Çështja e varrezave greke në Shqipëri

[Iliriani]

Po qe per lobe kemi lobet greke ne amerike e greqi e sa para kane hedhur ato ne shqiperi per keto gjera, e po qe nga komuniteti shqiptar dikush financon At Markun , thuaj shume mire ben, e ndoshta bejme shume pak ne krahasim me ca investojne e bejne greket ne kete drejtim ne shqiperi.

Shiko,behet nje Manastir apostafat per ushtaret grek, qe te mbroj ata nen hijen e Kishes Ortodokse Shqiptare.
Se e dine qe te bejne vetem vareza te thjeshta nuk i mbrojne dote, se ushtria greke ka bere masakra te medhaja ne jug.

Edhe para ca kohesh skandali ne kishen greke me parate e gjithe ato gjera e shume qene te lidhura me shqiperine.

Greket kane nje gje, po u beri leshime te tilla, e hape keto dyre, jo vetem nuk i kenaqe , po u hape oreksin e u the qe eshte e mundeshme e ideja e Vorio Epirit, e stimulon klanet ekstremiste ne greqi qe motivohen kur ploteson kerkesa te tilla aq ofenduse sidomos per ne nga jugu qe ajo ushtria greke ka bere masakra te medha ne fshatrat e jugut te shqiperise, e nuk ka nje lapidar per ato e asnje lapidar per 'Gjenocidin Cam'.

[Xhuxhumaku]

At Nikolla Markun mos e merrni per shembull te mire.Une ne Elbasan kam degjuar se ky person ka lidhje me lobe te dyshimta ne SHBA.Keshtu qe jo se i dhimset ceshtja kombetare ,por do te mbushi portofolin e tij.

Qerim nga i ke degjuar llafet?

Shih veprimtatrine e tij, jo llafet. Eshte i vetmi qe mban kishen ortodokse shqiptare, jo nen hyqmin e Janullatosit. Eshte i vetmi klerik ortodoks qe eshte nacionalist dhe flet per Shqiperine. Gjithe te tjeret lepe-peqe Janullatosit.

[Qerim]

Qerim nga i ke degjuar llafet?

Keshtu flitet ne Elbasan ne qarqet intelektuale.

Shih veprimtatrine e tij, jo llafet. Eshte i vetmi qe mban kishen ortodokse shqiptare, jo nen hyqmin e Janullatosit. Gjithe te tjeret lepe-peqe Janullatosit.

Duhet ta pranojme se Janullatosi ka bere nje pune shume te mire per rimekembjen e Kishes Ortodokse Shqiptare.Para disa kohesh degjova ne kasete nje kungim shqiptar ortodoks dhe mund te them se ishte e nje cilesie te larte.Duhet te shikojme edhe sa kisha ortodokse ne Shqiperi jane rregulluar dhe shume klerike ortodokse shqiptare jane pergatitur shume mire profesionalisht.Keto padyshim jane vlera te shoqerise shqiptare dhe duhet ti jemi edhe Janullatosit borxhlinj.Nuk shikoj ketu ndonje veprim kunder Shqiperise.

Eshte i vetmi klerik ortodoks qe eshte nacionalist dhe flet per Shqiperine.

Mendoj se nuk kemi nevoje per prifterinje politikane, por per prifterinje besimtare.Ne Shqiperi, feja eshte e ndare nga shteti.

[karaburuni]

At Nikolla Markun mos e merrni per shembull te mire.Une ne Elbasan kam degjuar se ky person ka lidhje me lobe te dyshimta ne SHBA.Keshtu qe jo se i dhimset ceshtja kombetare ,por do te mbushi portofolin e tij.

Kjo eshte ajo çka thone greket.
Realiteti eshte se At Nikolla Marku eshte nje klerik ortodoks i perkushtuar dhe patriot, i cili eshte perpjekur per Autoqefaline e vertete te Kishes Orthodokse Shqiptare, ashtu siç e ka lënë Fan Noli.
Duke qene se nuk e pranon varesine nga Kisha greke, At Nikolla Marku eshte luftuar shume nga Janullatosi. Gjate ngjarjeve te vitit 1997, ka patur shume tentativa nga Janullatosi qe te zaptonte kishen orthodokse te Elbasanit, por nuk ia arriti dot fale rezistences se At Nikolla Markut. Atehere greket ndertuan nje kishe tjeter te re e te kushtueshme ne periferi te Elbasanit.
Perse do te duhej qe kisha orthodokse shqiptare te varej nga Greqia? Ne nje kohe qe kishat e tjera orthodokse, si ajo e Bullgarise, Serbise etj. jane te pavarura? Mos jane me te paafte orthodoksit shqiptare qe te organizojne kishen e tyre? Nuk e besoj. Shembulli i At Nikolla Markut e tregon kete.

