Islami:Feja qe perhapet me se shpejti ne Evrope

[Preng Sherri]

lajmet e fundit nga Zvicrra:

mbi 40.000 zvicrran kan formuar komunitetin e tyre musliman ...

eshte e rendesishme te thuhet se te gjithe jan zvicërran te races se bardhë d.m.th autokton zvicrran...

sipas studimeve te bera ndaj ketyre muslimaneve zvicerran ,dallohen me devotshmeri dhe zbatim me te persosurë te islamit dhe kushteve qe parashtron islami...

muslimanet tjere jan te mahnitur me devotshmerin e tyre ...

Kjo gjë nuk qëndron fare por kemi të bëjmë me një nga mashtrimet e radhës të atyre që nuk ia duan të mirën islamit.
Nëse e ka fjalën për ata 30000 shqipetarë të cilët kanë marrë shtetsin Zvicerane është tjetër gjë ngaqë ka një numer të madh të shqiptarëve të boshnjakëve si dhe të turqëve të cilët kanë fituar shtetsin Zvicerane.
Përndryshe shteti zviceran është duke e shqyrtuar hjekjen e të gjitha minareve ( minareteve) nga vendet Publike.
Me një fjalë jo që s'ka konvertime të Zviceranëve por për çudi për momentin është një RACIZEM e shprehur haptas ndajë çdo gjë myslimane.
Sipas gazetës Zvicerane " tages Anzeiger" në qytetin e Cyrihit ku qenka një xhami e vetme arabe me Minare të ngritur qenka duke u bërë një fushatë që me referendum të vendoset që nga ajo godinë të hiqet Minaruja. Pra, xhamitë mundë të ekzistojnë por minaret duhet të largohet nga ato sikurse eedhe mbishkrimet në gjuhë të huajë në këtë rastë në gjuhë arabe.
Të jesh mysliman, së paku kështu marrë informacione nga shqiptarët tanë atje, për momentin në Zvicer është shumë rëndë...
Në shtetin e helveteve ngadalë po krijohet një klimë për myslimanet çfarë ishte shumë vite më herët për Judët.

[muslim_965]

Prengsherri :

Kjo gjë nuk qëndron fare por kemi të bëjmë me një nga mashtrimet e radhës të atyre që nuk ia duan të mirën islamit

Rritja fenomenale e Islamit

Zgjerimi:

Islami u përhap nga vendi ku vuri rrënjët në gadishullin arabik gjer në pjesën e Azisë paraqëndrore dhe asaj qëndrore, në nënkontinentin indian, në Azinë Juglindore dhe në Filipine; Bregdeti Lindor i Afrikës dhe i tërë veriu i kontinentit, në veri dhe në jug të Saharës janë vende islame. Në Evropë, gjegjësisht në Ballkan sundimi osman ka lënë ishuj me popullsi islame. Janë për tu përmendur: Turqia evropiane, Bosnja, Shqipëria dhe Kosova. Që nga shek. XIX është formuar një diasporë islame në të gjithë botën, e sidomos në Evropën Perëndimore dhe në Amerikën Veriore përmes emigrantëve dhe atyre që kanë shkuar atje për të punuar.

Ditëve tona:

Është e njohur në SHBA dhe në tërë botën se Islami është feja me rritje më të shpejtë.

Pjesë të shkëputura nga mediat më të njohura me shkrim në SHBA lidhur me këtë:

"Islami është feja me rritje më të shpejtë në Amerikë, guidë dhe shtyllë stabiliteti për shumë prej njerëzve tanë." (Hillary Rodman Clinton, "Los Angelos Times", 31 Maj 1996, fq. 3).

Muslimanët janë grupi me rritje më të shpejtë në botë..." (The Population Reference Bureau, "USA Today").

"Islami është feja me rritjen më të shpejtë në vend." (Geraldine Baum, "Newsday" Religion Writer).

"Islami është feja me rritjen më të shpejtë në Shtetet e Bashkuara." (Ari L. Goldman, "NEW YORK TIMES", 21 Shkurt 1989, fq. 4 A).

