Prioritetet e kryetarit Moisiu për vitin 2004

[dodoni]

Presidenti Moisiu parashtron prioritetet e punës së tij për vitin 2004 para shtypit.



9 Janar 2004
ora 12:00

Presidenti Moisiu bëri prezent para medias disa nga prioritetet e punës së tij për vitin 2004. Kryetari i shtetit shprehu angazhimin e tij konkret për thellimin e reformës në të gjitha nivelet e sistemit të drejtësisë, ndjekjen e problematikës së reformës elektorale; miratimin dhe zbatimin sa më të shpejtë dhe në mënyrë më të pranueshme të ligjit për kthimin dhe kompensimin e pronave, nxitjen e punës për krijimin e kushteteve për ngritjen e Ministrisë së Shqiptarëve në Botë (Emigracionit); zgjidhjen ligjore të çështjeve, që kanë të bëjnë me kompensimin e ish të burgosurve politikë; forcimin real të luftës kundër korrupsionit, sidomos në drejtim të ndërhyrjeve ligjore kundër konfliktit të interesave e monopoleve, nxitjes së masave për liberalizimin e ekonomisë, si dhe rritjes së efektivitetit të punës së Inspektoratit të Kontrollit të Pasurive; garantimin e të drejtës kushtetuese së informimit; mbrojtjen e shtypit të lirë e të pavarur e rritjen e transparencës së autoriteteve shtetërore ndaj publikut, si dhe nxitjen e mbështetjen e të gjitha iniciativave publike në fushën e mbrojtjes së të drejtave të njeriut.

Krahas këtyre angazhimeve në bashkëpunim e koordinim me institucionet e tjera kushtetuese në vend, prioritetete kryesore të punës së Z. Moisiu do të jenë nxitja dhe zhvillimi i dialogut dhe i bashkëpunimit institucional me dhe midis faktorëve kryesor politik në trajtimin e të gjitha çështjeve të rëndësishme, që kanë të bëjnë me ecurinë e reformave në vend e politikën e jashtme dhe probleme që lidhen me Sigurimin Kombëtar; Shpalljen e Vitit 2004 – vit kundër gjakmarrjes; ndërmarrjen e nismave publike për promovimin e nevojës për krijimin e kulturës ligjore e politike; forcimin e moralit politik dhe garantimin e ndarjes së pushteteve; reformimin e sistemit të financimit të forcave politike dhe të fushatave elektorale sipas praktikave perëndimore; çuarjen përpara të nismës për promovimin e vlerës së çmuar të shoqërisë sonë, harmonisë e tolerancës fetare. Për këtë temë në bashkëpunim me UNESCO-s në Dhjetor 2004 do të organizohet një konferencë rajonale në nivel kryetarë shtetesh.

Njëkohësisht do të ketë edhe një angazhim në rritje në rolin e Presidentit në politikën e jashtme të shtetit shqiptar për të kontribuar në rolin aktiv të Shqipërisë në koalicionin kundër terrorizmit ndërkombëtar të udhëhequr nga SHBA; shtimin e përpjekjeve tona për mbylljen me sukses të bisedimeve për MAS me BE-në dhe për arritjen e standarteve të aderimit të ardhshëm në NATO; në
bashkëpunimin të afërt me institucionet ndërkombëtare dhe me ato të Kosovës në çuarjen përpara të proçesit të arritjes së standarteve dhe zgjidhjes së statusit; thellimin e marrëdhënieve dy e shumëpalëshe me të gjitha vendet rajonale, për të bërë akoma më prezent rolin aktiv të Shqipërisë si faktor paqjeje dhe stabiliteti në rajon; intensifikimin e marrëdhënieve shumëplanëshe të vendit tonë me vende të ndryshme anëtare të BE-së. Në këtë kuadër, parashikohen vizita zyrtare të Presidentit në disa vende ashtu edhe vizita zyrtare të disa presidentëve europian në Shqipëri.

Pjesë e aktivitetit do të jetë edhe komunikimi i vazhdueshëm dhe transparent me median si një partner i rëndësishëm në informimin dhe formimin e opinionit publik.

