Carla Del Ponte: Shqiptaret trafik organesh serbe në 1999

[diamant abrashi]

Pak javë më vonë gjendem në Dejton të Ohajos për një mbledhje me rastin e përvjetorit të pestë të Marrëveshjes së paqes që i dha fund dhunës në Bosnje e Hercegovinë. Për dallim nga ata që patën mikpritur bisedimet e paqes në Dejton më 1995, organizatorët e konferencës së përvjetorit kanë ftuar përfaqësuesit e shqiptarëve të Kosovës. Ndodhem e ulur në podium pranë Hashim Thaçit për një tavolinë të rrumbullakët. E fillojmë bashkëbisedimin. Thaçi pranon se shqiptarët kanë bërë krime gjatë dhunës në Kosovë. Por pohon se ishin civilë me uniforma të UCK-së. Pastaj bën ndonjë koment të panevojshëm që më provokon. E shikoj në sy dhe i them se i kam filluar hetimet rreth krimeve që kanë bërë shqiptarët në Kosovë. Nuk flas asnjëherë për ndonjë inkriminim ndaj tij por sigurisht Thaçi mbërrinë në këtë konkludim, sepse fytyra e tij bëhet e mermertë...

[diamant abrashi]

Vetëm ndonje muaj më vonë hetuesit e Tribunalit dhe të UNMIK-ut mbërrijnë në Shqipërinë qendrore dhe e vizitojnë shtëpinë e verdhë që burimet gazetareske e kishin identifikuar si vendin ku të burgosurit ishin mbytur për t'ua ekstirpuar (nxjerrë- shënim i D.A) organet. Gazetarët i përcjellin në vendndodhje hetuesit dhe një prokuror shqiptar. Shtëpia është tash e bardhë; pronari mohon të jetë lyer ndonjëherë edhepse hetuesit gjejnë gjurmë të verdha përgjatë themeleve të mureve të saj. Në vend hetuesit gjejnë copëra garzash. Afër gjindet një shiringë e përdorur, dy qeska plastike fleboklise të mbuluara nga balta dhe shishe të zbrazta medikamentesh, disa nga të cilat të një relaksuesi muskular që zakonisht përdoret në intervenimet kirurgjike. Aplikimi i një substance kimike u dëshmon hetuesve shkencor spërka gjaku në muret dhe mbi dyshemenë e një dhome në brendësi të shtëpisë, pos në një zonë të pastruar të dyshemesë me dimenzione prej afër 1 meter e 80cm për 60 centimetra. Pronari ofron një variete shpjegimesh për njollat e gjakut gjatë dy ditëve të qëndrimit të hetuesve në fshat. Fillimisht thotë se vite më parë kishte lindur e shoqja në atë dhomë. Pastaj kur e shoqja thotë se fëmijët i kishte lindur diku tjetër, pohon se familja e kishte përdorë lokalin për të prerë kafshë për një festë muslimane.
Konkluzionet që mund të nxirren nga testet e hetuesve, të kombinuara me informatat fragmentare të ofruara nga gazetarët, janë tunduese. Histori të të burgosurve të vrarë nga trafikues organesh qarkullojnë në shumë zona të konflikteve por rrallë gjinden prova konkrete të afta për ti hequr këto rrëfime nga legjendat urbane. Shiringat, fleboklisat, garzat... janë qartazi material konfirmues, por si prova fatkeqësisht janë të pamjaftueshme. Hetuesit nuk janë në gjendje të përcaktojnë nëse gjurmët e gjetura janë të gjakut njerëzor. Burimet nuk kanë treguar pozicionin e gropave të mundshme të viktimave eventuale, domethënë nuk i gjetëm trupat. Misioni nuk mundi të bindë askë nga personat që ndodheshin në shtëpinë e verdhë apo në afërsi që të bënte një hap përpara e të jepte informacione të besueshme. Gazetarët që nga fillimi refuzuan të na jepnin burimin e informacionit dhe hetuesit e Tribunalit nuk qenë në gjendje ti identifikonin. Kishte dhe pengesa juridiksionale, shkaku i datave të rrëmbimeve eventuale, transporti i viktimave përtej kufirit me Shqipërinë, aktiviteti kriminal i zhvilluar në Shqipëri dhe skena e krimit në atë vend. Prokurori lokal shqiptar tregon për një dimension tjetër të problemit të "bashkëpunimit". Lëvdërohet të ketë patur të afërm që kanë luftuar për UCK-në dhe i thotë hetuesit të Tribunalit: "Këtu nuk ka varreza serbësh. Por nëse i kanë sjellë serbët nga përtej kufirit të Kosovës dhe i kanë mbytur, kanë bërë mirë". Kështu në fund prokurorët dhe hetuesit rreth rasteve të UCK-së vendosin se provat për të proceduar më tutje janë të pamjaftueshme. Pa një burim dhe pa një mënyrë për ti gjetur, identifikuar, pa trupa, e pa prova të tjera që i lidhin të dyshimtit e nivelit të lartë me këto akte, të gjitha rrugët e hetimeve janë të mbyllura. Do të jetë detyrë e UNMIKU-t apo e autoriteteve lokale kosovare e shqiptare, mbase në bashkëpunim me forzat serbe të rendit, të hetojnë më tutje rreth këtyre ngjarjeve dhe po të jetë e mundur të ndjekin autorët.

