Iluzionisti Nadir: Do te zhduk koloseun e Romes

[Davius]

Nga Roma: Zenepe Luka

Magjistari shqiptar, Nadir Murra na ftoi në studion e tij, në shtëpinë ku jeton në Romë, në një prej zonave më të pasura të qytetit. I sapokthyer nga një spektakël i madh në Kosovë, na tha se kishte marrë përsipër që të ndikonte për dhënien e pavarësisë së Kosovës. Madje, ai thotë se në një nga ditët e ardhshme mund të zhdukë gjatë një spektakli Koloseun e Romës. Gjatë kohës që zhvillonim këtë bisedë, rastësisht paraqitet në telefonon magjistari i madh italian, Silvan, i cili thotë me bindje se Nadir është magjistari me një të ardhme të madhe. Ai thotë se kërkon të bashkëpunojë me artistin shqiptar në një film të tij dhe se Nadir, me talentin dhe punën e tij, me vlerësimet që i janë bërë, vlerësohet që në këtë moshë si një nga magjistarët e famshëm. Vetë Nadir, për sukseset dhe planet e tij për të ardhmen, rrëfehet pa fshehur asgjë.

Cili është suksesi që keni arritur në këtë gjysmë viti?

Sukses i vërtetë dhe shumë u rëndësishëm është Festivali i Cirkut në botë, që u zhvillua në një teatër shumë të madh këtu në Romë. Në të morën pjesë artistë nga e gjithë bota dhe unë shqiptari, mora kupën si magjistarit më i mirë i vitit në botë.

Me çfarë u përfaqësuat në këtë festival?

Ekzekutova 4 numra të mëdhenj. Kalimi i asistentes sime në trupin tim, nga prapa përpara, zhdukja ime në skenë (me 28 shtiza që u futën të trupin tim, unë i shpëtova rrezikut dhe u zhduka në ajër). Po ashtu, ishte zhdukja e një njeriu në ajër dhe një numër tjetër po kaq i rëndësishëm. Janë numra të realizuar dhe shfaqur në skena të ndryshme në botë, ku kam arritur sukses dhe gjykova se pikërisht këto numra do të më jepnin suksesin.

Kush jua dorëzoi çmimin?

Ishte personaliteti më i lartë që mori pjesë në këtë festival, zv.ministri i Kulturës së Romës. Ndjehem i prekur dhe ende nuk më janë larguar emocionet, kur dikush thirri nga salla në momentin kur mora çmimin: "Bravo Nadir shqiptari". Ky është çasti që më entuziazmon më shumë se sa vlerësimi që marr.

Keni dhënë shfaqje në shtete të tjera për këtë periudhë?

Ka qenë periudhë intensive në realizimin e disa filmave televizivë, që është një pjesë e rëndësishme e karrierës sime artistike. Mund t'iu përmend disa filma, që tashmë janë shfaqur në ekranet televizive dhe janë pritur mjaft mirë. Prej disa javëve vazhdon shfaqja e një prej filmave. Një nga seritë shfaqet të premten.

Roli juaj?

Është një rol kryesor. Është një slloven, miku i afërt i protagonistit të filmit. Ndjehem mirë për vlerësimin, pasi është roli i një protaganisti kyç në film. Më pas u xhirua filmi "Il Kapitano", ku jam protaganist në dy seri të këtij filmi. Edhe këtu jam një protaganist. Në të vërtetë, antagonist, sepse interpretoj një rol negativ.

Preferoni role negative?

Atë që kërkon regjisori, dhe unë nuk ua kthej fjalën. E gjykojnë ata, ku unë mund të jap atë që kërkohet. Mendoj se ndikon edhe paraqitja e jashtme e imja, që vihet në funksion të rolit. Sigurisht, çdo artist ndjen kënaqësi kur regjisori thotë, se "më në fund gjeta një aktor të vërtetë". Kështu u shpreh regjisori Vitore Sidone. Sigurisht që nuk është në natyrën time që të shprehem kështu, aq më tepër publikisht, por ishte thënia e tij dhe që e vulosi suksesi i filmit. Dihet që aktori i madh, Robert De Niro, aktor amerikan me origjinë italiane, ka arritur suksesin pikërisht nga role të kësaj natyre. Sikurse shprehet regjisori im, ndoshta rruga ime në kinematografi do ta ketë suksesin pikërisht në role negative. Interesant më duket edhe filmi "La Skuadra", një film serial që jepet tek "RAI Tre", ku kam xhiruar me dy antagonistë në dy seri.

