Çështja e varrezave greke në Shqipëri

[Darius]

Prokuroria do tu komunikojë akuzat brenda tre javësh, rrezikojnë dënimin nga gjobë deri 5 vjetë burg


Merret i pandehur prifti i Përmetit


Skandali, gati akuza për dhunim të varreve



Shtatë persona, mes tyre dhe prifti i Përmetit Ikonom Vasil Thomollari do të merren në cilësinë e të pandehurit për skandalin e zhvarrimeve pranë kishës së “Shën Mërisë” në fshatin Kosinë.
Kur kanë mbetur dhe afro tre javë nga skadimi i afatit të hetimit për këtë ngjarje, grupi i ekspertëve të Drejtorisë së Hetimit në Prokurorinë e Përgjithshme dhe prokurorinë e Përmetit është duke i dhënë dorën e fundit dosjes që pritet të përcillet në gjykatë në fundin e gushtit ose në fillimin e shtatorit. Nga hetimi i deritanishëm janë siguruar prova që ngarkojnë me përgjegjësi penale varrmihësit nga fshati Kosinë, Agim Aliu, Astrit Aliu, Kastriot Aliu, Fatmir Aliu. Shpëtim Beqiri, Altin Ballabani dhe priftin Vasil Thomollari. Një burim nga Drejtoria e Hetimit në Prokurorinë e Përgjithshme, pjesëtar i grupit hetimor për skandalin e zhvarrimeve tha për “Gazetën” se: “Deri tani kemi siguruar prova dhe dëshmi që ngarkojnë me përgjegjësi penale 7 persona. Gjashtë prej tyre janë varrmihësit, ndërsa i shtati është prifti që ka drejtuar dhe marrë pjesë gjatë hapjes së varreve. Akuza që rëndon mbi ta është “Dhunimi i varreve”, vepër penale e parashikuar nga neni 118 i Kodit Penal. Por vendimin përfundimtar nëse këta persona janë ose jo të fajshëm do të japë gjykata gjatë procesit gjyqësor”. Burimi i cituar tha se po kryhen hetime për të paktën dy persona të tjerë, nga qyteti i Gjirokastrës, të cilët dyshohet se kanë organizuar dhe financuar këtë aktivitet që ka rezultuar më pas në një krim makabër me pasojë dhunimin e varreve të vjetra të fshatit Kosinë.
Hetimi
Veprimet hetimore në lidhje me skandalin e zhvarrimeve në fshatin Kosinë nisën zyrtarisht më datë 27 maj 2006, kur prokuroria e rrethit Përmet rregjistroi proçedimin penalë për veprën penale “të dhunimit të varreve”, bazuar mbi materialin që iu vu në dispozicion nga komisariati i policisë së këtij qyteti. Nga kjo ditë e deri tani prokuroria e Përmetit ka marrë në pyetje në cilësinë e dëshmitarit rreth 40 persona, mes të cilëve gjashtë varrmihësit dhe priftin Thomollari. Për të dokumentuar me provë shkencore veprën penale të “dhunimit të varreve” u kërkua nga një ekip specialistësh të Mjekësisë Ligjore, ekzaminimi i 69 skeleteve njerëzore të vendosura në arka speciale prej inoksi në kishën e “Kryeëngjëjve” në Kutal të Përmetit. Policia dhe ekspertët mjeko-ligjorë hasën pengesa në përmbushjen e detyrës së tyre nga prifti Thomollari dhe konsulli grekë i Gjirokastrës Mandella, në datat 7 dhe 8 qershor. Këta të fundit kërkonin që të mos zbatohej urdhër-kontrolli i gjykatës së Përmetit i datës 29 maj 2006 dhe vendimi i oficerit të policisë gjyqësore të Përmetit Agron Nahollari i lëshuar më datë 8 qershor 2006. Pasi u krye më datë 9 qershor ekspertimi i eshtrave të vendosura në kishën e Kutalit, ekipi i Institutit të Mjekësisë Ligjore hartoi raportin përfundimtar. Në aktin e ekspertimit të mjekësisë ligjore të lëshuar më datë 26 qershor 2006 thuhej së në 28 arka u gjetën skelete me kocka të përziera, në 13 arka u gjetën eshtra fëmijësh, në pesë arka të tjerë u gjetën skelete femrash, madje u gjetën dhe skelete pleqsh nga mosha 60 deri në moshën 80 vjeç.
Të akuzuarit
Bazuar në kqyrjen e vendngjarjes, provat materiale, aktin e ekspertimit mjeko-ligjor dhe deklarimet e dëshmitarëve të cilët pretendojnë se u janë zhvarrosur të afërm të tyre, grupi hetimor ka bërë gati materialet për të marrë në cilësinë e të pandehurit 7 persona. Në këtë grup përfshihen gjashtë varrmihësit nga fshati Kosinë, Agim Aliu, Astrit Aliu, Kastriot Aliu, Fatmir Aliu. Shpëtim Beqiri dhe Altin Ballabani si dhe prifti Vasil Thomollari lindur në fshatin Kutal dhe banues në qytetin e Përmetit. Shtetasi Kastriot Aliu rezulton se është larguar jashtë shtetit, në Greqi gjatë kohës që ka nisur procesi hetimor. Shtetasi Altin Ballabani do të merret në cilësinë e të pandehurit pavarsisht ndihmesës që ka dhënë gjatë hetimit të çështjes dhe denoncimit publik të bërë në media. Qëndrimi i tij do të paraqitet si rrethanë lehtësuese gjatë procesit gjyqësor nga prokuroria.
Burimi i cituar nga grupi hetimor tha se “Shtatë personat e akuzuar do të merren në cilësinë e të pandehurit për konsumimin e veprës penale të “dhunimit të varreve”, parashikuar nga neni 118 i Kodit Penal të Republikës së Shqipërisë. Ky nen përcakton se “dhunimi i varrezave, varreve, nxjerrja e kufomës, si dhe vjedhja e sendeve që mund të ndodhen në to, apo çdo veprim tjetër që ul respektin ndaj të vdekurve, dënohen me gjobë ose burgim deri në 5 vjet”. Prokuroria pritet që ta dërgojë dosjen për gjykim në fundin e muajit gusht ose fillimin e shtatorit dhe brenda muajit tetor 2006 parashikohet të nisë procesi gjyqësor në gjykatë.

