Presidenti Bush viziton Shqipërinë

[no name]

"Air Force One", Shtepia e Bardhe qe fluturon

E Enjte, 07 Qershor 2007


Presidenti amerikan, vec masave ekstreme te sigurise, ka edhe nje sistem krejt te vecante transporti. Sistem qe garanton siguri dhe efikasitet per kreun e shtetit me te fuqishem te botes.

Transporti ajror i Presidentit te Shteteve te Bashkuara te Amerikes sigurohet nga dy avione speciale "Boeing 747-200", me numrat 28000 dhe 29000, me kodin e nenshkruar "VC-25". Kur Presidenti i SHBA-se eshte ne bordin e njerit prej ketyre avioneve, apo te cdo avioni te flotes ajrore, radio perdor thirrjen "Air Force One".

Diferenca midis "VC-25" dhe "Boeing 747" standard, vec numrit te pasagjereve qe mund te transportojne, eshte menyra e fluturimit, pajisjet e komunikimit dhe ato elektronike, konfigurimi i brendshem dhe furnizimi, mbajtja e transportuesit te bagazheve, shkallet anesore dhe fundore dhe mundesia per t'u furnizuar ne ajer.

Akomodimi per Presidentin amerikan perfshin nje suite ekzekutive, me te gjitha lehtesite per jetesen (dhome veshjeje, larjeje dhe gjera te tjera ndihmese), si dhe zyren e Presidentit. Nje dhome tjeter, qe perdoret per konferenca dhe ngrenie, eshte ne sherbim te shefit te Shtepise se Bardhe, familjes se tij dhe stafit qe e shoqeron ne udhetime. Te tjera ambiente te ndara ndodhen brenda avionit per te ftuar miq, zyrtare te larte te stafit, sherbimin sekret, sherbimin e sigurise dhe mediat, qe shoqerojne Presidentin.

Ne te njejten kohe, ambiente te tjera jane parashikuar per ushqimin e njerezve, qe mund te shoqerojne Presidentin. Lehtesi per njerezit me aftesi te kufizuara, gjashte tualete per pasagjeret dhe nje minimense per stafin, jane ndertuar brenda gjigantit te ajrit. Ne menyre te vecante avionet VC-25 jane te pajisur me pajisje mjekesore dhe mjete per emergjenca.

Avionet qe perdor Presidenti amerikan qendrojne ne bazen e forcave ajrore ne Meriland. Transporti presidencial filloi ne vitin 1944, kur nje avion "C-54", i quajtur "Lopa e Shenjte", u vu ne sherbim te Presidentit Franklin Rusvelt. Me pas erdhi "Pavaresia", nje "DC-6 (Liftmaster)", qe transportoi Presidentin Herri Truman gjate periudhes 1947-1953. Ndersa Presidenti Duajt Ajzenhauer udhetoi ne bordin e "Columbine II" dhe "Columbine III" nga viti 1953 deri ne vitin 1961. Megjithese thirrja "Air Force One" eshte perdorur per here te pare ne vitet '50, avioni "VC-137" (Boeing 707) i Presidentit Kenedi ishte i pari qe u njoh boterisht si "Air Force One".

Ne vitin 1962, nje avion "C-137C", qe ne menyre specifike u pershtat per t'u perdorur si "Air Force One" hyri ne sherbim me numrin 26000. Ai eshte ndoshta avioni me i njohur dhe me historine me domethenese nder avionet presidenciale. Numri 26000 eshte avioni qe transportoi Presidentin Kenedi ne Dallas, me 22 nentor 1963 dhe kthehu trupin e tij ne Uashington, pas vrasjes. Lindon Xhonson mori detyren si Presidenti i 36-te i Shteteve te Bashkuara ne bordin e avionit ne "Love Field" ne Dallas. Ky avion u perdor per te kthyer ne Teksas trupin e Presidentit Xhonson, gjate funeralit shteteror me 24 janar 1973. Ne vitin 1972, Presidenti Ricard Nikson beri nje vizite historike ne bordin e avionit 26000, kur udhetoi ne Republiken Popullore te Kines dhe Bashkimin e Republikave Socialiste Sovjetike. Numri 26000 u terhoq nga perdorimi ne maj 1998 dhe ndodhet i ekspozuar ne Muzeun e Forcave Ajrore, ne Ohajo.

Numri 27000 zevendesoi numrin 26000 dhe pasuroi historine e tij kur u perdor per te transportuar Presidentet Nikson, Ford dhe Karter ne Kajro me 19 tetor 1981, si perfaqesues te Shteteve te Bashkuara ne funeralin e Presidentit egjiptian, Anuar Sadat.

