Dosja antishqiptare e Greqisë, 1912-2007

[BARAT]

Politika, per planin "Geixh" per Saranden

Disa prej politikaneve shqiptare kane reaguar dje ne lidhje me planin e Nikolas Geixh, te botuar dy dite me pare ne nje nga gazetat e perditshme shqiptare, i cili do te mundesonte greqizimin e qytetit te Sarandes. Keshtu, Kryetari i PD-se, Sali Berisha u shpreh dje se per gjera qe mbeten ende te paverifikuara, kjo ceshtje nuk mund te komentohet, ndersa per deputetin demokrat, Besnik Mustafaj, mbi kete ceshtje duhet te mbajne qendrim organet e specializuara te shtetit, te ngarkuara per mbrojtjen e sovranitetit te Shqiperise. Nderkohe, duket se i te njejtes linje ka qene edhe komenti i deputetit te PBDNJ-se, Ligoraq Karamelo, sipas te cilit, minoritetet jane nje ure bashkepunimi midis Shqiperise dhe Greqise. "Nuk mund te pajtohemi me tendenca, me biseda ose me komente, te cilat nuk i dime se nga vijne dhe ku jane zhvilluar", nenvizoi Karamelo.

THANE:

FATOS NANO, Kryeminister:

"Nuk eshte armik Geixhi. Ai eshte nje lobist. Deklaratat e fundit i ka thene ne mbledhjen e OMONIA-s ne Sarande, ne nje mbledhje publike te nje organizate jo politike.

SALI BERISHA, Kryetar i PD-se:

"Per gjera te paverifikuara nuk preferoj te komentoj. Ne rast se provohen si te verteta, atehere natyrisht qe do te kem qendrimet dhe komentet e mia. Ate (Geixhin) e kam takuar muaj me pare. Me ka ardhur ne zyre sebashku me Ambasadorin e SHBA-se, Xhejms Xhefri dhe natyrisht kemi shprehur pikepamjet tona, ai te tijat dhe une te mijat per ceshtjen e pakicave ne Ballkan".

BESNIK MUSTAFAJ, Deputet i PD-se:

"Ne deklarimet dhe qendrimet e zotit Geixh nuk ka ndonje surprize per mua. Ai eshte brenda veprimit te tij, te pakten ne 10-15 vitet e fundit, lidhur me Shqiperine. Per mua, per te mbajtur qendrim dhe per te gjykuar, jane organet e specializuara te shtetit shqiptar, te ngarkuara nga Kushtetuta per te mbrojtur sovranitetin e ketij vendi, per te mbrojtur interesat e tij".

LIGORAQ KARAMELO, Deputet i PBDNJ-se:

"Nuk mund te pajtohemi me tendenca, biseda ose me komente, te cilat nuk i dime se nga vijne dhe ku jane zhvilluar. Ne insistojme qe minoriteti ne kuadrin e te drejtave qe ai duhet te gezoje ne nje shoqeri demokratike, eshte nje ure bashkepunimi midis Shqiperise dhe Greqise, eshte nje faktor percaktues per te ndihmuar ne integrimin e Shqiperise ne BE".

NERITAN CEKA, Kryetar i PAD-se:

"Cdo perpjekje per ta kthyer historine prapa, i ngjan asaj te Don Kishotit, por qe natyrisht perfundon ne menyren me qesharake. Shpresoj te jene marrezite e rastit te atyre qe u ka mbetur sahati qe ne vitin 1912".


06/04/2004

korrieri

[BARAT]

Si ka mundesi qe politikanet tane nxjerrin ligje si i meposhtmi dhe takohen me njerez si ai tiranosauri i mesiperm?
-------------------------
L I G J

Nr.7839, datë 30.6.1994

PËR SHPALLJEN E 27 QERSHORIT NË KALENDARIN KOMBËTAR “DITA E GENOCIDIT NDAJ SHQIPTARËVE TË ÇAMËRISË NGA SHOVINIZMI GREK” DHE NGRITJEN E NJE MEMORIALI NË KONISPOL

Në mbështetje të nenit 16 te ligjit nr. 7491, datë 29.4.1991 “Për dispozitat kryesore kushtetuese”, me propozim të një grupi deputetësh,

KUVENDI POPULLOR I REPUBLIKËS SË SHQIPËRISË

V E N D O S I :

Neni 1

Dita 27 qershor shpallet në kalendarin kombëtar “DITA E GENOCIDIT NDAJ SHQIPTARËVE TË ÇAMËRISË NGA SHOVINISTËT GREKË”.

