Berisha: per ''Kathimerinin'': Ceshtja came do te shqyrtohet

[BARAT]

Berisha: per ''Kathimerinin'': Ceshtja came do te shqyrtohet

Në një intervistë të dhënë për gazetën greke “Kathimerini”, Kryeministri Berisha flet për të gjitha çështjet kombëtare, prej Kosovës në çështjen çame. Ai shprehet se çështja e pasurive të shqiptarëve në Greqi duhet të shqyrtohet. “Nëse kjo nuk do të shqyrtohet sot, do të duhet të shqyrtohet nesër, pasnesër, ekziston edhe një Gjykatë Evropiane e të Drejtave të Njeriut”. Ndërkohë që propozon krijimin e komisioneve teknike për dhënien e përgjigjeve mbi këtë çështje. Sakaq Kryeministri mbyll çdo mundësi për ndryshimin e kufijve pas pavarësisë së Kosovës, duke theksuar se çështja shqiptare në Ballkan është mbyllur pas 17 shkurtit. Për sa i përket shtetësisë së kryepeshkopit Anastas, Kryeministri nuk është përgjigjur nëse është pro apo kundër dhënies së saj, duke thënë se kjo është kompetencë e Presidentit.

Intervistoi: Stavros Ximas - “Kathimerini”

Besoj z. Kryeministër se do të jenë dyfish i gëzuar këto ditë. Dera për anëtarësimin e Shqipërisë në NATO është hapur me takimin e ministrave të Jashtëm në Bruksel, Kosova u pavarësua...

Patjetër, kemi të bëjmë me ndodhi shumë të rëndësishme, por unë mendoj edhe për popujt e tjerë miq të Ballkanit, sepse është bindja ime e thellë se pavarësia e Kosovës përbën një përpjekje të madhe për paqen dhe stabilitetin e rajonit.

Çfarë ju bën të mendoni se rajoni do të qetësohet me pavarësinë, në kohën kur ekziston frika e përhapur se do të nisë efekti domino? Pse nuk ligjërohen tashmë serbët e Bosnjes, apo hungarezët e Vojvodinës dhe Transilvanisë, për të kërkuar edhe ata shkëputje?

Kosova përbën një rast të veçantë. Nëse do të shihni historinë, do të dalloni se Kosova nuk ishte asnjëherë një pjesë përbërëse e Serbisë. Ishte një pjesë përbërëse e Serbisë së Madhe, që do të thotë se ishte nën pushtim. Lufta që po bëjnë serbët për të ashtuquajturën zemrën e kombit, nuk bazohet në histori, por në mite. Nëse do t’i referohemi atyre kohërave, Greqia, Kosova, Shqipëria kishin një histori sllave, por ishte një histori pushtimi, që ekzistoi për një periudhë dhe më pas u tërhoqën sllavët. Kjo është e vërteta. Në vitin 1389 luftuan në fushën e Kosovës serbët, shqiptarët, hungarezët, së bashku.
Deri në vitin 1912 ishte një vilajet i perandorisë osmane. Iu dha Serbisë si një çmim një shekulli. Një shekull Serbia nuk krijoi marrëdhënie të vlefshme me Kosovën, por në të kundërt, krijoi një regjim të tipit kolonialist. Serbët në këtë shekull përthithën një ideologji nacionaliste, jo vetëm në kurriz të shqiptarëve, por edhe të kombeve të tjera. Jeni në dijeni se kroatët u bashkuan vullnetarisht me serbët dhe pas një shekulli u ndanë sërish, sepse serbët silleshin si hegjemonë.
Në këtë kuptim, pavarësia e Kosovës do të ndihmojë shumë edhe vetë Serbinë. Do t’i çlirojë serbët nga mitet dhe do t’i risjellë në realitet.

Çështja shqiptare në Ballkan

A i bashkoheni mendimit të bashkëkombësve tuaj, që me pavarësinë e Kosovës ndryshoi një faqe në historinë e kombit shqiptar, por nuk u mbyll libri?

Besoj se pavarësia e Kosovës i vendos fund regjimit të papërcaktuar të shqiptarëve në Ballkan. Me gjithë mend ekzistojnë shqiptarë edhe në Serbinë e Jugut, në Mal të Zi dhe në Ish-Republikën Jugosllave të Maqedonisë. E vërteta është se minoritete ekzistojnë kudo. Të drejtat e tyre në bazë të marrëveshjeve mbi pakicat duhet të respektohen, por ideja e rishikimit të ri të kufijve është joproduktive, pasi do të mund të krijonte sërish tension dhe pasiguri në 15-20 vitet e ardhshme, periudhë që do të mund ta përdornim për të hyrë në Evropë.

