A qëndron shteti pas korrupsjonit dhe mafjes ne Shqiperi?

[ALBA]

Plagët e mëdha të shoqërisë shqiptare dhe pengesat e saj reale në integrimin në strukturat europiane, tashmë njihen që janë krimi i organizuar dhe korrupsioni. Sigurisht qe kur flitet per krim te organizuar dhe per infeksione te politikes, ne radhe te pare kuptohen drejtuesit e kesaj politike dhe titullaret kryesore .Askush nuk u thotë, "as Pse?", "as Mos!"Kryeministri Fatos Nano që çdo ditë dhe më shumë shfaqet si një tiran i vertetë i fjalës së lirë, pasi urdhëron ministrat e tij të blejnë mediat kundërshtare, dërgon taksidarët për t’iu mbyllur atyre gojën, për fajin e vetëm se informojnë me objektivitet publikun. Edvin Rama, si korruptori kryesor i mediave ushtron terror dhe kontroll të egër mbi të gjitha mediat lokale dhe kombëtare të vendit.
Hitleri dhe Enveri do t’ia kishin patur zili Fatos Nanos për qendrimin e tij prej tirani ndaj fjalës së lirë.Une mendoj se Shteti fshihet mbas krimit te organizuar dhe mafjes.Ju cfar mendoni.Jepni mendimet tuaja.

[Dita]

Nuk eshte puna thjesht tek mosthenia e "MOS" apo "PSE". Por tek guximi qe mungon qe njerezit t'i kerkojne llogari shtetit per gjithcka qe po ndodh aty, per vjedhjet pafund e per krimin.
Shteti eshte perfituesi i taksave te shtetasve te vet dhe ka per detyre te punoje per ta, duke i dhene sherbim ne kembim te atyre parave qe merr.
Ndaj shtetasit nese denoncojne nje krim te tille te shtetit ndaj tyre ushtrojne nje te drejte te veten, nje te drejte legjitime.
Individe te ngrihen e te grupohen, nje parti ta beje me ze kete denoncim, deri dhe te denoncoje persona konkrete per te cilet ekzistojne deshmi.

Tani permasat jane te jashtezakonshme. Mjaftojne dy tema ketu ne forum, nje per Edi Ramen (temat e shtypit te dites) dhe ajo per Nanon (tek aktualitete shoqerore) per te dhene nje panorame mbi gjendjen


Permbledhja qe ke bere Alba eshte shume e mire dhe le vend per debat te gjere. Uroj qe te ndodhe ne vazhdim.

Une voten time e dhashe.


Pershendetje!

[Honezmi]

Pa diskutim qe qeveritaret qendrojne qendrojne pas korrupsjonit e ne mbrojtje te mafjes .
A s'ishte vete PADRINOJA (Nanua)qe "denoncoje" nje pjese te qeveritarve te tija per korrupsjone e lidhjet me krimin?!
Ku i gjeti parate cifti Nano per te blere qendren e fluturimeve te alikopterve?! etj...etj...
Pa shikoni qe te gjithe qeveritaret e deputetet Socjaliste miren me biznese? ! Ku i gjeten parate ???? Ja vodhen popullit te raskapitur ................

[ganoid]

Ne radhe te pare Alba te pershendes per sondazhin qe ke hap.
Kam nje vrejtje te vogel se qe ne fillim te sondazhit ti ke shprehur bindjen tende dhe ke mbajtur nje ane por megjithate ketu jemi mes nesh dhe pakashume i njohim opinionet e njeri-tjetrit.

Ne lidhje me ato qe ke shkruajtur jam shume dakord dhe mendoj se 95% e pjesmarsve ne sondazh do jen per PO (perfshire edhe mua).
Korrupsioni eshte shume i madh, nuk po them qe ai duhet te jete 0, pasi eshte e pamundur ne asnje lloj shoqerie, por normat e ketij korrupsioni ne Shqiperi jane te papranueshme.

[ALBA]

[QUOTE]Postuar më parë nga mariglennora
[B]Ne radhe te pare Alba te pershendes per sondazhin qe ke hap.
Kam nje vrejtje te vogel se qe ne fillim te sondazhit ti ke shprehur bindjen tende dhe ke mbajtur nje ane por megjithate ketu jemi mes nesh dhe pakashume i njohim opinionet e njeri-tjetrit.

