Dosja antishqiptare e Greqisë, 1912-2007

[Baptist]

Ne Muzeumet me me ze te Arteve te Bukura ne Perendim, cdo relike greke shoqerohet pa perjashtim me dicituren: "Mendohet te jete gjetur ne ....Athine ose rrethinat."

Ja se se gjenden prane Athines disa nga monumentet me autentike greke:


E Diele, 27 Maj 2007


Premtohet kthimi nga Pireu per dy objekte arkeologjike (nga e tere lista qe vijon-shenim i Styx)

E Marte, 22 Maj 2007


Anisa Ymeri

Objektet tona te trashegimise kulturore lakmohen, ndaj edhe jo rralle kane qene pre e trafikimit ne vendet fqinje e pertej. Disa kane humbur cdo gjurme e te tjerave, ndonese ju dihet vendndodhja, eshte teper e veshtire t'i kthesh ne vendet ku edhe jane grabitur. Nje pjese e mire e te cilave jane vjedhur prej muzeve arkeologjike, sidomos prej atij te Butrintit, i cili u plackit ne vitin e rremujave te medha. Shtatorja e Apollonit, grabitur ne Butrint (shek. i II e.re) dhe shtatorja e Artemisit te Nikeas, grabitur ne Finiq (shek te III p.e.s), aktualisht gjenden ne muzeun e Pireut. Ndaj edhe kane qene objekt i nje diskutimi per kthimin e tyre ne Shqiperi gjate takimit te 19 majit mes ministrit tone te Kultures, Ylli Pango dhe ministrit grek, George Vulgaraqis. Sipas nje njoftimi per shtyp te zedheneses se MTKRS-se, Suela Musta, "Ministri Vulgaraqis, ka premtuar kthim shume te shpejte te dy objekteve arkeologjike te trafikuara, te cilat gjenden aktualisht ne muzeun e Pireut". Duke bere te ditur gjithashtu, se pritet dhe nje vizite e ministrit grek te Kultures ne vendin tone. Keto dy objekte tejet te rendesishme per trashegimine tone kulturore, jane premtuar se do te kthehen, por jane shume te tjera, te cilave ju dihet vetem fati, se kane qene pre e trafikimit te objekteve dhe asgje me shume. E duke qene se edhe kartelat ju mungojne nje pjese te mire, eshte gati e pamundur gjetja e tyre, e ca me shume kthimi i tyre ne Shqiperi. Por, premtimi per kthimin e ketyre dy objekteve te cilat gjenden ne muzeun e Pireut, s'do te thote aspak se jane te vetmet objekte te trashegimise sone kulturore te trafikuara drejt kushedi se cilit shtet. Nje nder to, eshte edhe statuja pa koke e Aferdites, e cila mban numrin e karteles 916 ne Qendren e Inventarizimit te Pasurive Kulturore, por per te nuk ka asnje premtim per kthim ne Shqiperi. Kjo pasi ende nuk dihet vendndodhja e saj, gjendet apo jo ne ndonje muze te botes. Sikunder eshte theksuar edhe ne nje konference kombetare te Trafikimit te Objekteve te Trashegimise Kulturore vitin e shkuar ne Tirane, per ato objekte te cilat kane nje kartele me te dhena te sakta, dhe ajo cka eshte me e rendesishmja, shoqeruar edhe me fotografi, eshte me e lehte gjetja e vendndodhjes se tyre. Por problem teper i madh rezulton mosekzistenca e fotografive te ketyre objekteve, qe ne vite te ndryshme kane qene pre e trafikimit, duke u grabitur nje pjese e madhe e tyre nga muzete arkeologjike ne vend.

Objekte arkeologjike te trafikuara ne Greqi:

Shtatorja e Artemisit te Nikeas e grabitur ne Finiq. Objekt i shek. III p.k. Kartela nr. 913

Shtatore djali (Apolloni), grabitur ne Butrint, shek. II p.k Kartela nr. 914

Jane ne kerkim me vendndodhje te paidentifikuar:

1. Statuje vajze, kartela nr. 915

2. Statuje pa koke (Aferdita), kartela nr. 916

Objekti nr. 913

Dimensioni: 125 cm lartesi

Material: Mermer

Tip: Shtatore

Periudha: Helenike

Kultura: Paraqytetare Ilire

Eshte gjetur ne Finiq, Sarande. Grabitur ne mars 1997 ne muzeun Arkeologjik te Butrintit. Statujes i mungojne dy krahe, koka dhe ka shume demtime ne siperfaqe. Busti eshte i zotes femerore (Artemis, ose eshte busti i Nikese?). Ka veshur nje mantel te gjate te palosur, ku nen gjoks krijon nje Apoptygma. Zota paraqitet ne levizje, ku ka bere nje hap perpara me kemben e saj te djathte. Periudha helenike.