[Darius]

Sa per At Nikolla Markun e ka treguar veten qe eshte shqiptar me shpirt e me mendje. Eshte rrahur per vdekje ne Selanik gjate kohes qe merret mesimet teologjike nga murgjerit vetem e vetem sepse mbante foton e Fan Nolit ne dhomen e tij dhe nuk pranonte ta hiqte etj etj. Kisha orthodokse shqiptare eshte e tille dhe ska pse te jene nen varesine e asaj greke. Ortodoksia nuk ka etalon perfaqesimi Greqine dhe as Kishen Greke.
Tjetra eshte qe cpune kane ushtaret greke te nderohen me kaq respekt ne Shqiperi kur mund te terhiqen shume kollaj nga shteti i tyre dhe te varrosen ne Greqi me nderimet qe ju takon? Pse duhet te mbaje Shqiperia ne token e saj ushtare te nje ushtrie te huaj ? Sic i mori Italiani dhe Gjermani ashtu ti marri dhe Greqia dhe mos kerkoje qiqra ne hell kot. Apo duke patur varre grekesh te pretendoje me pas per gjera te tjera se helbete ku ka greke te varrosur i bie te jete toke greke. Palaco njerez edhe me te vdekurit e tyre spekullojne. Mendo sa te perdale jane shpirterisht keta palaco dhe kane per borxh te perdorin cdo lloj menyre qe te arrijne ate qe duan.

[Xhuxhumaku]

Mos po humbim kujtesën historike?


