Rusia i shpall "lufte" dollarit

[Darius]

Futi ene i tas ashure se paske nevoje...Nqs se merr mundimin te lexosh shkrimet deri ne fund mos e merr mundimin as te pergjigjesh. Jo gjithmone pergjigjen per nje teme te caktuar mund ta marresh te gatshme neper faqet e tjera. Nganjehere edhe duhet ta pergatitesh vete dhe qe ta besh kete me pare duhet te lexosh cfare shkruan tjetri (sado e gjate te jete) qe te jesh ne gjendje te qendrosh brenda temes dhe mos behesh qesharak.

[ATMAN]

Kanë filluar të tensionohen marrëdhëniet në mes Rusisë dhe SHBA-së para takimit të G-8 në Shën Petersburg të Rusisë. Vladimir Putin, presidenti rus gjatë reagimit të tij ndaj seminarit 'Një Rusi tjetër' ku merrnin pjesë parti opozitare të Rusisë dhe autoritete tjera evropiane dhe amerikane, ka deklaruar se Rusisë nuk i ngjan të jetë nën ndikimin e perëndimit dhe të dirigjohet nga shtetet tjera. Ai gjithashtu në përgjigje të kritikave të qarqeve amerikane për shkeljen e të drejtave të njeriut në Rusi, ka akuzuar perëndimin për përdorimin e terminologjisë së para një shekulli. Organizatorët e seminarit "Një Rusi tjetër" kanë patur për qëllim studimin e politikave të fundit të Rusisë, por që në këtë seminar nuk është ftuar fare presidenti rus, dhe ky veprim i tyre ka nervozuar pa masë Kremlinin. Daniel Freed, këshilltar në ministrinë e jashtme amerikane gjatë fjalimit të tij në këtë seminar, ka deklaruar për shkeljen e të drejtave të njeriut në Rusi dhe ka shtuar se marrëdhëniet mes Rusisë dhe Amerikës nuk janë duke përparuar si duhet. Edhe ambasadori i Anglisë në Moskë, në këtë seminar ka deklaruar se perëndim do të vazhdojë të përkrahë dhe të stimulojë ekonomikisht dhe politikisht organizatat jo-qeveritare në Rusi. Ky qëndrim i perëndimit është një propagandë e Amerikës për t'i bërë presion Rusisë para takimeve të G-8. Gatë javëve të fundit gjithashtu kanë rënë në sy edhe përçarjet e Rusisë me shtetet perëndimore sidomos me Amerikën në lidhje me çështjet që do të diskutohen në takimet e G-8 në Shën Petersburg të Rusisë. Divergjencat mes Amerikës dhe shteteve perëndimore me Rusinë gjatë takimeve të G-9 do të jenë politikat për zgjerimin dhe sigurisë e energjisë bërthamore dhe gjithashtu kundërshtimi i Rusisë ndaj politikave perëndimore në lidhje me çështjen e dosjes bërthamore të Iranit dhe me ngjarjet e fundit të Koresë së Veriut. Për këtë dhe qarqet politike dhe mediatike perëndimore dhe sidomos ato amerikane në ditët e fundit kanë filluar një valë të re të propagandës ndaj shkeljes së të drejtave të njeriut në Rusi, kurse këtë shtet e kanë akuzuar se nga shtetet shfrytëzuese të energjisë kërkon të holla në formë haraçi. Po ashtu autoritetet amerikane kohëve të fundit janë shprehur se ndien të shqetësuar se lobit në Rusi të ndikuara nga presidenti Putin janë pasuruar në mënyrë joligjore nga eksporti i prodhimtarisë së energjisë. Kurse në anën tjetër Rusia, perëndimin e kundërshton për politikat e tyre në Irak, për qëndrimin e tyre ndaj çështjes bërthamore të RII dhe për mos ndërmarrjen e asnjë veprimi ndaj krimeve të Regjimit Sionist në Palestinë. Kështu që shihet qartë se interesat e Rusisë me ato të perëndimit kanë ndryshime themelore.

[ATMAN]

Analizimi i përkeqësimit të raporteve midis Amerikës dhe Rusisë

Lufta psikologjike midis funksionarëve amerikanë dhe atyre rusë kundër njëri-tjetrit javëve të fundit është bërë shumë e qartë dhe ka filluar te ndjehet edhe midis opinionit publik të dy vendeve. Kjo luftë përfshinë kritikat e funksionarëve të dy vendeve ndaj politikave ndërkombëtare të tyre. Presidenti amerikan Xhorxh Bush, nënpresidenti Dik Çenej dhe sekretarja e shtetit Kondoliza Rajs, gjatë javëve të fundit duke shfrytëzuar presionet e Rusisë kundër vendeve properëndimore të ish – Bashkimit Sovjetik dhe gjithashtu kundërshtimin e Kremlinit ndaj izolimit të qeverisë së zgjedhur nga populli palestinez dhe RII për shkak të programeve bërthamore, kanë ndërmarrë qëndrime të ngjashme. Funksionarët e Shtëpisë së Bardhë gjithashtu gjatë këtyre javëve disa herë kanë trazuar gjendjen e brendshme në Rusi duke kritikuar demokracinë në këtë vend. Nga ana tjetër presidenti rus Vladimir Putin, Amerikën e krahasoi me një ujk i cili dëshiron që të gëlltisë të gjithë dhe që nuk dëgjon fjalët e askujt. Pas presidentit rus, edhe ministri i jashtëm rus Sergej Lavrov akuzoi Amerikën se akoma vazhdon të ndjekë politikat dhe mendimet e periudhës së luftës së ftohtë dhe këto mendime dëshiron t'ia imponojë të gjithë botës. Këto kritika dhe akuza të funksionarëve rus i drejtohen zgjerimit të politikave të njëanshme në botë. Disa hapa të palogjikshëm dhe të paligjshëm të Amerikës si dalja nga disa traktate ndërkombëtare dhe në veçanti nga traktati i çarmatimit dhe shtimi i prodhimit të armëve të reja të shkatërrimit në masë, janë ndër çështjet për të cilat funksionarët rus akuzojnë Uashingtonin. Siç theksoi edhe presidenti rus Putin, funksionarët amerikan kanë shtuar 25 fish më shumë buxhetin ushtarak në krahasim me Rusinë me qëllim sigurimin e vendit të tyre, ndërsa reagojnë dhe kundërshtojnë hapat që ndërmerr Kremlini për të shtuar sigurinë e tokës së tij.

