Tregti me mortin e hapur

[alpost]

Tregti me mortin e hapur


Basir ÇOLLAKU


Tragjedia e Gërdecit, një fatkeqësi më shumë se e rëndë, solli zi për shqiptarët. Viktima të shumta, dëme që s'kanë të sosur, por, fatmirësisht, përmasat e tragjedisë nuk po thellohen. Dhimbja e qytetarëve është e pamatë dhe përpjekjet mbinjerëzore të institucioneve për të ofruar vetëm ndihmë, janë të dukshme. Por pas dy ditë pritjeje dhe përmbajtjeje, durim të sforcuar, politikanët e majtë u sulën të bëjnë pak treg në mortin e hapur.

Në Bashkinë e Vorës, Shtabi i Emergjencës qëndron në gatishmëri të plotë, në përmbushje të kërkesave, të vazhdimësisë së operacionit të kërkim-shpëtimit, me grupet e punës për vlerësimin e dëmeve, në ofrimin e ndihmave shëndetësore, materiale, në gjithçka të mundur që është në dorë njerëzish. Por në Vorë u shfaqën dhe protestuesit e parë. Nuk ishin më shumë se 50 vetë, ku gjysma e tyre nuk dinte mirë se çfarë po bëhej, vetëm shkonin pas pjesës tjetër për të shtuar numrin e thirrjeve. Nëse do t'i identifikoje, nuk ishin as banorë të zonës së fatkeqësisë, por banorë të tjerë. Vihej re se ishin të painformuar mirë se çfarë kishte ndodhur realisht pas tragjedisë së Gërdecit. Kërkonin dorëheqjen e ministrit Fatmir Mediu, kur ajo kishte ndodhur, kërkonin ndihma dhe rindërtime shtëpish, kur ato ishin premtuar dhe deklaruar, dhe kishte nisur vlerësimi nga grupet e punës së shtabit të emergjencës dhe Bashkisë së Vorës. Kërkonin dorëheqjen e kryeministrit Sali Berisha, kërkonin çnaftëzimin dhe çgazëzimin e zonës përreth, duke patur frikë shpërthimesh.

Kontrasti mes dijenisë së fakteve të ndodhura, kërkesave, por, hera-herës, fytyra të qeshura mes protestuesve që dallohen jo vetëm nga kamerat, por dhe faqet e gazetave, të bëjnë të ndjesh një dhimbje më të thellë për tragjedinë, për përdorjen e saj. Oficerët e qarkullimit mezi mundën t'i hapnin rrugën një kortezhi. E nisi Edi Rama, kryetari socialist, thirrjen për dorëheqje, aplikuesi i politikës së re që nuk priti të respektojë dot asnjë ditë zie kombëtare. Por ajo që sjell më shumë zhgënjim e jo befasi, është protesta e Vorës, që rrekej të sillte një imazh të rremë të asaj të Vlorës, këtu e 11 vite më parë, pa fyer asnjë qytetar të këtyre dy qyteteve të fisme, janë rendja politike në krye të zemërimit, dhimbjes, për të deformuar dhe vdekjen, për të përfituar prej saj çdo aksion politik, ndonëse krejt të pavend. Aktivistë të "Mjaft", protestues të përsëritur në raste tragjedish, u gjendën dhe në Vorë, ndonëse kanë dalë nga tehu i shoqërisë civile dhe janë kandidat, partia më e re e majtë G99, kontigjenti zëvendësues që do të përdorë Rama ndaj të vjetërve që i prishin punë në PS.

Vëllazërimi socialist u rishfaq në Vorë dhe me praninë e deputetëve që, përpara se të shkonin në Gërdec, u turrën e zunë vend pranë protestuesve. Spartak Braho, Marko Bello, Arben Isaraj, Alfred Dalipi, Erion Braçe, PS dhe LSI, harruan vëllavrasjen e reformës zgjedhore, sherret e çdo ore, ndarjen e madhe të fundit dhe u bashkuan në tragjedi, në Vorë, për të përkrahur protestuesit së bashku, e jo për të ngushëlluar viktimat së bashku. Rrinin të mënjanuar sikur ndodheshin rastësisht aty, duke formuar një "shtab" të protestës dhe vetëm pak metra më tej gjendej shtabi i emergjencës, një qeveri e tërë në terren, në fshatin dëmtuar, pranë të lënduarve.

