Kush eshte Ilir Meta.

[Apollyon]

Por pas fitores se vertete, qe erdhi pas bashkimit me LSI, asnje nuk u ndje

Ka vend per gezim ktu?

[Anti]

Anti, shum i sakte postimi jot edhe shum realist. Un jam demokrat, por voten kesaj radhe ja dhashe Edi Rames, kisha shum deshire te shikoja nje ndryshim ne politiken shqiptare, sic the edhe vete ti u merzitem me fytyrat e Sali Berishes, Fatos Nanos a ndonje tjetri, por mbi te gjitha ja dhashe per veten time.. Edi ishte shpresa e vetme per nje politike ndryshimi ne shqiperi, por e humbi. Ndaj edhe ai nuk beri koalicion me Ilir Meten, sepse donte ti largonte nga politika qe te tre, Fatosin/Saliun/Meten.

Ke te drejte kur e cileson politiken e vjeter si kancer i shqiperise, sepse ashtu eshte ne te vertete, por prap i qendroj mendimit tim qe " me mire nje qeveri me Ilir Meten, sesa nje grusht shteti me Gramoz Rucin" ! Ky eshte edhe shkaku qe me behet qejfi qe Ilir Meta kaloi ne anen e Demokrateve.

Te ngre kapelen. Te vetmit votues qe vleresoj une ne Shqiperi, jane ata qe nuk votojne pergjithnje per te njejten parti. Ata tregojne qe jane vertet pjese e Shqiperise se qyteteruar.

Une vete kam votuar here per PD, e here per PS, sipas merites.

Shqiperia do te jete baras me vendet europiane, pa qene nevoja te hyje fare ne Europe, diten kur ne Kukes te fitojne te majtet, dhe ne berat te fitojne te djathtet.
Kur te mos kete me bastione e idhuj, sepse keshtu me pasion e me bastione, vetem u rrihen shpatullat hajduteve dhe nxiten te vjedhin me shume.
Kur Shqiperia te beje kete, Europa do te na thote vete hajdeni.

Gramoz Ruci dhe mbetjet e tjera te PS-s eshte gabimi i madh i Edi Rames. Ndryshimi o behet tamam, o s'behet fare. Mbase prandaj humbi.
Por me kete elektorat pasionant qe kemi neve, mbase do te humbiste edhe me shume.

Gjithsesi, une vleresoj perpjekjet e atyre qe duan ndryshimin e brezave.

[Aikido]

Unë diçka nuk arrij të kuptoj, përse gërvishtni nervat, me politikën e Saliut dhe Ilirit. Koha do ta tregojë, ishte në të mirë të popullit apo në të mirë të shpinës së Ilirit dhe Saliut. Nëse rezulton si koalicion pozitiv dhe jep fryte, do të thot që e ka bërë për të mirën e vendit dhe i qëndron krahë parimeve të tija për integrimin dhe zhvillimin ekonomik, dhe jo karrigeve politike. Ishalla del për hajër se kush duron luftë frontesh të majtë me të djathtë brënda një koalicioni.

[[Perla]]

Çfarë e detyroi Metën të bëhet Kali i Trojës në të majtën shqiptare? Unë kam dijeni që ai ka borxhe të shumta për shkak të shpenzimeve jo vetëm të fushatës, por edhe të mbajtjes së një administrate partiake në përpjesëtim të zhdrejtë me mundësitë reale dhe me peshën e kësaj partie në elektorat.

Ka njerëz që kanë dhënë lekë të madh aty dhe i duan mbrapsht, normalisht.
Kjo që u bë, u bë tani. Njeriu merr shumë shpesh vendime materialiste, për shkak të nevojave urgjente. Edi Rama, tani që ka mbetur i vetmi lider opozitar, duhet të forcojë të majtët dhe të përpiqet ta çojë këtë qeveri të brishtë në zgjedhje të parakohshme.

