Ceshtja e Mitrovices

[ILovePejaa]

Populli i Mitrovicës, shumica shqiptarë, këta njerz të thjeshtë, të
rëndomtë, të urtë e të ndershëm, të sinqertë e të devotshëm, të munduar e të persekutuar gjatë sundimeve të huaja, por të guximshëm, të qëndrueshëm, të besës e të fjalës ardhjen e ç’do musafiri e miku e çmojnë dhe e respektojn në mënyr tradicionale me: bukë, kripë e zemër.

Vetë qyteti i Mitrovicës në regjistrimin e vitit 1981 kishte 45.800 banorë (82% shqiptarë), kurse tani supozohet të ketë mbi 70.000 banorë. Rëndësi të veçantë për Mitrovicën si qendër urbane ka edhe pozita e saj e përshtatshme për komunikacion transitor, sepse qyteti ndodhet në mes Beogradit në veri dhe Shkupit e Selanikut në jug; Nishit e Sofjes në lindje dhe Podgoricës e Tivarit në perëndim. Rrugët e rëndësishme me karakter regjional dhe interregjional, që kalojn nëpër Mitrovicë, çojnë në brendi të Gadishulit Ballkanik dhe në bregdetin Adriatik dhe Egje. Mitrovica me rrethinë është e njohur si qendra më e zhvilluara industriale në Kosovë. Kurë flitet për Mitrovicën si qendër industriale, duhet të kihet parasysh
në rend të parë " TREPÇA", që është prodhues gjigant i njohur edhe në përmasa ndërkombëtare. Trepça ka identitet ilir. Emri i saj rrjedh nga fisi ilir Trepca. Sipas dokumentave mesjetare ishte e njohur me emrat: Trepza, Trepce, Tripiza, Tepza, kurse më 1455 del edhe me emrat: Triepdchia e Tripeza Turcha (Trepça Turke). Kombinati "Trepça" ishte prodhuesi më i madhë i plumbit, yinkut dhe i akumulatorëve në ish-Jugosllavi e në të njëjtën kohë ishte edhe eksportuesi i tyre më i madh në Kosovë dhe njëri ndër më të mëdhenjtë në ish-Jugosllavi.

MItrociva akom edhe pas 3 vjet e gjysme eshte e ndar. Qyteti i minatoreve tani eshte problem politik dhe ekonomike i Kosoves dhe kerkon zgjidhje e cila si duket eshte shume large.

C'po bene sot faktori shqiptar mbrenda dhe jashte Kosoves per bashkimin e Mitrovices?

A jeni optimiste ne bashkimin e qytetit te minatoreve?

Cka duhet te ndermarre faktori shqiptar mbrenda dhe jashte Kosoves per tij dhene fund ketij problemi politiko-ekonomik?

A jane ne gjendje shqiptaret te jetojne se bashku me serbet ne veri te Mitrovices, apo zgjidhja e ketij problemi eshte largimi i serbeve nga pjesa veriore e qytetit?

Faji per ndarjen e Mitrovices bij mbi supet e shqiptareve apo mbi qarqet nderkombetare?

Le te diskutojme pak mbi kete ceshtje

Ne fotografine e meposhtem shihet veri i Mitrovices i banuar kryesishte nga serbet i fotografuar nga jugu-i banuar nga shqiptaret.

[Kresha]

Intermexo, me rëndësi, në Mitrovicë

Teledirigjimi i serbëve të Kosovës kalon prej “Rojave të urës” në Parlament

VETON SURROI

1. Në Beograd u vendos që të ndrydhet ndërprerësi i “Rojave të urës” dhe në pjesën veriore të qytetit të Mitrovicës dje, përfundimisht me orën 17:00 u çmontuan, së paku publikisht, strukturat paralele serbe. Nuk ka më administratë serbe, nuk ka “Roja të urës” në rrugë, e në vend të tyre UNMIK-u vendos zyrën e vet e në rrugë patrullojnë forcat e policisë së UNMIK-ut. Kështu duket lajmi i thjeshtë nga ngjarja e djeshme në njërën prej zonave të ndara, e si të tilla të krizës, në Evropë. Sot, në këtë kontinent, së bashku me Mitrovicën janë të njohur Mostari në Bosnjë dhe Nikozia në Qipro. Lajmi duket i thjeshtë, dhe zhvillimi i ditës së djeshme, së paku deri në orën 17:00 pa spektakël, ndonëse në të vërtetë kemi të bëjmë me një moment që mund të jetë kthesë për Mitrovicën, e së bashku me të edhe për Kosovën. Në prapavijë ishin muaj të tërë negociatash mes kryeadministratorit Steiner dhe palëve të ndryshme në Beograd që pak a shumë rezultuan me një premtim me shkrim se Beogradi nuk do t’i financojë strukturat paralele serbe në Mitrovicë, se do t’i respektojë institucionet e ligjshme të UNMIK-ut, e se në vend të “Rojave të urës” do t’ia besojë mbrojtjen e ligjit policisë së UNMIK-ut dhe SHPK-së. 2.

