Dosja antishqiptare e Greqisë, 1912-2007

[BARAT]

66% të emigrantëve në sigurimet shoqërore të Greqisë


Autori i Lajmit: Sh.Z.

Paga mesatare mujore e emigrantëve është rreth 750 euro, ndërsa orët e punës në ditë në 8.3 dhe punojnë 5.9 ditë në javë. Këto të dhëna dualën nga konferenca kombëtare për emigracionin në Greqi që u mbajt të ejnten e kaluar në Athinë në prani të kabinetit qeveritar. Në këtë konferencë u paraqit edhe studimi i fundit i kryer nga Instituti i Politikës për Emigracionin nga ku rezultoi se:
66.3 të testuarve u përgjigjen se janë të siguruar në sigurimet shoqërore në Greqi, nga ku 79.6% në ( IKA).
90.5% të emigrantëve i kanë depozituar ekonomitë e tyre në bankat e Greqisë, ndërsa 9.5% në bankat e vendeve të tyre
8.8% prej tyre kanë marrë kredi, për shtëpi apo për hapje biznese të ndryshme etj.
75.8% të emigrantëve banojnë në shtëpi me qera, ndërsa 12.8% kanë shtëpitë e tyre, si dhe 11.4% e tyre jetojnë me të afërmit e tyre për një kohë të gjatë.
19.4% i përdor paratë e fituara, ku 21.2% në fushën e tregëtisë, dhe 11.6% në blerje të pasurisë të tundshme si shtëpia, fushë ndërtimi etj.
36% në fushën e ndërtim-montimit, ndërsa në restorante dhe hotele punojnë 14.8%
76.6 në shërbimet të ndryshme shtëpiake etj
17.5% punojnë në fushën bujqësore dhe blegtoriale, kundrejt vëndasve me 16%.
10.2% të gjithë fuqisë punëtore e përbëjnë emigrantët.
Ballkan 02/12/2006

[BARAT]

Emigracioni një bekim për Greqinë dhe shoqërinë greke


Autori i Lajmit: Shpetim Zinxhiria
Emigracioni në Greqi, jo pak herë është venë në mikroskopin e studiuesve vendas të cilët here pas here rezultatet i kanë publikuar në media, si një nga problemet më të mprehta e të pa zgjidhëshme te politikës së këtij vendi. Edhe një herë qeveria Karamanlis të ejnten e kaluar ka zhvilluar nën drejtimin e Presidentit të Institutit të Politikës së Emigracionit z. Aleksandros Zavos dhe ministrit të brendshëm Prokopis Pavlopulos një konferencë me temë: “Emigracioni në Greqi, përvoja, politika, perspektiva”. Qëllimi dy ditor i kësaj konference që u zhvillua në Athinë u dha mundësinë studiuesve të universiteteve vendase që të paraqisnin rezultatet e studimeve që lidhen me emigrantët dhe kryesisht mbi emigracionin. Presidenti i Institutit të Politikës për Emigracionin Aleksandër Zavos në hapjen e konferencës theksoi se: “emigracioni nuk është një çështje që kufizohet në hapsirat e një partie të vetme apo të një qeverie, por është një çështje që ndodhet në lëvizje të vazhdueshme. Objektivi znë është të grumbullojmë rreth vetes gjithë ata që mund të influencojnë pozitivisht opinionin grek, të dëshmojmë se nuk jemi një vëd racist, ashtu siç rezultoi në sondazhin e fundit të Eurostatit. Media greke kontribuojnë jashtëzakonisht në krijimin e imazhit negativ të shoqërisë greke. Shumë herëi eksagjerojnë incidentet që kanë të bëjnë me penalizmin e emigrantëve, ndërsa nuk bëjnë të njëjtën gjë është fjala për grekë. Çështja e emigracionit nuk duhet trajtuar si problem, por si një bekim për Greqinë dhe mbarë shoqërinë e saj. Poblemi i emigracioni akoma nuk gjetur një zgjidhje prandaj në këtu në këtë konferencë atë po kërkojmë.Greqia mund të luajë një rol të rëndësishëm në Bllkan
Ministri i brendshëm Prokopis Pavlopulos në këtë konferencë theksoi edhe njëhere shprehjet e tij të njohura se: “ne, përpiqemi për të arritur integrimin e emigrantëve në shoqërinë greke, me respekt për të drejtat e tyre, edhe për garantimin e premisave që emigrantët, të cilët do të përfitojnë statusin e banorit me qëndrim të gjatë, të avancojnë në proçesin e pjesmarrjes në zgjedhjet e pushtetit lokal”.

Gjallëruan fshatrat, bodrumet dhe shtuan popullsinë
Roli pozitiv i emigracionit në Greqi u theksua në konferencën për emigracionin edhe nga studiuesi Vasilis Karzamanis, ku simbas studimit të tij të fundit për vitin 1991-2001, popullsia e greqisë do të shtohej vetëm 13.000 banorë, pa prezencën e emigrantëve. Por, përfundimisht duke llogaritur numrin e emigrantëve popullsia në këtë vënd u rrit në 700.000 njerëz, ku numri i saktë zyrtar i popullsisë greke është në 11.3 milion. Në rregjistrimin e popullsisë të kryer më 2001 emigrantët përbënin 7% të popullsisë së përgjithshëm, ndërsa vetëm për vitin e kaluar në “shancin e tretë” për legalizim të ligjit nr.3386/2005, popullsia u shtua edhe në 170.000 emigrantë të tjere.
Numri më i madh i emigrantëve ëahtë i grumbulluar rreth e rrotull të Athinës, si dhe në qytetin e dytë për nga madhësia në Selanik, Peloponezi, Kretë ku në këto të fundit numri i tyre vjen në 10% të numrit të përgjithshëm. Një fakt konkret është se në fshatrat greke emigrantët i dhanë një gjallëri vendit, po ashtu edhe në lagjet e zonat e braktisura nga vendasit.
Emigrantët shqiptar të cilët përbëjnë 64.5% të gjithë emigracionit janë të vetmit që ndodhen në çdo skaj të Greqisë. Bodrumet e braktisura u pastruan dhe banohen nga emigrantët kundrejt një qiraje tepër të lartë, po kështu Bashkia e Athinës një prej këtyre bodrumeve e ka kthyer në një ambient ku i shërbehet emigrantëve.

Çmënduri. Leje qëndrimi (5 vjeçare) po me kusht
Për tu legalizuar duhet të disponojnë dëshmi të mësimit të greqishtes
Edhe një herë u theksua teoria e çmëndur e strategjisë së emigracionit grek se emigrantët për të marrë leje qëndrimi 5 vjeçar duhet që patjetër të dinë të shkruajnë, të lexojnë, po ashtu të dinë historinë dhe kulturën greke. edhe kjo kërkese vjen në një kohë kur emigrantët si forca më e aftë e punës kalua mbi 16 vite pune të egra në këtë vënd. Në një kohë kur flasin për respekt dhe integrim për emigrantët në përgjithësi, për shfaqje të fenomenit të racizmit, se fajin e ka Eurostati, Greqia hedh një hap tjetër përpara, me qëllim për të penguar emigracionin e rregullt. Kjo u pa edhe kur vetë ky shtet ka shkelur ligjet e veta në legalizimin e emigrantëve. Lejet afatgjata (5 vjeçare) simbas ligjit të këtij vëndi emigrantët duhet që ti kishin marrë qysh në vitin 2003. Për të frenuar legalizimin e rregullt dhe për ti mbajtur emigrantët pengje, greqia ka përballuar me sukses metodën e saj dinake të legalizimit duke parë në plan të parë përfitimet ekonomike, por më parë duke shtyrë vitet të tëra vetëm premtime. Për vite të tëra ajo bëri të mundur të izoloj emigrantët e saj edhe pse ka qenë objekt kritikash të organizmave ndërkombëtare si dhe vetë të BE-s. Në tre prefekturat në Ftiotida, Biotia, Evia mbi 20 mijë emigrantë mbahen pengje, të cilët presin me padurim dita ditës që të miratohen lejet e tyre të qëndrimit nga shërbimet burokratike kompetente të këtyre prefekturave. Më e keqja është se 2500 prej këtyre që i bënë për rinovim nuk kanë marrë as numër protokolli, ndërsa 10.000 emigrantë të tjerë janë mbërthyer në mekanizmin e njohur shtetëror burokratik, i cili i ka izoluar përfundimisht si të burgosur. Justifikimet e një pasnjëshme bëjnë fjalë se shkaku kryesor i kësaj amullie vjen për mungese të personelit, ku 14 punonjës që ishin marrë në punë me kontratë tashmë janë larguar nga detyra edhe pse i plotësonin kushtet. Kështu që punën e 14 punonjësve e kryejnë sot vetëm 3 të tillë.
Në qytetin Lamia Shoqata e Avokatëve e ka konsideruar këtë gjëndje të krijuar si tepër dëshpëruese dhe ka kërkuar menjëherë të merren masa , pasi stërmundimi i tepërt i emigrantëve ka tejkaluar çdo kufi njerëzor. Në një kohë emigrantët gjënden përball kësaj gjendje, ku qeveria nuk po shlyen detyrimet përball ligjit të saj, emigrantëve në përgjithësi u nxirret qëllimisht edhe një fragmë tjetër e pa kapërcyeshme përpara. Fjala bie për zbulimin e fundit të bërë në Greqi për “legalizimin” e emigrantëve të legalizuar, që do ta kishin zili jo vetëm vëndet e tjera të BE-së, po dhe vetë Amerika. Lidhur me këtë fakt gazeta “Ta Nea” më 24 nëntor, titullon “test çmëndurie” dhe me ironi nëntitullon se qeveria u premton emigrantëve edhe njëherë për të votuar në zgjedhjet e ardhëshme, po sa emigrantë do të bëjnë të mundur këtë gjë për të marrë dëshmin e mësimit të gjuhës greke brenda një testi të një çmëndur... Sikur të mos mjaftojnë një numër i madh dokumentash, sorrollatjesh me muaj të tëra nga një zyrë në tjetrin, të kenë ensimat, të ardhurat, shtëpitë e tyre, etj, tash u duhet që të ndjekin 125 orë mësimi për të mësuar gjuhën greke, historinë.kulturën. kjo gjë do të bëjë që emigrantët të kalojnë përpara një komisioni për të dhënë test me të shkruar dhe me gojë. Ky llojë detyrimi vjen nga vetë ministri i brendshëm Prokopis Pavlopulos, ku dhe profesioni i tij është pedagog universiteti, i cili e justifikojë këtë llojë metode si një parapërgatije për ata emigrantë të cilët duan që të marrin leje afat gjatë (5 vjeçar). Po ky nuk tha se çdo bëhet me ata emigrantë që do të “mbeten në klasë”, do të vazhdojnë torturat e viteve të kaluara apo do të largohen nga Greqia.
Por me vendim të ministrisë së brendshëm (Pavlopulos), emigrantët do të ulen në bangat e shkollave, ku do të organizohet dy herë në vit, nga ku janë parashikuar mësime të gjuhës greke. bëhet e ditur se ligji i mëparshëm i qeverisë Karamanlisë, ashtu si i mëparshmi Simiti, kanë dështuar përfundimishtbpasi ka munguar vulneti i mirëfilltë.