E qartë është që kjo qeveri, që ka zhytur vendin në borxhe dhe që i takon të qeverisë në një krizë të përgjithshme botërore, do ketë vështirësi të shumta për të mbijetuar. Do bëjnë lekë pushtat e zakonshëm, por jetëgjatësi dhe moral nuk ka.

[KUJTIM CAMI]

Per kater vjet Ilir Meta ka llapur kunder Rames, nje jave para zgjedhjeve i kerkon koalicion me kusht qe ai te behet kryeminister? E pse ? Kur kontibuti i tij eshte 4 apo 5 deputete?

Meta paska bere mire qe u bashkua me Berishen? Po ai javen e zgjedhjeve fliste me te madhe ....TE SHPORRIM BERISHEN NGA PUSHTETI. Tani shkon e ben aleance me te? Ja ca surrati ka !

Për 4 vjet Meta vetëm ka vrapuar mbas Ramës.Nuk e kuptoj pse e shani tani Ilir Metën. Me sa më kujtohet LSI nuk ishte në të njënjtin kualicion me ju! Po ta kishit dash aq fort nuk e kishit lënë vetë por e kishit marrë me vete ne "BASHKIMI PËR NDRYSHIM"
Po si nuk i erdhi zor Ramës kur që natën e parë të numurimit të votave direkt filloi të bëjë llogari sikur votat e LSI i kishte në xhep.( për kujtesë; kur doli e tha jemi 70me70 kur të gjithë po e shihnim se ishte 66 për PS e 70 për PD) Që nga viti 1941 të njënjtë kanë mbetur "O ME NE O ME ATA RRUGË TË MESME S'KA"
Z.Meta tregoi se ka një pjekuri politike dhe kaq.

[Apollyon]

Te ngre kapelen. Te vetmit votues qe vleresoj une ne Shqiperi, jane ata qe nuk votojne pergjithnje per te njejten parti. Ata tregojne qe jane vertet pjese e Shqiperise se qyteteruar.

Une vete kam votuar here per PD, e here per PS, sipas merites.

Shqiperia do te jete baras me vendet europiane, pa qene nevoja te hyje fare ne Europe, diten kur ne Kukes te fitojne te majtet, dhe ne berat te fitojne te djathtet.
Kur te mos kete me bastione e idhuj, sepse keshtu me pasion e me bastione, vetem u rrihen shpatullat hajduteve dhe nxiten te vjedhin me shume.
Kur Shqiperia te beje kete, Europa do te na thote vete hajdeni.

Gramoz Ruci dhe mbetjet e tjera te PS-s eshte gabimi i madh i Edi Rames. Ndryshimi o behet tamam, o s'behet fare. Mbase prandaj humbi.
Por me kete elektorat pasionant qe kemi neve, mbase do te humbiste edhe me shume.

Gjithsesi, une vleresoj perpjekjet e atyre qe duan ndryshimin e brezave.

Ne rang vendi Partia Socialiste mori me shum vota se Partia Demokratike. Me aleancat qe ka ber PD'ja eshte normale qe ato % e vogla do shtohen ne krah te se djathtes, por sdiskutohet qe kesaj radhe shumica e popullit shqiptar ishin per nje ndryshim ne politiken tone. Gjynah qe nuk erdhi nje ndryshim i tille, por akoma qendron politika e 1992 duke na udhehequr edhe konkurenca eshte shum e dobet.

Sa per njerzit qe votojne per ideal, ato jan njerzit e moshes se thyer, ku ideali eshte mbi te gjitha, sju vihet faj sepse ne kete menyre jan rrit. Un votova Edin, sepse konkurenca e tremb shum Saliun e gjith te tjeret, edhe vetem kur ka konkurence vetem atehere punohet fuqishem, sepse e ndjen token te te rreshkase nga kembet. Po nuk pati konkurence, atehere hajdutet rehatohen me se miri sepse e kan te sigurte qe jan te paprekshem.

Gramoz Ruci dhe mbetjet e tjera te PS-s eshte gabimi i madh i Edi Rames. Ndryshimi o behet tamam, o s'behet fare. Mbase prandaj humbi.
Por me kete elektorat pasionant qe kemi neve, mbase do te humbiste edhe me shume

Kte pjese doja ta ndaja ne vecanti, sepse ky eshte gabimi me i madh i Edi Rames.

