Lajmet më të fundit nga zgjedhjet në Maqedoni.

[ClaY_MorE]

Lajmërim: Tek kjo temë do të botohen vetëm lajmet e fundit pas-zgjedhore. Komentet dhe replikat do të fshihen!




Zgjedhjet në Maqedoni, KSHZ: Pasditja pa incidente të tjera

Ora 18:30 - Pasditja e zgjedhjeve në Maqedoni ka qenë e qetë dhe pa incidente. Kjo ka qenë deklarata e zëdhënësit të Komisionit Shtetëror Zgjedhor, Zoran Tanevski i cili njoftoi se pasditja ka qenë e qetë në mbarë vendin. Sipas tij, në incidente ishte përfshirë një pjesë e zonave të vendit dhe se pasdite KSHZ nuk ka regjistruar incidente të reja.

Balkanweb

[RaPSouL]

KSHZ: Deri në orën 17:00 votuan 45, 9 për qind të votuesve


Ora 18:45 - Deri në orën 17:00 në kutitë e votimit për zgjedhjet e parakohshme në Maqedoni janë drejtuar 45,9 për qind të votuesve. Kjo deklaratë është dhënë nga Komisioni Shtetëror Zgjedhor duke shtuar se numri i votuesve është më e madhe se ajo e zgjedhjeve të vitit 2006.
Zëdhënësi i KSHZ-së, Jovan Josifovski theksoi se në njësinë 1 kanë votuar 50, 26 për qind, në njësinë e dytë 44, 9 për qind, në njësinë e tretë zgjedhore mbi 47 për qind, në njësinë e katërt mbi 45 për qind, në njësinë e pestë mbi 43 për qind dhe në njësinë e gjashtë mbi 44, 7 për qind.
Sipas agjencisë maqedonase të lajmeve “INA” mësohet se kryetari i KSHZ-së deklaroi se pas orës 14:00 gjendja është stabilizuar në terren dhe se janë paraqitur vetëm dy incidente të vogla në rajonin e Kumanovës. “Është një vlerësim i përgjithshëm se në pjesën më të madhe të vendit zgjedhjet janë zhvilluar në një atmosferë korrekte dhe demokratike. Kjo më jep të drejtën të konstatoj se këto zgjedhje do të përfundojnë me vlerësimin se ishin të korrekte dhe demokratike në pjesën më të madhe të territorit të Maqedonisë”, deklaroi Josifovski.


balkanweb

[RaPSouL]

Skadon orari zyrtar për mbylljen e kutive të votimit në Maqedoni. Dita mbyllet me incidente të rënda. Priten rezultatet


Ora 19:30 - Zgjedhjet e parakohshme në Maqedoni tashmë kanë shënuar afatin zyrtar të mbylljes së votimeve. Ashtu siç është deklaruar zyrtarisht nga Komisioni Shtetëror i Zgjedhjeve në Maqedoni, zgjedhjet e 1 qershorit do të nisnin në orën 7:00 me hapjen e kutive të votimit dhe do të përfundonin në orën 19:00 nëse nuk do të kishte më votues të cilët do të drejtoheshin në kutitë e votimit. Tashmë akrepat e orës kanë shënuar kalimin e afatit zyrtar gjë e cila do të sjellë edhe mbylljen e kutive të votimit dhe nisjen e procesit të numërimit. Aktualisht pritet edhe konfirmimi zyrtar i mbylljes së votimeve nga Komisioni Shtetëror i Zgjedhjeve pasi edhe pse ka skaduar afati zyrtar ky komision nuk ka konfirmuar mbylljen e kutive të votimit.


balkanweb

[RaPSouL]

Incidentet, BDI nuk pranon rezultatet e zgjedhjeve në zonat shqiptare, lirohet Krasniqi


Ora 19:45 - Pas mbylljes së kutive të votimit rreth orës 19:00 Bashkimi Demokratik për Integrim ka deklaruar se nuk do të njohe rezultatet në zonat e banuara nga shqiptarët dhe ku janë shënuar edhe incidentet e sotme. Sipas korrespondentes së “News24” në Maqedoni mësohet se aktualisht është liruar edhe ish-komandanti i UCK-së Agim Krasniqi i arrestuar gjatë orëve të drekës për incidentet e ndodhura gjatë zgjedhjeve. Krasniqi është marrë në pyetje nga komisariati i policisë mbi ngjarjet e ditës së sotme dhe më pas është liruar nga uniformat blu.



balkanweb

[RaPSouL]

Pas nje seance qe zgjati 2 ore, BDI vendosi te mos bojkotoj keto zgjedhje, edhe pse kishte paralajmeruar nje gje te tille!


Seanca sapo mbaroi.