Në kohën e fundit po rritet qartë edhe numri i grave latine të konvertuara në Islam, para së gjithash në qytetin New Jersey të Shteteve të Bashkuara të Amerikës:

Gratë e konvertuara njoftojnë se njëri nga shkaqet e zgjedhjes së tyre ishte vlera e grave në islam. Pos kësaj thonë se ndihen të lira duke bartur mbulesën.
Përmes një lajmi të "Christian Science Monitor" muslimaneja e konvertuar Yasemin Pinet thotë se ajo kishte fituar respektin e vërtetë në Islam. Ne si muslimane i vizitojmë edhe xhamitë shtonte ajo dhe thoshte se ndihet më e sigurtë dhe më e qetë kur është me shoqet e saja muslimane.
Sikurse Jasemina poashtu edhe gra të tjera gjejnë një mënyrë më të mirë të jetës në Islam, andaj konvertohen vazhdimisht. Sipas një botimi të Bashkësisë Islame të Amerikës Perëndimore në tërë SHBA-në janë konvertuar rreth 40 mijë latinoamerikanë në Islam.
Gratë në fjalë, të cilat mbajnë shami tregojnë se ato ndihen shumë më të lira dhe se mund të lëvizin shumë më mirë në shoqëri. Lidhur me këtë Jenny Yanez thotë: "Kur më shohin njerëzit të cilët i takoj se unë mbaj shami, e dinë se jam fetare, andaj nuk më bezdisin. Gjithashtu nuk kemi konfrontime me modën."

Përveç kësaj, në Islam gratë përvetësojnë fort vlerën e bashkëshortësisë dhe të familjes. Pasi që të mirren mirë me Islamin dhe ta kuptojnë realitetin, thonë se njerëzit, të cilët kanë marrë dituri të gabuar mbi Islamin e trajtojnë atë me sy krejt tjerë.
Poashtu thuhet se Islami mund të kuptohet më së miri, nëse lexohet Kur'ani dhe kjo vlen edhe për pozitën e grave në Islam.
(31.12.2004 Yeni Asya)

Japoni:

Imami turk Nimetullah Hoxha Efendi, pas 36 vjet shërbimi në Mekke, u shpërngul në Japoni me kërkesën e muslimanëve të atij vendi. Pothuaj qe shtatë vjet ai qëndron atje dhe ishte dëshmitar se si mijëra japonezë bëheshin muslimanë: "36 vjet kam vepruar në Mekke. Kam punur 20 vjet në xhaminë Sultan Ahmet në Stamboll. Isha imam në xhami të ndryshme. Përderisa jetoja në Mekke njoftohesha me njerëz të ndryshëm nga kombe të ndryshme. Atje jam munduar të japë më të mirën nga vetja në mënyrë që puna ime të jetë e frytshme. Isha edhe në Evropë. Tash, pothuaj qe shtatë vjet jam në Japoni. Kam ardhur këtu me kërkesën e tyre. Deri para 20 vjetëve në Japoni kishte vetëm dy xhami, ndërsa tash janë mbi tre qind sosh."

"Japonezët ankohen, ju muslimanë përse keni ardhë kaq vonë tek ne, edhepse fqinjët tanë Filipinet, Indonezinë, Malajzinë, Tajlandën dhe Singapurin i keni njoftuar shumë më heret me Islamin, ju po vini tek ne me vonesë?!"

"Ata shënojnë predikimet tona, vijnë në qendrën islame, na bëjnë pyetje lidhur me Islamin dhe krejt këtë e shfaqin në televizion. Shumë japonezë janë kthyer në Islam vetëm nëpërmjet këtyre emisioneve. Poashtu, shumë profesorë japonezë janë bërë muslimanë."

"Edhe në Kore për çdo ditë bëhen nga 60-70 njerëz muslimanë."

...thotë Nimetullah Hoxha Efendi

(Ebubekir Gülüm, 04.09.2004 Milligazete)

Gjermani:

Për çdo vit kalojnë rreth 300 gjermanë nga krishterizmi në Islam. Numri i përgjithshëm i të konvertuarve arrin rreth 14.000. Këtë njoftim e bëri drejtori i Arkivës Islame në Soest, Muhammed Selim Abdullah gjatë një anketimi.