[[Perla]]

Për 4 vjet Meta vetëm ka vrapuar mbas Ramës

Duke i hedhur balte figures se tij politike dhe personale. Boll mer se na e shpife.

[☆Angie☆]

Vendimi i Lëvizjes Socialiste për Integrim për t'u bërë pjesë e një koalicioni qeverisës me Sali Berishën, ka lënë të zhgënjyer edhe "patriarkët" socialistë, të cilët nuk kanë dashur ta besojnë një lëvizje të tillë politike të Ilir Metës. Të kontaktuar nga "Shekulli", një nga figurat më popullore të socialistëve, shkrimtari Dritëro Agolli, dhe ish-nënkryetari i PS-së e ish-kryetari i Kuvendit, Sërvet Pëllumbi, duke komentuar mbi këtë vendim, nuk kanë nguruar ta cilësojnë atë një pazar të ulët mes Metës dhe Berishës.

Agolli
Pavarësisht se kërkon të qëndrojë larg komenteve, për shkak të njohjes së vjetër që ka me kreun e LSI-së, Ilir Meta, shkrimtari Dritëro Agolli, shprehet se nuk mund të rrijë pa dhënë një qëndrim të tijin për gjithë atë që u shpall dje nëpërmjet dialogut në "distancë", Berisha-Meta. Nëpërmjet stilit të tij karakteristik, Agolli shprehet se nuk arrin ta besojë që Meta të mund të ulet në një tavolinë qeverisëse me kreun e PD-së, njeriun që ai aq shumë e ka sulmuar në gjithë këto vite. Madje, ai e konsideron deklaratën e djeshme të kreut të LSI-së një shaka, që s'ka lidhje me realitetin. "Unë nuk e besoj që Ilir Meta dhe Sali Berisha të kenë vendosur të bëjnë një koalicion për të qeverisur bashkë. Kjo më duket se është një shaka përmes një dialogu larg njëri-tjetrit, që pasqyrohet në ekranet televizive apo ndoshta është një duet i një kënge majë një krahu në Shkëlzen dhe në Tomor, siç kanë qenë ato këngët e malësorëve", - u shpreh Agolli. E, duke ironizuar këtë lloj bashkëpunimi, që kërkon të vendosë LSI, ai evidenton diskordancat që ekzistojnë mes deklaratave të Metës për të luftuar Berishën dhe veprimit të tij të fundit për t'iu bashkangjitur në qeverisje. Duke iu përmbajtur kësaj linje, Agolli heq vija paralele mes asaj që përfaqësojnë Meta dhe Berisha, duke i ironizuar ata, njërin si "socialist i vërtetë" dhe tjetri si "demokrat të vërtetë". "Dhe vërtet ma merr mendja se është një shaka mes tyre, një socialist i vërtetë dhe një demokrat i vërtetë. Para një jave, socialisti i vërtetë thërriste: "Mblidhu o popull të rrëzojmë Sali Berishën. Pas një jave, socialisti i vërtetë filloi të thërrasë: "O milet, mblidhuni të ngremë Sali Berishën. Prandaj them përsëri që kjo është një shaka", - u shpreh Agolli.

Pëllumbi
Akoma më i ashpër në qëndrimin e tij ka qenë ish-kryetari i Kuvendit, Sërvet Pellumbi, i cili ndryshe nga Agolli nuk ka shprehur çudi për këtë vendim të Metës, madje, përkundrazi, e ka quajtur atë si diçka që dihej që më parë dhe që pritej të shpallej. Por, ajo që bën të ditur ai, është fakti që ky vendim ishte produkt i një pazari të ulët, që Meta dhe Berisha kishin arritur të bënin para zgjedhjeve. Prandaj, ai vlerëson se është e kotë dhe e pavlerë që të bësh komente mbi një marrëveshje të tillë, që s'ka të bëjë me socialistët. "Ilir Meta shpalli një pazar të bërë që më parë. Ndaj, as që ia vlen ta komentosh fare", - tha në një prononcim të shkurtër Pëllumbi, duke mos pranuar që të zgjatej më tej ndaj asaj që shpalli dje si zgjidhje krize kreu i LSI-së, Ilir Meta.
Anëtarët e kryesisë, Brokaj dhe Klosi, shprehen kundër qeverisë LSI-PD. Xhufi: Skam qenë në mbledhje
Kryesia e LSI-së: Meta gaboi rëndë