“Përvoja e vitit të kaluar, me momentet e mira dhe të vështira që kaluam, duhet t’i shërbejë të gjithë politikës, zyrtarëve dhe qytetarëve, për të rritur shkallën e angazhimit në përmbushjen e detyrave të gjithësecilit. Ashtu si në mesazhet e mia publike në Kuvend dhe me rastin e Vitit të Ri, dëshiroj të ftoj të gjitha institucionet e shtetit shqiptar dhe të spektrit politik e shoqëror të japin në çdo formë ligjore kontributin e tyre në ecjen përpara të reformave, forcimin e stabilitetit dhe të shtetit të së drejtës” - tha Presidenti Moisiu duke përfunduar fjalën e tij me këtë rast.






Marrë nga faqia e kryetarit Moisiu

Mendoj se të gjitha këto prioritete janë shumë të rëndësishme dhe poashtu i rëndësishëm edhe angazhimi i Moisiut në to, por unë veçova ministrinë e shqiptarëve në botë dhe marrëdhëniet me Kosovën për të komentuar.
Mendoj se ministria e shqiptarëve në botë do të duhej të ishte krijuar shumë vite më parë e bile që në krijimin e shtetit shqiptar sikur që ministri të tilla kanë pothuajse shumica e vendeve që kanë shumë popull të tyre që jetojnë në vende të ndryshme të botës e ne shqiptarët njihemi me praninë tonë të pothuaj në çdo shtet e qytet europian e amerikan.
Interesat shqiptare për të pasur një ministri të tillë janë:
-mbrojtja e këtyre shqiptarëve nga asimilimet, pra duke ruajtur kombi substancialisht.
-bashkëpunimi vëllazëror si vëllëzër të një gjaku që jemi në të gjitha fushat që sjell përfitime për të gjithë ne si brenda ashtu edhe jashtë Shqipërisë.
Unë mendoj se kjo ministri duhet të koordinohet edhe me qeverinë e tanishme të Kosovës dhe poashtu partitë politike shqiptare në Maqedoni, Mal të Zi, Kosovën Lindore e shoqatat shqiptare të Çamërisë dhe gjithë Greqisë dhe tokave arbërore të Italisë që shqiptarët tanë jashtë atdheut pamvarësisht se nga cila pjesë e Shqipërisë vijnë të jenë të organizuar të gjithë së bashku dhe të kemi lidhje dhe bashkëpunim sa më të madh në të gjitha fushat.
Kjo ministri duhet bëj një regjistrim të popullsisë shqiptare kudo që janë, natyrisht nëpërmjet ambasadave dhe organizimin e tyre nëpër shoqata në çdo qytet ku ata ndodhen jashtë atdheut dhe që selia kryesore apo bordi kryesor i këtyre shoqatave të jetë kjo ministri ku të ketë përfaqësues nga gjithë komunitetet shqiptare të të gjitha shteteve ku ka komunitete shqiptarësh.

Prioriteti tjetër që desha të komentoj është ai i punës për çështjen kombëtare sidomos për rastin e Kosovës, e që siç e dijmë të gjithë është një nga interesat kryesore shqiptare.
Kryetari Moisiu dhe gjithë shqiptarët duhet të punojnë më shumë për konkretizimin e procesit të ribashkimit të Kosovës me Shqipërinë me apo pa fazën kalimtare të pavarësisë së Kosovës si dhe deri në arritjen e kësaj bashkëpunimi sa më i madh gjithëvëllazëror të një gjaku në të gjitha fushat. Poashtu duhet punuar në ndihmën për realizimin e plotë të marrëveshjes së Ohrit për shqiptaro-maqedonsat tanë dhe poashtu bashkëpunimin sa më të madh e gjithëvëllazëror në të gjitha fushat me ta poashtu. Poashtu edhe ndihmën e realizimit të të drejtave kombëtare të shqiptarëve në trojet tona në Mal të Zi, Kosovë Lindore e Çamëri dhe bashkëpunimi sa më i madh e gjithëvëllazëror me këta shqiptarë tonë.
Këto janë me shumë interes jo vetëm për ne por edhe për fëmijët e tanë e brezat që do të vijnë, prandaj edhe duhet punuar të gjithë shqiptarët kudo që janë për realizimin sa më të mirë dhe sa më të shpejtë të mundshëm të këtyre objektivave.

Përshëndetje

[Mr_Right]

Pse a ka priorite Moisiu?
Apo prioritete si me hanger?