Numri grave të dikurshme krishtere, të cilat pas martesës me një musliman pranuan Islamin nuk është bërë i njohur. Ky lloj ndërrimi i fesë është bërë pa regjistrim shtetëror. Pas sulmeve terroriste të 11 shtatorit 2001 ka pasur një valë më të madhe konvertimi në New York dhe Washington. Për këtë instituti nuk ka kurrfarë sqarimi.
Sipas Abdullahut në Islam hyjnë kryesisht gratë me arsimim të lartë shkollor. Prapa ndërrimit të fesë qëndron më së shumti një biografi tashmë e kuptueshme "Dashuria e madhe për Lindjen". Studimi i gjuhës arabe shpie shumë më tepër në marrjen intensive me Islamin e herë pas herë edhe në dëshirën për ta përqafuar këtë fe. Shumë të konvertuar që u bënë muslimanë i kryejnë të gjitha detyrimet fetare, lutjet e disahershme ditore qind për qind.

Prej personaliteteve të shquara që e ndërruan fenë janë ambasadori i dikurshëm gjerman në Marokë, Murad Hofmann dhe botuesi i gazetës Islame "Islam-Zeitung", Ebu Bekr Rieger. Kryesuesi i Bashkësisë së Muslimanëve Gjermanishtfolës, Amir Muhammed Herzog (Berlin), u kthye nga krishterimi në islam në vitin 1979. Më parë ishte misionar i rinisë i një Vepre Misionare evangjelike.

Statisktikat:

Wikipedia, 2002 (freie Wissensdatenbank):

Popullësia e botës: 6.234.000.000

Gjithësejt muslimanë: 1.218.100.000

Remid, 2003 (Mediat Shkencore për Fe dhe Shërbime Informative e. V.)
Numri i përgjithshëm i muslimanëve në Gjermani: 3.300.000
Me pasaportë gjermane: 732.000

Fjalë përmbyllëse:

Çdo njeri me arsye të shëndoshë do të duhej pyetur veten se a e njeh njëmend Islamin. Gjithsecili do të duhej ta pyeste veten se ku bazohen mediat kur flasin lidhur me Islamin, a mbështeten në fakte, gjegjësisht në burimet e Islamit apo nga frika e shpërbërjes së sistemit të padrejtë kapitalist bëjnë propagandë antiislame, ashtu që me vetëdije përhapin pavërtetësi për të ngjallë frikë ndaj Islamit. Sistemi i sotëm ekonomik i perëndimit është ndërtuar në atë mënyrë që njerëzit e thjeshtë që i përkasin shumicës absolute, të cilët nuk marrin mjaft duhet të punojnë gjatë tërë jetës së tyre për pakicën e pasur. Andaj, duhet pyetur veten se përse ata njerëz që konvertohen në fenë Islame e bëjnë një gjë të tillë nëse ajo është me të vërtetë një fe e dhunës, e urrejtjes, fe terrorizuese, shtypëse dhe e padrejtë siç pretendojnë shumë njerëz! Nga ana tjetër duhet ta kuptojmë se cilët nga njerëzit do të humbasin nëpërmjet Islamit dhe cilët do të fitojnë. Profesorë, ambasadorë, studentë, politikaj, këngëtarë, artistë, të pasur, të zinj e të bardhë, njerëzit e thjeshtë dhe ata inteligjent e përqafojnë Islamin! Nëse do të merreni me Islamin pa paragjykime do të jeni në gjendje ta kuptoni përse!

[Darius]

Hahahahahah sa kam qesh me kete temen. Me kujton dacibaot e kinezve gjate sundimit te Mao Ce Dunit.

Ore muslim po i beson edhe vete mbrockat qe shkruan mer? Zviceran te bardhe qe jane me te devotshem se vete myslimanet

99% e ketyre qe ti thua qe kane pranuar islamin jane me origjine nga vendet islamike dhe mos mashtroni me keto statistika se do ju qeshi dynjaja. Nuk perhapet feja me zor. Islami jo vetem qe spo shton rradhet po perkundrazi eshte feja me e gjykuar ashper sot ne bote per shkak te ngjarjeve qe kane ndodhur. E vetmja arsye qe ka perqindje te fese islame ne Europe eshte nga emigracioni i vendeve arabe dhe aspak nga konvertimi i europianeve ne islam. Juve ose shikoni endrra me sy hapur ose me te vertete besoni budallalliqet qe shkruajne fetaret tuaj. 1000-500 vjet me pare krishterimi kishte pjesen me te madhe te besimtareve por kjo se pengoi aspak as te vriste dhe te digjte njerez te gjalle me inkuizicionin. Pra se bente me te mire si fe numri i pasuesve. Perdorni arsyen dhe jo pasionin apo euforine dhe sidomos ruani trute nga lavazhi...

