Mbulesa-mbrojtje e femres

[Namila]

Mbulesa-mbrojtje e femres


All-llahu i Lartësuar duke iu drejtuar Profetit s.a.v.s. në suren Ahzab, ajeti 59 thotë:



"O ti Pejgamber, thuaju grave tua, bijave tua dhe grave të besimtarëve le t'i vënë shamitë (mbulojë) e veta mbi trupin e tyre, pse kjo është më afër që ato të njihen (se nuk janë rrugaçe) e të mos ofendohen. All-llahu fal gabimet e kaluara, Ai është mëshirues."



Nga ky ajet kuptojmë obligimin që kemi ne si besimtare kundrejt mbulesës. Ashtu si çdo obligim tjetër, edhe mbulesa është e shoqëruar me urtësi. All-llahu i Madhëruar është Ai, i Përsosuri që çdo gjë e bëri me maturi. Dhe prej urtësisë së Tij është edhe fakti i mbulesës për femrën. Vetëm pot ë hedhim një vështrim të shpejtë mbi gjendjen aktuale të ditëve të sotit, pa hyrë në detaje, vësgtrimi ynë do të kthehet i turpëruar nga kjo gjendje dhe do të niehej krenar për këtë obligim.

Për çdo ditë vërehet se shtohen krimet në familje, divorce në mes bashkëshortëve për çështje imoraliteti. Vetë jemi dëshmitarë të pasojëve të këqija që po lë lakuriqësia e femrës. Të rralla janë ato familjë që poi rezistojnë këtij fenomeni. E çfarë shoqërie është kjo?

Ku është xhelozia, kur prindi shikon vajzën e vet të veshur në mënyrë skandaloze, duke zhveshur edhe cilësinë më të natyrshme që njeriu trashëgon që në fëmijëri, pra turpin?

Ku i shkoi xhelozia atyre vëllezërve që i shohin motrat e tyre duke reklamuar bukurinë e tyre para burrave të huaj, duke u nxitur epshet e këtyre të fundit?

A thua lidhja e gjakut nuk ekziston më? Pse e gjithë kjo ftohtësi mes vëllaut dhe motrës?

Kjo nuk ëstë asgjë tjetër veçse materializmi që po na hyn në gjak dhe është duke na zhveshur nga çdo ndjenjë tjetër fisnikë.

Këtë e vërteton edhe fjala e Profetit kur thotë: "U shkatërrua rob ii dinarit dhe i derhemit"

Dhe në fund ku është xhelozia e burrave ndaj grave të tyre, e cila është pjellë e dashurisë mes tyre?...

Athua ,nuk ka më dashuri mes tyre?...

Nuk ka se kur burrat shikojnë gratë e tyre të veshura e të reklamura para burrave të huaj duke shfaqur bukuritë dhe kjo nuk i bën më asnjë përshtypje. All-llahu na ruajt nga ky indiferentizëm dhe nga kjo pakujdesi ndaj frikës kundër All-llahut! E cilat janë pasojat e këtij indiferentizmi,ndaj kësaj lakuriqësie që po përfshin çdo familje?

Divorcet e shumta, familje të cilat për çdo ditë vie deri te ndarja e tyre. Edhe atyre që jetojnë së bashku u është larguar dashuria e pastër.

Ka amoralitet në masë, qoftë në mes beqarëve, qoftë në mes të martuarve dhe përhapjë të prostitucionit dhe drogës. E si të mos përhapen këto kur çdo gjë i stimulon: ambienti me të cilin jemi rrethuar, mediat, revistat e ndryshme, emisionet televizive ku paraqitet lakuriqësia e femrës.



Mjafton kjo për të kuptuar mençurinë e All-llahut në obligimin e mbulesës.



Të kalojmë tani tek argumentet tjera që kanë të bëjnë me këtë temë.