Prof. dr. Rami Memushaj*

“I theva pllakat e varreve nga dëshpërimi, isha i papunë.” Kronikë e zezë (gazeta “Shekulli”, 14 maj 2006): “Shkodër: Identifikohet dhe më pas ndalohet i dyshuari kryesor për dhunimin e varrezave të dëshmorëve. Hekuran Hoxha, 24-vjeç, rrëfeu se kishte shkuar në Kryeministri për t’u ankuar se është i papunë dhe se atje nuk e kanë lënë të hyjë brenda. Në kthim me tren, është ndalur te varrezat e dëshmorëve dhe në dëshpërim e sipër u ka thyer pllakat”. Gazeta “Shekulli”, 14 maj 2006: “Në manastir, mes varreve që po hapen për ushtarët grekë” (shkrim nga Entela Bani). Këlcyrë: “Ne po ikim, por luftën po ua lëmë këtu”. Profecia e njërit prej kolonelëve grekë, thënë banorëve të fshatit Bubës në rrethin e Përmetit gjatë çasteve të largimit në mesin e vitit 1941, duket se ka dalë e vërtetë...”. Dhe autorja e shkrimit na bën me dije se afër Këlcyrës, në një zonë ku nuk ka asnjë të krishterë, na qenka duke u përfunduar një manastir dhe pranë tij po ngrihen varrezat ku do të prehen eshtrat e ushtarëve grekë të rënë në Luftën Italo-Greke.
Kur lexon lajme të tilla, nuk ka si të mos tronditesh thellë dhe të të kaplojnë mendime të trishta. Po prishim lapidaret, pllakat përkujtimore dhe monumentet kushtuar atdhetarëve të shquar, po shkatërrojmë varrezat ku prehen eshtrat e të rënëve në luftërat për liri e pavarësi. Mos jemi një komb i çmendur? Dhe vërtet, si mund të jemi në rregull nga trutë kur kemi mbushur rrugët me lapidare viktimash në aksidente rrugore apo në përleshje bandash, ndërkohë që shkatërrojmë atë që është e përbashkët për të gjithë kombin, duke zhbërë kështu historinë tonë? Sikur këtë komb të na e kenë dhuruar dhe të mos e kemi shpëtuar me luftëra shekullore dhe me gjakun e dhjetëra mijëra të rënëve!
Dhe pasi ke shkatërruar, thyer e shkulur dëshmitë historike të ekzistencës sate mbi këtë truall dhe je kënaqur thellë me ç’ke bërë, sheh se mu në truallin tënd i huaji po u ngre të rënëve të tij jo vetëm varreza, po dhe manastire. Dhe ku? Aty, në Grykën e Këlcyrës, ku shqiptarët nën Filipin V të Maqedonisë, u bënë qëndresën e fundit legjioneve romake, aty ku janë zhvilluar sa e sa përleshje me turqit, me grekët më 1913-‘14 dhe me italianët në betejën e Grykës së Mezhgoranit më 1 korrik 1943, ku u vra Heroi i Popullit, Asim Zeneli. Ndërkohë që, ne në këtë grykë historike, për mbrojtjen e së cilës kemi derdhur gjakun lumë në shekuj, kemi ngritur vetëm një lapidar (a ka shpëtuar, vallë?), i huaji ngre një kompleks monumentesh vetëm e vetëm për ngjarje të një gjysmë viti.
Po ç’kërkon greku në Grykën e Këlcyrës? Në tokën shqiptare, shekullin e shkuar kanë shkelur ushtri të huaja të shumta. Mirëpo askujt prej pushtuesve, as turqve, as serbëve, as italianëve, as austriakëve e as gjermanëve, nuk u ka shkuar ndërmend të kërkojnë të ndërtojnë për të rënët varreza apo të ngrenë kisha e manastire. Në marrëveshje me shtetin tonë, disa shtete kanë tërhequr eshtrat e ushtarëve të tyre dhe, shumë-shumë, ndonjë nga këta shtete u ka ngritur atyre ndonjë memorial.
Do të ishte më se normale për ata që kanë qenë çlirimtarë, të kërkonin ndërtimin e varrezave e monumenteve përkujtimore, siç kanë bërë francezët në Korçë. Po ushtritë greke e çliruan apo e pushtuan Shqipërinë në kohën e Luftës Italo-Greke? Lufta e grekëve ishte çlirimtare derisa çliruan tokat brenda kufijve të tyre. Por që nga çasti që shkelën në tokë shqiptare, ndjekja e ushtrive italiane u kthye në një luftë pushtuese. Vërtet shqiptarët nuk i pritën me pushkë, pasi ishin të pushtuar, po dhe të vetëdijshëm për aventurën ku fashizmi italian e kishte tërhequr qeverinë kuislinge. Megjithatë, ata asnjëherë nuk i quajtën grekët çlirimtarë. Po të kishte qenë luftë për të çliruar vëllezërit e tyre shqiptarë, pse ushtria greke nuk i ndoqi italianët më në thellësi, po u ndal në vijën që shënon kufirin verior të asaj që ata që prej dyqind vjetësh e quajnë Vorio-Epir? Grekët nuk qenë çlirimtarë të Shqipërisë së Jugut, ashtu si nuk mund të quhen çlirimtarë austriakët që përzunë serbët ose italianët që ndoqën grekët nga tokat shqiptare në Luftën e Parë Botërore. Pra, grekëve dhe askujt prej këtyre nuk u takon të ndërtojnë varreza të ushtarëve të rënë në tokat shqiptare. Përndryshe, po të ecnin të gjithë pushtuesit me logjikën e grekut, tek ne nuk do të mbetej vend për të gjallët.
Por si nuk ka shkaktuar asnjë shqetësim te autoritetet shqiptare ndërtimi pa lejë prej grekëve i varrezave, manastireve dhe shkollave? Ata që qeverisin a e dinë se pjesë e mandatit që u kanë dhënë zgjedhësit është edhe ruajtja e integritetit tokësor të Shqipërisë? Si mund të ndërtojnë të huajt pa lejë nga organizmat ligjorë përgjegjës? A mund të quhen normale lejimi nga qeveria e shkuar i ndërtimit të këtyre objekteve të paligjshme apo përgjigjja e kryeministrit aktual: “Do tua japim lejen” kur objekti ka përfunduar? Apo mos shihet kjo si politikë e fqinjësisë së mirë? E tillë do të ishte nëse Greqia, në mënyrë të ndërsjellë, do të kryente veprime të fqinjësisë së mirë, së pari, duke hequr dorë nga mëtimet aneksioniste ndaj Shqipërisë së Jugut dhe strategjia që po ndjek për helenizimin e saj dhe legalizimin e provincës së Vorio-Epirit nëpërmjet trajtimit të diferencuar në dhënien e vizave dhe të pensioneve për ortodoksët e Shqipërisë, nëpërmjet ndërtimit të kishave atje ku nuk ka ortodoksë dhe çeljes së shkollave greke edhe në zona të pastra shqiptare, si Himara; së dyti, nëse do të njihte ekzistencën dhe të drejtat e diasporës arbërore, nëse do t’i trajtonte emigrantët shqiptarë në përputhje me konventat ndërkombëtare, nëse nuk do t’ua ndërronte emrat emigrantëve shqiptarë, nëse do të lejonte mësimin e shqipes nga fëmijët e tyre dhe të arbërorëve, nëse do të lejonte hapjen e shkollave shqipe në Çamëri dhe në zonat e tjera me popullsi shqiptare, nëse do të lejonte çamët të shohin varret e të parëve të tyre dhe të ngrenë varreza për mijëra viktimat e shovinizmit dhe fashist grek. Por është vetëm shteti shqiptar ai që ka bërë e po bën lëshime të paprincipta, në dëm të interesave kombëtarë, ndërsa shteti greke nuk lëshon pe, duke qëndruar në pozita shoviniste e hegjemoniste.
