Gazësjellësi Trans-Adriatik(TAP), 169 km në Shqipëri, 1 miliard euro investim

[Albo]

TAP, ambasadori i SHBA në Azerbajxhan: Neutral ndaj projektit fitues

AZERBAJXHAN- Shtetet e Bashkuara të Amerikës, theksojnë qëndrimin neutral ndaj projektit të gazsjellësit, TAP.

Ambasadori amerikan në Azerbajxhan Riçard Morningstar gjatë fjalës së tij në një konferencë të partneritetit të NATO-s me temë “ Siguria Rritja e Energjisë në shekullin XXI", theksoi se Baku është një importues shumë i rëndësishëm energjie për diversifikimin e energjisë së Evropës dhe luan një rol kyç për stabilitetin e saj të energjisë duke eksportuar gazin e Azerbaixhanit në tregjet evropiane.

"Muajin e ardhshëm ne presim Konsorciumi Shah Deniz për të marrë një vendim përfundimtar mbi rrugën e tubacionit shtesë për të sjellë gazin e Azerbaixhanit në Europë," tha Morningstar, duke shtuar se SHBA është neutrale nëse projekti do të zgjidhet nga konsorciumi Shah Deniz - Nabucco West apo Trans Adriatic Pipeline (TAP)”.

Projekti TAP është projektuar që të transportojë gaz nga rajoni i Kaspikut përmes Greqisë dhe Shqipërisë dhe nëpër detin Adriatik në jug të Italisë, dhe më tej në Evropën Perëndimore. Kapaciteti fillestar Tubacioni TAP do të jetë 10 miliardë metra kub në vit.

(e.m/BalkanWeb)

[Albo]

Kryeministri: TAP ka më shumë shanse, Nabucco projekt i nxituar

Blerina Hoxha

Krahas garës për zgjedhjet parlamentare të 23 qershorit, një garë tjetër gati po kaq e rëndësishme do të bëhet këtë download (10)qershor edhe për të ardhmen ekonomike të vendit. Në dhjetëditëshin e dytë të qershorit do të vendoset se kush do të jetë fituesi i garës për të transportuar gaz nga Azerbajxhani në Europë, TAP apo Nabucco. Nëse fiton TAP, një epokë e re ekonomike do të nisë për vendin. Gaz me çmim të lirë, 20 mijë vende të reja punë, rrugë të reja, 100 milionë euro taksa në vit më shumë në buxhet, siguri më e madhe për vendin, pozicion i ri strategjik për energjinë në rajon. Në këtë kohë krize ekonomike, TAP do të ishte një mundësi e artë për ekonominë e vendit.


Parashikimi i Berishës

Zgjedhjet në Shqipëri duket se do të prodhojnë shumë më pak sesa projekti TAP për ekonominë e vendit në katër vitet në vijim. Po dje, në lidhje me këtë garë ka komentuar edhe kryeministri Berisha, i cili tha se shanset më të mëdha i ka projekti TAP. “Unë uroj dhe besoj se vendimi do të jetë për këtë projekt, për të cilin konsorciumi serioz ka vite të tëra që e elaboron gjithçka në detaje. Ka vite të tëra që ka përgatitur çdo gjë dhe është i gatshëm të fillojë punën. Dua të theksoj këtu se, edhe për ekuilibrat energjetikë të Europës, ky projekt duhet marrë me përparësi ndaj Nabucco light, i cili është një projekt në nxitim e sipër, që lindi nga projekti Nabuco big. Me këtë nuk dua të them se nuk duhet të ndërtohen, por koha pret. Uroj dhe shpresoj që vendimi të jetë i bazuar mbi parimet e tregut”, – tha Berisha. Ai shtoi se tregut të TAP iu shtuan dhe tri vende të tjera të Ballkanit, Kroacia, Bosnja, Mali i Zi dhe absolutisht Kosova është kandidat në çdo rast dhe kushdo tjetër. Këto u bashkuan me vullnetin e mirë për të qenë në listë kur vjen momenti që TAP mund t’i furnizojë ato me gaz. “Shqipëria, siç theksoi zoti Macnamara, është një vend për t’u konsideruar në mënyrën më serioze për naftën, që nga traktatet e mesit të viteve 800 e deri më sot, besimi se Shqipëria është një vend i pasur në naftë nuk ka ndryshuar. Unë dua të përgëzoj dhe të përshëndes me mirënjohje të gjitha ato kompani, të cilat po eksplorojnë me besimin më të madh se ky vend është vend i rezervave më të mëdha. Se Patos-Marinza, fusha më e madhe naftëmbajtëse në Europë nuk mund të jetë një ishull i izoluar në këtë tokë, por potencialet e tjera të mëdha do të zbulohen”, tha Kryeministri në lidhje me potencialet që ofron Shqipëria për TAP-in.