[Baba Sheh]

ku ki hup or rtp miki..

duku ksaj ane..

qe thua ti i dashur rtp.. ti e din se ka nje tradit te pasur serbia dhe populli i saje ..pra dhe inteligjenca serbe ne lemin e ankeso-logjise.. pra e kan te institucionalizuar kte ves apo virtyt a cka dreqin quhet.. pra e kan te shkenco-rizuar.. mjeshterine e te ankuarit..

me tregonte nje mik dikur i cili gerrmonte vete vullnetarisht ne syndyqet e institutit te historise ne tirane mbi ca vandake me gazeta te vjetra serbe e turke te viteve 1800 e ca.. deri ne prag te lidhjes prizrenit..
i kishte bere pershtypje nje ngjarje..
po vinte ne prizren nje pash prej stambolle i derguar direkt nga sulltani per te pare situaten ne vilajet te prizrenit..
portes i kishin ardhur mijra ankesa nga serbet e treves se prizrenit.. se kinse shqiptaret e atyhit po i plackisin po i vrasin e po i presin..
e verteta ishte ndryshe.. ishin shqiptaret qe nen hunden e autoriteteve sulltanore te kohes.. persekutoheshin si ne prizren e si kudo.. nga bandat terroriste serbe ..
kur vjen pasha.. shqiptaret i rrijne ftohte.. kurse serbet e mencur e kopila.. i dalin me valle e kenge e flamuj.. pashes perpara me i tregua se sa shum ju dojm juve or pasha i stambolles..prandaj na mbro e na ndihmo me i ja u kajt nanen mire shqiptareve..

pra filozofija e ankeses edhe kur ashiqare skan te drejte eshte ne thelb te.. mentalitetit e genit serb..
e kjo filozofi e tyre e armatosur me shtet.. dhe e sofistikuar me akademira e kisha e kremlina.. e dekadat e fundit dhe me kina e indi-ra.. mendo sa rezultative dhe e fuqishme dhe e rrezikshme behet..

cfar duhet..

duhet hapur ti thote hashim jakupi.. karla del ponte europes.. se ne shqiptaret ishim ljepuri qe iken.. me ne krye mue hashim gjarpen kembelehtin.. me jakup komunikatt rrenacak gjethen.. qe rreshqitem si hajni e ikem ne shqiperi te klos mejdan .mu.tave.. me pshtue bo.let tona.. se ishim ne e ashtu quajturit ushtri.. e drejtori politike qe bam sehir kur serbia masakronte prekazin ku ish mshel "legjendari" i ngrati.. adem jashar .. me fmi e gra.. sepse skishim as fuqi as trimeri me i dal para shkaut te tenko -izuar e autoblindozuar.. e qato mu.t .komunikatat tona ( qe jakupi yn ju a sqaroj ne hag se kan qene rrena..) e qata ushtria e zadhansave ( e vetmja ushtri reale).. an e kand evrope.. as nji qime nuk mujti me ja prek ushtrise se celikte serbe.. e jo ma me pas mundsi me shtru na uck-ashat nji tryez mjeksore e me kap serb e me ja u ca berkin e me ja qit zorret e me ja marr organet e me i cue ne kutia-frigorifer-speciale nder klinika te botes..