Cili regjisor është i dashuruar pas Nadir?

Nuk di të veçoj, por shoh një dëshirë të shumë regjisorëve për të më afruar në filmat e tyre. Mund të përmend Barbara Giordano, një nga regjisoret e kohës, shumë e sukseshme, që ka fituar edhe çmime kohët e fundit. Ajo më ftoi të bëja një provë përpara kamerave për filmin e saj të ardhshëm. Në të vërtetë, kërkonte një aktor më të moshuar, por u bind dhe më kërkoi që të jem protaganist në filmin e saj, që do të ketë katër seri.

Mos ndoshta filmi po ju shmang nga magjia e skenës?

Jo, absolutisht, jo. Por nga ana tjetër, më pëlqen aktrimi. Gjykoj se plotësojnë njëra-tjetrën skena dhe filmi, duke dhënë figurën e plotë të artistit.

Para pak ditësh ishit në Kosovë. Si u ndje atje Nadir?

Shkoja për herë të parë, jam i vonuar për të dhënë spektaklet e mia në Kosovë. Ishte një sukses shumë i madh, që nuk e prisja dhe më dha një emocion me një forcë magjike. Isha i ftuar nga një mik, Sadik Ballabani, gazetar tek Radio Kosova. Ai më ka bërë disa intervista dhe më dërgoi në një program televiziv të ngjashëm me "Portokallinë". Arrita që në këtë program të jap edhe numra që nuk i kisha planifikuar. Pjesa e fundit që bëra, është fjala për një hipnozë, la mbresa të mëdha dhe sikurse e shihni, në kompjuterin tim kanë ardhur qindra mesazhe nga kosovarë me banim në Zvicër, Gjermani etj, që më ftojnë për të dhënë spektakle atje.

Çfarë tjetër ju emocionoi gjatë shfaqjes së këtij spektakli ?

Sikurse ju thashë në bisedën paraprake, ishte shumë emocionuese kur një kosovar që ndiqte spektaklin, u ngrit dhe foli me zë të lartë: "Nadir, magjistar shqiptar, ndiko me magjinë tënde që Kosova të fitojë pavarësinë". Mu mbushën sytë me lot dhe do të punoj me mish dhe shpirt, me të gjitha mënyrat, për të fituar thjesht të drejtën që i takon Kosovës, pavarësinë.

Dëgjuam që Nadir ka ndalur makinën e Bushit, kur po kalonte në rrugën e Romës?

Është e vërtetë që unë rastisa në momentin kur me të vërtetë ngeci makina e Presidentit Bush dhe u krijua pështjellim i madh. Tani, jam apo nuk jam unë ai që e bëra këtë, pak rëndësi ka.

Po përgatisni një tekst për ta futur në universitetet shqiptare?

Kam dy vjet dhe besoj se ia arrita qëllimit për të futur në botim librin "Bodi Lenguige" (thënë shqip gjuha shprehëse e trupit), që shpresoj do të futet si lëndë mësimore në universitetet tona në Shqipëri dhe Kosovë.

Kur do të rikthehesh në Shqipëri magjistari Nadir?

Së afërmi. Dua t'iu them se këto ditë jam i preokupuar për të shfaqur një numër gjigand, që do ta mësoni nga televizionet italiane. Do të zhduk Koloseun e Romës. Më pas do të pregatitem për spektaklin që do të jap në qytetin tim të lindjes, në Vlorë dhe në Tiranë.

Si guxoni të zhdukni Koloseun, një vepër gjigande kulturore e Italisë. Mos ndoshta ju duhet të riskoni?

Nuk kam menduar për pasojat, por për numrin tim të madh, që e kam pasur ëndërr dhe që erdhi çasti ta realizoj. Përpara këtij fakti, jam gati të pranoj çdo pasojë, pse jo edhe të më arrestojnë.

A është për Nadir një qëllim në vetvete fama?