Objekti nr. 915

Dimensioni: 66.5 cm

Material: Mermer

Tip: Shtatore

Periudha: Klasike shek. 4 - 6 p.k

Kultura: Qytetare Ilire

Statuja e vajzes eshte e punuar ne mermer. Koka eshte e ngjitur. Bazamenti i ulet eshte punuar njesh me trupin. Veshja eshte nje mantel i lidhur lart, me pala te cilin e ngre me doren e majte. Dora e djathte para gjoksit mban bririn e bollekut. Ne sup dallohen lidhese. Eshte statuje e trafikuar dhe nuk dihet fare se ku gjendet aktualisht.



Objekti nr. 916

Dimensioni: 125 cm

Material: Mermer

Tip: Shtatore

Periudha: Klasike shek. 4-6 p.k

Kultura: Qytetare Ilire

Statujes i mungon koka. Mendohet se duhet te kete pasur koken e Aferdites. Bazamenti eshte punuar bashke me statujen. Ne krahun e majte, bazamenti eshte i grabitur dhe ne te dallohet nje gjurme kembe. Dora e djathte, nga mesi e poshte, mungon, kurse e majta mungon nga mesi i parakrahut. Pjesa e poshtme e trupit eshte pothuaj ballore, ajo e sipermja paraqet nje kthim intensiv ndaj formes shoqeruese.

[BARAT]

NO COMENT-firme e organizates me antishqiptare ne Greqi

[Dita]

Si perkthehet kjo firme Barat? Une mundem te lexoj vetem Alvanoi dhe Elas.

[Darius]

Në Korçë nxënësit mësojnë se Jugu i Shqipërisë është Greqi



• Në qytetin ku 120 vjet më parë u çel Mësonjëtorja e Parë Shqipe këta fëmijë, falë liçencës që “Omiros” ka marrë nga Ministria jonë e Arsimit, e nisin ditën me mësimin: “Vorio-Epiri iu bashkua padrejtësisht shtetit shqiptar


Fëmijët shqiptarë të fshatrave përreth Korçës, Boboshticë e Drenovë po mësojnë një “të vërtetë” të hidhur: që toka ku ata u lindën e po rriten është greke. Janë rreth 180 nxënës, bijë e bija shqiptarësh që po u mësohet falas nga shkolla jopublike greke “Omiros” një histori e shtrembëruar që i paraqet stërgjyshërit e tyre si pushtues të Vorio-Epirit. Është një brez fëmijësh, i ciklit fillor që A-në e lexon alfa, që gdhihet çdo mëngjez me hymin grek dhe që nuk di asnjë varg të atij shqiptar, që thotë “Kalimera” e jo “Mirëmengjez” që kërcen “zeivefiko” dhe nuk di ç’është pogonishtja.

Në qytetin ku 120 vjet më parë u çel Mësonjëtorja e Parë Shqipe këta fëmijë, falë liçencës që “Omiros” ka marrë nga Ministria jonë e Arsimit, e nisin ditën me mësimin: “Vorio-Epiri iu bashkua padrejtësisht shtetit shqiptar. Banorët grekë të zonës nuk e pranuan këtë vendim dhe organizuan grupe ushtarake për të siguruar pavarësinë e tyre”.

Është pikërisht një mësues grek që ua mëson këto fëmijëve tanë gjatë orës së historisë. “Më 9 Nëntor 1921, ministrat e jashtëm të Fuqive të Mëdha vendosën në Paris se cilat do të ishin përfundimisht kufijtë e Shqipërisë. Sipas këtij vendimi Greqisë i merreshin territoret që kishte çliruar gjatë Luftës së Parë Botërore”, vijon më tej mësuesi. Ai sillet mirë me fëmijët e shqiptarëve megjithëse me historinë që u mëson i konsideron si bij “pushtuesisht”.
Ja si e shpjegon ai Luftën e Dytë e Botërore: “Edhe pse forcat ushtarake greke ishin të pakta para superfuqisë së Italisë dhe ndihmës së aleatit të vogël (Shqipërisë), ushtria greke mundi të frenojë ushtrinë italiane në kufirin me Shqipërinë (28 tetor – 14 nëntor 1940). Në vazhdimësi ushtria greke kaloi në mësymje të përgjithshme në Epir dhe në veriperëndim të Maqedonisë (14 nëntor 1940 – 6 janar 1941)”. Tashmë në mbyllje të vitit shkollor, këta 180 fëmijë shqiptarësh e kanë mësuar në shkollë atë që deri dje thuhej lartë e poshtë: “nga Pogradeci në Himarë, toka është greke”.