Avioni i pare "VC-25A" me numer 28000 fluturoi si "Air Force One" me 6 shtator 1990, kur transportoi Presidentin Xhorxh Bush (i vjetri) ne Kansas e Florida per ta kthyer ne Uashington. Nje avion tjeter "VC-25A", me numer 29000, transportoi Presidentet Klinton, Karter dhe Bush ne Izrael per funeralin e Kryeministrit Jitzhak Rabin.

Karakteristikat kryesore:

Funksioni kryesor: Transporti ajror i Presidentit te SHBA

Kontraktor: "Boeing Airplane Co."

Fuqia: Kater motore te "General Electric" CF6-80C2B1

Shtytja: Thrust: 56,700 paund per cdo motor

Gjatesia: 70,7 meter

Lartesia: 19,3 meter

Gjatesia e kraheve: 59,6 meter

Shpejtesia: 630 milje ne ore

Dyshemeja: 13,746 meter

Pesha maksimale per ngritje: 374,850 kilogram

Rrezja e levizjes: 12,550 kilometer

Stafi: 26 (pasagjer/staf: 102)





Misioni

Misioni i avioneve VC-25 - "Air Force One" - eshte te sigurojne transportin ajror per Presidentin e Shteteve te Bashkuara te Amerikes.

[no name]

Bush ne Shqiperi, garanci per NATO

E Enjte, 07 Qershor 2007


Ministri i Mbrojtjes, Fatmir Mediu deklaroi diten e djeshme se vizita e Presidentit te SHBA-se, Bush, ne Shqiperi, eshte nje mbeshtetje e hapur qe i jep vendit tone per anetaresimin ne strukturat e NATO-s. Ministri Mediu theksoi se sinjalet pozitive te kesaj vizite po plotesohen me vazhdimin e reformave intensive ne vend, qe prekin Forcat e Armatosura. Gjate nje takimi me perfaqesues te Kolegjit te Mbrojtjes se NATO-s, me qender ne Rome, ministri i Mbrojtjes theksoi se vendi po ben hapa pozitive ne kuader te anetaresimit ne NATO. Ai u shpreh se i rendesishem per kete proces eshte edhe bashkepunimi rajonal i vendit tone, kryesisht me vendet e kartes " Adriatik 3" qe jane Kroacia dhe Maqedonia. "Aktivitetet ne kuader te Kartes se Adriatikut kane treguar nje forcim te metejshem te marredhenieve mes Shqiperise, Kroacise dhe Maqedonise, pasi aspirojme nje rruge te perbashket, ate te anetaresimit ne NATO, si celesi i vertete i ruajtjes se paqes dhe sigurise ne bote", deklaroi ministri Mediu. Sipas tij, Shqiperia eshte nje mbeshtetese e pakursyer e paqes dhe lirise ne bote, duke u rreshtuar keshtu ne vendet qe perkrahin pa hezitim luften kunder terrorizmit.

[no name]

