Berisha: Protestat do te jene popullore, jo politike

[Albo]

Kriza, opozita bllokon sërish Kuvendin

Edhe pas një jave Kuvendi i Shqipërisë nuk ka mundur të zhvillojë punën e tij, për shkak se opozita ka këmbëngulur në zbatimin e Kushtetutës. Pas një orë e gjysëm debati dhe replikash të ashpra, kreu i Kuvendit Pëllumbi është detyruar të ndërpresë seancën plenare pas këmbënguljes së opozitës për të mos lejuar asnjë diskutim tjetër në Kuvend përveç mbrojtjes së Kushtetutës. Në këtë mënyrë punimet e Kuvendit nuk janë zhvilluar dhe vetëm pas ndërprerjes së seancës prej 30 minutash me kërkesë të grupit parlamentar të PD-së, Pëllumbi në pamundësi për të vazhduar më tej seancën, për shkak, sipas tij, të mbarimit të pikave të rendit të ditës kur Nikollë Lesi mungoi në thirrjen e interpelancës dhe Marjeta Pronjari që deklaroi se nuk dinte se kujt t'i drejtohej, për shkak të rënies së qeverisë deklaroi mbylljen e rendit të ditës dhe mbarimin e punimeve për dje në Kuvend. Por dje në reagimin e opozitës ka hyrë edhe denoncimi në Kuvend i vendimit të KQZ-së së 12 nëntorit, e cila votoi kundër Kodit zgjedhor për të shpallur Ramën fitues në Tiranë. Berisha pasi ka akuzuar Nanon dhe qeverisjen me zv.ministra në një ditë si e djeshmja ku mungonte ministri i Rendit për të dhënë sqarime për "arratisjen nga gjykata me pistoletë" i të dënuarve është ndalur edhe tek pesëshja kriminale e KQZ-së që guxoi të votojë një nga ligjet kryesore të Kuvendit. Në këto kushte për Berishën ka dy alternativa: ose qeveria të jetë kushtetuese, ose vendi të shkojë në zgjedhje të parakohshme. Gjithashtu, duke mos dashur të ndërhyjë në çështjet e brendshme të socialistëve që ndodhen në një krizë të thellë parakongresuale dhe të qeverisjes së tyre, Berisha ritheksoi angazhimin maksimal të opozitës parlamentare për të mbrojtur një nga çështjet fondamentale të demokracisë, siç është dhunimi i votës së lirë të shqiptarëve. Më pas edhe kryetari i grupit parlamentar të PD-së Bamir Topi i ka konsideruar si mjaft preokupante problemet që diskutoi shefi i opozitës Sali Berisha. Kjo, sipas Topit, edhe për faktin se kryeministri Nano, që ka humbur kurajon të komunikojë me institucionet legale, tashmë komunikon vetëm nëpërmjet zëdhënësit të tij.

[Albo]

PD, aktivi i Tiranës, mbështetje protestave

Aktivi i Partisë Demokratike të Tiranës ka dhënë dje mbështetjen për zhvillimin e protestave në Tiranë në mbrojtje të votës së lirë. Gjithashtu aktivi i Tiranës ka mbështetur idenë e opozitës për bllokimin e seancave parlamentare deri në legjitimimin e qeverisë. Kryetari i PD-së Sali Berisha në fjalën e tij ka akuzuar në mënyrë të drejtpërdrejtë Fatos Nanon si shkaktarin kryesor të krizave në Shqipëri dhe penguesin e vetëm të integrimit të vendit. Kjo, sipas Berishës ndodh pasi Nano po shfrytëzon pushtetin për t'u pasuruar. Lideri demokrat ka thënë se shqiptarët varfërohen dhe mjerohen gjithnjë dhe më shumë duke u zhytur në krim, në pasiguri dhe në mërgim gjithnjë dhe më të madh. "Mirëpo përveç kësaj është e domosdoshme të shtrojmë pyetjen se kush është shkaktari, kush është autori, sepse këta rrëzojnë njëri-tjetrin, por një gjë del e sigurt. Armik nr.1 i votës së lirë në Shqipëri, armik i egër i betuar është ish Drejtori i Institutit të Studimeve Marksiste-Leniniste, Fatos Nano. Është Fatos Nano ai që bëri "Dushkun", është, ai që krijoi skemën e të pavarurve, është ai që përmbysi Kodin zgjedhor dhe reformën zgjedhore, punën dy vjeçare për hartimin e tij. Është ai që ka organizuar me Celibashin, manipulimin masiv të listave, çfarë do të thotë se me Fatos Nanon, e ardhmja është e largët dhe vetëm iluzion. Me Fatos Nanon siguria e brendshme dhe paqja janë një iluzion, me Fatos Nanon ligji është vetëm atribut i mafies që zëvendëson shtetin ligjor, me Fatos Nanon në mënyrë absolute nuk ka dhe nuk mund të ketë proces zgjedhor të lirë të drejtë e të ndershëm," është shprehur kryetari demokrat Sali Berisha.

