Fenomeni ''At'' Nikolla Marku

[RedDardan]

qe te kesh emrin myftaraj apo abaz mund te jesh edhe ortodoks?????????

me duket se po genjen veten, e jo te tjeret...........

....

ne Tirane mu perballe shtepise se gjyshes sime eshte nje familie ortodokse me mbiemrin Haxhiaj. ( eshte nje mbiemer qe marrin ata qe shkojne ne haxh)

pse po te duket e çuditshme ?!

ka shume raste jo vetem ne Tirane por edhe ne Shengjin dhe Peshkopi dhe vende tjera ( une fola vetem per ato qe njof une pa shtuar ato qe kam degjuar nga te tjeret)

[ilia spiro]

Po, keshtu eshte. Nikolla Marku eshte nje i ashtuquajtur prift. Ai nuk eshte kanonizuar sipas rregullave te Kishes Orthodhokse. Ai thjesht ka veshur nje rrobe te zeze me te cilen kurrsesi nuk mund te perfaqesosh Kishen. Pervec kesaj ai ka uzurpuar Kishen e Elbasanit ne kundershtim me ligjin, pasi kjo Kishe eshte prone e Kishes Orthodhokse.
Kisha Orthodhokse Autoqefale e Shqiperise ka rregullat e veta, Kryepiskopin e zgjedhur nga Patriarkana e Stambollit, episkopet, prifterinjte e dhjakonet dhe eshte Komuniteti me i respektuar ne Shqiperi. Ajo eshte e pavaruar, nuk merr urdhra nga askush dhe eshte mire qe askush te mos ngaterrohet ne ceshtjet e saj.
Fortlumturia e Tij, +Anastasi, ka besimin dhe perkrahjen e madhe te orthodhokseve shqiptare, te cilet nuk e ngaterrojne kombesime me besimin, sepse kane kulture 2000 vjecare dhe jane shume tolerante.
Jete te gjate Kryepiskopit tone +Anastas!
Pershendetje te gjitheve!

[flory80]

Po, keshtu eshte. Nikolla Marku eshte nje i ashtuquajtur prift. Ai nuk eshte kanonizuar sipas rregullave te Kishes Orthodhokse. Ai thjesht ka veshur nje rrobe te zeze me te cilen kurrsesi nuk mund te perfaqesosh Kishen. Pervec kesaj ai ka uzurpuar Kishen e Elbasanit ne kundershtim me ligjin, pasi kjo Kishe eshte prone e Kishes Orthodhokse.
Kisha Orthodhokse Autoqefale e Shqiperise ka rregullat e veta, Kryepiskopin e zgjedhur nga Patriarkana e Stambollit, episkopet, prifterinjte e dhjakonet dhe eshte Komuniteti me i respektuar ne Shqiperi. Ajo eshte e pavaruar, nuk merr urdhra nga askush dhe eshte mire qe askush te mos ngaterrohet ne ceshtjet e saj.

Ti Ilias Spiros me qënë se qënke besimtar kak i devotshëm me pa tjetër që e di dhe historinë e Peshkopit më të famshëm që ka nxjerrë kjo tokë!
E kam fjalën për Fan S Nolin dhe themelimin e kishës Autoqefale Shqiptare e ndarë nga kisha Greke!
Kush e zgjodhi Fan Nolin si prift të Shqiptarëve?
Kush e bekoi hapjen e Kishës Autoqefale Shqiptare, Patriarkana e Stambollit apo ajo e Moskës?
Sa dashamirëse ishin këto Patriarkana me themelimin e Kishës Autoqefale Shqiptare?
Këto janë pyetje që kërkojnë përgjigje nga të gjithë ju skërrb*ythjet e Anastas Janullatosit, kur luftoni AT Nikollë Markun, vetëm e vetëm se kërkon një Kishë Shqiptare për Shqiptarët të pa ndikuar nga agjenturat e huja si rasti i Anastas Janullatosit.
Ku qëndron ndryshimi i Nikollë Markut nga Fan S Noli?
Përgjigjen do ta gjesh në fjalimin e Fan S Nolit ditën e hapjes së Kishës së parë Shqiptare në Amerikë...

