Kombëtarja Shqiptare - [lajme dhe komente]

[{A_N_G_E_L_69}]

600 vende të rezervuara për tifozët boshnjakë
Në sektorin D3 të stadiumit “Qemal Stafa”, ku do të luhet ndeshja, janë rezervuar 600 vende nga drejtuesit e Federatës Boshnjake të Futbollit, për tifozët e kombëtares së tyre. Sipas njoftimeve të agjensive turistike, që po garantojnë udhëtimin e tifozëve boshnjakë, kombëtarja e Sushiç pritet të ketë mbështetjen e 600 tifozëve, që do të mbërrijnë nga Suedia, Austria, Sllovenia, Sanxhaku, Mali i Zi dhe Bosnjë‑Hercegovina, natyrisht. Ndër të cilët edhe nga Shqipëria, ku jeton një komunitet boshnjakësh.

[{A_N_G_E_L_69}]

Slishkoviç: Shqiptarët janë të rrezikshëm!
Shqipëria, për habinë e shumë njerëzve, në ndeshjen e parë kualifikuese, si mysafire, shënoi një barazim 1-1 kundër Rumanisë dhe, më pas, në raundin e dytë, në Tiranë, mori fitore minimale ndaj Luksemburgut, 1-0. Në lidhje me ndeshjen e së premtes, Shqipëri-Bosnjë Hercegovinë, mediat boshnjake, së cilit i referohet i plotë edhe ky shkrim, kanë pyetur Blaze Slishkovic, një trajner boshnjak, që ka drejtuar Tiranën para një vitit.
“Unë mendoj se do të jetë provim i vështirë për Bosnjën. Shqipëria është një ekip i disiplinuar, kështu që na pret një betejë shumë e vështirë në Tiranë, e cila mund të zgjidhet me një rezultat të ngushtë. Përveç kësaj, shqiptarët janë të pamundur ende në këto kualifikuese. Unë besoj se shqiptarët do të mendojnë shumë për t’u mbrojtur dhe do të presin shansin e tyre për të kundërsulmuar, ndaj ne duhet t’i kushtojnë vëmendje të veçantë këtij skenari të shqiptarëve,” - tha ish-trajneri i kombëtares boshnjake dhe i KF Tiranës, Blaze Slishkoviç për “SportSport.ba.”
Shqipëria do të ketë në stol për këtë ndeshje një boshnjak, Xhemal Mustedanagić, që do të zëvendësojë kroatin Josip Kuzhe, me probleme serioze shëndetësore.
“Unë mendoj se mungesa e Kuzhes do të jetë një handikap për ta. Kuzhe dhe prezenca e tij në stol është dicka shumë e rëndësishme për ta, mungesa e tij ka efektin e kundërt. Sigurisht, asistent i tij, Xhemal Mustedanagić, i njohur për motivimin e lojtarëve, do të mundohet të bëjë më të mirën, por mungesa e Kuzhes përbën diçka të rëndësishme,“ - shtoi Slishkovic.
Ish-trajneri i kombëtares boshnjake foli dicka edhe për disa lojtarë të kombëtares shqiptare dhe tërhoqi vëmendjen, sipas mendimit të tij, tek pikat më të rrezikshme: “Rreth gjysmën e lojtarëve të tyre unë i njoh. Kanë cilësi mesatare, në përgjithësi. Spikat sulmuesi Bogdani, i cili luan për Cezenën dhe këtë sezon ka shënuar ndaj Milanit. Ky lojtar është arma e tyre më e fortë, e cila mund të krijojë probleme në mbrojtjen tonë.”

