Arrestohet "mbreti" i mafias italiane, Bernardo Provenzano

[zeus]

-----------------------------------------------------------

Eshte arrestuar ne zonen e Corleone (Sicili) Bernardo Provenzano, i kerkuari numer 1 i drejtesise italiane qe prej vitit 1963. Menjehere pas aksionit mbreti i mafias italiane ka pranuar identitetin e tij tek agjentet e policise.
Provenzano, qe konsiderohet si "bosi i bosave" te Cosa Nostra, eshte tradhetuar nga letrat qe shkembente me gruan e tij.

-----------------------------------------------------------

[NoName]

zeus, flmd per lajmin
por nese ke mundesi na jep edhe burimin e lajmit ??

[Ujku'80]

E hengri dhe Shefi i Madh......

[Davius]

Arrestohet udhëheqësi i mafisë italiane që fshihej 42 vjet

Romë, 14:10

Bernardo Provencano, udhëheqësi i Mafisë më të vjetër sociale, pas të cilit policia italiane gjurmon 42 vjet, është arrestuar në Sicili, lajmërojnë sot mediumet italiane.

"Arrestimin e bosit 73-vjeçar mafioz policia e bëri në Korleone, në Sicili", ku ai edhe është lindur, si dhe ku jetonte gruaja dhe vajza e tij, konfirmoi zëvendësprokurori Xhuzepe Pinatone.

Provencano gjendet në ilegalitet prej vitit 1963, ndërsa policia beson se u bë shef i Mafisë sicialiane në vitin 1963, kur u arrestua udhëheqësi i deriatëhershëm Toto Rina, meqë në vitin 1992 ka porositur likuidimin e gjykatësve Xhovani Falkone dhe Paolo Borselino.

Ish-avokati i Provencanos, Salvatore Traina para do kohë duke folur për mafiozin e njohurfamshëm, për gazetën "La Republika", deklaroi se beson se klienti i tij është i vdekur.

"Mendoj se është i vdekur. E kërkonin intensivisht me vite të tëra, por nuk mund ta gjenin. Kjo doemos do të thotë diçka", theksoi atëherë Traina.

Policia italiane disa herë me radhë i vendoste kurtha Provencanos, por madje edhe ato më të mirat ai me sukses i evitonte në çastin e fundit.

Policia deri në arrestimin e tanishëm, madje nuk kishte asnjë fotografi se si duket Provencano në vite të moshuara, meqë fotografitë e fundit ishin bërë para më shumë dekadash.

/Makfaks/

[Hyllien]

Kan per ta qeru se nuk e le njeri gjalle ket mbas kaq vitesh.
Italianet jane mjeshtra per me zhduk gjurme. E tradhetoi ish krahu i djathte i tij i cili para 2-3 vitesh u kap dhe filloi te tregoj cdo gje te imet se si kryheshin shkembimet e mesazheve.

[Iliriani]

73 vjec?! e kane nxerr ne pesion [jo se e kane arestuar]

[Darius]

Kush e di se kujt ja ka lene stafeten dhe tani qe si duhet me njeriu po behet maskarada e kapjes. 73-vjec ai as pantallonat nuk ngre me tani. Eshte me shume i vdekur se i gjalle. Pse sthoni ju qe mafia mori goditje te rende me kete aksion...

[romeoOOO]

Kush e di se kujt ja ka lene stafeten dhe tani qe si duhet me njeriu po behet maskarada e kapjes. 73-vjec ai as pantallonat nuk ngre me tani. Eshte me shume i vdekur se i gjalle. Pse sthoni ju qe mafia mori goditje te rende me kete aksion...

Ah Italia, e kapi edhe nje plak tjeter pas Totò Rines! pfffffffffffff

[The_Devil'S_Own]

Jo,kshu i kapin Italianet,po gjithmone pasi jane terhequr nga jeta aktive si anetare/kapo te Mafia.
Tani nonje edhe do ta kapin ata,se populli here pas here e do nonji lajm te tille,qe te kete besim te shteti te cilit i paguan taksat.

