Tablo nga lufta e komunizmit per liri. NATYRE E QETE

[kalemi]

Marre nga Gazeta55, vijon nga numri i kaluar.

Në mbledhjen e Labinotit, në mars 1943, sipas tre të dërguarve jugosllavë, iu vu Enver Hoxhës "de facto" e "de jure", kurora e Zeusit të KQ-së dhe detyra e zhdukjes së disidentëve, ose e "fraksionistëve", sidomos e Anastas Lulos e Sadik Premtes, që ishte detyrë imediate.

Anastasi u vra në Skrapar, ku ishte dërguar si partizan i thjeshtë, pak ditë para Labinotit.

Ato ditë, Sadik Premtja me Pali Terovën, Neki Imerin, Xhemil Çakërrin, Qazim Çakërrin dhe Hysni Lepenicën me të tjerë, ngritën krye në Vlorë dhe kërkonin një konferencë për rizgjedhjen e qarkorit, me qëllim për të përmirësuar përbërjen.

Por Enver Hoxha, me një letër që dërgonte, urdhëronte:

arrestimin dhe pushkatimin e tyre menjëherë, me, ose pa gjyq! Dhe ky urdhër s'vonoi të zbatohet.

U arrestua Pali Terova dhe Nekiu e Xhemili, që tashmë po komandonin "Çetën Plakë".

Nga këta të tre, Xhemili u ekzekutua bashkë me partizanin e paanshëm, Hydajet Miçolli...

Prapa kësaj drame, u lirua Pali.

Dukej sikur pas këtyre ngjarjeve, situata do të qetësohej e rregullohej, por ndodhi e kundërta. Enver Hoxha erdhi vetë në Vlorë, si ushtar i Miladinit.

Nuk vonoi të organizohej një çetë e posaçme me emrin "Hakmarrja".

Ajo do të merrej me zhdukjen e të gjithë "fraksionistëve", të cilët ishin kundër pikëpamjeve serbosllave. Veprimtaria e saj, sakaq filloi!

U kap dhe u pushkatua sekret(në Kuç), partizani dhe agjitatori i "Çetës Plakë", Shaskë Mexhiti dhe s'vonoi të pasohej nga vrasja e agjitatorit të hershëm të luftës, në fshatin Gjorm, Nimet Fterra. (Vitori M.Kondi dhe Qazim Kondi, tregoni varret e Shaskës dhe Nimetit).

Në fillim të gushtit, vriten mizorisht pas një arresti të gjatë, dy të rinj sypatrembur, Haki Xhelo e Duro Tahiri. Nga fundi i atij muaji, u vranë në pritë trimat e "Çetës Plakë" Neki Imeri e Xhafer Dalani, si dhe dy pritzënësit e pabesë, Shyqyri Alimerko dhe Sadik Zotaj.

Korrieri Hodo Habibi që u ndodh rastësisht aty afër dhe që nuk dinte asgjë për atë që pa dhe ndodhi, u arrestua dhe u pushkatua pa gjyq!

Në shtator, gjatë luftës së Drashovicës, dora kriminale e Enver Hoxhës vrau pas shpine revolucionarin e orëve të para, oratorin e dëgjuar dhe përgjegjësin krahinor të Tragjasit, Fejzo Gjomema.

Më 4 nëntor 1943 vritet në atë mënyrë, i pari sekretar i qarkorit dhe njeriu më me influencë në krahinë, Mynyr Xhindi.

Në Korçë vriten njëri pas tjetrit komandanti i batalionit Jorgo Plaku dhe luftëtari i zjarrtë për liri e demokraci, Pali Terova.

Ja kë luftonte dhe vriste në pabesi, i ekzekutonte natën e i qante ditën, Enver Hoxha me kompani. Antishqiptarizmi i tyre i ndyrë i ka rrënjët e thella, me flukse e reflekse, deri sa u përmbys, për të mos u kthyer kurrë më në tokën tonë.

Shqipëria po bëhet siç deshën ata, duhet t'i vlerësoni e t'i nderoni ata bij, që diktatori u vodhi jetën dhe u përdhosi idealin. Këta 16 martirë meritojnë t'u kthehet nderi, t'u gjendet varri dhe ta futin në panteonin e madh të këtij populli, që e deshën aq shumë.

(Gjenerali Delo Balili, alias Ylli Lunga, "Veterani" 1.8.1996)

Shoku Hasan Luçu dhe Ago Nezha! Këta janë bijtë e Labërisë që ka vrarë Hysni Kapo e Qazim Kondi, Kadri Hazbiu e Memo Mete. Tani ne presim të na thoni se, cilët ka vrarë Hysni Lepenica, që villni vrer kundër tij? Vrer antishqiptar, antizakonor dhe serbosllav, si porosi e Dushan Mugoshës e lënë që më 1943. Ajo jo?



3. Në sjelljen ndaj gruas, duket se në ç'masë njeriu është shkëputur nga bota e kafshëve



Një dijetar i madh ka thënë se, në sjelljen ndaj gruas, duket se në ç'masë njeriu është shkëputur nga bota e kafshëve.

