Topi dekreton ndryshimet në Prokurorinë e Përgjithshme

[tonny2]

Komisioni parlamentar i Ligjeve ka miratuar disa ndryshime në projektligjin e pushtetit gjyqësor. Konkretisht, komisioni vendosi që ligji të përcaktojë emërimin e kryetarëve të gjykatavë të Shkallës së Parë dhe të Apelit me konkurim të hapur. Ky ndryshim është vendosur nga Komisioni pas propozimit të ministrit të Drejtësisë, Enkelejd Alibeaj. Në diskutimet për nenin 14 të draftit që lidhet me kushtet dhe emërimin e kryetarëve të gjykatave, Komisioni vendosi që kryetarët e gjykatave të Shkallës së Parë dhe të gjykatave të Apelit, të cilët në projektligj emërohen nga Këshilli i Lartë i Drejtësisë me propozimin e ministrit të Drejtësisë, emërimi i tyre do të bëhet me konkurim të hapur. Po kështu, në nenin 16 lidhur me kompetencat e kryetarit të gjykatës, pika ç, e cila thotë se kryetari i Gjykatës së Shkallës së Parë dhe kryetari i Gjykatës së Apelit në fillim të çdo muaji, bëjnë planifikimin e gjyqtarëve për gjykimet me objekt vlerësimin e arrestit në flagrancë apo ndalimit, caktimin e masave të sigurisë e të tjerë, i kalojnë kancelarit. Një ndryshim është miratuar edhe në pikën që lidhet me ndjekjen e ecurisë së dorëzimit të dosjeve gjyqësore në përputhje me afatet proceduriale të parashikuara nga ligji. Përsa i përket të nenit 16, të draftit kjo pikë parashikonte që shpallja e listës së ekspertëve të liçensuar, sipas fushave përkatëse të ishte kompetencë e kryetarit të Gjykatës së Shkallës së Parë dhe kryetarit të Gjykatës së Apelit. Me miratimin e anëtarëve të Komisionit, kjo kompetencë i kalon kancelarit. Në nenin 17 për regjistrin e gjyqtarëve, i cili thotë që pranë Këshillit të Lartë të Drejtësisë krijohet regjistri i gjyqtarëve të Shkallës së Parë dhe të gjykatave të Apelit, shtohet edhe gjykatave. Gjithashtu, shtohet një fjali ku në regjistrin e gjyqtarëve mund të ketë akses edhe ministri i Drejtësisë

[DI_ANA]

Komisioni i Ligjeve ndryshon kriteret për t’u bërë gjykatës. Preken kompetencat e kryetarëve të gjykatave dhe Ekzekutivit