[Davius]

Pasuesi, Mateo Mesina Denaro, një mafioz i ri e i pamëshirshëm

Një zëvendës për Provencanon

Sipas ekspertëve, prej kohësh bosi i "Cosa Nostra"-s kishte parë pushtetin t‘i lëkundej

Që përpara arrestimit, rreth një vit më parë, të Bernardo Provencano-s, kreut të organizatës italiane "Cosa Nostra", autoritetet e vendit fqinj dinin mirë se në qarqet e rëndësishme të mafies, sidomos asaj siciliane, po zhvillohej një luftë shumë e ashpër për pushtet. Provencano shihej nga mafiozët e rinj si i lodhur, pa energjinë e duhur dhe i mefshtë. Kritikohej sidomos për prirjen e fortë për t‘i qëndruar larg dhunës dhe për adoptimin e mënyrës së të vepruarit nën rrogoz, duke shmangur çdo lloj përballjeje me shtetin, megjithëse një politikë e tillë kishte rezultuar mjaft e suksesshme vitet e fundit. Sipas ekspertëve të mafies, prej kohësh bosi i moshuar e kishte parë pushtetin t‘i lëkundej nën trysninë e një bosi të ri, ndërkohë që janë jo pak ata që mendojnë se betejën për dominimin absolut të "Cosa Nostra"-s Provencano e kishte humbur që përpara se të arrestohej. Njeriu që po ia zhvaste nga duart pushtetin suprem quhet Mateo Mesina Denaro, një mafioz i ri e i pamëshirshëm, i aftë të mos ndalej përpara asgjëje për t‘u ulur në fronin e "Bosit të Bosëve" të shekullit XXI.

Identikiti

Gjatë javës së shkuar, kuestura e Palermos përhapi identikitin e superlatitantit Mateo Mesina Denaro, mbi të cilin që nga çasti i hedhjes në fshehtësi, në vitin 1993, dihen shumë pak gjëra. Jeton në pasivitet në ndonjë nga malet e Sicilisë, apo fshihet diku afër duke drejtuar me dorë të hekurt bizneset e shumta të "Cosa Nostra"-s. Askush nuk e di përgjigjen, ndërkohë që prania e tij ndihet si kurrë më parë në "Cosa Nostra", që është kreu i organizatave kriminale italiane ku bëjnë pjesë Kamorra Napolitane, Ndrageta Kalbreze dhe Sakra Korona Unita e Puljas. Madje më shumë se kaq, ekspertë e njohës të shumtë të mafies shprehen se ai luan prej vitesh rol të dorës së parë në politikën dhe jetën e mafies. Disa hetues shtyhen më tej në lidhje me këtë luftë, duke u shprehur se Provencano nuk ishte veç një kukull, i cili qëndronte ulur vetëm simbolikisht në fronin e bosit të madh.

"Nëse do ta shihnim ‘Cosa Nostra‘-n si një biznes normal, do të arrinim në përfundimin se Provencano është shkarkuar tashmë nga detyra dhe vendin e tij e ka zënë Denaro". Kështu do të shprehej vite më parë Xhuzepe Luma, kreu i Komisionit Parlamentar Italian për Antimafian, lidhur me luftën mes të dyve për të mbajtur në dorë frenat e pushtetit suprem në kreun e organizatës.

Bosi i ri

Jeta e mafiozëve italianë është një klishe e madhe dhe e tillë është edhe për Mesina Denaron. Ai lindi më 26 prill të vitit 1962 në Kastelvetrano, një qytet pranë Trapanit. Ishte pikërisht periudha kur klanet mafioze po shtonin ndjeshëm fuqinë dhe influencën e tyre. Rasti më tipik është ai i klanit të Korleones. Në këtë kohë, mafia amerikane dhe ajo siciliane bashkëpunuan në trafikun e heroinës, që u solli të dyja palëve fitime kolosale. Ishulli i Sicilisë kontrollohej plotësisht nga të ashtuquajturit "Burrat e nderit", termi me të cilin identifikoheshin mafiozët. Popullsia vendase nuk e kundërshtonte aspak këtë kontroll, pasi e shihte ‘Cosa Nostra‘-n si organizatën që e mbronte nga shteti italian, të cilin e konsideronin si pushtues. Në këtë atmosferë u rrit edhe Mateo Denaro Mesina. Babai i tij, Françesko, ishte gjithashtu një "burrë nderi" dhe me kalimin e kohës u bë "kapo" i krahinës së Trapanit, njëkohësisht edhe një nga njerëzit më të besuar të Toto Riinës.

Mafiozi i talentuar

Nuk shkoi shumë gjatë dhe ai vuri re me kënaqësi se i biri ishte i talentuar. Sipas të përjavshmes italiane "L‘Espresso", ai mësoi ta përdorte pistoletën në moshën 14-vjeçare dhe katër vjet më pas kreu vrasjen e parë. Por kjo nuk do të ishte e fundit. Thuhet se Denaro ka vrarë rreth 50 njerëz dhe se është shumë krenar për një fakt të tillë. "Kam mbushur një varrezë të tërë", thuhet se është shprehur duke u mburrur.