Apo mos këto lëshime bëhen në emër të integrimit në Europë, pasi Greqia ka çelësin që hap portat e saj? Vërtet, vetoja e Greqisë dhe e aleatëve të saj tradicionalë do të jetë një pengesë shumë e vështirë për t’u kapërcyer. Greqia do ta përdorë veton derisa t’ia ketë arritur qëllimit të saj, aneksimit të një pjese të Shqipërisë së Jugut, jo më me ushtri dhe topa, po me shkollat greke, me ushtrinë e priftërinjve, me kishat, manastiret dhe varrezat, që nesër do të paraqiten si prova të përkatësisë greke të Shqipërisë së Jugut, ashtu siç po mëtojnë serbët me kishat e panumërta në Kosovë. Vetëm pasi t’ia ketë arritur këtij qëllimi, Greqia do ta japë votën për integrimin e një Shqipërie sa principata e Esat Pashës. Po çfarë integrimi është ky kur ke humbur integritetin territorial dhe dinjitetin kombëtar? Për se u duhet shqiptarëve ky lloj integrimi?
Ajo që të çudit dhe të bën të mendosh se vërtet kemi humbur kujtesën historike dhe jemi kthyer në një komb servilësh, është se grekët i shpallin hapur nëpër konferenca shkencore e në forumet europiane qëllimet e tyre aneksioniste e veprojnë në dritë të diellit për realizimin e këtyre qëllimeve dhe këtu, në Shqipëri, njerëz të vënë në shërbim të tyre, deri edhe profesorë universiteti, flasin hapur për Vorio-Epirin, kufijtë e të cilit i sjellin deri në Shkumbin, kurse ne shqiptarët heshtim. Po në emër të ç’gjëje heshtim: të tolerancës, të të qenit europianë, të interesave meskine, apo kemi frikë të flasim në shtëpinë tonë për të mbrojtur të drejtat tona? Mirë shteti që ka harruar interesat madhorë kombëtarë, po ku është Akademia e Shkencave, ku janë historianët, ku janë publicistët dhe analistët? Pse heshtin përpara këtyre veprimeve? Pse përfaqësuesit e klerit mysliman, katolik e ortodoks e nuk e kundërshtojnë ngritjen e objekteve të kultit nga të huajt pa lejen e tyre? A nuk kanë zona juridiksioni ku pa miratimin e tyre nuk mund të ndërtohen objekte kulti, aq më shumë të feve të tjera? Pse nuk kërkojnë nga shteti të ndalohet shërbimi i klerikëve të huaj, të çdo feje qofshin, brenda kufijve të Republikës së Shqipërisë?
Profesor Kristo Frashëri, në librin “Himara dhe përkatësia etnike e himarjotëve” (2005), shkruan: “Presioni i Athinës për t’i pagëzuar si grekë banorët shqiptarë të Himarës, në thelb i padrejtë, ka marrë përmasa shqetësuese. Përveç presionit diplomatik për ta detyruar qeverinë shqiptare të pranojë kërkesën e saj, ajo ka vite që po përdor armën e korrupsionit. Duke shfrytëzuar situatën e vështirë ekonomike që po përjeton jo vetëm Himara, por mbarë Shqipëria në këtë periudhë tranzicioni, qeveria e Athinës po u akordon pensione të konsiderueshme në euro të gjithë atyre shqiptarëve që pranojnë ta quajnë veten grekë. Janë pensione që u jepen shtetasve shqiptarë, të cilët nuk kanë qenë asnjë ditë në marrëdhënie pune në territorin e Greqisë, as në shërbim të shtetit grek jashtë kufijve të saj. Nuk dihet mbi ç’baza ligjore mbështetet kjo praktikë e këtij vendi anëtar të Bashkimit Europian që të shpërdorojë kontributet e taksapaguesve të shtetasve të saj, madje duke tejkaluar edhe normën e lejueshme të deficitit buxhetor të tij, për të korruptuar ndërgjegjen e qytetarëve të një shteti tjetër. Përse bëhen gjithë këto shpenzime? Sigurisht që këtu ka arsye politike ose gjeopolitike me karakter të theksuar nacionalist... Pensionet që ajo jep me kaq bujari janë për Shqipërinë si një minë me sahat, vendosur në territorin e saj... arma e korrupsionit që Athina përdor në fushën e ndërgjegjes nacionale të shqiptarëve do të shkaktojë shqetësime serioze të cilat mund të ngacmojnë edhe stabilitetin politik në Shqipëri. Qeveria e Republikës së Shqipërisë nuk duhet t’i harrojë mësimet e Rilindjes Kombëtare Shqiptare dhe as tragjedinë që pësoi Shqipëria e Jugut nga lëvizja “vorio-epirote” e viteve 1913-1914.” (f. 99–100). Duke u pajtuar me shqetësimet e prof. Frashërit, duam të ngremë zërin kundër këtyre veprimeve me synime strategjike të largëta të qeverisë greke jo vetëm në krahinën e Himarës, po në gjithë territorin e Shqipërisë së Jugut. Nuk janë vetëm varrezat dhe kishat e manastiret që po mbijnë si kërpudhat gjithandej, po një varg i tërë sjelljesh zyrtare dhe jozyrtare të Greqisë në përmbushje të këtyre strategjive, si kërkesa e Brukselit për fillimin e regjistrimit të popullsisë në Shqipëri duke shënuar përkatësinë kombëtare, kërkesa e lobit grek në Amerikë bërë Departamentit të Shtetit për korrigjimin në uebsajtin zyrtar të informacionit për popullsinë greke në Shqipëri etj. Do të ishte e pafalshme të harronim amanetin e atdhetarëve tanë të mëdhenj, që jetën dhe veprën e tyre ia kushtuan arritjes së idealeve të larta kombëtare.