[muslim_965]

Darius:

Ore muslim po i beson edhe vete mbrockat qe shkruan mer? Zviceran te bardhe qe jane me te devotshem se vete myslimanet

Neve po biem argumente,kurse juve nuk po bini asnji argument qe te demantoje kete.Une te kam thene edhe ma heret se si qendrojn ceshtja ne Malme te Suedise ku 56% e popullsise jane mysliman nga vet burimet suedeze.Personalisht njoh me dhjetera suedez qe jan konvertuar ne islam sidomos te gjinise femerore.
Derisa juve po bisedoni islami eshte ne ekspanzion e siper...

[SHEMSHIR]

Këndohet Ezani i parë në xhaminë e Bostonit.

Sot për herë të parë u këndua ezani në xhaminë e Bostonit në verlindje të Shba ku ishin të pranishëm mbi 2 mijë myslimanë të këtij qyteti.Këndimi i Ezanit në Boston është një ngjarje historike për myslimanët, të cilët e kanë pritur këtë ditë për 20 vjet me radhë.Ndërtimi i xhamisë së Bostonit ka kushtuar 14 milione $ dhe është realizuar mes tensioneve të ashpra midis myslimanëve dhe kundërshtarëve të ndërtimit të kësaj xhamie.

[muslim_965]

SHEMSHIR Këndohet Ezani i parë në xhaminë e Bostonit.

Sot për herë të parë u këndua ezani në xhaminë e Bostonit në verlindje të Shba ku ishin të pranishëm mbi 2 mijë myslimanë të këtij qyteti.Këndimi i Ezanit në Boston është një ngjarje historike për myslimanët, të cilët e kanë pritur këtë ditë për 20 vjet me radhë.Ndërtimi i xhamisë së Bostonit ka kushtuar 14 milione $ dhe është realizuar mes tensioneve të ashpra midis myslimanëve dhe kundërshtarëve të ndërtimit të kësaj xhamie.
11-06-2007 03:46

Bravo shemshir keshtu te pelqej kur bjen argumente e jo te mirremi me ofrndime dhe akuza ky keshtu e ai ashtu.Nese ti e ke cakun islamin edhe neve kete cak e kemi...e kjo le te jete ajo pike qe na bashkon.

[Borix]

Me vjen keq per boten perendimore. Toleranca fetare nuk provohet me ndertesa, por me harmonine nder-fetare qe ekziston ne shoqeri. Here pas here une tentoj te ushqej tolerance fetare si dhe ta integroj me ate jo-fetare, por eshte e pamundur te mos flas kur bie fjala tek ndertimi i xhamive x-milion dollareshe (qe nuk ka fare lidhje me besimin) ne vatren e perendimit.

Feja islame bie ndesh me kulturen perendimore. Kjo eshte teza ime perfundimtare!

[Preng Sherri]

Mendoj që këtu s'kemi të bëjmë me gjykimin e besimeve fetare. Por nuk mundë të pajtohem me ata që sjellin gjera të paqena. Ta zëmë, sot të jesh mysliman në Europë është një gjë shumë e vështirë ngaqë këta Europianët, nuk bëjnë dallimin në mes ayre të Arabisë dhe myslimanëve të Europes. Sot më e preferueshme është të jesh Mysliman në Shtetet e bashkuara të Amerikës se sa në ndonjë vendë të Europes perendimore e mos të flasim për Rusinë apo edhe Greqinë.
Feja Islame nuk është në hapje të madhe por përkundrazi. Ta zëmë, unë njohë një shqiptarë të fesë myslimane i cili këto ditë ka pranuar të shugurohet në një nga Kishat e qytetit ku ai jeton.