[Albo]

PELLUMBI I JEP TE DREJTE OPOZITES

Edhe vete kreu i parlamentit, Servet Pellumbi dje i dha te drejte qendrimit te revoltuar te opozites lidhur me krizen qeveritare. "E kam thene edhe nje here tjeter, qe nuk eshte normale puna ne nje qeveri me zv/ministra. Kerkesa qe beni ju eshte e drejte" deklaroi dje Pellumbi para deputeteve te opozites. Eshte i njohur qendrimi i tij lidhur me kete ceshtje. Por opozita kerkoi nga Pellumbi nje reagim konkret, meqe edhe ai bashkohet me qendrimin e opozites per zgjidhjen e krizes qeveritare. Por Pellumbi, per kete sqaroi se eshte duke u punuar dhe nuk mund te kerkohen menjehere faktet konkrete. "Zgjidhja e ceshtjes se zv/ministrave eshte ne rrugen e zgjidhjes. Prandaj, nuk duhet qe parlamenti te vazhdoje braktisjen e punimeve ne kete menyre" pohoi Pellumbi. Ndersa lidhur me rezoluten per shkarkimin e kryeministrit Nano, ai pohoi se nuk ka mberritur asnje e tille zyrtarisht, ne menyre qe ajo me pas t'i paraqitet Presidentit te Republikes. "Rezoluta merret ne shqyrtim vetem sipas procedurave te caktuara parlamentare. Deri tani nuk ka asnje te tille ne menyre zyrtare" shtoi Pellumbi. Gjithsesi, ne fund te deklarates te tij kryeparlamentari Pellumbi sqaroi se po diskutohet me Presidentin Moisiu lidhur me kete ceshtje.

[Albo]

PD: Takime me intelektualët për dhunimin e votës

Të enjten Partia Demokratike do të organizojë në Teatrin e Operas dhe Baletit një takim të zgjeruar me intelektualë dhe qytetarët e kryeqytetit. Kjo, sipas Berishës do të bëhet për të sqaruar të gjitha faktet dhe provat për manipulimin e zgjedhjeve në Tiranë nga Fatos Nano dhe "shërbëtorët e tij partiakë" në KQZ. Sqarimet dhe diskutimet me qytetarinë tiranase do të bëhen në prag të fillimit të protestave ditën e premte dhe do të ndalen në nxjerrjen e detyrave për të ardhmen - ka thënë Berisha. Kjo për faktin se "tre vjet më parë dhjetëra mijëra qytetarë nuk votuan dot, por tre vjet më parë për shkak të disa problemve teknike, PD dokumentoi vetëm listat, por jo njerëzit, kurse kësaj here pas orës 9.30 u udhëzuan komisionerët demokratë të mbajnë shenime në çdo qender votimi të qytetarëve, që vinin për të votuar dhe nuk votuan dot". "Ne disponojmë dokumentet për 70% të qendrave të votimit, pasi për 30% të tyre këto dokumenta janë të mbyllura në kutitë e votimit, për shkak të pakujdesisë së disa komisionerëve që menduan duke i futur në kutitë e votimit do të shndërroheshin në dokumente që do të shqyrtoheshin. Dokumentet që kemi ne për 70% të qendrave të votimit, faktojnë se 10,300 zgjedhës, u paraqitën atë ditë në këto qendra dhe u kthyen pa votuar. Numri i atyre që u paraqitën për të votuar, varion sipas qendrës nga 5%-45%," është shprehur Berisha. Sipas tij, "Mesatarja totale është mbi 10 % dhe po të shtohen këtu edhe vjedhjet, atëhere arrin në 15-17%."