Fortlumturia e Tij, +Anastasi, ka besimin dhe perkrahjen e madhe te orthodhokseve shqiptare, te cilet nuk e ngaterrojne kombesime me besimin, sepse kane kulture 2000 vjecare dhe jane shume tolerante.
Jete te gjate Kryepiskopit tone +Anastas!
Pershendetje te gjitheve

Anastas Janullatosi ka vetëm besimin dhe përkrahjen e disa gjakprishurve dhe këta nuk janë Ortodoksët e vërtetë Shqiptar.
Ne Ortodoksët Shqiptarë e duam Kishën tonë Autoqefale pa gjarprinj të zinj si Anastas Janullatos, dhe për ne Nikollë Marku nuk është thjesht një prift, por është një udhëheqës, është një bari që kujdeset për delet e Perëndisë. Kujdeset që ato të mos bjenë pre e hienave të ardhura nga Jugu.
Ne Ortodoksët Shqiptarë jo vetëm që nuk e përkrahim Anastas Janullatosin por as e duam në krye të kishës sonë.

[extreme]

Një meshë për masakrën e Çamërisë, Hirësia Juaj

Shpëtim Idrizi

Data 27 qershor është një datë mjaft e rëndësishme për komunitetin çam. Kjo ditë është e njohur zyrtarisht nga Kuvendi i Shqipërisë si Dita e Gjenocidit ndaj Popullsisë Çame. Në respekt të kësaj dite dhe të gjithë atyre që u vranë e u masakruan padrejtësisht, komuniteti çam organizon ditën e shtunë një pelegrinazh tashmë të bërë traditë, drejt Qafë-Botës, portës nga hynë çamët në Shqipëri. Gjithashtu, në kujtim të viktimave të pafajshme do të bëhen homazhe në varrezën masive të Klloqes. Do të ftoja të gjithë kolegët deputetë dhe shqiptarët t‘i bashkohen këtij pelegrinazhi përkujtimor në respekt të 4250 viktimave të pafajshme.

Komuniteti çam, për nderimin e viktimave, u është drejtuar komuniteteve myslimane, katolike dhe ortodokse, me kërkesën që të organizohet një ceremoni fetare e përbashkët përkujtimore, në përshpirtje të tyre. Deri më sot, kësaj kërkese i janë përgjigjur pozitivisht vetëm Komuniteti Mysliman dhe ai Katolik. Në emër të komunitetit çam dua të falënderoj publikisht përfaqësuesit më të lartë të këtyre dy komuniteteve fetare për mirëkuptimin dhe mbështetjen që i dhanë kësaj nisme. Kjo është arsyeja që po i drejtohem me një thirrje dhe një letër të hapur drejtuesit të komunitetit ortodoks, Hirësisë së tij, z.Janullatos, letër që do të jetë e botuar edhe në media.


Hirësisë së tij, Kryepeshkopit Janullatos

Tiranë


I nderuar Hirësi!

Po ju drejtohem ju me këtë letër të hapur, jo vetëm si një deputet i Parlamentit të Shqipërisë, jo vetëm si përfaqësues i një force të rëndësishme politike në vend, por dhe si anëtar i një komuniteti, që prej pothuajse 63 vjetësh, po vuan një nga kalvaret më të tmerrshme që njerëzimi ka njohur gjatë historisë së tij, atë të mohimit forcërisht të vendlindjes së tyre.

Po ju drejtohem Ju, me bindjen, se si njeri i zotit dhe si njohës i mirë i raporteve shqiptaro - greke, ju do të bëni ç‘është e mundur që një padrejtësi e vjetër të shndërrohet në një urë të mundshme bashkëpunimi, integrimi dhe pse jo miqësie mes dy vendeve tona.

I nderuar Hirësi,

Unë i takoj një familjeje, që plot 63 vjet më parë, si në skenat biblike, është detyruar të ecë ditë e natë në këmbë, për thuajse një javë, nga vendlindja e saj, Margelliç të Çamërisë, shtëpia ku kishin lindur të parët e mi e ku jetonim prej shekujsh, drejt kufirit shqiptar.

Për shumë vite më radhë, madje po aq fort ende sot, ai rrugëtim i trishtuar, në mes të shekullit XX, ka shënjuar jetën e gjithë pjesëtarëve të familjes sime. Ajo nuk ishte një ecje e vetmuar e një familjeje, ajo ishte ecja e mbi 28 mijë çamëve, në një kolonë kilometrash të gjatë. Ata iknin me trishtim, dhimbje e dhunë drejt Shqipërisë, duke lënë pas trojet e tyre të djegura, shtëpitë e shkatërruara, të afërmit e vrarë dhe varret e të parëve të dhunuara nga bandat e Napoleon Zervës, e të tjerëve.