Bush, ore pas ore ndryshon axhenda

E Enjte, 07 Qershor 2007


Nuk ka nje axhende te sakte per levizjet e Presidentit amerikan, Xhorxh W. Bush, i cili me 10 qershor do te vizitoje Shqiperine. Pervec konfirmimit te sigurt te takimit me Presidentin Moisiu ne Pallatin e Brigadave, Kryeministrin Berisha ne seline e Kryeministrise si dhe dreka ne nje nga lokalet private te kryeqytetit, te gjitha levizjet e tjera te bera ose jo publike jane te ndryshueshme dhe asgje nuk eshte fiksuar perfundimisht deri me tani. Nje agjende e tille e ndryshuar ore pas ore, ka te beje me masat e larta te sigurise qe po ndermerren, per te garantuar nje vizite te qete dhe pa probleme te Presidentit amerikan Bush. Mesohet se Presidenti amerikan, do te zhvilloje nje takim me kreun e shtetit shqiptar, Moisiu ne Pallatin e Brigadave, si dhe ne takim dhe nje konference te perbashket per mediat me Kryeministrin Sali Berisha, ne ambientet e Kryeministrise. Ne te njejten kohe, pritet qe te jete ne nje dreke pune ne nje nga lokalet karakteristike te kryeqytetit, se bashku me Kryeministrin Berisha dhe Kryeministrat e Kroacise dhe Maqedonise, perkatesisht Ivo Sanader dhe Nikola Gruevski. Por agjenda e ndryshueshme e Presidentit Bush, parashikonte dhe nje takim ne qytetin e Durresit, ku pritej te dekoroheshin ushtaraket shqiptare pjesemarres ne misionin paqeruajtes ne Irak, eveniment qe mesohet se eshte zhvendosur ne Pallatin e Brigadave. Nga ana tjeter me sa duket dhe dreka e punes ne vilen 30, ish-rezidenca qeveritare e ish-Kryeministrit komunist Mehmet Shehu, do te zhvendoset ne nje lokal karakteristik per gatimet tradicionale, diku mes ambasades amerikane dhe rezidences se diplomateve amerikane, e qenderzuar nen masat te forta te sigurise. Por burime prane Kryeministrise bejne te ditur se Bush pritet ta mbylle viziten e tij ne vend, me nje takim te biznesit te vogel ne Fushe-Kruje, me ndermjetesine e USAID-it. Por megjithese burimet konfirmojne disa nga takimet qe Presidenti Bush do te beje ne Shqiperi, agjenda e Presidentit Bush leviz me disa versione ne dite. Kjo per shkak te sigurise te madhe qe duhet te krijohet ne cdo levizje te tij ne territorin shqiptar. Pervec ndryshimit sistematik te agjendes, ende nuk dihet me saktesi se kush jane personalitetet shqiptare, qe do te kene mundesine te takojne Presidentin Bush. Keshtu, pervec takimit te sigurt me Presidentin Moisiu dhe Kryeministrin Berisha, ekziston mundesia e nje takimi te Presidentit Bush ne Pallatin e Brigadave me kreun e PS-se, Edi Rama, Kryeparlamentaren, Jozefina Topalli dhe ish-kryeministrat, Fatos Nano, Ilir Meta dhe Pandeli Majko. Nga ana tjeter, vizita e Bush po i jep nje fasade te rinovuar godinave te Keshillit te Ministrave, Viles 30 te ish-drejtuesit te larte te komunizmit, Mehmet Shehut dhe Pallatit te Brigadave, godina keto ne te cilat pritet qe te "shkele" Presidenti amerikan, Bush, gjate kesaj vizite historike ne Shqiperi. Prej nje jave, godina e Keshillit te Ministrave, po i nenshtrohet lyerjes se fasades se jashtme, ndersa dy dite me pare lyerja e godinave eshte vazhduar edhe ne Vilen 30 dhe Pallatin e Brigadave. Po keshtu, masa te rrepta po ndermerren dhe ne planin e sigurise se Presidentit amerikan. Keshtu, masave per sigurine per te garantuar viziten e Bush do t'i shtohen edhe rreth 15 mije forca te sigurise te vendit, pa llogaritur ketu edhe sherbimin sekret amerikan te CIA-s, forcat e marinsave, per te cilat vendimi eshte marre dhe qe do te bejne te mundur normalitetin e nje vizite historike me 10 qershor ne Shqiperi.

Basha-Blushi-Topi, presin Bush ne Rinas

Nje rendesi te vecante pala shqiptare pritet ti jape edhe pritjes se Presidentit amerikan, Bush dhe bashkeshortes se tij ne aeroportin shqiptar "Nene Tereza". Keshtu sipas protokollit qeveritar, ne kete pritje qe do te jete e organizuar me nje ceremoni te rastit, pritet te jete i pranishem ministri i Puneve te Jashtme, Lulezim Basha. Por pala shqiptare ka menduar qe ne kete pritje solemne te marre pjese edhe kryetari i grupit parlamentar te Partise Demokratike, Bamir Topi, po keshtu edhe kryetari i grupit parlamentar te Partise Socialiste, Ben Blushi. Presidenti i SHBA-se, Xhorxh Bush, pritet te mberrije ne oret e para te mengjesit te 10 Qershorit, nen kontrollin dhe mbikeqyrjen e rrepte te shume forcave policore, ushtarake dhe atyre te sherbimeve inteligjente. Nderkohe qe dje ka filluar patrullimi dhe fotografimi nga ajri me helikopter i te gjitha godinave ku do zhvilloje takime.



Takimet

Presidence

Keshilli i Ministrave

Vila 30

Pallati i Brigadave

Nje restorant privat

Qyteti i Fushe-Krujes

Qyteti i Durresit

[no name]

Policia kalon gatishmeri numer dy

E Enjte, 07 Qershor 2007


TIRANE - Policia e Shtetit ka kaluar nga dje ne gatishmeri numer 2, tri dite para mberritjes se Presidentit amerikan, Xhorxh Bush. Nderkohe neser, do te kete nje tjeter rivleresim te gjendjes se sigurise ne Shqiperi. Urdhri i firmosur nga drejtori i Pergjithshem i Policise se Shtetit, Shemsi Prenci, ka kaluar ne gjendje gatishmerie numer 2 te gjithe efektivat blu. Burime nga Ministria e Brendshme thane se eshte urdheruar mbajtja nen kontroll te rrepte e personave me precedente penale apo qe perbejne rrezikshmeri shoqerore. Gjate gjithe kesaj jave jane shtuar masat e sigurise edhe ne kufi, per te parandaluar depertimin e cdo elementi te dyshimte, qe mund te kercenoje sigurine e Presidentit amerikan. Nderkaq, edhe aeroporti nderkombetar i Rinasit eshte "blinduar" me ushtarake amerikane, qe kane ngritur cadrat e tyre dhe antenat nderlidhese satelitore. Ekspertet amerikane dhe te Antiterrorit kane nisur prej ditesh inspektimin e masave te marra nga policia dhe te metat qe verehen ne plotesimin e kuadrit te sigurise. Burime zyrtare thane per gazeten "Koha Jone" se deri dje nuk ka pasur asnje problem apo sinjal alarmi dhe situata paraqitet me se e qete. Jane duke u shqyrtuar gent-planet e aeroportit "Nene Tereza" per te percaktuar vendin ku do te ulet avioni presidencial "Air Force One" dhe shoqeruesit "Air Force Two". Vetem pak dite me pare ne Tirane kane mberritur 100 agjente te CIA-s, nderkohe qe edhe shteti shqiptar ka nxjerre nje seri urdheresash per bashkepunimin e forcave tona te sigurise me ato amerikane per te garantuar viziten e Presidentit Bush.