Përpos sures Ahzab, qështja e mbulesës trajtohet edhe në suren Nur, në ajetin 31, ku All-llahu ka thënë:



"Thuaju edhe besimtareve të ndalin shikimet e tyre, t'i ruajnë pjesët e turpshme të trupit të tyre, të mos zbulojnë stolitë e tyre përveç atyre që janë të dukshme, le të venë shamitë mbi kraharorin e tyre dhe të mos ua tregojnë bukuritë e tyre askujt përveç burrave të vet, babajve të vet ose babave të burrave të vet, djemve të vet ose djemve të burrave të vet, vëllezërve të vet ose djemve të vëllezërve të vet, apo djemve të motrave të veta, ose grave të tyre (që u përmendën) dhe robëreshave, të cilat i kanë në pronësinë e tyre, ose shërbëtorëve nga meshkujt të cilët nuk ndiejnë nevojë për femrat ose fëmijët që nuk e kanë arritur pjekurinë për gra. Le të mos kërcasin me këmbët e tyre për ta zbuluar fshehtësinë nga stolitë e tyre. Pendohuni të gjithë te All-llahu, o besimtarë, në mënyrë që të gjeni shpëtim."



Nga hadithet e Profetit mund të përmendim hadithin e mëposhtëm.

"Gruaja është auret (e ndaluar për t'u parë)."



Praktika e grave të sahabëve kur zbritën ajetet e hixhabit



Nga historia islame përmendet se më të zbritur ajetet e hixhabit, gratë e sahabëve nuk pritën derisa të qepnin hixhabet, por grisën çarçafet e tyre për të vënë në jetë urdhërin e Krijuesit.

Dëshmi tjetër e dëvotshëmrisë së tyre është edhe historia e nënës së besimtarëve, Aishes. Ajo tregon se kur vdiç Profeti dhe Ebu Bekri në dhomën e saj, ajo vazhdonte të hynte në të si më parë, sepse ishte burri me babain e saj, por kur vdiç Umeri dhe u varros po aty me ata të dy, ajo nuk hynte më në të pos duke qenë e mbuluar (nga turpi që kishte ndaj Umerit, edhe pse ai nuk ishte gjallë).

Historia tjetër është ajo e Fatimes, vajzës së Profetit, e cila një ditë i është ankuar gruas së Ebu Bekrit, Esam bin Unejsit, duke thënë "O Esma kam një siklet që po më mundon shumë" ajo i thotë: "Cili është ky hall që po të mundon?" Thotë Fatimja: "A i ke parë gratë kur vdesin dhe qefinosen, u duken format e trupi? Si të veproj unë kur të më vijë vdekja?"

Subhanallah! Fatimja All-llahu qoftë i kënaqur me të , i është frikësuar zbulimit të formave të trupit të femrës në momentin e vdekjes, kur llogaria është ngritur tek All-llahu, ndërsa ne sot nuk preokupohemi për këtë gjë për sa kohë që jemi ende gjallë…

Kanë rënë në konsënsus të gjithë dijetarët se hixhabi është farz, siç është farz namazi, agjërimi, etj. Për këtë kan marrë si shkas, përveç ajeteve kur'anore që i cekëm më parë, edhe hadithin e mëposhtëm.

Transmetohet se Pejgamberi s.a.v.s. ka thënë:

"Kush prej grave fal vetëm pesë vaktet e saj, pa shtuar gjë prej nafileve, agjëron muajin e saj, pa shtuar gjë prej nafileve, mbulon trupin e saj (vesh hixhab) dhe i bindet burrit të saj (në atë gjë që ai e meriton), do të hyjë nga cila derë e xhenetit që ajo dëshiron."



Kushtet e mbulesës në Islam



Mbulesa duhet të jetë e plotë, që të mbulojë çdo pjesë të trupit, duke filluar nga koka e deri te këmbët, përveç fytyrës dhe duarve.

Ajo duhet të jetë e trashë dhe jo e tejdukshme, që të mos duket se çfarë ka brenda.

Duhet të jetë e gjërë dhe jo e ngushtë, që të mos duken format e trupit.

Të mos jetë me ngjyra të ndezura dhe me lule, që të tërheqë vëmendjen e burrave (të jetë me ngjyra serioze).

Të mos i ngjajë veshjes së burrave (duke pasur këtu parasysh hadithin e Pejgamberit s.a.v.s., kur thotë se All-llahu i ka mallkuar ato gra që u përngjajnë burrave dhe burrat që i përngjajnë grave)

Mbulesa nuk duhet t'i ngjajë veshjes së mosbesimtarëve, duke pasur parasysh hadithin e Pejgamberit s.a.v.s . "Kush i përngjan një populi, ai është prej tij."

Mbulesa nuk duhet të ketë për qëllim afirmim në popull. Pejgamberi s.a.v.s. ka thënë: "Kush vesh veshje për t'uafirmuar në dynja, All-llahu e mposhtë në Ditën e Kijametit e pastaj e fut në zjarrin e Xhehennemit."