[{A_N_G_E_L_69}]

http://www.sportishqiptar.com.al/wp-...-susic-031.jpg Sushiç: S’na tremb Shqipëria, as tifozët kuqezinj




Trajneri Safet Sushiç paralajmëron një sfidë të vërtetë në “Qemal Stafa”: S’e mendojmë të dalim pa pikë
Kombëtarja e Bosnjë-Hercegovinës ka zbarkuar dje në stadiumin kombëtar “Qemal Stafa” rreth orës 17:30. Një grup i madh gazetarësh boshnjakë dhe persona të tjerë të stafit, shoqëronin përfaqësuesen e drejtuar nga Safet Sushiç. Në orën 17:45, sipas planifikimit, trajneri boshnjak, së bashku me mesfushorin e Lionit, Miralem Pjaniç, kanë nisur konferencën përballë gazetarëve shqiptarë, por shpeshherë ka pasur ndërhyrje edhe nga ata boshnjakë.
Trajneri Sushiç dukej i qetë në përgjigjet e tij, madje edhe kur foli për një largim të mundshëm të tij, në rast të një rezultati negativ në Shqipëri. Ai e vlerësoi skuadrën e Shqipërisë, publikun e saj, por edhe trajnerin Kuzhe dhe zëvendësin e tij Mustedanagiç. “Shqipëria është ekip i fortë, veçanërisht në fushë të . Sigurisht, kjo vjen si rrjedhojë e një ecurie shumë të mirë dhe e dimë që ka 7 ndeshje që nuk pëson humbje.
Mund të them se e njoh Shqipërinë, pasi i kam parë dy ndeshjet e tyre të fundit me mjaft kujdes. Sigurisht, është një ekip i rrezikshëm. Kam ndjekur dhe takime të tjera të Shqipërisë dhe e di mjaft mirë forcën e saj. Nuk kam ardhur në Tiranë me nënvlerësim për të, përkundrazi do të japim më të mirën tonë. Shqipëria mori një rezultat pozitiv në Rumani dhe diçka e tillë është për t’u vlerësuar.
Pavarësisht se mund të kemi pasur presione për rezultatin e takimit të fundit ndaj Francës, ne do të hyjmë në fushë për të fituar. Ajo që nuk mendojmë është të dalim pa pikë nga “Qemal Stafa”, çka do të ishte shumë e rëndë për ne. Objektivat tanë janë të qarta, si për këtë takim edhe për të gjitha gjatë grupit tonë. E theksoj se duhet të jemi shumë të kujdesshëm, pasi Shqipëria është një ekip që mbrohet mirë.
Nuk trembem që stadiumi do të ë plot më fansë kuqezinj, pasi të gjithë e dëshirojmë një gjë të tillë. Jemi mësuar me të tilla presione, nuk na bëjnë përshtypje. Pika më e fortë e Shqipërisë është që pësojnë pak gola, por edhe shënojnë pak të tillë. Mungesa e Kuzhes, varet si ndikon. Lojtarët mund të motivohen më tepër dhe të luajnë më mirë, ose e kundërta.
Dëshira ime do të ishte që ai të ishte sot në pankinë, por e di që kjo është e pamundur. Uroj një shërim sa më të shpejtë të tij. Sa për zëvendësuesin, sigurisht që e njoh, pasi është boshnjak. Madje kam luajtur me të si kundërshtar. Lorik Canën e kam parë në ndeshjen e fundit në kampionatin turk dhe u zëvendësua shumë shpejt.
Ai është një lojtar shumë i talentuar, babanë e tij e kam shumë mik. Unë nuk kam folur keq për të. Si Cana edhe Misimoviç, qenë në një skuadër të re si Gallatasaraji, duan pak kohë që të ambientohen ndaj edhe po hasin vështirësi në lojën e tyre,” ka përfunduar konferencën për shtyp trajneri Safet Sushiç.
Mesfushori i Bosnjë-Hercegovinës i druhet forcës së Shqipërisë, por lëshon sfidën për tri pikët
Pjaniç: Kemi ardhur për fitore në Tiranë
Miralem Pjaniç është një nga talentet e fundit të kampionatit francez, duke u aktivizuar me një skuadër të famshme si Olimpik i Lionit. Gjatë konferencës për shtyp, futbollisti që ka lindur më 2 prill të vitit 1990, me një pamje çunaku, pavarësisht se ka lënë pak mjekër në fytyrën e tij, e vlerëson përfaqësuesen e Shqipërisë.
Sipas tij, mesfusha kuqezi, por edhe repartet e tjera, janë të plotësuara me lojtarë kualitativë. Por Pjaniç, në krahun tjetër, komenton se Bosnja i ka të qarta synimet në Shqipëri, duke kërkuar vetëm fitoren. “Shqipëria është një ekip shumë i fortë, veçanërisht në fushë të vet.
Për më tepër, ata do të japin maksimumin për të marrë një rezultat pozitiv, dhe kjo na i vështirëson shumë punën. Megjithatë, edhe ne kemi ardhur me synime të qarta në Tiranë dhe dimë si të veprojmë. Tri pikët janë objektivi ynë. Do të ishte fatale për ne nëse do të humbisnim, por unë sinqerisht mendoj se do të dalim me rezultat pozitiv.
” Ndërkohë, mesfusha kuqezi është e mbipopulluar me lojtarë luftarak si Lila, Bulku, Lala e të tjerë dhe hapësirat për Pjaniçin do të jenë të pakta. Futbollisti i Lionit tregohet i mprehtë, duke ia lënë fushës gjithçka. “Shqipëria ka lojtarë cilësorë në qendër të mesfushës, por jo vetëm kaq. Unë kam komunikuar edhe me lojtarë të tjerë që aktivizohen në Francë, të cilët kanë pasur eksperienca në vendin tuaj dhe më kanë folur me superlativa. Ata kanë një ekip të mirë, por edhe ne kemi individualitetet tona,” - përfundon Pjaniç.

