Një muaj Bajrami

[iliria e para]

http://www.gazetaexpress.com/index.p.../13761/C4/C15/

Një muaj Bajrami

Muaji i Ramazanit do të jetë një muaj i zakonshëm për shumicën e politikanëve në Kosovë. Express nuk ka gjetur asnjë prej tyre që agjëron. Gjithë Ramazanin ata do ta kenë Bajram

Nga Artan Behrami më 22.08.2009 në ora 9:35
Shumica e politikanëve kosovarë duket se asnjëherë nuk kanë hyrë në gjynah. Të vetëkënaqur shpirtërisht, ata kanë vendosur që ta hanë edhe këtë Ramazan. Në këtë pikë nuk ka përçarje e as ndarje, pavarësisht ideologjive politike. Një pjesë e mirë e tyre kanë edhe arsyet e shumta për këtë, të pranueshme edhe për Zotin.

Derisa presidenti dhe kryeministri i Kosovës nuk mund të agjërojnë për shkak të pritjeve dhe përcjelljes që u bëjë delegacioneve, të tjerët nuk mund të ndahen nga duhani. Ndërkaq, disa mendojnë se në të kaluarën kanë sakrifikuar mjaft. Por, ka edhe politikanë të tillë që pranojnë se asnjëherë në jetën e tyre nuk kanë agjëruar dhe këtë nuk do ta bëjnë as në të ardhmen.

Duke filluar nga presidenti i Kosovës, kryeministri dhe liderët e partive politike e deri të anëtarët më të thjeshtë të tyre, nuk do të kenë fare nevojë për Vaktitë. Ata përdorin një kalendar tjetër.

“Duhet të presë dhe të përcjellë delegacione, kështu që presidenti nuk agjëron”, thotë Xhavit Beqiri, zëdhënës i Presidencës. Për të njëjtat shkaqe nuk është duke agjëruar as kryeministri i Kosovës, Hashim Thaçi. “Sa e di unë, kryeministri për shkak të obligimeve ditore që i ka edhe pritjeve dhe takimet e shumta, e ka të pamundshme me agjërua muajin e Ramazanit”, tregon zëdhënësi i Qeverisë, Memli Krasniqi e i cili po ashtu nuk është duke agjëruar Ramazanin, ngase është duke udhëtuar dhe në raste të tilla nuk preferohet agjërimi.

Edhe në këtë çështje koalicioni mbetet i bashkuar. Ndërsa opozita duket e ndarë. Derisa lideri i Aleancës, Ramush Haradinaj dhe lideri i Dardanëve, Nexhat Daci nuk agjërojnë, Behxhet Pacolli nga Aleanca Kosova e Re vazhdon traditën e tij familjare.

“This is a very, very personal question!. Është pyetje shumë, shumë personale....Në shpirt e ngjinoj Ramazanin. Unë rrjedh nga një familje fetare”, thotë Pacolli.

Edhe lideri më i zëshëm i opozitës, Ramush Haradinaj nuk është duke agjëruar Ramazanin. Të paktën kështu thotë zëdhënësi i AAK-së, Besnik Tahiri. “Zoti Haradinaj nuk agjëron”, tregon Tahiri. Edhe nënkryetari i kësaj partie, Ahmet Isfufi pranon se nuk agjëron as tash e as më parë. Ndërsa ende nuk ka menduar se çfarë do të bëjë kur plaket.
Ndërsa Gani Geci nga LDD-ja tregon se shefi i tij Daci nuk agjëron. Ai tregon se kush agjëron në partinë e tij dhe kush jo. Madje Geci e di edhe kush agjëron në LDK.

“Jo, nuk agjëroj, kurrë nuk kam agjërua. Naser Rugova jo, Besa Gaxherri jo, unë jo, Nexhat Daci nuk besoj që agjëron, Adem Salihu nuk e di. Prej LDK-së veç Ismet Beqiri, të tjerët nuk ma merr mendja”, thotë Geci.

Ndërsa Astrit Haraqija nga LDK-ja thotë se agjëron vetëm ditën e parë, të mesit dhe të fundit të Ramazanit. Problemin, sipas tij, nuk e ka me ushqim, por me duhanin. "Ku me gjete me më thirre në Ramazan, thirre bre Lutën..... Unë e agjëroj ditën e parë të mesit edhe të fundit”, shton ai. Megjithëkëtë, shumica e politikanëve të intervistuar, edhe pse nuk agjërojnë, thonë se besojnë fuqishëm në Zot.

Ramazani është një nga muajt sipas kalendarit islam dhe ka 30 ose 29 ditë. Në këtë muaj janë të obliguar të gjithë myslimanët e myslimanet ta agjërojnë, përveç atyre të cilët lirohen nga agjërimi sipas rregullave islame, prej të cilave nuk mund të përfitojë pothuajse asnjë politikan.

[ILMGAP]

Politikanët janë ...

Gjatë Krishtëlindjeve - Katolikë
Gjatë Bajramit - Muslimanë
Gjatë Pashkëve Ortodokse - Ortodoksë
Gjatë Novruzit - Bektashi

etj.