Mbulesa të mos jetë e parfumosur. Pejgamberi s.a.v.s. ka thënë: "Ajo grua që është parfumosur dhe kalon pranë burrave të huaj, që ta nuhasin erën e saj, ajo është imorale."



Këto pra ishin tetë kushtet e mbulesës.


Lusim All-llahun që të na bëjë prej atyre që e dëgjojnë Fjalën e Tij dhe respektojnë atë, e të mos na bëjë prej atyre që nuk i kiptojnë mirësitë dhe urtësinë e urdhërave dhe obligimeve të Tij.

[Pro te drejtes]

Skam shume kohe te shkruaj se kohen e kam te kufizuar vetem ketyre shkrimeve te fundit do te i pergjigjem...
E para se femrat qe e vendosin mbulesa e vendosin nga deshira e tyre se ketu te ne ne shtet demokratike nuk ia imponon askush...
Dhe mbulesa i mbron te dy gjinit si femren ashtu dhe meshkujt dhe disa thojn mjafton emancipimi për t’i evituar të ligat që mund ta godasin femrën, mirëpo në këtë rastë kisha dashtë që t’i krahasojmë dhe sqarojmë disa gjëra për ta qartësuar të vërtetën.

Ata thonë se edukimi civilizimi dhe vetëpërmbajtja apo vetëkontrolli, të gjitha përmbledhën në fjalën emancipim si dhe janë mbrojtja më e mirë. Kurse ne ju themi atyre se, këto fjalë janë të ëmbëla dhe tingullojnë shumë bukura por janë të pamjaftueshme! Nëse civilizimi qenka i mjaftueshëm si mbrojtje, atëherë pse femrat nuk guxojnë të lëvizin natën vetëm nëpër rrugë? Nëse edukimi që ata e mendojnë zgjidhje, pse atëherë në shumë vende të botës ekzistojnë kolegje për gjini të ndara? Nëse vetëkontrolli apo vetëpërmbajtja qenka zgjidhje, atëherë përveç vendeve të ndryshme nëpër botë, edhe këtu tek ne nëpër vende të ndryshme të punës ka imoralitet e dhunime? Pse pra ky i ashtuquajturi emancipim nuk po arrinë t’i emancipoi të degjeneruarit, të cilët i cenojnë të drejtën për të qenë të lira gratë dhe vajzat tona nëpër rrugë e vende të tjera?

Ndoshta do të na përgjigjet ndonjë duke na thënë se, ato janë vetë fajtore, sepse vetë po fillojnë të parat me lakuriqësinë e tyre.Si duket ky emancipim qenka plotësisht dështak në rastet e tilla. Pra, me fjalën emancipim kuptojmë ngritje kulturore, zhvillim të intelektit njerëzor, ngritje morale, edukative, por me këtë asesi nuk bën të kuptojmë degjenerimin, qoftë në dukje të parë, sjellje dhe në të folur nga cilado gjini. Një gjë duhet ta kemi shumë të qartë; nëse të rinjët vazhdojnë me këto trende “emancipuese”, atëherë femra do të jetë ajo që do ta paguaj çmimin më të shtrenjtë. Nuk do të jetë dorë që përkundë djepin e botës, por do të jetë bombë që sjellë shkatërrimin e botës.
Dhe pyetni ato qe jane te mbuluar se si ndjehen shpirterisht.
Dhe te ishte se mbulesa eshte e demshme statistikat tregojn se shume te rralla jane rastet kur nje femer e mbuluar me shami zbulohet dhe nese e ben kete e ben nga padituria se ato femra muslimane qe lexojn ose jane te mbuluar vet ose e perkrahnin mbulesen.
Nese mendon se ne te fese islame i shikojm vetem me objekt seksual kjo eshte gabim dhe nese praktikohet ndokund por shume pak besoi.
Ne perendim femra eshte lejuar te shitet nderi i saj e ne fene islame jo, kush po e shikojke me shume per objekt seksual se ne fene islam gruaja eshte jo vetem femer qe kryen nevojat seksuale por bashkshorte ne te gjithe aspektet si psikologjike dhe fizike...
Do te kisha pas deshire qe te diskutojm veq e veq me te gjithe por koha nuk me premton kerkoi falje...