[no name]

Te gjitha sekretet e vizites se Bushit

E Enjte, 07 Qershor 2007


"Air Force One", "Air Force Two", makina te blinduara, agjente sekrete, fshehtesi e kuzhines dhe raketa toke-ajer per parandalimin e sulmeve ajrore. Zbarkimi i 70 kamioneve ne Durres dhe kalimi ne gatishmeri numer dy i policise ne Tirane

Sapo avioni presidencial i "Air Force One", "Hercules", i shoqeruar nga "Air Force Two", eshte ngritur nga Virxhinia per te fluturuar drejt kryeqytetit cek te Prages, 850 persona kane shoqeruar Xhorxh W. Bush. Gjashte vende do te vizitohen nga Presidenti amerikan ne shtate ditet e udhetimit te tij, qe konsiderohet me i gjati ne Lindje, ku do vizitohen edhe vende te tilla ish-komuniste si Shqiperia, Polonia dhe Bullgaria. Dhe per here te pare ne kryeqytetin italian te Romes, njeriu me i fuqishem i botes do te zbrese i siguruar nga njerezit e tij. Gazeta italiane "La Repubblica" i ka kushtuar vemendje vizites se fundit te Bush ne Evrope, duke nisur nga takimi i G-8 ne Prage dhe deri ne perfundim.

Ne avionet ushtarake transportues jane imbarkuar te gjitha pajisjet logjistike, ushqimet qe mjaftojne te mbajne per disa dite 2000 persona. Gjithcka mbahet sekret dhe askush nuk duhet te dije se cfare i sherbehet Presidentit Bush dhe suites se tij qe e shoqeron. Nga avionet gjigante kane dale helikoptere, nje duzine me makina 4x4 te sherbimit sekret amerikan, CIA, dhe limuzinat presidenciale te blinduara me nje trashesi prej 8 centimetrash xham dhe metal te padepertueshem nga plumbat. Siguria maksimale dhe vleresimi i vizites nga nje numer i madh agjentesh ka shkaktuar edhe polemika, pasi eskorta e Presidentit amerikan ka akses veprimi ne cdo vend qe hyn. Nderkohe qe ne momentin qe Bush zbriti ne Prage, rrethohej nga te pakten 250 agjente sekrete te CIA-s. Ky perben dhe rrethin e pare, ndersa ne te dytin kane qene agjente te antiterrorit cek "Urna" dhe qites te elites se policise. Ne rrethin e trete te veprimit gjendeshin plote 1500 police dhe ky plan veprimi pritet te zbatohet ne Shqiperi.

Por, gjate vizites ne Gjermani, ku do behet takimi i G-8, qe perfundon sot ne Heiligendamm, Presidenti Bush shoqerohet edhe nga eksperte dhe specialiste te marines dhe agjente kunder armeve berthamore. Ne aeroportet e disa qyteteve gjermane do te vendosen baterite e raketave toke-ajer, qe do te ndjekin dhe parandalojne cdo sulm te mundshem ajror. Ne karvanin ajror te nisur nga baza ushtarake e Andrews ne Virxhinia dhe qe mberriti ne Prage te henen, Xhorxh W. Bush ishte i shoqeruar nga i gjithe ekipi. Jane disa mijera persona, perfshi ministra, sekretare, keshilltare, perkthyes, postiere, kuzhiniere etj. Trupa ushtarake perbehet nga "Air Force One" me nje avion te tipit "Hercules" qe sherben per transportin dhe "Air Force Two" qe perbehet nga avionet rezerve. Ne Rome, Presidenti amerikan do te vendoset nga data 8 deri me 10 qershor, ndersa do shoqerohet dhe sigurohet nga brigada speciale te policise italiane dhe motocikletat e policise do shoqerojne kortezhin.