Por realisht janë ... " Atesita ".

Një Plus (+) i Madh për Ateistat.

[Homer]

Gjithë Ramazanin ata do ta kenë Bajram.

[iliria e para]

Kjo tregon se sa musliman jemi ne shqiptaret. Ky eshte realiteti. 90% nuk agjerojne, por ti pyesesh, thone se po.Pra laraman jemi.
Keta poliikanet se paku kan guxim ta thone haptas e jo si disa 100 fytyrshit e forumit( ketu perjashtoj talebanet).

[iliria e para]

Nisja e Ramazanit “ndan” myslimanët

Myslimanët kanë nisur dje agjërimin për Muajin e Shenjtë të Ramazanit. Në fakt, kjo gjë ka ndodhur për një pjesë të besimtarëve myslimanë, pasi për një pjesë tjetër, të cilët në Tiranë u identifikuan si besimtarët e xhamisë së rrugës së Kavajës, agjërimi ka nisur vetëm ditën e sotme. Shkak për një mosmarrëveshje të tillë është bërë fakti se për disa hëna ka filluar të rritet, ndërsa për disa të tjerë hëna nuk ka dalë ende. Megjithatë, në Shqipëri dje ka nisur zyrtarisht Muaji i Shenjtë i Ramazanit, që konsiderohet si muaji i sakrificës, mirësisë, dashurisë dhe zemërgjerësisë. Kreu i Komunitetit Mysliman, Selim Muça deklaroi dje, ditën e premte si ditën e parë të nisjes së agjërimit. “Të dashur besimtarë myslimanë kudo që ndodheni, brenda dhe jashtë kufijve të vendit tonë, ju uroj Gëzuar Muajin e Madhërishëm të Ramazanit, i cili ka filluar sot në vendin tonë! Ju uroj të gjithëve ta kaloni me të lehtë! Ju uroj gëzuar dhe për shumë vjet begati dhe paqe në mes jush”, - është shprehur Muça.
Megjithatë, myslimanët nuk u binden deklaratave mediatike të kreut të komunitetit të tyre. “Nuk e kemi nisur Muajin e Ramazanit, sepse nuk është parë hëna”, - shprehet një besimtar mysliman. Ai sqaron se për nisjen e agjërimit ekziston një rregull, dhe ai është shikimi i hënës. “Rregulli është që kur shikohet hëna fillohet agjërimi. Meqenëse hëna nuk ka dalë akoma, ne s’kemi pse ta nisim agjërimin”.
Konfirmimi
Një gjë e tillë konfirmohet edhe nga kryetari i Komunitetit Mysliman, Selim Muça. “Agjërimi i Muajit të Ramazanit fillon me shikimin e hënës. Por, këtë është e vështirë ta shohësh me sy të lirë”, - shprehet Muça. Por, sipas besimtarëve të rrugës së Kavajës hëna nuk është parë “as nga dijetarët”. “Ne kemi marrë në telefon edhe vëllezër të tjerë myslimanë në vende të tjera, dhe ata na kanë thënë se hëna nuk është parë ende të dalë”, - shpjegon besimtari mysliman, i cili nënvizon se nuk ka asnjë arsye për ta nisur këtë agjërim. Por, sipas kreut të Komunitetit Mysliman, në ndihmë të besimtarëve myslimanë vjen teknologjia e cila është shumë e përparuar ditët e sotme. “Sot ka vëzhgues astronomikë që e caktojnë me saktësi se kur fillon të dalë hëna. Për neve ka dalë mbrëmë, prandaj agjërojmë sot, sepse kështu e ka thënë edhe Këshilli Fetar i Evropës”, - shpjegon kryetari i Komunitetit Mysliman. Gjithsesi, duket se një situatë e tillë do të sjellë përplasje edhe për festimin e ditës së Bajramit të Madh, që është edhe dita që kurorëzon të gjithë muajin e sakrificës nga besimtarët.

[Homer]

I/E madh/e je Iliria e Pare !

Nisja e Ramazanit “ndan” myslimanët

Myslimanët kanë nisur dje agjërimin për Muajin e Shenjtë të Ramazanit. Në fakt, kjo gjë ka ndodhur për një pjesë të besimtarëve myslimanë, pasi për një pjesë tjetër, të cilët në Tiranë u identifikuan si besimtarët e xhamisë së rrugës së Kavajës, agjërimi ka nisur vetëm ditën e sotme.

Kyt duhet ta postosh tek nen-forumi i humorit

Por, sipas kreut të Komunitetit Mysliman, në ndihmë të besimtarëve myslimanë vjen teknologjia e cila është shumë e përparuar ditët e sotme. “Sot ka vëzhgues astronomikë që e caktojnë me saktësi se kur fillon të dalë hëna.

Shkenca u zgjidh mosmarrveshjet qe kane ndermjet tyre

[iliria e para]

Teknologjia eshte perendimore dhe per kete ne e mohojme.