Lajmet më të fundit nga zgjedhjet në Maqedoni.

[Mbarësori]

Arrestohet Agim Krasniqi dhe 9 persona të tjerë...

Pas incidenteve të rënda në Haraçinë e Çair, ministria e Brendshme e Maqedonisë bën te ditur se ka arrestuar Agim Krasniqin nga Kondova dhe 9 persona të tjerë. Ministria e Brendshme thekson se Krasniqi është në komisariatin e policisë ndërsa rreth motivit të arrestimit të tij nuk jep detaje.\01.06.08\

http://www.rtv21.tv/site/?id=5,0,0,1,a,13533

[Mbarësori]

Një i vrarë dhe 9 të plagosur në votimet në Maqedoni

Një person është vrarë dhe 9 të tjerë janë plagosur gjatë një shkëmbimi zjarri me policinë në fshatin Haraçinë të Shkupit, ka njoftuar Ministria e Brendshme e Maqedonisë. Sipas policisë, incidenti ka ardhur pasi një grup i armatosur kishte tentuar të mbushë fletëvotimet në një njësi zgjedhore në fshatin Grushinë. Pasi në vendngjarje kanë mbërritur pjesëtarët e grupit policor Alfa, grupi i armatosur është drejtuar në drejtim të fshatit Haraçinë. Në momentin që policia ka ndjekur grupin e armatosur, këta të fundit thuhet se kanë filluar të shtënë me armë në drejtim të forcave policore. Gjatë shkëmbimit të zjarrit një person është lënduar, dhe më pas ai ka ndërruar jetë në spital. Edhe në Çair, në orët e hershme të mëngjesit ka pasur shkëmbim zjarri, ndërmjet dy grupeve deri tani të panjohura. Shtabi zgjedhor i BDI-së ka bërë të ditur se bëhet fjalë për anëtarë të tyre të lënduar në shkëmbimin e zjarrit. Kryetari i BDI-së, Ali Ahmeti, ka deklaruar se shteti po ushtron terror ndaj votuesve, duke bllokuar procesin e votimit të lirë. Ai u ka bërë thirrje qytetarëve të ruajnë gjakftohtësinë dhe pavarësisht incidenteve të vazhdojnë të votojnë. Ahmeti bëri të ditur se për situatën e krijuar ka informuar ambasadorët dhe përfaqësuesit e bashkësisë ndërkombëtare në Maqedoni, sikurse dhe Prishtinë dhe Tiranën zyrtare. Nga ana tjetër, Menduh Thaçi i PDSH-së ka akuzuar aktivistët e BDI-së se kanë hapur të parët zjarr ndaj policisë. Në një deklarim për media, Thaçi ka thënë se pavarësisht incidenteve, qeveria e Maqedonisë ka kapacitete ta mbajë situatën nën kontroll. Presidenti maqedonas, Branko Cërvenkovski, ka shprehur keqardhje lidhur me incidentet, që e kanë zbehur këtë ditë që do të duhej të ishte festive. “Ky proces është i rëndësishëm edhe për integrimet në strukturat euroatlantike”. Edhe Erwan Fouerre, ambasador i BE-së në Shkup, ka bërë thirrje për qetësi. Shoqata “Most”, e cila po vëzhgon zgjedhjet ka raportuar për të frikësime, kuti të vjedhura të votimit dhe largim të vëzhguesve edhe në qendra të tjera votimi. Komisioni Shtetëror i Zgjedhjeve ka njoftuar se votimi është ndërprerë në 20 qendra votimi. Ndërkohë në qendrat ku po votohet, deri në orën 13 kanë hedhur votën e tyre mbi 28 për qind e trupit votues në mbarë vendin.

http://www.kohavision.net/

[Mbarësori]