Unë, Nadir shqiptari, jam nga një fshat i Vlorës, që quhet Llakatund. Kujtoj që kur isha i vogël, për të ndjekur Rai Uno-n, arrita që pas shumë provash, por edhe studimesh, mbështetur edhe nga daja im në Vlorë, që merrej me elektronikën, arrita të ndërtoj antenën, një vibrator, me të cilën munda të sjell në fshat valët e Rai-t. Kjo ishte një çudi edhe për fshatarët, të cilët bëheshin kuriozë, por edhe ruheshin. Nuk ma merrte mëndja kurrë që një ditë do të bëhesha protaganist i këtij ekrani, qoftë me filma, apo edhe si iluzionist. Nuk e quaj mburrje, por një rrjedhojë e punës, sigurisht e talentin dhe fantazisë në radhë të parë, por që nuk mbaron këtu. Unë jam me nënshtetësi italiane, por sikurse e dini, gjatë gjithë karrierës sime, kur dal në skenë, them: "Magjistari Nadir shqiptari". E bëj këtë për faktin se jam nacionalist, e dua tokën time dhe në një farë mënyre, kështu përcjell emrin e vendit tim nëpër skenat e botës.
Pra, gjykoj se kam vënë në jetë një parim timin të hershëm, se fama është në shërbim të vendit tim dhe ju takon të gjithë shqiptarëve.

http://www.balkanweb.com
.

[Darius]

Termi magjistar eshte i gabuar. AI nuk eshte magjistar por iluzionist.

[Fenomeni]

Iluzionisti Nadir: Do te zhduk koloseun e Romes

...sic ''zhduku'' pesembedhjeteshin!

Ngriti ne kembe gjithe Tiranen se gjoja do hidhej nga 15 katshi dhe ne fund hodhi nje kukull dhe u fsheh nen fundin e ndonjeres.

[P@R4nOi@C_LorD]

VRas mendjen se me cfare do ta mbuloj gjith ate perpara se ta zhduke.

[Dita]

I shkreti...

[goldian]

...sic ''zhduku'' pesembedhjeteshin!

Ngriti ne kembe gjithe Tiranen se gjoja do hidhej nga 15 katshi dhe ne fund hodhi nje kukull dhe u fsheh nen fundin e ndonjeres.

do ma tregoni me gjeresisht kete punen e pesembedhjetshit se nuk e di
dhe jam shume kurioz

[Fenomeni]

do ma tregoni me gjeresisht kete punen e pesembedhjetshit se nuk e di
dhe jam shume kurioz

Ky shkrim eshte botuar ne gazeten PANORAMA, te nesermen e MOS-hedhjes!

“Aventura e hedhjes nga 15-katëshi"

Të gjitha detajet e tri orëve spektakël, ankthi dhe pritja e publikut

Anila Mema

Që nga viti 1976, kur është ndërtuar 15-katëshi, nuk ka mbajtur mbi supe një performancë të tillë. Iluzionisti shqiptar, Nadir Murra, për tri orë me radhë ka mbledhur mbrëmë në sheshin "Skënderbej" dhjetëra mijëra vetë, aty, ku as i ftohti nuk mund t'i largonte, deri në momentet e fundit, të hedhjes së tij nga 15-katëshi.

Si rrallë ndonjë herë, mijëra vetë të pushtuar nga kurioziteti, ndodheshin aty në shesh, që prej orës 18:00. Bënte mjaft ftohtë, por askush, edhe pse ankohej për motin, nuk bëri çap të largohej, edhe pse po kalonin më se tri orë spektakël. Madje, edhe politikanët, të cilët po festonin në ambientet e hotel "Tirana Intenational", do ta kishin zili një gjë të tillë.

Çfarë ndodhi
Tri orë spektakël. Muzikë, humor, iluzion, çudi, ishin këto që iu servirën publikut shqiptar mbrëmjen e djeshme. Ndërkohë që shpërthimi i vajzave sho#-girl të "Rai uno"-s, "Belle ma Belle", ka tërhequr vëmendjen e publikut kureshtar, i cili priste me padurim momentin e fundit, finalen, hedhjen nga pesëmbëdhejtëkatëshi të Nadir Murrës. Policia, si përherë, e pozicionuar mirë, vetëm e vetëm që spektakli të shkonte mirë. Ndërkohë që iluzionet e Murrës bënin të lindin mjaft pikëpyetje.