*Departamenti i Gjuhës Shqipe, Fak. i Historisë dhe i Filologjisë, UT



20/05/2006
KATEGORIA: Analiza.shekulli.

[Labeati]

Marre prej "koha jone" e dt. 24 maj


VARRET E KELCYRES, APO GOZHDA E NASTRADINIT...

Ajo qe te ben pershtypje persa i takon varrezave te ushtareve greke rene ne luften italo greke ne Kelcyre e ne Jug ne pergjithesi, nuk eshte kembengulja e grekerve dhe kurorezimi i saj me sukses. Pershtypje te ben heshtja e varrit qe mbahet nga qarqet qeveritare te Tiranes, si nga ata qe i kane firmosur si "djem te mire" keto pune, ashtu edhe nga keta qe ne heshtje i miratojne deshirat e "aleatit stategjik" e te "avokatit" te Shqiperise per integrim ne NATO e ne BE.

Nje heshtje me e rende e me vuve se ajo e varreve, e te gjitha llojeve te varreve, te te reneve e te te vdekurve "nga perendia". Do te qe e tepert te merreshim me historine e ngjarjes, mbasi ajo njihet prej te gjitheve aty ne Shqiperi, por dihet shume bukur edhe ketu ne Greqi, ne "laboratorin" ku u gatua, u projektua e tanime se fundi i serviret popullit grek si "Panteoni i Nderit".

E verteta eshte krejt ndryshe, shume e hidhur per qarqet politike ne Greqi, te cilat, per hir te se vertetes, nese perjashtojme kremin europian qe kane vene keto 25 vitet e fundit ne fytyre, shume pak dallojne prej atyre qe derguan batalionet e zeza ne vitet 1913 1914 dhe dogjen e shkretuan gjithe Jugun shqiptar, theren njerez te gjalle e nxoren femije nga barku i nenave.

Pra, me pak fjale, po t'i "gervishesh" pak ne fytyre "aleatet strategjike tanet", t'u heqesh ate cipen e holle te kremit nga lekura, patjeter, ne shumicen e tyre, do te gjesh te ravijezuar harten e "Vorio Epirit". Politika greke, skllave e kishes, nuk ka se si te pohoje faktin qe ata ushtare, (qe deri tani jane 900), e te shohim me pas, ishin ushtare pushtues ne Shqiperi, njelloj si ushtaret italiane.

Greqia e sotme "europiane" nuk mund te pohoje faktin qe ndersa ushtaret italiane ishin viktima te ideologjise fashiste, ushtaret greke ishin viktima te shovinizmit grek, te Megalidese. Ironia e fatit qendron ne faktin se shume nga ata ushtare greke qe rane ne dimrin e eger te '40 '41 shit, ishin shqiptare e gjak shqiptari i paster ne origjine.

Ata dhe komandantet e tyre komunikonin shqip me banoret e fshatrave dhe qyteteve shqiptare. Ata nuk mund ta kuptonin se ishin ushtri pushtuese mbasi me shpelarjen e trurit qe u ishte bere, u qe mbushur mendja se po clironin "atdheun e tyre". Sepse Greqise nuk i mjaftuan dhuratat qe i beri Europa "K.... e Motit", sic me te drejte e quante Fishta Europen e asaj kohe, pra nuk i mjaftonte Janina deri ne Kakavi (dhe Janina vetem rreth 90 vjet ka qe "eshte" Greqi).

Megjithate, Greqia "ka te drejte" ne padrejtesine e vet te pashoqe. Sepse nese nuk do te jete ne represion politika e saj, do te hapet nje nga faqet me te turpshme te historise se Ballkanit ne shekullin e 20 te, gjenocidi grek mbi popullsine shqiptare brenda kufijve administrative te sotem e atyre kombetare te deridjeshem.

Ne kete kuptim, "nuk duhet keqkuptuar" politika e "avokatit tone", dhe s'ka pse te na beje pershtypje, sepse krizen e identitetit kombetar qe sapo ka filluar t'i beje kembe ne dere, ajo nuk mund ta eksportoje dot ndryshe. Ajo qe te ben pershtypje te peshtire, qe te jep nje grusht te rende ne stomak, dhe qe te le nje shije te hidhur ne goje, eshte politika puthakembese (jo puthadorese) e politikaneve tane nese mund te quhen te tille keta qe marrin rrogat e majme (vec tenderave) nga xhepi i varfer i ketij populli. Qenka ne fatin e popullit tone, mallkimi me i madh qe mund te kete nje komb: Te pafsha me politikane te shitur!