Ndersa, sa i përket fesë së Krishterë, as ata nuk mundë të lavdrohen shumë ngaqë shumë vite më herët, në Europë, kisha përdorte metodat më antinjerzore dhe bënte krimet më të tmerrshme, siç ishin dënimet me" gjuajtjen e gurëve, djegja në stufë të druve etj etj...
Tekefundit, Jezusin e nguliten në dru dhe e mbyten vet Romakët. Por çka ndodhi më vonë?
Vetë ata të cilët e kishin mbytur Jezusin, më vonë filluan të besojnë në predikimet e tija dhe natyrishtë e moren dhe e pervetsuan si mjetë për të sunduar më lehtë botën.
¨Katolicizmi tek shqiptarët kishte ardhë së bashku me ushtarët e parë të Perandoris Romake. Pra romakët e sollën në trojet tona. Po ashtu , gjerë nga fundi i shekullit të XVIII Ungjilli ishte i ndaluar të lexohej nga femrat ngaqë Kisha e konsideronte atë si të PIstë.
Por atë që e kishte kaluar Krishterimi me kohë, siç duket islamizmi po ballafaqohet me ato gjera sot dhe atë falë, disa keqinterpretimeve të KUranit që i bënë disa matrapaz me kalimin e kohës duke formuar sekte të ndryshme.

Tani, ka në Europë ndonjë nga femrat, qofshin ato gjermane, suedeze apo tjera që kanë kaluar në Islam ngaqë janë të martuara me Arabë apo pse burrin e kanë një mysliman. vet personalishtë njohë një këso gruaje e cila përpos që ka vë një shami në kokë absolutishtë s'merr vesh gjë nga feja.
Por po ashtu më ka ra të takojë Iranian të cilët në shenjë të protestes nga diktatura që kanë në Iranë mbanin rreth qafes zingjirë me kryqë...

Unë Nuk di se pse dikend duhet ta gëzojë fakti nëse një Fe apo një tjetër përhapet në botë. Kjo për një shqiptarë nuk është fare relevante.
Për ne me rëndësi është të dimë se; sa veta kanë pranuar të konvertohen në shqiptarë, pastaj se sa është e hapur tek popujtë tjerë Kultura, Histria, Tradita dhe zakonet e Shqiptarëve.
Pra, sipas meje secilin shqiptarë do të duhej ta gëzojë vetëm ky faktë; se sa e njohin të tjerët Historin, Artin, Kulturen, Muziken, Zakonet dhe Traditen tonë e jo se cila Fe ku po përhapet ma shumë..
Kjo për shqiptarin është më së paku e rëndësishme!

[Konig]

Islami eshte feja qe perhapet me shpejt ne Bote e sigurisht ne Europe.
Ne Europe ndikon emigracioni nga Lindja ne Perendim por kjo nuk do te thote se nuk ka konvertime te vendesve. P.sh. kam degjuar se vetem ne Danimarke me shume se 30.000 jane konvertuar vetem pas ngjarjes me karikaturat.
Pastaj nuk kuptoj se pse ka tendence drejt debatimit? Mos valle nuk pranoni se Islami eshte feja qe perhapet me shpejt?

[SHEMSHIR]

Atë ditë kur një i krishterë u magjeps nga Kur'ani

Sot mediat në botë me propagandat e tyre të shumta përpiqen të prishin pamjen e Islamit dhe ta paraqesin Kur'anin, si një libër të vjetër. Fuqitë e mëdha duke përdorur mjetet më moderne, përpiqen të dobësojnë myslimanët dhe njëkohësisht mundohen të ulin ndikimin dhe përhapjen e Islamit në botë. Në këtë mes, ne shikojmë se Kur'ani i shenjtë duke qënë se është një dritë e madhe e Zotit të Vetëm, në mënyrë shumë të qartë paraqet të vërtetën e tij. Kur'ani është libri i shenjtë më i miri dhe më i ploti. Ai tërheq mbas vetes mendjet dhe kjo është vetme një nga veçoritë e tij.