Mitrovica sot nuk do të jetë qytet i bashkuar. Në jug të qytetit do të administrojë, aq sa mundet, autoriteti i zgjedhur komunal, ndërsa në pjesën veriore të tij do të jetë UNMIK-u. Për më tepër, dekreti me të cilin autorizohet administrimi komunal i UNMIK-ut në Mitrovicë nuk është kurrfarë risie: UNMIK-u edhe ashtu e administronte këtë qytet më herët. Dhe, për këtë gjë gjithnjë kishte në dispozicion edhe forcat e KFOR-it e edhe ato të policisë së UNMIKut. Madje, në harresë arkivore tashmë do të mbetet edhe Plani i famshëm prej 7 pikash i Steinerit që duhej ta shpëtonte Mitrovicën vetëm para një muaji. Ajo çka është e re është faktori kohë. Pas tre vjetësh dështimesh në vendosjen e një normaliteti në Mitrovicë, e posaçërisht ngase dështoi forma demokratike, pra që nëpërmjet zgjedhjeve të bëhet unifikimi i qytetit, tash krijohet një asimetri e re. Në vend të shpërpjesëtimit mes autoriteteve të zgjedhura kosovare në jug të qytetit dhe atyre të kontrolluara nga Beogradi në veri, tashmë administrimi vazhdon të jetë kosovar në jug, por përkohësisht iu merret strukturave paralele serbe në veri. Shikuar kështu, UNMIK-u vetëm zbaton mandatin e vet, me tre vjet vonesë, dhe me gjasë në situatë ku ka më shumë vullnet politik ndërkombëtar. Por, ky fakt është me rëndësi, sepse krijon hapësirën e intermexos në një situatë të pakompromis: shqiptarët deri më sot nuk deshën a ditën të krijojnë veprim që do të ofrojë siguri për serbët; serbët nuk deshën a ditën të krijojnë veprim që do të ofrojë bashkëjetesë me shqiptarët, brenda një kornize ligjore kosovare. Në këso situate, administrimi i UNMIK-ut në pjesën veriore të qytetit, po qe se zbatohet, do të krijojë mundësinë që ndërsa vazhdon debati politik i ardhmërisë, qytetarët të kenë mundësi të lëvizin lirisht nëpër tërë territorin e qytetit. 3.

Çka do të ndodhë pas një viti me këtë iniciativë? Po qe se ndërtohet gradualisht mirëbesimi i qytetarëve, e posaçërisht nëse pengohet ndonjë shprehje eventuale e dhunës nga cilado forcë ekstremiste, mund të ndërtohet atmosfera ku do të debatohet më lehtë lidhur me ardhmërinë e këtij qyteti, pra edhe të Kosovës. Kjo, natyrisht, nuk do të thotë se as ata që në Beograd urdhëruan çmontimin e “Rojave të urës” do të rrijnë duarkryq. Nuk e besoj se ky do të jetë fundi i strukturave paralele, në mos për gjë tjetër, atëherë për shkak të faktit se Beogradi ende vazhdon t’i mbajë “gjyqet e Kosmetit” dhe sekretariatet e MPB-së së “Kosmetit” në qytete të ndryshme të Serbisë. Për më tepër, fakti se dikush mund të aktivizojë e të çaktivizojë “Rojat e urës” si të dojë, do të thotë se mund ta bëjë të njëjtën gjë në të ardhmen. Ata që vendosën në Beograd lidhur me këtë, nuk e bënë për të çaktivizuar rolin e vet në të ardhmen, por për ta ngritur në një nivel tjetër. Në fakt, prej “Rojave të urës”, teledirigjimi i Beogradit ka kaluar në krijimin e efektit bllokues institucional, në radhë të parë parlamentar. E, rezultat i këtij efekti bllokues duhet të jetë jo vetëm dëshmia se institucionet e Kosovës nuk janë të afta, porse nuk janë në gjendje t’i respektojnë të drejtat e popullit pakicë, andaj se duhet krijuar njësi territoriale-etnike për mbrojtjen e të drejtave serbe. E tëra kjo, në një situatë ku tashmë Beogradi nuk do të mund të akuzohet se po e çrregullon situatën në Mitrovicë, duke hequr kështu njërën prej pikave kritike që ka bashkësia ndërkombëtare për Serbinë (arrestimi i kriminelëve të luftës, shitje armëve Irakut, etj). 4.

Dikush në Beograd mund të ndodhë të ketë kërkuar diçka si kundërshpërblim për heqjen e “Rojave të urës”. Ka gjasa që në muajt e ardhshëm të kuptojmë çka. Sfida, megjithatë, nuk do të jetë ky, apo ndonjë dëmshpërblim tjetër, por si do të mbushet me aktivitet politik dhe qytetar zbrazëtia e cila po krijohet me tërheqjen e formacionit të fundit shtetëror serb prej sipërfaqes publike dhe hyrjes së një administrate ndërkombëtare që duhej ta kishte vendin aty para tre vjetësh. E, këtu, pos krijimit të kushteve të sigurisë, më shumë do të varet prej aktivistëve kosovarë, shqiptarë e serbë, sesa prej vullnetit të mirë të UNMIK-ut.