Të rinjtë, në udhëtimin e tyre disa orësh në rrugë, në Vorë, ishin dhe agresivë ndaj mediave, mbase kështu i kishin thënë ndonjërit prej tyre, por jashtë kamerave dikush të tregonte se është e organizuar, por emrin s'e themi, zëre se dihet. Pikërisht për një gërmë, për një L, qyteti Vorë, kryetarëve të majtë u bëhet Vlorë e marsit të shkuar dhe kjo u kujton atyre asgjë më shumë se ajo që kanë në kokë, politikën e vjetër në dyqanin e ri që përpiqen kotazi të ndërtojnë me leje ndërtimi që ia japin njëri-tjetrit. Sa herë ndodh diçka në Kosovë, do të ndodhë dhe në Shqipëri.

Tragjikisht, kronologjia sjell numër rastesh jo të pakta kur tragjeditë, dhimbjet kanë patur ngjashmëri. Në Mitrovicë sulmohet e pushtohet gjykata nga serbët, përleshjet sjellin dhe një polic që humb jetën. Rastësia përsërit gjendje aspak të dëshirueshme në Tiranë. Serbët janë tërë dëshpërim pas shpalljes së Pavarësisë së Kosovës dhe pritshmërisë së anëtarësimit në NATO të Shqipërisë. Opozita kërkon që të bjerë qeveria. Gjenerali i KFOR-it në Kosovë hodhi një pistë hetimi, duke sjellë në vëmendje konkurrencë, tendera, por dhe dyshime të tjera.

E nëse ata do të ishin djegur nga dëshira për të hulumtuar masat e sigurisë së zonës së çmilitarizimit, të demontimit të predhave, me aq sa është bërë publike, kanë qenë të tilla që nga nisja e këtij aksioni ushtarak. Por jo, duhej sot dhe gumëzhima politike që kërkon pushtet vetëm në raste fatkeqësie dhe vdekje s'e ka për përtesë të vrapojë rrugë më rrugë, protestë më protestë, që të jenë ata përfituesit e vdekjes. Si gjithmonë, rituali i tyre është historik dhe ka gjasa të pakta të ndërrojë faqe. Tërë ekspertët vendas e të huaj kanë pranuar se asgjësimi i kësaj rrezikshmërie armatimi kërkon teknologji dhe kohë fizike, kushdo qoftë qeverisja e këtij vendi. Po opozita ku e gjen aftësinë që të jetë e zonja të ndryshojë situatën, të zbrasë depot, ato depo që iu deshën gjysmë shekulli t'i mbushë? "Fali, o Zot, se nuk dinë çfarë bëjnë!", tha Jezu Krishti. Por këta dinë se ç'bëjnë, ndaj a mundet Zoti t'i falë?

(RD)

[OO7]

RD = Rilindja Demokratike _ ZP = Zeri i Popullit

Ta dyja keto gazeta mund ti gjeni ne Halen e Halimit!

[alpost]

RD = Rilindja Demokratike _ ZP = Zeri i Popullit

Ta dyja keto gazeta mund ti gjeni ne Halen e Halimit!

Shqiperia kete ndarje ka e Djathte e Majte ju mund te zgjidhni njeren nga keto ose hidhu nga ura hahah

[OO7]

Shqiperia kete ndarje ka e Djathte e Majte ju mund te zgjidhni njeren nga keto ose hidhu nga ura hahah

Une skam pse te zgjedh asgje. Skam pse te degjoj Gjepurat e njeres pale apo tjetres. Vetem shpifje e akuza pa fund bejne ndaj njeri tjetrit vetem per SHOW e asgje konkrete. E djathta akuzon te majten e kur vjen ne pushtet ben nje vrime ne uje, e majta akuzon te djathten e kur vjen ne pushtet ben nje vrime me te madhe ne uje. Ne kete mes i humbur del vetem populli qe beson tek e majta apo tek e djathta.