[Namila]

Përshëndetje

Meqë unë e kam hapur temën do përgjigjem shkurt, ndërsa edhe anëtarët e tjerë gjithashtu mund të diskutojnë…

Diana kishte pyetur rreth parfumosjes së femrës.

Në Islam është e ndaluar femra të parfumoset. Zoti ynë I Plotfuqishëm-Allahu për çdo gjë që ia ka shpallur Profetit (paqja qoftë mbi të) ka pasur ndonjë arsye që e ndalon atë, si shkak I pasojave të tyre, Ai I Lartëmadheruari porosit që mos t’a bëjmë atë vepër, në mënyrë që të rrespektojmë urdhërin e Tij, pasi ky urdhër është nga Zoti që ja ka kumtuar të Dërguarit tonë (paqja qoftë mbi të) Muhammedit (paqja qofte mbi te) nga engjëlli Xhibrili.

Pra, femra e cila bën fitnah është femër amorale (e pamoralshme). Mbase ajo nuk ka turp të shkaktojë fatkeqësi dhe sprova në shoqëri, nuk i vjen turp të ekspozojë trupin e saj përderisa të gjithë ja shikojnë trupin e saj të ekspozuar, edhe parfumosja është një fitnah, sepse ajo me atë erë të këndshme dëshiron që tua tërheq vëmendjen meshkujve, gjë e cila është e ndaluar në Islam.

Islami e nderon femrën më shumë se çdo fe tjetër, ajo ka një pozitë të lartë në Islam, saqë në Kur’an është nje sure (kaptinë) vetëm për gruan e quajtur en-Nisa (që dmth kaptina për gruan). Mbulesa për femrën është mbrojtje e saj, dhe mua më duket shum normale mbulesa, është shumë e logjikshme pse duhet vërë atë çdo muslimane që e beson Allahun, jo vetëm që e fiton kënaqësin dhe rrespketin e Allahut por ajo ka edhe një status të lartë si në shoqëri, kudo që të shkojë në punë etj..ajo është e lirë, mbulesa i jep përkrahje dhe mbrojtje asaj. Mbulesa e saj duke mos fol ajo aspak tregon se kjo vajzë është e interesuar deri pikën maksimale ta ruaj nderin e saj. Kur ecë rrugës e vëren se është vajzë urtë, e mençur, e ruan gjuhën e saj.

Është e vërtet se në çdo fe ekzistojë femra të mira dhe të moralshme,siç kishte potencuar dikush, këtë nuk e mohoj sepse të gjithë femrat nuk janë njësoj, edhepse ka prej tyre që nuk janë të tilla...

“Femrën nuk e mban mbulesa por karakteri”. Tha dikush.

Sigurisht që duhet pasur karakter për të ardhur deri te mbulesa, porse nuk jam e mendimit tuaj poqese mendon se vetëm karakteri e mban femrën, sepse atij karakteri të fortë,atij morali të lartë, duhet mveshur edhe një mbulesë që e dallon nga femrat tjera, dhe është femër e bindur dhe e vendosur për atë që ka bërë,pra vetëm në këtë mënyrë ajo do të dallohej nga femrat e feve të tjera.Vallë ajo femër e cila nuk ka karakter do ta vënte mbulesën ??!!, aspak nuk e besoj!!e kam fjalën mbulesë islame, jo të zbukuruar.... Edhe po qe se ka prej tyre që mbajnë mbulesë ndersa nuk kanë moral, mbulesa e tyre mesiguri është thjesht vetëm për modë, jo për Allah, duke u zbukuruar,duke veshur rroba të ngushta,duke u parfumosur, gjëra të cilat nuk kanë të bëj aspak me mbulesën në Islam. Thjesht them se nëse ajo femër që nuk ka karakter dhe do ta vënte mbulesën unë mendoj se ajo do të zbulohej me fjalët që flet,nuk është e kujdesshme gjat rrugës kur ec, dhe fjalet e saj do të dëshmojnë karakterin e saj dhe qëllimin e vënies së mbulesës së saj, sepse fjalët e saj nuk do të përkonin aspak me fenë islame. Nuk realizohet qëllimi i mbulesës.