Erald Kapri

Komisioni i Ligjeve ka miratuar ditën e djeshme disa procedura të reja për emërimin e gjyqtarëve. Sipas amendimeve të Komisionit, gjyqtarët nuk do të emërohen në rast se nuk do të arrijnë moshën 30 vjeç. Njëkohësisht, deputetët në unanimitet kanë vendosur që kryetarët e Gjykatës së Shkallës së Parë dhe të Gjykatës së Apelit do të emërohen nga Këshilli i Lartë i Drejtësisë pas një konkurrimi të hapur. Sipas projektligjit të qeverisë, parashikohej që krerët e gjykatave të emëroheshin nga KLD-ja me propozim të ministrit të Drejtësisë, por që kjo pikë u ndryshua duke marrë shkas nga qëndrimi i deputetëve opozitarë. Pikërisht ky ndryshim ka përfshirë në një debat të ashpër deputetët e maxhorancës dhe të opozitës, por që në fund u vendos që emërimi i kryetarëve të gjykatave të bëhet nga KLD-ja me konkurrim të hapur. Debati ka përfshirë edhe pjesën e kompetencave që do të ketë kryetari i gjykatës.
Maxhoranca
Gjatë mbledhjes me dyer të mbyllura të Komisionit të Ligjeve ishte i pranishëm edhe ministri i Drejtësisë, Enkelejd Alibeaj, i cili ka mbrojtur idenë se një kryetar gjykate që ka kompetenca të zgjeruara administrative duhet të propozohet nga ministria. Enkelejd Alibeaj mësohet të ketë thënë se ministria pranon të heqë dorë nga propozimi i kryetarit të gjykatës nëse këtij të fundit i reduktoheshin kompetencat administrative, që kanë të bëjnë më administrimin e procesit gjyqësor. Mësohet nga mbledhja e komisionit se është vendosur që kompetencat e kryetarit i kanë kaluar kancelarit të gjykatës. Mbikëqyrja e procesit të organizimit të ndarjes së çështjeve gjyqësore nëpërmjet shortit dhe caktimi i gjyqtarit që do të ndjekë çështjen nuk do të jenë më kompetenca të kryetarit, por të kancelarit. Çështja e shortit të gjyqtarëve për çështjet në gjykim ka qenë një nga pikat më të dobëta të sistemit dhe ka shkaktuar mjaft debate dhe diskutime. Ndryshimet kanë përcaktuar që një tjetër kompetencë e kryetarit që i është kaluar kancelarit është edhe kontrolli i ecurisë së dosjeve gjyqësore për zvarritje në gjykim si dhe ndjekja e ecurisë së dorëzimit të dosjeve gjyqësore të përfunduara. Një tjetër ndryshim në këtë nen ka të bëjë me shpalljen e listës së ekspertëve të licencuar sipas fushave përkatëse. Komisioni i Ligjeve ka rënë dakord që edhe kjo detyrë t’i kalojë kancelarit të gjykatës.
Opozita
Deputetët e opozitës kanë këmbëngulur për ndryshimet e mësipërme duke shkaktuar herë pas here edhe debat. Mësohet që opozita ka kritikuar propozimin e qeverisë sipas të cilit kryetari i gjykatës mund të qëndronte në detyrë vetëm gjashtë vjet dhe nuk mund të riemërohej për mandatin pasardhës. Komisioni ka rënë dakord ta pranojë këtë propozim të opozitës, duke i dhënë mundësi kryetarit që të riemërohet për herë të dytë radhazi, por me mandat 4-vjeçar dhe jo gjashtë siç është aktualisht.


24 Janar 2008 Marre nga gazeta Albania

Ps....Personalisht mendoj se eshte mosha qe duhet per te qene gjykates,le te pergatiten dhe te punojne mbas studimeve si jurista per te marre nje fare eksperience ne terren dhe per tu ndeshur me problemet e ndryshme. Ne drejtesi ka te beje shume pjekuria e moshes...Nuk mund te jete gjykates dikush qe ka moshen 24 vjeçare!Eshte nje pergjegjesi teper e madhe!

Respekte

[DI_ANA]

Xhafaj: Ligj për kufizimin e kompetencave të Topit

Fejzi Braushi
25-01-2008

Fatmir Xhafaj kërkon përcaktimin e një afati kohor, për dekretimin nga kreu i shtetit të gjyqtarëve të rinj