Artan Hoxha

GazetaShqiptare

[ATMAN]

Së bashku me priftin e Kosinës, edhe gjashtë persona të tjerë të pandehur për zhvarrimet e eshtrave

Autori i Lajmit: gazeta ballkan

PËRMET - Prifti i Kosinës, Vasil Thomollari, ka “injoruar” përsëri ditën e djeshme, prokurorinë e qytetit të Përmetit. Edhe pse dje ai ishte thirrur për t u pyetur për zhvarrimet në Kosinë dhe Kutal, Thomollari nuk ka shkuar para hetuesve të çështjes, për t u marrë në pyetje, dhe pse shtëpia në të cilën banon prifti nuk është më shumë se 10 metra larg godinës së Prokurorisë së Përmetit. Prokuroria e Përmetit i kishte dërguar një fletë-thirrje priftit Vasil Thomollari, por ai nuk është paraqitur në këtë institucion dhe as nuk ka dërguar ndonjë letër në të cilën të tregonte arsyet që nuk mund të paraqitej.

Marrja si i pandehur

Pak ditë më parë është bërë e ditur se prifti që drejtoi operacionin e zhvarrimeve në fshatrat Kosinë dhe Kutal të Përmetit, është marrë i pandehur në këtë çështje, së bashku me gjashtë persona të tjerë, edhe ata pjesëmarrës në zhvarrimet e kryera në dy fshatrat. Sipas burimeve të Prokurorisë së Përmetit dhe asaj të Përgjithshme, është bërë e ditur se janë siguruar prova që e implikojnë priftin Thomollari në zhvarrimin e 69 skeleteve në dy fshatrat. Hetimet në lidhje me zhvarrimet në Kosinë dhe Kutal kanë nisur në fund të muajit maj, pas zhurmës mediatike të krijuar se në këto fshatra nuk po zhvarroseshin skeletet e ushtarëve grekë të rënë gjatë Luftës Italo-greke, por eshtra të banorëve të fshatit. Kjo gjë u vërtetua edhe pas kryerjes së analizave nga dy ekspertë mjekoligjorë, që shkuan në Përmet nga Tirana. Mbi priftin Vasil Thomollari rëndon akuza e “dhunimit të varreve”. Ndërkohë kjo akuzë rëndon edhe mbi gjashtë persona të tjerë, mes të cilëve edhe denoncuesi i zhvarrimeve, Altin Ballabani. Ballabani është kërcënuar disa herë për denoncimin e bërë dhe për disa kohë u largua nga fshati i tij, Kosinë. Ndërkohë, sipas të dhënave, është bërë e ditur se dosja edhe pak ditë dhe do të dorëzohet në Prokurorinë e Përgjithshme,prej së cilës më pas do të marrë rrugën drejt Gjykatës së Përmetit, ku dhe do të gjykohet.

