Festivali i Kanës 2006 !

[autori]

Cmimet e Festivalit te 59 te filmit ne Kanë :


Palma e Arte per filmin:

"The Wind that shakes the barley" ("Era qe shkund elbin" aka : "Le vent se lève") i regjizorit anglez Ken Loach





Cmimi i Madh i Jurisë per filmin:

"FLADRES" ("Flandra") i regjizorit francez Bruno Dumont





Cmimi i Jurise per filmin "Red Road" nga Andrea Arnold (Angli)

Cmimi per skenarin më te mire: Pedro Almodovar per "Volver"(Spanjë)

Cmimi i mizaskenës : Alejandro Inárritu për filmin "BABEL" (Meksikë)

Cmimi per aktorin me te mirë : ekipit te aktorëve te filmit "Indigènes" ("Indigjenët") - Algjeri.

Cmimi per aktoren më te mirë : ekipit te aktoreve femra te filmit "VOLVER" (Spanje)


Kamera e Arte (çmimi per filmin e pare te nje regjizori te ri):
"12:8 - East of Bucharest" i regjizorit rumun 24 vjeçar Corneliu Porumboiu

[autori]

shekulli.com :


Ken Loach: Palma e Artë mjeshtrit të angazhuar

Në Tiranë, edhe u vërshëllye...


Ken Loach, është fitues i edicionit të 59-të të festivalit të Kanës. Filmi i tij ka marrë vlerësimin maksimal nga juria e përbërë më shumë nga aktorë se sa ekspertë të kinemasë.

Regjisori skocez i cili njihet si regjisor i angazhuar në temat sociale dhe për bindjet komuniste, në momentin e marrjes së trofeut dhuruar nga aktorja franceze Emanuelle Beart, ka përshëndetur me dorën e mbledhur grusht si një përshëndetje alla revolucionare. Në intervistat gjatë ditëve të festivalit Loach-i ka theksuar duke iu referuar filmit se lufta irlandeze për pavarësi kundër një perandori që i impononte vullnetin e saj një populli të huaj kishte ngjashmëri me pushtimin e Irakut nga ana e SHBA-së në ditët tona. “Filmi ynë është një hap i vogël, fare i vogël për britanikët që i bëjnë hesapet me historinë e tyre imperialiste”, ka thënë Loach-i gjatë marrjes së çmimit. “Ndoshta po të themi të vërtetën për të shkuarën, do të themi të vërtetën për të tashmen”.

Publiku ynë pati rastin të takohet me një veprat e fundit filmike të Ken Loach-it dhe Abbas Kiarostami-t, “Biletat” në eidcionin e tretë të Festivalit Ndërkombëtar të Filmit të shkurtër në Tiranë, dhjetorin e shkuar. Veç interesit të jashtëzakontë ai u gjend edhe përballë shikuesve që e quajtën pjesën e realizuar prej tij një vështrim të ngushtë dhe dashakeqës ndaj shqiptarëve: Përse ju anglezët na shihni vetëm si hajdut xhepash?! Reagim përballë të cilit Loach-i nuk ktheu më shumë se përgjigja që kishte dhënë në veprën e tij. “Tickets” nuk është vepra e tij më e mirë, por mbetet në frymën e regjisorit të angazhuar ndaj komuniteteve të margjinalizura prej botës moderne. E mes tyre janë padyshim emigrantët.

Në një garë e dominuar nga filmat historikë e politikë, me luftën në sfond, juria (aktorët Tim Roth, Samuel L. Jackson, Monica Bellucci, Helena Bonham-Carter dhe Zhang Ziyi, regjisorët Patrice Leconte, Lucrecia Martel dhe Elia Suleiman) me kryetar kineasti kinez Wong ***-Wai, ka qenë në një mendje për kurorëzimin e “Era që trondit elbin”, film i bukur klasik i Ken Loach-it për fillimin e luftës për pavarësi në Irlandë.

Veteran i festivaleve të Kanës, i seleksionuar tetë herë dhe i vlerësuar me çmime katër herë (për “Vështrime dhe buzëqeshje” 1981, “Programi sekret” 1990, “Gurë shiu” 1993 dhe “Sweet sixteen” 2002), kineasti britanik që zotëron mjeshtërinë e shkartisjes së përfytyrimit të karakterve dhe mesazhit politik, hipën më në fund të fronin e këtij çmimi suprem.

Një tjetër film për luftën shumë i vlerësuar është “Indigjenët” i Rashid Bukarebit i cili evokon epopenë e ushtarëve afrikano-veriorë të angazhuar në betejat për çlirim nga Franca. Një film burrash që mori çmimin e interpretimit mashkullor për pesë aktorët kryesorë.

E vetmja humbëse e madhe këtë kësaj liste çmimesh konsensuale dhe pak të dobët është: Maria-Antuaneta e Sofia Coppola-s, kandidate në garë për çmim në garë.