Kanadezi Gary Miller është pedagog ne universitet. Ai për vite ka ndjekur doktrinën krishtere dhe ka qënë nje aktivist e palodhshëm. Ai kishte një dëshirë të madhe për çështjet mendore. Ai në fillim mendonte se Kur'ani, i cili ka zbritur 14 shekuj më parë kishte të bënte vetëm me çështjet e së kaluarës. Më pas me shtimin e valës së Islamit në perëndim, ai mori vendimin që të studionte Kur'anin me qëllim që të gjente gabimet e Kuranit dhe ta bënte atë të papranueshëm.

Ai thotë: Atë ditë fillova të lexoja Kur'anin për të gjetur gabimet e tij, në mënyrë që të ngrisja pozicionin e krishterëve përballë myslimanëve. Duke qënë se mendoja që Kur'ani i cili ka zbritur 14 shekuj më parë në shkretëtirë do të ishte plot gabime. Por sa më shumë që e lexoja, vëreja të vërteta të cilat më habisnin. Pa e besuar kuptova se në këtë libër të shenjtë nuk ka gabime. Përveç kësaj, kuptova se në Kur'an janë shtruar çështje të shumta mbi të cilat nuk flitet në ndonjë libër tjetër të shenjte. Ky libër më bëri kurioz dhe për këtë mora vendim ta lexoja më me përpikmëri. Kur arrita tek ajeti 82 i sures Nisa u habita shumë. Në këtë ajet theksohet : "A nuk e përfillin ata (me vëmendje) Kur'anin ? Sikur të ishte prej dikujt tjetër, përveç Allahut , do të gjenin në të shumë kundërthënie ".

Sigurisht që kjo nuk është hera e parë që një jo mysliman flet për madhështinë, aktualitetin dhe të vërtetën e Kur'anit. Kur'ani i madhërishëm është një oqean i pafund, ku askush nuk mund të gjejë dhe diskutojë kufijtë e tij. Ky libër është pasqyra e jetës dhe nga thellësia dhe gjerësia e tij nuk ka limit. 14 shekuj më parë, dijetarë dhe mendimtarë të shumtë kanë lundruar në këtë oqean pa të fund. Por asnjëri prej tyre nuk ka mundur të gjejë sekretin e tij. Ata gjithashtu falen tek Zoti me madhështi duke qënë përkrah Kur'anit. Në ajetin e parë të sures Furkan theksohet: "Ai që ja shpalli Furkanin (Kur'anin, dallues të së vërtetës nga e pavërteta) robit të vet (Muhamedit) që të bëhet pejgambër i botës (këshillues), është i madhëruar".

Dr. Gary Miller, profesor i matematikës, është ndër ata dijetarë i cili mendon se aktualisht për të arritur të vërtetën duhen dëgjuar dhe analizuar të gjitha mendimet. Ai thotë: Kur'ani me ajetet e tij të qëndrueshëm dhe të qarta, i fton njerëzit që të mendojnë lidhur me ajetet e tij. Kjo është në një kohë kur asnjë shkrimtar në botë, nuk ka ftuar të tjerët të gjejnë gabimet e shkrimeve të tij.

Ky profesor universiteti thotë: Me leximin e Kur'anit doja të mësoja për ngjarjet që kanë ndodhur për Profetin si vdekja e gruas së tij Hitxhes, si dhe jetën e fëmijëve të tij, por ndryshe nga ajo që prisja vura re suren Merjem, e cila më habiti shumë. Në këtë sure flitet për madhështinë dhe lartësinë e Haz. Merjemit. Kjo është në një kohë kur në Bibël dhe Tourat nuk ka ndonjë sure të veçantë për Haz. Merjemin. Përveç kësaj, në Kur'an është përmendur 25 herë emri i Hazretit Isas a.s.. Kjo është në një kohë kur emri i Profetit të Islamit është përmendur vetëm 5 herë dhe për të ose për familjen e tij nuk ka ndonjë sure të veçantë.

Ky mendimtar perëndimor, duke pasur dyshime se mos ka ndonjë keqkuptim, u përpoq përsëri për të gjetur ndonjë gabim. Por një ajet tjetër tërhoqi akoma më shumë vëmendjen e tij. Ky ishte ajeti 30 i sures Anbija ku thuhet: "A e dinë ata të cilët nuk besuan se qiejt e toka ishin të ngjitura, e Ne i ndamë ato të dyja dhe ujin e bëmë bazë të jetës së çdo sendi; a nuk besojnë ? ".