Neni 2

Të ngrihet në Konispol një Memorial në kujtim të viktimave të këtij genocidi.

Neni 3

Ky ligj hyn në fuqi menjëherë.



Shpallur me dekretin nr.885, datë 12.7.1994 të Presidentit të Republikës së Shqipërisë, Sali Berisha.

[Darius]

Sot ne mengjes degjova qe nje djale i ri rreth 21 vjec kishte vdekur ne hetuesine greke nga rrahjet. Dua te konfirmohet ky lajm nga ndonjeri qe jeton ne Greqi pasi ne asnje gazete shqiptare nuk gjeta informacion per kete ngjarje. A ka mundesi ndonjeri nga ju anetare qe jeton ne Greqi te japi me shume detaje se cfare ka ndodhur?

Faleminderit

[Clauss]

vari veten ne qeli.

http://www.in.gr/news/article.asp?ln...2&lngDtrID=244

[BARAT]

Clauss
vari veten ne qeli.

Pse e vari veten? C krim te rende beri qe nuk kishte me shprese per te dale nga burgu?

[BARAT]

Me sa kuptova behet fjale per vjedhje te rendomte dhe sjellje te ashper nga policia.
Gjithsesi eshte nje rast tjeter qe nuk do te zbardhet...KURRE.

[BARAT]

Perseri racizem ndaj shqiptareve.
ALBANI ja fut PANATHINAIKOSIT, por e quajne kriminale... futjen e tij

Prokuroria greke, kontroll letrave të Alban Bushit

17/04/2007 - 09:21
Altin Latifi

Incidentet e Alban Bushit në takimin mes Apollon Kallamarias dhe Panathinaikosit, ku njëherë ai u përplas me kapitenin e "të gjelbërve", Dimitris Papadopulos dhe në fund bëri një gjest ndaj pankinës mike, e kanë sulmuesin shqiptar në qendër të polemikave. Në të gjitha edicionet e lajmeve është folur vetëm për të, mediat kanë dënuar gjestin e tij, duke e quajtur deri në sjellje kriminale, ndërkohë që dje një veprim i çuditshëm ka ndodhur nga ana e Prokurorisë greke. Ka qenë zëvendës prokurori i Gjykatës më të Lartë të Greqisë (Areios Pagos), ai që ka kërkuar një kontroll të hollësishëm të dokumenteve të Alban Bushit dhe familjes së tij, duke filluar me pasaportën dhe leje-qëndrimin e tij në Greqi. "Është një tifoz i Panathinaikosit që ka një pozitë të lartë në Prokurori, ai që ka kërkuar këtë. Nuk e di se nga e gjetën një ligj të tillë, por gjithçka bëhet se i shënova gol Panathinaikosit", - tha Alban Bushi në një intervistë për "News 24". Leja e qëndrimit të Bushit ka nisur më 26 shtator 2006 dhe skadon më 25 shtator 2007, kështu që ai nuk ka asnjë problem ligjor.

Alban, si është pritur gjesti yt në Greqi?
Ajo që më vjen keq nga ai incident, është se media ka folur sot gjatë gjithë ditës për mua, kështu ndodhi edhe në emisionet sportive të ditës së diel. Të gjithë flasin për mua, për gjestin tim dhe nuk flasin për atë që ka bërë lojtari i Panathinaikosit që më goditi mua me grusht. Unë pata një moment me të gjatë ndeshjes dhe ai më gjuajti me shpullë, e panë të gjithë këtë. Ajo që nuk kuptoj është se çfarë do Prokuroria që shkon në klubin tim për të kontrolluar dokumentet e mia.
Në Greqi siç jam unë është edhe Rivaldo, njësoj jemi. Unë e quaj një gjë krejt normale atë që ndodhi, janë gjëra që ndodhin në një ndeshje futbolli. Arbitri pa atë që më goditi dhe atë ndëshkoi, nuk ka pse të bëhet kaq e madhe.