Incidente, plagosje e ndoshta edhe të vrarë gjatë votimeve në Maqedoni

Regjistrohet viktima e parë në zgjedhjet e parakohshme parlamentare që po zhvillohen sot në Maqedoni. Në Haraqinë situata është shumë e tensionuar.Për shkak të incidenteve të janë mbyllur disa pika votimi në rajonet e Shkupit, Tetovës dhe Gostivarit. Njoftohet së të paktën tre persona janë plagosur në Shkup, por dyshohet se ka edhe të vrarë...
Këto janë zgjedhjet e gjashta të radhës, por të parat të parakohshme pas pavarësisë së Maqedonisë. Kutit e votimit u hapën në ora 7 të mëngjesit, kurse do të mbyllen në ora 19.00. (Radio Kosova)


http://www.rtklive.com/?newsId=22202

[babtista]

zona nr 1: bdi 3, dpa 1, zona nr 2: bdi 3, dpa 1, zona nr 5: bdi 2, dpa 1, zona nr 6: bdi 7, dpa 9,

domethene deri tash rezultati eshte bdi 15 dpa 12 deputet hajt me te majra

[Shkupi]

Nëpër rrugët e Tetovës sonte kishte kremte të madhe nga simpatizantët e PDSH-së dhe VMRO – DPMNE-së.
Mijëra simpatizantë të PDSH-së dhe VMRO – DPMNE-së, sonte vërshuan rrugët e Tetovës për të kremtuar fitoren.


Nuk ka nevoje per me shume koment por vetem shkurt. "Fitore" e fituar me ndihmen e dhunes,vrasjeve dhe plagosjeve dhe ne fund nje "kremte" e madhe me shkaun neper rruget e qytetit shqiptar te Tetoves.A ka fund kjo katrahure qe na ka mberthyer.

[princcesha]

--------------------------------------------------------------------------------

VMRO-DPMNE ka fituar në bllokun maqedonas ndërsa Bashkimi Demokratik për Integrim në bllokun shqiptar. Është ky rezultati më i fundit Komisionit Shtetëror të Zgjedhjeve për zgjedhjet e parakohshme parlamentare të 1 qershorit, ndërsa janë numëruar 82 per qind e votave.

Sipas KSHZ-së VMRO-PMNE ka fituar 46.7 per qind të votave ndërsa LSDM 22.19 per qind, dhe kjo në Bllokun Maqedonas. Ndërsa në bllokun shqiptar Bashkimi Demokratik për Integrim ka fituar 11.26 per qind të votave duke lënë pas Partinë Demokratike Shqiptare me 10.13 per qind të votave. Sipas KSHZ-së, pjesëmarrja në votime ishte 59 per qind.

ALSAT

[TOMY_X]

--------------------------------------------------------------------------------
VMRO 62 deputetë, BDI 14 dhe PDSH 13 deputetë


Në bazë të rezultateve të para jozyrtare në zgjedhjet e djeshme parlamentare fitore bindëse ka arritur koalicioni i prirë nga VMRO-DPMNE me 62 deputetë, koalicioni “Dielli” i udhëhequr nga LSDM me 29 deputetë, Bashkimi Demokratik për Integrim me 14 deputetë, Partia Demokratike Shqiptare (PDSH) me 13 deputetë, Partia për Prosperitet Demokratik (PPD) me 1 deputetë dhe Partia për Ardhmëri Evropiane(PAE) me 1 deputetë--------------------------------------------------------------------------------.

Sipas përqindjeve nga rezultatet paraprake në gjashtë njësitë zgjedhore në epërsi është VMRO-DPMNE me 46,78 për qind të votave të fituara, koalicioni opozitar i udhëhequr nga LSDM me 22,50 për qind të votave, Bashkimi Demokratik për Integrim (BDI) me 10, 90 për qind, Partia Demokratike Shqiptare (PDSH) me 10, 02 për qind dhe Partia për Prosperitet Demokratik me 1, 05 për qind të votave.

Sipas përfaqësuesve të KSHZ-së në njësinë zgjedhore numër gjashtë do të përsëritet votimi në disa vendvotime ku janë 25 mijë vota, të cilat mund të ndryshojnë raportet brenda partive politike. Bashkimi Demokratik Shqiptar (BDSH) që drejtohet nga Bardhyl Mahmuti dhe Bashkimi Demokratik Kombëtar (BDK) nuk kanë arritur të fitojnë asnjë mandat deputeti.