Zhvarrimet

Historia e zhvarrosjes së eshtrave, ka nisur në muajin mars me kërkesën e priftit Vasil Thomollari. Ai ka kërkuar katër punëtorë nga fshati Kosinë për të bërë zhvarrimin e eshtrave. Sipas rrëfimit të njërit prej personazheve kryesore të kësaj çështjeje, Altin Ballabani, ngjarja ka rrjedhur ndryshe. Eshtrat e nxjerra nga hapja e rreth 13 varreve janë paketuar në qese, u janë vendosur numra dhe askush nga banorët nuk e di se ku kanë përfunduar. Banorët kanë hedhur poshtë versionin se në këtë vend kanë qenë të varrosur ushtarët grekë të vrarë gjatë Luftës Italo-greke.

Zhvarrimet

Zhvarrimet pranë kishës së Shën Mërisë në fshatin Kosinë kanë nisur në mars, por në prill u bë i ditur skandali. Punimet janë drejtuar nga prifti i Përmetit, Vasil Thomollari dhe Alqi Kosta, që u paraqit si përfaqësues i shoqatës së ish-ushtarakëve të liruar minoritarë dhe i Mitropolisë së Gjirokastrës.

Hetimet

Policia e Përmetit ka nisur në fund të majit hetimet duke bërë këqyrjen e varreve të hapura në fshatin Kosinë. Po këtë ditë, policia e Përmetit ka marrë në pyetje pesë prej punëtorëve që kanë punuar për zhvarrimet, kryeplakun e Kosinës dhe kryekomunarin e komunës së Piskovës.

Ekspertiza

Ekipi i specialistëve mjekoligjorë, i përbërë nga prof. dr. Sokrat Meksi, Prof. as/dr. Fatos Harito dhe nga dr. Novruz Veliko, përpiloi në fund të qershorit raportin përfundimtar të ekspertizës së 69 skeleteve të zhvarrosura në Kosinë, duke provuar akuzat e bëra nga banorët e fshatit.

[Albo]

Organi i akuzës në Përmet pritet të marrë sot dëshminë e denoncuesit të skandalit të eshtrave

Prifti i Kosinës, 4 orë në prokurori


E.Bani

PËRMET- Prifti i Kosinës, Vasil Themollari, është marrë në pyetje për 4 orë, dje në Prokurorinë e Përmetit. Burime nga organi lokal i akuzës pohojnë se Themollari ka dhënë variantin përfundimtar të dëshmisë së tij, në lidhje me zhvarrimin e eshtrave në fshatin Kosinë të Përmetit. Dëshmia e tij pritet të pasohet sot nga ajo e varrmihësit Altin Ballabani, i cili është edhe personi që bëri publik skandalin e eshtrave në këtë fshat. I kontaktuar nga “Shekulli”, Ballabani ka thënë dje se do të paraqitet në prokurori, megjithëse ndihet i pambrojtur. Nga ana tjetër, mësohet se prifti Themollari, që prej orës 11.00 deri në orën 14.00 të ditës së djeshme ka mbrojtur variantin e dhënë më parë prej tij: atë të bërjes së ritit fetar për të vdekurit. Në fund, ai ka firmosur procesverbalin përfundimtar të dëshmisë së tij dhe nuk ka pranuar të flasë për mediat. Ndryshe nga prifti Themollari, ish-kryetari i shoqatës së minoritarëve të liruar, Alqi Kosta nuk ka pranuar të dëshmojë. Kosta ka thënë se nuk është lajmëruar më parë duke kërkuar 10 ditë kohë për përgatitje si dhe ka kërkuar praninë e avokatit mbrojtës gjatë marrjes në pyetje. Dosja e eshtrave të fshatit Kosinë po shkon drejt mbylljes. Hetimet për këtë çështje kanë filluar më 27 maj dhe afati i dorëzimit në gjykatë përfundon në 27 gusht, ndërsa mendohet se në muajin tetor çështja do të shqyrtohet nga Gjykata e Përmetit. Akuza që ngrihet ndaj 7 të pandehurve, 5 prej të cilëve janë varrmihës, priftit Themollari dhe Alqi Kostës është ajo e dhunimit të varreve. Në Kushtetutën e Shqipërisë parashikohet një dënim maksimal prej 5 vjetësh nëse vërtetohet akuzat ndaj 7 të pandehurve në lidhje me këtë çështje.

