Zog me dy koka

[BOKE]

Çudia e radhës, lind zog me dy koka

Kujtim Boriçi

LIBRAZHD- Nje zog me dy koka, është çudia e radhës në një familje që banon në periferi të Librazhdit, pikërisht në atë racë pulash dhe në të njëjtën familje ku rreth 6 muaj më parë, ndodhi paradoksi, gjeli bëri një vezë. Këtë radhë specialistët e vënë përballë një fakti të pamohueshëm (pasi në rastin e parë kameramani i "Vizion-Plus", teksa filmonte theu pa dashje vezën e gjelit), të japin dhe versionet e tyre për këtë paradoks biologjik, që renditet pas shumë të tjerëve në këtë trevë. Gjithçka, sipas burimeve për gazetën, ka ndodhur mesditën e një dite më parë në familjen e Ll.Vallës, në periferi të qytetit të Librazhdit, i njohur si specialist veteriner, por dhe mbarështrues i kafshëve e shpendëve shtëpiakë. Nga 10 vezë që ishin vënë për të nxjerrë zogj atë ditë, shton Llazi, njëra prej tyre ishte e çuditshme. “Unë jam vetë zooveteriner, tashmë në pension prej vitesh, por me një eksperiencë të gjatë në profesion, e këto paradokse të kohëve të fundit, për mua janë produkt i prishjes së ekuilibrave bioligjikë. Por dyshoj se si në rastin e parë (gjeli bëri vezë) e tani me zogun me dy koka, ka ndikuar ushqimi që përdor për pulat”,- shton për gazetën Llazi. Ai tregon se pulat që mbarështron, i ushqen me misër të sjellë nga Bullgaria, që dyshon se është i modifikuar gjenetikisht, pasi ai ndryshon nga pamja dhe forma e misrit tradicional. Për paradoksin në fjalë, edhe specialistë të kontaktuar evidentojnë si shkak prishjen e ekuilibrave biologjikë, ndotjen e atmosferës, ndërsa ndikimi i ushqimit, as nuk përjashtohet dhe as nuk mohohet si hipotezë. Ndërkaq zogu me dy koka, është parë me kurreshtje dje edhe nga dhjetëra banorë. Çudia e radhës, zogu me 2 koka, vjen pas disa rasteve si tilla. Kështu në këtë zonë mushka ka pjellë dy herë, ka lindur pulë me katër këmbë, viç pa organe gjenitale, dash me katër brirë etj.

"Shekulli"

[BOKE]

Në Vlorë lind qengji me tre këmbë

Vlorë-Pas çudive të dëgjuara e të ndodhura në rrethet e Shqipërisë së Mesme, një e tillë ka ndodhur edhe në rrethin e Vlorës. Në fshatin Sherishtë të këtij rrethi, një dele vetëm pesë ditë më parë ka lindur dy qengja binjakë, njëri prej të cilëve është një specie e rrallë dhe e padëgjuar. Ai nuk ka katër këmbë, sa kanë të gjithë shokët e tij por vetëm tre. Në vend të dy këmbëve të para, ai ka vetëm një të tillë. Sipas familjarëve ku ka ndodhur çudia e radhës, që po ndodhin si shumë kohët e fundit në Shqipëri, përveç këtij ndryshimi, ai nuk ka asgjë tjetër të veçantë. Ushqehet njëlloj si binjaku i tij, është ngritur tashmë në këmbë dhe rend gati me të njëjtën shpejtësi si edhe qengjat e tjerë.Askush deri tani nuk mund të japë shpjegime për këtë lindje të veçantë të ndodhur këto ditë dhe se si do të vazhdojë jetesa e kësaj specie. Por deri tani qengji vazhdon të rritet normalisht, pa shfaqur asnjë mangësi në procesin e të ushqyerit dhe të zhvillimit. Familja Gjondeda ku ai ka patur “mirësinë” të lindë, e quan këtë një fatmbarësi dhe as që i shkon ndërmend të bëjë tregëti me një lindje të tillë të veçantë. Ata e kanë pagëzuar qengjin me një emër disi ledhatues “Luizi” dhe përkujdesen për të në mënyrë të veçantë, ndonëse ai vazhdon të jetojë mes tufës së qingjave të porsalindur dhe nuk gëzon asnjë privilegj tjetër. Qengji me tre këmbë mund të quhet çudia e rradhës, pas viçit me dy koka dhe gjelit me tre këmbë të lindur në Elbasan. E ndërsa për lindjet e para të këtyre kafshëve me anomali, mjekët dhe veterinerët ja kanë vënë fajin ndotjes së ambientit në Elbasan, këtë rradhë për qengjin me tre këmbë në Vlorë kanë mbetur pa gojë. Në Shqipëri lindjet e kafshëve me anomali të tilla tashmë po bëhen rutinë, pasi në një fshat të Elbasanit disa vite më parë edhe një mushkë kishte mbetur shtatzanë.