Brokaj: "Ne nuk kemi marrë votat e elektoratit tonë të majtë për të shkuar të qeverisim me Berishën"
Jo vetëm ata që kanë qenë jashtë Lëvizjes Socialiste për Integrim, por edhe figura të njohura të kësaj force, janë gjendur të befasuar nga vendimi që shpalli dje kreu i kësaj force, Ilir Meta, si një hap për të mos futur vendin në krizë. Bëhet fjalë për anëtarë kryesie, si Sabit Brokaj, Fatos Klosi etj., madje edhe për drejtues të tjerë të lartë të kësaj force, siç është numri dy i saj, Pëllumb Xhufi, i cili, i kontaktuar nga "Shekulli", është shprehur se nuk ka pasur dijeni për një vendimmarrje të tillë, pasi nuk ka qenë në takimin ku dhe është marrë. "Nuk mund të komentoj asgjë, se nuk kam qenë në mbledhje", - u shpreh Xhufi, duke mos dashur të thellohet më tej me shpjegime, nëse mosprania e tij kishte të bënte me arsye personale, apo me mospëlqimin e tij ndaj një vendimi të tillë. Por, ndërsa Xhufi i është shmangur komentit të tij, dy nga anëtarët e kryesisë, Brokaj dhe Klosi, kanë qenë të drejtpërdrejtë në qëndrimet e tyre, duke kritikuar ashpër kreun e partisë, i cili, sipas tyre, ka marrë një vendim të njëanshëm dhe pa u konsultuar me strukturat e partisë. Sipas Brokajt dhe Klosit, nuk bëhet fjalë për një vendim institucional, pasi pothuajse gjysma e kryesisë së partisë, si Spartak Braho, Ndre Legisi, Filloreta Kodra, Pëllumb Xhufi, përfshi edhe ata dy vetë, nuk kanë qenë në takimin që kreu i partisë ka zhvilluar me disa përfaqësues të tjerë të LSI-së, ku duket se edhe është marrë ky vendim. "Vendimi për t'u bërë pjesë e koalicionit të ardhshëm qeverisës me Berishën nuk është vendim i LSI-së si institucion, por i Ilirit si individ. Unë di të them se për një lëvizje të tillë nuk është diskutuar fare në kryesinë e partisë që ne kemi mbajtur para disa ditësh, madje, atje, ne, përfshi edhe Ilirin, kemi kritikuar Dritan Priftin për deklaratën emocionale që mbajti lidhur me votën që do t'i jepte Berishës. Në këtë kryesi ne kemi vendosur që vendimet për qëndrimet e mëtejshme të LSI-së t'i merrnim pasi të certifikohej vendimi nga KQZ-ja dhe pasi institucionet ndërkombëtare të shpreheshin për standardet e arritura. Prandaj, për sa kohë që përgjegjësi për këto lloj zgjedhjesh është Berisha, natyrisht këtu nuk dua të zhvesh nga faji as Ramën, atëherë është e papranueshme që ne të shkojmë dhe të qeverisim me të", - tha Brokaj. Madje, duke vlerësuar përmbajtjen e vendimit, Brokaj shprehet se LSI-ja nuk mori votat e elektoratit të majtë për të shkuar dhe bashkëpunuar me Berishën. "Ne nuk kemi marrë votat e elektoratit tonë të majtë për të shkuar të qeverisim me Berishën. Ne kemi patur deri më tani dy qëndrime të kryetarit të partisë, Ilir Meta, se do të krijonte pas zgjedhjeve një koalicion me PS-në dhe se do të nxirrte Berishën në pension. Prandaj, nuk e kuptoj sesi ka arritur Meta në këtë vendim. Megjithatë, unë besoj se LSI-ja është një forcë me elektorat thellësisht të majtë dhe pavarësisht këtij vendimi, unë besoj se ata do ta gjejnë sërish vendin e tyre, larg Berishës. Mbi të gjitha, unë nuk kuptoj se çfarë perspektive do të ketë Meta pas Berishës, pasi elektorati ynë s'ka për t'i shkuar pas", - shtoi Brokaj. Të njëjtën habi për këtë vendim ka shprehur edhe anëtari tjetër i kryesisë, Fatos Klosi, i cili gjithashtu nuk nguron ta cilësojë kalimin e PS-së djathtas, një vendimmarrje të gabuar. "Vendimi për t'u bashkuar me Berishën s'e morëm ne, por e morri Iliri. Natyrisht që është një vendim i gabuar, por s'do preferoja të flisja më shumë, pasi s'dua të ngutem për të bërë vlerësime emocionale. Di të them që ne nuk na ka ftuar fare në ndonjë mbledhje për të diskutuar për këtë çështje dhe për të marrë këtë vendim", - tha Klosi. Ndërkohë që, anëtarët e tjerë të kryesisë, të paftuar në këtë vendimmarrje, për t'i qëndruar larg debatit, kanë preferuar ose të mos u përgjigjen thirrjeve në telefona, ose i kanë fikur ato.