Mariglennora !Une kam ber vetem nje pyetje ke sontazhi,ndersa mesazhi qe kam shkruar, eshte vetem realiteti qe po jetojm me gati 90% te mediave,qe do ishte dhe mendimi im.Ma do mendja dhe ti po e sheh realitetin,e megjithese mund te jesh simpatizant i socialistes.I dua njerzit qe nuk jane me interesa po mbrojn vetem realitetin.Respekt Maringlennora.

[olsen]

si zgjidhet problemi ,lind pyetja?

[bond james]

Mendoj se duhet me kalue nji gjeneratë e vërtetë, derisa këto politicientë nuk shkojnë ne pension nuk dot të ketë ndryshime, dhe mendoj se duhet gjenerata e rre në shqipëri e sidomos studentët e rrij dhe gjith puntorët ,biznismenët etj, që janë në vendet perendimore dhe amerikë duhet të këthehen në shqipëri dhe të mirren me shvillimin e gjithë shoqërisë shqiptare për nji zhvillim ekonomik të vendit për me u çfarosë korupsioni, sepse të
vetmit e perjetojnë metëvertetë demokracinë në këto vende dhe e marrin njifarë shprehi të ndryshme të mentalitetit kulturor të punës ndryshe, nga ai në vendlindje dhe me kohë 20 apo 30 vjet bëhet nji kapërcim mentalitetesh sidomos në zhvillimin e demokracisë dhe dryshimin e sistemit shoqëror

[MENI]

Kush do thot JO dhe Pse?SHpellari apo njerzit pervers qe mban rrotull ai?
Me i rezikshem eshte padrinua i politikes qe ka mberthyer per gryke opoziten dhe nuk e le te thot nje alternative.Cfar mendoni se ky sistem e ka te kollajt te te zbuloj e te te denoj me kete tymnaj qe ngre kryekomunisti,kryedemokrati,kryeballisti,kryezogis ti,hetusie prokurori,ai qe i tregon vendin Amerikes dhe Evropes,ai qe po te doj e mer pushtetin per 4 ore...ai qe i ka mbetur ne goje destabilizimi?Ky popull ska per te marr vesh kurre se cben Nano me shok sa te jet ne kembe Shpellari.

[Albo]

I vetmi person që i shpëtoi operacionit të antimafias Italiane i koduar me emrin “Parajsa” është personi i identifikuar si diplomat i shtetit shqiptar. Prokurori i Leçes firmosi 59 urdhërarresti për organizatën mafioze italo-shqiptare që u dekonspirua nga Di Emidio, ish-kreu i Sacra Corona Unita

Diplomati shqiptar në Romë i implikuar në trafik droge

Ened Janina
TIRANË- Shkatërrohet një organizatë kriminale italo-shqiptare që zhvillonte aktivitetin e saj në zonën e Leçes dhe të Romës. Policia italiane ka firmosur 59 urdhër-arreste ndërkombëtare, për personat e dyshuar për kontrabandë, trafik droge dhe vepra të tjera penale. Sipas angjencive italiane të lajmeve, njëri ndër personat e shpallur në kërkim është edhe punonjës i ambasadës shqiptare në Romë, i cili ka mundur t’i shpëtojë prangave pasi gëzon imunitet diplomatik. Roli i “diplomatit” shqiptar ishte fshehja e drogës dhe e armëve, në mjediset e ambasadës shqiptare në Romë. Organizata italo-shqiptare është “tradhtuar” nga një ish- kryetar familjeje, anëtar i organizatës mafioze Sacra Corona Unita, Vito Di Emidio. Agjencitë italiane të lajmeve nuk kanë bërë publike emrat e personave të dyshuar nga policia italiane si trafikantë apo kontrabandistë, e as emrin e diplomatit shqiptar që akuzohet për trafik lëndësh narkotike.