Shekulli

[Albo]

Ministria e Jashtme e ka parashikuar projektin në axhendë

Ngritja e varrezave greke, në gjysmën e dytë të vitit

Bledar Hoti
Ministrja e Jashtme brenda këtij gjashtëmujori do të paraqesë për miratim në Këshillin e Ministrave 35 projektligje për t’u miratuar.

Në listën e nismave të Ministrisë së Jashtme parashikohen një sërë marrëveshjesh, pjesa më e madhe e të cilave janë ndërmjet Komisionit Evropian. Por ky dikaster ka arritur një sukses të saj, duke konkluduar në kohë Marrëveshjen e Stabilizim- Asociimit me BE-në. Në projektet e Ministrisë së Jashtme janë projektligjet “Për ratifikimin e marrëveshjes interim me Komunitetin Evropian, për dispozitat tregtare të MSA-së, “Për ratifikimin e marrëveshjes financiare, ndërmjet KM të Republikës së Shqipërisë dhe Komisionit të Komuniteteve Evropiane, për programin vjetor rajonal, CARDS 2006, të asistencës komunitare për autoritetet, tatimore dhe doganore, të Ballkanit Perëndimor”, të cilat duhet të nënshkruhen me Komisionin Evropian. Gjithashtu në planin 6-mujor përfshihet edhe projektligji “Për ratifikimin e marrëveshjes strategjike, ndërmjet Republikës së Shqipërisë dhe Shërbimit Policor Evropian”. Në projektin e MPJ-së përfshihen edhe tre marrëveshje ekonomike me qeverinë federale të Gjermanisë.

Ushtarakët grekë
Në planin 6-mujor të këtij viti të Ministrisë së Jashtme përfshihet edhe nënshkrimi i marrëveshjes me shtetin grek për eshtrat e ushtarëve grekë. Së shpejti në qeveri pritet të paraqitet projektvendimi “Për miratimin e marrëveshjes së bashkëpunimit, ndërmjet Këshillit të Ministrave të Republikës së Shqipërisë dhe qeverisë së Republikës së Greqisë, për kërkimet për gjetjen dhe zhvarrimin e ushtarakëve grekë dhe të personave të njësuar me ta, të rënë në Shqipëri gjatë luftës italo-greke, 1940-1941 dhe për ndërtimin e varrezave të të rënëve në territorin e Republikës së Shqipërisë për rivarrosjen e tyre”. Për çështjen e ushtarëve grekë pati debate të mëdha, ku në fshatin Kosinë të Përmetit, banorët e zonës denoncuan veprimin për zhvarrosjen e eshtrave të familjarëve të tyre, duke i paraqitur si të ushtarëve grekë. Ministritë e Mbrojtjes të dy vendeve fqinje, shqiptare dhe greke duhet të nënshkruajnë marrëveshjet reciproke, për të bërë të mundur më pas ndërtimin në territorin e vendit tonë të varrezave të ushtarakëve grekë, të rënë gjatë luftës italo-greke. Ministria e Punëve të Jashtme parashikon gjithashtu që në këtë periudhë të paraqesë edhe disa nisma të ndryshme që kanë të bëjnë me trupin diplomatik,
konkretisht projektvendimin “Për disa ndryshime në VKM nr.840, datë 17.12.2004, “Për veprimtarinë e Drejtorisë së Shërbimit të Trupit Diplomatik”. Gjithashtu një ndër nismat e tjera që ky dikaster do të ndërmarrë është edhe ndryshimi i procedurave për shtetasit shqiptarë që kanë pasaporta diplomatike. Me këtë nismë, sipas MPJ-së, synohet rishikimi i kategorive të mbajtësve të pasaportave diplomatike dhe të shërbimit. Në këtë plan gjashtëmujor përfshihen dhe disa marrëveshje bashkëpunimi, si dhe në luftën kundër krimit. Të tilla janë projektligji “Për ratifikimin e marrëveshjes, ndërmjet qeverisë së Republikës së Shqipërisë dhe qeverisë së Republikës Italiane, për bashkëpunim në luftën kundër kriminalitetit”; “Për ratifikimin e marrëveshjes, ndërmjet KM të RSH dhe qeverisë së Serbisë, për bashkëpunimin në fushën e luftës kundër krimit të organizuar, trafikut të paligjshëm ndërkombëtar të drogës dhe terrorizmit ndërkombëtar”; “Për ratifikimin e marrëveshjes, ndërmjet Republikës së Shqipërisë dhe Mbretërisë së Norvegjisë, për ripranimin e personave që qëndrojnë pa autorizim”. Ministrja do të paraqesë së shpejti për shqyrtim edhe projektligjin “Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së Izraelit për shërbimet ajrore”. Synimi i saj është bashkëpunimi në fushën e transportit ajror ndërmjet dy vendeve.