Marre nga Koha Ditore

[Iceberg]

U bashkua apo u nda Mitrovica?
Nga Nexhmedin Spahiu*

Qindra telefonata nga qytete të ndryshme të Kosovës dhe nga shumë vende të botës mora mbrëmë që më uronin "bashkimin" e Mitrovicës. Haberin e parë për këtë eveniment ma sollën Sulejman Gashi e Avni Spahiu të cilët kishin ardhur në Mitrovicë për të transmetuar direkt nga vendi i ngjarjes "bashkimin" e Mitrovicës. Pak minuta më pas na u afruan Faruk Spahija dhe Mursel Ibrahimi, kryetari përkatësisht nënkryetari i Kuvendit Komunal të Mitrovicës, të cilët, Syla dhe Avniu i informuan se "që sot u bashkua Mitrovica". Syla ua tregoi një dokument të cilin unë nuk arrita ta shoh sepse ishte akoma nën embargo. Fakti që kryetari dhe nënkryetari i Kuvendit Komunal të Mitrovicës po mësonin nga RTK-ja se Mitrovica po "bashkohej" më bëri të dyshoj automatikisht në gjithë atë që quhej "bashkim i Mitrovicës". Vrapova ta takoj një mik timin ndërkombëtar i cili më shpjegoi se "Steineri ia hangër Farukut (Spahisë) çokollatat e Ramazanit". (Ironizimim ky me një ves të shqiptarëve këtu në Mitrovicë që gjatë Ramazanit luajnë bixhoz me çokollata). Më tregoi kopjen e dokumentit që kishte nënshkruar Steineri (i cili tashmë ishte bërë publik në veri të Mitrovicës) dhe ku thuhej se UNMIK-u i merrte mbi vete kompetencat në veri të Mitrovicës të cilat në bazë të rregullores 2000/45 iu ishin dhënë dy vjet më parë komunave. Vendimi hynte në fuqi në po të njëjtën datë më 25 nëntor 2002. Shkova dhe i tregova nënkryetarit të Komunës së Mitrovicës Mursel Ibrahimit se me urdhëresën e Steinerit në fakt po legalizohet ndarja e Mitrovicës.
Deri më tani Kuvendi Komunal i Mitrovicës kishte pasur kompetenca formale mbi territorin verior të saj, por që praktikisht nuk i kishte ushtruar asnjëherë gjatë mandatit të tij dyvjeçar, por tani e tutje nuk do t'i ketë as ato formale. Me Faruk Spahinë ishte e pamundur të bisedohej ngase ndjenjat e tij ishin të përziera. Ai ishte i gëzuar në kulm sepse akoma kujtonte se "qyteti po i bashkohej" por në anën tjetër ishte i pikëlluar pse për këtë "gëzim" Steineri nuk e kishte informuar me kohë. Ndërkohë krerët komunalë ishin thirrur në darkë me Steinerin në një restorant në jug të Mitrovicës ku do të informoheshin se si "për t'u bashkuar Mitrovica, ata (pra Kuvendi Komunal) përkohësisht do të duhej të hiqnin dorë nga kompetencat e tyre në veri të saj". Në letër Komuna e Mitrovicës mbetet e pandarë. Ura lidhëse do të jetë administratori komunal i cili është i vetmi organ që do të ketë kompetenca mbi të dy pjesët e komunës. Administrata e UNMIK-ut në jug të Mitrovicës do të drejtohet nga administratori komunal i Mitrovicës dhe Kuvendi i saj Komunal si në të gjitha komunat e tjera të Kosovës, ndërsa veriu i Mitrovicës do të drejtohet nga zëvendësadministratori komunal i Mitrovicës dhe administrata që do të ngritet nga ai e që do të ketë një staf pak a shumë sa edhe komuna në jug të Mitrovicës.
Në mbrëmje, përmes TV MOST-it të Zvecanit i cili ritransmeton RTS-in dhe për të cilin Simon Haselock angazhohet që t'i sigurojë një grant prej disa qindra mijëra eurove, qytetarët e Mitrovicës patën rastin të dëgjojnë nënkryetarin e qeverisë së Serbisë, Nebojsha Coviq tek u premton gjithë punonjësve të komunës së deritashme paralele se do të punësohen nga UNMIK-u në të njëjtat detyra që kanë pasur më parë. Natyrisht, pezmi i qytetarëve të Mitrovicës u ngrit në maksimum në momentin, kur në Radio Televizionin e Mitrovicës u prezentua para kamerave urdhëresa e z.Michael Steinerit. Shumica e qytetarëve ngelën të habitur për informin jo të plotë nga ana e RTK-së. Për të qenë ironia në kulm, derisa gazetarë të shumtë po e prisnin Steinerin në restorant, të tërhequr nga drita e reflektorëve të RTK-së u afruan disa qindra të rinj shqiptarë të cilin nuk ishin akoma të informuar se a po "bashkohej" apo po "ndahej" Mitrovica, por ishin kureshtarë për të parë Steinerin dhe njerëzit nga kryeqyteti. Befas, forca të mëdha policore dhe njësia speciale e policisë së UNMIK-ut (zakonisht ato që përdorën kundër demonstratave të dhunshme) ia bëhen para restorantit ku do të vinte Steineri. Natyrisht, një situatë e tillë ishte pasqyra më e mirë e raporteve kosovarë-UNMIK. Ajo çfarë vlen të thuhet në këtë rast është fakti se tani UNMIK-u dhe Beogradi zyrtar korrën një fitore të cilën po e festojnë kosovarët falë informimit të mangët të RTK-së. Tani, veriu i Mitrovicës është po aq komunë sa është Kosova shtet. Kurdo që të diskutohet statusi i Kosovës, të njëjtat argumente që shqiptarët do të nxjerrin për Kosovën shtet të pavarur në mënyrë automatike këto argumente do të vlejnë për veriun e Mitrovicës si Komunë. Kësisoj Beogradi zyrtar iu afrua edhe për një hap më shumë mundësisë së copëtimit të Kosovës.