[RaPSouL]

Ambasadorja amerikane në Maqedoni thirrje policisë të kryejë detyrat


Ora 20:40 - Ambasadorja amerikane në Maqedoni, Xhilian Milovanovic ka shprehur keqardhje për incidentet e ndodhura në zgjedhjet e Maqedonisë si dhe ftoi policinë që të kryejë detyrat e saj për të siguruar kushte për votim. Milovanovic gjatë vizitës në disa vendvotime në Gostivar, deklaroi se shprehë keqardhje për incidentet ku ka pasur një të vrarë dhe të plagosur. Lajmi është bërë i ditur nga agjencia maqedonase e lajmeve “INA”.
“E inkurajoj policinë dhe besoj se ka policë që dëshirojnë që ta kryejnë me korrektësi punën e tyre dhe të mundësojnë kushte për votim. Jam e bindur se deri në fund të ditës, ata që kanë bërë probleme do të ndryshojnë mendimin dhe do të bëjnë punën e duhur”, deklaroi ambasadorja amerikane.


balkanweb

[RaPSouL]

VMRO-DPMNE:Zgjedhje të rregullta në 98 për qind të vendit

VMRO-DPMNE deklaroi se zgjedhjet kanë qenë të rregullta dhe demokratike në 98 për qind të vendit. Kjo u theksua nga drejtori i Qendrës për Komunikim të kësaj partie, Ilija Dimovski.
Sipas tij, në më pak se 2 për qind të vendvotimeve sipas informacioneve të KSHZ-së ka pasur parregullësi edhe ate në Saraj, Kondovë, Çair dhe Bogovinë, atje ku shumica e popullësisë është e komunitetit shqiptar.
“Për dallim nga viti 2004 ku gjatë kohës së zgjedhjeve presidenciale ka pasur më shumë parregullësi dhe autoritetet e athershme nuk lejuaj rivotim, në këto zgjedhje VMRO-DPMNE do të bëj çmos që është në fuqinë e saj që në këto vendvotime të përsëriten zgjedhjet në përputhje me ligjet e Maqedonisë, ndërsa personat që nxitën dhe ishin pjesë e incidenteve duhet të dënohen”, deklaroi Dimovski.


Ina

[RaPSouL]

BDI kërkon përsëritje të votimeve në disa vendvotime

Bashkimi Demokratik për Integrim(BDI) deklaroi pas mbylljes së procesit të votimeve se nuk njeh rezultatet zgjedhore dhe kërkon përsëritjen e votimeve në Tetovë, Bogovinë, Zhelinë, Bërvenicë, Jegunovcë, Tearcë dhe Saraj.
Kjo u theksua nga shefi i shtabit zgjedhor të BDI-së, Izet Mexhiti. “Gjatë ditës bandat e PDSH-së të udhëhequra nga struktura paralele policore kanë ushtruar terror dhe kanë shkelur procesin zgjedhor, i janë kërcënuar komisioneve zgjedhore , përfaqësuesve të BDI-së dhe kanë mbushur kutitë”, deklaroi Mexhiti.
Sipas tij, gjatë ditës si pasojë e dhunës është vrarë një aktivist i BDI-së, Naser Ajvazi dhe është plagosur kryetari i degës së BDI-së në Çair, Beqir Hasani. Mexhiti akuzoi se në incidente janë involvuar edhe pjestarë të njësitit policor “Alfa” së bashku me grupe kriminale.


(INA)

[RaPSouL]

Solana kërkon përsëritje të votimeve ku pati incidente

Përfaqësuesi i lartë i politikës së jashtme dhe sigurisë i BE-së, Havier Solana kërkoi sot që të përsëriten votimet në vendvotimet ku sot janë shënuar incidente gjatë votimit.
Solana ka bërë thirrje në qetësi dhe ka shprehur shqetësime për shkak të problemeve të krijuara në këto zgjedhje.
Kabineti i përfaqësuesit të lartë të BE-së deklaroi se nga afër është duke ndjekur situatën dhe është në kontakt me të gjitha partitë politike. Solana është në pritje të qetësimit të situatës dhe se sipas tij këto zgjedhje janë test për pjekurinë politike të vendin dhe do të kenë një rol të rëndësishëm në ofrimin e vendit në BE.


(INA)

[RaPSouL]

ODIHR: Ky proces zgjedhor do të reflektohet në aspiratat evropiane


Ora 20:50 - ODIHR në Maqedoni ka reaguar mbi ngjarjet e fundit dhe incidentet e rënda që kanë shoqëruar disa pika të zgjedhjeve në Maqedoni. Drejtori i Zyrës për Institucione Demokratike dhe të Drejtat e Njeriut Kristijan Shtrohal deklaroi se për dhunën nuk ka vend në proceset demokratike zgjedhore. Gjithashtu ai theksoi se kjo organizatë është e shqetësuar për incidentet dhe se me kujdes po ndjek të gjitha informacionet dhe të gjitha incidentet. “Nuk dua të komentojë se ky proces zgjedhor si do të reflektohet në aspiratat evropiane dhe euroatlantike të Maqedonisë”, përfundoi Shtrohal.



balkanweb