Si u mor licensa

Licensa për çeljen e një shkolle 9 vjeçare greke në Korçë është lëshuar nga Ministria e Arsimit e Shqipërisë, rreth dy vjet më parë. Në bazë të ligjit për arsimin është kjo ministri që kontrollon kurrikulat mësimore e që rrjedhimisht është institucioni që ka legalizuar dhe vazhdon të heshtë përballë këtij skandali. Ndaj dhe nuk është aspak faji i drejtoreshës greke të “Omiros”, Vasiliki Baraki që përballë kësaj “dashamirësie” të qeverisë shqiptare të deklarojë: “Çdo vit ngjitim nga një shkallë. Perspektiva jonë është që të plotësojmë një sistem të plotë të shkollës së mesme e t´i përgatisim nxënësit për të vazhduar shkollën e lartë kudo që ata do të dëshirojnë, në universitetet shqiptare, greke apo ato evropiane”.

Nga i dërguari ynë në Korçë Tedi Blushi

Balkanweb..

[BARAT]

Jane anetare te organizates me antishqiptare. Ekstremista raciste

-------------------------------------------------

Anëtarë të organizatës “Krisi Avgjia” kanë shpërndarë fletushka në formë traktesh kundër shqiptarëve


29/03/2005-Shkruan Altin Metaj

Greqi, fletushka raciste para ndeshjes


ATHINË- Ndeshja e futbollit e ditës së mërkurë ndërmjet ekipeve kombëtare të Greqisë dhe Shqipërisë rrezikon që të kthehet në një sulm masiv racist kundër emigrantëve dhe tifozëve shqiptarë që jetojnë në Greqi.

Ekstremistët e djathtë grekë janë përgatitur prej kohësh për këtë ndeshje dhe duket se do të shfryjnë urrejtjen e tyre ndaj të gjithë shqiptarëve. Ata e kanë parë shumë të arsyeshme mosdhënien e biletave për tifozët shqiptarë si dhe kanë shpërndarë nëpër shkolla fletushka raciste. Në këtë mënyrë atmosfera para ndeshjes së ditës së mërkurë është tensionuar në maksimum. Policia greke ka marrë masa që të mos përsëriten skenat e katër shtatorit të vitit të kaluar pas ndeshjes së luajtur në Tiranë por ekstremistët grekë nuk duket se mund të ndalen nga kjo gjë. Ndërkohë, 26 emra të njohur të artit dhe sportit grek e shqiptar kanë dhënë një mesazh antiracist përpara ndeshjes të së mërkurës.
Gazeta greke “To Vima” ka zbuluar dje një plan të përgatitur nga ekstremistët e djathtë grekë. Sipas saj, këta njerëz kanë zgjedhur ditën e mërkurë si shansin e tyre më të mirë për të shfryrë urrejtjen që kanë ndaj shqiptarëve që banojnë në Greqi. Madje ata e kanë konsideruar mosdhënien e biletave për tifozët shqiptarë si një veprim shumë të mirë të Federatës Greke të Futbollit. Plani i ekstremistëve të djathtë grekë nuk është zbuluar vetëm nga gazeta “To Vima” por edhe nga organizata e Rinisë Kundër Racizmit në Europë. Sipas saj, rreth 10- 15 anëtarë të organizatës ekstremiste “Krisi Avgjia” kanë shpërndarë fletushka në formë traktesh kundër shqiptarëve. Me këto fletushka ata kanë bërë thirrje që shqiptarët janë provokatorë dhe se nuk duhet të lihen që të festojnë. “Rreth 10 ose 15 anëtarë të “Krisi Avgjisë” kanë shpërndarë ditë më parë në shkollat e Grivas fletushka me rastin e festës kombëtare të Greqisë, më 25 mars. Brenda në këto fletushka flitet edhe për ndeshjen e së mërkurës ndërmjet Shqipërisë dhe Greqisë. Në fletushka thuhet se shqiptarët provokojnë duke mbajtur flamurin grek në festën tonë kombëtare dhe duan të festojnë brenda vendit tonë”,- tha dje Janopulos, përfaqësues i organizatës së Rinisë Kundër Racizmit në Europë. Sipas tij, këto veprime raciste duhen ndaluar dhe dënuar nga ana e shtetit grek.
Kundër atmosferës raciste të krijuar nga ekstremistët e djathtë grekë kanë dalë 26 emra të njohur të artit dhe sportit grek e atij shqiptar. Ata kanë përpiluar një deklaratë të përbashkët duke dhënë një mesazh antiracist. Në deklaratën e përbashkët, 26 emrat e njohur në publikun e të dy vendeve, kanë kërkuar që ndeshja e së mërkurës të mos bëhet shkak i krijimit të një atmosfere raciste, e cila nuk do t’i interesonte askujt. Ndërmjet atyre që kanë nënshkruar këtë deklaratë janë artistët e njohur grekë Andoni Kafexopulos, Ana Vajena, profesorë të Universitetit “Pandio” si dhe shkrimtari shqiptar Fatos Kongoli. Në deklaratën e përbashkët dënohet edhe një pjesë e shtypit si grek ashtu si dhe policia, e cila nuk luajti rolin e duhur për të qetësuar situatën. Ndërkohë, thirrje për qetësi ka bërë edhe ambasadori shqiptar në Greqi, Bashkim Zeneli, në një intervistë të dhënë në gazetën “Elefterotipia”. Situata e tensionuiar si dhe mos dhënia e biletave për tifozët shqiptarë është dënuar edhe nga ana e Forumit Social Grek. Ky i fundit, në një deklaratë për shtyp ka dënuar aktin e mosdhënies së biletave tifozëve shqiptarë dhe fton të gjithë të shikojnë ndeshjen në një ekran të madh, i cili do të vendoset në sheshin Koxhias, përpara godinës së Bashkisë së Athinës. “Të mos i lejojmë që ndeshja Greqi – Shqipëri të shndërrohet në një shpërthim të urrejtjes raciste antishqiptare”,- thuhet ndërmjet të tjerash në deklaratën e Forumit i cili fton të gjithë që të ndjekin së bashku ndeshjen në shesh më 30 mars.