“Kursi kundër analfabetizmit”
Ministri i brendshëm Pavlopulos ka nënshkruar vendimin “Dëshmia e njohjes së gjuhës greke, historisë dhe kulturës greke, për shtetasit të vendeve të treta, në mënyrë për të marrë statusin e personit me qëndrim të gjatë” ( 5 vjeçar) .Ky vendim është firmosur nga ministria e arsimi dhe ekonomisë, bazuar në nenet të ligjit 3386/2005, “Për hyrjen, qëndrimin dhe integrimin social të shtetasve të vendeve të trea në territorin grek”
Për të plotësuar këto kushtet të gjithë emigrantët duhet që të jenë mbi moshën 16 vjeç dhe të jenë të ligjshëm në Greqi.
Kushtet
Të kenë ndjekur një program arsimor të paktën 100 orë mësimi të gjuhës greke, si dhe 25 orë të mësimit të kulturës , historisë së Greqisë, në Qendrat të Trajnimit të të Rriturve të Sekretarisë së Përgjithëshme të Tranimit që funksionojnë pranë ministrisë së arsimit dhe fesë.
Të kenë kaluar provimet me shkrim dhe me gojë, të cilat jepen pas përfundimit të programit të parashikuar me ligj.
Mësimi i gjuhës dhe historisë organizohen dy herë në vit nga Instituti i Tranimit të Vazhdueshëm të Rriturve nga ministria e arsimit. Për marrjen e dëshmisë krijohet një komision provimesh i përbërë nga pese anëtare, i cili ka përgjegjësinë e hartimit të temave të provimit me shkrim e me gojë.
Këto teste janë të ndërtuara që të jenë të kuptueshme për emigrantët, por edhe për të provuar njohjen e gjuhës, kulturë dhe historisë greke.
Testet janë të ndërtuara në gjashtë pika
njohja e përgjithshme të greqishtes ku përfshin rreth 20 pyetje.
Me të drejtën e gjuhës së shkruar, ku do tu jepen tekstet të shkruara kryesisht nga gazetarë, ku emigrantët do ti komentojnë.
Ka të bëjë me kuptimin e gjuhës në të shprehur, ku emigrantëve do t jepen pjesë për tu ndigjuar nga lajmet në radio dhe këta të japin mendimet e tyre.
Me shkrimin e kuptueshëm në gjuhën greke
Mënyra e të shprehurit nga emigrantët për çështje të jetës së përditshme, apo të aktualitetit, të përcaktuara nga komisioni, ku nuk do të jetë më shumë se 25-30 rreshta në fletë.
Me njohje e njaftueshme të historisë e kulturës greke, por për të marrë dëshminë e “njohjes së gjuhës, historisë dhe kulturës greke” (testin) duhet që pikët minimale të grumbulluara të jetë jo më pak se 60-të, kundrejt vlerësimit maksimal me 120 pikë.
po kështu një kusht tjetër është që emigranti duhet jetë mbi 5 vjetë në Greqi, si dhe të ketë të ardhura vjetore mbi 8500 euro + 1,275 euro për çdo pjestar të familjes së tij. Të paguaj 900 euro taksë shteti (paravola). Të dëshmojë se është i siguruar në sigurimet shoqërorte dhe në atë të shërbimit mjeksor. Të ketë dëshmi për banesën ku banon, si dhe kontatë pune, po mbi të gjitha dëshmin e mësimit të gjuhës greke...
Kështu nga 600 mijë emigrantë të legalizuar për një farë kohe të përcaktuar, vetëm 170 mijë mundën të plotësojnë kriteret dhe të mos jenë të izoluar, po në të njëjtën kohë nuk jepen sqarohet se a përfshihen qytetarët shqiptarë me kombësi greke, apo të tjerë po me këtë kombësi. Si përfundim besoj se në këtë shekull, as që mund të mendohet dhënia e dy-shtetsive për emigrantët shqiptar nga shteti grek.

Në sigurimet shoqërore (IKA) 55.6% shqiptarë, në shkolla eshtë dhjetfishuar
Emigrantët një fuqi shtytëse apo një kërcënim? Temë kjo e cila u morr përsipër të shtjellohej nga një studim i Universitetit të Harokopion në Athinë, e që u publikua pak ditë më parë. Ky studim u përqëndrua në studimin e fenomenit të emigracionit, ku u përqëndrua më shumë në aspektin demografik, ku konkludoi se ndikimi është tepër pozitiv.
Sasia e lindjeve në vitin 2005 për gratë emigrante zinte në 16.5% të numrit të përgjithshëm të lindjeve në greqi, ndërsa mosha mesatare e grave që lindin për të parën herë ishte 27 vjeç, ndërsa tek gratë greke 30.2vjeç. me lindjen e fëmijëve të emigrantëve padyshim u rrit edhe numri i nxënësve të uaj në këto shkolla të nivelit të ndryshëm arsimor. Për vitet 1995-2005 numri i nxënësve të huaj është dhjetfishuar, ku sot përbëjnë 8% të numrit të përgjithshëm të nxënësve.
Ky studim tregoi se shqiptarët përbëjnë 55,6% e shqiptarëve janë të rregjistruar në sigurimet shoqërore në (IKA), 9.5% rusët, 5.8% bullgaret etj.. numrii përgjithshëm i emigrantëve në këto sigurime shoqërore në IKA ka ardhur në rënie nga 25% sot ndodhet në 12.3%, kjo gjë ka nxjerrë si rezultat konkluzionin se me një përfshirje të tillë, emigrantët nuk mund të garantojnë jetgjatësin ( sigurinë) e sigurimeve shoërore. Në përfundim studimi ka konkluduar se integrimi i emigrantëve është i lidhur ngushtë me legalizimin e tyre, njohjen e gjuhës greke si dhe pjesmarrja e tyre në tregun e punës...