I nderuar Hirësi,

Në atë rrugëtim ecte edhe im atë, fëmijë njëvjeçar, që nuk kuptonte dhe nuk e dinte se ajo javë do të ishte momenti që do të shndërronte jetën e një komuniteti të tërë, do t‘i linte ata pa atdhe, pa simbolet e së shkuarës dhe peng të një politike kriminale të spastrimit etnik.

I nderuar Hirësi,

Për ta kuptuar më mirë tragjedinë, po ju përmend disa shifra që janë zyrtarizuar në Kongresin Çam, të vitit 1945, që njihen dhe sot si shifra zyrtare. Më 27 qershor 1944, në Paramithi, bandat e Gjeneral Zervës, vranë 800 burra dhe 230 gra. Në Pargë, po atë ditë, vranë e masakruan 130 vetë, burra e gra. Në gusht 1944, në Filat, po këto banda vranë 196 burra dhe 61 gra. Në mars 1945 po në Filat, u vranë 142 burra dhe 154 gra. Në total, vetëm gjatë 8 muajve u vranë pa asnjë shkak, në shtëpitë e tyre, 1270 burra dhe 350 gra, ose 1620 vetë gjithsej.

Po ju kujtoj edhe diçka tjetër. Në rrugëtimin e gjatë, në kolonën e së cilit ecte edhe im gjysh e im atë 1-vjeçar, kanë vdekur nga lodhja, etja dhe uria, plot 2400 vetë dhe kanë humbur 230 të tjerë. Në fund, në bilancin e atyre 9 muajve, në Çamëri qenë vrarë, kishin vdekur nga dhuna ose qenë zhdukur, plot 4250 vetë.

Nuk dua t‘i hyj bilancit ekonomik të kësaj masakre, sepse përpara jetëve të njerëzve dhe mbetjes pa atdhe, ai ka pak rëndësi. Por, po ju kujtoj se në atë kohë, janë shkatërruar plot 5800 shtëpi me gjithë pasuritë që ato kishin. Sipas të dhënave të Grupit Ndërkombëtar të Krizave, pasuria e çamëve në Greqi në atë kohë, kapte shifrën 300 milionë dollarë amerikanë, ose e përkthyer në shifrat e sotme, plot 2.3 miliardë dollarë.

Po ju kujtoj hirësi, se pasuria jonë atje, përfshi edhe atë të familjes sime, e bllokuar padrejtësisht dhe forcërisht nga shteti grek, është sot, më e madhe se gjithë ndihma ekonomike që Shqipëria ka marrë nga bota që nga viti 1990 e deri sot!

I nderuar Hirësi,

Jua rendita të gjitha këto fakte, për të kuptuar edhe ju përmasat e kësaj drame, përmasat e dramës së atyre njerëzve si im gjysh, që u larguan dhe nuk u kthyen më kurrë në atdheun e tyre. Jua përmenda, për të kuptuar edhe ju, se ajo që unë kërkoj nga ju si njeri i Zotit është fare e vogël përballë kësaj tragjedie.

Unë nuk po ju kërkoj ndërmjetësimin me shtetin grek, as të drejtat e popullsisë çame, sepse ne jemi të bindur ta bëjmë këtë, sipas të gjitha rregullave dhe ligjeve ndërkombëtare, duke ju drejtuar të gjitha instancave kombëtare dhe ndërkombëtare.

Por, ajo që ju kërkoj unë është fare e thjeshtë. Është një kërkesë e përsëritur, që jua kanë bërë Ju, Arqipeshkvit Katolik, Rrok Mirdita, dhe Myftiut të Shqipërisë, anëtarët e shoqatës sonë e që ata e pranuan me kënaqësi.

Ajo që ata dhe unë kërkojmë dhe që s‘kemi marrë ende një përgjigje prej jush, është fare e thjeshtë dhe njerëzore në thelb. Midis atyre 4250 të vdekurve, ka pasur shumë çamë ortodoksë. Ata ishin pjesëtarë të një komuniteti, që nuk po përzihej nga trojet e tij për hir të fesë, por për hir të etnisë së tyre. Por duke qenë se përpara Zotit, ortodoksë, myslimanë apo katolikë jemi njësoj dhe meqë bëhet fjalë për jetë njerëzore,

Ju lutem Hirësi, më 27 qershor, në ditën e gjenocidit të madh ndaj çamëve, ose thjesht në ditën e tragjedisë së tyre, të mbani një meshë përshpirtje për ta. Ju lutem Hirësi, mbani një meshë përkujtimore, bëjini thirrje Zotit, që ashtu siç dhe unë shpresoj, të tregohet me ta në atë botë, shumë më dashamirës sesa u treguam në këtë jetë…

I nderuar Hirësi!