Me daten 10 qershor, Bush do te zbrese ne Tirane pergjate vizites shtate oreshe. Dje Policia e Shtetit ka kaluar me urdher te ministrit te Brendshem dhe firme te drejtorit te Pergjithshem ne gatishmeri numer dy, duke marre persiper garantimin e sigurise se institucioneve kryesore dhe angazhimin e rreth 5 mije forcave policore e te sigurise. Te enjten e 31 majit, parlamenti aprovoi nje akt normativ qe me shume se 500 marinsa do te zbarkonin ne Shqiperi dhe do te shpalosin forcen e tyre pergjate te gjithe ceremonise. Te dielen, Garda e Republikes se Shqiperise, qe eshte njekohesisht eskorta e elites politike zyrtare, duhet te "carmatoset". Sipas aktit normativ te votuar, vetem persona te autorizuar do te mbajne arme dhe ata jane ushtaret dhe njerezit e sherbimit sekret amerikan. 53 parlamentare refuzuan te votonin aktin.



Kohajone

[Albo]

“10 mijë të rinj me flamuj shqiptarë e amerikanë për pritjen e Bushit”

Flet kreu i rrjetit “Al<26”. Altin Goxhaj tregon detajet e organizimit të të rinjve për mikpritjen e Presidentit të SHBA-ve