Ja përse nuk legalizohen emigrantët...
Legalizimi u jep të drejta të plota emigrantëve jo vetëm në fushën sociale, por mbi të gjitha në atë politike dhe juridike, gjë kjo që nuk i shkon per shtat qeverisë aktuale të Kostas Karamanlis, sepse edhe kur ishte në opozitë ka qenë kundra legalizimit të emigrantëve. Greqia e sotme pati fatin e madh që të jetë anëtare e komunitetit të Bashkimit Europian qysh nga janari i vitit 1981, po që nga ajo ditë e deri më sot njihet per qëndrimet karshi të huajve. Legalizimi i lejeve afatgjat ( 5 vjeçare) del në skenë në një kohë kur vendet e tjera i kanë kaluar me sukses dhe pa asnjë problem, në një kohë kur Suedia këto manovra i ka kryer në vitet 70-të. Legalizimi i emigrantëve do të ishte një humbje e madhe në fushën politike dhe ekonomike per vendin fqinjë grek, i cili deri më sot ka dalë i fituar në të gjitha drejtimet, duke i mbajtur emigrantët pengje dhe robër të izoluar. Punërat e zeza të emigrantëve u nevojiten akoma ekonomisë së vëndit, po njëkohësisht edhe mos njohja e viteve të punës së punuara. Legalizimi do tu jepte të drejta të plota emigrantëve që të ishin të barabartë me vendasit, të fitonin ato detyrime që ka shteti karshi tyre. Të punojnë në vende pune të karakterit shtetëror, ku sot u ndalet, të lëvizin lirisht në mbarë europën, si dhe në atdheun e tyre. Por, Greqia e di se po t u japë këto të drejta, ata nuk do të jenë më pengje të politikës greke, si dhe mjë mjet presioni karshi shteti shqiptar. Qeveria e sotme në fuqi i përket politikës së djathtë, ku shumë herë ligjet dhe qarkoret e nxjerra, ka treguar qëndrimin e saj policor ndaj emigrantëve. Politika e tencionuar her; pas her; ndërmjet dy vëndeve, qëndrimi në fuqi i gjëndjes së luftës, vija kufitare ndërmjet dy vëndeve, pronat e shqiptarëve dhe të komunitetit çam mendohet se janë pengesat më kryesore, per të cilën Greqia nuk do të kishte dëshirë.
Kushti që Greqia u ven emigrantëve per mësimin e gjuhës dhe historisë e kulturës greke është një domosdoshmëri dhe pozitivish në integrimin e emigrantëve, por nga ana tjetër një kusht racist per legalizimin e emigrantëve.

Rudi Mezini Kryetar i Lidhjes së Shoqatave në Greqi
Mendimi jonë është se kjo kërkese nga qeveria greke per mësimin e gjuhës greke, kulturën historinsë na duket se janë tepër normale, gjë që ndihmon në integrimin e emigrantëve shqiptarë në shoqërinë greke, gjë këto të cilat janë të programuaedhe në programet e shoqatës punëtore dhe të lidhjes. Njëkohësisht nuk mund të lëmë pa thënë se paralel me këto kërkesa që na bëhen, nga qeveria greke duhet të merret konsideratë mësimi i gjuhës, kultura e historia jone etj.
Nga ana tjetër mos legalizimi i emigrantëve na sjell shqetësime psikollogjike dhe shtres të përditëshme në një kohë kur emigracioni në Greqi udhëhiqet pa drejtësisht nga një përfaqësi sudanez me në krye z Amed Muhavia, pa llogaritur emigracioni shqiptar përbën 65% të gjithë emigracionit në Greqi, pa llogaritur edhe disa element ( shqiptar) të cilët mbajnë kartën dhjetvjeçar, ku gjoja reagojnë per hallet dhe shqetësimet tona. Janë këta elementë që paguhen nga qarqet e caktuara të politikës së greqisë.

Kryetari i shoqatës punëtore të Kretes z. Shkelqim Braushi
Ka reagime të shumta lidhur me metodën e kërkesave të legalizimit në mësimin e gjuhës greke etj.është një akt jo njerëzor dhe tepër negativ lidhur me ato kërkesa qërkon shtetit grek, kjo gjë tregon se ky vend nuk do që shumica e emigrantëve shqiptarë të mos legalizohen, pasi ka nevojë akoma që ti përdor per këta në punëra të zeza dhe pa të drejta. Legalizimi i emigrantëve e detyron këtë vend që tu japë të drejta të barabarta me vëndasit, gjë kjo që nuk mund të realizohet sot per sot nga kjo qeveri, pasi mungon një vullnet i mirëfilltë. Bëhet fjalë per 32 mijë emigrantë të cilët sot realisht ndeshen përballë mekabnizmit burokratik në marrjen e lejeve të qëndrimit, gjë që ndikon edhe në fushën e siguracioneve në sektorin e ndërtimit dhe të bujqësisë.


Ky lajm është publikuar: 02/12/2006

[BARAT]

AMC kërkon tregun e aparateve celulare

Qeveria mundohet të rregullojë tregun sipas propozimit të AMC. Hesht Vodafone, miliona euro nga aparatet

Alban Gjoni
Milionat e eurove të cilat qarkullojnë çdo vit nga shitja e aparateve celulare, tashmë pritet të bëhen pronë e kompanisë celulare AMC. Janë një sërë masash të cilat po ndërmerren nga qeveria për të rregulluar tregun e shitjes së aparateve celulare, duke filluar nga detyrimi i regjistrimit të numrin me parapagesë për çdo individ e deri tek faturë e detajuar në doganë për cdo aparat celular të importuar. Ka qenë zv/ministri i Financave Florion Mima i cili ka prezantuar masën e qeverisë për importimin e tregut të celularëve. Ai vetë ka pranuar se kjo nismë vjen nga kompanitë celulare, por dhe ka gjetur mbështetjen e qeverisë. Ndërkohë që pas informacionit të ndërmarrë, rezulton se është kompania AMC e cila ka nxitur qeverinë për të marrë këto masa për importin e aparateve celulare, pasi burime nga kompania Vodafone bëjnë të ditur se nuk kanë marrë një iniciativë të tillë.
Mima në komision ka sqaruar se një masë e tillë po ndërmerret nga qeveria për të eliminuar evazionin fiskal i cili rezulton të jetë 100 milionë euro. Ai u shpreh se janë mbi 700 mijë aparate celularë që hyjnë pa u zhdoganuar. Ndërkohë që shifrat e doganave janë disa herë me të ulta. Për vitin 2005, janë zhdoganuar 17 mijë aparate celulare kurse për vitin 2006 , 18 mijë copë. Kjo shifër është tepër e ulët në krahasim me nevojën e tregut për këtë mall, duke marrë parasysh që numri i konsumatorëve të telefonisë së lëvizshme ka mbërritur në 2 milionë. Mima ka pranuar në Komisionin e Ekonomisë, se “vetë iniciativa ka ardhur nga vetë operatorët(AMC), e cila mbron konsumatorin dhe ul evazion”. Kjo përpjekje e ndërmarrë nga AMC dhe e mbështetur nga qeveria në fakt, kërkon që të kanalizojë importin e celularëve nga vetë kjo kompani duke sjellë të ardhura në miliona euro vetëm nga tregtimi i aparateve celulare. Por, masat e ndërmarra për shmangien e miliona eurove evazion fiskal duke regjistruar çdo celular në doganë, përveç se ndihmojnë kompanitë celulare për të përvetësuar një treg miliona euro në vit,nuk e zgjidhin problemin, pasi kontrabanda dhe evazioni nuk është problem i biznesit por i vetë doganave.
Çdo celular një kod!
Por, regjistrimi i celularëve me kodin e tij unik IMEI (International Mobile Equipment Identity), nuk zgjidh problemin e evazionit fiskal pasi sipas studimeve të bëra nga qendrat e specializuara ndërkombëtare rezulton se 10% e celularëve që janë në qarkullim nuk janë me kode unik. Kjo pasi, me anën e një programimi mundet që cdo celulari ti ndërrosh kodin e tij unik. Në fakt, ky kod (IMEI) i cili nxirret nga celulari me formulën *#06#, është bërë me qëllim për të shmangur vjedhjen dhe kontrabandën por rezulton se është i pasuksesshëm.

