SHBA: Barak Obama, kandidati per president i Partise Demokratike

[Flori]

Nuk me intereson aspak, perderisa ne nuk i japim rendesi votimeve ne vend, e jo me jasht... si amerika si kina si kushdo shtet tjeter per mua skan ndonje rendesi se cfar presidenti zgjidhet !!!

Edhe sikur te ngelen pa president njesoj esht

[Darius]

Mire e ke ti flori po ky nenforum e ka problemet nderkombetare dhe jo Tema e Shtypit te Dites. Ketu diskutohen vetem problemet nderkombetare dhe komentohet mbi to, jo mbi gjendjen ne Shqiperi.

[vagabondo_nyc]

Hillary fiton New Hampshire


Personalisht me behet qejfi qe znj. Clinton e fitoi New Hampshire. Eshte nje fitore qe e futi prape ne gare dhe i jap me shume zjarr per betejen per te fituar presidencen.


Suksese ne shtetet e tjera qe mendoj do i fitoj se south e shikon akoma ngjyren e lekures :P

[D@mian]

Yep, fitore e papritur e Hillary ne NH

[Alienated]

Nju Hempshajëri voton. Sfida finale e Hillarit

Sondazhet: Disfatë tjetër e ish-zonjës së parë.
Kryesojnë Obama dhe MekKein

Zgjedhësit u janë drejtuar qendrave të votimit në zgjedhjet primare të Nju Hempshajërit, duke paralajmëruar një pjesëmarrje rekord në votime. Sekretari i Shtetit, Bill Gardner, ka parashikuar se të paktën një milion persona do të votojnë. E në fakt, votat e para janë numëruar ndërsa sondazhet flasin për fitoren e Barak Obamës dhe Xhon MekKeinit në garat respektive. Kandidatët ndërkohë po përpiqen të kapin momentin për të qenë në pozitat më të favorshme të mundshme para se 20 shtete amerikane të zhvillojnë zgjedhjet, më 5 shkurt, datë kjo që njihet edhe si "e marta e madhe". Dy lokalitete të vogla, Diksvill Notch dhe Hart, tradicionalisht të parat që votojnë në Nju Hempshajër, kanë hapur qendrat e votimit në mesnatë dhe kanë paralajmëruar fitoren e Obamës mes demokratëve dhe MekKeinit mes republikanëve. Ndërkohë, pjesa tjetër e shtetit të Nju Hempshajërit ka filluar votimin më vonë. Votimi mbyllet në orën 20:00 me orën lokale (02:00 pas mesnate me orën tonë) dhe rezultatet e para do të shpallen menjëherë më pas. Senatorja e Nju Jorkut, Hillari Klinton, ish-kryebashkiaku i Nju Jorkut, Rudi Xhuliani dhe Majk Hakëbi, janë mes kandidatëve që janë shfaqur pranë qendrave të votimit në një përpjekje të fundit për të bindur zgjedhësit të votojnë për ta. "Ne e filluam nga asgjëja. Tani jemi këtu, është shumë", tha Hakëbi, që deri pak muaj më parë ishte një figurë thuajse e panjohur. Pas tij, kandidati tjetër republikan, Mitt Romnej, thotë: "Republikanët do të votojnë për mua. Edhe të pavarurit do të më mbështesin". Pas një vendi të dytë, zhgënjyes, në primaret e javës së shkuar në Ajoua, Romnej ka nevojë dëshpërimisht për një rezultat të kënaqshëm në Nju Hempshajër, në mënyrë që të mbajë gjallë fushatën e tij. Sipas sondazheve, Hakëbi, ish-guvernator i Arkansasit, renditet i treti. Të dy ata kërcënohen nga një ringritje e MekKein, që pasi e pa fushatën e tij në buzë të greminës, verën e shkuar, i ka dedikuar shumë kohë dhe para Nju Hempshajërit. Ndërkohë, kandidatët e tjerë republikanë shohin përtej primareve të Nju Hempshajërit duke u fokusuar te shtetet që do të shkojnë në zgjedhje më vonë. Ish-kryebashkiaku i Nju Jorkut, Rudolf Xhuliani, është fokusuar ndërkohë në garën e Floridas, më 29 janar, duke shpresuar se do të fitojë terren përpara "të martës së madhe". Aktori dhe ish-senatori Fred Thopson, ka hedhur sytë nga Karolina e Jugut, ku republikanët votojnë më 19 janar. Ndërkohë, ish-zonja e parë, Hillari Klinton, e gjen veten në një pozicion aspak të favorshëm. Ajo ka vizituar një qendër votimi në Mançester, e shoqëruar nga e bija, Çelsi. E pyetur se si ndihej, ajo tha: "Vërtet mirë". Por, në një shfaqje të radhë emocionale, zëri i saj dridhej ndërsa i thoshte një grupi zgjedhësish të pavendosur të Nju Hempshajërit se politika për të ishte personale. "Nuk është e lehtë dhe ndoshta unë nuk do t‘ia kisha dalë mbanë në rast se nuk do të kisha besuar me forcë tek ajo që bëj", tha ajo. "Më janë dhënë kaq shumë shanse nga ky vend dhe do të doja t‘ia shpërbleja". Ajo ka njohur vazhdimisht rënie në sondazhe këto kohët e fundit dhe duket se Barak Obama po e eklipson totalisht atë. "Ju jeni vala! Unë vetëm po kryesoj valën", tha ky i fundit para mbështetësve entuziastë në Klermont të Nju Hempshajërit.