[{A_N_G_E_L_69}]

http://www.sportishqiptar.com.al/wp-...r-shtryp-1.jpg Cana: Kujdes, nuk është vetëm Edin Dzeko!



Qendërmbrojtësi kuqezi beson se Shqipëria mund t’u kundërpërgjgijet kualiteteve të Bosnjës
Trajneri Josip Kuzhe, duke u besuar cilësive të këtij futbollisti, preferon ta aktivizojë në qendër nga e majta, më pranë Ansi Agollit. Sepse Armend Dallku e kryen më mirë detyrën në qendër nga e djathta. Cana mendon se nuk është kollaj të zëvendësohet Curri, por nga ana tjetër ka shumë besim te Kristi Vangjeli, i gatshëm për t’i ardhur në çdo moment në ndihmë Dallkut.

- Lorik, trajneri kroat ka deklaruar se Bosnja është më cilësore dhe se mungesa e Currit do të ndikojë…?
- Nuk di çfarë të them për deklaratat e trajnerit boshnjak. Për disa pika që ai ka përmendur, sigurisht ka të drejtë. Curri është mungesë shumë e rëndësishme për ne, ndërsa ekipi boshnjak duhet ta pranojmë që ka më shumë kualitete, që luajnë në skuadra më të mira se futbollistët tanë. Sa i përket formës sime, do ta dëshmojë rezultati.
- Do të ketë garanci mbrojtja pa Currin?
- Unë kam luajtur me Dallkun ndaj Qipros, të paktën kështu e kemi e nisur. Sigurisht, nuk është njësoj si me Currin, pasi duhet pak kohë për t’u përshtatur sa më mirë. Kushdo që të luajë në vend të Currit, është lojtar profesionist. Te gjithë si skuadër duhet të bëjmë më të mirën në aspektin mbrojtës.
- Kalimi i Dallkut në qendër sjell rreshtimin e Vangjelit në të djathtë. Shumë lëvizje sa u përket emrave…?
- Për Kristin (Vangjeli) që do të luajë në të djathtë, nuk kam fare frikë. Ai është një mbrojtës fantastik dhe mund t’i lësh pranë çdo lojtar. Mandej skuadra jonë e ka forcën te grupi, jo te futbollistët e veçantë. Duhet të kemi shumë kujdes nga lëvizjet taktike të kundërshtarit, që luan në romb. Duke na hapur shumë probleme.
- E favorizon apo e penalizon Shqipërinë fakti që Bosnja luan hapur dhe në sulm?
- Vështirë t’i përgjigjesh kësaj pyetjeje. Ne duhet t’u përgjigjemi me kualitetet tona. Ata kanë shpejtësi dhe forcë, ndërsa ne kemi teknikë dhe jemi të organizuar.
- Shqipëria ka ndalur lojtarë të mëdhenj si Ronaldo, Ibrahimoviç… Këtë radhë është Dzeko?
- Është kënaqësi e madhe të luash përballë lojtarëve të mëdhenj. Gjithmonë je i karikuar të bësh më të mirën me topin. Me nivelin tonë kemi treguar që mund të ndalim çdo kundërshtar, pavarësisht emrit që ka. Sulmuesit e mëdhenj kanë veçantitë e tyre, ndërsa për Dzekon mund të them se ka shumë besim te vetja, çka e ka treguar me golat që ka shënuar. Nuk është vetëm Dzeko, duhet të kemi shumë kujdes Ibisheviçin, Misimoviçin dhe të tjerët. Po luajtëm në nivelin tonë më të lartë, mund t’i përballojmë.