Pse mendoni ka ardhur ky reagim i Prokurorisë, ç'hyn Prokuroria në këtë mes?
Shiko, kësaj çështje i është dhënë një bujë e madhe mediatike, e thashë njëherë. Të gjithë e kanë pasur me mua, pse unë shënova gol ndaj Panathinaikosit dhe Panathinaikosi humbi Champions League me këtë ndeshje. Pse unë barazova dhe aty duhet të shkojë Prokuroria. Kjo nuk është fare normale, nuk e di se nga ka dalë ky lloj ligji. Megjithatë, e thashë që këtu në Greqi është folur tërë ditën vetëm për mua në edicionet e lajmeve, s'është folur fare për atë tjetrin që më goditi mua. Para një muaji këtu në Greqi ndodhi një incident i rëndë, kur në një ndeshje volejbolli mbeti i vrarë një tifoz dhe organet greke kanë vendosur për masa të ashpra qoftë edhe jo sportive, por se kuptoj pse duhet të gjendesha unë si i pari për këtë punë. Këto ditë do të mblidhet edhe Komisioni Disiplinor i Federatës që do të vendosë. E keqja është se këta kanë nisur të japin vendime edhe në bazë të filmimeve tani, jo vetëm nga raporti i arbitrave.

Çfarë dokumentesh ka kërkuar Prokuroria nga klubi juaj?
Unë isha në Athinë dhe më njoftoi klubi për këtë, më tha se duhen pasaporta, leja e qëndrimit në Greqi, megjithatë unë kam dhe pasaportë diplomatike dhe nuk kam ndonjë problem vize. Unë them se e gjithë kjo ka ardhur ngaqë humbi Panathinaikosi. Mesa di dhe mendoj unë, këtë e ka bërë një tifoz i Panathinaikosit që ka një pozitë të lartë në Prokurori. E thashë, që u bë shumë bujë për mua, tërë ditën për këtë është folur këtu.

Si do bësh tani e tutje, mendon se do kesh probleme në Greqi, a do vazhdosh të qëndrosh aty?
Shiko, unë i pastër jam dhe nuk kam arsye pse të iki. Unë gjithsesi kam 12-13 oferta edhe nga klube të mëdha greke. Këto unë nuk i quaj fare probleme, Zidane i ra me kokë në mes të Botërorit atij dhe nuk ndodhi asgjë, nuk shkoi as Prokurori asgjë.

[BARAT]

Le te rikthehemi perseri te miku i politikaneve tane dhe i ambasadorit amerikan.te dora vete Gaxhoi

---------------------------------

Gejxh, çamët, Kuvendi dhe të tjerët...

Bledar Zaganjori

Një ish-kryeministër shqiptar gjatë një vizite në Greqi vite më parë ka harxhuar një pjesë të mirë të natës, duke shëtitur për shumë kohë sa para mbrapa në dhomën e tij në një hotel të Athinës. Më parë se nga kolegu i tij grek, kur kishte ngritur zërin për çështjen çame, ishte refuzuar dhe e kishte ndjerë veten të tradhtuar nga dy ish-ministrat e vet më të rëndësishëm...

...Të dy këta njerëz vazhdojnë edhe sot të jenë deputetë në Kuvendin e Shqipërisë, i cili prej disa javësh ka nisur një proces politik që i ngjan telenovelave latinoamerikane për miratimin e një rezolute po për çështjen çame.

Seanca kuvendore e refuzimit të votimit për rezolutën në fjalë iu afrua cakut të turpit, kur deputetët e shumicës, edhe pse kishin deklaruar më parë se do të votonin pro këtij dokumenti, ngurruan dhe kërkuan shtyrjen e votimit për një afat tjetër të pacaktuar. Politika e Tiranës jo pak herë ka treguar shenja servilizmi deri në përulje përkarshi Athinës dhe akuzat për ndërhyrje të qeverisë greke për të penguar miratimin e rezolutës, ndonëse nuk kanë gjetur një konfirmim zyrtar, lënë hije të forta dyshimi që rëndojnë mbi drejtuesit e partisë në pushtet. Aq më tepër kur justifikimi se rezoluta nuk mund të miratohej dhe se ajo kishte nevojë për ndryshime, më shumë se sa sqaron misterin hedh të tjera hije mbi këtë veprim të socialistëve, të cilëve nuk duket se u bën më përshtypje të akuzohen në opinion si tregtarë të interesave kombëtare. Anëtarët e Komisionit të Jashtëm kuvendor, të cilët hartuan për javë të tëra dokumentin e kompromisit, të vënë në pozitë të vështirë nga kthesa e papritur e socialistëve, deklaruan se nuk ishin në dijeni të ndonjë ndryshimi në rezolutë.