00:56 - Komisioni Shtetëror i Zgjedhjeve në Maqedoni pritet të nxjerrë rezultatet paraprake të zgjedhjeve të parakohshme parlamentare.

Sipas KSHZ në avantazh është koalicioni VMRO-DPMNE dhe PDSH. Të dhënat paraprake të 763 vendvotimeve tregojne se VMRO-DPMNE ka fituar deri tani 63 deputetë dhe PDSH 17 deputetë. Zgjedhjet e sotme jane shoqeruar me tension, incidente të rënda, vjedhje kutish votimi dhe mbi të gjitha një i vrarë, shtatë të plagosur dhe 11 të arrestuar nga policia.

19:20- Ora 19:00 u mbyllën të gjitha 2.796 vendvotimet në të cilat afër 50 për qind e qytetarëve me të drejtë vote votuan për 120 deputetët e Parlamentit të Maqedonisë. Në zgjedhjet e sotme u shënuan më shumë incidente dhe parregullsi, një person humbi jetën ndërsa disa të tjerë u plagosën në incidentet të cilat ndodhën gjatë procesit zgjedhor në shumicën e rajoneve të banuara me shqiptarë. (INA)

18:10- Komisioni Shtetëror Zgjedhor(KSHZ) bëri të ditur se deri në ora 17 kanë votuar 45, 9 për qind e qytetarëve me të drejtë vote.
Zëdhënësi i KSHZ-së, Jovan Josifovski theksoi se jehona e votuesve është më e madhe se ajo e zgjedhjeve të vitit 2006 me 42 për qind të votuesve. Josifovski informoi se në njësinë 1 kanë votuar 50, 26 për qind, në njësinë e dytë 44, 9 për qind, në njësinë e tretë zgjedhore mbi 47 për qind, në njësinë e katërt mbi 45 për qind, në njësinë e pestë mbi 43 për qind dhe në njësinë e gjashtë mbi 44, 7 për qind.
Kryetari i KSHZ-së deklaroi se pas ores 14 gjendja është stabilizuar në terren dhe se janë paraqitur vetëm dy incidente të vogla në rajonin e Kumanovës. “Është një vlerësim i përgjithshëm se në pjesën më të madhe të vendit zgjedhjet janë zhvilluar në një atmosferë korrekte dhe demokratike. Kjo më jep të drejtën të konstatoj se këto zgjedhje do të përfundojnë me vlerësimin se ishin të korrekte dhe demokratike në pjesën më të madhe të territorit të Maqedonisë”, deklaroi Josifovski.


17:40-Zëdhënësi i Komisionit Shtetëror Zgjedhor (KSHZ), Zoran Tanevski njoftoi se nuk ka incidente dhe parregullësi pasdite gjatë procesit të votimit në mbarë vendin.
Sipas tij, në incidente ishte përfshirë një pjesë e zonave të vendit dhe se pasdite KSHZ nuk ka regjistruar incidente të reja. KSHZ informacione të reja për rrjedhën e procesit të votimit do të jap rreth ores 18.14 nëpërmjet një konference me gazetarët.

17:15 - Pasdite sot është tërhequr bllokada e vendosur nga disa banorë të këtij fshati, pas incidentit që ndodhi sot në mëngjes që rezultoi me një të vrarë dhe disa të plagosur.
Në zhbllokimin e situates dhe barrikadave kanë ndikuar përfaqësues të partive politike dhe përfaqësuesit ndërkombëtar, pasi që për disa orë banorët, familjarët dhe bashkëpartiakët e viktimave kishin mbyllur rrugët kryesore të Haraçinës.
Banorët dhe personat që bllokuan rrugët deklaruan se e vërteta lidhur me incidentin është ndryshe nga informatat e Ministrisë së Brendshme. Sipas tyre, incidenti ka kulmuar kur persona të një partie politike kishin larguar nga kutitë e votimit disa banorë të fshatit Grushinë dhe se aktivistët dhe votuesit ishin sulmuar nga persona me legjitimacione policore. Viktimë e incidentit me policinë ka qenë 40-vjeçari Naser Ajvazi.