FEJZI BRAUSHI - Gazeta Shekulli.

[☆Angie☆]

Opozita e majtë sot, është ende një shumicë e pafuqishme për të formuar qeverinë që shqiptarët votuan më 28 qershor, megjithëse ajo sërish, si në zgjedhjet e shkuara të 3 korrikut 2005, e më pas në zgjedhjet vendore të 18 shkurtit 2007, pati fuqimisht votën popullore.

Me rreth gjysmën e votës së zgjedhësve, e majta sot duhet të ishte e qartë dhe e qetë për të formuar një kabinet qeverisës, që do të mbushë gropat e lëna gjatë mandatit katërvjeçar të mbretëruar nga Berisha dhe të shtronte një rrugë qartësisht të lexueshme drejt shkuarjes reale në Europë. Por, paradoksalisht, ajo është në ngërç dhe faktorët janë të shumtë.

Nëse sot Edi Rama, ende nuk është Kryeministri i konfirmuar prej votës së shqiptarëve, por ende në terren - ndërsa pas kuintave të pazareve lëvrin Kryeministri në detyrë, do të thotë se Rama, në krye të selisë rozë nuk ishte si në fjalën e popullit, "Trimi i mirë me shokë shumë". Madje, më keq: është i tradhtuar.

Mbrëmjen e 26 qershorit 2008, kur opozita e majtë, me shumë mund, përpjekje dhe tension, arriti të ngrejë skenën e mitingut përmbyllës dhe të mbledhë në bulevardin "Dëshmorët e Kombit", ata mijëra përkrahës që ishin penguar të hynin në afërsi të qendrës, por kishin arritur aty duke marshuar, disa figura të PS-së kërkonin ndonjë vend në kafenetë e katit të tretë të Kullave Binjake, për të ndjekur ngjarjen e fundit elektorale.

Ata ishin spektatorë, sepse nuk ishin përfshirë as në listat e kandidatëve për deputetë dhe as në shtabet elektorale të qarqeve.
Ata, sot nuk kanë përgjegjësi as politike dhe as morale dhe mund të ndjehen shumë të lënduar si pjesë dhe përfaqësues të popullit opozitar për ngërçin ku ndodhet sot partia e tyre.

Ndryshe nga këta të paktë, janë shumë prej atyre që u votuan si kandidatë për deputetë, që duhet t'i nënshtrohen llogaridhënies për lojën amorale dhe apolitike që kanë luajtur, të paktën prej mbarimit të zgjedhjeve vendore, që rezultoi me fitoren e së majtës së bashkuar, shkopinjtë nën rrota që i bënë fushatës parazgjedhore të PS-së dhe tentativave për të realizuar tani finalen e lojës së tyre politike në kurriz të PS-së, duke hequr fajin nga vetja.