*Autori është analist politik dhe drejtor i Radio Televizionit të Mitrovicës

[Beqari002]

Në pjesën veriore lejohet përdorimi i flamurit serb, por jo edhe përdorimi i flamurit shqiptar!

Mitrovicë, 29 nëntor 2002 - Trupat franceze të KFOR-it nuk kanë lejuar vendosjen e flamujve kombëtar në pjesën veriore të Mitrovicës. Zyrtarët e KFOR-it deklaruan se kjo është bërë me qëllim që askush të ndihet i provokuar. Madje, togeri i këtyre forcave Lukner tha se flamuri shqiptar do të ishte provokim për serbët!.

Mirëpo, ai nuk ishte në gjendje të shpjegonte se si lejohet përdorimi i flamujve të Serbisë e të Jugosllavisë së vetëshpallur në veri të Mitrovicës, ndërsa ai i shqiptarëve jo.

Ndryshe, në pjesën jugore të Mitrovicës në Ditën e Flamurit në shtëpi, banesa e dyqane ishin vendosur flamujt kombëtarë shqiptar, ndërsa rrugët ishin përplot me njerëz që kremtonin këtë festë kombëtare.

Në anën tjetër forca të mëdha të njësisë speciale të policisë ndërkombëtare ishin përqëndruar që në orët e mëngjesit në krahun jugor të urës kryesore mbi lumin Ibër si dhe para palestrës sportive ku në orën 13.00 kishte filluar manifestimi qendror nën patronatin e Kuvendit Komunal të Mitrovicës.
----------------------------
-------------------------------
Oj sharki e lehte si era , a ka ardhur ne Shqiperi pranvera?

[Iceberg]

Mitrovica, vazhdim i ndarjes
Nga Patrick Moore

Duket sikur ngjarja kryesore politike këtë javë ishte urdhri i zotit Shtajner për të vendosur kontroll në pjesën e dominuar nga serbët në Mitrovicë. Zyrtarë ndërkombëtarë janë shumë të kënaqur me këtë ngjarje. Një deputet shqiptar i Kuvendit të Kosovës tha se “ky është krijim i një komune të re mbi baza etnike serbe”. A është ky është me të vërtetë fundi i ndarjes së Mitrovicës?
Duket se mësimi i vërtetë nga kjo është me siguri proverbi francez që “sa më shumë gjërat ndryshojnë aq më shumë mbeten të njejta”. Dy gjëra janë të qarta në këtë marrëveshje të Shtajnerit me Beogradin; së pari - është fakti se ne nuk dimë se çfarë qëndron pas kësaj marrëveshjeje. Së dyti - është e qartë që kjo marrëveshje është shumë më e thellë, sesa paraqitet në sipërfaqe dhe vetëm koha do ta tregojë përmbajtjen e saj të vërtetë. Nëse do t’i përgjigjesha pyetjes së mësipërme me një fjali, mendoj që kjo do të jetë vazhdimi i ndarjes së Mitrovicës nën një emër tjetër.
Gjatë vizitës së tij të fundit në Mitrovicë, Çoviç tha se “Rojet e Urës” dhe ish -pjesëtarët e Ministrisë së Brendshme serbe do të kenë të drejtë të konkurrojnë në Shërbimin policor të Kosovës, që do të jetë i angazhuar në pjesën veriore të Mitrovicës. A mund të fuksionojë kjo?
Kjo nuk është hera e parë në histori, që një ushtri apo forcë policore ka “ndryshuar” besnikërinë e vet, thjesht nëpërmjet ndryshimit të uniformës. Në realitet çdo gjë qëndron e njëjtë. Ishte me të vërtetë një mister i madh njoftimi i kësaj jave. A duhet të besojmë që këta gangsterë që janë në “Rojet e Urës,” dhe njerëzit e tjerë në veri, të cilët kanë terrorizuar zyrtarët ndërkombëtarë sa herë që kanë shkuar aty, janë shndërruar papritur në policë të mirë dhe të bindur? A duhet të besojmë që nuk kanë pasur kundërshtime të forta ndaj dorëzimit të asaj që kanë pasur gjithë këto vite, thjesht për faktin se ka pasur një marrëveshje mes Shtajnerit dhe Çoviçit? A duhet të besojmë se kjo do të ndryshojë diçka? Jo, këta njerëz e dinë se çfarë po ndodh, e dinë që ajo që po ndodh aty është ndoshta një ndryshim në formë, por jo në thelb.
Ndoshta ajo që zoti Shtajner po përpiqet të bëjë është të marrë minimumin e saj që mund të marrë. Siç e themi në anglisht “nëse nuk mund ta marrësh një bukë të plotë atëherë merr gjysmën e saj”. Ai e di që nuk do të arrijë t’i japë fund strukturave paralele brenda natës; e di që nuk do ta largoj influencën e Beogradit në këtë zonë brenda natës. Mbase, me gjasë, ai nuk e dëshiron këtë, pasi e sheh Beogradin si një faktor stabiliteti që mund ta kontrollojë disa nga këta njerëz…nëse ata mund të kontrollohen…
Gjëja më interesante në gjithë këto zhvillime, nuk është fakti që nuk do të shohim ndryshime në Mitrovicë…Mendoj se shumë interesante do të jetë se si në sytë e serbëve në Veri dhe në sytë e Shtajnerit do të shihet fakti se personi që kishte mundësi të merrte ndonjë vendim për këtë gjë ishte pikërisht Çoviçi…Kjo gjë na bën të pyesim se në gjithë aktet kriminale të “Rojeve të Urës” dhe të të tjerëve, sa autoritet ka pasur Beogradi në ato kohë?