E Hene, me 18 Dhetuer 1922, ora 2:30 pasdite

Ne daten dhe oren e mesiperme, sipas AQSH, F. 251,V 1922, f.280 281, ne mbledhjen e Keshillit Kombetar Tirane, nenshkruar nga Mehmet Konica, diskutohej ceshtja e masakres greke mbi popullsine e Camerise, mbi detyrat qe i ishin venur Greqise nga organizmat nderkombetare per minoritetet, sepse i kishte dhe i ka ende te shumta. Eshte me vlere mendoj, te citojme nje fragment te shkurter (ne origjinal) nga diskutimi i Ali Kelcyres ne mbledhjen e Keshillit Kombetar:

..."Shumehere nga Camerit qe ndodhen ketu kishim digjuar qarjet dhe lutje, te benen capat e duhura per te mprojtur interesat e vllezervet t'one. Neve pas principit qe kemi pase kurdohere qe t'i harrojme te shkuarat e te sjellim nji aferim me fqinjt t'ene te Juges, i kehillonim vllezrit t'ene Camerit te kene durim, sa qe te siguronen marreveshjet midis dy Shtetevet e te mpronen shume a pak interesat e tyre me mjete miqesore.

Mjerisht keto kohet e fundit, despotizma dhe keqperdorja e autoriteteve greke drejt vellezervet t'ene kane arrijtur ne nje te atille shkalle, qe sido qe te jene principet t'ona e interesat e Shtetit, ndjenjat njerzore ma teper se patriotike, na shtreengojne e na detyrojne te mos mbyllim veshet perpara ketij zeri te tmerruar, i mijave vllezervet t'ene, te cilet vuajne nen thundren e pushtimit te huej e na lypin ndihmen tone.

Le, qi te drejta politike, qe atyre nuk u jane njofte, por edhe te drejtat ma elementare njerezore, si sigurimi i pasuris, i domizilit, dhe i jetes, dhe i nderit u jane marre neper kembe""...

Edhe atehere, 82 vjet me pare, Shqiperia dhe Greqia ishin anetare te Lidhjes se Kombeve, edhe atehere, Greqia kishte marre persiper te "ndihmonte" Shqiperine. Edhe atehere, ashtu si sot, kishim qeveri e shtet, edhe atehere ashtu si sot kishim nje shtet te varfer, (gje e cila theksohet nga disa foles ne ate mbledhje).

Por te pakten sot, qe ekzistojne edhe gjyqet e Hages e te tjera te ketij lloji, pse shteti shqiptar nuk ngre nje padi (jo kunder shtetit te sotem grek) per genocidin e pashembullt, madje do te thosha shume here me te tmerrshem se ai serb mbi Kosoven? Pra padi kunder shovinizmit te atehershem grek qe shfarosi e shpernguli qindra mijera vete?

Dakord me varret por...

...Do te vij dhe une, Shqiperia, ne mes te Parges te ngre nje memorial dhe te rivarros eshtrat e 1847 pleqve, grave dhe femijeve te cilet u theren ne oborrin e shkolles se Shendiellit (sot Paramithi se ose Ilias sic u emertua), se vetem me perralla eshte bere ky vend. Keta 1847 njerez, shqiptare autoktone mijera vjecare ne trojet e tyre atje, u theren brenda nje nate nga "ca forca paramilitare" qe vepronin "pa dijenine" e shtetit grek?!? Te tjeret qe mbijetuan, u hodhen ne vaporet e turpit dhe u derguan ne Turqi, ose u theren ruges dhe nuk u dihet as varri.

Do te vijne edhe camerit e Filatit, te Gumenices, te Janines, te rregullojne e te nderojne varret e te reneve nga shovinizmi aty, por edhe te atyre qe vdiqen vetiu. Do te vijne dhe keta njerez te punojne tokat e tyre e te rrine ne shtepite e tyre te cilat ne shumice mund te jene rrezuar, por akoma nuk jane zaptuar, se e dine kandidatet per pronare. Akoma i thone "Maja e Nuros", "Fiku i Refitit", e shume e shume te tjere.

Nuk i zene "ortodokset greke" keto prona se e dine te kujt jane, dine gjithashtu se jane edhe te nje gjaku me "muslimanet", porse keta nuk u bene dot "kristiane" brenda nates kur punonte sateri i Venizellos dhe i Zerves. Por, edhe sikur te gjendet ndonje burre qe nuk e harxhon kot stofin e potureve (deri tani s'ka te tille ne horizont) dhe ta beje kete, edhe sikur ta fitoje gjyqin e Hages, do te ngelemi ne nje pike tjeter: S'kemi para per te bere memorialin. Duhet te behet tender, e kush sh.a a shpk do ta fitoje? E te majteve apo e te djathteve?

...C'kuptim ka, nese ndodhemi ne fundmajin e vitit 2006, apo me 18 Dhetuer 1922, ora 2,30 mbasdite... Sepse akoma "nuk" eshte krijuar borgjezia ne Shqiperi. Me sakte, u ngopen grykesit e majte, tanime duhet te punojme te ngopim keta te djathtet.
Kombi, shteti, historia? Oh! C'koncepte te vjetra! Ne do te hyjme ne Europe, c'nevoje kemi per to ?