[BARAT]

Pa u ndier fare ata levizin dhe nu heqin dore nga enderra e tyre e vjeter, asimilimi i shqiptareve dhe pushtimi i tere Epirit nga greket

--------------------------------------------------------------------------------------

Hapet një shkollë shqiptaro-greke në Boboshticë

Mësuesja e vetme: Fëmijët shkuan tek shkolla greke falas që u hap këtë vit afër fshatit

Shkolla e Boboshticës, vetëm me 5 nxënës

"Shekulli"-5/10/05

Shkolla 9-vjeçare e fshatit Boboshticë që ndodhet vetëm 5 kilometra larg qytetit të Korçës e ka filluar vitin e ri shkollor vetëm me 5 nxënës. Mësuesja e vetme tha se nxënësit e kësaj shkolle janë larguar së bashku me familjet e tyre në Greqi. Kurse një pjesë tjetër e atyre që jetojnë në fshat, këtë shtator u regjistruan e po vazhdojnë mësimet në shkollën greke jo publike pa pagesë, që u çel këtë vit afër Boboshticës.

Ky fshat është relativisht i madh, me rreth 1 200 banorë. Rreth 300 familje kanë emigruar në Greqi dhe i kanë marrë me vete fëmijët, duke i shkolluar në vendin fqinj. Përveç dhjetëra të tjerëve që kanë shkuar në shkollën greke hapur afër fshatit, falas. Shkolla jopublike “Omiros“ , u përurua nga Ministria e Arsimit të Shqipërisë dhe ajo greke, disa muaj më parë. Banorët justifikohen duke thënë se fëmijët preferojnë shkollën greke nga ajo e fshatit sepse në të mësimi zhvillohet në mënyrë më profesionale dhe ambientet janë shumë luksoze.

Mësuesja e vetme e Boboshticës, Burbuqe Çaprazi, ardhur përpara disa viteve nga fshati Bërzheshtë e Librazhdit, tregon se dikur kjo shkollë e ciklit 8-vjeçar numëronte mbi 200 nxënës, ndërsa tashmë ajo ka mbetur vetëm me 5 nxënës. Katër prej tyre janë nga fshati Boboshticë dhe tjetri vjen nga një fshat fqinj.
Gjithsesi Drejtoria e Arsimit në Korçë, edhe pse me pesë nxënës, ka vendosur që shkolla e këtij fshati të qëndrojë e hapur me shpresën që në vitin e ardhshëm shkollor do të regjistrohen të gjithë fëmijët e fshatit që hyjnë në klasën e parë. Shkolla shqipe e këtij fshati është nga më të vjetrat në Shqipëri, ajo është hapur në vitin 1916 dhe në atë kohë numëronte 35 nxënës.

[BARAT]

Në përurimin e shkollës, ministrja e Arsimit, zv.ministri i Jashtëm dhe kryepeshkopi Anastas

Korçë, hapet shkollë greke

Zv.ministri i Jashtëm grek: Ëndërr e vjetër për grekët etnikë në Shqipëri, ndërtimi i një shkolle në Korçë