[Albo]

Rexhepi: Plani im për të bashkuar Mitrovicën

Flet ish-kryeministri i Kosovës: UNMIK forcoi strukturat paralele

Kryeministri më jetëgjatë në Kosovën e pasluftës, Bajram Rexhepi, i është përveshur punës për t‘u rikthyer në komunën e tij të Mitrovicës. Ka pranuar të hyjë në garë elektorale për të marrë kreun e qytetit më problematik të Kosovës. Në një intervistë për "Shqip" ai akuzon UNMIK-un dhe krerët e komunës për mungesë vullneti dhe iniciativë gjatë këtyre tetë viteve, për të integruar qytetin. Ai nuk premton se do të bëjë shpejt një gjë të tillë, por thotë se duhet të shfrytëzohet vullneti i disa serbëve dhe shqiptarëve për të punuar së bashku.

UNMIK-u, në një deklaratë të fundit, pranoi se nuk ka bërë mjaft për bashkimin e qyteti të Mitrovicës, si e interpretoni ju këtë deklaratë?

Deklaratë e vonuar, gati në fund të mandatit të UNMIK-ut pranojnë një dështim që ka qenë evident gjatë këtyre tetë viteve. Faktikisht ata nuk e kanë realizuar mandatin e tyre gjatë këtyre tetë viteve në Mitrovicë dhe në pjesën veriore të Kosovës.

Çfarë mund të kishin bërë ata më shumë ose çfarë nuk kanë bërë?

Duhej të kishin implementuar atë që del nga mandati i tyre, nga rezoluta 1244, që ta shtrinë autoritetin e tyre në tërë tërësinë territoriale të Kosovës. Këtë nuk e kanë bërë. Kanë qenë të pranishëm formalisht në pjesën veriore, por aty vazhdimisht kanë qenë prezente strukturat paralele. UNMIK-u ka bashkëpunuar ndonjëherë edhe me këto, me qëllimin që t‘i integrojnë, mirëpo kjo nuk ka dhënë efekt dhe në një mënyrë ata vetëm i kanë fuqizuar, iu kanë dhënë hapësirë të mjaftueshme që të veprojmë lirshëm edhe pse në mënyrë jo legjitime.

Çfarë hapash të ashpër mund të ishin ndërmarrë nga UNMIK-u?

Mbase nuk do t‘i quaja të ashpër, por ata kanë ardhur me një mision paqeruajtës, themelimin e institucioneve demokratike, ata nuk i kanë realizuar, ka mekanizma juridike, mekanizma të demokracisë se si bëhen këto gjëra, pa përdorur ashpërsinë, apo dhunën.

Dhuna për UNMIK-un do të thotë prishje e qetësisë dhe stabilitetit…

Po ndoshta i ka frikësuar ndonjë destabilizim dhe kanë dashur në këtë mënyrë, duke i ledhatuar dhe duke i bërë disa kompromise jo parimore me këto struktura paralele, që ta ruajnë një qetësi të brishtë mirëpo kjo nuk i ka zgjidhur problemet, përkundrazi i ka grumbulluar edhe më tepër, dhe ato gjithnjë mund të shfaqen në një formë edhe më të ashpër. Tani është një paqe sipërfaqësore mund të them, mirëpo tensionet dhe problemet kanë mbetur të pazgjidhura.

Sipas jush, a i ka mbetur më kohë UNMIK-ut që të veprojë?