[{A_N_G_E_L_69}]

http://www.sportishqiptar.com.al/wp-...0/09/skela.jpg Skela i bindur: Do të bëjmë një ndeshje të madhe!




Vazhdon të stërvitet rregullisht në Gjermani, ndonëse është pa skuadër. Për trajnerin Kuzhe, Shqipëria pa Ervin Skelën është e mefshtë, pa fantazinë e duhur. “Jam më mirë fizikisht se një muaj më parë. Të gjithë duhet të vrapojmë dyfish, për të marrë maksimumin kundër Bosnjës,” - shprehet Skela.

- Është projektuar një formacion me dy sulmues. Mos ndoshta po rrezikojmë, pasi nuk kemi edhe Currin në prapavijë…?
Sa i përket rreshtimit në sulm, i takon zëvendëstrajnerit të përgjigjet, i cili besoj se do të ketë folur me Kuzhen. Pak rëndësi ka se si luajmë, me dy apo tre sulmues, e rëndësishme është që të mbajmë pozicionet në fushë, pasi edhe kur të humbasim topin t’i rifitojmë sa më shpejt vendet tona. Kundërshtari është teknikisht shumë mirë dhe ne nuk duhet t’u japim asnjë hapësirë në fushë. Ndaj Bosnjës duhet të vrapojmë dyfishin.
Në të kaluarën mund ta kemi nisur, por në ndeshjet e tretë kemi ngecur…?
Për këtë dua të flas pak më gjatë se është një situatë komplet ndryshe. Ne vijmë pas dy ndeshjeve pozitive dhe jemi të parët në grup, por fatkeqësisht duhet të përballemi me dy probleme që kanë të bëjë me mungesën e trajnerit dhe të Currit, dëmtimi i të cilit na ka prerë të gjithëve.
Janë dy gjëra që nuk kalohen lehtë, por kam besim që kjo do të shërbejë si motivim për të gjithë lojtarët. Të premten të mendojmë për të gjithë tifozët, për shokët tanë dhe në veçanti për trajnerin. Pra, të bëjmë një ndeshje të madhe.
Presioni është në anën tonë apo të kundërshtarit?
Realisht, që kur është hedhur shorti, e kemi ditur që Franca, Rumania dhe Bosnja janë më lart se ne. Ndër vite ne e kemi treguar se sa e vështirë është të fitosh në Shqipëri. Them se me këtë tifozëri të zjarrtë që kemi ne dhe ndeshjet e mira të kryera në fillim, ku kemi treguar pjekuri, mendoj se Bosnja do ta ketë shumë të vështirë për të marrë pikë me ne.
A keni folur me “Xhemon”, ju, senatorët, siç bënit me Kuzhen?
Normalisht që po. Të mërkurën kemi pasur një bisedë të gjatë, ndërsa sot (dje) kemi analizuar ndeshjen e Bosnjës ndaj Luksemburgut. Kemi parë ato 30 minutat e para të këtij takimi që vendosën fitoren dhe kemi analizuar çdo detaj teknik dhe taktik të boshnjakëve. Ata luajnë në romb, një taktikë komplet ndryshe nga ajo që kemi parë me kundërshtarët e tjerë. Është mirë që gjatë ndeshjes të komunikojmë me njëri-tjetrin, që të mos humbasim përqendrimin, pasi kështu ndihmojmë edhe trajnerin.
A ua keni frikën këtyre ndryshimeve që janë bërë në skuadër?
Po të kishim frikë, nuk do të ishim këtu. Frika nuk ekziston te ne, por është një situatë komplet ndryshe nga herët e tjera. Do të mundohemi të bëjmë maksimumin, ose më tepër se sa kemi bërë në të shkuarën. Për t’i plotësuar këto mungesa gjithsecili duhet të japë më shumë se 100.

