Tastierë në shqip (për shkronjat Ë, ë, Ç, ç)

[edspace]

Darwin,

Tastierës Prektora i mungojnë simbolet e kllapave katrore [ ] dhe gjarpërueshe { }; dhe ka ndryshuar vendin e dy-pikave dhe pikëpresjes. Kjo e bën tastierën të papërdorshme për ata që duan të përdorin kllapat, si për shembull gazetarët, profesorët/studentët e shkencave, programuesit e kompjuterit, etj.

Zhvendosja e dy-pikave dhe pikëpresjes i detyron përdoruesit të çmësojnë vendet e mërparshme, proces i cili zakonisht është më i vështirë se të mësosh. Ki parasysh se ky çmësim është vetëm për rastin kur ata shkruajnë shqip, se kur janë në një kompjuter me tastierën orijginale amerikane (si për shembull në zyrë), duhet të mbajnë mend se dy-pika dhe pikëpresja janë në vendet origjinale. Pra, përdoruesit duhet të ambjentohen me dy versione të ndryshme tastierash.

Të gjitha problemet e mësipërmet eliminohen me shtimin e butonit ALT të djathtë. Shkronjat ë dhe ç shtohen pa ndryshuar asnjë funksion të tastierave origjinale. Vendodhja e ë-së dhe ç-së është intuitiv sepse ndodhen tek i njëjti vend si e-ja dhe c-ja. Që të dyja shkronjat shtypen me dorën e majtë, prandaj është zgjedhur ALT që shtypet me dorën e djathtë që është e lirë.

Butoni ALT nuk është aspak i çuditshëm. ALT e djathtë nuk e shpika unë; shumë tastiera në gjuhë të huaja e përdorin atë buton.

Për ata që jetojnë në Shqipëri (Kosove, Maqedoni, Mal të Zi) dhe shkruajnë shqip shumicën e kohës, unë do rekomandoja të mësonin gishtat me tastierën origjinale shqip. Për gjithë të tjerët që kanë mësuar gishtat me një tastierë të huaj, ose duhet të ndryshojnë shpesh midis shqipes dhe një gjuhe të huaj, unë do rekomandoja të instalonin një nga tastierat e huaja më lart, të modifikuara për të shkruajtur ë-në dhe ç-në duke kombinuar e-në dhe c-në me ALT e djathtë.

[darwin]

edi,

3 mundësi imazhesh kisha.. nuk më shkoi mendja të shtoja dhe 1 shkrim, meqënëse linku ka dhe udhëzime.

- - - - - -

Renditja e shkronjave dhe shenjave që përftohen me shtypjen e tastit --> ` (e para majtas, nën "ESC", apo majtas "1"-shit) dhe e tastit përkatëse hyrës. Në secilën nga katër shtyllat dyshe, shfaqen majtas tastat që duhen shtypur pas ` dhe djathtas shenja që del prej këtij kombinimi. Për të nxjerrë vetë shenjën ` e shtypim atë dy herë.

pra fillimisht shtypet --> `




dhe shtypja e tastave të tjerë jep këto kombinacione.




- - - - - - - - - - - - - - -

Theksoj, se faqosja Prektora e tastierës në shqip (SQ), ruan renditjen QWERTY të tastierave amerikane (EN-us).

[Darius]

Meqë përgjigjet për tastierën e modifikuar kanë qënë pozitive, po hedh më poshtë versione të modifikuara të të gjitha tastierave me gërma latine në Windows XP. I vetmi ndryshim në këto tastiera është funksioni i butonit ALT të djathtë i cili kur kombinohet me shkronjat e, E, c, C, nxjerr ë, Ë, ç, Ç.

Pra, për të shtypur:
ë mjafton të shtypni alt e djathtë + e
ç mjafton të shtypni alt e djathtë + c
Ë mjafton të shtypni alt e djathtë + shift + e
Ç mjafton të shtypni alt e djathtë + shift + c

Të mirat e kësaj metode janë:
- ndryshimi i tastierës bëhet vetëm njëherë
- nuk duhet të këmbeni tastierat sa herë që doni të shkruani shqip
- nuk duhet të mësoni gishtat me një tastierë të dytë
- të gjithë tastet (gërmat) janë njësoj me përjashtim të tastit ALT të djathtë
- është e lehtë të shkruani ë-në dhe ç-në sepse shkruhen me e-në dhe c-në.

Varianti i perdorimit me ALT per mua eshte shume praktik. Nuk mund te ndryshoj dot komplet tastieren pasi me duhet per pune ne anlgisht por modifikimi dhe me pas perdorimi me alt qenka fantastik. Me pare i beja me ALT + NUM...

Shume postim me vlera

[RaPSouL]

Edhe per mua varianti me alt eshte shume praktik dhe sme shkon mendja fare te ndryshoj ndonjeher dicka pasi me jane mesuar reflekset

[KVS]

Windows XP e ka shqipen në mundësitë e zgjedhjes së gjuhëve. E keqja me shqipen e XP është se i ka gjithë simbolet rrëmujë, sidomos y e ka z dhe z e ka y. Personalisht e përdor prektorën këtu e dy vjet gati. Merrem dhe me përkthime, por anglishten nuk e kam fare në zgjedhjen e gjuhëve, pasi prektora e ka vendosjen e gërmave njësoj si tastierat amerikane, kështu që shkruaj në të dy gjuhët pa asnjë problem.

Dallimi i vetëm është se meqënëse nga ana praktike ë dhe ç është e domosdoshme të jenë direkt në tastierë sidomos ë-ja pasi ka shpeshtësi përdorimi (numëroni sa herë është përdorur në këtë shkrim), dhe meqënëse këto zënë vendin e kllapave katrore atëherë vetë kllapat nxirren sërish fare thjesht aty ku janë por duke shtypur tastin [ ` ] përpara. Ndryshimi kaq gogol që po diskutohet lart është një tast larg.

Përshëndetje.

[Atheist]

unë për vete e përdor ktu e 3 muaj që kur pashë këta te forumi ateizmit që shkrunin më ë dhe ç - dhe më duket e thjeshtë fare, s'do ndonjë shkencë. Biles tani nuk shkruj dot pa prektorën dhe e instaloj dhe nëpër internet caffé plus që dhe anglishten e shkru direkt po më duhen dhe ß ä ü ö për gjermanishten që i nxjerr me kombinim të thjeshtë.

[darwin]

Varianti i perdorimit me ALT per mua eshte shume praktik. Nuk mund te ndryshoj dot komplet tastieren pasi me duhet per pune ne anlgisht por modifikimi dhe me pas perdorimi me alt qenka fantastik. Me pare i beja me ALT + NUM...

Shume postim me vlera

Variant ALT prapë pa ë?

[kobajashi]

kam lap top dhe e instalova prektorën, germat ë dhe ç u instaluan..por problemi eshte se ato u instaluan tek butoni ku ndodhet shenja {[ dhe tek butoni :; .pra me pak llafe si i behet qe keto shenja ti kem diku tjeter sepse momentalisht ngaqe jane zevendesuar spo e di ku jane.flm

[JestersWorld]

Jashtëzakonisht shumë falemnderit për këtë shpjegim mëse të domosdoshëm për mbarëvajtjen e gjuhës Shqipe.


Me tastaturë gjermane qënka kollaj fare, sepse rolin e umlauteve e marrin shkronjat tona të dashura : Ë dhe Ç

[maleta]

si ta instaloj programin kompjuterik te drejtshkrimit