![[Perla] nuk është në linjë](images/tf_ideal/red/statusicon/user-offline.png)
![Maska e [Perla]](customavatars/avatar28193_17.gif "Maska e [Perla]"){kind=avatar}
Fillimisht duhet të paraqitesh në Postën Shqiptare. Jep gjeneralitet, paguan kuponin e pagesës së shërbimit 1200 lekë, vendosur nga qeveria për kartat e identitetit dhe drejtohesh në Njësinë Bashkiake, banor i të cilit figuron të jesh. Hapi i dytë që duhet të bësh është adresimi në zyrën e gjendjes civile, ku dorëzon kuponin e pagesës. Nuk ke më asgjë për të paguar. Mbetet të bësh vetëm aplikimin dhe të presësh në radhë me të tjerët. Organizimi i punës është i ndarë midis tre institucioneve, përkatësisht; përfaqësuesit të projektit për karta, Policisë së Shtetit dhe zyrës së gjendjes civile. Një polic qëndron posaçërisht i vendosur në zyrë për të ndjekur procesin e pajisjes me karta identiteti. Punonjësi i Policisë së Shtetit bën lidhjen midis fotografisë së personit aplikues dhe gjeneraliteteve që ai ka në regjistrin civil. Pas kryerjes së verifikimit, aplikanti vendos në letër shenjat e gishtërinjve, të nevojshme për identifikimin e tij. Procesi i radhës është fotografimi. Aplikanti futet në dhomën e fotografimit, ku krahas bustit, specialistët kryejnë edhe foto të retinës së syrit. Nuk është vendosur ende, por burime pranë gazetës "Shekulli" citojnë se, ndër elementët biometrikë që do t'u kërkohen qytetarëve në kartat e identitetit, është edhe përcaktimi i ADN-së. Pasi të bëhen të gjitha përcaktimet, detyra për vazhdimin e procedurave të aplikimit do t'u takojë tërësisht grupeve të ngritura të punës. Çdo qytetar që aplikon për të marrë kartën e identitetit do të ketë një dosje të tijën, ku janë të shënuara të gjitha modalitetet e mësipërme. Në formularin individual të plotësuar do të bashkëngjiten, fotografia e personit, modulari i plotësuar, certifikata nga gjendja e zyrës civile. Të gjitha këto procedura do të bëhen në bashkëpunim të ngushtë me grupet e punës. Përfundimi i procedurës në zyrën e gjendjes civile do të pasohet me kalimin e kartelës së aplikantit në vendin e përcaktuar për shtypjen e kartave të identitetit. Procesi i fundit dhe që mbyll të gjithë procedurën e shpërndarjes së kartave të identitetit është shpërndarja e tyre. Për të marrë letërnjoftimin e ri, qytetarët duhet të rikthehen në njësitë bashkiake ku ata kanë aplikuar. Burime pranë këtyre institucioneve thonë se shpërndarja e kartave të identitetit do të bëhet brenda afatit kohor 10 ditor. Kjo është procedura normale, pasi gjithçka do të varet nga organizimi i vogël i punës midis grupeve dhe nga procesi i printimit të kartave nga kompania që ka marrë përsipër punimin e tyre.
Njësitë Bashkiake
Me letërnjoftimet do të paguhen edhe taksat vendore
Me kartat e identitetit, qytetarët duhet të paguajnë edhe taksat vendore të prapambetura, në të kundërt nuk do të pajisen me letërnjoftimi, edhe nëse kanë kryer pagesën paraprake për të pasur një të tillë. Me gjithë dëshirën për të mos i shtrënguar qytetarët në këtë pikë, burime pranë njësive bashkiake shprehen se janë të detyruara të ndërmarrin një veprim të tillë, kjo e kushtëzuar edhe nga shtrëngesat në vendimin e Këshillit të Ministrave. Po burime pranë pushtetit vendor, saktësojnë se për të gjithë ata qytetarë, të cilët përkohësisht gjenden në Shqipëri, të cilët nuk kanë mundësi të presin kohëzgjatjen e marrjes së kartave të identitetit, mund ta bëjnë një gjë të tillë, në një moment tjetër të kthimit në atdhe. Ditët e fundit, pas publikimit të masave shtrënguese nga qeveria, për ata të cilët nuk aplikojnë në kohë për t'u pajisur me karta identiteti, në radhët e qytetarëve është vënë re paqartësi në mënyrën se si duhet të veprojnë. Zyrat e gjendjeve civile informojnë se është e rëndësishme që, fillimisht, këta persona të kryejnë pagesën e aplikimit. Në mungesë të fëmijëve, pagesën mund ta bëjnë edhe prindërit. Individët që jetojnë dhe punojnë jashtë vendit, mund të vijnë në atdhe, të plotësojnë dokumentacionin dhe të largohen. Pra, i rëndësishëm për t'u vlerësuar është aplikimi. Pajisja me karta identiteti, besohet se do t'i japë fund edhe certifikatomanisë, sikundër mund të quhet dhënia e certifikatave për çdo shërbim që qytetarët përfitojnë në administratë. Tashmë, për të marrë pensionin, përkrahjen sociale, apo shërbime të tjera të nevojshme, mund të përdoret si mjet identifikimi karta e identitetit, e cila do të ketë jetëgjatësi 10-vjeçare.
Aplikimi
Administrata, pagesat e kartës do të mbahen në rroga
Administrata qendrore dhe ajo lokale është e detyruar që të derdhë brenda datës 15 janar 2009, të gjitha pagesat për letërnjoftime për nëpunësit dhe punonjësit e tyre, edhe pa dëshirën e këtyre të fundit. Kjo është forma që ka zgjedhur Ministria e Punëve të Brendshme, për të mbledhur pagesat e administratës. Pagesat mund të kryhen edhe për familjarët e nëpunësve dhe punonjësve në nivel qendror dhe vendor, të cilët nuk janë në marrëdhënie pune në institucionet publike. Kjo mbetet në dëshirën e individëve të punësuar në administratë. Të gjitha pagesat që do të derdhen nga fondi i administratës për llogari të kartave të identitetit, do t'u mbahen punonjësve në fund të muajit në rrogën mujore. Po kështu, nëpunësit dhe punonjësit e administratës qendrore dhe vendore, janë të detyruar që të kryejnë aplikimin për të marrë karta krediti brenda datës 25 shkurt 2009.
Dokumentet e aplikimit
Certifikatë
Pasaportë
Kuponi i pagesës në Postë
Procedura e Aplikimit
Dorëzimi i kuponit të pagesës
Dorëzim i dokumentit të identifikimit
Verifikimi i të dhënave
Marrja e shenjave të gishtërinjve
Fotografimi bust i aplikantit
Fotografimi i retinës së syrit
Përcaktimi i ADN-së
Plotësimi i kartelës
Shekulli.com.al
Përgjigju Duke Cituar
Postuar më parë nga xhori
Krijoni Kontakt