[alpost]

Halimi, Shiko.Mënyrat me të cilat PS dhe LSI po reagojnë ndaj tragjedisë së Gërdecit janë vërtet skandaloze dhe kalojnë çdo kufi të imagjinatës njerëzore.
Në mënyrën më primitive po përpiqen që tragjedinë ta shohin si shansin më të mirë për të vjelur fryte politike dhe këtë po e bëjnë duke përdorur kufomat e tragjedisë si kapital të tyrin politik. Gjithsesi këto lëvizje të Ramës rrezikojnë që të akumulojnë një mllef dhe urrejtje më të madhe ndaj kreut të PS, i cili po dhunon tragjedinë dhe po vret përsëdyti viktimat e saj.
Shumë qytetarë të Vorës shpreheshin dje se janë të irrituar me keqpërdorimin politik që Rama po i bën fatkeqësisë që goditi këtë zonë si dhe janë shprehur se do të reagojnë në rast së Kryetari i PS nuk ndërpret këtë lojë të fëlliqur politike me tragjedinë e Gërdecit.

[OO7]

Halimi, Shiko.Mënyrat me të cilat PS dhe LSI po reagojnë ndaj tragjedisë së Gërdecit janë vërtet skandaloze dhe kalojnë çdo kufi të imagjinatës njerëzore.
Në mënyrën më primitive po përpiqen që tragjedinë ta shohin si shansin më të mirë për të vjelur fryte politike dhe këtë po e bëjnë duke përdorur kufomat e tragjedisë si kapital të tyrin politik. Gjithsesi këto lëvizje të Ramës rrezikojnë që të akumulojnë një mllef dhe urrejtje më të madhe ndaj kreut të PS, i cili po dhunon tragjedinë dhe po vret përsëdyti viktimat e saj.
Shumë qytetarë të Vorës shpreheshin dje se janë të irrituar me keqpërdorimin politik që Rama po i bën fatkeqësisë që goditi këtë zonë si dhe janë shprehur se do të reagojnë në rast së Kryetari i PS nuk ndërpret këtë lojë të fëlliqur politike me tragjedinë e Gërdecit.

shiko pak me mbrapa ne te kaluaren dhe rikujto tragjedine e 9 janarit dhe ndoshta skenari i sotem do te duket shume i ngjashem. politika te vret e pastaj te qan. kshu e ka. per te arritur qellimet e tyre sdun me ja dit as per ty e as per mua. te gjithe politikanet jane njesoj!

[alpost]

lol tragjedia e 9 janarit ishte krim shteteror i qeverise socialiste qe nuk ju dha ndihmen e pare te emergjencise , ndersa kjo ishte fatkeqesi e trasheguar nga po qeveria socialiste, me firmen mafioze qe me pas e nderroj emrin ne .Pronari i kesaj firme Delijogjil ishte denuar ne 2004 per evazion fiskal por pasi la si garenci bankare 1,2 miljon dollare u lirua nga qeveria socialiste dhe nderroj emrin e kompanise. Me ndihmen e disa personave ne Shtabin e pergjithshem te Ushtrise kjo firme Greke me sponsor familjen e diktatorit komunist Enver Hoxha bene kundrabandem me te madhe te armeve ne ballkan.

[OO7]

Me keto qe thua eshte mire te shkosh tek cepi i djathte i forumit e te debatosh me shoket tend sepse duket qarte qe ti paska bllokuar RD-ja mendimet.

Tregeti me Mortin e Hapur ka bo Sala me 9 Janarin sic po bo Rama me 15 Marsin.

[alpost]

Me keto qe thua eshte mire te shkosh tek cepi i djathte i forumit e te debatosh me shoket tend sepse duket qarte qe ti paska bllokuar RD-ja mendimet.