Shanset e TAP

Mediat ndërkombëtare ditët e fundit i japin një shans më të madh TAP-it. Projekti europian Nabucco mund të konkurrohet seriozisht nga një projekt tjetër madhor rus, i cilësuar si ‘Rrjedha e Jugut’ që përshkon të njëjtat vende me Nabucco-n. Në një vlerësim tepër kompleks, më shumë politik sesa ekonomik, TAP qëndron tashmë në “frontin e përzgjedhjes” kundrejt Nabucco-s, pasi Rusia po planifikon të ndërtojë ‘Rrjedhën e Jugut’, një investim që shkon deri në 39 miliardë dollarë. “Shtrohet pyetja: A do të jetë Nabucco i dobishëm, nëse do të ndërtohet gazsjellësi ‘Rrjedha e Jugut?”, – shprehet Andrew Neff, analist i tregut të energjisë në Moskë. Bashkimi Europian nuk do të ketë një rol të drejtpërdrejtë në këtë zgjedhje, por kohët e fundit ka kaluar në “neutral” nga “mbështetës i projektit Nabucco” që ishte më parë. Ndërsa Drejtori i Çështjeve të Jashtme të projektit TAP, Michael Hoffmann, tha për Reuters se “ky ka qenë një ndryshim dramatik në favorin tonë”. Një avantazh tjetër i projektit TAP është kostoja e tij. Sipas përllogaritjeve paraprake, Nabucco kushton rreth 500 milionë dollarë më tepër se projekti TAP.

MAPO

[Albo]

Azerbajxhani, Alijev indirekt favorizon projektin TAP

Kanë mbetur pak ditë nga gara që do të zgjedhë TAP ose Nabucco për transportin e gazit nga Azerbajxhani dhe Europë dhe duket se peshorja po anon nga TAP. Pavarësisht se është një projekt shumë më i vonë se Nabucco, TAP shihet nga ekspertët ndërkombëtarë të energjisë me fizibël, pasi përfundon më shpejt dhe ka kosto më të lira. Ministri i Energjisë së Azerbajxhanit, Natig Alijev u ka bërë thirrje aksionerëve të “Shah Deniz” që në procesin e përzgjedhjes së fituesit të udhëhiqen nga termat komercialë të projekteve. Shqipëria është një nga vendet ku kalon TAP dhe nëse ky projekt përzgjidhet si fitues, ekonomia jonë do të gjendet në një stad krejt të ri zhvillimi.

Azerbajxhani

Ministri azer dje ka folur qartë: ‘Duam përfitime të larta dhe shpejt”. Ekspertët thonë se këto i siguron vetëm projekti TAP. “Tani, faktori kryesor për partnerët është faktori komercial dhe përfitimi në afat të shkurtër. Ata duhet të marrin kthimin e investimeve të tyre sa më shpejt të jetë e mundur”, tha Alijev dje për mediat azere. Sipas tij, “Shah Deniz Group” do të shqyrtojë edhe çështje afatgjata, në veçanti, të tilla si rruga e cila premton një bazë të madhe të konsumatorëve. Ekspertët gjithashtu theksojnë se komponenti komercial do të luajë një rol të rëndësishëm në zgjedhjen e një rruge të formës së prerë për transportimin e gazit të Azerbajxhanit në Evropë. Për më tepër, ekspertët thonë se rruga e zgjedhur duhet të jetë më e zbatueshme nga ana tregtare dhe tregu i zgjedhur duhet të jetë në gjendje të ofrojë eksportuesit afatgjatë, sigurinë e kërkesës për një periudhë prej të paktën 20-25 vjet. Nga ky këndvështrim, krahasimi i dy tubacioneve është i rëndësishëm. Nabucco West, një kopje e versionit të Nabucco-s, i cili parashikon ndërtimin e një tubacioni nga kufiri turko-bullgar në Austri dhe TAP janë pjesë e Korridorit jugor të gazit, e cila është një nga projektet energjetike prioritare të BE-së. Korridorin jugor i gazit synon diversifikimin, rrugët dhe burimet e furnizimit me energji. Ekspertët besojnë se avantazhi fillestar i Nabucco West janë çmimet e larta të gazit në tregjet ballkanike. Projekti TAP, që është duke konkurruar për Perëndimin, është projektuar të transportojë gaz nga rajoni i Kaspikut përmes Greqisë dhe Shqipërisë dhe nëpër detin Adriatik, në jug të Italisë dhe më tej në Evropën Perëndimore. Kapaciteti fillestar i TAP do të jetë 10 miliardë metra kub në vit. Përparësitë e projektit TAP përfshijnë çmimin më të lartë të gazit në Itali me 20 për qind, në krahasim me çmimin në Europën Perëndimore, si dhe potencial të rëndësishëm financiar.