"Shekulli", me 17 prill 2005

TIRANË - Hapet shkollë greke në Korçë. Sipas Agjencisë Maqedone të Lajmeve me qendër në Selanik të Greqisë, ministrja greke e Arsimit, Marietta Giannakou dhe zv.ministri i Jashtëm, Evripidis Stilianidis, pritet të marrin pjesë sot në përurimin e shkollës fillore greke “Omiros” në Korçë, si dhe në përurimin e Departamentit të Shkencave Kompjuterike në Universitetin e Korçës. Këto projekte janë financuar nga Agjencia Ndërkombëtare e Zhvillimit dhe Bashkëpunimit dhe Ministria e Jashtme greke. Në deklaratën e tij për Agjencinë Maqedone të Shtypit (MPA), Stilianidis theksoi se Ministria e Jashtme (greke) i jep rëndësi të veçantë diplomacisë nëpërmjet arsimit, çka kontribuon në promovimin e kulturës greke, letërsisë greke dhe gjuhës greke. “Një nga projektet tona më të rëndësishme, që ka qenë një ëndërr e vjetër për grekët etnikë në Shqipëri, është ndërtimi dhe vënia në punë e një shkolle në Korçë”,- tha zv.ministri i Jashtëm i Greqisë. Duke shfytëzuar anëtarasinë në Bashkimin Evropian, Greqia ka kërkuar shpesh në kuadër të të drejtave të minoritetit grek në Shqipëri edhe hapjen e shkollave. BE-ja shpesh në raportet e saj mbi situatën e pakicave në Shqipëri ka theksuar se niveli i tyre ka ardhur në rritje, por sërish ka nevojë për përmirësim. “Ndërtimi i shkollës u financua nga Ministria e Jashtme greke dhe do të funksionojë me ndihmën dhe bashkëpunimin e ministrive të arsimit të të dyja vendeve”,- u shpreh Stilianidis, duke shtuar se një Departament i Shkencës Kompjuterike do të përurohet gjithashtu në universitetin lokal. Sipas zv.ministrit grek, këto dy ndërhyrje nga Hellenic Aid, nxjerrin në pah rolin e rëndësishëm që Greqia mund të luajë si një donatore në rajonin e Ballkanit, si dhe ndjeshmërinë e Greqisë për popujt fqinjë dhe pakicën greke në Shqipëri, e cila mund të shërbejë si një urë miqësie dhe bashkëpunimi ndërmjet dy vendeve. Përurimi do të bëhet në praninë e kryepeshkopit orthodoks, Anastas, ndërkohë që do të hidhen edhe themelet e ndërtesës së re të arsimit të lartë. Gjithashtu, ministri grek i Arsimit dhe zv.ministri i Jashtëm kanë parashikuar të vizitojnë ndërtesën që dikur shërbente si konsullatë greke, Katedralen e Korçës dhe gjimnazin “Themistokli Gërmenji”. Në Jug të vendit, në fshatrat e minoritarëve të Dropullit janë ngritur prej vitesh shkolla në gjuhën greke edhe pse numri i nxënësve që i frekuentojnë ato është shumë i vogël, për shkak të emigracionit. Për t’u theksuar është fakti që disa klasa në këto shkolla e zhvillojnë mësimin vetëm me disa nxënës.

----------------------------

tani i doli i tymi zjarrit qe ndezi Janullatos&CO ne 2005
Jeni ne rregull, jeni te kenaqur?
Po s' mesuar greqisht si do ju degjoje Zoti lutjet tuaja?
ps
Po me mbushet edhe mua mendja te mesoj greqisht e ti them ndonje llaf Zotit per greket se shqip...aha s degjoka fare

Ata hapin shkolla ?!?!?!
shkolla me nga pese veta dhe pretendojne gjysmen e Shqiperise??
Po ne c'duhet te pretendojme?
Tere Greqine?
Ka vajt kur>||iku ne rangje qiellore
Me kete ritem edhe Jezusin do ta nxjerrin minoritar nodnje dite ...a se harrova ka nje liber gje qe thote se Jezusi fliste nje idiome te pellazgjishtes?
Shshshs...mos ja thoni graeci se e bene dhe Jezusin grek nga mikroazia

[BARAT]

Ç’ndodh 2 km larg Korçës dhe fshatrave të saj, ku është hapur një shkollë greke luksoze dhe pa pagesë. Flasin prindërit: I çojmë fëmijët tek “Omirosi” sepse shkollat shqiptare po rrënohen




Korçë, shkolla greke boshatis klasat e para shqiptare


Jorgjeta Gjançi
06-10-2005

Luksoze, e madhe dhe pa pagesë. Kaq ka mjaftuar që një shkollë greke e hapur këtë vit, 2 km larg Korçës, afër fshatit Dvoran, të marrë thuajse të gjithë nxënësit e klasave të para të fshatrave përreth. Madje edhe të Korçës.
Ajo që e ka paguar më shtrenjtë është njëra nga shkollat më të hershme shqiptare, e Boboshticës, hapur në 1916. “Omiros” e ka katandisur klasën e parë të kësaj shkolle vetëm me 5 nxënës.