ABC E Merkure, 04 Prill 2007

[BARAT]

Greqia paditet në Gjykatën Evropiane


Autori i Lajmit: Shpëtim Zinxhirija

Edhe njëherë tjetër Greqia, e cila është anëtare e Bashkimit Evropian që prej vitit 1981, së shpejti do të vihet përballë padisë së Komisionit Evropian, i cili ka rezervuar të drejtën që ta padisë atë në Gjykatën Evropiane të Drejtësisë. Jo pak, por dy vjet më parë, më 23 janar 2003, ka hyrë në fuqi udhëzimi i Komisionit Evropian, me nr.109/2003, i cili u jep të drejta të plota emigrantëve, që vinë nga vendet e botës së tretë , të përfitojnë të njëjtat të drejta me vendasit në tregun e punës, të gëzojnë, njëkohësisht, lirinë e lëvizjes e të stabilizimit të plotë tyre. Këto të drejta i përfitojnë ata emigrantë, të cilët ndodhen në Greqi dhe kanë mbi 5 vjet qëndrim të ligjshëm dhe kanë të drejtë të shkojnë për të punuar e jetuar në çdo vend të Bashkimit Evropian, përveç tri vendeve skandinave, si Mbretëria e Bashkuar (Anglisë - Irlandës së Veriut), Irlandës dhe Danimarkës, të cilat në vitin 1997 janë përjashtuar nga zbatimi i disa dispozitave të Traktatit të Amsterdamit, në fushën e drejtësisë dhe të çështjeve të tjera të brendshme të këtyre vendeve.
Kushtet
Sipas udhëzimit të Komisionit Evropian, për t u arritur kjo duhet të plotësojë këto kushte:
-Emigrantët e ardhur nga vendet e botës së tretë , siç u theksua më lart, duhet të kenë një qëndrim të vazhdueshëm (i ligjshëm) mbi 5 vjet në një shtet anëtar të BE-së, ku nga njëra anë të dëshmojnë se ka të ardhura të nevojshme, si dhe, nga ana tjetër, kanë një siguracion (sigurimet shoqërore) në vendin, ku kanë punuar (për këtë rast në Greqi). Në plotësimin e plotë të kushteve të vëna nga Komisioni, shteti pritës është i detyruar t u ofrojë të njëjtat kushte e avantazhe, që kanë njëkohësisht edhe qytetarët vendas, si të drejtën e punës, arsimimit të fëmijëve të tyre etj. Sipas Komisionit Evropian, emigrantët e ardhur nga vendet e botës së tretë , që jetojnë dhe punojnë në Bashkimin Evropian, të cilët plotësojnë këto kushte, arrijnë sot numrin e 10.000.000 njerëz. Komisioni bën të ditur se vendet anëtare: Austria, Polonia, Lituania, Sllovenia, Sllovakia, ishin pesë vendet e para, që kanë përshtatur në legjislacionin kombëtar të tyre këtë udhëzim të BE-së. Por vendet e tjera, përfshirë këtu edhe Greqinë, ende nuk kanë marrë në konsideratë këtë udhëzim të Komisionit, ku duhej të ishte kryer qysh më 23 janar të vitit 2006, duke patur në dispozicionin e tyre plot dy vjet (qysh nga 23 janari 2003), për shkelje dhe mos zbatim të udhëzimit në lëvizjen e lirë të emigrantëve brenda kushteve të caktuara.

Padia
Komisioni ka rezervuar të drejtën që të padisë Greqinë në Gjykatën Evropiane të Drejtësisë së bashku me vendet e tjera, që të mësohen e të disiplinohen me udhëzimin komunitar dhe këtë udhëzim t ua bashkëngjisin legjislacioneve kombëtare të tyre. Padyshim, Greqia duhet të mësohet se Evropa nuk bën shaka në këto drejtime, përsa u përket të drejtave të emigrantëve. Ajo duhet të bëjë atë që duhet të kishte bërë dy vite më parë, pasi emigrantët në këtë vend duhet të fitojnë këtë të drejtë, që ua jep Evropa Demokratike. Refuzimi i udhëzimit të Komisionit Evropian nga qeveria greke bëhet për arsye se ajo, me çdo kusht, do që emigrantët të jenë pengje të interesave politike dhe ekonomike. Politika e vendit mendon, nga njëra anë, se me zbatimin e udhëzimit të Komisionit Evropian mund të largohen të gjithë emigrantët nga Greqia për në vendet e tjera të Evropës, një gjë që nuk i intereson ekonomisë së vendit.

Emigrantët
Nga ana tjetër, emigrantët, duke u larguar, do të tërheqin paratë e tyre nga arkat e kursimeve, ku nuk janë pak, po ashtu një dëm i madh i sillet këtij vendi me Ensimat e emigrantëve, të cilëve vitet e punës deri tani nuk u janë njohur në këtë vend, në bazë të legjislacionit grek. Por, në qoftëse se emigrantët shkojnë në vendet e tjera europiane, padyshim atyre patjetër do t u njihen vitet e punës në Greqi, pasi tashmë emigrantët largohen nga një vend evropian në tjetrin... Dihet se deri më sot vitet e punës së emigrantëve në Greqi nuk u njihen për pension, por vetëm për legalizim një ose dyvjeçar. Është një padrejtësi e një vjedhje, që u është bërë emigrantëve prej vitesh, një veprim që ndodh vetëm në vendet pirate, por jo në vende evropiane... Ndërkohë, ndaj vendimit të qeverisë greke ka reaguar në mënyrë shumë të ashpër sekretari i Konfederatës së Sindikatës Greke për Emigrantët, Jorgos Alivizakis. Ky është skandal. U kërkojnë nga 150 deri në 200 ensima (pulla të ditëve të punuara) në kohën që mjaftonin vetëm 50 ensimat për rinovimin e librezës së shëndetit, ashtu siç vlen për të gjithë dhe, natyrisht, për grekët , ka reaguar Alivizakis, i cili ka dalë në mbrojtje të të drejtave të emigrantëve.

Qytetarët grekë nuk do arrinin të plotësonin numrin e lartë të ensimave

Sipas studimit të Observatorit Mesdhetar për Emigracionin, z. Martin Baldwin-Edwars, edhe vetë qytetarët vendas nuk i sigurojnë dhe e kanë shumë të vështirë për të siguruar numrin e plotë të ensimave, në rast se viheshin grekët në rolin e emigrantëve. Në një raport për Forumin mbi Popullsinë Evropiane, z. Martin Baldwin, thekson se, "Analiza e detajuar e kontributeve për sigurimet shoqërore të grekëve dhe emigrantëve, tregon se edhe vetë grekët nuk e plotësojnë numrin e nevojshëm të ensimave, që u kërkohet emigrantëve" . Përcaktimi i këtij numri të lartë ensimash (ditë të punuara faktikisht) ka shkaktuar shqetësimin e ligjshëm të të gjithë emigrantëve në Greqi, ku, pa dyshim, një numër i madh emigrantësh do të mbeten të palegalizuar, një gjë që i intereson më shumë se kurrë interesave të vetë shtetit grek, në një kohë kur një vendim i brendshëm administrativ nuk lejon blerjen e ensimave të vitit të kaluar...

Jorgos Alivizakis: Ky është një skandal i madh
Ndaj vendimit të qeverisë ka reaguar ashpër sekretari i Konfederatës së Sindikatës Greke (GSEE) për emigrantët, z. Jorgos Alivizakis. Sipas tij, "ky është skandal. U kërkojnë nga 150 deri në 200 ensima (pulla të ditëve të punuara) në kohën që mjaftonin vetëm 50 ensimat për rinovimin e librezës së shëndetit, ashtu siç vlen për të gjithë dhe, natyrisht, për grekët..." Qeveria greke ka shpallur më në fund numrin e ensimave, që nevojiten për rinovimin e lejeve të qëndrimit, ku kjo ishte një nga arsyet që ky proces filloi me vonesë dhe jo ashtu siç e përcaktonte ligji... Është një vendim i përbashkët ndërmjet ministrit të Punësimit, Panos Panajotopulos, dhe ministrit të Ekonomisë dhe Financave, Jorgos Aloskufis, nga ku përcaktohet se numri i ensimave, që nevojitet për rinovimin e lejes së qëndrimit për emigrantët, nga ku për sektorin e ndërtimit dhe të bujqësisë duhet të jenë siguruar mbi 150, ndërsa në sektorët e tjerë mbi 200 ensima (pulla) për periudhën njëvjeçare. Në Greqi, vetë qeveritarët e dinë mjaft mirë se shumica e punëdhënësve nuk u japin ensima emigrantëve, madje duke u bërë shantazh, në rast se këta insistojnë, mund të pushohen edhe nga puna.