Nxënës i Toto Riinës

Mesina Denaro ishte një kopje e përkryer e mësuesit të tij, Toto Riinës. Tmerrësisht i dhunshëm, mizor në ekstreme, ai nuk trembej nga askush dhe mbi të gjitha zotëronte zgjuarsinë e nevojshme për të mos rënë në duart e ligjit. Gjithashtu zotëronte një nuhatje të pazakontë në zbulimin e bizneseve fitimprurëse. Ai krijoi një pasuri të pallogaritshme me trafikun e drogës e me anë të zhvatjes përmes kërcënimit. Në trafikun e drogës karriera e tij u zhvillua me hapa marramendës. Në pak vite, nga një trafikant i vogël, ai u kthye në një shpërndarës kryesor me një peshë të rëndësishme në qarqet e narkotrafikut botëror. Ky është edhe momenti kur Shërbimet Amerikane të Sigurimit vunë re praninë e tij në këto qarqe. Sipas FBI-së, Denaro është një nga shpërndarësit më të mëdhenj në botë. Duket se mban lidhje të afërta me më shumë se një nga lordët kolumbianë të drogës. Me këtë sukses ai lë shenjë në "Cosa Nostra". Në këtë pikë ka filluar edhe ngjitja e tij në hierarkinë mafioze, sidomos pas marrjes në dorëzim nga duart e të atit kryesimin mbi klanin e Trapanit. Por ky do të ishte vetëm fillimi.

Beteja me autoritetet

Viti 1993 do të ishte një vit i shënuar në historinë e mafies siciliane. Gjatë tij u zhvillua një takim midis krerëve të mafies ruse dhe krerëve të "Cosa Nostra"-s. Por shteti italian mori masa drastike duke arrestuar dhjetëra mafiozë. Gjithashtu u morën masa të ashpra në administratë, e cila kishte qenë objekt infiltrimi nga elementë që punonin për llogari të "Cosa Nostra"-s. Por ata që e dëmtuan më shumë këtë organizatë ishin "të penduarit". Kulmi i suksesit të qeverisë italiane në luftën kundër mafies arriti me arrestimin e kreut të saj, "Bosit të Bosëve", Toto Riinës. Por ky ishte një vit shumë i suksesshëm edhe për Mateo Mesina Denaron.

Mafiozi i dhunshëm

Gjatë këtij viti, tashmë 31 vjeç, ai arriti të bëhej pjesë e "Supercosa"-s. "Supercosa" është një grup i përzgjedhur bosësh, të cilët janë në dijeni të çdo aktiviteti të "Cosa Nostra"-s. Sapo zuri një vend në zonën e të fuqishmëve, ai do të niste një "luftë të drejtë kundër shtetit italian". Në vitin 1993 bomba shpërthyen në Romë, Firence dhe Milano. Kisha katolike ishte një ndër objektivat kryesore. Koordinatori i këtyre sulmeve ishte pikërisht ai, Mateo Mesina Denaro. Ai nuk mjaftohet t‘i dërgojë trupat e tij kundër kishës, departamentit të drejtësisë dhe stacioneve të policisë, ai kërkon t‘i japë një mesazh të qartë edhe shtypit. Me urdhrin e tij u ekzekutua një numër i madh gazetarësh, të cilët mendohej se ishin shtyrë shumë thellë në misterin e "Cosa Nostra"-s. Drejtësia Italiane filloi të kuptonte se arrestimi i Toto Riinës dhe i mafiozëve të tjerë nuk e kishte destabilizuar "Cosa Nostra"-n. U vu re edhe që një djall i vërtetë kishte bërë përpara në radhët e saj.

Hedhja në fshehtësi

Mbreti i ri i "Cosa Nostra"-s hidhet në fshehtësi në vitin 1993, pasi Xhovani Bruska, një i penduar shumë i rëndësishëm, thyen kodin e heshtjes dhe u tregon autoriteteve gjithçka dinte për djaloshin ambicioz. Denaro u dënua në mungesë me burgim të përjetshëm, gjë që nuk e ndalon aspak të vazhdojë aktivitetin e tij. Ai e shfrytëzon pakënaqësinë që kishin mafiozët në lidhje me mënyrën me të cilën operonte Provencano, kreu i fundit i njohur i "Cosa Nostra"-s, në favor të tij. Në përgjithësi mafiozët nuk ishin të kënaqur me sistemin "nën rrogoz" që kishte adoptuar bosi i mafies siciliane, njeriu që zuri vendin e Toto Riinës, Bernardo Provencano.