Nuk ma merr mendja. Nëse UNMIK-u nuk ka bërë gjë për tetë vite, s‘besoj se mund të bëjë diçka edhe në dy apo tre muajt e ardhshëm apo sa do të vazhdojë misioni i tij. Kjo do t‘i mbetet barrë misionit të ardhshëm të Bashkimit Evropian, të cilët veç të tjerash kanë paraparë edhe ngritjen e një zyre në pjesën veriore të Mitrovicës dhe mbetet që gradualisht me institucionet e Kosovës të bëjnë integrimin e pjesës veriore të Kosovës.

A veprojnë strukturat për të cilat raportohet në media, struktura të armatosura, njerëz të shërbimeve sekrete të paguar nga shteti i Serbisë?

Kjo është një e vërtetë që të gjithë e dinë. Janë njerëz ndoshta jo të gjithë të uniformuar, por shërbime të ndryshme, njerëz të shërbimit sekret serb, forca të policisë serbe që i quajnë MUP. Forma të ndryshme të mbrojtjes territoriale dhe struktura paralele të individëve janë prezente dhe këtë e dinë edhe ata që duhet ta dinë, shërbimet inteligjente të KFOR-it dhe të strukturave të tjera, qoftë edhe të shërbimit policor dhe ndërkombëtar.

A kanë bashkëpunim me këto struktura?

Nuk ma merr mendja që KFOR-i ka lidhje me këto struktura, nuk besoj se lëshohet me atë nivel, që të bisedojë me këto struktura paralele, por me vetë faktin që dihet se ato janë të pranishme në pjesën Veriore të Kosovës dhe nuk ndërmarrin aksione pak më aktive, konkretisht policisë ndërkombëtare, atëherë mund të thuhet se kohë pas kohe kanë edhe ndonjë bashkëpunim, jo në kuptimin që t‘i fuqizojnë, por me qëllimin që të ruhet qetësia, ndonjë shkëmbim informatash.

Ju zgjodhët për të konkurruar si kryetar komune për Mitrovicën, ku dhe keni qenë përpara se të bëheshit Kryeministër. Ishte kjo një zgjedhje e juaja, apo e imponuar nga partia?

Ishte një zgjedhje e imja dhe ishte një mendim i përbashkët në strukturat e PDK-së, që pjesa udhëheqëse e partisë këtë herë të kthehet drejt bazës, nga edhe kemi ardhur me qëllimin për të rritur PDK-në në nivel qendror, por edhe që të fitojmë disa komuna. Ndërsa Mitrovica dallohet nga komunat tjera. Nëse komunat e tjera do të orientohen drejt zhvillimit ekonomik në projekte të ndryshme që kanë të bëjnë më këtë apo atë të funksionimit të administratës, Mitrovica edhe më tutje mbetet një problem shumë i madh, që ka edhe komponentin politik.

Ju konsideroni se po shkoni me mision atje, nëse fitoni?

Shkoj me një qëllim, asnjëherë nuk i kam ikur sfidave dhe ndoshta rezultatet më të mira i kam pasur aty ku ka pasur sfida. Unë ndjej një obligim edhe ndaj qytetarëve të Mitrovicës si kryetar i parë i Komunës së Mitrovicës, i emëruar në qeverinë e përkohshme, por edhe si ish-kryeministër të bëj sa të jetë e mundur në këto momente që nuk janë të lehta për ta. Ky ishte qëllimi im kryesor. Dikush e ka konsideruar këtë si një lloj denigrimi nga posti i ish-kryeministrit, në një komunë, mirëpo unë nuk e konsideroj si të tillë, dhe e jap ndihmesën aty ku është e domosdoshme.

Keni përgatitur ndonjë platformë apo projekt për këtë qytet, se si do të bashkohet?

Sapo të nisë pjesa zyrtare e fushatës do ta prezantojmë. Është diçka e kombinuar me ato korniza që e kemi paraqitur para dhjetë ditësh. Mirëpo me specifikat e Mitrovicës ka dhe ide konkrete, ka pasur dhe gjatë fushatës së kaluar.

A mund të na thoni ndonjë nga këto ide, kam parasysh ndarjen e qytetit…

Nëse zgjidhem kryetar i komunës, aktiviteti im do të jetë i ndarë edhe në pjesën politike, edhe në atë të krijimit të një perspektive më të mirë për Mitrovicën. Do të përqendrohem në projekte të ndryshme multietnike që unë besoj se kam më tepër kredibilitet edhe fuqi politike që të inkurajoj edhe donacionet e ndryshme ndërkombëtare, por edhe financime. Këto projekte mund të jenë ente edukimi, një shëndetësi më e mirë, një infrastrukturë më mirë, mund të jenë ndërmarrje apo fabrika jo shumë të mëdha por që kanë treg dhe mundësi punësimi.

A mund të punojnë më bashkë shqiptarët dhe serbët?

Disa herë edhe shqiptarët edhe serbët janë shprehur se janë qytetarë të Mitrovicës, se janë të gatshëm që të punojnë bashkërisht, prandaj duhet që këtë minimum të pajtueshmërisë që ta shfrytëzojmë.