*******************

Vendimi i njëanshëm i Amerikës për të sulmuar dhe pushtuar Irakun pa miratimin e OKB, mosrespektimi i të drejtës së vendeve të tjera për të shfrytëzuar energjinë bërthamorë edhe atë me pretekste te pabaza dhe mospërfillja e interesave të Rusisë në rajoni të ndryshme të botës mes tyre në LM dhe në zonat përreth Rusisë, kanë shtuar shqetësimet e Moskës. Amerika, përpos zgjerimit të NATO-s deri në kufijtë e Rusisë dhe forcimit të traktateve anti-ruse si ai GUAM në afërsi të vendeve të ish – Bashkimit Sovjetik me qëllim izolimin e këtij vendi brenda kufijve të vet, gjithashtu reagon ndaj politikave të Moskës në këto rajoni. Edhe ndërhyrjet e Amerikës në punët e brendshme të Rusisë si kontaktet me rebelët çeçen dhe mbështetja e politikanëve liberal pro perëndimorë, janë disa shenja të politikave sulmuese të Uashingtonit kundër Moskës, pas shpartallimit të ish – Bashkimit Sovjetik.

Përkundër politikave konstruktive të ish presidentit Rus Boris Jelsin me Amerikën, presidenti aktual rus Vladimir Putin tenton që të koncentrojë fuqinë në Kremlin, të ruajë ndikimin e Rusisë në rajonet përreth dhe të shtojë krenarinë e vendit të tij në sferën ndërkombëtare. Putin është i mendimit se politikat konstruktive të Boris Jelsinit me Amerikën, janë bërë shkak i varësisë së madhe të Moskës nga Uashingtoni dhe poshtërimit të Rusisë. Putin, për të mundur të ruajë interesat e Rusisë ka filluar së pari informimin e popullit të vet nga rreziqet që i kanosen si pasojë e ekspansionizmit amerikan, pastaj ka shfrytëzuar burimet energjetike për të ushtruar presion ndaj Amerikës dhe aleatëve rajonal të këtij vendi në vendet e ish BS dhe gjithashtu ka shtuar ndikimin e Rusisë në vendet tjera të botës si në LM duke ndihmuar në rritjen e të ardhurave nga nafta. Edhe dështimi i politikave diskriminuese të Amerikës drejt izolimit të Palestinës dhe Iranit në LM, ka krijuar kushtet e përshtatshme për shtimin e rolit të Rusisë në këtë rajon. Përkundër Amerikës, Rusia respektojë votën e popullit palestinez për zgjedhjen e grupit të rezistencës islamike palestineze Hamas në krye të vendit si dhe mbështet të drejtën e Iranit për posedimin e teknologjisë paqësore bërthamore.

*****************

Roli krenar dhe ndikues i Rusisë në sferën ndërkombëtare ka krijuar probleme për politikat e njëanshme të Amerikës në botë. Si rrjedhim, në prag të takimit të grupit G-8, tetë vendeve më të industrializuara të botës që këtë verë do të zhvillohet në San Petersburg të Rusisë dhe në prag zgjedhjeve parlamentare të këtij vendi, Amerika ka shtuar presionet ndaj Moskës duke kritikuar demokracinë në këtë vend. Deklaratat e funksionarëve amerikan mbi shkatërrimin e demokracisë në Rusi, janë një mjet për të ushtruar presion ndaj Moskës ose të paktën për tu dhënë përgjigje kundërshtimeve të Moskës ndaj politikave të njëanshme të Uashingtonit. Pikëpamjet e Rusisë për të forcuar marrëdhëniet me Lindjen dhe në veçanti bashkëpunimi strategjik me Kinën si dhe bashkëpunimi i ngushtë i Rusisë me vendet Islamike përballë njëanshmërisë amerikane, janë ndër shenjat e qarta të mosmarrëveshjeve aktuale midis Moskës dhe Uashingtonit. Nga ana tjetër, Amerika për të neutralizuar bashkëpunimin e ngushtë midis Kinës dhe Rusisë është afruar me Indinë. Në përgjithësi mund të thuhet se atmosfera aktuale në raportet Uashington-Moskë është e mbushur me mosbesim. Amerika dhe Rusia akoma nuk kanë ndërmarrë hapa konkret për zgjidhjen e mosmarrëveshjeve të vjetra të mbetura që nga koha e luftës së ftohtë. Amerika dhe Rusia vazhdojnë të ndjekin interesa ë kundërt në rajoni të ndryshme të botës dhe në veçanti në vendet e ish – Bashkimit Sovjetik dhe kjo çështje në të ardhmen mund të bëhet shkak i trazirave të mundshme.

*****************