Mësimi, 30% në greqisht
Për fëmijët që mësojnë në shkollën jopublike, pa pagesë “Omiros”, dita fillon me nxitimin për të kapur autobuzin dhe përshëndetjet “Mirëmëngjes!” dhe “ Kalimera”.
E përuruar me bujë 17 prillin e sivjetshëm nga vetë ministri shqiptar i atëhershëm i Arsimit, Luan Memushi, ministrja greke Marjeta Janaku , madje edhe nga zëvendësministri i Ministrisë së Jashtme, Evripidhi Stlianidhi, “Omiros” u quajt që atëherë shkolla greke, për faktin se është ndërtuar me investim tërësisht të qeverisë greke. Shumë banorë të Korçës dinë se në këtë shkollë mësimi zhvillohet tërësisht në gjuhën greke, por sipas drejtorit të saj, Antonios Noulis, 70 për qind e mësimit zhvillohet në gjuhën shqipe dhe 30 për qind në gjuhën greke.
Meqë shkollat shqiptare janë duke u rrënuar, nuk u desh shumë që dhjetëra prindër korçarë t’i drejtoheshin “Omirosit“. Shtatorin e këtij viti pati kërkesa të shumta nga prindërit për të regjistruar fëmijët në këtë shkollë madje ata ishin paksa të trembur se mos drejtoria e shkollës nxirrte pengesa. Por nuk ndodhi ashtu, drejtoria e shkollës ishte e interesuar të pranonte sa më shumë nxënës, pa dallim feje, gjendjeje ekonomike, vendbanimi apo shkalle të zhvillimit të intelektit. Shumica e rreth 200 nxënësve që ka shkolla dhe kopshti, vijnë nga Korça, por meqë ato ndodhen shumë afër fshatrave Drenovë, Qatrom, Dvoran, Boboshticë etj nuk janë të paktë edhe fëmijët që vijnë nga këto fshatra. Spiro Disho, një nga banorët e Boboshticës, që çon djalin e tij në shkollën”Omiros”, thotë “Në fillim drejt kësaj shkolle më tërhoqi pamja e jashtme e godinës. Më pas u interesova e mësova se brenda kishte mjedise shumë të mira. Mendova se djali aty ka gjithçka që i nevojitej për të mësuar mirë, shkollën e kemi afër dhe nuk na kërkohet të paguajmë. Kurse në shkollën shqiptare që kemi në fshat, kushtet janë të vështira. Mjediset janë të ftohta, sepse ndodh që të mungojnë në mes të dimrit edhe drutë e zjarrit, pastaj klasat nuk janë shumë të izoluara nga e ftohta, drejtoria e shkollës është larg“.


Private…dhe pa pagesë?!
Shumë prindër lakmojnë mësimin e gjuhëve të huaja, sidomos greqishtes. Kështu pohon edhe Dafina K. një nënë e re, që çon në këtë shkollë dy vajzat e saj. Sidorela mëson në klasën e dytë, ndërsa tjetra sapo kishte filluar të shkonte në kopshtin e fëmijëve, brenda godinës. “ I çova në këtë shkollë që vajzat të mësojnë gjuhën greke dhe atë angleze. Burrë e grua jemi punëtorë dhe nuk kemi aq të ardhura sa t’ua mësojmë gjuhët e huaja që do t’iu duhen në jetë me kurse private”, - thotë ajo.

Emërtimi i shkollës “Omiros” si “shkollë jopublike dhe pa pagesë” , jo në pak raste ka ngjallur diskutime. “Nëse nuk është shkollë publike mbetet të jetë shkollë private, e në rast se është e tillë duhet të jetë me pagesë”,- arsyetojnë korçarët që nuk e fshehin habinë se përse u intereson grekëve të hapin një shkollë kaq të mirë falas në Shqipëri. Po këtij diskutimi mund t’i duket fundi ndoshta vetëm pas disa vitesh, kur fizionomia e “Omirosit” të jetë më e qartë.
Këto diskutime janë të njohura edhe për drejtorin e shkollës, Noulis, që pa dashur të zgjatet thotë ”Shkolla jonë është një urë lidhëse mes dy popujve tanë, atij shqiptar dhe atij grek. Këto hapa popujt e Europës kanë dekada e shekuj që i kanë hedhur, ne po i hedhim sot. Është mirë ta njohim njeri- tjetrin dhe të ecim përpara drejt zhvillimit!”