Një analizë e shpejtë nuk është e vështirë të nxjerrë emra dhe mbiemra, role që luajtën dhe misione që patën. Ishin ata që, për shumë muaj, kanë patur në dorë përzgjedhjen e njerëzve që do të kandidonin në emër të PS-së, që duhet të bënin fushatën nëpër rrethe dhe qarqe.

Rezultati duket, sepse në shumë prej zonave të veriut, ku PS-ja nuk ka patur një prani domethënëse, por kurrsesi votat e 28 qershorit 2009, rezultatet ishin zhgënjyese, sepse njerëzit që u zgjodhën, u refuzuan nga elektorati i majtë, duke mos ua dhënë votën. Në jug dhe në zonat qendrore të vendit, zona ku e majta ka qenë dominuese, PS-ja nuk arriti të marrë mbështetjen që kishte në zgjedhjet vendore të shkurtit 2007, duke u lënë terren të lirë kandidatëve të PD-së.

Kjo pjesë e lidershipit të PS-së e la vetëm kryetarin e partisë në turet e gjata dhe të lodhshme nëpër Shqipërinë e harruar prej qeverisë, ndërkohë që bënin lojën e tyre në Tiranë. Ndërsa tani, pasi kanë siguruar mandatet për deputetë, po mbushin elektoratin e majtë që i votoi me parulla disfatiste dhe demoralizuese, duke pritur finalizimin e rolit që kanë luajtur në kurriz të fitores së opozitarizmit në Shqipëri dhe duke pritur të tregojnë me gisht fajtorin, kryetarin e PS-së.

Dhe Rama, vërtet ka bërë një faj të madh prej fundvitit 2005, kur mori drejtimin e selisë rozë: Ai nisi një operacion për të ribërë PS-në, por nuk arriti ta çojë në fund. "Xhaketat e vjetra", të veshura prej misionarëve të rinj, nuk e lejuan dhe nuk pranuan që partia e rrënuar në imazh dhe e dalë në opozitë, t'i nënshtrohej një ndërhyrjeje kirurgjikale, e cila do të hiqte ato pjesë të gangrenizuara në trupin e partisë, pa të cilën nuk kishte si të ndodhte shërimi.

Dhe nëse edhe sot PS-ja ende po vuan në ngërçin e një fitoreje që nuk mund ta gëzojë, kjo tregon se vazhdon të jetë e sëmurë dhe bisturia duhet futur thellë dhe në ato plagë që nxori 28 qershori. Rama mbetet personi i vetëm që mund ta bëjë këtë. Gjithë alternativat e tjera do rezultojnë shkatërruese në situatën e sotme në PS dhe do vijojnë të mbajnë në pushtet Berishën.

