Katie Holmes dhe Tom Cruise

[vagabondo_nyc]

Dasma e fshehtë zhgënjen qindra fansa të aktorëve, që mbetën për orë të tëra në shi dhe nuk morën asnjë përshëndetje apo autograf, nga të sapomartuarit. Bracciano, qyteti i vogël pranë Romës, që jetoi përrallën hollivudiane

Martesa përrallë, e Katie Holmes dhe Tom Cruise


Shekulli

Yjet e Hollivudit, Tom Cruise dhe Katie Holmes u martuan të shtunën, në një kishë mesjetare në Itali. Ceremonia ngjasonte me një përrallë në pamje të jashtme, edhe pse fansat jashtë mbetën disi të zhgënjyer. Binte shi dhe askush nuk doli jashtë për të firmosur autografe. Dy aktorët, mësohet të kenë bërë betimet emocionale në hollin e dekoruar me trëndafila dhe të rrethuar nga qindra qirinj, një celebrim ky i drejtuar nga Kisha e Shientologjisë, ndërsa dëshmitarë ishin 150 të afërm të çiftit dhe miq.
Kështjella e Bracciano-s, ku zgjodhi të martohej çifti, ka një pamje marramendëse nga liqeni dhe daton në shekullin e XV-të. Aty janë organizuar edhe martesa e gazetares së famshme të CNN, Christiane Amanpour, me ish-zëdhënësin e Departamentit të Shtetit, James Rubin, në vitin 1998 dhe po aty Isabella Rossellini dhe Martin Scorsese, janë martuar në vitin 1979.
Tom Cruise është fotografuar duke mbërritur në kështjellë me një limuzinë të mbushur me truproja, të cilët dukeshin të shqetësuar për sigurinë e bosit të tyre, ndërsa nën shi ka mbërritur edhe Katie Holmes, së bashku me vajzën e vogël, Suri.
Shirat e vazhdueshëm nuk i kanë dekurajuar mijëra fansat që të shkonin për të admiruar sfilatën e xhamave të errët, pasi yjet qëndruan të fshehur dhe nuk dolën t’i përshëndesnin. Anëtarët e Kishës së Shientologjisë kanë përfituar nga rasti për të shpërndarë trakte rekrutimi, duke përfituar nga lidhja me këtë sekt e çiftit.
“Mirësevini në “Braccianollywood!”', thërrisnin tregtarët e provincës pranë Romës. Ata kanë fërkuar duart, pasi tashmë suveniret e martesës së Tom Cruise dhe Katie Holmes, kanë korrur sukses.
Mes yjeve të shumtë të ftuar në dasmë, ishte edhe aktorja Jennifer Lopez dhe burri i saj aktor, Marc Anthony. Nuk mungoi as “fashion-istja”, Victoria Beckham. Fotot e të sapomartuarve kanë qenë të rralla dhe një pjesë e tyre u janë shitur me çmime stratosferike, disa titujve të shtypit amerikan. Nuk dihet nëse ceremonia, e cila nuk ka vlerë ligjore, është pasuar nga një martesë civile. Çifti nuk i ka harruar as fishekzjarret në të rënë të natës, që e kanë ndriçuar kështjellën.


Martesa, joligjore
Tom Cruise dhe Katie Holmes, i kanë thënë “Po” njëri-tjetrit të shtunën, në një kala të shekullit të XV-të, në Bracciano, 43 kilometra pranë Romës. Martesa është celebruar në një sallë armësh, sipas riteve të Kishës së Shientologjisë dhe nuk ka asnjë vlerë ligjore, por parashikon që burri i dhuron gruas së vet “një tigan, një krehër dhe një mace”.

Fansat në shi për orë të tëra, të
zhgënjyer që yjet qëndruan fshehur

Të shumtë qenë fansat e zhgënjyer nga martesa e yjeve të adhuruar, që kanë qenë në qendër të vëmendjes që nga mbërritja e tyre në Itali 5 ditë më parë dhe banorët e Bracciano-s e kanë cilësuar “fyerje” injorimin e dy aktorëve të mëdhenj, pasi ata qëndruan të fshehur pas mureve të kështjellës. “Do të kishte qenë mirë, sikur ata të ishin shfaqur paksa në dritare dhe të kishin përshëndetur me dorë turmën”,- është shprehur Patrizia Riccioni, kryetare e bashkisë.


Një puthje aq e gjatë, sa të ftuarit kanë thirrur: “Stop”, betimet e çuditshme sipas traditës shientologjike dhe të ftuarit specialë

Detajet e ceremonisë

Detajet e ceremonisë kanë filluar të dalin që natën e martesës së çiftit, menjëherë pasi u njoftua se Tom Cruise, 44 vjeç, është martuar me Katie Holmes, 17 vjet më e re se ai. Sipas stafit të aktorit, Holmes ka veshur një fustan të Giorgio Armanit, me një krah. Ata janë puthur gjatë në fund, aq gjatë, sa në fakt edhe të ftuarit kanë thërritur: “Stop”. Cruise thuhet se ka përsëritur betimet tradicionale shientologjike, duke premtuar ta mbajë nusen e tij në të mirë dhe në sëmundje, ndërsa Holmes është betuar të bëjë gjithçka mundet për ta bërë burrin e saj të ri, të lumtur. Yllit të Mission Impossible, iu kujtua që “vajzat” kanë nevojë për “rroba, ushqim dhe butësi, po edhe për një tigan, një krehër dhe ndoshta një mace, ndërsa nuses iu tha që “burrat e rinj janë të lirë dhe mund t’i harrojë premtimet e tyre”. Përveç kësaj, ceremoninë e ndoqën dy fëmijët e adoptuar të Cruise me gruan e dytë, Nicole Kidman. Vajza e çiftit të sapomartuar, shtatë muajsh, e veshur me të bardha, ishte gjithashtu e pranishme në ceremoni. Ndër të ftuarit ishin Jennifer Lopez dhe burri i saj, këngëtari Marc Antony, Brooke Shields, Victoria Beckham dhe e motra,- pa burrin e saj,- i cili u kthye në Spanjë, pasi kjo iu kërkua nga Real Madrid, Giorgio Armani dhe mbesa e tij Roberta, si edhe Priscilla Presley. Është pëshpëritur edhe ftesa e yjeve, si Russell Crowe, John Travolta dhe Steven Spielberg, por kaq sekret janë mbajtur detajet e dasmës, saqë nuk dihet nëse ata ishin me të vërtetë prezentë.





20/11/2006
KATEGORIA: Metropol

[alnosa]

sekret eshte mbajtur dasma ..
por fotografite e tyre si nuse dhe dhenderr kane pushtuar ,revistat sot ..
vertet jane nje cift shume i bukur ,megjithse tom eshte shume me i madh se kat
prap ka bukurin si nje 30 vjecari e jo 44 apo 45 sa eshte .

[Darius]

Tom Cruise eshte scientolog? WOW, se dija kete dhe qenka shume e habitshme per mua.