Hetimet

Goditja e organizatës italo-shqiptare ka filluar nga policia dhe prokuroria e Brindizit në Itali. Agjentët e policisë italiane kishin rënë në gjurmët e një organizate “gjigante” të trafikut të drogës dhe klandestinëve, në të cilën bashkëpunonin shqiptarë e italianë. Menjëherë pas dyshimeve të para, hetuesit italianë u vunë në ndjekje të personave të implikuar në organizatë. Në listën e informatorëve të policisë ishte edhe Vito Di Emidio, i njohur si një ish- eksponent me famë i mafias në zonën e Brindizit. Agjenctë italiane të lajmeve bëjnë të ditur se deri pak vite më parë, ai kishte qënë një nga krerët e “Sacra Corona Unita”. Më pas, Emodio ishte arrestuar nga policia dhe kishte pranuar të bashkëpunonte me drejtësinë. Sipas deklaratave të tij në polici, organizata italo- shqiptare kishte kryer edhe disa grabitje të përgjakura me armë, në argjendari dhe zyra postare, në zonën e Leçes dhe të Romës. Lidhjet e tij me mafian, i kishin dhënë policisë dhe prokurorisë italiane informacione tepër të nevojshme, në lidhje me organizatën italo- shqiptare.
Policia italiane ka filluar më pas të ndjekë dhe të përgjojë anëtarët e kësaj organizate kriminale. Agjentët e veshur civilë, kishin shpenzuar ditë të tëra pas shqiptarëve dhe italianëve , anëtarë të organizatës. Ata kishin kryer disa përgjime ambientale ku shpjegohej qartë aktiviteti i kësaj organizate. Gjithashtu ishin përgjuar telefonat celularë të anëtarëve të organizatës italo- shqiptare.

Operacioni

Pasi kanë grumbulluar të gjitha provat, agjentët e policisë së Brindizit janë paraqitur në prokurori për të firmosur urdhër-arrestet. Çështja është shqyrtuar nga prokurorët e Brindizit, Leonardo Leone De Castris dhe Alberto Santacaterina. Sipas burimeve nga mediat italiane, të gjitha urdhër- arrestet janë firmosur nga prokurori i Leçes, Pietro Baffa. Policia vendase, sapo ka siguruar urdhër-arrestet, ka përgatitur operacionin për arrestimin e të gjithë anëtarëve të organizatës kriminale që bashkon botën e krimit mes dy brigjeve të Adriatikut. Duke qenë se ata kishin shumë lidhje me njëri- tjetrin, operacioni është vendosur të kryhet në të njëjtën kohë, në të gjithë Italinë. Atij iu vu emri i koduar “Paradise” dhe morën pjesë agjentët e policisë së Brindizit, Reparti Operativ Special i Brindizit si dhe policia e shtetit italian. Në një kohë tepër të shkurtër, policia italiane kreu gati të gjitha arrestimet.

Diplomati
Ndër të paktët që i shpëtoi prangave të policisë italiane ishte personi i dyshuar si funksionari i Ambasadës Shqiptare në Romë, emri i të cilit është mbajtur sekret nga policia italiane. Pasaporta diplomatike e ka penguar policinë italiane të arrestojë diplomatin shqiptar, por burimet e mësipëme bëjnë të ditur se ai luante një rol tepër aktiv në këtë organizatë, pasi siguronte lidhjet ndërmjet trafikantëve. Duke përfituar nga imuniteti diplomatik ai mund të lëvizte lirshëm në të gjithë territorin italian. Sipas policisë vendase, dyshohet se ai ishte “magazina” e drogës. Lënda narkotike dhe armët fshiheshin nga diplomati në mjediset e ambasadës shqiptare në Itali. Duke përdorur makinën e ambasadës me targa CD, ai kryente shpërndarjen e lëndës narkotike. Ky funksionar shqiptar kishte një apartament me qera në rrugën Eritrea të Romës. Policia dyshon se në këtë apartament zhvilloheshin shpesh-herë, takimet ndërmjet trafikantëve të drogës. Agjencitë italiane të lajmeve citojnë hetuesin Cataldo Motta, sipas të cilit ky njeri nuk mund të arrestohej dot, për shkak të imunitetit diplomatik. Policia italiane ka si prova materiale disa përgjime telefonike, ku diplomati flet me disa shqiptarë të tjerë për trafiqet. Ndërkohë funksionari i ambasadës është “tradhtuar” edhe nga disa prej të arrestuarve, të cilët kanë treguar lidhjet e tij me aktivitetin kriminal. Mediat italiane kanë aluduar se pas diplomatit fshihet një person me identitetin Drini Bello