17:00- Ambasadorja amerikane në Maqedoni, Xhilian Milovanovic ka shprehur keqardhje për incidentet si dhe ftoi policinë që të kryej detyrat e saj për të siguruar kushte për votim.
Milovanovic gjatë vizitës në disa vendvotime në Gostivar, deklaroi se shprehë keqardhje për incidentet ku ka pasur një të vrarë dhe të plagosur. Ai kërkoi që policia të vazhdoj të kryej detyrat e saj për të siguruar kushte për votim.
“E inkurajoj policinë dhe besoj se ka policë që dëshirojnë që ta kryejnë me korrektësi punën e tyre dhe të mundësojnë kushte për votim. Jam e bindur se deri në fund të ditës, ata që kanë bërë probleme do të ndryshojnë mendimin dhe do të bëjnë punën e duhur”, deklaroi ambasadorja amerikane.

16:15- Ambasadori i BE-së, Ervan Fuere, ambasadori britanik Endrju Kid dhe ai francez Bernard Valero dënuan incidentet e sotme duke shprehur optimizëm për mospërsëritjen e tyre.
“Dhuna dhe frikësimi nuk ka vend në shoqëritë demokratike. Kjo që po ndodh është shumë shqetësuese dhe apelojm tek të gjithë që të sigurojnë mundësi për votim të lirë për të gjithë qytetarët, deklaroi ambasdori evropian Ervan Fuere. Sipas tij, tani është më e nevojshme që të sigurohet se do të bëhen të gjitha përpjekjet për tu ndërprerë dhuna, të shtënat. Ambasadori britanik, Endrju Ki deklaroi se shpreh shqetësim për incidentet dhe ftoi për zgjedhje të lira dhe demokratike. “Vlerësoj se gjatë ditës qytetarët do të votojnë në mënyrë të qetë”, deklaroi Ki. Ambasadori francez Valeroi tha se zgjedhjet karakterizojnë një proces demokratik negative.

14:30-Zëdhënësi i Ministrisë së Brendshme, Ivo Kotevski njoftoi para disa minutave për incidentet dhe shkeljet e procesit zgjedhor në disa zona të vendit.
Ai bëri të ditur për vrasjen e një personi në Haraçinë dhe gjashtë të tjerë të plagosur. Poashtu sipas Kotevskit në një incident të armatosur në Çair janë plagosur gjashtë persona, prej të cilëve njëri ka marrë lëndime të rënda.
Sipas tij, persona të panjohur kanë shtënë me armë zjarri në drejtim të një patrulle policore në Haraçinë, pasi që këta të fundit ishin lajmëruar nga komisioni vendor në fshatin Grushinë për parregullësi në procesin e votimit.
“Në orët e hershme të mëngjesit komisioni vendor në Grushinë ka lajmëruar për parregullësi dhe prani të një grupi të armatosur. Forcat mobile policore menjëherë kanë reaguar duke hasur në dalje të fshatit Grushinë në grupin e armatosur me dy makina, të cilët menjëherë janë larguar pasi që kanë pare policinë. Policia ka gjetur armë të kalibrave të ndryshëm në këto makina. Ekipi mobil i njësitit Alfa më pastaj është nisur në drejtim të fshatit Grushinë, me ç’rast në dalje të Haraçinës policies i është bllokuar rruga nga katër makina dhe persona të armatosur të cilët kanë filluar të shtënë me armë zjarri në drejtim të policisë. Pjestarët e policisë kanë rezistuar me armë, ndërsa grupi është shpërndarë nëpër disa shtëpi përreth. Pas një kontrolli në një shtëpi është ndaluar Naser Ajvazi (40), i cili ka pasur plagë të rënda dhe rrugës drejt spitalit ai ka ndrruar jetë. Në këtë aksion janë ndaluar 9 persona”, theksoi zëdhënësi Kotevski.
Sipas tij, incidenti i dytë ka ndodhur në shkollën “Kosta Abrasheviç” në Çair të Shkupit, ku gjatë shkëmbimit të zjarrit midis dy grupeve janë plagosur disa persona. “Pasi që është lajmëruar incidenti, policia ka dalur në vendngjarje, por është sulmuar fizikisht një polic dhe i është konfiskuar arma dhe legjitimacioni policor. Më vonë edhe forcat e tjera përforcuese që kanë mbërritur në vendngjarje janë sulmuar”, deklaroi Kotevski, duke shtuar se policia po heton incidentet e rënda. Ai bëri të ditur për incidente edhe në Tetovë port ë intensitetit më të ulët.