Fituesit e palmave
- Palma e Artë: Era që trondit elbin Ken Loach-it (Britani e Madhe)
- Grand prix: Flandres i Bruno Dumont (Francë)
- Çmim për interpretimin femëror: Penelope Cruz, Carmen Maura, Lola Duenas, Blanca Portillo, Yohana Cobo dhe Chus Lampreave për Volver i Pedro Almodovarit (Spanjë)
- Çmim për interpretimin mashkullor: Jamel Debbouze, Samy Nacéri, Sami Bouajila, Roschdy Zem dhe Bernard Blancan për Indigjenët i Rachid Bouchareb (Francë)
- Çmimi për regjinë: Babel i Alejandro Gonzalez Iñarritu (Meksikë).
- Çmimi për skenarin: Pedro Almodovar për Volver (Spanjë)
- Çmimi i Jurisë: Udha e kuqe i Andrea Arnold-it (Britani e Madhe)
- Palmë e Artë për metrazhin e shkurtër: Snifferde Bobby Shokët (Norvegji)
- Kamera e Artë: për rumunin Corneliu Porumboiu

[autori]

balkanweb.com


Ken Loach merr Palmën e Artë

Regjisori britanik ishte në Tiranë para 6 muajsh


--------------------------------------------------------------------------------

Regjisori britanik Ken Loach rrëmben Palmën e Artë në edicionin e 59-të të Festivalit të Kanës. “The Wind that Shakes the Barley”, drama e luftës civile në Irlandën e viteve ’20 e ngjiti atë në skenën e ëndërruar.

Për të kjo ishte e papritur, por filmi mundi edhe pretendentin Pedro Almodovar me “Volver”. Çmimi për regjinë më të mirë i ka shkuar meksikanit Alejandro Gonzalez Inarritu për “Babel”, ndërsa francezi Bruno Dumont mori Çmimin e Madh për “Flanders”.

Për shqiptarët Loach nuk është një emër i padëgjuar. Në nëntor të 2005-ës vet regjisori ishte i pranishëm në Tiranë. I ftuar në TIFF(Festivali ndërkombëtar i filmit me metrazh të shkurtër), nëpërmjet kinematografisë Loach kishte prekur edhe një copëz histori shqiptare. Filmi “Tickets”, kishte si pjesë të tij edhe një familje refugjatësh shqiptarë.

Ndërsa Palma e Arte i ka shkuar për historinë irlandeze të viteve ’20. “Ky film është hapi i parë drejt historisë së imperializmit, që në qoftë se thotë të vërtetën për të kaluarën, sjell edhe të vërtetën e ditëve tona”, ka thënë Loach kur është ngjitur për të marrë çmimin. Filmi ngrihet mbi dramën e brendshme të një familje. Dy vëllezër që do të gjenden të ndarë në rrugët e jetës.

“The Wind that Shakes the Barley”, siç ka theksuar vet Loach “flet për dhimbjet, grishjet por edhe dëshirën për paqe”. Damien, interpretuar nga Cillian Murphy, një doktor i ardhshëm, ikën nga fshati i varfër irlandez për të punuar në Londër dhe Teddy (Padraic Delaney), një ushtarak, një prej liderëve të vullnetarëve irlandez, janë dy personazhet kryesore të filmit. Damien, i cili i bashkohet forcave luftarake do të njohë politikën, dhunën, jetën e vërtetë dhe dashurinë. Por kushtet e anglezëve për të njohur shtetin e pavarur irlandez i ndajnë dy vëllezërit.

[autori]

Filmat e prezantuar ne Festivalin e Kanës dhe qe do kem mundesi te shikoj kete vit do te jene komentuar tek tema "KINO DITARI 2006" : http://www.forumishqiptar.com/showthread.php?t=59461

[Kreksi]

Ju pershendes dhe pergezime per punen mjafte profesionale qe keni bere ne kete tem, jam i knaqur shume, beso !

Sidomos me pelqeu ndarja apo klasifikimi i pjesmarrjeve ne kete festival.

Me nje fjale jeni madheshtor !

urime

p.s: filmin "njerzimi" l'humanitée e kam pare ne tv, por kam mbetur pa mendë me mjeshtrin e interpretimit te roleve, qe ishin aktore fillesatare por te talentuar qe te lejne mbrresa nje kohe te gjate....film i mrekullueshem, i gjalle e i lidhur me jeten e perditshme.

tung

[autori]

Ju pershendes dhe pergezime per punen mjafte profesionale qe keni bere ne kete tem, jam i knaqur shume, beso !

Sidomos me pelqeu ndarja apo klasifikimi i pjesmarrjeve ne kete festival.

Me nje fjale jeni madheshtor !

urime

p.s: filmin "njerzimi" l'humanitée e kam pare ne tv, por kam mbetur pa mendë me mjeshtrin e interpretimit te roleve, qe ishin aktore fillesatare por te talentuar qe te lejne mbrresa nje kohe te gjate....film i mrekullueshem, i gjalle e i lidhur me jeten e perditshme.

tung

Faleminderit mik, per fjalet e mira ! Shume faleminderit.

"L'Humanité" ("Njerezimi"), film i Bruno Dumont eshte nje nga filmat më te preferuar te mi, te te gjitha viteve bashkë. Dumont ben filma pa konçesione (hilé), filma rradikalë, dhe i tille shpresoj te jete edhe "Flandres" me te cilin ai fitoi edhe "Grand Prix du Jury" ne festivalin e Kanes, kete vit. Do te jepja vetem nje dhe nje te vetme keshillë: ta shikoje ne kinema, del me 1 shtator te ketij viti ne kinemate Franceze (meqe dhe ti jeton ne France).

tung !