Ekspertët

“Rëndësia strategjike e Nabucco-s është reduktuar për shkak të fleksibilitetit të tregut të gazit europian”, thotë John Roberts i Platts, ekspert i politikave për naftësjellësit. Shumë në Bruksel kanë rritur mbështetjen për TAP-in, sepse duke kaluar nëpërmjet Greqisë dhe Italisë, mund të japë një shtysë të madhe për t’i nxjerrë këto vende të prekura rëndë nga kriza. Ekonomitë e vendeve do të sigurojnë vende pune, pagesat e tranzitit dhe do të kenë gaz më të lirë. TAP ka avantazhe të tjera, gjithashtu: “Kjo ju lejon për të hyrë në tregje të virgjër, të tilla si Shqipëria, Mali i Zi, dhe ndoshta për Kosovën”, thotë Michael Hoffmann, kreu i TAP i punëve të jashtme. Ai thotë gjithashtu se TAP mund të lidhë deri me tubacionet e tjera që potencialisht do të shtrihen ndikimin e saj në Austri dhe madje edhe Mbretërinë e Bashkuar. Në fund të fundit, vendimi do të bazohet vetëm në konsiderata komerciale. Partnerët e “Shah Deniz” janë duke folur për blerësit përgjatë rrugëve të dy tubacioneve për të parë se çfarë ata janë të përgatitur për të ofruar për gazin e Azerbajxhanit. Gara për TAP ose Nabucco pritet të zhvillohet në ditët e fundit të këtij muaji, ndërsa vëllimi i investimeve do të përcaktohet në tetor.

“Tani, faktori kryesor për partnerët është ai komercial dhe përfitimi në afat të shkurtër. Ata duhet të marrin kthim të investimeve të tyre sa më shpejt të jetë e mundur”, tha Alijev dje për mediat azere.

MAPO

[BLEDI_SH]

new...
Sic transmetojne mediat greke u zgjodh tap,kujtojm se sot ishte e zgjedhjes mes tap dhe nabuco,perfundimisht u zgjodh tap,mediat shqiptare se kane dhene lajmin akoma,merren akoma me zgjedhjet...

[Qyfyre]

Bravo PS, sapo fitoi zgjedhjet filloi menjehere te sjelle ndryshime pa humbur kohe fare

[Scion]

Bravo PS, sapo fitoi zgjedhjet filloi menjehere te sjelle ndryshime pa humbur kohe fare

Uroj te jete vetem nje shaka :P

[Albo]

Berisha kthehet në FB: Projekti Tap u përzgjodh, fitoi Shqipëria, projekti i shekullit për ne!

TIRANE- Kryeministri Sali Berisha, pas nje mungese ne profilin e tij ne Facebook eshte rithyer pasditen e sotme, me urimin per perzgjedhjen e projektit te gazsjellesit TAP.

“Te dashur miq, projekti i gazesjellesit TAP u perzgjodh. Fitoi Shqiperia, projekti i shekullit per ne!!! sb”- shkruan ai.