Një sy i hedhur shpejt shkollës, brenda dhe jashtë, vërteton se aty është investuar pa kursim. Godina ka 15 klasa, një pjesë e të cilave ende janë bosh. Bankat, karriget, dollapët, stendat janë të gjitha të reja, të bukura. Salla e kompjuterave, sallat e lojërave, salla e madhe e veprimtarive që është sa sipërfaqja e gjithë godinës e ku mund të marrin pjesë si artistë apo spektatorë mijëra nxënës, mjedise hidrosanitare moderne, gjithë dritë. Në shkollë është instaluar një sistem ngrohës për të gjitha mjediset dhe fondet për vënien e tij në funksionim janë të garantuara. Për të gjitha këto, çuditërisht, prindërit shqiptarë nuk paguajnë asgjë. Ata japin vetëm një shumë simbolike për trasportin e fëmijëve me autobus nga qyteti në shkollë, që ndodhet 2 km larg Korçës.
Në klasat e para dhe të dyta të kësaj shkolle mësojnë 112 nxënës, kurse në kopsht shkojnë 80 fëmijë të tjerë. Me ta punojnë 9 edukatore dhe mësuese të ciklit të ulët, shqiptare. Po kaq mësuese dhe edukatore janë edhe greke. Drejtoria thotë se shkolla i përmbahet programit të miratuar nga Ministria Shqiptare e Arsimit. Mësueset shqiptare i zhvillojnë lëndët në gjuhën shqipe. Secila prej tyre jep katër orë mësimi, ku lëndët kryesore janë abetarja, aritmetika, drejtshkrimi i gjuhës shqipe. Më pas nxënësit vazhdojnë ditën me dy orë të tjera, zhvilluar me mësueset greke, të cilat përveç mësimit të gjuhës helene, zhvillojnë edhe fizkulturë e mësim pune, po në gjuhën greke. Disa prej mësueseve shqiptare dinë apo kanë filluar të kuptojnë gjuhën greke, por edhe mësueset greke po mësojnë gjuhën shqipe, sepse disa prej tyre kanë ardhur para 3-4 vjetësh në Korçë dhe kanë drejtuar mësimin e gjuhës greke në kurset e çelura pranë shoqatës kulturore “Vëllazërimi”, krijuar në këtë qytet mbi dhjetë vjet më parë.


Mësuesit shqiptarë paguhen më pak se grekët
Tek njihesh me përbërjen e stafit mësimor, natyrshëm lind kureshtja nëse ka diskriminim në pagesë mes mësueseve shqiptare e atyre greke. Drejtori Antonios Noulis e pohon një gjë të tillë duke shpjeguar pse pagesat e tyre kanë ndryshim.„“Mësueset greke trajtohen me atë pagë që trajtohen gjithë mësuesit në Greqi, ndërsa mësueset shqiptare trajtohen me nje pagë pak më të lartë se mësuesit e shkollave publike në Shqipëri“,-thotë ai. Edhe pse mësueset shqiptare, gjatë procesit mësimor mbajnë peshën më të madhe sepse zhvillojnë lëndët kryesore dhe më të shumta, paguhen më pak se koleget e tyre greke. “Gjithsesi, në projektet tona kemi parashikuar një rritje të pagës së mësueseve shqiptare“,- shprehet drejtori duke dashur ta mbyllë sa më parë këtë temë të bisedës.
“Omiros“ kontrollohet dhe është në varësi të Drejtorisë Rajonale të Arsimit në Korçë. Kryeinspektori i saj, Vangjush Petri, thotë se aty kanë shkuar grupe inspektorësh dhe kanë kontrolluar zbatimin e programit mësimor të miratuar nga Ministria e Arsimit e Shqipërisë.

Si u mor licensa
Licensa për çeljen e një shkolle 8 – vjeçare shqiptaro - greke në Korçë është lëshuar nga Ministria e Arsimit e Shqipërisë, tre vjet më parë. Që atëherë, kanë filluar të hidhen hapat për çeljen e shkollës. Në vitin e parë u hapën disa grupe të kopshtit të fëmijëve, në vitin e dytë një klasë e parë dhe tani, në të tretin vit të marrjes së licensës, u çelën tri klasa të para dhe u shtua një klasë e dytë. Pra Omiros ka grupet e kopshttit, tre klasa të para dhe dy të dyta. “Çdo vit ngjitim nga një shkallë. Perspektiva jonë është që të plotësojmë një sistem të plotë të shkollës së mesme e t’i përgatisim nxënësit për të vazhduar shkollën e lartë kudo që ata do të dëshirojnë, në universitetet shqiptare, greke apo ato evropiane”,-thotë drejtori grek.

-----------------------------------------------------------------------------------------------

Nga njera ane palikaret e shtetit (anti)shqiptar rrenojne arsimin shqiptar, mjeksine, rruget si rrehullojne dhe nga ana tjeter vjen bamiresia e tipi "lulekuqe mbi mure (pershendete bamiresin)", ku prifti me zemer te madhe inaguron iniciativat e atyre, qe para nje shekulli vinin me thiken ne dore per te prere koka shqiptaresh.
Sa lire blihet mjerimi
...dhe fukarenjte e kane lodhjen si gunge mes ballit, nga e cila dian te shpetojne, packa se do flasin greqisht, packa se do thone jemi c te doni ju po vetem na lini rehat te jetojme se vdiqem nga hallet...