TIRANË- Reforma në sistemin e drejtësisë do të prekë dhe institucionin e Presidentit të Republikës. Bëhet fjalë për ato të drejta që ka kreu i shtetit në lidhje me funksionimin e gjyqësorit në Shqipëri. Partia Socialiste propozon që pjesë e ndryshimeve në ligjin për "Riorganizimin e pushtetit gjyqësor" të bëhet dhe amendamenti për përcaktimin e një afati kohor për dekretimin nga kreu i shtetit të gjyqtarëve të rinj, apo dhe kryetarëve të gjykatave. Nënkryetari socialist i Komisionit parlamentar të Ligjeve ka theksuar dje se reforma e shumëpërfolur e sistemit të drejtësisë duhet të përfshijë dhe kompetencat e kryetarit të shtetit, në lidhje me të drejtën për dekretimet. Sipas tij, në ligjin për gjyqësorin duhet të përcaktohet qartë procedurat dhe afatet kohore të zbatimit nga ana e presidentit të së drejtës së dekretit, gjithmonë kur bëhet fjalë për çështjet e fushës së gjyqësorit. "Aktualisht, kompetencat e Presidentit janë të rregulluara me Kushtetutë. Megjithatë, kjo është pjesë e një debati të bërë në Komisionin e Ligjeve. Diskutimi ynë ka qenë lidhur me mënyrën e dekretimit nga Presidenti të gjyqtarëve. Personalisht, mendoj se kjo është një çështje që do ta debatojë edhe më tej Komisioni dhe Kuvendi. Natyrisht, duhet të ketë procedura që të rregullojnë realizimin e kësaj të drejte që ka Presidenti. Një nga kufizimet që duhet të jetë detyrim i tij, është se Kreu i Shtetit duhet të ketë një afat të caktuar për t'u dhënë përgjigje propozimeve që bën KLD",- tha Sekretari socialist për Çështjet Ligjore, Fatmir Xhafaj. Megjithatë nga burime pranë PS-së bëhet e ditur se, një propozim i tillë pritet të bëhet edhe në rastin kur të diskutohet çështja e reformimit të institucionit të Prokurorisë. Edhe në këtë rast do të kërkohet që dekretimi i prokurorëve të rinj nga ana e kreut të shtetit, të bëhet brenda një afati të përcaktuar në ligj. Deri më tani kreu i shtetit nuk ka pasur një kufizim kohor në këtë drejtim, duke sjellë shpeshherë dhe anomali në funksionimin e gjykatave apo edhe prokurorisë. Ndërkohë që një ndryshim tjetër që pritet të bëhet, është edhe ai për betimin e gjyqtarëve. Kështu, ndryshe nga tani, grupi i ekspertëve që po punon pranë Komisionit të Ligjeve për reformën në drejtësi, ka propozuar që betimi i gjyqtarëve të mos bëhet më përpara Presidentit, por përpara KLD-së. Megjithëse, deri më tani ky propozim nuk është miratuar nga deputetët në komision, zëra të ndryshëm pranë tij, bëjnë të ditur se kalimi i procedurës së betimit para KLD-së i lidh gjyqtarët më shumë me këtë institucion, pjesë e të cilit është dhe vet kreu i shtetit, si kryetar i tij.

Marre nga gazeta "Shekulli"

[AlbaneZ]

Transferon bashkëpunëtorët e ngushtë të ish-kryeprokurorit dhe hetuesin e Durrës-Kukës. Degdiset në Krujë ai që hetoi "Hajdarin"

Pasditja e djeshme ka "zhytur" në një kaos institucionin e akuzës. Dhjetëra prokurorë, kryesisht njerëzit e ngushtë të ish-kryeprokurorit Theodhori Sollaku, janë transferuar në prokuroritë e rretheve. Gjithçka është zyrtarizuar me një dekret të Presidentit Bamir Topi. Thirrjet e vazhdueshme të politikës për një reformë të thellë në organikën e akuzës qendrore, kanë pasur miratimin e kryeprokurores Ina Rama. Kjo e fundit, për rreth dy muaj në krye të prokurorisë, ka hartuar listat, ku lëvizja kryesore është e drejtorit të marrëdhënieve me jashtë, në akuzën qendrore, Ardian Visha, i cili emërohet në Prokurorinë e Apelit Gjirokastër. Rama ka transferuar edhe prokurorin Haxhi Giu, që kryesoi hetimet për vrasjen e Azem Hajdarit, i cili do të vazhdojë karrierën në Krujë.

Akuza qendrore

Më dorë të hekurt, kryeprokurorja Ina Rama ka kryer disa transferime në akuzën qendrore. Madje, nuk i kanë shpëtuar edhe prokurorët e Durrës-Kukës. Duket se takimet e Ina Ramës me Kryeministrin Berisha, në javët e fundit, ku zyrtarisht u kërkua kaseta e mbledhjes së qeverisë, kanë vijuar me lëvizjen e prokurorit Xhevat Hana, një prej drejtuesve të çështjes. Ky i fundit është emëruar prokuror në Prokurorinë për Krime të Rënda. Gjithsesi, ky veprim duket se i ka befasuar hetuesit e çështjes, të cilët ende kanë të njëjtin mendim me ish-kryeprokurorin Sollaku, se rruga "patriotike" po ndërtohet duke shkelur ligjet e shtetit shqiptar.

