SHBA-të, po humbin statusin si superfuqi financiare

[RaPSouL]

Analistët: Bankat shkatërruan ekonominë e Amerikës

UASHINGTON-Analistët e ekonomisë thonë se bankat më të mëdha në Shtetet e Bashkuara vazhdojnë të jenë në një gjendje jo të mirë, me gjithë injektimin e qindra miliarda dollarëve nga paratë e taksapaguesve. Aktualisht bankat janë bërë objekt kritikash, nën akuzat se janë shkaktaret e krizës financiare.

Presidenti Obama thotë se është e turpshme që bankat e Nju Jorkut morën për vete si shpërblim në fund të vitit bonuse në miliarda dollarë, në një kohë që ata po merrnin ndihmë nga qeveria. Bonuset që ju dhanë firmave të Wall Street-it kishin vlerën e 18 miliardë dollarëve.


Ekspertët thonë se huatë e këqija shkaktuan krizën në tregun e shtëpive

Disa ekspertë të krizës tashmë 17 muajshe të sistemit të kredive, thanë se problemi ende nuk është zgjidhur. Bankat, thanë ata, nuk kanë rifilluar dhënin e kredive në kushte normale dhe ka ende të ashtuquajtura kredi të këqija për të cilat ato mbajnë përgjegjësi.

Joshua Rosner, është ekspert për bankat dhe financimin e shtëpive. Ai thotë se problemi që filloi në vitin 2007 me kreditë e këqija për shtëpitë po përhapet tani edhe në instrumente të tjera kreditimi.


"E shohim tani këtë problem në kartat e kreditit, në huatë për bizneset, ato për synime komerciale, në kreditë për blerjen e makinave....," - thotë eksperti.


Ndërsa analisti nga Nju Jorku Barry Riholtz, i cili ashtu sikurse Rosner, mori pjesë në Forumin e Institutit amerikan Entreprise ditët e fundit në Ëashington, tha se do të ishte një gabim nga ana e qeverisë t'i japë fonde të tjera bankave më të mëdha.

"Në se u japim sasi të tjera parash bankave të mëdha, duket sikur po shpërblejmë drejtuesit jo kompetentë, të cilët kanë treguar paaftësi në trajtimin e rreziqeve të pritshme, apo në gjithçka që ata duhej të kishin bërë. Dhe të gjithë thonë se këto banka nuk mund të falimentojnë, sepse janë tepër të mëdha. Por unë them se Banka si "Bank of Amerika", apo "Citibank", do të jetë e vështirë të dalin me sukses nga kjo gjendje, sepse ato janë tepër të mëdha. Asnjë zyrtar i këtyre bankave nuk u tregua i aftë për parashikimin dhe mënyrën e trajtimit të krizës. Ato janë të përhapura në shumë sektorë. Unë mendoj se këto banka është më mirë që në këto kushte të nacionalizohen",- thotë analisti.


Në përpjekje për riorganizimin e bankave dhe shpëtimin e tyre nga situata e huave të këqija, qeveria i ka dhënë bankave që nga shtatori, 100 miliardë dollarë. Kjo përfshin mbi 65 miliardë dollarë për "Bank of Amerika" dhe Citibankun.

Zoti Rosner thotë se me gjithë pagesat që ju dhanë bankave, tregjet financiare nuk po funksionojnë ende siç duhet.

Një tjetër specialist, Kristofer Uaaken, në institutin "Institutional Risk Analytics", thotë se në se bankat nuk do të jenë të afta për rifillimin e operacioneve normale dhe për realizimin e fitimeve, ato duhen lejuar të dështojnë.

"Sa më tepër që të përpiqemi t'i ndihmojmë me fonde bankat e mëdha, aq më pak rritje ekonomike do të kemi. Bankat duhen lënë të falimentojnë... Ato duhen nxjerrë në shitje. Do të ketë gjithmonë një grup njerëzish që do të jenë në gjendje t'i blejnë ato."

Administrata e zotit Obama po përgatit disa propozime të reja për mënyrën e trajtimit të huave të këqija të bankave amerikane. Një sugjerim është krijimi i një njësie speciale qeveritare që do t'i blinte të gjitha huatë e këqija. Sipas disa vlerësimeve, ky veprim mund t'u kushtojë taksapaguesve dy trilionë dollarë.

/VOA/

[RaPSouL]

SHBA: Miratohet plani i 'shpëtimit ekonomik'

Senati amerikan miratoi planin për paketën e stimulimit të koniunturës e cila shkon në 838 miliardë dollarë.