Krahasuar me një muaj më parë, si është gjendja e Ervin Skelës?
Nuk e di si e vlerësoni ju. Në ato takime vija pas një faze të shkurtër përgatitore dhe, nëse sipas specialistëve, kam luajtur mirë dhe kam vrapuar, mendoj se tani jam akoma më mirë. Situata ime dihet, nuk mund ta zbukurojmë, kjo është e vërteta. Gjithsesi, nëse më bëhet një ftesë nga trajneri i ekipit kombëtar dhe djemtë më pranojnë për atë që kam apo për atë mënyrë të luajtuari, gjithmonë jam i gatshëm të vij tek ekipi kombëtar.
Ervin, firmosni për një barazim që tani para ndeshjes?
Është e vështirë t’i përgjigjes që tani, pasi varet se si merr loja. Nëse do të ishim superiorë dhe mund të merrnim fitoren, pa dyshim që me barazimin do të ishim të zhgënjyer. Mund të ndodhë edhe e kundërta. Me Portugalinë në transfertë do të firmosnim pa u menduar dy herë për barazimin, por edhe mund ta kishim fituar atë ndeshje. Edhe në Tiranë me këtë kundërshtar e kishim barazimin në dorë, por në fund u ndëshkuam. Pra, janë gjëra të vështira, që s’mund t’i parashikosh para ndeshjes.

[{A_N_G_E_L_69}]

http://www.sportishqiptar.com.al/wp-.../10/xhemal.jpg “Krenar që jam boshnjak, por dua të fitojë Shqipëria”!