MBULESA është simbol i devotshmërisë, simbol i modestisë, simbol i përveqshmërisë së Allahut. Nuk është simbol i konkurencës, i modës,

Mua më vjen shume qudi si njëri kishte thënë që jam musliman dhe e kundërshton mbulesën. Ndërsa tani nuk e di, përse këtu filluan tani të flasin edhe për nikabin (perçen) edhe pse tema nuk ishte për perçen (mbulimin e fytyrës) por për mbulesën-hixhabin (mbulimin e kokës, krahërorëve dhe gjoksit). Por edhepse nuk e mbaj unë nikabin, por mbaj hixhabin nuk jam kundra atyre që e mbajnë nikabin.

Po si ju po na dilni aq të mençur saqë dhe jepni fetva se a duhet vërë nikabin apo jo?, Dijetarët kanë frik të japin fetva pa u menduar gjat, ndersa ju jepni pergjigje nga vetja juaj .Mua, pa argumente nuk mund të më bindi askushi, sillni argumentet nëse jeni që dini!! vallë mos do thuash se jam më i mençur se Zoti,saqë flet nga mendja jote dhe jo me citate kur’anore,hadithe, thënie dijetarësh etj..??? po të ishe më i mençur se Ai pse ti nuk ishe ai qe krijove njeriun por Zoti ishte ai që e krijoi njeriun dhe e përsosi në mënyrën më të bukur?

Nuk e di ku qëndron arsyeja që tema filloi të marrë krejt kahje tjetër, ne po diskutonim për mbulesën dhe jo nikabin, por sidoqofte le te mbetet asht, mbase ju nuk mundni t’i dalloni disa terme.

Unë ashtu siç e përkrahi mbulesën e përkrahi edhe nikabin,nuk them se e mbroj mbulesën ndërsa nikabin jo, sepse përderisa e përkrahi mbulesën si akt i bindjes atehërë edhe nikabin e rrespktoj, dhe kam shumë rrespkt për ato vajza që mbajnë atë, sepse ato i ka nxitur dicka të vëjnë nikabin , ajo është bindja e fortë, besimi l lartë, dhe mos brengosja se cfar do të paragjykojnë njerëzit injorante për to.

Mua më vjen qudi si flisni pa dije, nuk me vjen qudi shumë nga jobesimtarët sa më vjen qudi nga ata besimtarët që i thonë vetës muslimanë ndërsa kundërshtojnë një urdhër të Zotit, jo që nuk i besojnë që është obligim mbulesa (hixhabi) që duhet përbushur ajo vepër porse epshi (pasioni) kur dominon tek disa, atëherë nuk i bën dobi dot argumenti dhe flasin pa lexuar as edhe nje libër për islam.

Unë jetoj në një ambient që nuk ka të bëj aspak me fenë Islame, jetoj në vend laik, ku ka më shumë të krishterë se sa muslimanë, porse deri tash nuk kam pasur kurr problem me mbulesën time,kudo që shkoj kam rrespekt, në fakultet, në shoqëri të cilën në përgjithësi janë muslimanë, nuk janë praktikues të fesë por janë të kuptueshëm, kuptohet jo të gjithë. Edhe raporte me të krishterët kam ,njoh femra katolike që gjithmonë më pyesin për Islamin,i kam afer shtepise sime.Aajo që i nxit ata të më pyesin është kur më shohin me hixhab (mbulesë), dhe me pyesin per Islam dhe per mbulesen time,dhe i përgjigjem pyetjeve të tyre,dhe gjithmon kur i tregoj atyre (në gjuhën e tyre) buzqeshin dhe me thonë ë pëlqen kjo,shumë mirë është, kjo është një vendim që bëni pasi ua ka urdhëruar Zoti juaj, pasi keni dëshirë dhe duhet të jet diqka e mirë për ju, ndërsa feja jonë nuk na urdhëron këtë. Më thonë disa se tradit e fesë tyre ka qen që mos të veshin pantollone, në mënyrë mos të përngjajnë më meshkujt, por këto fjalë ja thonë plakat katolike rejave të tyre duke ju thënë:” veshe fundin që të dukesh se je grua,po ma merr fytyrën para të tjerëve, tani të gjith do të flasin për ty se vishesh kështu” pra turpi ekziston vetem te femrat e moralshme pavarsishtë cilës fe i takojnë. Kjo ka qenë më parë ndërsa tash nuk i përzihet askush, kështu më kanë thënë këto vajzat të krishtere.

Mund të them se Mbulesa për mua është mburrja ime, kënaqësia ime, lumturia ime, zgjedhja,liria,drejta ime, krenaria ime. I WEAR IT SO PROUDLY.