Tregeti me Mortin e Hapur ka bo Sala me 9 Janarin sic po bo Rama me 15 Marsin.

ej halime me vjen keq . por 9 janarin e kane pranuar ministrat e socialisteve vete keshtu qe nese ke ndonje ide realiste mire nese jo bye bye carli

[alpost]

Majko: Delijorgjin e cova ne prokurori
Deni Dedej
E Merkure, 19 Mars 2008


Majko pranon se ne vitin 2003, ai ka derguar ne prokurori dosjen e shoqerise "Perparimi", te drejtuar nga Mihal Delijorgji. Madje, sipas tij, per shkelje, nje dosje te tille e ka derguar tre ose kater here ne organin e akuzes, per te sqaruar perfundimisht shkeljet e kesaj kompania. "Kam derguar kete dosje ne prokurori per ndjekje penale 3-4 here, pasi eshte nenshkruar kontrata dhe pas vendimit te Keshillit te Ministrave i ligjeruar date 10 prill i vitit 2003", ka deklaruar ish-ministri i Mbrojtjes, Majko, dje per gazeten "Koha Jone". Duke mohuar qe nje lidhje e tille kontraktore e bere atehere, te kete ndikimin e vete edhe ne keto momente, shume vjet me pas. Nderkohe qe ish-ministri socialist i Mbrojtjes, Pandeli Majko, ka nenvizuar se edhe ne vitin 2003, firma e Delijorgjit, "Alba Demil" ishte nenkontraktore e nje kompanie te fuqishme, e cila lidhi kontraten me Ministrine e Mbrojtjes, te ligjeruar me vendimin e qeverise numer 232, date 10/04/2003. Ish-ministri socialist i Mbrojtjes, nuk e mohon kete, por specifikon arsyet e perse. "Ky ka qene nje kontraktor qe ne beme me "Benz Mercedez" per te prere armatime te renda qe nuk i cmontonim dot. I ofruam cmim per kete mall ne nje kontrate, e cila kaloi me vendim qeverie. Pergjithesisht, ajo ka qene korrekte. Ka pasur zera, po ecem me ngadale dhe une vete cova ne prokurori nje dosje", ka pohuar Majko. Por, me 24 prill 2004, nenkontraktuesi pronari i firmes qe atehere quhej "Perparimi", Mihal Delijorgji shoqerohet ne polici, i akuzuar per evazion fiskal, por me pas gjykohet ne gjykim te lire pasi pagoi 1,2 milione dollare si garanci bankare. Gjithsesi, proceset gjyqesore nuk i tronditen aspak pozitat e Delijorgjit si nenkrontaktor. Sipas Majkos, ai ishte i rregullt ne pagesen e taksave. "Ka pasur nje ndjekje penale per te, por kontraten e kishim me "Benz Mercedesin". Per te, ka ardhur presidenti i saj ne Shqiperi. Me ne s'ka pasur probleme me taksat dhe kontrata ka vazhduar gjate. Ne realizuam me shume se gjysmen dhe kontrata ka vazhduar normalisht edhe ne periudhen e qeverisjes qe erdhi me pas", shprehet Majko. Duke nenvizuar faktin se nje kontrata per asgjesimin e armatimeve dhe municioneve ka vijuar dhe nen qeverisjen e PD, dhe konkretisht nen drejtimin e Ministrise se Mbrojtjes nga ana e ish-ministrit Mediu. Por, Delijorgji vazhdoi aktivitetin e tij te suksesshem si nenkontraktor i Ministrise se Mbrojtjes, duke marre kontrata per firmen tashme me emer te ri "Alba Demil". Kete radhe jo per cmontimin e tankeve, por te municioneve ne fabriken e Gerdecit. "Municionet, thote Majko, ne kohen e socialisteve cmontoheshin vetem ne uzinat ushtarake ne Polican, Mjekes dhe Gramsh. Demontimi i municioneve ne Shqiperi eshte bere vetem ne uzina. Nuk e kuptoj qe nje qeveri qe ben demontim ne Polican dhe ne vende te tjera, perse duhet ta bente ne nje zone te banuar", ka shtuar Majko, duke shigjetuar ne kete rast pasardhesin e tij ne krye te dikasterit te Mbrojtjes. Per here te pare, Majko ka dhene nje informacion ne lidhje me kete proces, pas tragjedise se ndodhur ne Gerdec te Vores.

(KJ)