"Sot"

[iliria e para]

ka shume keso rastesh ku kan lindur kafshe me 2 koka
ja nje nga museu i veterinarise ne suedi
vii me dy koka





http://www-skara.slu.se/museum/utst.html

[Darius]

Ja dhe informacioni per lindjen e qingjit me tre kembe shoqeruar me nje foto. Informacioni eshte botuar ne forumin tone nga dikush tjeter por une nuk e spostoja dot dhe po e hedh ketu me emrin tim. I kerkoj falje anetarit qe e ka botuar por ishte menyra e vetme dhe ketu eshte dhe tema e sakte per kete dukuri:


--------------------------------------------------------------------------------

Për kafshën e çuditshme banorët e zonës thonë se është një ogur i keq

Vlorë, lind një qengj me tri këmbë

Ermal SIKA

VLORE – Një qengj me tri këmbë. Kjo është çudia që është shënuar në fshatin Sherisht të Vlorës. Qengji i sapoardhur në jetë ka vështirësi në të ecur, ndërsa nuk mund të vrapojë për t’u ushqyer si qengjat e tjerë drejt deles që e solli në jetë. Kjo gjë e rrallë ka ndodhur pikërisht në fshatin Sherisht të Vlorës, disa kilometra larg nga qyteti, ndërsa aktualisht qengji, i cili tashmë është pagëzuar me një emër të marrë nga telenovelat, është vetëm pesë ditësh. Banorët e zonës thonë se ky është një lajm tepër i rrallë për këtë zonë, madje dhe për të gjithë vendin, por është gjithashtu dhe një ogur jo i mirë, pasi gjëja e gjallë është me gjymtyrë të përgjysmuar. Me gjithë këtë, për familjen Gjondedaj ku është pritur qengji, ai është një fat, pasi mund të kushtojë goxha para për ata që mbledhin koleksione dhe padyshim ky është dhe qëllimi i kësaj familjeje. E zonja e shtëpisë, Liljana Gjondedaj, për gazetën “Tirana Observer” ka folur për momentin që e priti me duart e saj qengjin që lindi. Por ajo nuk e mohon faktin se qengjin mund ta përdorë edhe për qëllime përfitimi, duke e kthyer kështu qengjin në më të privilegjuarin e tufës. Në një intervistë për gazetën, Liljana Gjondedaj tregon se madje i ka vendosur dhe një emër shelegut. Ai tashmë do të gëzojë një emër të një aktori të telenovelës, Luisi.

Si e pritët lindjen e këtij qengji?
Në fakt është një gëzim dhe diçka e rrallë për familjen tonë, për fshatin, por mendoj dhe për gjithë vendin. Këto janë gjëra të rralla, nuk janë të shpeshta. Isha duke pritur qengjat dhe kur shoh se ky sheleg nuk ishte si të tjerët, ai nuk kishte një këmbë. E kam marrë në dorë shelegun dhe nuk dinim se çfarë t’i bënim, madje ziheshim kush ta mbante më tepër në krahë, megjithëse ai ishte i vogël. Kam pasur dhe shumë vizitorë, pasi lajmi u hap shpejt, madje mund të them se u shkul gjithë fshati dhe erdhi këtu.
A keni menduar për emrin e shelegut?
Po, e kemi pagëzuar me emër, ia kemi vënë Luis. Eshtë emri i një telenovele që ne kemi ndjekur.
Çfarë do të bëni me këtë sheleg?
Nëse do të na dalë ndonjë që mund ta marrë për studim, atëherë do ta shesim, nëse jo do ta mbajmë vetë. Nuk do ta therim, por do ta mbajmë në pëllëmbë të dorës, ashtu si mbahen fëmijët e vetëm.
Mendoni se do të ketë probleme, meqë i mungon njëra këmbë?
Them se nuk ka problem, kjo pasi ai do të rritet dhe do t’i forcohen shpatullat. Kështu që Luisi do të jetë si të gjithë të tjerët.
Në fshat thonë se ky është një ogur i keq?
Për ne ky është një fat, nuk di çfarë të them më tjetër.
Sa ditësh është Luisi?
Ai është pesë ditësh, ka lindur në datën 10 dhjetor. Unë e ushqej atë me qumësht me duart e mia, të gjithë e adhurojmë, pasi është i veçantë.