[Albo]

PD: Shtyhen protestat për shkak të festave

Tirana do të jetë qyteti ku do të fillojnë protestat, por ato do të vazhdojnë edhe më tej kudo ku është evidentuar vjedhja e votës. Këtë e ka pohuar deputeti Preç Zogaj, një nga drejtorët mediatikë të fushatës së Spartak Ngjelës, kandidati demokrat për Tiranën. Vetë Partia Demokratike pohoi dje se protesta e ditës së nesërme do të zhvillohet më vonë për shkak të atmosferës së festës së Bajramit. Kandidati i opozitës për kreun e bashkisë së Tiranës Spartak Ngjela pohoi dje se: "Protestat nuk do të fillojnë të premten". Por kandidati demokrat nënvizoi faktin se protestat do të jenë të fuqishme dhe se do të bëjnë të mundur "sheshimin e të gjitha padrejtësive, të cilat janë bërë me procesin zgjedhor". Deputeti Preç Zogaj, një nga drejtorët e fushatës elektorale të Ngjelës sqaron se protestat masive për votën e lirë që pritet të fillojnë, varen nga dy faktorë, bindja dhe ndërgjegjësimi i qytetarëve. "Fokusi i protestave është Tirana. Këto protesta do të kenë përkrahjen e mijëra qytetarëve, të cilat do të dalin në mbrojtje të votës së tyre të lirë," theksoi Zogaj.

Në funksion të sensibilizimit të opinionit qytetar për situatën në vend, Zogaj vlerëson si të rëndësishëm edhe takimin e sotëm të opozitës me qytetarët e Tiranës në sallën e TOB-it, ku do të paraqiten edhe dokumentat që provojnë shkeljet që favorizuan Edi Ramën. "Vota është baza dhe themeli i një demokracie, prandaj mbrojtja e saj merr një vlerë të veçantë," thekson deputeti Zogaj. Sipas tij, në krye të këtyre protestave do jetë Partia Demokratike. Nisja e protestave dhe situata pas zgjedhore aktuale është konsideruar nga PD si përpjekja e opozitës për të vendosur në Shqipëri epokën e sundimit të ligjit. "Ashtu si pluralizmi hapi një epokë të re për Shqipërinë, ne kemi bindjen që ka ardhur koha që të gjitha forcat demokratike, të djathta apo të majta duhet të bashkohen për të përhapur epokën e re të sundimit të ligjit. Kjo pasi problemi më i madh i vendit tonë është arbitrariteti," është shprehur deputeti opozitar Preç Zogaj. Ndërkohë pritet të shpallet sot strategjia e PD-së për protestat që do të fillojnë së shpejti. Sipas zyrtarëve të PD-së, strategjia e protestave është në funksion të mbrojtjes së votës së lirë. Ata thanë se ideja e takimit të sotëm me intelektualët lidhet me një detyrim moral që PD-ja u ka atyre mijëra qytetarëve të Tiranës që me datën 12 Tetor dolën për të ushtruar të drejtën e tyre të votës në adresim të Partisë Demokratike dhe nuk u lejuan ta ushtrojnë atë në mënyrën më barbare dhe të pabesueshme që mund të tregohet. Paralelisht janë thirrur aktivet e N/Degëve të Partisë Demokratike të Tiranës të cilat përfundojnë ditën e diel dhe në të cilat do të diskutohen dhe përcaktohen modalitetet e organizimit dhe menaxhimit të protestave.

[Albo]

Tirana sheh në ekran masakrën Celi(su)bashi

"Kjo është arsyeja që në 127 kuti votimi nuk ekzistojnë tabelat e rezultateve, sepse u fabrikuan tabela në të cilat është e shkruar e bardhë mbi të zezë: Edvin Rama 804 vota, numri i përgjithshëm i votuesve 405"