Beteja për pushtet

Provencano vendosi që mafia të rimerrte fuqinë pa u ndjerë dhe pa sulme e gjakderdhje të bujshme: "Pse të rrezikojmë të humbasim lidhjet dhe kontaktet me politikën, duke bërë akte të zhurmshme, kur mund të punojmë fare të qetë nën hije"? Dhe kjo mënyrë operimi i solli shumë përfitime "Cosa Nostra"-s. Paratë filluan sërish të burojnë nga të gjitha anët, pikërisht si dikur, duke rihapur mundësinë për korruptimin e politikanëve të lartë. Por kjo politikë krijoi idenë se Provencano ishte i dobët dhe i paaftë të përdorte dhunë. Pikërisht për këtë dobësi Denaro dhe ndjekësit i kërkuan Provencanos të bënte mënjanë dhe t‘u linte atyre rrugë të lirë. Me ç‘dihet, Provencano dhe Denaro nuk kanë pasur asnjëherë marrëdhënie të mira. Kur i preferuari i Toto Riinës, në vitin 1993 do të bëhej pjesë e "Supercosa"-s, Provencano bëri të pamundurën për ta ndaluar një gjë të tillë. "Denaro e rrezikon seriozisht qëndrimin e tij në fron", do të shprehej një hetues në atë kohë, për të shtuar se "Provencano e di shumë mirë një gjë të tillë, sepse nuk pranon në asnjë mënyrë të takohet me të. Ka frikë se mos e vrasë".

Përballja mes brezave

Ardhja e Denaros në fuqi do ta rikonfiguronte rrënjësisht organizatën kriminale më të fuqishme në botë. Klisheja e bosit të moshuar mafioz që e drejton perandorinë e tij nga një fermë e humbur mes malesh, do t‘ia linte vendin një klisheje të re të stilit të Sopranove. "Bosët e vjetër i kanë akoma duart me baltë", do të thoshte një hetues për një revistë amerikane, "ndërsa Denaro nget një ‘Porche‘, pëlqen kompjuterët dhe librat humoristikë. Është jashtëzakonisht shumë i pasur, bën një jetë të shthurur dhe është shumë i dhënë pas femrave. Një ‘play boy‘ i vërtetë...". Gjëra të tilla do të dukeshin të pamundura në kohën e bosëve të vjetër, por duket se kohët kanë ndryshuar. Megjithatë do të ishte e gabuar të mendohej se Denaro dhe pasuesit e tij janë një tufë kriminelësh psikopatë, pasi ai ka treguar se është një strategjist i shkëlqyer me një dëshirë të papërmbajtur për pushtet.

Portreti aktual

Fotoja e fundit e Mateo Mesina Denaro-s i përket vitit 1993, vit i masakrave të kryera nga mafia, për të cilat bosi i ri është dënuar në mungesë. Edhe një herë tjetër, si në rastin e kryemafiozit Bernardo Provencano, policia nuk mund të bëjë tjetër veç të imagjinojë si mund të jenë trajtat e fytyrës së bosit të ri tashmë 45-vjeçar. Identikiti i tij, i bërë publik bashkë me atë të bosit palermitan, Salvatore Lo Piccolo (edhe ky i hedhur në fshehtësi prej më shumë se dhjetë vjetësh), është një përpunim kompjuterik i bazuar mbi fotot që janë në duart e policisë dhe mbi ç‘u kanë treguar autoriteteve disa të penduar mafiozë. Në këtë mënyrë u arrit të prodhoheshin dy portrete të tij me ngjashmëri të kënaqshme, të cilat iu dërguan policive të të gjithë botës: në të parën shfaqet me syzet e përhershme (sipas disa bashkëpunëtorëve të drejtësisë, vuan nga miopia për shkak të së cilës vite më parë është operuar në një klinikë spanjolle) dhe në tjetrën pa to.

Gjurmët

Në rast se fotot e Mesina Denaro-s i përkasin një periudhe prej më shumë se dhjetë vjetësh më parë, gjurmët e tij, sipas autoriteteve italiane, janë shumë më të freskëta. Gjyqtarët palermitanë gjatë muajve të fundit kanë arritur të dekodifikojnë një pjesë të mirë të copëzave të letrave që Provencano përdorte për të dërguar mesazhet. Kontakti i fundit me bosin e ri mendohet të jetë bërë pikërisht përmes këtyre letrave pak muaj përpara arrestimit të Provencano-s dhe sekuestrimit të korrespodencës me mafiozët e tjerë. Në një letër, Mesina Denaro me emrin e koduar "Alesio", i shkruan duke treguar mjaft respekt për bosin e moshuar: "Shumë i dashuri im, shpresoj të jeni me shëndet sa më mirë. Dua t‘ju them se i kam marrë të gjitha urimet tuaja, bashkë me ato për festat dhe ju falënderoj shumë".

Gazeta SHQIP