Ky lajm është publikuar: 01/04/2006

[BARAT]

Emigrantët, sa të izoluar në burgjet greke


Autori i Lajmit: Nga Athina, Shpëtim Zinxhirija

Grekët e dinë shumë më mirë se kushdo tjetër se çdo të thotë emigracion dhe kurbet, nga ku akoma mbetet në kujtesën e tyre. Shumë njerëz përparimtarë vendas ëndërronin prej shumë vitesh për një Greqi demokratike pa dallime raciale, ku garantimi i të drejtave ekonomike, sociale dhe politike të garantonin integrimin thelbësor dhe pjesëmarrjen e organizuar të emigrantëve në shoqërinë greke. Po në fakt...
Greqia e sotme është krejtësisht ndryshme nga ajo e dekadave 60 - 70, nga një vend i madh eksportues emigrantësh grekë, u shnëdrrua në një vend të madh importues dhe shfrytëzues emigrantësh. Sot, kalimi i shoqërisë vendase në shoqëri multikulturore nuk ishte i thjeshtë dhe as kalimtar ashtu siç mendohej, por e gjeti shoqërinë vendase fare të papërgatitur për të jetuar sëbashku me të huajt.
Politika ndikoi negativisht
Politika e jo e drejtë shtetit grek ndikoi negativisht në popull. Zhvillimi i mentaliteteve mbrojtëse nga emigrantët, niveli i ulët ideologjik, reflekset frikësuese të mbarsura nga media, përshtypja se emigracioni është një fenomen fatkeqësie kombëtare, që mund të mbizotërojë mbi shoqërinë greke. Emigrantët, në përgjithësi, gjetën në këtë vend një popull me një arsimim më të ulët se ata, si dhe një vend tepër fanatik të besimit fetar, ku një grek i vërtetë është vetëm ai i fesë së besimit ortodoks dhe askush tjetër...
Përfundimi i këtyre mentaliteteve në popull, si edhe në mekanizmin drejtues në Greqi bëri që një sërë masash dhe ligjesh të konsiderohen nga mekanizmat ndërkombëtare si jorezultative, pa zgjidhje për emigrantët e izoluar prej vitesh në këtë vend demokratik, në djepin ku lindi demokracia...
Kryeministri i sotëm, Karamanlis, kur ishte në opozitë kishte kritikuar Simitisin, kryeministrin e mëparshëm se: Duhet respekt nga të gjithë për emigrantët, duam një politikë njerëzore e të kohës, të hapur, ku të respektohen e të mbrohen të drejtat... . Po me gjithë këto nuk ka asnjë ndryshim nga e kaluara, emigrantët ishin, janë dhe mbeten jo vetëm pengje të sistemit politik, por dhe viktima të tij...
Greqia dhe izolimi i të huajve nga sistemi politik
Gjatë 15 viteve emigracioni në Greqi, emigrantët përbëjnë një forcë të madhe organike të fuqisë punëtore, të cilët kontribuojnë në zhvillimin e ekonomisë dhe përparimin e Greqisë. Një realitet është se emigrantët përbëjnë 7.1 përqind të popullsisë (sipas regjistrimit të popullsisë në vitin 2001) kryesisht emigrantët e ligjshëm , ku dhe aktualisht fatkeqësisht ndodhet edhe një brez i dytë emigrantësh, nga fëmijët që u lindën dhe u rritën në këto 15 vjet emigracioni, të cilët përbëjnë mbi 10 përqind të popullsisë. Lind pyetja, si ka mundësi që në Greqinë demokratike gjithë kjo masë e popullsisë të jetë e izoluar nga sistemi politik i vendit? Të izoluar për të shkuar në atdheun e tyre, të izoluar nga shoqëria, të izoluar në të drejtat sociale dhe politike, që garantojnë integrimin thelbësor dhe pjesëmarrjen e organizuar të emigrantëve në shoqërinë greke.
Pse vallë ky sistem politik u ndalon emigrantëve integrimin social, që këta të kenë mundësi të integrohen funksionalisht në shoqërinë greke, gjë që garanton barazinë dhe mirëkuptim të ndërsjelltë, të cilat përbëjnë themelin e vetëm për një shoqëri të sigurtë? Ka ardhur koha që sistemi politik në Greqi duhet të ketë qartë se integrimi social i emigrantëve nuk është një kuptim apo një shprehje e thjeshtë, pasi ka të bëjë me fatin e familjeve të qindra e mijëra emigrantëve. Mbi të gjitha për këtë duhet krijimi i infrastrukturave të përcaktuara qartë, funksionimi i programeve mbështetës, duke investuar për të ardhmen. Janë këto investime thelbësore, që duhen bërë për të ardhmen e një Greqie multikulturore. Integrimi i emigrantëve varet, në radhë të parë, nga vetë integrimi i sistemit politik të vendit...

Greqia, vendi më armik i të huajve

Ky rezultat doli nga sondazhi i zhvilluar dy vite më parë nga Qëndra e Kërkimeve Shkencore Evropiane (ESRC) në vendet e Bashkimit Evropian lidhur me emigrantët dhe botuar në gazetën e përditshme angleze, The Guardian .
Sipas këtij raporti të përgatitur me përfundimet e sondazhit doli se vendi fqinj jo vetëm që nuk ishte tolerant ndaj emigrantëve dhe të huajve në përgjithësi, por mbi të gjitha është cilësuar vendi më armik i të huajve në Evropë, në një kohë kur prej shumë vitesh të huajt janë përballur të vetëm ndaj sulmeve të njëpasnjëshme si nga mekanizmi i shtetit, policia, por edhe nga disa ekstremistë të djathtë.

Sipas gazetës The Guardian , mbështetur në studimin e mësipërm thuhet se dy shtresa janë në Greqi, ku përballen më shumë me racizmin dhe konservatorizmin grek. Këta janë emigrantët shqiptarë dhe minoritarët turq në Thrakinë Lindore, dhe shton se këtyre dy lloj shtresash nuk u shërbehet në spitale dhe nuk u jepet shtëpi me qera, ndërsa shtypi grek shkruan herë pas herë kundër emigrantëve, duke nxjerrë në pah vetëm anët negative.

Kjo gjë ndodh çdo vit në shkollat greke, ku gjendja është si jo më keq me mbajtjen e flamurit në festën kombëtare në 28 Tetor (rasti i Odise Cenajt, pasuar nga të tjerë shqiptarë). Më së fundi sondazhi i mësipërm tregon se Greqia, edhe pse është anëtare e familjes evropiane, ka shumë për të bërë, pasi mbizotëron akoma mentaliteti i feudalizmit otoman për të ndryshuar e për t u integruar në kuptimin e plotë të fjalës në Evropë.

Pa dashur, vetvetiu lind pyetja: A e meriton Greqia vendin që ka në Bashkimin Evropian me keqtrajtimin e të huajve, a mund të jenë të vërteta pretendimet e Greqisë se pakicat e huaja në Shqipëri keqtrajtohen?
... Një realitet është se Greqia çdo vit ndodhet përballë kritikave të njëpasnjëshme të organizmave ndërkombëtare të të Drejtave të Njeriut. Emigrantët për shkelje të ligjit mbajnë përgjegjësi vetëm në 2 përqind, ndërsa grekët zenë 98 përqind, por në burgjet e këtij vendi emigrantët zenë 42 përqind të numrit të përgjithshëm të të burgosurve, nga ku 45 përqind e zenë shqiptarët me 2190 të burgosur, ku afërsisht 40 përqind e tyre akoma nuk janë gjykuar nga drejtësia vendase. Në burgjet greke me kapacitet prej 4700 vendesh, sot ndodhen 9500 të burgosur, në një kohë kur shqiptarët, në krahasim me komunitetet e vendeve të huaja, kanë përqindjen më të vogël në kryerjen e kriminalitetit. Duhet theksuar se nëqoftëse do të veprohej me të gjithë emigrantët e tjerë, siç veprohet me shqiptarët, atëherë Greqisë patjetër do t i duhet që të ndërtojë me dhjetëra burgje... Jo vetëm në Greqi e në Shqipëri, por në mbarë botën...

Ky lajm është publikuar: 04/04/2006

[BARAT]

Prej vitit 1991, në Greqi u vranë 120 shqiptarë


Autori i Lajmit: Nga Athina, Shpëtim Zinxhiri

Bashkimi Europian nëpërmjet “Eurobaromentrit” dhe disa organizata të njohura ndërkombëtare për mbrojtjen e të drejtave të njeriut e kanë cilësuar Greqinë, si vend ku shkelen rëndon të drejtat e emigrantëve dhe ku racizmi dallohet në nivel të lartë. Për këto veprime raciste kundra emigrantëve Greqia nuk ka mbetur jashtë vëmëndjes së opinionit ndërkombëtar, të cilët jçdo vit e kanë kritikuar ashpër. Vetëm për vitin 2000 ky vënd kritikohet nga Organizata Ndërkombëtare Europiane për Mbrojtjen e të Drejtave të Njeriut, si dhe nga Organizata Amerikane për të Drejtat e Njeriut “Human Rigts Watch”. Kritikë e ashpër është bërë në drejtim nga kjo organizatë, për të garantuar të drejtat e barabarta, konform sipas dispozitave ndërkombëtare për ndalimin e dallimeve racore, kombëtare dhe të besimit fetar, pasi ekzistenca e një dispozite të tillë është një detyrim për Greqinë. Nga raporti i Amnesty International më 5 tetor të 2005 del se Greqia është vendi ku shkelen të drejtat e njeriut, ku të huajt qëllohen me armë në kufi, nuk u jepet azil politik dhe mbahen në kushte të këqia. Shteti grek duhet të bindet ligjeve për të drejtat e njeriut...Mijëra njerëz nga Shqipëria dhe vënde të tjera vijnë në greqi për të kërkuar kushte më të mira jetese. Disa qëllohen dhe vriten, disa nuk u jepet menjëherë leja e hyrjes dhe e qëndrimi...Për këtë është krijuar një atmosferë racizmi dhe ksenofobisë në popullin grek...