populli yne duhet me i than hash demaq-pisi .. kupi.. qasaj karles del pont.. ishin ne ato vitet e "luftes" nje ushtri grash qe pa asnji mbrojtje.. me trimerine qe natyra u a fal te mjerave nana vrapuen neper male e pyje e ferra e gure nen qiellin me predha te artilerise serbe.. e nen shi e bore.. me mbrojt fmijet pi bajonetes se ushtris arkane.. e cila ushtri te vetmen ushtri qe u perball.. ka pas ushtrin me gra e pleq e qika e fmi ne gji e ne bark.. pa asnji mbrotje.. sepse celikat tone ishin te zanun me eksperimentet polpotisto llapushnikiste.. ose tuj ndjek neper rrugicat e tiranes ahmet krasniqat e tuj pergju me vra qafave te malit te puko -kuksit qat mergimin ilir qe ish fjalos me ideologet ton marksisto enveristo -klos mejdanoist ne 15 katsh. te rogner tiranes..

pra oj zoja e madhe karl del pont.. na shqiptaret skemi pas asnji shanc.. me gjet nji aspirin e alvedon.. per te plagosurit e te masakruarit.. sepse kudo ishte tenku serb e armata arkane tuj na ndjek e na perzan.. e ska pas se si ndoj shqiptar kosove me pas mundesi me fantazu jo me me realizu keto cka po thot serbia..

a mundet kingji oj karl.. me kap cakallin e me ja marr shpretken e me ja dhurue ariut..
qashtu asht kan gjith here dhe me ne te mjeret shqiptar.. puna jon me serbet.. oj karl.. na jena kon kingji e serbia cakalli e ukjku e krokodili..


prandaj oj karl duhet ti thote hashim kupi.. populli sna e futi ne po.rdh me na dhan vot ne " qlirimtarave " por u cue plak e fmi me i dhan lule qatyne zezakve te natos.. se klinton bler klarkut.. sepse per her te pare na dul oj karl nji zot dhe per ne.. me na mbrojt nga serbia qe ne shekuj e ka pas zotin e saj mbrojtes si ne kremlin e si ne avrop..

keshtu duhet fol me boten e me popull tend..
se rrena ta sjell dhe tenkun e arkanit por dhe akt akuzen e hages ne dere.. e mjer mileti jon .. pastaj..

Pershkrim interesant i veprimtarise atdhetare te "elites kosovare".

Shqiptaret duhet te permiresohen dukshem ne propagande dhe kunderpropagande. Ne keso luftrash te ndyta politike dhe strategjike, nuk mund te perfitosh shume edhe nese je ne anen e se vertetes. Ajo eshte vetem atehere e vlefshme, nese mund te shfrytezohet nga te te intersuar dhe te involvuar te ndryshem kunder kundershtareve apo armiqve te tyre. Perndryshe behet fjale per nje te vertete, qe per politiken dhe strategjine aktuale nuk ka ndikim te madhe. Del Ponte nuk mund ti ndalohet publikimi i mendimit te lire apo i propagandes se paguar serbe. Ajo vetem mund te manipulohet, ne menyre qe te mos publikon propagande te tille antishqiptare. Kjo nuk mund te behet permes apeleve apo shkrimeve gatzetareske, por vetem permes lekeve dhe formave te ngjashme. Mbrojtja e shtetit dhe e kombit ndaj sulmeve dhe propagandave te qellimshme te armikut te huaj tradicional permes ketyre metodave, nuk eshte as korrupsion as jomoral, sepse keshtu nuk po mbrohet apo fshihet e keqja, por vetem e verteta dhe dinjiteti i kombit.

Kur neriu ne poziten e Del Ponte deklaron apo shkruan dicka, atehere ne shumicen e rasteve eshte shume vone per nderhyrje efektive. Atehere vetem mund te provohet te zvogelohet demi e shkaktuar.

Tung.