Nga Kreshnik Cika, Athine

[Ermal 22]

Kane vendosur tu lejojne te ngrene 3 varreza. Pse nuk mjafton nje sa per simbolike, por na u dashkan 3 per te na treguar se sa fort luftuan keta clirimtare qe ngriten flamuj greke kudo qe shkuan?
Demokratet po bien koke e kembe ne lojerat e ndyra te grekeve dhe po u japin cfare po kerkojne, duke harruar se Nikolas Geixh [komandon Panepirotic Federation of America] me shoke qe takojne Berishen dhe i kerkojne keta varreza, jane po ata qe po vazhdojne si cdo vit te dalin me deklarata ku thuhet se minoriteti grek po u persekutoka aq shume ne Shqiperia sa gjendja krahasohet me genocid. S'kane turp, genjeshtaret! Thone qe kemi te pakten 10% minoritet grek. Bile thone se aktet e diskriminimit e persekutimit ndaj grekeve tolerohen nga qeveria e Berishes.
Kurse qeveria me "diplomatet" e vet u ploteson deshirat, vetem hap gojen u thote. [klikoje]


Kompleksi grek i Berishës
Ilir Babaramo

Në shtypin afër të majtës prej kohësh është krijuar një klishe: Berisha, nacionalist i pandreqshëm që përkeqëson marrëdhëniet me Greqinë. Ana tjetër e medaljes: gazetat e djathta në Shqipëri e kanë sulmuar Paskal Milon si “vegël të Athinës”. Më këto dy parafabrikate janë ndërtuar dhjetëra fjalime në Parlament dhe janë shkruar qindra komente.
Anulimi i vizitës së ministrit grek të Mbrojtjes risolli dhe një herë në qendër të vëmendjes kompleksitetin e marrëdhënieve shqiptaro-greke. Prej shumë vitesh Athina ka kërkuar ndërtimin e një varreze për ushtarët e saj, që u vranë në luginën e Vjosës gjatë Luftës së Dytë Botërore. Kjo kërkesë herë është refuzuar dhe herë është mbajtur pezull nga qeveritë e mëparshme shqiptare. Arsyet e shtyrjes dhe refuzimit i shpjegoi qartë ish-ministri i Jashtëm, Paskal Milo. Ndërkohë, dy ministra të kabinetit “Berisha” bënë të ditur se varreza do të ndërtohet. Madje, shefi i diplomacisë, Besnik Mustafaj, saktësoi se nuk do ketë një, por tre memoriale të shpërndara në Jugun e Shqipërisë, në Këlcyrë, Bularat dhe Korçë.Në mesin e vitit 2006 duket absurde të komentosh nëse duhen ndërtuar apo jo varreza ushtarësh të Luftës së Dytë Botërore. Por anulimi dy herë rresht i vizitës së ministrit grek të Mbrojtjes ka pikërisht këtë shkak. Argumenti për ndërtimin e varrezës është ai i precedentit. Në territorin shqiptar janë ndërtuar përkujtimore për ushtarë francezë të vrarë në Korçë gjatë Luftës së Parë. Në kodrat e liqenit artificial ne Tiranë është një tjetër varrezë, ajo që përkujton ushtarët britanikë të rënë gjatë Luftës së Dytë Botërore. Në një rrethanë të tillë nuk ka përse të bllokohet ndërtimi i memorialeve që përkujtojnë grekët e vrarë në territorin shqiptar.
Ata që paraqesin këto pretendime harrojnë të vërtetën e thjeshtë historike. Në gjithë historinë e ekzistencës së shqiptarëve Franca dhe Britania e Madhe nuk kanë pasur pretendime territoriale ndaj Shqipërisë. Ndërsa invazionet e herëpashershme të ushtrisë greke kanë vënë në rrezik ekzistencën e shtetit shqiptar gjatë gjithë gjysmës së parë të shekullit XX. Eshtë e vërtetë që të rënët në luginën e Vjosës janë viktima të luftës italo-greke dhe në rastin më të mirë mund të konsiderohen antifashistë, që duhen nderuar. Por motivi nuk është ky. Ish-ministri i Jashtëm, historiani, Paskal Milo, u shpreh në një intervistë për “Vizion Plus” se Greqia ende nuk ka pranuar të kryejë të gjitha aktet e të drejtës ndërkombëtare që i japin fund ligjit të gjendjes së luftës dhe mbi të gjitha: pretendimet territoriale për të ashtuquajturin Vorio Epir.Në qershorin e vitit 2000, përmes një note zyrtare ambasada shqiptare i kërkoi shpjegime Ministrisë së Jashtme greke nëse është ende në fuqi ligji i Gjendjes së Luftës. Përgjigja zyrtare ishte… ”Po”. Për gati dy dekada, që nga koha e rivendosjes së marrëdhënieve diplomatike, Athina ka refuzuar të nënshkruajë marrëveshjen për riparimin e shenjave të kufirit dhe piramidave. Një veprim i tillë bie ndesh me traktatin e miqësisë të nënshkruar në pranverën e vitit 1996. Lëvizjet diplomatike të Greqisë kanë synuar gjatë gjithë kësaj periudhe të lënë të mjegullt pretendimet territoriale që kanë pasur në të gjitha konferencat ndërkombëtare, ku janë përcaktuar kufijtë e Ballkanit. Rivendikimi territorial është shoqëruar dhe me masakra të kryera nga ushtria greke ndaj popullsisë civile shqiptare. Këto masakra janë kryer pikërisht në atë hapësirë ku do të ndërtohen mauzoletë. Varrezat pritet të shtrihen që nga Korça deri në Gjirokastër.Kushdo mund t’i komentojë si piramida kufiri të Vorio Epirit. Provokimi është i qartë. Prej disa dekadash, dy popujt e kanë lënë pas këtë të shkuar tragjike. Ashtu si dhe Franca me Gjermaninë. Por në axhendën e bisedimeve të presidentit francez me kancelarin gjerman është e paimagjinueshme të ketë qoftë dhe një nuancë fare të vogël se kujt i përket Alzas-Lorrena.
Eshtë absurde që në vitin 2006 të bësh diplomaci me varre. Kjo duhet te ishte përgjigja e qeverisë shqiptare. Por Berisha duket se vuan nga kompleksi që ka ndaj Greqisë. Beson se 9 vjet më parë e rrëzoi nga pushteti lobi grek në SHBA.
Për këtë arsye është i gatshëm të pranojë çdo kërkesë që i vjen nga Athina. Eshtë i gatshëm të paguajë çdo çmim, mjafton të mos ta akuzojnë si nacionalist që duhet larguar nga pushteti. Athina duket se po abuzon me këtë kompleks të Berishës. Tek e fundit, fqinjët tanë të Jugut duhet të jenë të kënaqur me ekspansionin e ekonomisë greke në Shqipëri. Energjia, sistemi financiar, telekomunikacioni, tre kolonat mbi të cilat ngrihet ekonomia e një vendi, janë thuajse nën kontrollin e plotë helen. Dhe lideri i fundit komunist në Ballkan, Ramiz Alia, që në vitin 1989 e kishte kuptuar se “imperializmi tashmë nuk lufton për territore, por për tregje”. Pikërisht për këtë arsye historia e varrezave duket absurde. Lugina e Vjosës është pushtuar nga valët e AMC. Nafta që përdoret aty vjen nga kompani greke.
Banorët i vendosin kursimet në banka greke, ndërsa me punën e rëndë të tyre në emigracion kanë ndikuar në rritjen e shpejtë të GDP greke. Për këtë arsye, nëse duhet dhënë ndonjë kryq i Shën Gjergjit për mbrojtje të interesave helene në Shqipëri, më parë se çdo tetari të vrarë gjatë Luftës së Dytë Botërore, medalja i takon mikut tim Oktapodhas, drejtorit të Përgjithshëm të AMC. Kjo kompani siguron qindra milionë dollarë fitim në vit, të cilët përdoren si oksigjen për “gjyshen e saj të sëmurë”, kompaninë publike greke OTE, e cila shpëtoi nga falimentimi pikërisht për shkak të kapitaleve që injekton nga Shqipëria.