Duke shpresuar në mirëkuptimin tuaj, uroj që heshtja të mos pasojë këtë letër publike dhe që ju, si autoriteti më i lartë i Kishës Ortodokse Shqiptare, të merrni parasysh kërkesën time. Kjo është kërkesa e një anëtari të komunitetit çam, që përkujtimin e të parëve të tij, shpreson ta gjejë edhe te një meshë përshpirtjeje e juaja.

Ju lutem Hirësi, pranoni komplimentet e mia më të mira.

a eshte mbajtur kjo mesh di gje te me tregoj ndo kush?

[ilia spiro]

Ore vellezer! Po c`ju duhen juve punet e brendshme te KOASH-it,aq me teper qe ky nuk eshte nenforumi i duhur. Po a e dini ju se +Anastasin e do dhe e nderon gjithe populli shqiptar padallim feje.
Propaganda qe beni nuk eshte me e kohes.Gjeni menyre te tjera....por hiç.
Ne s`kemi frike nga keto.
Sugjerim: Mos humbni kohen kot

Pershendetje!

[bklyn_kid]

Dicka vetem doja te thoja:
Per gjith shqiptaret pa dallim besimi,.
Si mendoni se Nikolla Marku do ju respektoi ju dhe fene tuaj, kur ai nuk respekton fene e vet.
KLM

[flory80]

Ore vellezer! Po c`ju duhen juve punet e brendshme te KOASH-it,aq me teper qe ky nuk eshte nenforumi i duhur. Po a e dini ju se +Anastasin e do dhe e nderon gjithe populli shqiptar padallim feje.Propaganda qe beni nuk eshte me e kohes.Gjeni menyre te tjera....por hiç.

Kush është Populli Shqiptar këtu se spo e marim vesh, në emër të cilit Popull Shqiptar flet zotrote, se 95% e Popullit Shqiptar e URREN këtë peshkopin Grek.

Ne s`kemi frike nga keto.
Sugjerim: Mos humbni kohen kot

Këtë do të bënit mirë të shpjegoni ju, se kush jeni ju që flisni në emër të Popullit Shqiptar.
Kush jeni ju? Cili grupim jeni ju që përfaqësoheni nga agjentë të Asfalias si Anastas Janullatos

[ilia spiro]

Kush është Populli Shqiptar këtu se spo e marim vesh, në emër të cilit Popull Shqiptar flet zotrote, se 95% e Popullit Shqiptar e URREN këtë peshkopin Grek.




Këtë do të bënit mirë të shpjegoni ju, se kush jeni ju që flisni në emër të Popullit Shqiptar.
Kush jeni ju? Cili grupim jeni ju që përfaqësoheni nga agjentë të Asfalias si Anastas Janullatos

I nderuar flori 80!
Me shume dashamiresi po hyj ne nje debat miqesor me juve duke dhene mendimin tim. Me pas nuk do ta vazhdoj me debatin sepse behet i pafrytshem dhe ...fjala nxerr fjalen...
Tani po paraqes opsionet e mia per postimin:
Une nuk e fsheh identitetin tim. Jam i Krishtere Orthodhoks! Une nuk flas ne emer te popullit shqiptar por ne rastin konkret, dashuria dhe respekti i popullit eshte kaq i dukshem per Kryepiskopin tone, sa jane te rralle ata qe kane mendimin tuaj per +Anastasin.
Juve duhet te sqaroheni per kete problem, pasi ju nuk e njihni gjendjen brenda Kishes Orthodhokse (KOASH) dhe flisni te shtyre nga mendime dashakeqe qe prishin tolerancen fetare midis shqiptareve.
Kryepiskopi +Anastas nuk eshte as agjent dhe as antishqiptar. Ju qe flisni ketu nuk paraqisni asnje fakt.
Duehet te permend ketu se me nderhyrjen e +Anastasit gjate kohes qe ai ka udhehequr Kishen tone jane ngritur shume streha per te varferit ku ushqehen te varfer pa dallim besimi. Ai ka hapur shkolla, kopshte per femije, ku mesojne femije te te gjitha besimeve dhe racave.
Ne kohen e vales se refugjateve kosovare ne vitin 1999, +Anastasi terhoqi ndihma prej 13 milion dollaresh dhe strehoi ne pak kohe rreth 35000 refugjate.
Pervec kesaj, kushedi se sa vepra te tjera bamiresi ka kryer ky dashamires i Shqiptareve, por qe jane te fshehta dhe nuk dalin ne drite.
Mendoj se ne duhet t`i jemi mirenjohes Kryepiskopit +Anastas. Shqiptari nuk e ka zakon qe mikun ta fyeje, aq me teper bamiresin e tij.