Dr. Gary Miller thotë: Ky ajet është pikërisht ajo çështja shkencore, vërtetuesi i së cilës në vitin 1973 ka fituar çmimin Nobel. Në të vërtetë ky ajet ka shpjeguar ideologjinë e madhe, e cila ka treguar Krijuesin e botës qiejve dhe yjeve. Në fund të ajetit, uji është paraqitur si burimi i jetës. Kjo ka ardhur nga Krijuesi dhe sot nga shkenca është vërtetuar se qeliza është ndërtuar nga citoplazma dhe pjesa kryesore e saj përbëhet nga uji. Duke lexuar këtë ajet nuk mund të pranoja më mendimet e ekstremistëve, të cilët thonë se Kur'ani është mendim apo krijim i Muhamed s.a.v.s. Si ka mundësi që Profeti i Islamit, i cili në kohën e ardhjes së Kur'anit, 1400 vjet më parë, të fliste për materialin e ndërtimit të gjithësisë.

Së fundi, mendimet e studiuesit Dr. Gary Miller bëhen shkak për respektimin e gjerë të fesë islame. Aktualisht Dr. Miller ka filluar një propagandë të gjerë duke shkruar artikuj mbi aspektin shkencor të Kur'anit. Ndër veprat e shkruara nga Miller janë: "Kur'ani i habitshëm", "Ndryshimi midis Kur'anit dhe librit të shenjtë", " Ideja e islamit lidhur me mënyrat e së mirës".

Dr. Miller vë theksin në madhështinë e Kur'anit në çështje të tjera duke thënë: Një nga madhështitë e Kur'anit është paralajmërimi që ka bërë ai për kërcënimet e ardhshme të njeriut. Këto janë kërcënime të cilat nuk mund të parashikohen nga njeriu, pasi njeriu çdo gjë e kupton me anë të eksperiencës dhe provës. Kur'ani paraqet miqtë dhe armiqtë e Islamit. Njerëzit i paralajmëron që të mos miqësohen më të pafetë dhe të krishterët i konsideron si miqtë më të afërt të myslimanëve. Përveç kësaj, Kur'ani paraqet informacione dhe kuptime të qarta. Kur'ani me informacionet e tij magjeps lexuesin dhe më pas i paraqet atij informacione të reja. Kjo është në një kohë kur këto informacione nuk janë paraqitur në asnjë libër tjetër qiellor. P.sh. në ajetin 44 të sures Al-Imran flitet lidhur mbi shortin e kujdestarisë së Hazretes Merjemit ku thuhet: "Këto janë nga lajmet e fshehta që po ti shpallim ty. Ti nuk ishe ndër ta kur i hidhnin shortet se kush prej tyre do të bëhej kujdestar i Marjamit , nuk ishe pranë tyre edhe kur ata ziheshin mes vete ".

Por nëse këtë të vërtetë duam ta kërkojmë tek Bibla, në të nuk thuhet asgjë dhe duhet të kërkosh në burime të tjera. Kur'ani kërkon t'i japë përgjigje atyre personave të cilët kanë dyshime në informacionet që jep Kur'ani. Ndërsa unë duke lexuar me përpikmëri këtë libër kam kuptuar se asnjë njeri nuk ka mundësi që t'i japë përgjigje Kur'anit, pasi këto informacione janë jashtë mundësisë mendore të njeriut. Ato janë informacione të dhëna nga Zoti, i Cili njeh çdo gjë mbi të kaluarën, të tashmen dhe të ardhmen. Dr. Miller një mysliman i ri kanadez më tej shton: O myslimanë, ju nuk e dini se çfarë virtyti ju ka dhënë Zoti juve dhe nuk ja ka dhënë feve të tjera. Prandaj duhet të falënderoni që jeni myslimanë dhe ndodheni në mesin e myslimanëve. Për të përfituar të vërtetën dhe bukurinë, studiojeni thellë Kur'anin. Unë jam futur thellë tek Kur'ani dhe pikërisht kjo përpikmëri më hapi dyert e së vërtetës.