Po të shikosh dhe të ndëgjosh femrat e konvertuara në Islam, dhe që mbajnë hixhab, kur flasin për islamin si e kan pranuar, normalisht që tregojnë edhe për mbulesën e tyre, njëra ndër përgjigjet e një vajzeje në Islam që mbante hijab (mbulesë) thoshte se mbulesa i ndihmonë asaj të jet më e fortë,e lirë, e lumtur, krenare. Dhe tregonte njëra se si njerëzit nuk e shikojnë atë si një grua por si një person, dhe është shumë e rrespektuar nga çdo njeri pavarishtë fesë që i takojnë.

Njëri prej jush kishte thënë:

Kur lind njeriu nuk lind me perce. as mashkulli e as femra.
Hahaha pse more vallë mos lindi me ndonjë rrobë tjetër??!!

Pastaj ke thene:
”Nuk jane me te ndershme ato me perce jo, ca nuk te shohin syte sot. Me te ndershme jane ato pa perce se me perce. Normal po nuk i le te dalin nga shtepia kurre te pashoqeruara nuk do bejne gje. ”

Njëherë thoni se nuk janë më të ndershme ato që janë me nikab më shumë se ato që janë pa nikab, ndërsa pastaj bini në kundërshtim me fjalët e juaja thoni se femra me nikab është e moralshme sepse nuk del dot nga shtëpia,..Hahahaha

Po ç’fjalë janë këto o njerëz,?
Unë hapa temë për mbulesën dhe jo nikabin, gjë e cila më shtyjë të mendojë se me këto shkrimet e juaja tregoni se cfar dallimi bëni ju ndërmjet femrës së ekspozuar dhe femrës me nikab ( që mbulon fytyrën), thoni se femra e zbuluar na qenka më e ndershme se me nikab, hahahahahahahah, po si është atëherë halli i femrave që mbajnë mbulesën atëhererë kur për juve femra me nikab na qenka me moral më të ulët se femra e ekspozuar hahahha??? Këto janë fjalë injorantësh
vërtet më bënët të qeshi

“Per mendimin tim, eshte budallalliku me i madh ne ditet e sotme.”

Po si jo mor, nuk me vjen aspak qudi që keni këtë mendim, shihet nga fjalët e juaja më lart që kishit thënë , ndërsa nëse e keni mendimin për nikabin e jo për mbulesën (hixhabin) atëherë nuk më vjen qudi se mendoni se për ju se nikabi na qenka më i madhja çmenduri, pra nuk paska gjë më të keqe në këtë botë se “nikabi”!!!! me këto fjalë dëshmoni injoracën tuaj se prostitucioni, lakuriqësia apo gjysëmlakuriqësia etj.. nuk qenkan devijime dhe budallalliqe më të mëdha, ndërsa nikabi PO!!! hahahhaha

Nuk e di ndoshta e zgjata, edhe pse në filllim shkruajta se do përgjigjem shkurt, sepse e kam shumë kohën e limituar,
Mund të përgjigjen edhe dikush tjetër prej muslimanëve rreth temës diskutuese. Ndërsa ju që e kundërshtoni mbulesën, flisni me argumente dhe jo duke thënë fjalë “ është shumë diqka palidhje” “smë duket e logjikshme”...etj sepse mua më duket sikur po dëbatoj më fëmijë 7 vjet kur shoh kësi shprehje.

Nuk ua ktheva të gjithëve përgjigjen që keni diskutuar, sepse nuk po kam kohë dot, edhe i nderuari “ “ kishte sqaruar shumë bukur çështjen e mbulesës dhe e falenderoj për kohën që ka ndarë për të shkruar.

Përshendetje të gjithëvë
Kalofshi mirë
Es-selamu alejkum wa rahmetull-llahi wa barakatuhu të gjithë muslimanëve

Me rrespkt
Namila

[MIRIAM]

Mbulesa-mbrojtje e femres









Historia tjetër është ajo e Fatimes, vajzës së Profetit, e cila një ditë i është ankuar gruas së Ebu Bekrit, Esam bin Unejsit, duke thënë "O Esma kam një siklet që po më mundon shumë" ajo i thotë: "Cili është ky hall që po të mundon?" Thotë Fatimja: "A i ke parë gratë kur vdesin dhe qefinosen, u duken format e trupi? Si të veproj unë kur të më vijë vdekja?"






.