Domethënë, për mendimin tuaj çështja shqiptare në Ballkan përfundoi me pavarësinë e Kosovës?

Unë mendoj se u zgjidh përfundimisht. Veçse duhet të respektohet marrëveshja e Ohrit.

Megjithatë, ndërkombëtarisht ekziston përshtypja se pas mundjes së nacionalizmit serb, rajoni i Ballkanit Perëndimor nuk do të qetësohet, sepse tani do të çojë kokën nacionalizmi shqiptar.

Unë mendoj se pavarësia e Kosovës do të ketë rezultat krejt të kundërt me atë që mbështesin disa analistë. Kufijtë janë të hapur për të gjitha kombet e rajonit dhe për shqiptarët që jetojnë në vende të ndryshme. Personalisht, nuk e shoh pavarësinë e Kosovës si nxitje në rrugën që ju po thoni. Mendimi im është se do të jetë rezultati i kundërt.

Në një bashkëbisedim të mëparshëm mes nesh, shumë më përpara se ndodhitë në Kosovë, më ishit shprehur se për ju çështja e Shqipërisë së Madhe është mit. Tani, pas pavarësisë së Kosovës, mos vallë po hapet një mundësi e tillë dhe kemi probleme të tjera? Siç e dini, në emër të Bullgarisë së Madhe, Greqisë së Madhe, Serbisë së Madhe është derdhur mjaftueshëm gjak në Ballkan. Tani disa ëndërrojnë për Shqipërinë e Madhe, të tjerë për Maqedoninë e Madhe, sindroma e “të vegjëlve të mëdhenj” nuk duket se po eklipson në Ballkan?

Jam shumë dakord me vërejtjen tuaj. Unë thellësisht mendoj se zgjidhja përfundimtare e kësaj çështjeje ishte pavarësia e Kosovës. Por më duhet të theksojë diçka: Është shumë e rëndësishme zbatimi i marrëveshjes së Ohrit. Ju mund të thoni se ideja e Shqipërisë së Madhe është një ide me tendenca jostabilizuese, por unë do t’ju them se fobia ndaj shqiptarëve ishte tërësisht joproduktive nga ana e vendeve të tjera të Ballkanit. Personalisht mendoj se rëndësi për vendet tona ka që qytetarët tanë të trajtohen si të barabartë përpara ligjit. Dhe e ripërsëris se nuk shoh asnjë tendencë të ripërcaktimit të kufijve aktualë.

Çështja çame

Po shohim se në këtë ngatërresë të përgjithshme, në internet po duken gjithnjë e më shumë shkrime dhe fotografi, me anë të të cilave disa grupe të caktuara tentojnë të hapin çështjen “Çamëri”. Në vendin tuaj zhvillohen takime, e në përgjithësi shihet një lëvizje mbi këtë çështje, gjë që në Greqi nuk ikën pa u vënë re. Sipas mendimit tuaj, a ekziston një çështje e tillë dhe nëse po, a mund të kthehet në një problem në marrëdhëniet greko-shqiptare, por edhe më gjerë në rajon?

Siç e dini, në periudhën 1992-1996 problemi në fjalë ishte në axhendën e të gjitha bisedave mes qeverive shqiptare dhe greke. Unë mendoj se arritëm të jepnim përgjigjen më të mirë, duke nënshkruar Marrëveshjen e Miqësisë dhe Bashkëpunimit. Mendoj se kjo ishte në përputhje të plotë me të drejtën ndërkombëtare, si edhe me stabilitetin dhe paqen. Në bazë të kësaj marrëveshjeje, problemet e karakterit pronësor që kanë qytetarët grekë dhe shqiptarë në Shqipëri dhe Greqi, janë çështje me karakter gjyqësor, teknik dhe juridik dhe duhet të zgjidhen mbi këto baza.

Kjo do të thotë se nuk duhet të shqetësohet pala greke?

Jo. Por grekët dhe shqiptarët duhet të dinë se çështja e pronave është çështje pronash dhe nëse kjo nuk do të shqyrtohet sot, do të duhet të shqyrtohet nesër, pasnesër, ekziston edhe një Gjykatë Evropiane e të Drejtave të Njeriut. Kështu që, më mirë ta shohim këtë çështje në mënyrë të sinqertë, sesa të kemi probleme. Të krijohen komisione teknike, të shqyrtojnë dosjet, të japin përgjigje. Marrëveshja e Miqësisë përcakton qartë njohjen dhe respektimin e kufijve mes dy shteteve. Në këtë rrafsh, asnjë nga dy shtetet nuk ka kërkesa territoriale në kurriz të tjetrës. Kjo është përfundimtare.

