Investime Amerikane në Shqipëri

[dodoni]

Premte, 20 Shkurt 2004


BIZNESI AMERIKAN, FOND INVESTIMESH PER SHQIPERINE

Teuta Shamku

Kompanive te medha ne vendin tone, ndermarrjeve te vogla dhe te mesme, apo dhe institucioneve financare, iu afrohen investimet amerikane per te zhvilluar me tej aktivitetin e tyre. Biznesi privat amerikan do te akordoje nje fond te ri privat kapitalesh per vendet e Evropes Lindore, ku mes tyre do te perfitoje edhe Shqiperia. Kjo u be e ditur dje ne ambjentet e Dhomes Amerikane te Tregtise nepermjet nje konference shtypi nga Drejtori i Komunikimit te Korporates se Investimeve Private te Huaja OPIC, z. Lawrence Spinelli. Synimi i konferences ishte promovimi i investimeve te sponsorizuar nga OPIC, qe do te behen publike ne konferencen "Krijimi i Partneriteteve te Reja ne nje Europe ne Zhvillim", e cila do te zhvillohet me 9-11 mars 2004, ne Bukuresht, Rumani. Ne fjalen kryesore qe u mbajt nga z. Spinelli, ne menyre te vecante, u fol per nje Fond te ri Privat Kapitalesh te Europes Lindore dhe Qendrore, i cili po krijohet nga OPIC-u dhe do te shpallet ne konferencen e Rumanise. Nga ky fond investimesh ne listen e vendeve qe do te perfitojne eshte edhe Shqiperia. Z. Spinelli gjate konferences theksoi "mundesite e medha te investimeve amerikane ne Shqiperi, Bosnje dhe Herzegovine, Bullgari, Kroaci, Republika Ceke, Estoni, Hungari, Letoni, Lituani, Maqedoni, Poloni, Rumani, Serbi dhe Mali i Zi, Sllovaki, dhe Slloveni". Ky aktivitet unik do te mbledhe se bashku perfaqesues te nivelit qeveritar te vendeve europiane dhe te Shteteve te Bashkuara si dhe institucione financiare te Shteteve te Bashkuara dhe vendeve te tjera, qe kerkojne mundesi investimesh ne rajon. Konferenca do te jete me interes per SME-te, kompanite e medha dhe institucionet financiare te rajonit qe kerkojne investitore dhe partnere per joint venture. Industrite kryesore qe do te theksohen jane teknologjia e informacionit dhe komunikimit, ndertimi i banesave, infrastruktura e turizmi, duke perfshire energjine dhe transportin. Ky aktivitet u zhvillua nga Dhoma Amerikane e Tregtise, e cila eshte e interesuar te nxise investimet e huaja ne vend, si dhe te rrise numrin e investitoreve amerikane ne Shqiperi.

Cfare eshte Korporata e Investimeve Private e te Huaja (OPIC)

OPIC-u eshte themeluar si nje agjenci zhvillimi e qeverise se Shteteve te Bashkuara ne vitin 1971. Ai ndihmon biznesin amerikan per te investuar ne vendet e huaja, per te nxitur zhvillimin ekonomik ne tregjet e reja dhe ne zhvillim, ndihmon biznesin privat ne menaxhimin e riskut te lidhur me investimet e huaja direkte dhe mbeshtet politiken e jashtme te Shteteve te Bashkuara. Duke zgjeruar zhvillimin ekonomik ne vendet ku eshte i pranishem, projektet e mbeshtetura nga OPIC-u mund te inkurajojne stabilitetin politik, reformat e tregut te lire dhe pervojat me te mira amerikane. Projektet e OPIC-ut mbeshtesin gjithashtu vendet e punes dhe eksportet amerikane - mbi 280,000 vende pune te reja ne Amerike dhe 65 miliarde dollare ne eksporte qe nga viti 1971. Meqenese per produktet e tij OPIC-u vends tarifa me baze tregun, ai vepron ne baze vetefinancimi dhe jo ne kurriz te taksapaguesve.