Data:

• 15 janar - primaret në Miçigan
  
• 19 janar - Nevada dhe Karolina e Jugut (Rep)
  
• 26 janar - Karolina e Jugut (dem)
  
• 29 janar - Florida
  
• 5 shkurt - zgjedhje në 20 shtete

gazeta-Shqip.com

[Alienated]

Reportazh

Me Obamat e Kenias. Të afërmit "luten" për fitore

CNN, në gjurmët e familjes së aspirantit demokrat për postin e Presidentit amerikan

Obamat në Kenia jetojnë ende ashtu siç kanë jetuar për dekada të tëra edhe pse i afërmi i tyre më i famshëm është fare pranë ëndrrës për t‘u bërë Presidenti i ardhshëm i Shteteve të Bashkuara të Amerikës. Sara Onyango Obama i pret gazetarët e CNN-it me buzëqeshje. Në fakt, "nënë Sara", siç e thërrasin atë, është shumë e zënë me bagëtitë, ndërsa i nipi, Baraku, po përpiqet të mbledhë vota. "Ai dëgjon shumë dhe nëse do t‘i jepet shansi, do të punojë shumë për Amerikën", thotë ajo në gjuhën e saj. Gjyshja e senatorit Barak Obama dhe Said Obama, xhaxhai i tij, nuk kanë televizor dhe jetojnë në një shtëpi njëkatëshe, disa milje larg fshatit më të afërt. Gjithsesi, ata janë të interesuar për fushatën e nipit të tyre. "Lutem shumë për të dhe gjithçka tani e ka Zoti në dorë", thotë gjyshja Sara. Ka një ngjashmëri të pagabueshme mes gjyshes dhe nipit. Obama e moshuar duket e mahnitur nga ambicia e të nipit. Ajo pyet pa reshtur gazetarët që e kanë vizituar për ecurinë e fushatës së tij. Por çfarë mendon gjyshja për Hillari Klintonin? Me një diplomaci të mbrujtur në vite, ajo thotë se zgjedhjet janë një garë dhe duhet të fitojë kandidati më i mirë. Barak Hussein Obama, i ati i senatorit Obama, ka lindur dhe është rritur në Kenia. Ai është varrosur në fermën e familjes pasi vdiq në një aksident rrugor në 1982-shin. Sara thotë se djali i saj nuk do të ishte habitur aspak nga suksesi i Barakut. Nëse ai do të dëgjonte për suksesin e të birit, do të hidhej përpjetë nga gëzimi, thotë Sara. Por, vetë senatori Obama e ka vizituar Kenian vetëm pas vdekjes së të atit dhe pohon në biografinë e tij se nuk e kishte parë shumë babain kur ishte fëmijë. Prindërit e Obamas, Baraku i vjetër dhe e ëma që ishte nga Kansasi, ishin ndarë kur ai ishte ende i vogël. Dhe kandidati demokrat duket se ka përqafuar natyrën multikulturore dhe multifetare që vjen nga rrënjët e tij. Babai i tij, gjyshja dhe pjesa tjetër e familjes në Kenia, janë myslimanë. E ndërsa ata përpiqen t‘i kushtojnë vëmendje familjarit të tyre ambicioz, janë njëkohësisht të dëshpëruar edhe për dhunën e kohëve të fundit në Kenia. Vendi kryesisht i paqtë, tashmë është përfshirë nga tensionet pas zgjedhjeve të kontestuara presidenciale. Obamat thonë se ata nuk shohin Kenian e vërtetë në imazhet e dëshpëruara që tani qarkullojnë nëpër botë. "Ne presim që Kenia të jetë një burim shprese në rajon", thotë xhaxhai i senatorit. "Gjithsesi, politikanët janë politikanë", shton ai. Por, Said Obama thotë se nipi i tij është ndryshe.

gazeta-Shqip.com

[Alienated]

Ndarja gjinore Clinton-Obama

Nga Domenico Montanaro i NBC

Ne kete gare ka nje ndarje te vertete gjinore. Obama udheheq midis burrave, 42%-30%, dhe ngjashem, Clinton udheheq ne mesin e grave, 47%-34%. Kjo eshte ndryshe vetem ne Iowa, ku Obama ne fakt del fitues ndaj Clintonit tek femrat.

Ai poashtu e fitoi Hillaryn midis votuesve te pavarur dhe votuesve te ri. Sote, Obama udheheq perseri midis te Pavarurve (43%-31%), por jo me ate diference te madhe me te cilen udhehiqte ne Iowa. Dhe midis demokrateve ai perkrahet (45%-34%).

Lexoni lajmin te plote ne NBC duke klikuar ke banneri me poshte.

[Alienated]

[elen]

Ne fakt , qe mos tja hame hakun, ky Obama eshte ku e ku me mire nga Hilari..
Thjesht HiLARI dO Udheheq me te shoqin keshtu qe nuk eshte per te pasur dhe aq frike..
Po te ishte per persona, sigurisht qe Obama e ka hallall voten, eshte i ri, i zgjuar, fisnik, me ide ku e ku me te mira per ndryshim..

Po mua me step (frikeson) ajo cka ai perfaqeson. Fakti qe eshte gjysem i zi me grua te zeze, do i jepte flatra zezakeve te Amerikes qe te na sundonin dhe ankoheshin per pabarazi shume me keq se c bejne tani...Dhe bashke me zezaket do harboheshin dhe spanjollet qe jane me shume te zinj dhe mulate sesa te bardhe..
Kjo do ndodhte edhe po ai te qe i drejte ne pushtet..
keshtu qe GO GO HILLARY..

[xfiles]

Hilary aty,
eshte femer, do ishte femra e pare presidente me duket,
dhe eshte e bardhe, dora jone.