Tre republikanë iu bashkuan demokratëve në votimin e Senatit për të miratuar paketën stimuluese me 61 vota pro dhe 37 kundër. Presidenti Obama e përshëndeti rezultatin e votimit gjatë një takimi në shtetin e Floridës. Ai e quajti miratimin e projektligjit një fillim të mirë, por paralajmëroi se do të duhet më shumë punë. Ndërkohë Ministri i Financave Timothy Geithner paralajmëroi për një plan tjetër për stabilizimin e sektorit financiar. Ai shpalli plane që parashikojnë përdorimin e deri dy bilionë dollarëve për të ndihmuar sistemin bankar amerikan, zgjerimin e një programi për huadhënien që mbështet tregun e kredive të konsumatorëve dhe të biznesit. Bursa amerikane doli e pakënaqur me planin e shpëtimit.
Indeksi Dow Jones pësoi një rënie prej më shumë se 4,6%.

/dw/

[RaPSouL]

Dy banka kanë falimentuar në 24 orët e fundit në Shtetet e Bashkuara të Amerikës.
“New Frontier Bank”, instituti më i madh i kreditimit në Kolorado dhe “Cape Fear Bank”, në Karolinën e Veriut e çojne në 23 numrin e bankave që kanë falimentuar si pasojë e krizës financiare globale.

“New Frontier Bank” është banka më e madhe e falimentuar në SHBA për vitin 2009.

[Florim07]

bankat falimentoje si pasoje e perdorimit te kamates,kamata ne islam eshte reptesisht e ndaluar

[INFINITY©]

bankat falimentoje si pasoje e perdorimit te kamates,kamata ne islam eshte reptesisht e ndaluar

Oiiiiiiiiiiiiiiiiiiiiiiiii...po ti qenke nga keta te shoqates mo?
Po boll fute fene dhe ne temat e bisnesit o njeri i trashe.

[Darius]

Eshte nje website shume interesante qe llogarit in real time gjithe masivin financiar te Amerikes, perfshi cdo shpenzim, fitim etj. Hidhini nje sy dhe e merrni vesh se cfare behet: U.S. National Debt Clock

[martini1984]

sa i keq eshte kapitalizmi. ndihmon instuticione qe ja kane marre shpirtin njerezve me gjenerata te tera. ne nje treg te lire , shteti se ka per detyre te nderhyje se cfare ndodh tek privati. apo meqe keta private jane boba te medhenj , lejohet te nderhyhet , por nqs jane te vegjel , ne ferr te ikin te gjithe as long as they pay taxes to the state.

cfare hipokrizie e gjalle.

Aferim,BINGO.

[RaPSouL]

SHBA, deri tani janë mbyllur 106 banka

Numri i bankave që dështuan, në Shtetet e Bashkuara, ka arritur në më tepër se 100. Rregullatorët federalë të Shteteve të Bashkuara, kanë shpallur edhe rënien e shtatë institucioneve të tjera financiare në pesë shtete amerikane.
Agjencia AP raporton se këtë vit, dështuan 106 banka në Shtetet e Bashkuara, ndërsa në vitin 2008 ky numër ishte 25 dhe në vitin 2007, numri i bankave të mbyllura ishte vetëm 3. Ky është numri më i madh i rënies së bankave prej vitit 1992, kur u mbyllën 120 institucione financiare gjatë krizës së atëhershme të sigurimeve dhe të kredive. Analistët thonë se mund të ndodhë, që gjatë muajve të ardhshëm, të dështojnë edhe banka të tjera, për shkak të problemeve me kredi, papunësisë së lartë dhe rënies së shpenzimeve të konsumatorëve për shkak të krizës ekonomike.

Alsat

[tvsh]

sa i keq eshte kapitalizmi. ndihmon instuticione qe ja kane marre shpirtin njerezve me gjenerata te tera. ne nje treg te lire , shteti se ka per detyre te nderhyje se cfare ndodh tek privati. apo meqe keta private jane boba te medhenj , lejohet te nderhyhet , por nqs jane te vegjel , ne ferr te ikin te gjithe as long as they pay taxes to the state.

cfare hipokrizie e gjalle.

yep dhe kur te vdesesh te afermit do paguajne death tax per ty

www.fdic.gov sa banka falimentojne cdo muaj ne amerike

stimulusi i obames vetem sa beri nje vrime ne uje

sistemi financiar ka shkuar haywire, vetem over the counter derivatives jane rreth 900 trilione dollare. disa qindra trilione jane pothuajse asgje pa vlere.

mos u merzisni se nje situate me e mire do vije. mezi sapo pres qe komunizmi te sundoje ameriken.

[Elonaa]

Po ne qe jetojm ktu s'po ndjejm gje !Si e shpjegoni kte ju??? Vec na shtohen gjerat!