Provat e manipulimit të zgjedhjeve në Tiranë ka paraqitur dje forca kryesore e opozitës PD, në takimin me intelektualët e kryeqytetit. Fatos Nano dhe kreu i KQZ-së Celibashi kanë qenë në qendër të kritikave të djeshme të opozitës dhe kryetarit të PD-së Sali Berisha përfshirë edhe folësit e tjerë si Spartak Ngjela, Ilir Rusmali, Fatos Hoxha etj.. Nëpërmjet një monitori të madh të pranishmit kanë ndjekur provat e manipulimit dhe të falsifikimit të zgjedhjeve të 12 tetorit. Pamjet e tabelave të rezultateve me mospërputhje në shpërndarjen e votës dhe procesverbalet me firmat e falsifikura të Perikli Dhalesit kanë qenë më të spikaturat e takimit dhe më të komentueshmet ndër të pranishmit. Qëllimi i takimit ka qenë për të paraqitur para të pranishmëve dhe medias prova të pakundërshtueshme sipas të cilave u përjashtuan nga e drejta e votës, jo dhjetëra apo mijëra, por dhjetëra mijëra qytetarë të Tiranës dhe po kaq të Durrësit dhe të Shkodrës. "Ne disponojmë dokumenta të pakundërshtueshme për 53 % të qendrave të votimit në Tiranë, sepse për fat të keq, për 47 % të qendrave të votimit, këto dokumenta janë të ndryra në kutitë e qendrave të votimit, pasi komisionerët menduan se do ishin më të vlefshme, pjesë e dokumentacionit që dërgohej në KZQV. Por nga dokumentacioni që ne kemi, rezulton se 10,300 qytetarë u paraqitën ditën e votimit në këto qendra dhe në rast se mesatarizojmë për të gjitha qendrat, i bie dyfish pothuajse ky numër. Në rast se marrim vetëm këta dhe supozojmë se s'ka patur asnjë tjetër në 47 % të qendrave të tjera, i takon të jenë 10 % e qytetarëve të Tiranës që u paraqitën atë ditë për të votuar", është shprehur kryetari i PD-së Sali Berisha. Kryetari i PD-së Sali Berisha ka denoncuar Fatos Nanon, Edi Ramën dhe Ilirjan Celibashin si njerëzit që kanë manipuluar procesin zgjedhor duke paralajmëruar Edi Ramën se nuk do të mund të gëzojë një mandat të vjedhur.

Akuzat e Berishës lidheshin me veprimin e organizatës "Hakmarrja për Drejtësi", Policisë Bashkiake dhe banda të tjera të kryeqytetit që sipas tij u vërsulën natën e 12 Tetorit mbi komisionet, komisionerët dhe qendrat e votimit, pasi Edvin Rama e pa se kishte humbur. Sipas Berishës, këtë njerëz rrëmbyen kutitë e votimit, dizinformuan komisionet, dhe urdhëruan t'i çojnë kutitë në KZQV-të e njësive në kundërshtim me ligjin. "Kështu ndodhi që KZQV e Bashkisë Tiranë nuk mori kutitë sipas ligjit. Me 14 tetor, Celibashi, ky bandit që përfaqëson një nga kriminelët më të rrezikshëm të kombit e të vendit (ky është gjykatësi që ka liruar, ka shpallur të pafajshëm vrasësin kryesor të "Hakmarrjes për drejtësi" Kreshnik Spahiun) urdhëroi KZQV-të t'ua japin edhe një herë komisionerëve kutitë e votimit, të përfundojnë në Bashkinë e Tiranës dhe në Selinë e PS-së dhe pastaj të dorëzohen. Kjo është arsyeja që mbi 250 kuti votimi janë jashtë çdo kushti ligjor" ka pohuar Berisha. Në këtë situatë PD-së iu kërkua nga ndërkombëtarët që të provonte nëse këta zgjedhës janë zgjedhës të PD-së. Berisha u shprehu mirënjohjen e PD-së, të gjithë atyre 8300 qytetarëve, të cilët lëshuan deklarata me shkrim që ishin paraqitur tek qendrat e votimit dhe ishin votues të PD-së. "Ne faktuam që 83% e atyre që u paraqitën për të votuar ishin votues të PD-së, sepse pati edhe të tjerë që nuk kishin votuar, por nuk patën kurajë të deklaronin votën dhe nuk donin të deklaronin, që është diçka normale. Ne faktuam, tha Berisha, se ishin 11,200 qytetarë që kanë patur emrat në qendrat e tyre të votimit në listat paraprake dhe u janë hequr për qëllime politike në listat paraprake. Po të shtojmë këtu edhe 4500 të tjerë, emrat e të cilëve u dërguan nga KZQV tek banda Celibashi-Subashi dhe nuk u shtuan në lista për votime, e merrni me mend se çfarë masakre është bërë në Tiranë", është shprehur Berisha. Sipas tij duke llogaritur edhe 47 kutitë dokumentacioni i të cilave nuk është përpunuar, i bie që në Tiranë mesatarisht 20 mijë qytetarë mbështës të PD-së të mos kenë votuar.


