KOASh dhe ceshtja Foti Cici

[Qafir Arnaut]

Lajmi me i fundit per delen e 'zeze' te Ortodksise Shqiptare At Foti Cici i Torontos.
Me kerkese te Kryepeshkopit te Shqiperise Kryepeshkopi i Kanadase e ka pezulluar kete njeri te vuajtur nga administrimi i sherbesave fetare per Ortodokset Shqiptare te Torontos, Montrealit dhe Vankuverit. At Foti qe te pendohet duhet te beje (sipas fjaleve te tij)

Që unë të rifilloj shërbesën priftërore, imzot Serafimi më kërkon këto gjëra:

-- Të ndryshoj emrin e uebsajtit tonë, www.AlbanianOrthodox.com, se qenka i përafërt me atë të sajtit të kryepeshkopatës së Tiranës; www.OrthodoxAlbania.org;

-- Të mos shkruaj më artikuj në shtyp, ku të kritikohet kryepeshkopi Anastasios;

-- T’i dërgoj një letër zotit Janullatos, ku t’i kërkoj ndjesë për shkrimet që kam bërë “kundër tij”;

-- Të heq nga uebsajti ato shkrime e materiale që cënojnë kryepeshkopin Anastasios.

Perndjekja, persekutimi institucionale e ketij prifti te dedikuar ma ka shtuar neverine per KOASh-in dhe grigjen e vet ne lartesi te papara ndonjehere.

Jepni mendimin tuaj

[ArberXYZ]

Mor se marr vesh ku dreqin eshte shteti?

Atje ne Maqedoni, i futin ne burg prifterinjt serbe, vetem per ta patur kishen e tyre te pavarur, dhe ne shkojme e veme Junullatosin.

Ne statut thuhet qart, qe kisha shqiptare eshte e pavarur, dhe kryepeshkopi duhet te jete "me gjak dhe gjuhe shqiptare". Lere njeher qe eshte i rrezikshem per sigurine kombetare, percares, grek mbi te gjitha, po kisha po humb besushmerine.

Ligji dhe huri duhen...

[Hyllien]

Po ja e zeme sikur Foti Cici ben ato qe thuhen, edhe hiqet pezullimi, po pastaj do rifilloj prap sherbesat ? Ngjan nje tip "ransom" si neper filma, pa kuptim e pa lidhje fare. Ky njeri ose duhet te lejohet te bej sherbesat ose te perjashtohet fare nga kisha. Keto lloj telenovelash nuk kane kuptim. Me mire do ishte te beheshe nje takim ndermjet tij dhe Janullatosit, e mbase te jete dhe At. Liolini atje e le te thone cfare kane per te thene me njeri tjetrin, qe te jene dhe me te qarte njerezit se cfare po ndodh.

[Qafir Arnaut]

. Me mire do ishte te beheshe nje takim ndermjet tij dhe Janullatosit, e mbase te jete dhe At. Liolini atje e le te thone cfare kane per te thene me njeri tjetrin, qe te jene dhe me te qarte njerezit se cfare po ndodh.

U be edhe ai takim. S'i doli gje. Nesje, nuk me hyn ne xhep shume konflikti sesa cfare tregon konflikti per ate institucion.

[Albo]

Trupi i Krishtit e flak tej mishin e huaj, sic u flak ne Shqiperi, sic u flak ne Greqi, sic u flak ne Londer, sic u flak ne Amerike, sic po flaket edhe ne Kanada.

Perendia po ben mrekullira ne komunitetin orthodhoks shqiptar, ashtu sic po syrgjynos te gjithe heretiket qe kerkojne te korrin me draper ne dore atje ku nuk kane mbjelle.