Në të njëjtën kohë, nën hundën e (pu)shtetit të sotëm, shtetasi amerikan me origjinë greke, Nikolas Gejxh, vjen në Shqipëri dhe vizaton në tabelë 6 detyra se si duhet të punojë minoriteti grek dhe ndërmarrjet greke këtu për të greqizuar, së pari, Sarandën e më pas qytetet e tjera te Vorio Epirit. Pas kësaj ngjarjeje, Berisha ka preferuar heshtjen, ndërsa Nano bëri të paditurin dhe të painteresuarin, duke e maskuar dhe analizuar prapësinë e Gejxhit në konteksin e globalizimit të gjykimeve, qëndrimeve dhe për pasojë edhe reagimeve, sipas mësimeve të nxjerra nga vizita në Shtetet e Bashkuara të Amerikës. Shumë fjalë për të mos thënë asgjë.

Deputetët e PBDNJ-së deklaruan në Kuvend se miratimi i rezolutës për Çamërinë do të dëmtonte marrëdhëniet me Greqinë, por lanë në heshtje faktin e mësipërm, kur në shtëpinë tonë, një grek me pasaportë amerikane bën hapur dhe në dritë të diellit propagandë për të dëmtuar shtetin shqiptar. Në fakt, ata nuk mund të konsiderohen aspak përgjegjës, kur vetë i zoti i shtëpisë, qeveria dhe institucionet e tjera të larta të shtetit, nuk dijnë dhe nuk janë në gjendje me apo pa dashje të venë rregull brenda oborrit të vet. Në Greqi jetojnë disa herë më shumë shqiptarë se sa minoritarë grekë në Shqipëri. Por asnjëherë nuk kemi dëgjuar nga një ministër apo kryeministër shqiptar të mbrojë me kaq zjarr interesat e tyre sa deputetët e PBDNJ-së mbrojnë interesat e Greqisë në Kuvendin e Shqipërisë.

© 2003 Gazeta Panorama

[BARAT]

Rikthehemi perseri te ALBANI, i cili i hoqi shansin PANATHINAIKOSIT per te vajtur ne Champions
-------------------------

Ngjarja, Bushi sherr dhe gjest ndaj Panathinaikos

17/04/2007 - 09:20

Në ndeshjen e dy ditëve më parë mes Apollon Kallamarias dhe Panathinaikosit, Alban Bushi pështyu kapitenin e skuadrës mike Dimitris Papadopulos në minutën e 57-të, ndërsa ky i fundit e goditi me pëllëmbë në fytyrë. Arbitri Briakos e nxori me karton të kuq Papadopulos, ndërsa Bushi qëndroi një minutë i shtrirë. Panathinaikosi kaloi në avantazh, por në minutën e dytë shtesë Bushi barazoi po me penallti. Më pas shqiptari shkoi para pankinës së Panathinaikosit duke iu përthyer krahun, një gjest që u transmetua nga të gjitha kanalet greke. Gjesti i shqiptarit ka shkaktuar një reagim shumë të ashpër në të gjithë Greqinë, duke qenë se Panathinaikosi humbi shansin për Champions.

"Ta Nea": Donte të shkaktonte grindje

17/04/2007 - 09:18

Apollon dhe Panathinaikos e keqtrajtuan futbollin dje", - është titulli i prestigjiozes "Ta Nea", e cila shprehet se "penalltia e dhënë nga arbitri grek ishte një anektodë. Më pas, me hollësi, gazeta përshkruan sjelljen e Alban Bushit si dhe të kundërshtarit të tij: "Donte të shkaktonte grindje, - shprehet tekstualisht gazeta për Alban Bushin, - ndërsa gjesti i tij në fund të ndeshjes ishte me të vërtetë një gjest për të ndezur gjakrat". Kurse e përditshmja "Eleftherotipia" shkruan: "Pas huliganëve, vetë futbollistët plagosën futbollin". "Dje në Kallamaria, një arbitër me vendimet e tij, Thanasis Briakos dhe një futbollist me veprimet e tij, Alban Bushi, hodhën baltë mbi futbollin. Ishte një parodi", - vazhdon gazeta.