Po pjesa më madhe e serbëve në Veri të Mitrovicës nuk janë banorë të këtij qyteti apo jo? Sa pengesë mund të bëhen këta për projekte të tilla që përmendni ju?

Ata janë pengesë realisht. Një pjesë kanë ardhur nga pjesë të tjera të Kosovës, ndërsa një pjesë tjetër nuk janë qytetarë fare të Kosovës, janë nga Serbia, ata ne nuk do t‘i dëbojmë me forcë, por ata nuk janë rezidentë të Kosovës. Prioritet do të kenë qytetarët e Kosovës, konkretisht qytetarët e Mitrovicës.

A mund t‘ju premtoni ju shqiptarëve të pjesës Jugore se nëse vini në krye të komunës, ata do të mund të kthehen në shtëpitë e tyre.

Sikur të varej vetëm nga unë, sigurisht që do t‘ju premtoja, mirëpo ky është një proces kompleks. Unë do të jap kontributin maksimal, që të respektohet e drejta e qasjes dhe posedimit të pronës së tyre, e drejta e lirisë së lëvizjes dhe bashkë me faktorin ndërkombëtar do të krijojmë kushtet që secili të kthehet në pronën e vet. Unë premtoj angazhim dhe përkushtim maksimal, por nuk do të ishte realiste të premtoja diçka që nuk varet vetëm nga unë.

A ka shanse që shqiptarët në një të ardhme të afërt të rikthehen në shtëpitë e tyre në pjesën Veriore?

Kjo duhet të ndodhë, optimizmi ekziston dhe është optimizëm realisht. Unë e shoh se është e mundur pas përcaktimit të statusit final të Kosovës. Unë besoj se atëherë do të jetë një situatë më e qartë, si për qytetarët shumicë, ashtu edhe për ata pakicë, pra serbët. Edhe ata do ta shohin pozicionin e tyre, a duan të jenë pjesë e realitet kosovar apo duan të jetojnë në disa iluzione apo dizinformata që marrin nga strukturat politike të Serbisë.

Ku i shihni ju gabimet e administratës së komunsës të qytetit të Mitrovicës në lidhje me bashkimin e qytetit?

Sa i përket bashkimit të qytetit në të dyja mandatet ka qenë një "status quo" dhe nuk kanë ndërmarrë thuajse asgjë. Ka qenë një kërkesë e përhershme për integrim administrativ. Kërkesa ka qenë legjitime por s‘ka pasur nisma, nuk ka pasur angazhim dhe gjithnjë janë fshehur pas mungesës së kompetencave. Prandaj ka pas "status quo" dhe nuk ka pasur asnjë lëvizje. E di që mundësitë janë të kufizuara, por askush si ka penguar që të kenë nisma më të guximshme dhe të fillojnë t‘i lëvizin gjërat.

Gjatë kohës që ishit Kryeministër, çfarë justifikimi ju është thënë nga UNMIK-u për moslëvizjen?

Gjatë kësaj kohe kemi kërkuar vazhdimisht, ka pasur premtime nga ata, por Serbia ka bërë një investim tepër të madh, qoftë politik, qoftë ekonomik, ose shantazhim i qytetarëve serbë për të mos bashkëpunuar as me institucionet e Kosovës e as me UNMIK-un. Gjithnjë kanë pasur idenë që këtë ta shfrytëzojnë gjatë negociatave si një argument të fuqishëm se serbët janë të rrezikuar, por qëllimi është ndarja e pjesës Veriore. Shihet tani që këtë e kanë shfrytëzuar me mjeshtëri ndaj faktorit ndërkombëtar.

A mund të themi që UNMIK-u nuk ka pasur vullnet politik për të ndërmarrë hapa?

Unë s‘mund të them se s‘ka pasur vullnet, por veprime s‘kanë marrë. Unë nuk i gjykoj sipas vullnetit, por sipas fakteve në terren, çfarë kanë bërë, jo çfarë kanë dashur...

A mund të shkohet te ndarja apo jo, duke pasur parasysh rrjedhën e procesit?

Teorikisht kjo mundësi ekziston, ambiciet e strukturave të ndryshme serbe nuk janë shuar për ndarje, qoftë edhe pse zyrtarisht qeveria e Serbisë deklaron publikisht se nuk jemi për ndarje. Kjo nuk është e vërtetë, pasi ata zgjidhje të fundit e kanë ndarje. Por ne mbështesim parimet e grupit të Kontaktit dhe jemi të përkushtuar që të mos lejojmë ndarje, pasi një gjë e tillë do të hapte probleme të mëdha jo vetëm në Kosovë por edhe në vendet fqinje.

Nëse Kosova shpall pavarësinë, edhe pjesa Veriore do të bëjë të njëjtën gjë?