Tani, le të shohim se në ç'masë janë shkëputur nga bota e kafshëve Vitori M.Kondi e Eqerem Peçi, Dalan Buxheli e Nikollaq Vallabanda, Qamil Poda e Adnan Qatipi.

Më lart, cekëm disa fragmente të krimit dhe terrorit komunist në Vlorë, tani do të ndalemi vetëm në mozaikun e dëshmive të tmerrit nga ferri komunist i Vitorisë e Memo Metes, i Hodo Habibit e Qamil Podës.

Dëshmitë janë vetëm nga gratë, që lexuesi të kuptojë se në ç'masë janë shkëputur nga bota e kafshëve, komunistët e kuq të sotëm që s'janë ngopur me gjak shqiptari.

"Pasi shpallej "armike e popullit" një vajzë e re, apo një grua, i nënshtrohej torturave deri në vdekje, apo çmenduri...

Në Shqipëri: Janë pushkatuar 89 gra

Kanë vdekur në burgje 7 gra

Janë dënuar politikisht 7367 gra

Janë çmendur në burgje 29 gra.

- Në kampet e internimeve politike kanë vuajtur 46.790 gra

- Kanë vdekur në kampet e internimit 5118 gra dhe 320 fëmijë nga sëmundja e urisë.

Në burgje u mbyllën, jo vetëm "armike" të popullit, por edhe komunistët si Drita Kosturi, e fejuara e Qemal Stafës, Selfixhe Broja, Qefsere Begeja, Liri Gega, Dhora Leka, etj.

Qerime Bone nga Kolonja, pasi ishte çmendur, ulërinte si ulkonjë.... E arrestuar shtatzënë, dy ditë më pas e çuan në maternitet, të lidhur me pranga...

Merjeme Gjata nga Kukësi, i kishin vrarë tre fëmijë në kufi dhe ashtu të grirë nga plumbat, ia kishin hedhur në pragun e shtëpisë... Këtë nënë shqiptare e dënuan 10 vjet burg! Nënë Merjemja u çmend dhe vazhdoi të qëndrojë në burg...

Hungarezja Barbara, u martua me Fatos Haxhihasanin. E arrestuan dhe e dënuan 15 vjet burg për spiunazh... Në burg u çmend... qante dhe rrethonte me lule fotografinë e burrit të saj.

Çifutja ruse Viola Beqiri, me gradë shkencore në fizikë bërthamore, u dënua 20 vjet burg dhe doli nga burgu e braktisur në moshën 60-vjeçare.

Minja 20 vjeçe dhe Nadirja 16 vjeçe, ishin nga Baldushku i Tiranës, u dënuan sepse kishin tentuar të helmonin lopët e kooperativës. Minja u dënua 15 vjet, dhe Nadirja 10 vjet! Minen e kishin arrestuar disa orë para ceremonisë së martesës... Ajo vdiq në lulen e rinisë, në moshën 24-vjeçare... kishte lënë si amanet ta vishnin nuse dhe të burgosurat ia plotësuan dëshirën... Trupi i saj pa jetë u martua me varrin e zi pa emër...

Maria Medicina u dënua me vdekje, sepse dashuroi dhe u martua me një inxhinier italian. Ajo bëri 13 vjet burg dhe mbeti përjetë pa familje dhe pa fëmijë....

Bianka Balliçi, ish-gazetare me origjinë austriake, i thyen shtyllën kurrizore dhe ecte këmbadorazi... Vdiq në psikiatrinë e Elbasanit...

Marta Doda u lirua nga burgu në moshën 82-vjeçare... U gjet e vdekur tek pragu i kishës katolike...

Këto të gjitha e sa e sa të tjera, tregojnë qartë se Eqerem Peçi e Vitori Kondi, ende nuk janë larguar nga bota e kafshëve, derisa kërkojnë të derdhin përsëri gjak, duke evokuar "luftën e klasave"(apo glasave?)

Këto të gjitha nuk janë imagjinata të ferrit dantesk, por realitete të jetuara e të vuajtura nga xhelatët komunistë, nga regjimi i Qazim Kondit e Hodo Habibit, i Eqerem Peçit e Adnan Qatipit, që shtypën bijtë e popullit tuaj dhe mbetet siç ishit...


(vijon)

[leci]

Nje i madh i kohes tone Primo Levi ka shkruajtur:
Humben sot shume lot mbi fundin e ideologjive.
Historia tregon ne menyre esemplare ku mund te çoje nje ideologji qe pranohet ne menyre radikale nga te gjithe ekstremistet.
Ideologjite mund te jene te mira ose te keqija.
Eshte mire ti njohesh,ti studiosh,ti kerkosh ti çmosh.
eshte perhere nje gje e keqe te martoshesh me nje ideologji edhe pse eshte e mbushur me fjale te lavdishme si atdhe,detyre dhe zot.
Primo Levi ebreo i internuar ne kampin Auschwitz.