[dodoni]

OPIC-u nëpërmjet krijimit të një fondi prej 150 milionë $ kërkon që të nxisë investimet amerikane në rajon

Investitorët amerikanë pritet që të zbarkojnë në rajon

Korporata do të nxisë investimet amerikane në energji, turizëm, infrastrukturë, ndërtim dhe teknologji

Bledjana Beqiri

Korporata e Investimeve Private të Huaja (OPIC) pritet që të nxisë investimet amerikane në vendin tonë. OPIC-u do të krijojë një fond investimesh prej 150 milionë dollarë për 15 vende të rajonit, ndër të cilat do të përfitojë edhe Shqipëria. Kështu ka deklaruar dje në një konferencë për shtyp drejtori i Komunikimit të Korporatës së Investimeve Private të Huaja, Lawrence Spinelli dhe drejtoresha ekzekutive e Dhomës Amerikane të Tregtisë, Floreta Luli-Faber. Turizmi, infrastruktura, transporti, energjia, teknologjia e informacionit, industria e strehimit janë sektorët më potencialë, të cilët pritet që të thithin edhe investimet më të mëdha amerikane. “Shqipëria ka shumë mundësi, si dhe ka shumë kushte për të thithur investimet”, -është shprehur Spinelli. Sipas tij, investimet amerikane në vendin tonë kanë një interes në rritje, sidomos pas ardhjes së disa kompanive si: “Locheed Martin”, “General Elektrik”,…etj. Për të promovuar investimet amerikane në rajon, OPIC-u do të organizojë një konferencë biznesi. Synimi i konferencës është promovimi i investimeve të sponsorizuar nga OPIC, që do të bëhen publike në konferencën “Krijimi i partneriteteve të reja në një Europë në zhvillim”, e cila do të zhvillohet më 9 - 11 mars 2004, në Bukuresht, Rumani. Spinelli ka deklaruar se qëllimi është që të bëhet një fond i ri privat kapitalesh për Europës Lindore dhe Qendrore, i cili do të krijohet nga OPIC-u dhe do të shpallet në konferencën e Rumanisë. Nga ky fond investimesh në listën e vendeve që do të përfitojnë është edhe Shqipëria, sqaron Luli-Faber. Spinelli u shpreh gjithashtu për mundësitë e mëdha të investimeve amerikane në Shqipëri, Bosnjë dhe Hercegovinë, Bullgari, Kroaci, Republikën Çeke, Estoni, Hungari, Letoni, Lituani, Maqedoni, Poloni, Rumani, Serbi dhe Mali i Zi, Sllovaki, dhe Slloveni”. Sipas tij, ky aktivitet unik do të mbledhë së bashku përfaqësues të nivelit qeveritar të vendeve europiane dhe të Shteteve të Bashkuara, si dhe institucione financiare të Shteteve të Bashkuara dhe vendeve të tjera, që kërkojnë mundësi investimesh në rajon. “Konferenca do të jetë me interes për ndërmarrjet e vogla dhe të mesme (SME), për kompanitë e mëdha dhe institucionet financiare të rajonit që kërkojnë investitorë dhe partnerë për “joint venture””,-tha Spinelli. OPIC-u është themeluar si një agjenci zhvillimi e qeverisë së Shteteve të Bashkuara në vitin 1971, e cila ndihmon biznesin amerikan për të investuar në vendet e huaja, për të nxitur zhvillimin ekonomik në tregjet e reja dhe në zhvillim, ndihmon biznesin privat në menaxhimin e riskut të lidhur me investimet e huaja direkte dhe mbështet politikën e jashtme të Shteteve të Bashkuara. Duke zgjeruar zhvillimin ekonomik në vendet ku është i pranishëm, projektet e mbështetura nga OPIC-u mund të inkurajojnë stabilitetin politik, reformat e tregut të lirë dhe përvojat më të mira amerikane. Projektet e OPIC-ut mbështesin gjithashtu vendet e punës dhe eksportet amerikane, mbi 280 mijë vende pune të reja në Amerike dhe 65 miliardë dollarë në eksporte që nga viti 1971. Meqënëse për produktet e tij OPIC-u vendos tarifa me bazë tregun, ai vepron në bazë vetëfinancimi dhe jo në kurriz të taksapaguesve.



20/02/2004
KATEGORIA: Ekonomi