Janë gjithsej 14 prokurorë, të cilët janë transferuar nga zyra e Prokurorit të Përgjithshëm. Më konkretisht, Saliko Hajno, i cili ka udhëhequr Drejtorinë e Gjyqësorit, është transferuar në Shkodër. Aleksandër Goga, në Drejtorinë e Hetimit, ka shkuar në Prokurorinë e Apelit Vlorë. Lëvizjet e tjera janë të prokurorit të çështjes së vrasjes së ish-deputetit të Partisë Demokratike, Azem Hajdarit.

Prokuroritë e rretheve

Pas gati dy muajve në krye të institucionit të akuzës, kryeprokurorja Ina Rama ka nisur dhe reformë të thellë në prokuroritë e rretheve, ku fillimisht ka emëruar drejtuesit e saj. Një lëvizje befasuese e Ramës ka qenë emërimi në krye të Prokurorisë së Durrësit të Arian Ndojës, i shkarkuar nga Sollaku për abuzime me detyrën. Madje, Ndoja ka fituar gjyqin në Gjykatën e Lartë, por pa mundur të rifitojë një pozicion në prokurori. Kryeprokurorja Ina Rama ka emëruar Sokol Malajn, një nga prokurorët me frytdhënës në Prokurorinë e Krimeve të Rënda, drejtues i Prokurorisë së Vlorës. Malaj ka kryesuar hetimet për disa nga bandat më famëkeqe në Shqipëri, si ajo e Lul Berishës. Një tjetër prokuror i suksesshëm te Krimet e Rënda është emëruar në krye të Prokurorisë së Shkodrës. Përparim Kulluri ka drejtuar hetimet për Bandën e Lushnjës dhe aktualisht vijonte hetimet për masakrën e Qafë-Gjashtës në Sarandë, ku ekzekutua një punonjës i policisë. Ndryshime ka pasur edhe në Prokurorinë e Tiranës. Ina Rama ka emëruar në krye të kësaj prokurorie, Genti Xholin, deri dje prokuror në njësinë antikorrupsion. Xholi prej disa muajsh vijonte hetimet për ish-zëvendës ministrin e Transporteve, Nikolin Jakën dhe tatimorët. Gjithashtu, është emëruar në krye të Prokurorisë së Elbasanit Elvin Gokaj, ndërsa në Fier, Altin Binaj.


Drejtuesit e rinj të prokurorive:

Në Tiranë, Genti Xholi

Në Vlorë, Sokol Malaj

Në Shkodër, Përparim Kulluri

Në Elbasan, Elvin Gokaj

Në Fier, Altin Binaj


Transferimet e Prokurorisë së Përgjithshme


Saliko HAJNO, transferohet prokuror në Prokurorinë e Apelit Shkodër

Aleksandër GOGA, transferohet prokuror në Prokurorinë e Apelit Vlorë

Valentina AHMETAJ, transferohet prokurore në Prokurorinë e Apelit Tiranë

Mihallaq BLETA, transferohet prokuror në Prokurorinë e Rrethit Gjyqësor Lezhë

Ylli BASHA, transferohet prokuror në Prokurorinë e Rrethit Gjyqësor Lushnjë

Ardian VISHA, transferohet prokuror në Prokurorinë e Apelit Gjirokastër

Zamira GJEBERO, transferohet prokurore në Prokurorinë e Rrethit Gjyqësor Tiranë

Artan LULAJ, transferohet prokuror në Prokurorinë e Apelit për Krime të Rënda

Shkëlqim KOKONA, transferohet prokuror në Prokurorinë e Apelit Tiranë

Ylli BEDALLI, transferohet prokuror në Prokurorinë për Krime të Rënda

Stiliano BANDILLI, transferohet prokuror në Prokurorinë e Apelit Ushtarak

Haxhi GIU, transferohet prokuror në Prokurorinë e Rrethit Gjyqësor Krujë

Xhevat HANA, transferohet prokuror në Prokurorinë për Krime të Rënda

Ledina RIZA, transferohet prokuror në Prokurorinë e Rrethit Gjyqësor Tiranë

Shkarkohet

Bashkim Malaj

© Gazeta Shqip

[Antimafia]

Perderisa Parlamenti dhe Presidenti e hoqen kryeprokurorin nga detyra per pune jashtzakonisht te dobet, ateher eshte me se normale qe edhe stafi i tij te levizet nga prokuroria e pergjithshme.