Shaban Sulçe

10 mijë të rinj shqiptarë, me flamuj amerikanë dhe kuqezi në pritje të Presidentit Bush. Mikpritja e Presidentit të SHBA-ve duket se nuk do të jetë thjesht dhe vetëm një ekskluzivitet i protokollit shtetëror, por edhe e organizimit të komunitetit, veçanërisht e të rinjve kryeqytetas. Ideja më e fundit e hedhur nga rrjeti “AL<26” duket se do të përkrahet masivisht nga komuniteti dhe rinia shqiptare, që është e gatshme të shprehë vlerat e mirënjohjes dhe mikpritjes ndaj SHBA-ve dhe Presidentit të saj, Xhorxh Bush. Drejtuesi i rrjetit “AL<26”, Altin Goxhaj, shprehet se përfshirja e komunitetit dhe veçanërisht rinisë në ceremoninë e mirëseardhjes së Presidentit Bush do të jetë shprehja më e mirë e filozofisë mirënjohëse të popullit tonë për kontributin historik dhe të vazhdueshëm që na kanë dhënë Shtetet e Bashkuara të Amerikës. Në një intervistë për gazetën “Albania”, Goxhaj ka treguar detajet e organizimit të të rinjve me rastin e vizitës së Bushit. Ai ka thënë se gjatë vizitës së presidentit do të ngrihen 3 stenda, në të cilat do të marrin pjesë të rinjtë shqiptarë dhe ku do të shpërndahen flamujt e SHBA-ve dhe Shqipërisë.
Zoti Goxhaj, si përfaqësues i rrjetit “Al<26”, ju keni dhënë dje një konferencë shtypi, ku keni folur për organizimet e këtij rrjeti me rastin e vizitës së Presidentit Bush në Tiranë. Cila është arsyeja që forumi që ju drejtoni do të bëhet pjesë aktive e mikpritjes që do t’i bëhet Presidentit të SHBA-VE?
Është shumë i rëndësishëm imazhi që Shqipëria dhe Tirana do të krijojnë më 10 qershor gjatë vizitës së Presidentit Bush. Pritja e sekretarit Amerikan të Shtetit, Xhejms Bejker, në vitin 1991 nga shqiptarët ishte kaotike, ku mungonin shumë elementë të organizimit, “sa ra në sy për keq”, dominimi total vetëm i flamurit amerikan, duke harruar dinjitetin e pritjes me flamurin tonë. Në 2007-n pritja që do t’i bëhet Presidentit Bush është totalisht e organizuar jo vetëm nga institucionet, por edhe nga vetë komuniteti. Nëse shteti ka për detyrë organizimin zyrtar dhe procedurial të protokollit të kësaj vizite, është detyra e shoqatave për të organizuar komunitetin. Në këtë rast, Karta Rinore “AL<26” ka marrë përsipër t’i krijojë komunitetit rinor, por pse jo, edhe atij më të gjerë, mundësinë e një pritjeje dinjitoze. Imazhi i mirëseardhjes nga ana e komunitetit rinor do të bazohet në bashkekzistencën e të dy flamujve, që do të mbushin rrugët e Tiranës, si shprehje e dinjitetit kombëtar, që i uron mirëseardhjen një miku dhe një vendi që i është gjendur kurdoherë pranë shqiptarëve. Mendoj se vizita e Presidentit Bush është një mundësi e mirë, që të gjithë shqiptarët të shprehin filozofinë e mirënjohjes, karakteristikë e kombit tonë, ndaj një vendi që gjithmonë është kujdesur si një vëlla i madh për ne. Tashmë të gjithë të rinjtë shqiptarë e kanë mësuar në shkollë se ishte SHBA ajo që u njohu shqiptarëve të drejtën e shtetit. Ishte SHBA ajo që protestoi më fort nga të gjithë kundër pushtimit fashist në vitin 1939. Është SHBA ajo që e çliroi dhe po i jep pavarësinë Kosovës. Prandaj të gjithë të rinjtë shqiptarë, ashtu edhe si prindërit e tyre dinë të jenë mirënjohës, por ndryshe nga brezat e mëparshëm, ata janë shumë më “amerikanë” në kulturën e tyre dhe shijet në modelin kulturor.
Cilat do të jenë masat organizatave të rrjetit “Al<26” në vizitën e Presidentit Bush në datën 10 qershor në Tiranë?
Duke marrë parasysh masat e sigurisë, të cilat do të respektohen nga ne, organizimi do të ketë në radhë të parë një mentalitet festiv, jo thjesht në qendër të Tiranës, por edhe në periferi. Ne do të ftojmë dhe do të organizojmë qindra të rinj të kryeqytetit, të cilët do të reflektojnë nëpërmjet dy flamujve, bluzave dhe kapelave një shije të ndjesisë së mirë, të kënaqësisë, krenarisë kombëtare dhe respektit ndaj Presidentit Bush dhe vendit që ai drejton.
Kemi përgatitur dhe do të shpërndajmë 10 mijë flamuj, shqiptarë dhe amerikanë, të cilët do t’i japin Tiranës dominim të ngjyrave kuqeblu dhe të zezë. Rrjeti “Al<26” do të ngrejë 3 stenda, në të cilat do të ftohen të rinjtë e Tiranës që të marrin flamuj, bluza e kapele, por edhe fletëpalosje, volantina me referenca të presidentit amerikan, të Kushtetutës amerikane, poezi nga poeti i famshëm amerikan Uitman, ndërsa në sfond do të ketë muzikë non-stop amerikane për Amerikën. Stendat do të jenë në zonën e ish-Bllokut, në parkun “Rinia” dhe në zonën e Laprakës. Gjithashtu, në formë simbolike në momentin kur Bushi do të jetë në Tiranë, do të ngremë në ajër 50 tullumbace me flamuj amerikanë dhe një tullumbace me flamur shqiptarë, që simbolizojnë 50 shtetet e Amerikës dhe shtetin tonë. Epiqendra e organizimit tonë do të jetë parku “Rinia”, e cila do të ngjajë atë ditë si një e diel amerikane në Central Park të Manhatanit. Me këtë rast i ftojmë të gjithë të rinjtë shqiptarë që të jenë të pranishëm në organizimet tona, në një ditë ku Shqipëria dhe gjithë shqiptarët, por kryesisht të rinjtë, do të shprehin në mënyrë dinjitoze vlerat e mirënjohjes dhe mikpritje ndaj Presidentit të Shteteve të Bashkuara të Amerikës.
Si është pritur iniciativa e rrjetit rinor “AL<26” nga të rinjtë shqiptarë?
Imazhi i Tiranës së posterizuar dhe me flamuj të mëdhenj do të ketë si një element të veçantë imazhin e të rinjve që përfaqësojnë ngjyrat e flamujve me sloganin “Welcome Mr. President”, e cila do të jetë një imazh që do të fotografohet dhe filmohet nga të gjitha mediat e botës, si një shprehje e proamerikanizimit shqiptar në sytë e të gjithëve. Iniciativa jonë është mirëpritur dhe inkurajuar nga shumë të rinj shqiptarë, të cilët sigurisht do të jenë pjesë aktive e aktiviteteve tona të larmishme. Por jo vetëm nga ata. Gjithashtu na kanë ardhur me dhjetëra e-mail-e dhe telefonata nga Kosova, që përshëndesin iniciativën tonë dhe që shprehin dëshirën e madhe që kanë për të qenë këtu me ne gjatë vizitës së Presidentit Bush. Ne jemi këtu edhe për ata, sepse ata sytë i kanë te SHBA-të dhe Presidenti Bush, i cili është ambasadori i tyre në negociatat për pavarësinë e Kosovës. Nuk duam ta ekzagjerojmë, por të minimizojmë përgjegjësinë që na takon si shprehje e vlerave të shoqërisë civile të zhvilluara në vitet e tranzicionit, me ndihmën e pakursyer të institucioneve amerikane në Shqipëri.