Ndihmësi i Kuzhes flet për mediat boshnjake, 24 orë para ndeshjes:
Më saktësisht kanë mbetur më pak se 24 orë deri në fillimin e ndeshjes midis Shqipërisë dhe Bosnjë Hercegovinës, e cila luhet të premten, duke filluar nga ora 20:30 në stadiumin “Qemal Stafa” në Tiranë. Në të njejtën ditë, të enjten, por të një jave më parë, trajneri i Shqipërisë, Josip Kuzhe, pësoi një goditje cerebrale në kokë, kështu që detyra për t’i udhëhequr shqiptarët i kaloi asistentit të tij, Xhemal Mustedanagić, i lindur dhe që flet gjuhën boshnjake.
Edhe pse kemi qenë në kontakt me cka ka pohuar në konferencën për shtyp të së enjtes, para ndeshjes, i kërkuam një prononcim Mustedanagićit, i cili, pavarësisht situatës së tendosur para një ndeshjeje të tillë, na u përgjigj, duke mos dashur të na refuzojë. “Kur bëhet fjalë për gazetarët boshnjakë, nuk ka asnjë problem, unë jam gjithmonë në dispozicion të tyre,” – tha ai në fillim të bisedës për “sportin.ba”, ku dukej qartë humori i mirë i Mustedanagicit.
- Jeni duke folur për një media boshnjake, si një njeri i lindur boshnjak. Si do të ndjeheni nesër, kur do të drejtoni ekipin kombëtar të Shqipërisë kundër ekipit të vendit tuaj?
- Po, unë kam lindur dhe jam krenar që jam boshnjak. Unë kam lindur në Bosanski Novi, ku kam jetuar deri në moshën 18 vjecare, kohë kur lëviza për në Zagreb, për t’u bashkuar me Dinamon. Megjithatë, Bosnja dhe të gjithë boshnjakët, me të mirat dhe të këqijat e veta, kanë mbetur ende në personalitetin tim. Nesër (të premten) unë do të drejtoj ekipin kombëtar të Shqipërisë kundër kombëtares së vendit tim, në të parën herë si trajner i parë në karrierë, në një nivel të tillë, dhe emocionet janë të pranishme. Gjithsesi, ato që ndiej për vendin tim, Bosnjë Hercegovinën, do t’i lë mënjanë në ato 90 minuta. Shpresoj dhe uroj më zemër që kësaj here të festoj me ekipin e Shqipërisë. Në fund, do të dëshiroja që nga grupi D të kualifikoheshin për në finalet e “Euro 2012“ Bosnjë-Hercegovina dhe Shqipëria. Një parashikim jo shumë realist në dukje, megjithatë është mirë të presim e të shohim cdo të ndodhë.
- Mungesa e Josip Kuzhes në stolin e ekipit kombëtar shqiptar, a do të jetë, sipas jush, një disavantazh i vogël në këtë ndeshje?
- Sigurisht, mungesa e Josipit është një handikap për ne, e cila e ka shkundur disi atmosferën shumë pozitive të pas dy ndeshjeve të para kualifikuese në ekip, por të gjithë ne kemi një motiv më shumë, edhe për të, që kundër Bosnjë Hercegovinës të luajmë mirë dhe të përpiqemi të marrim një rezultat pozitiv.
- Cili është mendimi juaj për rrezikun më të madh që paraqet Bosnja për shqiptarët në këtë ndeshje?
- Unë tani do të përmendja pa hezitim një ose dy lojtarë, por po nënvizoj faktin se Bosnja ka mbi të gjitha një ekip kolektivisht të fortë. Safet Sushic është rritur edhe si lojtar, që tërheq përpara, ndaj e dimë mirë se kombëtarja e Bosnjë Hercegovinës është shumë e rrezikshme në fazën ofensive. Ajo ka shumë lojtarë të mirë, si Dzeko, Misimović dhe Pjanić, të cilët mund të hapin shumë probleme.
- Cilat janë pritshmëritë tuaja mbi formacionin që do të përdorë Safet Sushic në Tiranë?
- Ashtu si janë gjërat, ekipi boshnjak mund të luajë me një formacion 4-2-2-2. Me çfarë kuptoj unë, krahasuar me ndeshjen e humbur në shtëpi ndaj Francës, do të jenë në stol Ermin Zeç dhe Safet Nadarević, edhe për shkak të dëmtimit, kështu që ne i kemi marrë masat tona në këtë drejtim.
- A do të jeni me të vërtetë i kënaqur me barazimin, sic keni thënë në një konferencë për shtyp përpara ndeshjes?
- Ne hyjmë në çdo ndeshje me një qëllim, për të fituar, por të jem i sinqertë, do të isha i lumtur edhe po të merrja një barazim ndaj Bosnjë Hercegovinës, që ka një ekip favorit dhe të mbushur me individualitete mjaft cilësore.
- Së fundi, ju, Mustedanagić, a mund të na përcillni atmosferën që mbizotëron në mesin e tifozëve shqiptarë për këtë ndeshje?
- Me aq sa di unë, biletat për të gjitha vendet e stadiumit janë shitur tashmë, ndaj atmosfera duhet të jetë me të vërtetë e zjarrtë. Ne kemi mbështetje të madhe në ndeshjet që luajmë në shtëpi. Ka shumë tifozë të zjarrtë që vijnë nga Kosova. Tifozët janë një ndihmë e madhe për kombëtaren shqiptare. E njëjta gjë është edhe me lojtarët, të cilët mezi presin për fillimin e lojës.

[Darius]

Eshte jashte teme si pyetje po a e keni idene se kush site e jep ndeshjen ne internet?

[illyrian rex]

besoj se www.atdhe.net do ta jep

zakonisht i jep

[illyrian rex]

Uroj qe te marrim tre pike sonte, edhe pse shume e veshtire.

Shpresoj se optimizmi dhe mendjemadhesia do t'iu thej qafen sonte boshnjakve.

Me shume angazhim dhe me pak fat, piket do ti mbajme ne shtepi.

[marangozi]

Kta ke Atdhe.net sikur s'po e japin

Di gjo njeri ku mund ta shofim tjeter?