[vagabondo_nyc]

Shume dakord Antimafi.

Po kam hall se kjo cuca e re kryeprokurore nuk i njeh as kush jane as ca kane bere kta prokuroret e rinje qe do sjell kjo.


Ne Amerike a i ke pa si i jane kta te drejtesise shumica neper karroca ose kush o ne kembe mezi ec se ka shume vite ne supe. Dhe kur ke shume vite pune ne supe e di mire ca pune ka ba x dhe ca pune ka be y.

[derjansi]

a thu jan ka e arrestojn Taulant Dedjen qe e paten akuzu drejt per drejt per organizimin e vrasjes se Azem Hajdarit?

apo e lau fajin me voten qe i dha Bamir Topit?

[tonny2]

Ulja në detyrë e 14 “bashkëpunëtorëve të Sollakut”, të cilët u larguan nga funksionet që mbanin në zyrën e Prokurorit të Përgjithshëm është argumentuar dje me shkurtimin e organikës.

Trazhgim Sokolaj

Numri i funksioneve organike në zyrën e kryeprokurores është parashikuar të shkurtohet ndërsa punonjësit që kryenin funksionin aty janë transferuar në prokuroritë e rretheve, ku në fakt zhvillohet procesi kryesor dhe “dora e parë” e hetimit të çështjeve penale. Burime zyrtare nga zyra e Prokurores së Përgjithshme thanë se, kjo strukturë është ristrukturuar dhe sipas skemës së re në organikën e saj është vendosur të ketë shkurtim në numrin e prokurorëve. Ky ka qenë motivacioni zyrtar që zyra e Kryeprokurores Ina Rama artikuloi si shkak të largimit në detyra më të ulëta në rrethe për 14 prokurorë të cilët mbetën në funksionet që kishin që pas largimit të ish-prokurorit të Përgjithshëm Sollaku deri tri ditë më parë. Me propozim të Kryeprokurores Ina Rama, të hënën, Presidenti Bamir Topi vendosi transferimin në rrethe për 14 prokurorë që ushtronin detyrat e tyre pranë Zyrës së Prokurorit të Përgjithshëm. Nga 14 prokurorët e larguar tashmë prej zyrës së Prokurorit të Përgjithshëm, të gjithë janë transferuar në institucionet më të ulëta të organit të akuzës si në Prokuroritë e Apelit në Vlorë e Gjirokastër, në Prokurorinë e Krimeve të Rënda apo edhe në Prokurorinë e Tiranës. Tre prej emrave kryesorë që u ulën në detyrë, ishin prokurori Ardian Visha, drejtor i sektorit të Marrëdhënieve me Jashtë pranë Prokurorit të Përgjithshëm dhe dy prokurorët Haxhi Giu dhe Aleksandër Goga. Pasi ka sqaruar shkakun e lëvizjes në detyrë të 14 prokurorëve të Prokurorisë së Përgjithshme, kryeprokurorja është ndaluar tek rasti i Prokurorit Xhehat Hana, i cili po merr pjesë në hetimet për rrugën Rrëshen-Kalimash, ku i akuzuari kryesor është ministri i Jashtëm Lulzim Basha.
Prokurori i Bashës
Prokurorja e Përgjithshme, Ina Rama përgënjeshtroi dje pretendimet mediatike për shkarkimin nga detyra të prokurorit Xhevat Hana që po merr pjesë në hetimet për rrugën Rrëshen-Kalimash. Duke iu referuar akuzave të opozitës dhe publikimeve në disa media, zyra e Prokurores së Përgjithshme sqaroi dje se Xhevat Hana do të jetë në grupin e prokurorëve të dosjes “Rrëshen-Kalimash” deri në përfundim të hetimeve. Në këtë mënyrë, Kryeprokurorja Rama hodhi poshtë pretendimet për presion ndaj prokurorëve që po hetojnë dosjen e rrugës Durrës-Kukës përmes shkarkimit të prokurorit Xhevat Hana. “Me propozim të Prokurores së Përgjithshme Ina Rama dhe dekretit të Presidentit të Republikës, Bamir Topi, prokurori pranë Zyrës së Prokurorit të Përgjithshëm Xhevat Hana është emëruar prokuror pranë Prokurorisë për Krime të Rënda. Në procesin hetimor të rrugës “Rrëshen – Kalimash”, pjesë e autostradës Durrës–Morinë, në grupin e prokurorëve përveç Xhevat Hana, bën pjesë dhe Arben Kraja, i cili ka qenë dhe është përgjegjës i grupit hetimor dhe vazhdon të drejtojë hetimet dhe të punojë në zyrën e Prokurorit të Përgjithshëm”, pohuan burimet zyrtare nga zyra e Prokurores së Përgjithshme. Sipas tyre, në emërimin e prokurorit Xhevat Hana në Prokurorinë për Krime të Rënda është pasur parasysh që në këtë prokurori hetohen krime të rënda dhe serioze ku kërkohet të ketë prokurorë me eksperiencë dhe të vendosur në përballjen kundër kriminalitetit. “Xhevat Hana, pavarësisht se është emëruar në Prokurorinë për Krime të Rënda ai nuk është larguar nga grupi i hetimit, pasi është i komanduar me urdhër të Prokurores së Përgjithshme Ina Rama, për të vazhduar hetimet e procesit të rrugës Rrëshen–Kalimash deri në përfundim të hetimeve”, thanë burimet zyrtare nga zyra e kryeprokurores. “E shikojmë të arsyeshme të sqarojmë se procesi hetimor në lidhje me Remzi Hoxhën ndodhet i regjistruar dhe kryhen hetime nga një grup prokurorësh të Krimeve të Rënda. Në këtë proces hetimor, Xhevat Hana ka qenë dhe vazhdon të jetë i emëruar përgjegjës i grupit hetimor për zbardhjen e procesit hetimor, ku do të vazhdojë të kryejë këtë detyrë”, sqaruan më tej burimet e Prokurorisë.