14:00 - Shkelje të procesit zgjedhor janë vërejtur në dhjetë vendvotime në fshatrat Kamjan, Bogovinë, Pallçisht, Zherovjna, Gurgurnicë, Çiflik, Tearcë dhe Trebosh.Incidenti më serioz është shënuar në Kamjan, ku një person i panjohur ka shprekur plumba në shkollën “Sabedin Bajrami” në këtë fshat. Në afërsi të një vendvotimi ka pasur edhe përleshje fizike. Në fshatin Pallçishtë ka pasur rreth ores 11 tendenca për mbushje të kutive, por kjo është ndërprerë pas ndërhyrjes së policisë. Gjatë orëve të fundit është qetësuar situata në këtë rajon dhe janë vërejtur forca të mëdha policore. Rajoni i Tetovës është vizituar nga ambasadorja amerikane në Maqedoni, Xhilian Millovanovich.

12:50 - Sipas njoftimeve të KSHZ-së, incidentet kanë ndodhur në fshatin Bukoviç ku është ndërprerë votimi në dy vendvotime, pasi që 30 persona të armatosur kanë hyrë në vendet e votimit dhe kanë vjedhur materialin zgjedhor. Sipas informacioneve të tjera votimi është ndërprerë edhe në fshatin Laskavcë, ku është shtënë me armë zjarri në një vendvotim. Edhe në Bogovinë fillimisht janë regjistruar incidente në disa vendvotime.

12:30- Një person është i vrarë dhe shtatë të tjerë të plagosur nga shkëmbimi i zjarrit me policinë në fshatin Haraçinë të Shkupit, njofton Ministria e Brendshme.
Hyrjet daljet e këtij vendbanimi me shqiptarë janë bllokuar nga policia, dhe disa metra më larg familjarë të të lënduarve dhe personit të vrarë kanë vënë bllokada. Deri tek incidenti ka pasuar pasi që policia kishte tentuar të ndërpriste grupin që siç thuhet po tentonte të mbushte kutitë e votimit.

11:00-Një person rezulton i plagosur në Haraçinë nga shkëmbimi i zjarrit me policinë, njoftoi Ministria e Brendshme.
Informacionet policore flasin se politika ka marrë njoftime se një grup i armatosur ka tentuar të mbush kutitë e votimit në një njësi zgjedhore në fshatin Grushinë. Menjëherë është informuar policia dhe në vendngjarje kanë mbërritur pjestarët e grupit policor Alfa, me çrast grupi i armatosur menjëherë është larguar nga vendi i ngjarjes dhe ishte drejtuar në drejtim të fshatit Haraçinë. Në momentin që policia ka ndjekur grupin e armatosur,këta të fundit kanë filluar të shtënë me armë në drejtim të forcave policore. Gjatë shkëmbimit të zjarrit një person është lënduar. Në BDI njoftuan për incidentin dhe informuan se bëhet fjalë për anëtarë të tyre të lënduar në shkëmbimin e zjarrit. Kjo është njoftuar edhe nga anëtari i shtabit zgjedhor të BDI-së. Pas këtij incidenti policia ka zbuluar dy makina të mbushura me armë.
Shkëmbim zjarri sot ka pasur edhe në orët e para të mëngjesit edhe në Çair, në afërsi të shkollës Dame Gruev. Informacionet e para policore flasin se përleshja me armë ka ndodhur në ora 9.45 në rrugën Kosta Abrashevic midis dy grupeve deri tani të panjohura. (INA)/02 Jun 2008/V.I. në www.lajmet.com