[RTP]

Nekibe Kelmendi: Fabrikime të pastra nga Del Ponte, apo vetë Serbia


Ministrja e Drejtësisë e Kosovës, Nekibe Kelmendi i ka hedhur poshtëë akuzat e ish kryeprokurores së Gjykatës së Hagës Carla Del Ponte.

“Këto janë fabrikime të pastra nga Del Ponte, apo vetë Serbia”, tha Kelmendi. “Kam pasur katër takime private me Carla Del Ponten dhe ajo asnjëherë nuk i ka ngritur këto akuza”.

Ministria që drejtohet nga Kelmendi ishte në listën e institucioneve që kanë marrë kërkesën për hetime nga Human Rights Watch.

Del Ponte, në librin e saj shkruan se 100-300 njerëz, shumica civilë serbë janë dërguar me kamionë nga Kosova në Burrel të Shqipërisë në qershor të 1999 nga ku një pjesë janë përdorur për trafik organesh.
Sipas Del Pontes anëtarë të lartë të ish Ushtrisë Çlirimitare të Kosovës ishin në dijeni të trafikut të organeve.

hermesnews
22 Prill 2008

[RTP]

Padi për shpifje ndaj Del Pontes

Drejtori i Këshillit për Mbrojtjen e të Drejtave dhe Lirive të Njeriut (KMLDNJ) , Behxhet Shala, thotë se organizata e tij do të ngrenë padi për shpifje ndaj Carla Del Pontes.

Në librin e saj të fundit Del Ponte shkruan se ajo ka pasur të dhëna për trafik të organeve fill pas mbarimit të luftës së Kosovës. Sipas këtyre të dhënave shqiptar nga Kosova nën dijeninë e UÇK-së kishin rrëmbyer serb në Kosovë që më pas ishin transportuar për në Shqipëri. Atje këtyre serbëve u ishin marr organet që më pas janë shitur në shtete të ndryshme të botës.

Shala është i pakënaqur me mënyrën se si qeveria e Kosovës ka trajtuar këto akuza dhe kërkon që përpos KMLDNJ-ës edhe qeveria të ngre padi për shpifje ndaj Del Pontes. Kësaj kërkesa i bashkohet edhe partia opozitare AAK.

Zëvendës kryeministri i Kosovës, Hajredin Kuçi, thotë se qeveria e Kosovës nuk e ka ndërmend të merret me këto akuza apo ti përgjigjet letrës së Human Rights Watch kur kërkohet nga institucionet kosovare që të kryhet hetim që ka për qëllim zbardhjen e të vërtetës.

Dje Ministrja e Drejtësisë e Republikës së Kosovës, Nekibe Kelmendi u shpreh se akuzat për trafik organesh janë fabrikime të bëra nga Del Ponte apo vetë Serbia. Kelmendi por edhe aktivistja serbe e të drejtave të njeriut, Natasa Kandic, thonë se ato kanë takuar Del Ponte disa herë por ajo kurrë nuk ka përmendur atë ç’far shkruan në librin e saj.

[RTP]

Haga: Del Ponte nuk po e thotë të vërtetën

Akuzat e ish kryeprokurores së Tribunalit të Hagës, Carla Del Ponte, se shqiptarët e Kosovës kanë trafikuar organet e serbëve gjatë Luftës në Kosovë, janë të “papërgjegjshme dhe jodinjitoze”, tha ish bashkëpunëtorja e saj e afërt, Florence Hartmann.

Ajo më tutje i tha gazetës zvicerane Le Temps se Del Ponte kishte “prezantuar gjëra mbi të cilat ishte e pamundshme që me prova të krijoheshin faktet”.

Ndërkohë as Prokurorët e Tribunalit të Hagës për Krime të Luftës nuk kanë gjetur prova se shqiptarët e Kosovës kanë trafikuar organet e serbëve gjatë Luftës në Kosovë, tha sot zëdhënësja Olga Kavran.