Pas lajmit ne mediat greke, apo edhe ne Reuters, ka qene edhe konsorciumi Shah Deniz II ka informuar OMV-n mbi vendimin lidhur me mënyrën e kërkuar dhe preferuar prej tyre për livrimet e gazit drejt Evropës. “Projekti ‘Nabuco-West’ nuk është përzgjedhur nga konsorciumi që menaxhon furnizimet me gaz, Shah Deniz II”, theksohej në një komunikatë të publikuar nga OMV-ja.

Konsorciumi, që përfshin “Socar”, britanikun “BP”, norvegjezin “Statoil” dhe francezin “Total”, njoftoi se do të publikonte në fund të muajit qershor vendimin mbi livrimin e gazit në Evropë nga Deti Kaspik.

Konsorciumi përzgjodhi projektin e gazsjellësit TAP (Trans Adriatic Pipeline) që do të kalojë nga kufiri greko-turk në Itali duke kaluar nga Greqia dhe Shqipëria.

Panorama

[njeriuxp]

Shyqyr me kete TAP. Ishalla i jep shpejt rezultatet, se me kete ekonomi shqiperia ia ka shume nevojen

[Darius]

Shqipëria kap “loton” ndërkombëtare, TAP projekti fitues

Shqipëria me TAP-in, kthehet në një vend të sigurt, ku do të hapen me mijëra vende pune dhe bëhet pjesë e hartës së energjetikës në rang botërorë. Është padyshim një nga lajmet më të mira të dekadave të fundit, pasi miratimi i projektit TAP, si projekti që do të realizohet së shpjeti, e kthen Shqipërinë në një vend strategjik ku bëhet pjesë e hartës së energjetikës rajonale dhe asaj botërove, ku dhe sigurinë sovranitetin e vendit tonë. Sipas gazetës prestigjioze greke Kathimerini konsorciumi i “Shah Denizit” ka vendosur të përzgjedhe si projektin më të mirë i cili do të çojë gazin natyror nga Azerbajxhani në Europë ,gazsjellësin TAP.

Sipas gazetës prestigjioze greke Kathimerini konsorciumi i “Shah Denizit” ka vendosur të përzgjedhe si projektin më të mirë i cili do të çojë gazin natyror nga Azerbajxhani në Europë ,gazsjellësin TAP. Numri 2 i SOCAR dhe aksioneri i madh i konsorciumit “Shah Deniz” kanë informuar për këtë zgjedhje kryeministrin grek Antonis Samaras në takimin e tyre në mesditën e së mërkurës. Lajmin e përforcon edhe gjiganti austriak i energjisë OVM i cili thekson se është hedhur poshtë plani i gazsjellësit NABUKO nga invsetitorët e programeve energjitike në Europë. Qeveria greke dihet që ka mbështetur projektin e gazsjellësit TAP qysh në fillim ashtu si edhe Shqipëria dhe Italia tre vende nga të cilat do të kalojë ky gazsjellës gjigant. Sipas Athinës zyrtare Greqia me gazjellësin TAP bëhet një pjesë e rëndësishme në hartën energjitike. Në këtë periudhë krize ndërtimi i tij do të sjellë nga 2000 deri në 10000 vende pune më shumë se 35 miliard euro do të jenë përfitimet makro-ekonomike për të dhe rreth 1.2 miliardë euro do të jenë të ardhurat nga fillimi i menjëhershëm i punimeve, prej të cilave 320 milion do të shkojnë direkt në rritjen e prodhimite të Prodhimit të Brendshëm Bruto. Sipas ekspertëve të marrëdhënieve ndërkombëtare ky gazsjellës do t’u japë një hov të ri marrëdhënieve me Shqipërinë duke përmirësuar klimën ekzistuese dhe do të sjellë një frymë të re në gjetjen e cështjeve të pazgjidhura mes dy vendeve. Greqia, Shqipëria dhe Italia mbështetën këtë projekt që në fillimet e tij. TAP është i vetmi projekt që prek territorin e vendit tonë dhe sipas përitshmërisë ndërtimi i tij do të sjellë miliarda lekë investime si dhe mijëra vende të reja pune.

Në garën për transportin e gazit në Europë ishin 3 projekte, TAP, Nabuko dhe South Stream. Dy të fundit shmangnin Shqipërinë, Greqinë dhe Italinë.

/Top Channel/

[PINK]

Lajm I mire! Me ne fund vend I sigurte.