Dorothea Lange - Fotografi

[Henri]

Dorothea Lange 1895-1965

Lange ishte me origjinë gjermane, lindur ne NJ. Në 1917-1918 studion për fotografi pranë Columbia University, dhe pas kësaj punon si fotografe në San Francisco duke hapur me kalimin e kohës dhe një studio të vetën. Në 1932 Lange fillon të fotografojë njerëzit dhe jetën e përditshme në rrugët e qytetit, dhe fotot e saj filluan të shfaqen në ekspozita të ndryshme të vendit.
Në 1935 Lange së bashku me Paul Taylor (bashkëshortin e saj të ardhshëm) fillon punë pranë Zyrës për rehabilitimin e fshatarësisë së Kalifornisë. Kontributi i tyre shtatëvjeçar pranë kësaj zyre dha frytet e veta dhe në 1941 Lange fiton projektin Guggenheim Fellowship për "Studimin fotografik te jetës shoqerore Amerikane" projekt të cilin nuk arrin ta mbarojë për shkak të fillimit të Luftës së II Bot. Në vijim Lange punon për Zyrën Amerikane te Informacionit mbi Luftën, por shumica e punëve të saj gjatë ketyre viteve rezultojnë të humbura.
E sulmuar që fëmijë nga sëmundje të rënda të cilat patën efekte jetësore mbi shëndetin e sja, Lange shkëputet nga kamera deri në vitet 1951-52, kur fillon të dalë sërisht në skenën e artit duke marrë pjesë në konferenca e seminare të ndryshme fotografike. Në '54-'55 punon si fotografe për Revistën "Life" e më pas nga 1958-65 shoqëron bashkëshortin si fotografe në programet e ndihmës amerikane për vende si Azia, Amerika Jugore dhe Lindja e Mesme.
Lange vdiq nga kanceri në 1965, në Kaliforni, pak para hapjes së Ekspozitës së saj më të rëndesishme, në Muzeun e Artit Modern në Nju Jork.
Lange është verësuar me ekspozita vetiake në Muzeun e Artit në San Francisco (1960), Muzeun e Arit Modern (1966), Muzeun e Artit në Oakland (1960, '66, '71 dhe '78) dhe Muzeun Viktoria dhe Albert të Londrës (1973) dhe një sërë muzesh të tjerë në amerikë e Kanada. Paraqitja e punimeve të saj ë titulluar "Femra Fshatare Amerikane" ishte ekspozita më e ndjekur paraqitur nga Zyra e Informacionit Amerikan.
Pas vdekjes punët e Dorothea Lange iu dhuruan Muzeut të Artit në Oakland.

Më poshtë po sjell ca foto të sajat të cilat më kanë lënë më shumë mbresa.

[Henri]

Radha e Bukës në White Angel, 1932

[Henri]

Të Papunë Buzë Arës së Bizeleve - 1937

[Henri]

Mbledhësi i Pambukut - 1940

[Henri]

Nëna e Shpërngulur (Migrant Mother - 1936) është një nga fotot më të arrira të Lange. Për të arritur atë ç'ka donte - foton e fundit - Lange fotografoi një sekuencë prej 6 fotosh, sikur të shpaloste një parathënie mbi historinë e subjektit. Fotot janë marrë në një nga kampet e migrimmit që u ngritën për popullsinë fshatare gjatë periudhës së Great Depression. Më poshtë, sipas rradhës:

[Henri]

Foto e dytë e sekuencës - Nëna e Shpërngulur 1936

[Henri]

Nëna e Shpërngulur III - 1936

[Henri]

Nëna e Shpërngulur IV - 1936

[Henri]

Nëna e Shpërngulur V - 1936

[Henri]

E fundit, fotografia që njihet me titullin Nëna e Shpërngulur - Mars 1936