Greqia, kampione në Europë për ksenofobi dhe racizëm
Për ndjenja ksenofobie dhe veprime raciste të grekëve kundra të huajve, për histerizën kundra shqiptarëve, Barometri i Komisionit Europian e ka renditur Greqinë në vënd të parë ku 71% e popullsisë janë kundra emigrantëve dhe në përgjithësi kundra shqiptarëve. Në vitin 1999 barometri vëndas tregon se 89.5% e popullsisë kërkojnë largimin e të gjithë emigrantëve. Gjatë emigracionit në Greqi popullit shqiptar i janë vrarë mbi 120 njerëz të pafajshëm, ku për çudinë e të gjithë shqiptarëve asnjë nga këta vrasës nuk janë dënuar nga drejtësia vëndase. Po t’i hedhim një sy statistikave të viteve të mëparshëm do të shohim se viktimat shqiptarë nuk kanë qenë vetëm të mekanizmit shtetëror, por më e keqja është se u la të lirë një pjesë të popullit të bëjnë krime.

Në 50 muaj 47 emigrantë të vrarë
Profili i krimeve në këtë vënd ka filluar që në vitet e para të emigracionit ku emigrantët ishin të pa mbrojtur nga askush, si nga vëndi i tyre ashtu edhe nga vëndi prites. Në periudhën nëndor 92 mars 97 janë vrarë 47 emigrantë, ku nga këta 45 ishin shqiptarë dhe 2 ciganë. Për këto vrasje janë kryer nga mekanizmi shtetërorë(policia) kundra emigrantëve 83 sulme, nga populli 67 sulme. Lidhur me këto vrasje,
kryetari i i organizatës antiraciste për Europën, Takis Janopulos është shprehur se “këto shifra nuk mund t’i kundërshtojë dot më asnjë njeri, askush me gojën plot nuk mund të thotë se në Greqi nuk ka racizëm”. [B]Deri më sot dy qeveritë kanë heshtur përpara 120 vrasjeve makabre. Por deri kur? Përse këto vrasje vihen në arshivë dhe nuk gjykohen vrasësit.?...

Ky lajm është publikuar: 11/01/2006[/B]

[BARAT]

Sot, 120 qirinj për Jahajn e emigrantët e vrarë

Të dielën më 15 janar manifestim i madh në Athinë ku kërkohet drejtësi përballë vrasjeve raciste


Autori i Lajmit: Nga Athina, Shpëtim Zinxhiri
Sot Greqia vihet përballë nderit dhe dinjitetit të saj, për vrasjen e të riut 17 vjeçar shqiptar në orët e para të vitit 2006. Mjafton një pakujdesi e vogël dhe gjërat mund të marrin përmasa të papëlqyera. Në qytetin e Kretës Rrethimno, ku një grup barbarësh masakruan 17 vjeçarin Edison Jahaj, zhvillohet një protestë paqësore antiraciste. Të gjithë emigrantët, pritet të jenë në këmbë kundra racizmit, dhunës dhe ksenofobisë, në emër të mbrojtjes së jetës së njeriut. Mënyrën e marrjes së jetës së djaloshit shqiptar, nuk mund ta përmbajë asnjë llogjikë njerëzore. Edison Jahaj ishte një fëmije që i morën jetën vetëm pse ishte shqiptar. Ndizet një tjetër qiri, për një fëmijë që në moshën 13 vjeçare njohu emigracionin e egër në Greqi, një fëmijë i cili u vra pse një bashkatdhetar guxoi dhe veshi fanellën ku ishte stamposur flamuri i vëndit të tij...Një fëmi që lau me gjak tokën e huaj, nga ku nëna e tij nuk di nga t’ia filloj për ta qarë, ashtu sikur dhe babai i tij invalid nuk mundi ta mbronte nga vrasësit grek. Ndizet një qiri, për një fëmijë që asnjëherë nuk do të shohë më prindërit, shokët dhe sokakun e tij, një qiri për një “qytetar” emigrant që ëndrrat e tij u shuan shumë shpejt në vëndin fqinjë, në “djepin” ku lindi demokracia... Në një vënd të lirë e demokraci asnjë nuk ka të drejtë të vëndosë për të marrë jetën e një njeriu, sikur çfarëdo të kishte bërë shqiptari, pasi ka ligje ...Po, në të vërtetë ligje ka dhe këto zbatohen vetëm në dëm të huajve.
Pak orë mbas ngjarjes, në orët e mëngjezit një kanal televiziv kishte ftuar dy deputetë nga dy partitë e mëdha, ku njeri nga këta më parë kishte qenë edhe minister i Rendit në qeverinë e mëparshme Simitis. Më pak se 5 minuta, ky kanal trajtoi këtë ngjarje ku shqetësimi më i madh për ish ministrin e rendit Kostas Gjitonas nuk ishte vrasja e djaloshit shqiptar, por mënyra dhe përcjellja e trupit të viktimës nga shumë emigrantë me arkivolin në krah mbuluar me flamurin shqiptar, se sipas tij veprimi i emigrantëve shqiptarë nuk ishte i mirë, pasi prishte imazhin Greqisë. Në mënyrë të ashpër ai ka kritikuar edhe një vajzë përfaqësuese të forumit të Rrethimnos, duke thënë se “është turp që ju përfaqësoni komunitetin shqiptar” pasi gabimi i saj ishte se e cilësoi këtë vrasje, si një veprim racist. Deputeti i partisë konservatore “Demokracia e Re” Panos Kamenos, pasi ka mbështetur kolegun e tij për gabimin që bëri, u shpreh se “fëmija mund të shpëtonte po të hidhej nga taraca në tjetrën...Sa ironi. Në kanalet televizive, apo në shtypin e përditshëm në faqet e para shikojmë të shkruara i “rrezikshëm”, i “egër”, “allvanos”, “rus” etj, por nuk është thënë kurrë se autori i krimit është grek. Çdo ditë shikojmë se drejtësia vëndase me histerizëm në emër të ligjit ka mundur të realizojë që në 50% të burgjeve të jenë të huaj, në jë kohë kur të huajt mbajnë përgjegëjsi vetëm për 2-3% të krimeve të ndryshme.
Dhe së fundi. Nuk e di si do të ndjeheshin këta deputetë e ish-ministra, në qoftë se në shtëpitë e tyre do të kishin përjetuar të njëjtën ngjarje, të futeshin në të gdhirë brenda në shtëpi 7 njerëz duke të thyer derën, t’i shajnë dhe ofendojnë e t’i rrahin prindërit, të ndjekin fëmijët e tyre deri në taracë e ta therrin si kafshë? Dhe për këtë duhet të ketë turp komuniteti shqiptar...
Të ndezim 120 qirinj për shqiptarët e vrarë, me shpresë se këtë radhë drejtësia greke do të veprojë njëlloj sikur emigrantët e vrarë shqiptarë të ishin qytetarë të saj. Të mërkuren të gjithë në demostratë paqësore, pasi jeta jonë varet vetëm në duart tona, në duart e të gjithë emigrantëve, jemi të vetëm që do të demostrojmë për të mbrojtur jetën, të drejtat dhe nderin tonë, për të mos lënë më raste të tjera që të vrasin fëmijët tanë. Të mos lëmë vetëm familjen e Edisonit të ndezë qirinj, por të gjithë sëbashku të zbusim sadopak dhimbjen, vetëm kështu mund të luftojmë turpin e një pjesë të shoqërisë vëndase me thirrjen “Poshtë Racizmi”.... Shoqëria vendase po paguan sot politikën e gabuar shumë vjeçare të emigracionit në këtë vend, po më shumë se kurrë po e paguan emigracioni shqiptar. Kjo vrasje e shton numrin e viktimave shqiptarë në 120, edhe pse organet e policisë akoma nuk e këtë cilësuar vrasje si një veprim racist, një problem ky që duhet të shqetësojë seriozisht Greqinë, pasi nuk ka gjë më të shtrejntë se jeta e një njeriu…
Vrasja në festën e Vitit të Ri
Ende pa u zbardhur mirë dita e parë e vitit ti ri 2006, një viktimë tjetër shqiptar 17-vjeçar trondit opinionin vendas të ishullit të Kretës. Rreth orës pesë e gjysëm të mëngjesit, një grup grekësh pasi thyejnë derën e shtëpisë në rru*gën “Panu Koroneu”, nr. 46, në lagjen e vjetër të qytetit Rrethimno, godasin për vdekje me thikë djaloshin 17-vje*çar, Edison Zahaj. Krimineli i kësaj tragjedie është një 18-vjeçar nga i njëjti qytet, ku sëbashku me të jatin kryen krimin përpara syve të babait të viktimës, i cili prej vitesh dergjej i sëmurë në shtrat. Sipas burimeve të medias po ashtu edhe të dëshmitarëve grekë dhe shqiptarë të cilët ishin prezent, shkaku i kësaj vrasje ishte se një fëmijë shqi*ptar kishte veshur një “bluzë të kuqe”, ku simbolizonte flamurin shqiptar, për “një pjesë” raciste të këtij qyteti. Në këtë përleshje në një kafe-restorant plagoset lehtë një i ri grek. Më pas të dy palët shpërndahen të qetë, duke menduar se historia u mbyll.
Por pas disa orësh, në të gdhirë, rreth orës pesë e gjysëm, një grup prej 8-9 vetësh shkojnë në shtëpinë e familjes shqiptare, me pretekstin e vetëm për të shpaguar atë që ndodhi disa orë më parë. Pasi thyejnë derën e mbyllur të shtëpisë, grupi futet brenda.