Shifra

10 mijë do të jetë numri i flamujve amerikanë dhe shqiptarë që rrjeti “AL<26” do të shpërndajë për të rinjtë shqiptarë gjatë vizitës së Presidentit Bush

10 mijë pritet të jetë numri i të rinjve shqiptarë, të cilët do të marrin pjesë në organizimet e rrjetit “Al<26” për t’i uruar mirëseardhjen Presidentit të SHBA-ve

3 është numri i stendave që do të ngrihen nga rrjeti “AL<26”, në të cilat do të shpërndahen për të rinjtë shqiptarë flamuj, postera, fletë-volante etj., me rastin e vizitës së Bushit



Organizimi i të rinjve, shumë i rëndësishëm për imazhin

Sipas drejtuesit të rrjetit “AL<26”, organizimi i të rinjve shqiptarë për t’i uruar mirëseardhjen Presidentit të SHBA-ve, Xhorxh Bush, është shumë i rëndësishëm për imazhin e vendit. Goxhaj shprehet se forma e mikpritjes ndaj kreut të shtetit më të fortë në botë, do të jetë shumë dinjitoze dhe do të karakterizohet nga një ndjenjë e lartë vlerësimi dhe mirënjohjeje për kontributin e vazhdueshëm që SHBA-të ka dhënë ndër vite për popullin shqiptar. Goxhaj shprehet se në organizimet e 10 qershorit priten të marrin pjesë më shumë se 10 mijë të rinj shqiptarë, të cilët do të mbajnë flamuj amerikanë dhe kuqezi, për t’i uruar mirëseardhjen Presidentit të SHBA-ve.

Parku “Rinia”, fotokopje e Central Park

Ideja e organizatorëve të rrjetit “AL<26” duket se do të sjellë me të vërtetë një imazh amerikan në Tiranë. Stenda kryesore që do të ngrihet në parkun “Rinia” do të mbledhë mijëra të rinj shqiptarë, të cilët do të shprehin mirëseardhjen e tyre ndaj Presidentit të SHBA-ve. E veçanta e parkut “Rinia” është se gjatë vizitës së Bushit ajo do t’i përngjajë tërësisht të famshmit Centrat Park, që ndodhet në Manhatan. Muzikë amerikane, poezi, volantina, shpërndarja flamujsh e fotosh, si dhe një atmosferë festive do të mbizotërojë në stendën e “AL<26” në parkun “Rinia”, që në 10 qershor do të shndërrohet në një fotokopje të Central Park, që është një nga parqet më të preferuara të të rinjve amerikanë.


Albania

[BARAT]

shpresoj qe te mos e fshije rishtasi efendikoja

*----------------------------------------------------------------------------------------*

Vizita e Bushit në Tiranë, sipas shtypit grek
Presidenti Bush po ngre në mënyrë të rrezikshme temperaturën në Europën Lindore!

Altin Petro, Athinë

Jo shumë e kënaqur duket diplomacia greke e shtypi i vendit fqinj për vizitën e programuar të presidentit amerikan Xhorxh W. Bush në disa vende të Europës Lindore javën e ardhshme. Por në veçanti kjo duket për premtimet e dhëna nga ana e palës amerikane për një anëtarësim të mundshëm të Shqipërisë dhe ish-Republikës Jugosllave të Maqedonisë në NATO. Sipas të përditshmes “Elefteros Tipos”, në një kohë kur presidenti rus Putin ka akuzuar drejtpërsëdrejti amerikanët për një rikthim të Luftës së Ftohtë, presidenti amerikan Bush po bëhet gati për një rang vizitash zyrtare në disa vende të Europës, duke ngritur rrezikshëm temperaturën politike në rajon e më gjerë. Në këtë kuadër, sipas gazetës në Prishtinë, po përgatitet përurimi i bustit të Bill Klintonit, i cili do të bëhet para vizitës së Bushit në Tiranë, të cilin “shqiptarët e Kosovës do ta presin si shpëtimtarin e tyre”. Më poshtë, në një speciale të kushtuar vizitës së Bushit javën e ardhshme, gazeta greke flet për masat e marra nga qeveria shqiptare në kuadër të kësaj vizite. Në të theksohet fakti i dhënies së kompetencave të plota trupave amerikane për sigurinë në vend para dhe gjatë vizitës së Bushit, çarmatosja e plotë e forcave shqiptare, ndërprerja e plotë e linjave të telefonisë celulare. Ndërkohë që sipas gazetës në fjalë, pritet që këto masa të kushtojnë për qeverinë shqiptare rreth 1 milion euro. “Fjalimet madhështore si dhe ceremonitë kulturore për nder të presidentit amerikan kanë filluar kohë para vizitës së tij”, – vazhdon gazeta. Më poshtë thekson se megjithëse vizita do të jetë vetëm disaorëshe, ajo do të mjaftojë për t’u dhënë lajmin e mirë Shqipërisë, Maqedonisë e Kroacisë se SHBA-të do të përkrahin plotësisht anëtarësimin e tyre në NATO në fillimin e 2008-s. Në këtë takim, sipas gazetës, presidenti Bush pritet të inkurajojë reformat e kryera në tri vendet ballkanike, duke dhënë një mesazh fare të qartë drejt Moskës, se zgjerimi i NATO-s drejt vendeve ish-anëtare të Bllokut Socialist nuk bëhet fjalë për t’u ndërprerë, siç ka kërkuar disa herë udhëheqja ruse. Por, sipas gazetarëve grekë, kjo do të thotë se amerikanët nuk do të heqin dorë as nga instalimi i raketave mbrojtëse në territorin europian, gjë për të cilën rusët kanë shprehur hapur pakënaqësinë e tyre e, për këtë arsye, Bushi përpara Shqipërisë do të vizitojë Çekinë më 5 qershor e më pas Poloninë, më 8 qershor. Ndërkohë që pas Shqipërisë radhën e ka Bullgaria, një vend “aleat besnik i amerikanëve dhe një partner i denjë”, ku së shpejti pritet të dislokohen trupa amerikane e nënshkrimi i marrëveshjeve të tjera ushtarake me interes për të dyja palët. Ndonëse zyrtarisht vizita e Bushit në Europën Juglindore nuk komentohet nga diplomacia greke, për t’u theksuar është fakti se kohët e fundit po vihet re një afrim gjithnjë e më i dukshëm me Rusinë, vend historikisht aleat i Greqisë, gjë që ra në sy edhe pas vizitës së numrit një të Greqisë, Karolos Papulias në Moskë, i cili deklaroi se “marrëdhëniet greko-ruse po kalojnë një periudhë të shkëlqyer, bile nuk do ta teproja po të thosha brilante”. Gjithsesi, gazetarja greke, Angjeliqi Spanu, në fund të shkrimit nuk harron të paralajmërojë edhe njëherë se vizita e Bushit mund të shkaktojë një “shkallëzim të rrezikshëm të fenomenit nacionalist shqiptar e maqedonas”, duke i kërkuar diplomacisë së vendit të saj të jetë më aktive për këtë problem.