“Zyra e prokurorit dhe Misioni i Kombeve të Bashkuara në Kosovë kanë zhvilluar hetime preliminare dhe kanë vizituar terrenin në veri të Shqipërisë, që ndërlidhet me akuzat”, tha zonja Kavran dhe shtoi se “përkundër këtyre përpjekjeve zyra e prokurorit nuk mundi t’i provojë akuzat e tilla dhe nuk ka bazë për vazhdim të mëtejmë sa i përket juridiksionit tonë”, ka thënë Kavran

[RTP]

Si dështoi Del Ponte

Beqir SIna/ New York

Media kosovare njoftoi sot, se Kryetari i Aleancës Kosova e Re, Behxhet Pacolli ka iniciuar një procedurë gjyqësore kundër librit të Carla del Pontes, "Gjuetia, unë dhe kriminelët", duke kërkuar që menjëherë të ndërpritet shitja dhe shpërndarja e tij. Pacolli ka kërkuar që ky libër të tërhiqet nga tregu me arsyetimin se ai ofron shumë dezinformata dhe shpifje.

Mediet zvicerane duke cituar Behxhet Pacollin, janë shprehur se ky libër fyen rëndë ndjenjat e shqiptarëve, fyen rëndë moralin e luftës së Ushtrisë Çlirimtare te Kosovës dhe në këtë mënyrë del Ponte përmes këtij libri mundohet të njollosë luftën e drejtë të popullit të Kosovës. Pacolli ka thënë se në librin e saj, Del Ponte, ka sulmuar shumë thellë moralin dhe ndjenjat e UÇK-së, duke i trajtuar ata kriminelë të luftës dhe trafikantë të organeve njerëzore, ka fyer rëndë edhe familjet e dëshmorëve dhe invalidët e luftës, të cilët dhanë gjithçka për lirinë e vendit të tyre dhe për të mbrojtur popullin e pafajshëm të Kosovës, derisa makineria serbe i dëbonte me dhunë nga Kosova - thuhet në gazetën "Corrierre del Ticino". Bëhet e ditur se zotëri Pacolli ka angazhuar dy zyra të avokatëve ndërkombëtarë për të shqyrtuar të gjitha mundësitë ligjore për ndalimin e shpërndarjes së këtij libri dhe dërgimin sa më të shpejtë të ish-prokurores së Tribunalit të Hagës Carla del Ponte para drejtësisë, për të dhënë llogari për akuzat e pabaza.


Libri i ish prokurores së Gjykatës për krime luftë në ish Jugosllavi, Carla Del Ponte, deshtimi i saj gjen shqiptarët për ta fajësuar për mossuksesin e saj.

Del Ponte që disa herë është akuzuar nga serbët se gjoja po dërgon në Hag vetëm serbët dhe jo shqiptarët, kroatët apo boshnjakët në këtë libër bënë shumë deklarata që mund të interpretohen si kunërshqiptare.

Si duket Del Ponte e hidhëruar nga dështimi total i saj për të sjellë para drejtësisë kriminelet serb që janë përgjegjës për krimet më çnjerëzore dhe gjenocid gjatë luftërave në ish-Jugosllavi, tani ka gjetur dikë(shqiptarët) për ta fajësuar për mossuksesin e saj.

Zvicra ndalon promovimin e librit të Carla del Ponte

Ministria e Jashtme e Zvicrës ka vendosur të ndaloi promovimin e librit “Gjuetia - unë dhe kriminelët e luftës” shkruar nga ish-prokurorja e Gjykatës për krime të luftës në ish-Jugosllavi (ICTY), Carla del Ponte.

Sipas Ministrisë së Jashtme të Zvicrës libri i Del Pontes, që tani është ambasadore e Zvicrës në Argjentinë, përmban deklarata që një zyrtar i shtetit zviceran nuk ka të drejtë ti thotë publikisht.

Në shtypin serb, shumë javë para se të dilte libri, ka pasur shumë shkrime sipas të cilave Del Ponte në librin e saj shkruan se ka pasur të dhëna për trafik të organeve gjatë luftës në Kosovë. Sipas këtyre informatave UCK kishte masakruar 300 serb nga Kosova dhe më pas u kishte marr organet që ishin shitur në Përëndim.

Ahmet Isufi, ish komandant i UCK-së dhe tani nën kryetar i AAK-së, ka mohuar një gjë të tillë dhe i ka quajtur këto akuza politike, kurse një zëdhënës i TMK-së ka thënë se Del Ponte po gënjen.