Ky lajm është publikuar: 11/01/2006

[Darius]

Ambasada amerikane në Athinë, në shënjestër të Operacionit terrorist «Mihalis» të spiunazhit grek


E Hene, 15 Janar 2007

Nga Kastriot Myftaraj - Këto ditë, në një kor të madh, të gjithë mediat kryesore greke, gazeta, televizione, radio dhanë lajmin se autorët e atentatit terrorist kundër ambasadës amerikane në Athinë, që ndodhi javën e kaluar, janë shqiptarë të lidhur me terrorizmin islamik.Si prova kryesore për këtë ishte e dhëna (e paprovuar) se misila që u përdor në këtë atentat kishte hyrë nga Shqipëria., gjë që më së shumti argumentohej me atë se arma e përdorur e prodhimit kinez ishte e llojit që kishte qenë në përdorim të ushtrisë shqiptare para vitit 1997 kur në Shqipëri u shpërthyen depot e armëve. Nga fakti që kjo hipotezë nuk u analizua prej mediave greke, por u dha si një fakt i mirëqenë, u kuptua se këtë bëhej fjalë për një covert action të shërbimit sekret sekret grek EYP, i cili e ka infiltruar këtë lajm në media dhe këto po dhunojnë deontologjinë profesionale në dobi të raison d’ etat grek. Është qesharake të shikosh se një media si ajo greke, që kur grekët akuzohen për lidhje me terroristët kurdë, palestinezë etj., tregohen shumë profesionistë për të bërë investigime dhe për të kundërshtuar provat e sjella nga të tjerët, në këtë rast tregohen kaq “naive” dhe pranojnë që ta “hanë sapunin për djathë”. E gjithë kjo fushatë e medias greke për të implikuar shqiptarët në atentatin terrorist kundër ambasadës së SHBa-ve në Greqi, të kujton një skenë nga romani i Graham Grin “Komedianët”, në të cilin ka një fragment ku tregohet se, kur regjimi i Dyvaljesë në Haiti, protestonte duke thënë se rebelëve komunistë që luftonin kundër qeverisë iu ishin kapur armë amerikane, duke aluaduar se SHBA-të qendronin pas rebelëve të armatosur, një politikan amerikan e kundërshtoi këtë gjë duke thënë se këto lloj armësh mund të blihen gjithandej nëpër botë dhe nga gjithkush. E njëjta logjikë vjen edhe për incidentin e fundit në Athinë. Arma e prodhimit kinez e përdorur në atentat, mund të ketë hyrë nga shumë drejtime, duke filluar që nga vetë, Kina, ose nga vende të treta, pa përjashtuar Qipron greke. Kjo në rast se kemi të bëjmë me një aksion spontan të terroristëve, ndonëse nuk përjashtohet edhe versioni që në zotërim të kësaj arme lloj arme të jetë shërbimi sekret grek që e ka përdorur atë në një covert action. Regjimi i Dyvaljesë e bënte akuzën kundër SHBA-ve pasi donte që t’ u thoshte SHBA-ve, të cilat e refuzonin regjimin e Dyvaljesë si despotik, se kishte forca në SHBA-të që duke kundërshtuar diktaturën në fakt po ndihmonin komunistët dhe se SHBA-të duhej ta mbështesnin regjimin e Dyvaljesë si bastion kundër komunizmit. Mundësia më e madhe ishte që armët në fjalë t’ i kishte futur në Haiti vetë regjimi i Dyvaljesë për të inskenuar pastaj kapjen e tyre në aksionet kundër rebelëve. Në atentatin e fundit në Athinë duket se një gjë të ngjashme ka bërë shërbimi sekret grek. Nuk është e vështirë për një shërbim sekret me traditën e atij grek, që atëhere kur i duhet qeverisë së tij, të inskenojë një incident në mënyrën e duhur. Grupi terrorist që u tha se bëri atentatin kundër ambasadës amerikane në Athinë, i quajtur “Lufta Revolucionare”, është shfaqur për herë të parë në vitin 2003 dhe që prej rreth katër vjetësh ka kryer disa goditje dhe policia dhe shërbimet sekrete greke nuk po arrijnë që t’ i kapin autorët. Për një shtet serioz dhe që i ka gjërat në kontroll në territorin e vet, siç është Greqia, nuk mund të ndodhë një gjë e tillë në rast se nuk do shteti që t’ i tolerojë studentët ekstremistë që i bëjnë këto punë. Pra, ky grup terrorist është një puppet strings i shërbimit sekret grek, që bën goditje për të arritur efekte politike në dobi të politikës greke. Shfaqja e pistës shqiptare në atentatin kundër ambasadës amerikane në Athinë, të jep të kuptosh se kemi të bëjmë me një veprim të llogaritur për të pasur impakt në marrëdhëniet greko-amerikane në raport me Shqipërinë, në marrëdhëniet greko-shqiptare dhe në ato shqiptaro-amerikane. Synimi i Greqisë me këtë veprim është që t’ i japë të kuptojë opinionit ndërkombëtar, duke përfshirë dhe atë amerikan, se amerikanët në Ballkan, duke përfshirë dhe Shqipërinë, janë të rrezikuar nga terrorizmi islamik shqiptar. Kjo kuptohej nga fakti se mediat greke, si me komandë, lajmin për implikimin shqiptar në aksionin terrorist e përcillnin me njoftimin se Shqipëria është një vend ku ka një numër të madh islamikësh dhe ku ka pasur dhe ka baza të terrorizmit islamik. Incidenti i fundit në Athinë, ashtu sic po e paraqesin grekët me një implikim shqiptar, i ka të gjitha gjasat që të jetë një shkallë e zbatimit të planit grek “Mihalis”, respektivisht Operacioni “Mihalis”, sipas emrit të despotit të Epirit që okupoi Shqipërinë në shekullin XIII, plan sipas të cilit Greqia duhet të realizojë maksimalisht aspiratat e veta historike në Shqipëri duke aneksuar Greqia territoret e pretenduara shqiptare, do të thotë duke e ndarë Shqipërinë në aleancë me Serbinë. Në sajimin e këtij incidenti veç shërbimit sekret grek duket qartë se ka dorë dhe shërbimi sekret serb. Nuk është e rastit që atentati kundër ambasadës amerikane në Athinë ndodh në kohën që pritet të dalë propozimi i Ahtisarit për statusin e Kosovës, dhe kur dihet se SHBA-të janë faktori kryesor që mbështesin pavarësinë e Kosovës. Është në interest ë Serbisë që në këto momente të dalë sikur shqiptarët përbëjnë rrezik për SHBA-të. Incidenti duket se është pjesë e një skenari të përbashkët grek dhe serb për të goditur interesat amerikane në Ballkan, duke i paraqitur këto goditje sikur janë me implikim shqiptar, në mënyrë që në opinionin publik amerikan të krijohet një presion ndaj qeverisë amerikane për t’ i braktisur këta shqiptarët që tregohen mosmirënjohës dhe barbarë, duke atakuar amerikanët. Me këtë Greqia kalkulonë që në situatat e reja që mund të krijohen në Ballkan, si pasojë e këtyre inskenimeve, posaçërisht me terrorizmin islamik, që do të godfasin interesat amerikane dhe greke në Shqipëri, të përfitojë duke futur ushtrinë në Shqipëri, sipas modelit të ndërhyrjes së Izraelit në Liban, me preteksitin se shteti shqiptar nuk është në gjendje që të kryejë detyrimet e veta për të frenuar kërcënimet që u vijnë të tjerëve nga territori i tij, çka u jep të drejtë të tjerëve që të vijnë në Shqipëri për neutralizuar rreziqet që u vijnë nga territory i saj. Në të njëjtën kohë dhe në të njëjtën mënyrë Serbia do të përfitojë për të futur ushtrinë në Kosovë dhe pjesën veriore të Republikës së Shqipërisë. Si Greqia dhe Serbia për të bërë këtë gjë presin momentin kur të binden se SHBA-të nuk do të kenë vullnet për të reaguar, veçanërisht në rast të tërheqjes së SHBa-ve nga Iraku. Jo më kot Greqia ka siguruar që në vitin 2003 të drejtën për të pasur një bazë ushtarake në Bisht-Pallë, në veri të Durrësit. Nuk mundet mos të konstatohet se kjo bazë gjendet në atë pikë ku është përfolur se sipas marrëveshjeve të reja greko-serbe kalon vija e re e ndarjes së territorit të Shqipërisë midis Greqisë dhe Serbisë. Sigurisht që këto gjëra sot thuhen në të ashtuquajturin shtyp ekstremist të dy vendeve, por koha ka treguar, me hapjen e arkivave, se ato që thuheshin në shtypin ekstremist haptas, ishin të njëjta me ato që thuheshin në mënyrë sekrete nga kancelaritë e dy vendeve. Greqia sigurisht që do të përdorë si pretekst për ndërhyrje edhe gjendjen e luftës që ajo vazhdon ta ruajë me ligj me Shqipërinë. Incidenti i Athinës është shenjë e qartë e shkallëzimit të zbatimit të Planit “Mihalis”, që së fundmi fillon me vendimin e qeverisë greke, i publikuar në 8 nëntor 2006, për t’ u dhënë në mënyrë masive shtetësinë greke shtetasve shqiptarë të cilët do të deklarojnë para autoriteteve greke se kanë nacionalitet grek, me të cilin qeveria greke kalkulon që të nxjerrë në Shqipëri aq “grekë”, sa për të siguruar minimalisht statusin e kombit shtetformues për grekët në Shqipër, siç e kanë shqiptarët në Maqedoni. SHBA-të dhe anglosaksët në përgjithësi, duhet ta kenë të qartë se ato janë duke paguar për përkëdheljet historike që i kanë bërë fëmijës së tyre të llastuar, Greqisë. Grekët i urrejnë SHBA-të, çka duket qartë nga pritja që u bëhet shtetarëve amerikanë vizitojnë Greqinë dhe kjo nuk është vetëm një cilësi e komunistëve dhe anarkistëve grekë që bëjnë protesta antiamerikane kur shtetarët amerikanë vizitojnë Athinën. Të gjitha anketimet, deri edhe ato greke, tregojnë se shoqëria greke është thellësisht antiamerikane. Antiamerikanizmi grek është një resentiment hantingtonian. Greqia e sotme i shikon SHBA-të si fuqinë perëndimore që e ka penguar Greqinë në kushtet e favorshme të periudhës së pas Luftës së Ftohtë për të realizuar, në aleancë me Serbinë, aspiratat nacionaliste tradicionale greke. Greqia e sotme po orientohet nga Rusia e rilindur, të cilën e shikon si aleaten fetare. Presidenti i Rusisë, Vladimir Putin, gjatë vizitës që bëri në Greqi, në vitin 2005, në 9 shtator vizitoi dhe Malin Athos, kompleksin e manastireve ortodokse, ku është dhe një manastir rus. Duke folur pas një seance lutjesh, Presidenti Putin e përcaktoi fenë ortodokse si një lidhje shpirtërore speciale mes Rusisë dhe Greqisë. Derisa Rusia është vendi më i madh ortodoks, Greqia dhe Athosi janë burimet e Ortodoksisë, u shpreh Putin. Gjatë vizitës në një nga manastiret, Arkimandriti Vasilieos (Gondikakis) i përmendi Presidentit Putin shkrimtarin panortodoks Fjodor Dostojevski, duke e quajtur si shembull elokuent të fuqisë shpirtërore që i jep feja ortodokse popullit rus dhe Presidenti Putin u shpreh dakord. Ndërsa kryeministri grek, Karamanlis, që e shoqëronte, e quajti Malin Athos një lidhje midis dy vendeve. Kuptohet se ç’ lidhje është ajo nën shenjën e ideve të Dostojevskit që profetizonte se Rusia në krye të popujve ortodoksë do të shpëtojë botën, pra do ta sundojë atë. SHBA-të duhet ta kenë të qartë se shihen nga Greqia, Serbia, por edhe nga Rusia, njëlloj siç këto fuqi shikonin Imperinë Osmane në Ballkan, në kohën e rënies së saj, si një fuqi që duhet dëbuar në momentin kur është e paaftë të mbrohet, në mënyrë që të ndahet trashëgimia e saj. Në rast se SHBA-të duan të reagojnë, atëhere duhet të reagojnë në Shqipëri, ku luhet loja kryesore greke. Qendrat vendim-marrëse në Ëashington duhet të çlirohen nga influenca e lobit grek në SHBA-të, njerëzit e të cilit që janë ngritur në nivelet e larta shtetërore amerikane, u kanë bërë dëme SHBA-ve, jo më pak se Shqipërisë. Epitomë e kësaj është ish-drejtori i CIA-s, George Tenet, i cili ishte për Amerikën ashtu siç qe greku tjetër Admirali Kanaris, shefi i shërbimit sekret gjerman, për Rajhun e Tretë. Nuk është ironi e vogël që dy grekë që kanë qenë në krye të shërbimeve sekrete të dy fuqive të mëdha në dekadat e fundit, Rajhut të Tretë dhe SHBA-ve kanë influencuar me anë të të dhënave të rreme, që këto fuqi të mëdha të hyjnë në luftra të pasukseshme. Admirali Kanaris e nxiti Hitlerin të hynte në luftë kundër Rusisë duke i dhënë të dhëna të gabuara sikur Rusia ishte shumë e dobët, ndërsa George Tenet e bëri Presidentin Bush të hynte në luftë në Irak, duke i dhënë të dhëna të rreme, jo vetëm për armët e shkatërrimit të masë, por edhe për atë sikur gjërat në Irak do të ishin shumë të lehta për SHBA-të në Irak, pas përmbysjes së Saddam Hussein. Amerikanët duhet të çlirohen nga iluzioni i rremë se grekët e sotëm janë trashëgimtarë të grekëve antikë dhe për këtë mjaft të shohin eksperiencat e vetë amerikanëve. Në olimpiadën e fundit që u zhvillua në Athinë, sekretari i Departamentit të Shtetit, Colin Powell nuk mundi të merrte pjesë për shkak të pritjes së dhunshme që i ishte rezervuar. Me këtë grekët e sotëm, që me rastin e olimpiadës u mburrën shumë se janë trashëgimtarë të grekëve antikë, treguan se ata nuk nderojnë traditën kryesore olimpike të grekëve të lashtë, ti i grekëve të lashtë që olimpiadat i shihnin si raste kur armiqtë ndërprisnin luftërat për të marrë pjesë në gara sportive. Duhet pritur që CIA, tash që nuk ka më në krye George Tenet, të jetë e aftë të zbulojë, së paku për veten e vet, të vërtetën e atentatit kundër ambasadës amerikane në Athinë, në rast se për këtë nuk bëhen pengesë njerëzit që ka lënë pas Tenet në zyrat e CIA-s që merren me Shqipërinë. Nëse në CIA, sa i përket Shqipërisë ka marrë fund edhe tenetizmi, pas ikjes së Tenet, atëhere nuk do ta kenë të vështirë që të arrijnë në përfundimet e mësipërme.