1. Mushka pjell dy herë
Në zonën e Elbasanit është shënuar edhe një rast tjetër i veçantë, kur një mushkë ka pjellë dy herë. Një gjë e tillë natyrisht që shpjegohet nga ana e specialistëve si një prishje të ekuilibrave biologjikë.

2. Lepuri me 2 kokë e 6 këmbë
Një lepur me dy kokë e gjashtë këmbë është një nga kafshët e çuditshme në qytetin e Elbasanit. Një gjë e tillë është shënuar në familjen Gogunja në Elbasan, e cila ka mbetur e shtangur kur ka konstatuar lindjen e një lepuri mostër.

3. Një viç me dy kokë
Një viç me dy kokë ka lindur në fshatin Gjocaj të Peqinit. Viçi kishte dy kokë të ngjitura në qafë dhe ushqehej me dy gojë, me buzët, nofullat dhe gjuhët e veçanta. Ai kishte katër sy, dy hundë dhe katër veshë.

4. Dash me katër brirë
Çudia e radhës është shënuar në një fshat të Cërrikut, kur kishte lindur një qengj me katër brirë. Por çudia nuk mbaron këtu, pasi kohë më pas në fshatin Gjonme erdhi në jetë një viç, i cili nuk kishte organe gjenitale.

5. Pula me katër këmbë
Një pulë me katër këmbë, kjo ka ndodhur në një fshat të Librazhdit. Këmbët e “tepërta” pula i kishte në pjesën e sipërme të trupit. Ndërsa një zog me dy koka është çudia e radhës në një familje që banonte në periferi të Librazhdit.

[Darius]

Si dihet Ca nuk ndodh andej nga Jugu

[fuaddesku]

shum zbulime interesante me shkoj dita ne kete forum shum i mir nejse

[Kreksi]

TA RUAJMI AMBIENTIN !

Neve habitemi mbi misterin e zhdukjes se civilizimeve te lashta se si u zhduken ato dhe se ku vajten ?
Me siguri, kjo eshte teza ime, ne kohnat e lashta kur ndodhte nje fenomen i tille qe ne e quajme biologjike, ata e merrnin se fenomen shkatrrues dhe menjehere vendasit e atije fshati apo i tere qyteti ikte nga vendi per te gjetur strehim diku tjeter, gjoja per t'i ikur te keqes...
Sot qe dikush thot se andej ne jug po ndodhin çudira e jo ne veri?
Pra une mendoje se e ter ky cikel çrregullimi vjen nga vetë njeriu qe e shkatrron natyren me plehera helmues apo me pesticide me ndytje te ambintit ku prej shtazve shtepiake ky fenomen do kaloje se shpejti edhe tek njerzit se kjo eshte e lidhur njera me tjeteren.
Kur i shef njeriu ne disa reportazhe televizive se ku kullosin bagetija neper shqiperi normal se duhet te rrenqethet trupi.
Keto shenja jane vetem se paralajmrime para permbysjes qe ne vete ia kemi ndrequr shtratin.
Jam i bindur qe te gjitha ato burime me uje nenetokesore jane te infektuara. Cili eshte roli i shtetit, kush kontrollon ambientin ne Shqiperi, a çan koken dikush per ndytesirat qe grumbullohen ?
Lopet ushqehen me bari prane rruges se automobilave, delet shkojne e mrizojne neper uzinat e ndryshkura, kiameti ndryshe nuk vjen, e neser mos te habitemi se do lindin edhe njerez me bishta e me nga tri kater krena, pse jo ehhe me kater kembë?
Mbasi vete fajeti kemi ne qe e vetmja gje qe na intereson te bejmi sa me shume Lekë !


E shef sa budalla qe jemi ?
Ai thot se jemi te gezuar se na ka le nje gje e rrall ne fshat dhe ne vend, nje gje e pazakont e ne mburremi me keto gjera se aat thon; do fitojmi lejkë me keto mrekulli apo jo ?
...neve duhet te turprohemi e jo te mburremi me keto dukuri te rralla qe te tjeret ndoshta dijne edhe ti fshehin kurse ne me tupan lajmrojm boten; qe çka kemi ne !