Mërmëris...
Më mirë kështu dua...
Mërmëris...
Veshët e botës shurdhuar
T'i bezdis!
As më parë s'më dëgjuat...
Në klithmë!!!
Zërin humnerash dëbuat
Më vdiqtë!
Unë megjithatë vazhdoj...
Mërmëris...
I gjallë, i vdekur, njëlloj
T'ju bezdis!
--------------------------------------------
Të krijosh domethënë...të krijosh.
Ndryshuar për herë të fundit nga mondishall : 29-01-2009 më 02:18
Teper domethenese!
"The rule is perfect: in all matters of opinion our adversaries are insane." (M. Twain)
Te pershendes Borix me vargje.
Mendimet e "lira"
Dhe të dua s'i mbledh dot
Mendimet e dala
Diku të përçara
Masakruar e lënë pa zot!
Pranë ju afrohem si fajtor
Oh sa më dhembin!
Po pse më trembin?
Janë timet e jo timet, ato!
Nga mendimet e mia prangosur
Lirinë ju dhashë
Të lira s'i pashë
Kësaj bote-qeli, burgosur!
----------------------------------------------
Të krijosh domethënë...të krijosh.
Postuar më parë nga mondishall
Pershendetje Mondi per temen e re dhe per kete poezi kaq te bukur.Respekte nga Rizai
Te falenderoj Riza qe i "vjedh" kohes dhe me lexon. Sa mbarova dhe une viziten mengjesore ne sofren tende terheqese.
Unë megjithatë vazhdoj...
Mërmëris...
I gjallë, i vdekur, njëlloj
T'ju bezdis!
Nuk bezdis ti jo. Je kategori fisnikesh.
Urime Mondi!
Natyrisht që më pëlqen krijimtaria tuaj dhe besoj se këtej e tutje tju shohim më shpesh sepse......sepse ke shumë mungesa 'pa arsye'...
Qofsh mirë!
Dhe gjysme e vertete te jete thenia tende Ard, ma ploteson kenaqesine e se teres. Te falenderoj qe le ne mes punet e shumta dhe meresh me temen time.
Beso, kam qene nxenes shembullor jo vetem ne mesime po dhe ne mosberje mungesash ne shkolle. Mesimet e forumit i ndjek rregullisht shume here si student me korespodence.
Te falenderoj per pelqimin e vargjeve te mia.
Si ty dhe Ardin, ju pershendes me vargjet e meposhtme...
Heej, të rinj! (1)
Pardje isha sa ju
Tëpkë, në mos më i ri
Sa them se ai jam un'
Se shpirtin e kam si ai!
Pardje ëndërroja si ju
Tëpkë, në mos më mirë
Dhe sot ëndërroj më shum'
Se kam në shpirt rininë!
Pardje do mbetet pardje
Dhe unë bashkë me të, ai
Po pse ende vazhdoj të ndjej
Atë që ju jetoni tani?
Heej, të rinj! (2)
Sa unë do jeni pasnesër
Tëpkë, në mos më shumë
Se mua ca borxhe më mbetën
Nga koha kur borxhli s'isha unë!
Si unë mos qofshi pasnesër
Pasnesër mos qoft' pardje, as sot
Mos paçi si unë borxh të vjetër
Mos iksha pa e shlyer këtë borxh!
---------------------------------------------
Të krijosh domethënë...të krijosh.
Sa pak mjafton!
Mjafton një lule
Më shumë se fjala
S'mjafton një lutje
Më shum' se e qara.
Mjafton e vërteta
Më shumë se betimi
S'mjafton gënjeshtra
Të humbë besimi.
Sa pak mjaftojnë
Të zgjohet një muzë
Të thonë e çthonë
Që unë s'jam unë!?
Mjafton dhe me kaq
Për të thënë më shumë
Se s'dua në varg
Të vazhdoj pa muzë.
---------------------------------------------
Të krijosh domethënë...të krijosh.
Regullat e Postimit
Përgjigju Duke Cituar
Krijoni Kontakt