Emri i Maqedonisë

Po ndiqni përplasjen mes Greqisë dhe IRJM-së (Maqedonisë) për çështjen e emrit. Për mendimin tuaj, kjo përbën një çështje dypalëshe, apo një problem për të gjithë rajonin, që mund të zhvillohet duke krijuar një atmosferë tensioni, në një mjedis që ka nevojë për stabilitet?

Patjetër që në nivel diplomatik dhe teknik është një çështje dypalëshe. Por, pa dyshim që çdo çështje dypalëshe në një rajon ose në një botë që shkon drejt bashkimit, ka një vlerë edhe për të tjerët. Në këtë kuptim, Shqipëria është e interesuar që të arrihet një zgjidhje. Ne mendojmë se ekziston mundësia e një marrëveshjeje dhe është në interesin e të gjithë rajonit që ajo të arrihet.

Keni frikë se mos me këtë problem, mund të krijohet një tip “karamboli”, që do të ndikonte edhe në pranimin e Shqipërisë në NATO në prill?

Nuk besoj se mund të dënohet Shqipëria, për shkak të një çështjeje ndërmjet dy vendeve të tjera, që nuk mund të ketë asnjë lidhje me Shqipërinë. Por ka diçka. Është në interes të Greqisë dhe të Shqipërisë, që IRJM-ja të bëhet pjesëtare e NATO-s dhe stabiliteti i IRJM-së për të dyja vendet është i rëndësishëm. Kjo është e vërteta. Në këtë mënyrë, uroj dhe dëshiroj që të arrihet marrëveshja. Duhet ta kemi si pikësynim këtë.

Ndieni se në rrugën tuaj për në NATO dhe në BE keni një mbështetje të vlefshme dhe të sinqertë të Athinës?

Unë e kam këtë përshtypje, sepse besoj në këtë mbështetje dhe vërej, se kjo është realitet. Greqia po jep ndihmë të vyer për Shqipërinë në të gjitha pikëpamjet. Nuk besoj se ekziston ndokush që mund ta vendosë në dyshim këtë. Në të gjitha rastet, Greqia ishte një shtysë për proceset e integrimit të rajonit tonë.

Kryepeshkopi Anastas

Prania e Kryepeshkopit të Shqipërisë, z. Anastas, është një nyje lidhëse e fortë në marrëdhëniet greko-shqiptare. Si e vlerësoni veprën e tij, marrëdhëniet tuaja si janë?

Shumë të mira. Z. Anastas ka një rol të rëndësishëm në ripërtëritjen e kishës ortodokse të Shqipërisë.

Megjithatë pas gjithë këtyre vitesh është ende pezull dhënia e nënshtetësisë shqiptare. A jeni dakord që ajo të jepet?

Problemi është se jam Kryeministër dhe kjo nuk është një kompetencë e imja. Jam i sigurt që Presidenti i Republikës po e shqyrton këtë kërkesë. Realisht Kryeministri nuk ka asnjë lidhje me çështjen e nënshtetësisë, është çështje e Presidentit.


10/03/2008 gazeta standard

[Bizantin]

Bravo doktorit. E ka perballuar mire ''Kathimerinine'' qe eshte nje gazete konservative.

[Hyj-Njeriu]

Keta do e marrin me qafe kombin shqiptar sa te jene gjalle.... Nuk eshte ceshtja se po ben 'Diplomaci' pra tjeter thote ne publik e tjeter ben,ceshtja eshte se cfare thote ne publik mbi ceshtjen shqiptare e ben edhe realitet dhe per ate lufton...

Se si mund te quhet ceshtja shqiptare e mbyllur dhe te vijohet realisht ne kete drejtim,kete vetem zoti Berisha e di...

Nuk ka asnje shans qe me demokracine aktuale shqiperia te behet ndonje dite...

[Darius]

Pyetje me spec i paskan bere po dhe pergjigje me dobicllek ka dhene krietari i shtetit tënë.

Njera nga furcat me mjeshtrore te politikes pa politike ose dacibaove per hir te llustres eshte kjo:

Unë e kam këtë përshtypje, sepse besoj në këtë mbështetje dhe vërej, se kjo është realitet. Greqia po jep ndihmë të vyer për Shqipërinë në të gjitha pikëpamjet. Nuk besoj se ekziston ndokush që mund ta vendosë në dyshim këtë. Në të gjitha rastet, Greqia ishte një shtysë për proceset e integrimit të rajonit tonë.

Ketu Saliu ja ka kaluar dhe Van Gogut per penel.

në internet po duken gjithnjë e më shumë shkrime dhe fotografi, me anë të të cilave disa grupe të caktuara tentojnë të hapin çështjen “Çamëri”.