nga ARBEN RROZHANI . Postuar ne gazeten Shekulli


Koment i postuar ne lidhje me artikullin
Rama gjithmone eshte ndjere si nje UFO i vertete perendimor ne ambientin e perbaltur oriental dhe diktatorial berishian.
Berisha me parat dhe karriget e shtetit dhe diabolizmin teper trivial te tij e ka zgjeruar dhe me tej kete mocal shqiptar qe kuterbon keq ere ne mes te Europes.
Dhe per me tej kemi nje Nano, i financuar perhere nga Berisha, qe me mercenaret e vete qe kurre nuk shterojne ne Ps, vazhdon te beje diversion te vazhdushem, per te sabotuar dhe hequr nga skena tmerrin e Berishes, Ramen, pasi mbas kesaj ky i harruar, ulet perseri ne karrige .
Rama si askush tjeter ka qene nje tmerr i vertete i Berishes, pasi ky i fundit e ndjente gjalle qe vepra e prekeshme e Rames, e vleresuar maksimalisht dhe ne nivele te larta boterore, kishte filluar varrosjen perfundimtare te tij.
Rama si askush tjeter i tregoi botes afer dhe larg qe demokracia shqiptare qe te behet, kerkon mendje zemer dhe kembe.
Muhaxhedinet e Berishes dhe capaculet e Nanos, dilnin vetem me raste zgjedhjesh, per te mashtruar, kercenuar dhe me para per te grabitur voten, Rama per vite te tera i ra fshat me fshat Shqiperise, per ta zgjuar qytetari dhe fshatarin dhe per ta bere te vetedijeshme, qe ishin njerez dhe duhet te respektonin vehten.
Por ushtria e erret dhe pa asnje skrupull berisha-nano e fuqizuar me parat e shpenzuara pa mase nga buxheti nepermjet marionetave dhe lakejve e panumert te vene nga Berisha ne cdo qelize te shtetit dhe institucionit shqiptar, bene qe Shqiperia ne vazhdim te ndjehet si nje deformim teper i shemtuar i demokracise dhe te vazhdoje te funksionoje si nje diktature primitive.Ketu pati pjesen e saj jo te vogel qe nje pjese te shoqerise shqiptare, kenaqet nga era e tepegerit qe prodhon Saliu.
Dhe nqse Rama largohet, kjo mesjete shqiptare ne mes te Europes, nuk ka asnje garanci dhe per sa kohe do te pllakose.

[leci]

Për 4 vjet Meta vetëm ka vrapuar mbas Ramës.Nuk e kuptoj pse e shani tani Ilir Metën. Me sa më kujtohet LSI nuk ishte në të njënjtin kualicion me ju! Po ta kishit dash aq fort nuk e kishit lënë vetë por e kishit marrë me vete ne "BASHKIMI PËR NDRYSHIM"
Po si nuk i erdhi zor Ramës kur që natën e parë të numurimit të votave direkt filloi të bëjë llogari sikur votat e LSI i kishte në xhep.( për kujtesë; kur doli e tha jemi 70me70 kur të gjithë po e shihnim se ishte 66 për PS e 70 për PD) Që nga viti 1941 të njënjtë kanë mbetur "O ME NE O ME ATA RRUGË TË MESME S'KA"
Z.Meta tregoi se ka një pjekuri politike dhe kaq.

Ashtu si edhe ne zgjedhjet e kaluara Ilir Meta ka kerkuar perhere postin e kryeministrit,dhe per kete nuk jane gjetur asnjeher kompromise.
Deklaratat qe nxjerr se gjasme i ka shtrire perher doren Edi Rames jane fallsitete dhe pike.
Kete e thone njerez qe jane shume afer PS dhe jo lloqe te kota.

Per te miren e Shqiperise uroj qe Ilir Meta bashke me Berishen te formoje nje qeveri qe te jete e qendrueshme.Por duke pare te shkuaren e Metes do te jete e veshtire nje marreveshje qe mund te zgjase 4 vjet.
Fakti qe Ilir Meta tradhetoi elektoratin e tij do te shihet mbas 4 vjetesh,por besoj qe shqiptaret kane kujtese te shkurter dhe do jete harruar kjo gje.
Shpresoj qe gjithçka te behet nen emrin e te mires se vendit.

Edhe nje mesazh per Z. Edi Rama.
Eshte nje udheheqes i vertete me nje pamje te gjere dhe mentalitet perendimor.Populli shqiptar me voten e tij e zgjodhi udheheqes,por disa molle te kalbura ja punuan mbas shpine,me ligjin per kodin zgjedhor.
Kjo politike nuk eshte per te po per anadollaket e vjeter me ne krye Berishen.
Ndryshimi kalon perher nga duart e njerezve punetore e te rinj.Fatkeqesisht ne ujrat tona te turbullta notojne peshq te plakur e te qelbur,qe kane nderruar shume here lekuren.
Mos ver re ofendimet dhe sulmet personale por vazhdo ne rrugen tende.Shume shqiptare jane me ty dhe kete e treguan duke te dhene voten e tyre.