Atë unë e pres, ata do të bëjnë një shpallje të tillë, pavarësisht nëse Kosova pavarësohet me një rezolutë të Këshillit të Sigurimit apo pa të. Këtu është dallimi në qasje, pasi shumë analistë mendojnë se nëse bëhet shpallja e njëanshme, pa rezolutë, serbët e pjesës Veriore do ta shpallin, ata do ta shpallin edhe pa rezolutë, kjo duhet kujtuar. Por detyrë e institucioneve të Kosovës është që të reagojnë menjëherë dhe ta shpallin të pavlefshme, e të njëjtën gjë të bëjë edhe faktori ndërkombëtar. Ajo do të mbetet në letër si dëshirë, mirëpo nuk do të ketë efekte juridike. Ne e kemi pasur pavarësinë të shpallur prej sa vitesh, por ajo mbeti në letër. Por s‘besoj se do të krijojë problem kjo gjë.

A ekziston mundësia që edhe misioni i ardhshëm i BE-së të veprojë pak a shumë si UNMIK-u, pra në emër të ruajtjes së stabilitetit të lejojë strukturat paralele të veprojnë?

Po shpresojmë se kanë nxjerrë mësime, pasi një pjesë e madhe e UNMIK-ut janë edhe përfaqësues të Evropës dhe do të veprojnë në mënyrë më të efektshme se UNMK-u, në të kundërt nëse vazhdohet kështu do të ishte tragjike për pjesën Veriore.

Midis këtij pesimizmi, që bashkimi nuk varet prej jush dhe kandidimit tuaj për kryetar komune, ku premtoni integrim, çfarë qëndron në mes për sa i përket integrimit të qytetit të ndarë?

Unë integrimin e konsideroj si proces dhe ai plani që është propozuar nga ekipi i Unitetit dhe që unë kam marrë pjesë, fillimisht nuk është plani më i mirë, por nëse ai realizohet siç është parashikuar, është një bazë e mirë që të funksionojnë një qytet me dy komuna dhe gradualisht të bëhet integrimi, jo vetëm i pjesës Veriore të Mitrovicës, por edhe i tërë pjesës Veriore të Kosovës. Ky është një proces që mund të zgjasë.

Si mund ta pengojë Serbia realizimin e këtij plani?

Strukturat serbe kanë për qëllim ndarjen e Kosovës. Kjo është sfida, mirëpo ka dy qasje të serbëve në Kosovë. Ata që jetojnë nëpër enklava nuk janë të interesuar për konceptin e ndarjes, sepse e dinë që ja prishin vendin vetes, ndërsa disa struktura të tjera në pjesën Veriore duan t‘i bashkëngjiten Serbisë, pra edhe brenda spektrit politik serb ka dallime.


Gazeta Shqip

[&Mitrovicalia&]

Mitrovica von ka nxon me ja pa pak hajrin Trepqes,s'jan kon gjinja budal kur kan brohoritur ne demonstratat e 81 "Trepca radi Beograd se gradi". Por nje qe mua personalisht me bren eshte se RTK-ja kur i jep lajmet per motin ajo tona qytetet i permend vec mitrovicen jo???????????

[Llapi]

"Trepca radi Beograd se gradi".

qishtu bre vazhdo ne gjuhen tane

[&Mitrovicalia&]

O llapi une perndryshe shum ne nga Mitrovica i kem pas kojshit derem dere, qe besa kem nejt neper kafe bashke me ta , ne shkoll bashke jena shku, me ta fudboll kena lu...perse m'et rejt, qe besa edhe lepa brenen e kem ngu mashum se shkurten...qka me bo qato 60vjet keshtu e kem pas me ta deshtem zdeshtem...e ju tash te UQK-ës qe doni ejani dhe pushkatonani tonve...vec ta mart mendja se ne e kem harru ndonehere se kush jem...dij se atehere kan mu tu pi dhomte ne qoftese ket dyshim e shpreh publikisht para Mitrovicalive te mi.

[ZANOR]

O llapi une perndryshe shum ne nga Mitrovica i kem pas kojshit derem dere, qe besa kem nejt neper kafe bashke me ta , ne shkoll bashke jena shku, me ta fudboll kena lu...perse m'et rejt, qe besa edhe lepa brenen e kem ngu mashum se shkurten...qka me bo qato 60vjet keshtu e kem pas me ta deshtem zdeshtem...e ju tash te UQK-ës qe doni ejani dhe pushkatonani tonve...vec ta mart mendja se ne e kem harru ndonehere se kush jem...dij se atehere kan mu tu pi dhomte ne qoftese ket dyshim e shpreh publikisht para Mitrovicalive te mi.

***Unë veç për një fjalë deshta me të pyet: çka ke fjala jote - UQK-ës?

Nëse kupton UÇK-ja që pruni NATO-n dhe solli lirinë e Kosovës - mirë, e nëse mendon se je i B-UQK-ës e kallxon 'pimja dhomsh' të UÇK-ës, vijo atë lojën e vjetër të futbollit, se të pihen dhomt bashk me ata të futbollit të dikurshëm - se Mitrovicalitë e dinë mirë, se duhet me iu pi dhomt atyne që dikur ke lujtë futboll me ta!

A mundesh me u kfjellë pak...?

A mos je me at kongen:

Pa u farue Mitrovica -
jo nuk ndahen dejm e çika


Veç kallxona drejt a bre Mitrovicalia...