Pershendetje!

[Darius]

Eshte ironike sesi mund te sugjestionohet nje person i perdellyer dhe te konsideroje besimin ose te besuaren e tij ne dicka qe i perket shumices. Ti ke te drejten tende te respektosh e te vleresosh nje individ por kjo nuk perben as mendimin e shumices ortodokse shqiptare dhe as te shqiptareve te tjere. Une vete i perkas fese ortodokse (ndonese nuk jam praktikant) dhe jam nje prej tyre qe se duroj dot Janullatosin. Dhe si mua ka shume te tjere. Ai mund te kete bere shume te mira te dukshme dhe mbase shume te keqija te padukshme. Fakti qe eshte nje i huaj ne krye te kishes shqiptare mua me mjafton qe te shpreh refuzimin tim. Fakti qe i perket nj kombi i cili vetem vrer vjell ndaj nesh, mua me mjafton. Fakti qe eshte pjelle e te njejtes kishe, Kisha Ortodokse Greke qe historikisht ka dashur dhe ka helmuar perpjekjet tona si popull per te ecur perpara (sbesoj se duhet te kujtoj ketu Negovanin, Todrin etj) mua me mjafton te mos e dua. Do jem shume i lumtur kur te vije dita qe ne krye te ortodoksise shqiptare te vihet nje shqiptar.

Shqiptari me te vertete nuk e ka zakon qe te fyeje mikun por nuk e ka as zakon te jete sylesh me nje mik qe shpesh ka dale dhe armik.

[flory80]