KLOSI

Bello, prej 2 vjetësh në SHISH

TIRANË- “Drini Bello është kthyer nga Italia dy vjet më parë dhe është punonjës i Shërbimit Informativ Shqiptar”. Kështu u shpreh dje për “Shekullin” ish- drejtori i SHISH, Fatos Klosi, sipas së cilit Bello punon prej dy vitesh në Tiranë dhe jo në Itali. Ish-kreu i SHISH shtoi se emri i ish-diplomatit Bello mund të jetë përdorur me qëllim, nga qarqe të caktuara për t’a goditur atë. Drini Bello ka punuar në zyrën konsullore në Romë, për më shumë se dy vjet. Sipas Klosit, ai ka dy vjet që është kthyer nga Italia, ku është bërë punonjës i Shërbimit Informativ Shqiptar. Ish-kreu i Shërbimit Sekret shton se një pjesë të kohës, Bello ka punuar me të në SHISH. Klosi është një tjetër person, i cili konfirmon “ngatërresën” e bërë me emrin e ish-diplomatit Bello, gjatë ditës së djeshme. Lajmi për arrestimin e një diplomati shqiptar është bërë publike nga mediat italiane, të cilat e kanë akuzuar këtë diplomat për lidhje me shpërndarësit e drogës në Leçe dhe në Romë.A.B

Shekulli

[ALBA]

Trafikantët e pandëshkuar të policisë shqiptare

Fenomeni i krimit të organizuar dhe trafiqeve të paligjshme ka përfshirë në radhët e tij, edhe njerëz me detyra të ndryshme në Policinë e Shtetit. Madje këta të fundit janë ato që garantojnë suksesin e këtij aktiviteti të paligjshëm, kundrejt shpërblimeve tepër të majme. Megjithëse raste të tilla janë denoncuar disa herë, krerët e Ministrisë së Rendit kanë bërë "një sy qorr dhe një vesh shurdh". Implikimin e policisë me krimin e organizuar dhe trafiqet e paligjshme e ka pasqyruar edhe raporti i më i fundit i Departamentit Amerikan të Shtetit. Në këtë raport midis shifrave të tjera për nivelin e trafikut në vendin tonë, është prekur edhe tema e implikimit të uniformave blu në këto trafiqe. Sipas raportit megjithëse janë konstatuar 31 raste të implikimit të policëve në trafiqe të ndryshme, vetëm një polic është dënuar nga drejtësia shqiptare me një masë dënimi tepër të lehtë. Ky fakt përbën me të vërtetë një shqetësim serioz pasi vihet në pikëpyetje të madhe efektiviteti i luftës kundër krimit të organizuar (i trumbetuar aq shumë nga qeveritarët).

Ndërkohë nga ana tjetër tregon edhe një herë lidhjet e ngushta të krimit me eksponentë të veçantë në administratën shtetërore. Këto të fundit pasi zbulohen, largohen me dëshirë nga puna pa mbajtur asnjë përgjegjësi penale, ndërkohë që kanë siguruar të ardhura sa për dhjetëra vite pune në radhët e policisë. Përveç faktit të mësipërm, janë me dhjetëra raste të tjerë që policë të implikuar në trafiqe dhe krime të ndryshme janë pezulluar përkohësisht nga detyra pasi janë zbuluar, dhe pas disa javësh kanë veshur sërish rrobën e policit, pa u hyrë asnjë gjemb në këmbë. Dhe mënyrat e rikthimit në detyrë tanimë janë të ditura dhe nuk kanë nevojë për komente të tjera.

Ndërkohë përkundër këtij realiteti, krerët e Ministrisë së Rendit Publik reagojnë duke pushuar nga puna pesë policë të ruajtjes së objekteve, pasi kishin lëvizur nga vendroja, apo se kishin dremitur pak nën zhegun e vapës. Padyshim se edhe këto veprime janë të ndëshkueshme, por përderisa drejtuesit tregohen kaq të rreptë me disa policë, përse bëjnë të paditurin për disa të tjerë, që përdorin uniformën dhe detyrën për përfitime të paligjshme. Përse policia dhe krerët e Ministrisë së Rendit nuk reagojnë, (ashtu siç kanë reaguar kur gjykata ka liruar ndonjë kriminel të arrestuar prej tyre) kur ndonjë koleg i tyre i arrestuar lirohet nga gjykata? Ky mosveprim lë shteg të dyshosh se policët e inkriminuar gëzojnë mbrojtjen e drejtpërdrejtë të eprorëve të tyre, pasi janë këta të fundit që vazhdojnë t'i mbajnë në detyrë edhe pas sinjalizimeve për implikim të vartësit në trafiqe të paligjshme. Dhe ky realitet i bën tepër qesharake deklaratat "per kriminelët e pabesë".