O ZOTI im ,edhe gjenazja femer qenka tunduese per meshkujt??!!!!
Menyra me e mire per femrat arabe eshte te shpiket ndonje preparat si ne nje film amerikan qe domethene te jene te padukshme

[Kënga]

O ZOTI im ,edhe gjenazja femer qenka tunduese per meshkujt??!!!!
Menyra me e mire per femrat arabe eshte te shpiket ndonje preparat si ne nje film amerikan qe domethene te jene te padukshme

hahahahahahahaahhahaha

[valmiri01]

O ZOTI im ,edhe gjenazja femer qenka tunduese per meshkujt??!!!!
Menyra me e mire per femrat arabe eshte te shpiket ndonje preparat si ne nje film amerikan qe domethene te jene te padukshme:D

ALL-LLAHU ju drejtoft e ju udhezoft .

[leonardito]

Diten del me shami naten del me Miniq qeshtu jan Qato vajza qe bartin qat shamij

[Kënga]

Historia tjetër është ajo e Fatimes, vajzës së Profetit, e cila një ditë i është ankuar gruas së Ebu Bekrit, Esam bin Unejsit, duke thënë "O Esma kam një siklet që po më mundon shumë" ajo i thotë: "Cili është ky hall që po të mundon?" Thotë Fatimja: "A i ke parë gratë kur vdesin dhe qefinosen, u duken format e trupi? Si të veproj unë kur të më vijë vdekja?"

Kish qen mire me ia veshe dimiat ku nuk i duken viat!

Mos de,mos e teproni.Kontrollone dhe ndoshta gjeni gabime ne perkthim.Fatimja hallin me te madh mos po provokon mashkujt edhe si kufome.Aq shtaze jane meshkujt qe edhe ne ato momente te mendojne ne viat etrupit te saj.
A ka mashkull qe di te thot dicka rreth kesaj.Ju lutem!

[valmiri01]

Historia tjetër është ajo e Fatimes, vajzës së Profetit, e cila një ditë i është ankuar gruas së Ebu Bekrit, Esam bin Unejsit, duke thënë "O Esma kam një siklet që po më mundon shumë" ajo i thotë: "Cili është ky hall që po të mundon?" Thotë Fatimja: "A i ke parë gratë kur vdesin dhe qefinosen, u duken format e trupi? Si të veproj unë kur të më vijë vdekja?"

Kish qen mire me ia veshe dimiat ku nuk i duken viat! :D

Mos de,mos e teproni.Kontrollone dhe ndoshta gjeni gabime ne perkthim.Fatimja hallin me te madh mos po provokon mashkujt edhe si kufome.Aq shtaze jane meshkujt qe edhe ne ato momente te mendojne ne viat etrupit te saj.
A ka mashkull qe di te thot dicka rreth kesaj.Ju lutem!

Nefsi i mashkullit o gjithmon ne interes te shikimt te femres qoft e vdekur qoft kshtu por ama me dallime sjon krejt njejt , ndersa femra e sinqert ne urdherat e ALL-LLAHUT i cili i ka ndalur femres te zbuloj trupin e saj frikesohet ne qdo aspekt te jetes mos po i then urdherat e ALL-LLAHUT , n`kete rast so fjala qe e ka pas dert aq te madh qe meshkujt mos me ia pare formen e trupit po ktu ka per qellim sinqeritetin e saj ne urdherat e ALL-LLAHUT dhe turpin e saj ndaj vet vetes gje e cila ju mungon shum femrave .

ALL-LLAHU TEALA ALEM { ALL-LLAHU e di mas miri }

[Kënga]

Nefsi i mashkullit o gjithmon ne interes te shikimt te femres qoft e vdekur qoft kshtu por ama me dallime sjon krejt njejt , ndersa femra e sinqert ne urdherat e ALL-LLAHUT i cili i ka ndalur femres te zbuloj trupin e saj frikesohet ne qdo aspekt te jetes mos po i then urdherat e ALL-LLAHUT , n`kete rast so fjala qe e ka pas dert aq te madh qe meshkujt mos me ia pare formen e trupit po ktu ka per qellim sinqeritetin e saj ne urdherat e ALL-LLAHUT dhe turpin e saj ndaj vet vetes gje e cila ju mungon shum femrave .

ALL-LLAHU TEALA ALEM { ALL-LLAHU e di mas miri }

estekfurullah,larg e ma larg meshkujve.Ruana Zot prej tyre !