4 mujore
Përveç paraqitjes së nismave në të parashikohen edhe afatet kur ato do të depozitohen në Këshillin e Ministrave për miratim. Afatet janë në katërmujorin e dytë, apo të tretë të këtij viti.
35 nisma
Ministrja e Punëve të Jashtme ka programuar 35 nisma projektligje për të cilat synohet ratifikim i marrëveshjeve me vendet fqinje, si dhe me ato që janë anëtare të BE-së.
14 ministri
Të gjitha dikasteret ministrore janë të detyruara të paraqesin planin 6-mujor në të cilin do të parashikohen të gjitha nismat që do të paraqiten brenda muajit dhjetor të këtij viti.


Nismat e MPJ-së

Projektvendimi “Për lëshimin e vizave për mbajtësit e pasaportave diplomatike dhe të shërbimit”
Projektvendimi “Për disa ndryshime në VKM nr.840, datë 17.12.2004, “Për veprimtarinë e Drejtorisë së Shërbimit të Trupit Diplomatik”
Projektligji “Për ratifikimin e marrëveshjes financiare, ndërmjet KM së Republikës së Shqipërisë dhe Komisionit të Komuniteteve Evropiane për programin vjetor rajonal, CARDS 2006, të asistencës komunitare për autoritetet, tatimore dhe doganore, të Ballkanit Perëndimor”
Projektligji “Për ratifikimin e marrëveshjes, ndërmjet KM të RSH dhe qeverisë së Republikës së Serbisë, për bashkëpunimin në fushën e luftës kundër krimit të organizuar, trafikut të paligjshëm ndërkombëtar të drogës dhe terrorizmit ndërkombëtar”
Projektligji “Për ratifikimin e marrëveshjes, ndërmjet Republikës së Shqipërisë dhe Mbretërisë së Norvegjisë për ripranimin e personave që qëndrojnë pa autorizim”
Projektligji “Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së Republikës Federale të Gjermanisë, për projektet “Rritja e fondit të FSHZH, II” dhe “Programi i energjive të rinovueshme”
Projektligji “Për ratifikimin e marrëveshjes strategjike, ndërmjet Republikës së Shqipërisë dhe Shërbimit Policor Evropian”
Projektligji “Për ratifikimin marrëveshjes, ndërmjet qeverisë së Republikës së Shqipërisë dhe qeverisë së Republikës Italiane, për bashkëpunim në luftën kundër kriminalitetit”
Projektligji “Për ratifikimin e marrëveshjes, ndërmjet RSh-së, qeverisë italiane dhe qeverisë së SHBA-së, për bashkëpunim tripalësh dhe veprime ndihmuese, të quajtura “Nisma e bashkëpunimit për sigurinë e Atlantikut”
Projektligji “Për ratifikimin e marrëveshjes, ndërmjet Këshillit të Ministrave të RSH-së dhe Komunitetit të Sant’Egidios, për selinë dhe veprimtarinë e këtij Komuniteti në Shqipëri”

Panorama

[joss]

Mjekët ligjorë “damkosën” punën: “S’janë eshtrat e ushtarëve”