[Iliriani]

Cgje makabre.

Ne fshatin Kosin ne permet, persona te udheruar nga kisha greke kane hapur varet e kishes, e kane mare eshtrat e gjetura aty, te te pareve te ketij fshati, qe fshataret i indentifikojne, me sebep se jane eshtra ushtaresh grek per te mbushur varezen pa vare qe duan te bejne ne gryken e kelcyres.

Banoret e fshatit kane kerkuar ndalimin e kthimin e eshtrave qe i indetifikojne me radhe si paraardhes te tyre.

Edhe kjo sqe e pare, te besh vareza e te vjedhesh heshtra,qe ti mbushesh?! Kulmi?! keto qe behen ne shqiperi nga greket kaq flagrante e te papara?!

[Kinezi]

Cgje makabre.

Ne fshatin Kosin ne permet, persona te udheruar nga kisha greke kane hapur varet e kishes, e kane mare eshtrat e gjetura aty, te te pareve te ketij fshati, qe fshataret i indentifikojne, me sebep se jane eshtra ushtaresh grek per te mbushur varezen pa vare qe duan te bejne ne gryken e kelcyres.

Banoret e fshatit kane kerkuar ndalimin e kthimin e eshtrave qe i indetifikojne me radhe si paraardhes te tyre.

Edhe kjo sqe e pare, te besh vareza e te vjedhesh heshtra,qe ti mbushesh?! Kulmi?! keto qe behen ne shqiperi nga greket kaq flagrante e te papara?!

E lexova, e lexova, me ka ikur truri fare...
Po pres pergjigjjen e pushtetareve ...