Festa e Flamurit.. vetem ne Shqiperi!!

[Breshka]

Top-Channel....

"Qeveria e kosoves miratoi sot projektligjin per 11 festat zyrtare te Republikes se Kosoves, nderkohe qe eshte lene jasht 28 Nentori, festa e Flamurit Kombetar. Ende nuk eshte vendosur perfundimisht Dita e Clirimit.
Qeveria e Kosoves ka vendosur qe festa e kryesore ne vend te jete 17 shkurti, Dita e shpalljes se pamvarsise se vendit, kurse per diten e Clirimitpritet te vendoset mes 11 dhe 12 Qeshorit."

....C'do te thote kjo....????!!!!!
A po prandaj nuk perfillemi nga bota, se ne vete heqim nga kalendari festat kombetare.......
Ky eshte TURP....... menduam se per flamur u be ajo lufte......... apo jo????

[strange]

para disa minutave nje tem te ngjashme hapi dhe Davius

http://www.forumishqiptar.com/showthread.php?t=95400

[Breshka]

paska shume te indinjuar nga kjo paturpesi........ jo me perulje....... trimi ka selamet....thone. Kur do ta mesojne shqiptaret se nuk fitohet duke "ul patallonat".

Kuvendi debaton për festat shtetërore








Kuvendi i Kosovës ka miratuar në parim një projektligj me të cilin përcaktohen festat shtetërore të Kosovës dhe, të mërkurën, pritet ta diskutojë atë nen për nen.

Sipas këtij projektligji të paraqitur nga qeveria, Kosova do të ketë njëmbëdhjetë festa zyrtare, gjashtë prej të cilave do të jenë festa fetare dhe vetëm pesë festa laike.

Reagime nga shqiptarët

Debati është ndezur ngase në këtë listë festash nuk përfshihet 28 Nëntori, dita e flamurit shqiptar, 12 Qershori që cilësohet dita e clirimit të Kosovës dhe dita e dëshmorëve.

Projektligji për festat e Kosovës, i përgatitur nga qeveria, është kundërshtuar edhe nga vetë deputetët e koalicionit qeveritar, me arsyetimin se nuk i përmbush kriteret mbi të cilat do të duhej të shkruhej.

Reagimet më të ashpra kanë ardhur nga i ashtuquajturi bllok nacionalist. Avni Klinaku, kryetar i lëvizjes për bashkim, i ka thënë BBC-së se me këto ligje po fillon shkombëtarizimi i Kosovës.

Projektligji është kundërshtuar edhe nga spektri i gjërë politik. Për këtë ka pasur debate mjaft të ashpra në Kuvend, ndërkaq në reagimet e para, qytetarët e shumicës shqiptare kanë filluar ta cilësojnë këtë projektligj "të barabartë me tradhëtinë".

Projektligji i qeverisë është kundërshtuar edhe nga Kuvendi. Kryetari i tij, Jakup Krasniqi, i tha BBC-së se përgatitja e këtij projektligji ka pasur mangësi. Ai thotë se kjo çështje po përcillet edhe me emocione, të cilat sipas tij janë të arsyeshme. Zoti Krasniqi thotë se gabimi kryesor në përpilimin e këtij projektligji qëndron në faktin se ai nuk bën ndarjen e festave në kombëtare, shtetërore dhe fetare.

Kryetari i Kuvendit të Kosovës ka shprehur dyshimin se projektligji do të mund të kalojë në Kuvend pa përfshirjën e 28 nëntorit si festë zyrtare të Kosovës. Zoti Krasniqi i tha BBC-së se një grup ad hoc, po punon për të arritur një pajtueshmëri dhe, sipas tij, komproimisi mund të arrihet brenda ditës së mërkurë.

Reagime nga serbët

Por nëse ky kompromis nënkupton futjen e festave që nuk janë në projektligj, atëherë serbët thonë se nuk do ta mbështesin atë dhe do të kërkojnë që në listën e festave zyrtare të Kosovës të futen edhe festat nacionale serbe.

Dejan Sojanoviq, shefi i grupit parlamentar serb në Kuvend tha se e kishte mbështetur në parim futjen në procedurë të miratimit të këtij projektligji me tekstin dhe listën e atyre festave qe janë paraqitur.

"Ne mendojmë se pavarësisht prej të gjitha gjërave, janë plotësuar kriteret e festave edhe për pakicën serbe, siç janë Krishtlindjet dhe Pashkët. Sa i përket festave të tjera që po përmendën, siç është 28 Nëntori apo festa të tjera, unë nuk do të doja t'i komentoja. Mendoj se kjo është e drejtë e shumicës shqiptare që i ka vendosur si propozim", tha Dejan Sojanoviq.

Sipas shefit të grupit parlamentar serb në Kuvendin e Kosovës, "nuk do të ishte mirë që të merremi me çështje që po shkaktojnë ndarje midis nesh. Nuk e kuptoj pse ndonjë datë që nuk lidhet me Kosovën, do të duhej të ishte festë kombëtare apo shtetërore. Dikush mund ta festojë këtë datë, siç mendon vetë dhe kjo nuk paraqet asnjë problem, por në asnjë mënyrë nuk bën që data të tilla të hyjnë në listën e festave zyrtare", tha zoti Dejan Sojanoviq.

Një tjetër përfaqësuese serbe, Rada Trajkoviq, thotë se heqja e 28 Nëntorit nga lista e festave nuk është e sinqertë, por rezultat i presioneve ndërkombëtare.

"Ky është rezultat i një presioni ndërkombëtar që do t’i mbrojë shqiptarët nga projekti i “Shqipërisë së Madhe”. Në një farë mënyrë ta mbrojë veten nga projekti i “Shqipërisë së Madhe” dhe, nga ana tjetër, të pengojë praninë e festave shtetërore serbe në kuadrin ligjor të Kosovës.