Sipas mediave, autoritetet i kanë kërkuar Del Ponte që të kthehet sa më shpejtë që është e mundur në Buenos Aires dhe të vazhdoj punën e saj si ambasadore e Zvicrës.

Të drejtat e librit që është në italisht i mban shtëpia botuese italiane, Feltrinelli. Në anglisht, libri pritet të del në fillim të vitit 2009.

[diamant abrashi]

Padi për shpifje ndaj Del Pontes


Dje Ministrja e Drejtësisë e Republikës së Kosovës, Nekibe Kelmendi u shpreh se akuzat për trafik organesh janë fabrikime të bëra nga Del Ponte apo vetë Serbia. Kelmendi por edhe aktivistja serbe e të drejtave të njeriut, Natasa Kandic, thonë se ato kanë takuar Del Ponte disa herë por ajo kurrë nuk ka përmendur atë ç’far shkruan në librin e saj.

"Pas udhëtimit tim në Prishtinë në nëntor 1999, Natasha Kandiç i dërgonte Zyrës së Prokurorisë (Prokuroria e Tribunalit të Hagës- shënim i D.A) një raport të publikuar ku thuhej se 593 persona -serbë, malazezë, rom, musliman sllavë-ishin zhdukur apo ishin sekuestruar pas 12 qershorit 1999, ditën kur në Kosovë ishte stacionuar KFOR-i, forca ndërkombëtare e paqes udhëhequr nga NATO, dhe ishin ende të pagjetur deri më 31 dhjetor 2000."

(nga libri i Del Ponte-s, edicioni origjinal i botuesit Feltrinelli,faqe 289)

[heroes]

Pata rastin ta lexoja librin e Karla del Pontes dhe pjesa per shqiptaret ishte vetem 20% e librit. Pjesa tjeter eshte kunder serbeve

dhe ne kete 20% pjesa dermuese jane vrasjet qe kane bere shqiptaret kunder shqiptareve.

ia le Drejtesise vertetesine e ketij libri. Ajo cka dua te them eshte se ne lufte pritet cdo gje gjate dhe pas saj.

Cdo lufte ka pas pasojat e saja.
ndaj me e mira eshte qe te evitohen qe ne embrion.

Dihet qe fitimtaret e shkruajne historine, dhe askush nuk do te flasi per krimet te cilat natyrshem jane bere prej tyre pas mbarimit te luftes.

ne cdo lufte ka ndodhur kjo gje, dhe thjesht keto gjera perseritem.

perdhunimet pas renies se berlinit nga ushtaret ruse nuk mund te justifikohen me kampet e aushvicit.

ky eshte thjesht nje shembull qe me kujtohet per momentin.

kohet e fundit ne itali po flitet ne gazeta per krimet e bera nga partizanet pas perfundimit te luftes

e keshtu me radhe,

historine e bejne fitimtaret, por askush nuk eshte aq i pasur per te blere te kaluaren e tij.

dhe eshte gjithmonje nje gjykates qe di gjithcka.

Ndaj nese dikush eshte perzier ne te tilla gjera, minimumi qe kerkohet eshte te mos marri pjese ne politike ose te pakten te kerkoje falje.

[Edvin83]

Transplantet, padi Karla del Pontes

Abdulla Katuçi kërkon ndihmën e shtetit për t‘u përballur me ish-kryeprokuroren e Hagës

Etiketimi i shtëpisë së tij si "shtëpia e tmerreve", nuk mund të kapërdihet lehtë nga 74-vjeçari Abdulla Katuçi, banor i fshatit Gurrë e Vogël në rrethin e Matit. Ai është akuzuar në librin me kujtime të botuar nga ish-kryeprokurorja e Gjykatës së Hagës për Krime Lufte, Karla del Ponte, se në shtëpinë e tij, në vitet 2002-2003 është kryer transplant organesh për 300 ushtarë serbë, të kapur rob nga UÇK-ja. Plaku kërkon që shteti shqiptar ta ndihmojë për të hapur një padi penale kundër kryeprokurores Del Ponte për këto akuza të pavërteta. Në një prononcim për gazetën "Shqip", 74-vjeçari Katuçi rrëfen se prej katër vitesh familja e tij në fshatin Gurrë e Vogël të Matit, rreth 20 kilometra larg qytetit të Burrelit, është torturuar psikologjikisht me kontrolle inspektimi nga "shtatë krajla" (shtete), për verifikimin e akuzave të pabaza të Karla del Pontes.