[RaPSouL]

Pack: Gruevski do të ketë parti shqiptare në qeveri

Kryetarja e Delegacionit të Parlamentit Evropian për vendet e Evropës Juglindore, Doris Pack deklaroi se Nikolla Gruevski ka fituar zgjedhjet, por sipas saj nuk ka fituar ende gjendjen politike, sepse siç thuhet "për të garantuar moskeqësimin e klimës ndëretnike në Maqedoni duhet të përfshijë në qeveri një nga dy partitë shqiptare".
"Ç'do të thotë: fitore e vërtetë?", theksoi kryetarja e delegacionit të PE për vendet e Evropës Juglindore, Doris Pack në një intervistë për programin maqedonas të Deutsche Welle, duke i`u përgjigjur pyetjes nëse kjo është një fitore e vërtetë për VMRO-në.
"Me sa di unë Gruevski ka fituar një vend më shumë sesa gjysma në parlament, por me kaq nuk e ka fituar ende gjendjen politike, sepse ai duhet të përfshijë në qeveri një nga dy partitë shqiptare për të garantuar moskeqësimin e klimës ndëretnike në Maqedoni" u shpreh zonja Pack.
"Problemi do të jetë se cilën parti do të marrë ai në koalicion dhe më parë Gruevski ka thënë se do të marrë partnerin e vjetër, PDSH-në. Kjo do të thotë që BDI-ja, e cila i krijoi vështirësitë edhe vitet e fundit mbetet përsëri e papërfshirë. Se a do të kontribuojë kjo në paqëtimin e gjendjes, këtë e vë në dyshim", deklaroi Pack.


(INA)

[RaPSouL]

Afatet për konstituimin e Parlamentit dhe Qeverisë së re


Në bazë të kushtetutës së vendit Parlamenti i ri do të grumbullohet 20 ditë pas mbajtjes së zgjedhjeve gjegjësisht më 22 qershor.
Pas grumbullimit të përbërjes së re parlamentare, Presidenti i Republikës në afat prej 10 ditëve do t`ia jap mandatin liderit të VMRO-DPMNE, Nikolla Gruevski për formimin e kabinetit të ri qeveritar, pasi që koalicioni që drejtoi ai fitoi shumicën e votave. Mandatari për formimin e Qeverisë, Nikolla Gruevski në afat prej 20 ditëve duhet të propozojë përbërjen e re të Qeverisë. Sipas procedurave kushtetuese, mbledhja e re parlamentare për votimin e Qeverisë së re caktohet pas 15 ditëve, ndërsa sipas afateve më 6 gusht Qeveria e re duhet të marrë besimin e shumicës së Parlamentit.



(INA)

[Alienated]

Rezultatet "ala Macedoine" (sic i thone francezet sallates miks.) Shtypi i huaj i gjykon te deshtuara keto zgjedhje.

Te deshtuara qe c'ke me te...

Ne me shume se 80 vendvotime ne Tetove jane raportuar MBUSHJE MASIVE KUTISH NGA AKTIVISTE E MILITANTE TE PARTISE SE MENDUHIT (PDSH). Kane rrahur vezhguesit e BDI-se, i kane debuar nga vendvotimet vezhguesit e NGO MOST, ndersa Bashkimi Demokratik Shqiptar vendosi te terheqe te gjithe vezhguesit nga vendvotimet ku ka patur mbushje kutish, per t'i dhene prioritet jetes njerezore ndaj votes se marre me dhune. BDSH ka patur mundesi qe te mbushe kutite njesoj si PDSH, por ne keto zgjedhje i pame si matje pulsi per Maqedonine ne rrugen drejt integrimeve euro-atlantike.
Zgjedhjet deshtuan
Maqedonia deshtoi
Bye Bye Nato
Bye Bye BE

Menduhi dhe Gruevski dore per dore t'i drejtohen Nenes Rusi dhe Nenes Serbi per ndihme...