Prof Shaban Demiraj

[Brari]

GSH

-----------

"Parimi im është "puno dhe hesht", i dua heronjtë e heshtur, prej të cilëve ke ç'të marrësh e të përfitosh pa qenë të njohur në politikë apo gjetkë"
Ai profesori i vjetër e fjalëpakë ka numëruar vërtet miliarda fjalë por në makinën e tij të shtypshkrimit, kur ka ndërtuar në tastierë gramatikën, morfologjinë...

Gjuhëtari në gjurmë të Kristoforidhit e Çabejt, mësuesi e studiuesi Shaban Demiraj

Demiraj: Festa ime e 55-të
Përvoja, orët e mësuesit dhe akademikut


-------------------------------------------------------------

Odeta Halili

TIRANE

LAJMI

Në festimet e 7 Marsit, zhvilluar në ambientet e Ministrisë së Arsimit, ishte i pranishëm mes dhjetëra veteranëve të arsimit edhe studiuesi i gjuhës shqipe Shaban Demiraj. Eshtë profesor, doktor, mësues i popullit, është gjithashtu një nga akademikët tanë të shquar. Ka botuar një varg tekstesh, studimesh, artikuj për gjuhën shqipe dhe gjuhë të ndryshme ballkanike. Kontributi i tij në arsimin e në gjuhën shqipe ka nisur në '48-ën e vazhdon edhe sot, megjithëqë profesori prej 13 vjetësh është në pension.

Kur gjithçka ishte në të mbaruar, kur fjalët e diskutimet u shkrinë në një jehonë të zhurmshme dhe ato qindra gabime të vockla gjuhësore nuk po ia vrisnin më veshin, kur përfunduan urimet e festës, këngët, përshëndetjet, kur të gjitha do të mbylleshin me një koktej të këndshëm aty në hollin e Ministrisë së Arsimit, ai profesori i moçëm i gjuhësisë mendoi se nuk kish ç'të bënte më. U mendua një hop, vuri mbi kokë kapelën dhe iu drejtua portës me hapin e menduar të një 82 vjeçari.

As nuk do të kthehej pas, sikur të mos e ndjente prekjen mbi kurriz, që e ftonte të risillte në festën e tij të 55-ë të shkuarën e mësuesit, pedagogut, gjuhëtarit…Do të ikte ashtu duke shpërndarë buzëqeshje e duke përkulur lehtazi kokën ndërsa shkëmbehej me veteranët e arsimit, syresh që mbanin 80 e kusur vite mbi shpatulla…

Kujtime
Ç'të thotë më parë? "Në '48-ën kam filluar të jap mësim", profesori merr frymë thellë. E lehtë për ta filluar kësisoj kronologjinë e eksperiencës, fundja në ditën e mësuesit, do të kujtojë së pari momentet kur u nda me profesionin e përkthyesit në Agjencinë Telegrafike Shqiptare për t'u ngjitur në auditoret e mësimdhënies. "Eh ishte shumë ndryshe atëherë, mësuesi gëzonte tjetër autoritet, por ishte dhe shumë më e vështirë…". Asokohe sapo kishte mbaruar dy vjeçaren e "Institutit të Lartë Pedagogjik" dhe e nisi sefte në Politeknikumin "17 Nëntori" të Gjirokastrës. "Qe i vështirë fillimi, por vështirësitë kapërcehen po të punosh e të lodhesh". Dallohet lehtë profesioni i tij i vërtetë. Të tillë, fjalëpakë janë veç studiuesit, që më të shumtën e kohës "dialogojnë" me librat, ai profesori i vjetër ka numëruar vërtet miliarda fjalë por në makinën e tij të shtypshkrimit, kur ka ndërtuar në tastierë gramatikën, morfologjinë, që shfletohet dhe sot e kësaj dite nga shkollarët e profesorët, dikur studentë të tij. "Kam punuar 32 vjet në arsim", nuk i ndan eksperiencat, pak rëndësi ka në shkollë të mesme apo të lartë, e rëndësishme është që ai ka transmetuar te të tjerët dijen për gjuhën, historinë e saj.

Parimi
Nuk mban mend ndonjë nga ish-nxënësit, apo ish-studentët, sot emra të njohur të politikës. Më saktë nuk para i pëlqen të diferencojë të tillë. "Parimi im është "puno dhe hesht", heronjtë e heshtur, prej të cilëve ke ç'të marrësh e të përfitosh pa qenë të njohur në politikë apo gjetkë". E vërteton më së miri këtë me prezantimin e tij, kur flet me të njëjtin ton për titujt që mban mbi supe, profesor, doktor, mësues i popullit, ashtu dhe për të përditshmen, bisedat me miq e shokë, paraditet, minutat në studio, leximi…Veçse nuk mund të jetë njëlloj i ftohtë, ndërsa rrëfen për të fundmin dorëshkrim që mban në duar. "Kam në dorë një studim për gjuhën e mesapëve. U bën kohë që nuk kam botuar asgjë", profesori psherëtin, a thua se ka ndoca vite që nuk duket në kopertinat fringo të librave të gjuhës. "Në vitin 2002 kam botuar librin e fundit, "Gramatika Historike e Gjuhës Shqipe", po po u bë kohë pa botuar…", tund kokën, me të mbërritur në shtëpi do ulet t'i shtojë ca radhë studimit të tij.

Përcjellja

Për një gjë nuk i mbetet peng e ka siguruar dhe për shumë kohë përfaqësinë e Demirajve në studimet e gjuhës shqipe edhe kur ai profesori i moshuar të mos jetë më në gjendje të studiojë e të shkruajë. "Kam tim bir Bardhylin, është profesor i gjuhës shqipe në Universitetin e Mynihut", babait i ndriçojnë sytë me një buzëqeshje, kur shton se i biri ka konkuruar, pa është profesor i shqipes në universitetin gjerman. Komunikojnë kohë më kohë, shpesh dhe në gjermanisht, studiuesi Shaban Demiraj është njohës i 14 gjuhëve. Nuk ka asnjë problem me anglishten, frëngjishten, gjermanishten e italishten, të tjerat gjuhë ballkanike e gjer te spanjishtja i studion në mënyrë pasive. Ka prapë për të rrëfyer, po e lë me kaq, ndoshta ka folur shumë… nuk mund të mblidhet në 30 minuta një jetë mes nxënësve, studentëve e akademikëve…


----------


GEZUAR 7 MARSIN Mesuesve tone !!!

[Dita]

Faqja e Bardhyl Demiraj ne universitetin e Munihut, Instituti per Gjuhesi Krahasuese, Indogjermanistike dhe Albanologji:


http://www.sprachwiss.uni-muenchen.d...lb/demiraj.htm

[illiriani]

njeri per Shaban Demirajn
tjetra per Bardhyl Demirajn

Prof. Shaban Demiraj eshte nje nga studjuesit e rralle te Shqipes.
Me 1992, kur u takuam ne Tirane ne Institutin shkencor, Akademine e shkencave, ishte nder takimet me te perzemerta!
porosite te tij i kam derguar ne vend. bashkepunimi i tij eshte me studjuesit austriak e gjerman... Vepra e tij eshte madhore dhe nje nder me te spikaturat ne Shqiperi.

[darkman]

Kam lexuar librin e tij mbi preardhjen e shqiptareve dhe me ka pelqyer shume.

Nje liber i shkruar me nje profesionizem.

[burim980]

perdorimi i shkronjes se medhe