve te amerikes e kishte emrin jozef.

[goldian]

autoret duhen denu maksimalisht
ska rendesi car fejet kane

[gerrard73]

Une kam qene i pranishem si gazetar ne disa konvertime shqiptaresh keto vitet e fundit. Dhe ju siguroj se ka nje tendenze aq te madhe te njerzve normal per t'u kthyer ne origjinen e te pareve sa askush nuk eshte ne gjendje t'a imagjinoi.. Pamvarsisht nga burrokracia e Kishes Katolike, qe paradoksalisht behet edhe pengese me ritualin e saje monoton. Nje muslimani qe deshiron te kthehet ne katolik, duhet te ndjek nje kalvar te vertete, ku se pari duhet te ndjek katikizmin, pastaj te pagazohet dhe te krezmohet. Dhe nje proçes i tille don kohe dhe pune. Sipas Kishes nese nje musliman deshiron te kthehet ne Katolik, ai duhet te mohoje ç'do besim tjeter dhe te pranoje Jezusin shpetmtar te njerzimit, deri ketu gjithçka ne rregull. Sikur mos te mjaftonin te gjitha, duhet t'a ndiej shpirterisht besimin e ri dhe te jete nje besimtar i devotshem. Kjo per mendimin tim eshte e tepert dhe burrokratike. Eshte e tepert per faktin se vlen vetem moralisht, dhe eshte nje demokraci e teprur qe automatikisht shendrrohet ne "autolezionizem"". Shqiptaret nuk kane nevoje te shendrrohen ne besimtar te devotshem, shqiptaret kane nevoje te braktisin islamin. Pamvarsisht nese neser, do te shkojne ne Kishe rregullisht apo jo. Ne shume raste kam bere edhe polemika te ashpera me shume prifterinj, qe nga ana morale kane te drejte, por nga ana pragmatike Jo. Ne Kosove mbi 50 % te shqiptareve jane te gatshem qe te konvertohen ne katolik, konvertimi i tyre eshte vetem çeshtje kohet. Kisha Katolike shqiptare po te ndjekte politiken qe ndjek islami, si ne trojet shqiptare ashtu edhe ne xhiro neper bote, shqiptaret do te konvertoheshin brennda dy dekadave. Kisha Katolike ka zgjedhur nje rruge tjeter, duke bere gjithmone rolin e viktimes ku duhet kethyer gjithmone faqja tjeter, dhe ne shume raste pa qene ne gjendje as te ngreje zerin per te mbrojtur te drejtat e komunitetit te saje.
Ku eshte Kisha Katolike e Kosoves qe nuk e ngre zerin kunder ketyre akteve kaq barbare qe ndermerren ndaj besimtareve te saje? Po te kishte ndodhur nga ana tjeter e barrikades, do te kishim patur protesta ne rruge, pa permendur shown qe ishte bere neper media. Me kujtohet rasti kur politikani Ben Blushi shkroi nje liber qe fliste per konvertimin e shqiptareve ne islam, duke permendur metodat qe perdoreshin. Pothuase patem nje grusht shtetit. Zoti Blushi mori kercenime edhe me vdekje, komuniteti musliman ne Shqiperi doli ne konference per shtyp. Dhe kjo ndodhi vetem per nje liber, qe nga ana tjeter nuk thoshte asgje qe nuk eshte e vertete.
Une nuk them se Kisha Katolike te sillet si talebanet, kyte kurre, do te ishte turpi me i madh. As nuk pretendoj qe te shkele jetiken e saje qe natyrisht drejtohet nga qeveria lart(Vatikani), por te pakten minimumin e perkrahjes morale duhet t'a pretendojme. Historia e ka treguar se, ne nje popull qe ka shumice islamike, te drejtat e pakices jane shkelur gjithmone. Bile eshte nje eufemizem nese themi se shkelen te drejtat e pakicave ne rregjimet islamike. Fatmirsisht ne trojet shqiptare nuk kemi rregjime islamike dhe as shtete islamike, por gjithmone dhe me pak eshte duke ardhur toleranca. Dhe do te ishte hipokrizi nese pretendojme se kyte "tolerance" e kane prishur te krishteret si pakice. Do te ishte qesharake nese pretendojme se shtepia e kesaje familje eshte djegur nga njerz te tjere perveç se talebaneve kosovar.
Kosova eshte nje shtet demokratik dhe laik. Besimi i te gjithe qytetareve eshte i mbrojtur me ligj. Dhe secili ka te drejte te zgjedhe, besimin, veshjen, muziken, te dashuren, krahun politik, skuadren e zemres, dhe te gjitha menyrat e te jetuart.
Une ketu nuk kam asgje kunder talebaneve. Une nuk kam asgje sepse nuk jane askushi. Nuk ndiej as urrejtje dhe as simpati, te urresh do te thote t'i keshe frike. Ata urrejne pjesen tjeter te popullsise shqiptare, qofshin ata te besimit musliman qofte te besimit te krishtere. Urrejne sepse kane frike nga pjesa e shendoshe e popullit shqiptar, qe natyrisht eshte maxhoranca. Urrejne sepse ndihen ne veshtirsi, urrejne sepse ndihen te vetmuar. Une e kam me Kishen Katolike qe vazhdon te beje rolin e viktimes, eshte e kuptueshme kultura e "kthimit te faqes tjeter", por jo te na marrin per budallenj.

[extreme]

Kjo eshte pjelle e juaja ,e jo e Xhihadit therret!!!
Juve me qellim keni djegur kete shtepi qe fajin me vone tia hudhni muslimanevese gjoja kane djegur kete shtepi si pune hidherimi ose hakmarjeje pasi keta tipa jane kthyer ne kristijan (katolik)!!!
Kujt i intereson se ne cfar feje jane konvertuar ato, per mua ishalla hindus u befshin, vone nuk me behet FARE!!!
Por ama keto intriga qe komuniteti kristijan i ben ne kosove nuk duhet te tolerohen, sepse jam 100% i sigurte qe vet e keni djegur kete shtepi dhe tani mundoheni ti fajesoni muslimanet.

Turp ju qoft.

GV_USA

Amo gostivar bonu pak real . Ne kosove ka vahabista qe ja kan nis me bo sene tilla kur ta rrehin hoxhen midis xhamie e para xhematit po katolikve ...? njerz budall o gostivar .