Mediat greke në sulm: Bushi, gjeste rrugaçi

17/04/2007 - 09:18
• Nga Greqia, Aleksandër Marku

Alban Bushi ka qenë dje në të gjitha kronikat e lajmeve dhe në faqet e para të gazetave greke, pas incidentit të ndodhur dy ditë më parë në ndeshjen ndaj Panathinaikosit. Një pjesë e mirë e mediave helene janë marrë sidomos me arbitrin, por nuk kanë munguar komentet e ashpra në adresë të sulmuesit shqiptar. Më e ashpër, ashtu siç pritej, kanë qenë të përditshmet "Etnospor" dhe "Sportime", të njohura për politikën "pro Panathinaikosit". "Poshtërsitë e Bushit", titullonte dje Etnospor", me foton e madhe të sulmuesit shqiptar drejtuar pankinës së Panathinaikosit me një përthyerje të krahut. "Rrugaçëria ngelet akoma fitimtare në fushat e ndeshjes", - shkruan më tej ajo. "Në çdo shtet tjetër Bushi do të ishte arrestuar për hedhje balte ndaj futbollit, për një veprim të qëllimshëm "kriminal". Gjestet e tij ndaj pankinës së Panathinaikos përbëjnë kufirin e sjelljes sportive para mijëra sportdashësve. Futbolli grek që ka marrë goditje nga huliganët, u plagos rëndë dje nga një lojtar huligan. Nëse qeveria e do futbollin, atëherë të largojë Alban Bushin nga Greqia", - shkruan më tej Etnospor. "Sportime" i ka dhënë çmimin "Foto e ditës" asaj ku tregohet Alban Bushi me krahun të përthyer. "Vjedhja e shekullit", - shkruan "Goalnews" në faqen e parë të saj. Ndërsa artikull shkruesi karakterizon "Të rrezikshëm" arbitrin Thanasis Briakos: "Dha një penallti që vetëm ai e pa, ndërsa la Bushin pa u ndëshkuar duke vazhduar të sillet me një mënyrë të papranueshme për një lojtar profesionist, duke treguar anën e keqe të tij me gjestin ndaj pankinës së Panathinaikos pas shënimit të golit", - shkruan më tej ajo. Me qëndrimin e tij dhe me ato çka bëri në fushën e ndeshjes, Bushi nuk tregoi aspak respekt për kundërshtarët e tij, ndaj vetë futbollit dhe atyre që e duan të jetë i pastër, që duan një futboll që nuk prodhon dhunë dhe nuk zgjon ndjenja urrejtjeje. Duhet të kërkojë të falur", - shkruan "Goal News".

“Ne Greqi, siç jam une eshte edhe Rivaldo”

17/04/2007 - 09:20
Alban Bushi e ka konsideruar si të pajustifikueshëm veprimin e Prokurorisë greke për të kontrolluar dokumentet e qëndrimit të tij në Greqi. Futbollisti shqiptar gjithsesi nuk është shqetësuar shumë për këtë, pasi sipas tij ai është në rregull nga ana ligjore. "Unë kam lejen e qëndrimit, kam edhe pasaportë diplomatike. Jam shumë i qetë në këtë drejtim, këtu në Greqi siç jam unë është edhe Rivaldo, nuk kemi ndonjë ndryshim. Puna është se grekët që kur ndodhi ai incidenti në ndeshjen e volejbollit kanë nxjerrë ca rregulla tjera për sigurinë", - u shpreh më tej sulmuesi i përfaqësueses shqiptare.

Komisioni i Disiplinës, Bushi rrezikon 3 ndeshje

17/04/2007 - 09:19

Sot ose nesër pritet të bëhet edhe mbledhja e Komisionit të Disiplinës në Federatën Greke të Futbollit. Çështja kryesore që do të diskutohet do të jenë ngjarjet në takimin mes Apollon Kallamarias dhe Panathinaikosit, ku protagonist absolut ishte sulmuesi i kombëtares shqiptare, Alban Bushi. Në fillim ai provokoi kapitenin e "të gjelbërve", Dimitris Papadopulos, ndërsa më pas i përtheu krahun pankinës së skuadrës mike. Edhe pse arbitri nuk ka shënuar asgjë në relacionin e tij, pritet që Bushi të dënohet në bazë të pamjeve filmike. Ai rrezikon 3 ndeshje pezullim, kjo edhe për shkak të bujës mediatike që ka bërë çështja në Greqi. Gjithsesi, sulmuesi kuqezi është bërë një nga idhujt e tifozerisë së Apollonit me 9 golat e tij.

