Pranvera, viktima e pare e autostrades se re Fier-Lushnje

[DEA27]

Bismilah! Autostrada më e re e vendit, ajo Lushnjë-Fier, mori kurbanin e parë. Ishte një vajzë e vogël 10 vjeçe që quhej Pranvera dhe që u përplas tej nga një makinë, teksa kalonte nga një anë e rrugës në tjetrën. Kaq thanë gazetat.

Ditën që ka filluar të hidhet në letër projekti i autostradës, Pranvera nuk ka qenë më tepër se një vjeçe. Thithte gji nëne, pa e ditur se firma e vdekjes së saj sapo qe hedhur. Që ditën që filloi të hidhej në letër vija e parë e projektit, pa parashikuar ndërtimin e mbi e nën kalimeve, të gjithë e dinin që Pranvera do vdiste. Që ditën që u pre shiriti i punimeve pa parashikuar fonde për mbikalime, apo se si do kalonin njerëzit nga një anë në tjetrën e kësaj rruge të re. Dihej që do vdiste, që kur se punimet avanconin dhe, edhe ato pak mbikalime të parashikuara, rralloheshin pasi paratë treteshin në kush e di ç‘xhepa. E dinin që ajo do vdiste, edhe Kryeministri edhe Ministri i Transporteve, që i prenë shiritin rrugës, edhe pse e dinin se ajo ishte jashtë çdo parametri teknik, por brenda çdo parametri elektoral. E dinin edhe gjithë armata e inxhinierëve, teknikëve, ndërtuesve, investitorëve, supervizorëve, funksionarëve që, megjithëse paguhen për të zbatuar ligjet, i shkelën ligjet duke e lejuar rrugën të shkelte parametrat teknikë. E dinin edhe ata të shkretë fshatarë që banojnë anës rrugës dhe e shohin atë shirit asfalti si mbartës të të gjithë halleve të tyre. Në të gjithë botën rrugët shërbejnë për të lidhur njerëzit, ndërsa në Shqipëri ja kemi dalë t‘i shndërrojmë në simbole ndarjeje të njerëzve këtej dhe andej rrugës, që s‘piqen dot me njëri-tjetrin. E dinin fshatarët e gjorë dhe nuk i vunë dinamitin cep më cep kësaj mostre të bërë keq dhe që duan të na i shesin për zhvillim.

Të gjithë pra e dinin që Pranvera do vdiste një ditë dhe askush nuk hapi gojë. S‘hapën gojë, se projektuesit donin të shisnin projektin, ndërtuesi donte të fitonte tenderin, ministrat donin copën e tyre, Kryeministri donte të fitonte votat, fshatarët se fshatarë janë dhe janë mësuar ta kenë frikë shtetin. E vetmja që nuk dinte asgjë nga të gjitha këto ishte Pranvera, që vazhdoi të rritej bashkë me rrugën, derisa kjo i mori jetën bashkë me vetëm 10 vjetët e saj.

Bëj o Zot i Madh të thyejnë qafën pikërisht në atë vend, të gjithë ata që me vetëdije frynë barqet dhe xhepat e tyre me vitet e pakta të Pranverës së Vogël.

[Brari]

eshte krijim i yti apo shkrim gazete ky o dea27 ta..

na e thuaj kte e pastaj diskutojme..

ngushellime familjes.. ne kte tragjedi te tmerrshme..!

[Apollyon]

U prehte ne paqe vogelushja, ngushellime familjes.


Mos ti shtrojme me rruget tani sepse kan pasoja vdekjeprurese. Ti leme ashtu sic jan te paasfaltuara gjith gropa, sepse mund te kene pasoja fatale. Eshte artikulli tille qe ti ngre nervat.

[dritek7]

DEA jemi mesuar ne Shqiptaret te na i vrasin Pranverat derrat politikan ..

[DEA27]

eshte krijim i yti apo shkrim gazete ky o dea27 ta..

na e thuaj kte e pastaj diskutojme..

ngushellime familjes.. ne kte tragjedi te tmerrshme..!

ky eshte nje artikull gazete, nuk eshte fjala per te ngushelluar se shume pranvera te tjera do te flijohen ne altarin e korrupsionit pushtetar qellimi eshte te sensibilizohemi se kucedra e politikes shqiptare kerkon gjak te pafajshmish, mund te jemi ne nje dite ata qe do te jemi ne vendin e pranveres apo te nje pranvere tjeter te sakrifikuara ne rrethana te tjera nga dora e piste e shtetit tone.

[Brari]

kur eshte artikull gazete duhet thene dhe gazeta dhe gazetari..

sipas stilit duket si shkrim i mantenutes se karlo bollinos..

por megjithate na e thuaj ti se nga cila gazete e more e kush eshte autor-i-rja..

[pranvera bica]

Mishi te piqet e helli te mos digjet.

Ne duam qe rruget te ndertohen ,asfaltohen,te shtohen sepse te gjoret Shqiptare prandaj taksohen por aman jo te flijohen...dhe kjo se do Ti te presesh shirita e te besh inagurime per inagurim, pa pare ka apo s'ka mbi apo nen kalim.
Ngushellime per familjen e Pranveres qe gezoi vetem 10-te pranvera.

[Brari]

mir ke fol o pranvera..

a u kap vrasesi i vogelushes..pra ai qelbaniku qe ka fluturuar me makine..?

[_AuLoNa_]

Ndertimi i rruges se re Lushnje -Fier ka lehtesuar ne mase te madhe trafikun, por ka veshtiresuar jetesen e banoreve qe kane pronat dhe shtepite rreth saj.

Ata nuk kane mbikalime dhe nenkalime per te kaluar rrugen. Shumica detyrohen qe te kalojne mbi shtratin e saj duke rrezikuar edhe jeten. Aksidentet kane ndodhur shpesh.

[gesti_7]

mir ke fol o pranvera..

a u kap vrasesi i vogelushes..pra ai qelbaniku qe ka fluturuar me makine..?

edhe nese kapej nuk do te ndryshonte asgje.
pikerisht ne kete rruge kur po ndertohej, ka humbur jeten shoku im i ngushte nga nje aksident. Nje i cmendur me autobus qe kish pire qe ne 5 te mengjesit dhe do conte grate me autobus per ne pune i mori jeten pasi ne vend qe te frenonte i jep gas autobusit dhe i del tjetrit ne korsine e ketij te fundit. Rezultati?
Autobuzi permbyset duke zene makinen poshte (dhe shyqyr qe e mbajti makina e vogel busin se do kish marre me qafe edhe jetet e atyre grave te gjora qe shkonin ne pune per nje rroge te vogel ne nje fabrike aty afer).
Do thoni ju cu be me fajtorin qe kapi policia dhe qe mori nje jete te riu dhe rrezikoi edhe 50 jete te tjera???
Me pak (apo me shume) leke ate e denuan vetem me nja 3 muaj burg se gjoja ishte familjar dhe duhet te mbante familjen. Por nuk moren parasysh djalin 4 muajsh te ketij shokut tim qe do rritej pa baba fare si dhe ato 50 familje qe mund te ngeleshin pa nena.
Ja pra nje histori tjeter nga ajo rruge e dhimbshme qe megjithese ne nje fushe dhe me gjatesi 20 km zgjati me shume se nje rruge si Durres - Kukes ne ndertimin e saj. Dhe per me teper me shume mangesira qe ka per te marre ne qafe shume banore te fshatrave fatkeqe qe ndodhen rreth saj.

Me falni per nderhyrjen ndoshta te pavend dhe ngushellime familjes se engjellit te vogel.