ilia spiro
Unë jam një gjysëm i Krishterë Ortodoks, dhe frekuentoj Kishën si shumë Shqiptarë të tjerë Ortodoks.
Të jesh Ortodoks Shqiptar do të thotë që brenda afreskëve të pikturuar nëpër kishat tona të shohësh gjakun e të gjithë atyre patriotëve që luftuan me mish e me shpirt për ta bërë Kishën tonë Autoqefale dhe të pavarur nga kishat simotra fqinje në Ballkan. Pas sorrollatjes së Shqiptarëve nëpër shekuj, sa në kisha Serbe, Greke, Maqedone, e Malazeze ata kuptuan se të pasurit e një kishe Autoqefale Shqiptare, mbron identitetin tonë Kombëtar nga shkrirja dhe asimilimi me kombësitë e tjera të lartpërmendura.
Këta themelues të Kishës Shqiptare ishtn ata që i dhanë një shtysë të rëndësishme lëvizjes kombëtare në vitet 1900 që pasoi me Pavarsinë e Vendit. Ta shohësh Kishën Ortodokse Autoqefale Shqiptare si një objekt kulti është një përdhosje që u bëhet këtyre figurave të ndritura që dhanë gjithë ç'farë kishin shpirtërisht dhe materjalisht për ngritjen e Kishës si një Udhëheqës i çështjes Kombëtare. Tani pas afro një shekulli na vjen një prift nga Greqia dhe duke përfituar nga vakumi i edukimit fetar në vitet 1990, vendoset në krye të Kishës dhe si me magji shuhet kandili i Patriotizmit në Kishën Ortodokse Autoqefale Shqiptare...
Ti përmende akte bamirësie që zoti Anastas Janullatos ka bërë në Shqipëri, hapjen e disa qëndrave për të varfërit. Nuk e di se sa është numri i tyre (jo shumë i madh) por këto qëndra nuk kanë ndonjë ndryshim nga qëndrat e hapura nga misionerë Katolik e Protestant të ardhur nga e gjithë bota. Biles po të mundohemi të vendosim një paralelizëm, qëndrat e hapura nga këta të fundit janë shumë shumë herë më të mëdhaja në numër.
Por ndryshimi ndërmjet tyre është se hapja e këtyre qëndrave nuk i atribohet ndonjë personi të caktuar por komuniteteve të tyre fetare, ndërsa në rastin e Anastas Janullatosit ato i atribohen këtij personi, dhe jo Kishës Otodokse Autoqefale Shqiptare gjë që është më se normale për këtë institucion të bëje vepra bamirësie si këto.
Ti përmende një shumë rreth 13 milion Dollarë të mbledhura nga zoti Anastas Janullatos në ndihmë të të shpërngulurve nga trojet e tyre në Kosovë, apo dhe strehimin e 35 000 personave, gjë që unë jam shumë i sigurt se të gjithë ata Shqiptarë nga Kosova që përfituan nga kjo ndihmë janë shumë mirnjohës ndaj Kishës Ortodokse Autoqefale, por unë edhe për këtë kam një pyetje, për të cilën ti ndoshta nuk mund të përgjigjesh:
Si nuk u bëri një thirrje zoti Anastas Janullatos kolegëve të tij, në vendin e tijë të origjinës që në vend të bekimit të ushtarëve të shenjtë që dërgoheshin në Kosovë në ndihmë të vëllezërve të tyre Ortodoks Serbë, të mbanin mesha dhe të luteshin për shpirtin e të pafajshmëve Shqiptarë të vrarë nga makina kriminale e Beogradit. Nuk e pamë asnjë herë të dilte dhe të fliste hapur, duke dënuar bandat çetnike të udhëhequr nga priftërinj Ortodoks Serbë
Hapja e shkollave për fëmijë.......................
Unë do të kisha shumë dëshirë dhe do të isha shumë mirnjohës në rast se ti do të na i shpjegoje pak më shumë këtë fenomenin e hapjes së shkollave për fëmijët Shqiptarë.
Kush po i hap këto shkolla?
Çfarë shkollash janë?
Cili është programi i këtyre shkollave?
Çfarë lëndësh mësohen në këto shkolla?
Për çfarë u shërben gjuha Greke fëmijëve Shqiptare që mësojnë në këto shkolla?
Përse ka flamuj Grekë nëpër këto shkolla të hapura për fëmijët Shqiptarë?
Përse fëmijët Shqiptarë që mësojnë në këto shkolla këndojnë himnin Grek dhe nuk e dinë fare himnin Shqiptar?
Nga i siguron gjithë këto fonde zoti Anastas Janullatos për hapjen e gjithë këtyre institucioneve të bamirësisë dhe hapjen dhe furnizimin e vazhdueshëm me bazë materjale të këtyre shkollave?
Një tjetër aspekt që shpesh më bën të mendohem është dhe pjesmarrja e tij pothuajse në të gjitha aktivitetet e Organizatave apo Partive Politike që kanë lidhje me Minoritetin Grek në Shqipëri...
Përse??????
Gjithashtu e kemi parë zotin Anastas Janullatos të jetë shumë aktiv në meshat përshpirtëse të ushtarëve Grekë të vrarë në Luftën e Dytë Botërore ndërkohë që si Kryepeshkop i Kishës Ortodokse Autoqefale Shqiptare, edhe pse kërkesa është përsëritur shumë herë, kurrë nuk mbajti një meshë përshpirtje për të masakruarit Çamë në Greqinë Veri-Perëndimore
Përse nuk i dënon zoti Anastas Janullatos këto krime dhe masakra të kryera nga bandat shoviniste Greke kundër popullsisë Shqiptare në Veri-Perëndim të Greqisë?

Ja pra këto dhe shumë e shumë pyetje të tjera të ngritura në këto 18 vjetë, kanë ngelur pa përgjigjen e zotit Anastas Janullatos dhe ndjekësve të tijë.
Prandaj shumica e Ortodoksëve Shqiptarë kërkon largimin e tij nga kreu i Kishës sonë Autoqefare dhe vendosjen e një peshkopi Shqiptar.
Shumë dritë-hije në veprimtarinë e zotit Anastas Janullatos e bëjnë atë të kompromentueshme dhe të dyshimtë për shumë nga besimtarët Ortodoks Shqiptarë.

Para se ta mbyll këtë postim desha të përmend se ne Shqiptarët e kemi zakon të nderojmë mikun, dhe siç thotë dhe shprehja popullore me dorën në zemër ne të hapim derën dhe të themi "Shtëpia është e Zotit dhe e mikut" por në qoftë se miku e shpërdoron besimin dhe nderin që ne i bëjmë, atëherë ky mik duhet të ruhet, se sipas zakonit kërcet dyfeku!!!!!!!