[hihi]

a thu jan ka e arrestojn Taulant Dedjen qe e paten akuzu drejt per drejt per organizimin e vrasjes se Azem Hajdarit?

apo e lau fajin me voten qe i dha Bamir Topit?

Te lumte goja o zoti Derjansi! Asnje qe atehere nuk e kam degjuar te flase keshtu si ju. Vetem ai (Taulanti) munde te hedhe drite te qarte mbi ate vrasje te shekullit.
Ai duhej te ishte i pari para drejtesise sepse ai ishte i plotefuqishjmi i qeverise per Tropojen ne ate kohe dhe ai i futi ne qorrsokak organet e hetuesise e policise shqipetare,ai mbuloi faktet e te vertetat duke mashtruar ne menyre te turpshme te nesemen e ngjarjes.Duke mos harruar se te gjithe stafin e komisariatit te Tropojes e emroj ai dhe vetem ai duke vene kriminelet ne ruajtjen e rendit ne Tropoje.
E kete e din mire vetem ai.Shpresoj se me kete shkendije qe leshuat ju zoti Derjansi do te dridhet nje fije Taulanti.Pra duhet ta dije prokuroria shqipetare se Taulanti e ka vendin ne burg. Te falenderoj Derjansi .

[MaDaBeR]

Po perderis kryeprokurori u shkarkua per pune te dobet mendoj se dhe administrata e tij nuk ka qene ne lartesine e duhur ne punen qe ka bere ndaj kane ardhur dhe keto shkarkime e dekretime te reja.

Urojme te pakten tani te bejne punen e tyre ashtu si duhet dhe mos kemi me kontestime nga asnjera ane per punen e prokurorise. Uroj qe te rishqyrtohen dhe ato dosje qe me urdhera nga lart u lane ne harrese.