--------------------------------------------------------------------------------

Berisha bën thirrje për pjesëmarrje masive në protestën e së hënës

Gjatë takimit të djeshëm kryetari i PD-së Sali Berisha u ka bërë thirrje qytetarëve të Tiranës që të mbushin masivisht sheshin Skënderbej në orën 12 të drekës për të protestuar fuqishëm ndaj manipulimit të votimeve të 12 tetorit. Ai tha se PD do të fillojë potesta dhe nuk "do të tërhiqemi kurrë pa rikthyer votën e lirë, pasi e ardhmja demokratike e një kombi të lirë fillon tek vota e lirë. Shqiptarët e kishin lirinë dhe votën e lirë, por këtë ua rrëmbeu Fatos Nano, i cili është armiku më i madh i lirisë dhe votës së lirë", u shpreh kryetari i PD-së.


--------------------------------------------------------------------------------

Ngjela: Pas betejës ligjore, beteja në rrugë

Kandidati i opozitës për kreun e bashkisë së Tiranës, Spartak Ngjela, duke iu drejtuar të pranishmëve në takim, theksoi se e vetmja mënyrë e mbetur është ajo e protestave pas shfrytëzimit institucional të kërkesave të tij të ligjshme. Ai u ka kërkuar të pranishmëve dhe qytetarëve të Tiranës në fjalën e tij që të rivendosin ekuilibrat e prishur nga abuzimi me pushtetin nga "qeveritarët banditë".

"Pasi i mbaruam të gjitha rrugët ligjore, nuk na mbetet gjë tjetër veçse të protestojmë për votën e lirë dhe të drejtat tona legjitime, pasi e ardhmja e demokracisë në Shqipëri është e rrezikuar", ka pohuar Spartak Ngjela në fjalën e tij para qindra vetëve në sallën e TOB-it..

[Honezmi]

Eshte e vetmja menyre per te hequr nga pushteti kete bande hajdutesh qe po shakaterojne per dite Shqiperine.
Nuk munde te presesh drejtesi nga ligjevenes te korruptuar e te emeruar ne ato poste nga kjo bande hajdutesh.

Po dilni dhe permbysini keta barbare pushtetare te pa ngopur ......oooooo POPULL i mjereeeee

[glaukus 001]

Ja edhe varianti i djeshem ne Gjeorgji qe disa mund te perpiqen ta sjellin edhe ne Shqiperi duke pare edhe egersimin e situates ne vend :

trokit =>> KETU<<==

Parlamentarët janë larguar nga salla e parlamentit. Shevernaxe gjithashtu u largua i shoqëruar nga truproja të tij.

Zoti Shaakashvili fillimisht e bëri deklaratën për revolucion jo të përgjakshëm të premten gjatë një proteste kundër qeveritare në kryeqytetin e vendit Tbilisi.

Sipas shifrave zyrtare në zgjedhjet e fundit parlamentare, blloku i presidentit fitoi më shumë vota se çdo forcë tjetër politike.

Por grupe të opozitës dhe vëzhguesit ndërkombëtarë i kanë cilësuar zgjedhjet si thellësisht të parregullta.

[krokodili_73]

Nje kenge per protestuesit e ardhshem te gjeorgjise, me falni shqiperise

Para ne lufte perpara urra urra
ne barrikada proletare urra urra
rendin borgjez ne ta shkaterrojme

Politika e rruges historikisht e ka me te lehte ta gjeje veten rrugeve sesa ne institucione. Ajo e ndien veten keq ne parlament, ajo e urren parlamentin e institucionet e tjera qe kerkojne ta fusin ne vrazhden e ligjit, ajo do anarki, mejdan ku te shpalose aftesite e saj luftarake guerrilase. Dhe pasaj na thone pse jeni me bisht ju shqiptaret...