Hapja e varreve të vjetra pranë kishës së “Shën Mërisë” në Kosinë të Përmetit, nisi më datë 29 prill 2006. Gjashtë punëtorë nga fshati Kosinë, pesë prej tyre të besimit mysliman dhe një i besimit ortodoks, paguheshin nga 1500 lekë të reja për hapjen e çdo varri. Ndërkohë, personat që kishin organizuar këtë veprim makabër financonin 100 euro për çdo skelet të zhvarrosur. Sipas dëshmisë së varrmihësit Altin Ballabani, rezulton se në katër javë janë zhvarrosur 137 të vdekur pranë kishës së Kosinës. Pas publikimit të skandalit në media, policia zbuloi në kishën e “Kryeëngjëjve”, në fshatin Kutal (fshati i lindjes i priftit Thomollari), 69 arka speciale inoksi të ardhura nga Greqia ku pretendohej se ishin vendosur eshtrat e ushtarëve grekë të vrarë gjatë Luftës së Dytë Botërore dhe të varrosur në Kosinë. Pavarësisht rezistencës për të penguar hetimet që bëri prifti Thomollari, i ndihmuar nga përfaqësues të Mitropolisë së Shenjtë të Gjirokastrës dhe konsulli grek i këtij qyteti, ekspertët mjeko-ligjorë ia dolën mbanë të përmbushnin detyrën e tyre. Më datë 8 dhe 9 qershor një grup i përbërë nga mjekët më të mirë të mjekësisë ligjore, ekzaminoi eshtrat që ndodheshin në 69 arkat speciale në kishën e Kutalit. Më datë 26 qershor grupi i specialistëve mjeko-ligjorë paraqiti raportin përfundimtar të ekspertimit. Në këtë raport provohej shkencërisht se të zhvarrosurit në Kosinë nuk ishin ushtarë grekë të vrarë në luftë, por fshatarë të zones, mes tyre pleq, gra e fëmijë. Ky raport është prova më e pakundërshtueshme e krimin e pashembullt që ka ndodhur në Kosinë, nën drejtimin e priftit Thomollari dhe të dy personave nga Gjirokastra që financonin zhvarrimet.

[Darius]

Fajin se kane ato forca te erreta greke qe kane synimet e tyre po e kane fajin keta politikanet tane qe skane mendere tja u vene kufirin tek thana dhe ti marrin me shkelma. Kjo histori erdhi ere qe ne fillim kur u pretendua ligjshmeria e nje monumenti per te nderuar ushtaret e vrare. Po ti ishte dhene pergjigja qe ju dha italianeve dhe gjermaneve sdo kishte ndodhur asnje gje e tille.
Keshtu eshte kur peshku qelbet nga koka...

[Tannhauser]

Po ti ishte dhene pergjigja qe ju dha italianeve dhe gjermaneve sdo kishte ndodhur asnje gje e tille.
Keshtu eshte kur peshku qelbet nga koka...

Cila ishte kjo pergjigje e dhene?

Italianet kishin ndertuar plote lapidare dhe shume prej tyre qendrojne akoma.

[Acid_Burn]

Cila ishte kjo pergjigje e dhene?

Italianet kishin ndertuar plote lapidare dhe shume prej tyre qendrojne akoma.

si psh ? na trego ndonje apo nuk i mban mend...


mos harro ngado te kthehesh sumen e ke mbrapa pamvarsisht se e ke edhe te firma

[Darius]

Cila ishte kjo pergjigje e dhene?

Italianet kishin ndertuar plote lapidare dhe shume prej tyre qendrojne akoma.

Ishte nje pasaktesi e imja ne shprehje. Kur thashe lapidar kisha parasysh varreza. Pra gabimi im. Lapidar mund te ndertohet si memorial po asnje nga forcat e huaja ushtaret e te cilave kane lene kockat ketu skane pretenduar te ndertojne varreza. Edhe nese kane kerkuar jam i bindur qe kane marre pergjigjen qe duhej. Ndersa greket (e perseris e kam fjalen per ato forca te erreta dhe jo per popullin grek) qe e kane shfaqur mese hapur pretendimin e tyre territorial ndaj disa zonave jugore te Shqiperise i lene te livadhisin dhe ju krijojne dhe lehtesira te ndertojne varre qe me vone te hapin gurmazin me shume dhe te thone qe kjo eshte toke greke...

[Tannhauser]

silli ti nje here ... kushedi cfare them

Urdhero foton qe te kisha premtuar. Gjendet ne nje koder matane Golemit, kodra me lartesi 731m (ku ishin zhvilluar betejat me te ashpera te luftes Italo-Greke), afer Bregut te Rrapit. Te tilla lapidare ka plot ne Jug.

Kam edhe nje foto me nje lapidar grek por nuk munda ta bashkangjis.

Fotoja eshte e vitit 2005