Gjithçka do të niste me një shfaqje baleti të interpretuar nga balerinët e Akademisë së Dancit, nën koreografinë e Arian Sukniqit. Më tej u shfaq një helikopter në të cilin shkruhej me gërma të mëdha Nadir. U ul diku, në sheshin "Skënderbej" pas disa minutash fluturimi mbi qytet. Në të ndodhej iluzionisti shqiptar, Nadir Murra, i shoqëruar nga policë, të cilët mundoheshin t'i hapnin rrugën e bllokuar nga njerëzit, për ta ngjitur në skenë.

Pas hedhjes
U hodh apo s'u hodh?! Si u hodh, ku u hodh, ku shkoi… Këto ishin pikëpyetjet e vetme pas tri orëve spektakël mbrëmjen e djeshme në sheshin "Skënderbej". Iluzionisti shqiptar, Nadir Murra, ka bërë që shumë vetë dje të mbeten të befasuar nga hedhja e tij pa shumë bujë, aq më shumë kur e panë të ngjitej sërish në skenën ku ndodhej pak momente më parë. Pak minuta pas spektaklit të tij, iluzionisti shqiptar Nadir Murra rrëfen për gazetën "Panorama", emocionet, ankthet dhe përgatitjet e këtij spektakli të madh.

Janë vetëm pak momente që na ndajnë nga përfundimi i spektaklit tuaj të shumëpërfolur. Si ndiheni?
Ndihem mirë, sigurisht. Jam i emocionuar nga gjithë ai publik që ndodhej në shesh, tek ndiqte spektaklin. Gjithashtu ndihem mirë, pas një pune të gjatë dhe të madhe që kemi bërë unë dhe menaxherët e mi për të arritur aty ku duhej. Këtu ka qenë shumë e vështirë për të punuar, por, megjithatë, ne ia dolëm mbanë.

Pse u zgjodh pikërisht ana e djathtë e 15-katëshit, ku ndodhen ashensorët e jashtëm, për të realizuar hedhjen tuaj?
Normalisht, për probleme teknike, asnjë gjë më tepër.

Shumë vetë e vunë re hedhjen tuaj, pikërisht nga ky fakt… (pyetje idiote - shenimi im)
Është më se normale që hedhja të bëhet vetëm një herë dhe nuk mund të rikthehet sërish.

Ç'ndiet në momentet e para kur ju ndodheshit mbi tarracën e pesëmbëdhjetëkatëshit?
Kur shumë vetë janë të intresuar për të parë diçka, atëherë ndien një lloj përgjegjësie para tyre. Duke parë këtë lloj interesimi të publikut shqiptar, i cili ishte në maksimum, atëherë një moment nuk arrin ta kontrollosh veten, dhe kjo ndodh te çdo njeri. Për shumë arsye unë shumë herë hezitova të mos e bëja këtë numër, madje më hipi një frikë e madhe për t'u hedhur dhe kjo për arsye të ndryshme.

Në skenë me Nadirin

Numri i parë që Nadir Mura do të realizonte dje para publikut që ndodhej në sheshin "Skënderbej" do të shtangte mjaft vetë. Mjaftoi një përzgjedhje e thjeshtë mes publikut nga iluzionisti dhe gjithçka niste aty. Në skenë ngjitet një burrë dhe bashkë me të edhe vajza e tij. Pak minuta më vonë, gjatë një magjie, pranë tyre do të shfaqej motra dhe vajza e vogël. Pas pak çastesh do të shfaqej edhe djali. Të trembur dhe të hutuar paksa, të dy fëmijët u takuan me të atin. Pas këtij numri të Murrës, djaloshi ndodhej i veshur vetëm me çorape, dhe shprehej se ishte në shtëpi në ato momente. Shpesh e pyesje veten pas gjithë asaj, ç'ndodhi, a ishte kjo një magji?

[Morning star]

Iluzionisti Nadir: Do te zhduk koloseun e Romes

amon mos e zhduk thoni Nadirit se eshte monument kulture... ec e zhduk ca politikane tanet cke me koloseun cte ka bere??

LOl

[donna76]

e afascinante tutto cio. bravo

[FLOWER]

Budalleqe Me Oke.