[BARAT]

GAGE,PASI ME KOHE KA MBYLLYR GOJEN E NANOS,TANI I MBYLL GOJEN DHE MEDIAS

GEIXH, NANOS: JENI NE DOREN TONE

Kreu i lobit grek ne Amerike, Nikolas Geixh, i ka derguar nje leter kryeministrit Nano ku i kerkon respektim me te madh te te drejtave te minoriteteve ne Shqiperi. Ne kete leter, kreu i Federates Pan-epirotike shprehet se "eshte ne interes te te gjitheve, qe mirekuptimi e bashkepunimi rajonal te mos cenohet nga njerez qe jane armiq te paqes ne Ballkan dhe integrimit te Shqiperise ne strukturat euroatllantike". Me ane te kesaj fraze, autori i "Zjarrit grek" paralajmeron indirekt Shqiperie se integrimi i saj ne strukturat euro-atllantike varet nga lobi grek ne SHBA dhe nga vete Greqia. Ne fakt, qe Shqiperia ka permiresime ne aspektin e respektimit te pakicave etnike, kete e kane shprehur kohet e fundit edhe ekspertet evropiane ne raportet e tyre. Por duket se minoriteti grek nuk eshte ende i kenaqur me gjendjen reale te respektimit te pakicave ne vendin tone. As me vendosjen e tabelave ne shkruara ne gjuhen greke pergjate rrugeve ku ai banon, apo me hapjen e shkollave ne gjuhen greke. Vete kreu i lobit greko-amerikan, Nikolas Geixh, i ftuar ne 14-vjetorin e OMONIA-s ne Dervican, ka pohuar se Shqiperia nuk mund te pranohet ne Bashkimin Evropian nese nuk respekton te drejtat dhe lirite e minoritetit grek. Sipas tij dhe lobit greko-amerikan qe ai perfaqeson, dyert e Europes do te jene te mbyllura, nese nuk respektohen konventat nderkombetare per te drejtat e minoritetit grek. Sa here qe vjen ne Shqiperi, Geixh leshon deklarata te tilla, sikur nga pala shqiptare te mos kete asnje permiresim ne lidhje me respektimin e te drejtave te minoriteteve. Per me teper, ai e sheh te lidhur integrimin e Shqiperise ne strukturat evropiane domosdoshmerisht me privilegjet qe duhet t'i jepen minoritetit grek. Duke harruar ne kete menyre, se jane mjaft kushte te tjera per t'u plotesuar nga ana e pales shqiptare qe ajo te futet ne listen e vendeve evropiane. Sikur minoriteti grek te ishte ne qendren e te gjitha zhvillimeve te rendesishme shqiptare. Ne kete menyre, Geixh, i permbahet edhe thenies se thene shume here nga ana e perfaqesuesve greke, sipas te cileve rruga e Shqiperise per ne Bashkimit Evropian kalon nga Greqia.

"Mediat, te mos flasin keq"

Nga ana tjeter, kreu i lobit greko-amerikan ka vene ne dukje edhe faktin se mediat nuk duhet te flasin keq per minoritetet dhe se duhet te trajtojne me kujdes ceshtjet qe atyre u perkasin. Ai tha se kjo eshte nje ceshtje mjaft delikate qe ka vend per me shume kujdes dhe vemendje. Mediat shqiptare nga ana e tyre jane perpjekur te tregohen te kujdesshme ne lidhje me ceshtjet e minoriteteve dhe ky eshte nje fakt qe gjithashtu nuk ka kaluar pa u vene re edhe nga ana e eksperteve evropiane, te cilet edhe per nje gje te tille e kane lavderuar palen shqiptare. Sipas studiuesve shqiptare te ceshtjes mbi marrdheniet shqiptaro-greke, raportet e minoritetit grek me palen shqiptare nuk jane te keqija, madje ato jane permiresuar gjate koheve te fundit kur pala shqiptare miratoi edhe ligjin per vendosjen e tabelave ne gjuhen greke. Nderkaq, nje mase e marre nga qeveria shqiptare eshte edhe krijimi i Komitetit te Minoriteteve, i cili po punon se bashku me perfaqesuesit e tyre per permbushjen e kerkesave te ketij komuniteti.


KOHA JONE