"Meqë opinioni publik shqiptar dhe i huaj u fokusua në familjen time, thotë 74-vjeçari Katuçi, pas hedhjes së akuzës nga Del Ponte kërkoj heqjen e kësaj akuze me falje publike prej saj, si dhe sqarimin e opinionit publik mbi pastërtinë e familjes sime nga këto hamendësime pa prova të saj, pasi nga kontrollet e ushtruara nuk u gjet asnjë provë që të implikonte sado pak familjen time".

Plaku dyshon se gjithçka në këtë linjë është fabrikuar nga agjentura serbe, me bashkëpunëtorë shqiptarë, që nuk i duan të mirën aspak familjes së tij dhe shtetit shqiptar gjithashtu.

"I madh dhe i vogël në familjen time, vazhdon të tregojë Abdulla Katuçi, nuk mund të harrojnë kontrollet e bëra në shtëpinë tonë, ku në mes të dimrit na kanë nxjerrë të gjithëve jashtë, deri edhe fëmijën e vogël dyjavësh". Ai tregon se ka pasur raste kur për dy net me radhë nuk kanë mundur të futen në shtëpinë e tyre, pasi ajo ishte e dezinfektuar me solucione helmuese në të gjitha dhomat e saj, gjithmonë për arsye hetimi.

"Asnjëherë në asnjë moment nuk arrita të marr vesh se ç‘po ndodhte me rezultatin e këtyre hetimeve, pavarësisht se isha i bindur se një akuzë e tillë ngrihej vetëm në hamendësime dhe informacione të pavërteta, që kishte marrë ish-kryeprokurorja e Hagës", thotë plaku, ndërsa kujton se "deri edhe dërrasat e dyshemeve të dhomave të katit të dytë na i kanë shkallmuar me leva për kontroll. Nuk kanë lënë gjë pa mbledhur në hedhurinat rrotull shtëpisë, sidomos interes të veçantë në këto kërkime tregonin për gjetjen e shiringave njëpërdorimshe dhe deri në mbledhjen e bishtave të cigareve".

"Shkurt hesapi", e përfundon tregimin e tij, Abdulla Katuçi, "për katër vite radhazi familja ime është ndjerë e terrorizuar nga këto kontrolle pafund të njerëzve të huaj, të shoqëruar nga Policia Shqiptare. Dhe ajo që më dhemb në zemër mbetet fakti se në asnjë rast shteti shqiptar nuk më dha përgjigje mbi rezultatin e këtyre hetimeve, gjë që më bënte të ndihesha në ‘faj‘, edhe pse nuk isha aspak fajtor".

Për këtë, plaku i ka shkruar qeverisë që prej katër vitesh, sidomos për dhunimin që i kanë bërë shtëpisë më 5 shkurt të vitit 2004, në një kohë që nuk kishin asnjë lloj prove për të ndërmarrë një veprim të tillë.

Nisur nga ky kalvar vuajtjesh terrori të ushtruar ndaj familjes, Abdulla Katuçi i është drejtuar Presidentit të Republikës, Kryetares së Kuvendit të Shqipërisë, Kryeministrit dhe Prokurores së Përgjithshme, që ta ndihmojnë për të hapur një padi penale kundër ish-kryeprokurores së Gjykatës së Hagës, Karla del Ponte, mbi akuzat e pavërteta të saj për trafik organesh të shtetasve serbë në Shqipëri, konkretisht në shtëpinë e tij në fshatin Gurrë e Vogël, të rrethit të Matit.

"Shteti", thotë 74-vjeçari Katuçi, "duhet të më ndihmojë për të hapur padi penale ndaj Del Pontes, jo vetëm thjesht për dëmin e madh moral që i është shkaktuar familjes sime nga kjo akuzë krejt e pavërtetë, por edhe për dëmin e madh që i sjell imazhit të vendit tonë një akuzë e tillë krejt absurde dhe e pabazuar në fakte e prova.

Gazeta Shqip