5 Qershor 2007

[Darius]

Vizita e Bush, amerikanët inspektim aeroportit


• Ekipet e specializuara amerikane kanë kontrolluar deri në detajet më të vogla ambientet e brendshme dhe te jashtme te aeroportit "Nene Tereza"

Vetëm tre ditë nga vizita zyrtare e presidentit amerikan Geroge W. Bush në Tiranë, ekipe të posaçme amerikane kanë nisur një inspektim ne aeroportit ndërkombëtar “Nënë Tereza” në Tiranë. Inspektimi qe ka nisur paraditen e sotme kryhet me qëllim sigurie.
Ekipet e specializuara amerikane kanë kontrolluar deri në detajet më të vogla ambientet e brendshme te aeroportit, por edhe zonën përreth tij. Gjatë inspektimit, ka qenë i pranishëm edhe vetë kreu i policisë së kryeqytetit, Ahmet Premçi.

G.SH.

[Albo]

Jo shumë e kënaqur duket diplomacia greke e shtypi i vendit fqinj për vizitën e programuar të presidentit amerikan Xhorxh W. Bush në disa vende të Europës Lindore javën e ardhshme. Por në veçanti kjo duket për premtimet e dhëna nga ana e palës amerikane për një anëtarësim të mundshëm të Shqipërisë dhe ish-Republikës Jugosllave të Maqedonisë në NATO.

Diplomacia greke eshte vertet e shqetesuar per viziten e Bush ne Tirane, por jo per faktin se po viziton Shqiperine por per faktin se cili eshte objektivi i vizites. Ne Tirane Bush do te takoje kryeministrat e tre vendeve, Shqiperise, Kroacise dhe Maqedonise ne lidhje me aspiratat e tyre per anetaresimin ne NATO. Dhe aktualisht, prioriteti/shqetesimi numer nje i diplomacise greke eshte moslejimi i kurorezimit te ish-replublikes jugosllave me emrin Maqedoni.

Albo

[Imperator]

Greket dihet qe nuk e presin mire fare viziten e Bush ne Shqiperi, sepse ky eshte nje vleresim qe i behet Shqiperise dhe dihet se sa qejf kane greket qe ne te jemi te vleresuar. Ata kane leshuar shume fjale ne rruge diplomatike por eshte e kote, askush nuk ua ve veshin atyre dhe ata gjithashtu nuk kane shume mundesi qe te flasin akoma me shume sepse dihet qe jane partnere ne NATO dhe do kishin pasoja pastaj.

Nga kryeministri Berisha u theksua se vizita e Bush eshte nje ngjarje historike per popullin tone. Sipas tij kjo vizite do te sherbeje per 2 çeshtjet me madhore Shqiptare, ne radhe te pare per statusin e Kosoves dhe pastaj per Antaresimin e Shqiperise ne NATO qe kohet e fundit eshte folur shume per te dhe jemi shume afer.

Imperator