[Wordless]

kot s'na thone sllavet e greket qe e kemi prejardhjen nga malet
a Kaukazit ... !!!
Sapo degjova nje fjalim te Z. Berisha! Duhet te kete dicka
mangut ai njeri ose ben vete!!! Edhe nese ka shume te
verteta ne ato qe thote, menyra se si gerthet ja rrezojne
vlerat. Qe te arrish te degjosh mesazhin e tij duhet qe te
kesh nje seri filtrash:
-zbutes toni
-zbutes i frekuencave te larta
-zbutes i ndryshimeve te vrazheda te frekuencave
-metamorfozim i zerit ne forme njerezore

Mbasi te aplikosh keta filtra arrin ne nje nivel te kenaqshem
e te degjueshem (kuptohet qe ka akoma vend per
permiresim) e me ne fund merr vesh i qete ate qe Z. Berisha
donte te thoshte.
Nejse, toni i Z. Berishe eshte dytesor, rendesi ka puna dhe mesazhi qe percjell.

Mendoj qe sot Opozite ka hapesire ligjore mese te mjaftueshme
per te shmangur luften guerrile te ciles ju shmangem ne 1990-en kur kishte vetem duart dhe zerin per arme. Por fatkeqesisht
zgjedhjet e 1996-s dhe kokefortesia e 1997-s, ku Z. Berisha pranoi
shkaterrimin e shtetit nga themelet ne vend te karriges
se tij me bejne teper teper pesimist ne shancet e opozites
per nje fitore te re me zgjedhje te lira. Para se te
rivije ne pushtet opozite duhet te rifitoje besimim e popullit,
kudo ne Shqiperi, Veri, Jug, Malesi, Laberi, qytet, fshat ....

PD duhet te rikthehet tek prejardhja e saj, studentet dhe
inteligjenca e re e forumur jashte e brenda vendit, duhet
te distancohet fizikisht nga gjithe individet komprometues
te ish kastes se kuqe (fatkeqesisht i pari duhet te jete Z. Berisha
i cili duhet te ndergjegjesohet qe eshte ne vendin e gabuar),
duhet te mbeshtetet tek shtresa e varfer, produkt i 50 vjet
skllaverie dhe 13 vjet anarshie.
Me nje fjale PD duhet te rikethehet tek idealet e Dhjetorit,
ti jape fund politikes klanore, fisnore e krahinore, dhunes se
rruges. Sot jemi te qeverisur nga nje bande mafjozesh. Populli
i varfer eshte i ndergjegjshme per kete se merr buken me liste
nen hijen e vilave shumekateshe te baroneve te krimit dhe prape
opozita s'arrin te fitoje zemren e tij!!! Kjo tregon
papergjegjshmerine e drejtueseve te opozite per te pare te
verteten ne sy e te fillojne nje reforme rrenjesore te PD, e ta
ribejne kete parti, Partine e shpresave, te progresit, te
drejtesise.... Nqs nuk behet nje rishikim kritik i vetevetes mos
te presim te na e bejene socjal-komunistet, interesi i tyre eshte
qe gjendja te qelbet gjithnje e me shume tek PD.
Sot ish-baza e PD-se i eshte lene PS-se. PD-ja eshte kthyer nje
Parti ku gjithcka vertitet rreth nje individi. Nderkohe qe PS ka
riaktivuar ish-organizatat baze te Partis, ish-kryesite e
kooperativave, ish-komitetet egzekutive, ish-frontet e lagjeve
te cilet bejne politkie porte me porte si dikur.
PD-ja e ka mbeshtetur luften e saj tek politika rruges te nje grupi
individesh te shkeputur teresisht nga realiteti. Z. Berisha
mendon se duke vajtur njehere ne jave ne Bruksel do i rijepet
karigia e Prsidentit nga Stamo Dumua. Jo Z. Berisha, pushtetin
do ta jape populli te cilin e ke harruar e kurre s'mendove per
te por per nje b.y.t.h.e karrige e fute ne nje rruge pa krye ne
1996-97. Eshte e lete te thuash qe komunistet perfituan nga
situata per te organizuar kunder-revolucjonin dhe rimarrejen
e pushtetit, por kush jua shpuri tek goja ? - paaftesia e nje
individi dhe e tufes se te dallkauko-kopukeve qe e rrethonin.

Z. Berisha te mendoje pak para se te dali rrugeve
e ta fuse vendin ne nje vale te re destabilizimi.
Sot po shkojme drejt nje prespektive per zgjedhje
te parakoheshme. Duhet filluar reformimi perndryshe
socjal-komunistet do ti kemi "peshqesh" edhe per
kater vjete te tjere!!!