....POSHTERSI PA KUFI, TE BLESH HALLET E TJETRIT...NDERIN E TIJ IDENTITETIN, NE SHKEMBIM TE NJE IDEJE TE MYKUR BIZANTINE
TURP

[Darius]

Ska gje Barat. Keto jane urat e bashkepunimit qe pretendohen. Keto afrojne popujt dhe thyejne konceptet e politikes se rruges dhe te turmave.

Vetem se keto ura po na kthehen ne vargonj...

[BARAT]

Sondazhi

40 për qind e grekëve: Të clirohet "Vorio Epiri"
Shekulli
29-05-2007
Një shekull pas luftërave të fundit Ballkanike dhe pasi Venizellosi dështoi të vinte kufijtë e Greqisë atje ku donte ai, në vendin fqinj, anëtar i BE-së, janë ende në shumicë ata që luftojnë për "Megal- Idenë" dhe tokat e humbura. 40 për qind e grekëve pretendojnë se Shqipëria mban të pushtuar një pjesë të territorit të saj, i cili duhet të çlirohet. Lajmi është bëri i njohur dje nga disa agjenci lajmesh, përfshirë të përditshmen "Ekathimerini", që citojnë KPEE (kpee.gr), një agjenci për hulumtimin e mendimit politik, e cila ka bërë në fund të marsit një sondazh mbi mënyrën se si e shohin fqinjët tanë vendin e tyre të vitit 2020. Rezultatet tregojnë se mjaft grekë mendojnë që Stambolli, Anatolia Perëndimore, Deti i Zi, Maqedonia e Jugut dhe Shqipëria e Jugut janë pjesë të pushtuara të atdheut, që duhet të çlirohen. Anketuesit thonë se kanë pyetur 2 mijë persona, ndër të cilët 59 për qind mendojnë se rajone që sot i përkasin Turqisë dhe Qipros Turke janë pjesë të pushtuar të atdheut. 40 për qind e grekëve e pretendojnë këtë edhe për Shqipërinë e Jugut dhe 21 për qind për rajone të Republikës ish-Jugosllave të Maqedonisë.

Sondazhi
Agjencia turke e lajmeve "ANA" (Anatolia neës agency) bëri të ditur një pjesë të sondazhit, të publikuar një ditë më parë në faqen e internetit të grupit që e kishte kryer këtë anketë, duke deklaruar se një pjesë e grekëve pretendonin për territore të Turqisë dhe vendeve të tjera të Ballkanit. Rezultatet e sondazhit tregojnë se numri i të pyeturve që mendonin se Qiproja Turke ishte një pjesë e pushtuar e atdheut, ishte më i madhi. Rreth 59 për qind e të pyeturve mendonin se kjo pjesë e ishullit ishte tokë e pushtuar, 37.9 për qind mendonin kështu për Stambollin, 36.2 për qind për Azinë e Vogël dhe 31.2 për qind për rajone në Detin e Zi. Po sipas sondazhit të mësipërm, numri i atyre që thonë se Shqipëria e Jugut, të cilën ata e quajnë Epiri i Veriut (Voiro -Epir) është territor grek i pushtuar, ishte 40 për qind. Vetëm 21 për qind pretendonin të njëjtën gjë për pjesë të Maqedonisë. Ndërkohë 31 për qind e të anketuarve mendojnë që janë shumë nacionalistë dhe 43 për qind thonë se nuk janë fare nacionalistë. Nga ana tjetër, më shumë se 70 për qind e fqinjëve mendojnë se BE ndodhet në stadin aktual, falë kulturës greke dhe vetëm 39 për qind besojnë që Greqia e sotme është vijim i Greqisë së Vjetër.

"Megal Idea"
Kryeministri grek në vitet 1920, Venizellos pretendonte të njëjtat hapësira, që nuk i përkasin Greqisë. E gjithë kjo është ajo që shqiptarët janë mësuar ta quajnë "Megal Idea" (Idea e Madhe), e cila pretendon aneksimin e pjesës së Jugut të Shqipërisë. E ndërsa politika e diplomacia në të dy vendet, vazhdon të këmbëngulë në marrëdhënie të mira, duket se një pjesë e mirë e votuesve në vendin fqinj vazhdojnë ta shohin Shqipërinë si pushtuese të tokave të tyre. Venizellos dështoi të realizonte gjatë paqes së Versajës synimin e tij për të "ringjallur" Bizantin, po ashtu siç dështuan shqiptarët të bashkonin me trungun kryesor pjesë të tëra të banuara nga shqiptarë, serbët të vinin në jetë Naçertanian dhe bullgarët për të kthyer perandorinë e tyre të dikurshme. I gjithë ky lëmsh Ballkanik me dëshira dhe kundër dëshira, duket se mbetet po aq i gjallë edhe pas luftërave me mijra të vrarë në Ish-Jugosllavi.