A thua e ndiqkan forumin tone kaq nga afer, pasi ne kete forum eshte numri me i madh i fotove, postimeve dhe dokumentimeve te ceshtjes came?

[Dita]

Hyj-Njeriu, nuk thuhen pergjigje si ato qe do ti. Qe te mberrije puna deri tek nje pergjigje e tille, duhet te jene bere shqiptaret autoktone ne Greqi te gjalle te kerkojne te drejtat e tyre te njeriut, minimumi arsimimin ne gjuhen amtare e me tej te drejta politike perfaqesimi ne nivel lokal dhe qendror. Pastaj te jene bere vite te tera mbledhje faktesh historike me shkrime ne shqip e ne gjuhe te huaj, lobing i forte ne nivel nderkombetar e pastaj bazuar ne gjithe keto presione mundet kryeministri i Shqiperise para gazetes Kathimerini e te tjera te shprehet ne forme diplomatike dicka ngjashem si me poshte_

Te dhenat e mbledhura nga ambasada jone ne Greqi, kerkesat e ardhura ne adrese te qeverise sone per degjimin e ceshtjes shqiptare ne Greqi, ndjekja e mediave greke dhe nderkombetare, ndjekja e veprimtarise akademike ne Shqiperi e jashte saj, na japin shkas te kerkojme nga shteti grek marrjen me nga afer me ceshtjen e shqiptareve autoktone ne Greqi. etj etj.

Ajo qe mund te kerkoje kryeministri deri tani eshte te zgjidhet ceshtja e pronave came. Akademiket greke sapo jane shprehur se ajo cfare ka ndodhur mbi camet ka qene genocid. Derisa e kane marre persiper te pastrohen vete nga ky turp, le te shprehen. Ne nje hap te metejshem kjo mund te cohet deri ne nje kerkim faljeje zyrtare.

[MaDaBeR]

Ngushte e paskan zene Berishen po mire qenka pergjigjur dhe ky. Vetem nje gje nuk me pelqeu nga ato qe ka thene. Nuk do ndryshojne kufijte. Po ku e di ky se do ndryshojne apo jo? Se mos do jete perjetesisht ky KRIETAR qe e thote me kaq vendosmeri? Por, duke menduar qe ka qene perballe nje gazetari Grek, nga ata ultranacionalistet, besoj se ka qene nje pergjigje ne menyre diplomatike per te mos perhapur panik ne rajon ne prag te integrimit tone ne NATO.

Sa per furcet Darius, dihet ajo pune, ku ke llustraxhinj me te mire se politikanet tane? Per kete nuk ua mer njeri. :d

[SENSUALI_TR]

Berisha duhet shqyrtuar vet me kabinetin e tij me pas te shqyrtohet ceshtja came.

[EDLIN]

Pyetje me spec i paskan bere po dhe pergjigje me dobicllek ka dhene krietari i shtetit tënë.

Njera nga furcat me mjeshtrore te politikes pa politike ose dacibaove per hir te llustres eshte kjo:



Ketu Saliu ja ka kaluar dhe Van Gogut per penel.



A thua e ndiqkan forumin tone kaq nga afer, pasi ne kete forum eshte numri me i madh i fotove, postimeve dhe dokumentimeve te ceshtjes came?

Pse çuditesh ti Darius, bar hane tanhauzet.. ketu ?

[Clauss]

Nëse do t’i referohemi atyre kohërave, Greqia, Kosova, Shqipëria kishin një histori sllave, por ishte një histori pushtimi

touche!

eshte shume interesant si kaluam nga "konservator" ne "ultranacionalist" ne me pak se 4 postime. lol e Madaber?

[Xhuxhumaku]

Akademiket greke sapo jane shprehur se ajo cfare ka ndodhur mbi camet ka qene genocid. Derisa e kane marre persiper te pastrohen vete nga ky turp, le te shprehen. Ne nje hap te metejshem kjo mund te cohet deri ne nje kerkim faljeje zyrtare.

Nje miku im, i lidhur me partine radikale transnacionale, me tha se profesoret e studimit qene te nje universiteti amerikan ne athine.

si rrjedhim, pas kosoves Amerika po perparon ne zgjidhjen e ceshtjes shqiptare ne ballkan. Fillimisht me berjen te qarte grekeve, qe dihet ajo qe ata kane bere mbi CAMET, Dhe pastaj hap pas hapi me zgjidhjen.

Dita,

situata ne shqiperi, ka ndryshuar, bankat greke s'jane me te parat, po ashtu edhe eagle mobile, do filloje se shpejti.

bisnese te shumta italiane dhe amerikane po terhiqen.