[Lioness]

Ky lajm është publikuar: 11/01/2006

Barat, mire bere qe e solle kete lajm. Por per hir te mbylljes se kesaj tragjedie pse nuk solle dhe "update" nga 2007, bile artikulli eshte ne kete forum, per denimin e autoreve te kesaj vrasjeje.

Ndersa per postimin me lart, carcafet e K.M jane bere "e thena" ne kete forum, ndaj nuk u habita pse u soll serish, kur ekziston nje teme e tille per kete ceshtje.

E kam trajtuar njehere, prandaj s'kam ndermend te perseris veten.

http://www.forumishqiptar.com/showpost.php?p=1504717&postcount=16

Ehhhhh, bunkeret .... !

[BARAT]

Postuar nga Leonesha
Barat, mire bere qe e solle kete lajm. Por per hir te mbylljes se kesaj tragjedie pse nuk solle dhe "update" nga 2007, bile artikulli eshte ne kete forum, per denimin e autoreve te kesaj vrasjeje.

Dhe tani qe ata u denuan u zhduk rracizmi dhe urrejtja ndaj shqiptareve ne Greqi?
E kam lexuar edhe ate qe eshte shkruar ne forum, por kjo teme nuk eshte personale.

E kam trajtuar njehere, prandaj s'kam ndermend te perseris veten.

Mund te besh edhe ti postime....po qe se nuk perserit veten (meqe e ke vet problem)

Ndersa per postimin me lart, carcafet e K.M jane bere "e thena" ne kete forum, ndaj nuk u habita pse u soll serish, kur ekziston nje teme e tille per kete ceshtje.

Mund te jene bere "e thena" por nuk jane "kufiri te thana", sepse temat kane dhe gershetime e ngjashmeri.

Faleminderit per pjesmarrjen dhe syrin kritik aq te nevojshem per ne...dhe na fal perseritjet e domosdoshme qe ne bejme e ti jo.
Shendet