Albo

[Jonian]

Meqenese kam marre disa emaile dhe informacione nga burime te ndryshme rreth kesaj ceshtjeje, dhe meqe besoj se ne cdo konflikt nuk e ka fajin vetem njera pale, thashe ta "hetoja" nje cike me shume kete ceshtje, thjesht per kureshtje. Nuk po perpiqem ketu ne asnje menyre te mbroj njeren pale apo tjetren, por thjesht te jap edhe ca informacione te tjera dhe ndoshta njerezit t'i shohin te dyja anet e medaljes para se te vendosin te mbajne ane apo te argumentojne qendrimin e tyre. Personalisht jam ne dijeni te disa konflikteve qe At Foti Cici ka patur me disa persona ketu ne Boston si dhe me versionet e te treja paleve persa i perket konfliktit te tyre.
Ja cfare informacioni gjeta nepermjet Google rreth At Foti Cicit nga persona te tjere:
http://www.forumishqiptar.com/archiv...p/t-37164.html
http://www.forumishqiptar.com/showthread.php?t=23043
http://www.edsh.net//diskutime/viewthread.php?tid=2232 (Sejfi Protopapa eshte njeri nga personat me banim ne Boston, i cili ka nje konflikt personal me At Foti Cicin.)

P.S: Nuk jam njeri fetar dhe as qe me behet vone per qendrimet e nje prifti apo te kishes shqiptare, por e kam me kollaj t'i besoj nje njeriu si Sejfi Protopapa te cilin e njoh dhe kam nje fare respekti per aq sa ka bere per komunitetin shqiptar ne Boston, sesa nje personi ish te denuar ordiner (per plagosjen e nje bashkefshatari nga Nivica diku ne vitet 80) i cili ka veshur nje raso dhe hiqet si njeri i Zotit.

[Qafir Arnaut]

Sejfiun e njoh dhe kam rrespekt per te. E permendi Fotin nje here dhe u duk sikur konflikti ishte thjesht personal.

Nderkohe ketu kemi te bejme me nje konflikt INSTITUCIONAL. KOASh-i eshte kthyer ne nje fole neperkash. Kete tregon edhe persekutimi i priftit rrebel F.Cici. Nderkohe qe vetem me punen qe ka bere ai per ndertimin e www.shqiptarortodoks.com i duhet dhene nje dekorate. ..e jo te katandiset ne pjatalares.

[Qafir Arnaut]

Letra e plote qe Foti Cici i dergoi kopese te tij ortodokse ne Toronto

22 shtator 2005



Të dashur anëtarë dhe miq të Kishës së Shën Astit, përshëndetje!



Ju njoftoj se më 15 shtator mora një letër nga peshkop Serafimi, ku më komunikohet se më datën 2 shtator ai më ka pushuar përkohësisht nga detyrat priftërore. Para se të shtjelloj çështjen e pushimit, i cili u bë me kërkesat e përsëritura të kryepeshkopit të Tiranës, z. Anastasios Janullatos, dhe të peshkopit amerikan të kishës greke, z. Ilia Katre, është më e rëndësishme t’ju lajmëroj, se:

-- Meshat shqip të tetorit dhe të nëntorit nuk do të kryhen.

-- Më telefononi nëse keni nevojë për vërtetime, pagëzime, a çfarëdo shërbese, gjatë kësaj periudhe që unë jam i pushuar.

-- Gjithçka që është kryer më parë prej meje (pagëzime, dëshmi për emigracionin, etj) është e vlefshme, sipas rregullave kishtare ortodokse, edhe sikur unë të mos rifilloj më detyrat priftërore.

-- Çdo të diel, në orën 11:30-12:45, unë dhe një grup besimtarësh nga kisha jonë, meshohemi te kisha ukrainase, atje ku kryenim meshat tona, prandaj ju ftoj të vini e të merrni pjesë në meshën anglisht, e pastaj të takohemi për kafe në mjediset e kishës.

-- Ata fëmijë shqiptarë që filluan katekizmën (Sunday School) te kisha ukrainase janë shumë të kënaqur, ashtu si dhe prindët e tyre, prandaj ju lutem, juve që keni fëmijë nën 13 vjeç, t’i sillni ata në kishë, sepse dobia është e shumëfishtë: vetë ata do të marrin gjëra që do t’i ndihmojnë në jetë, dhe do të krijojnë familje më të mira; vetë ju, kur të plakeni, do të keni më tepër përkushtim e përkujdesje prej tyre. Shkolla e së dielës nis në orën 10:45; janë katër klasa, sipas moshave, me katër mësuese kanadeze.

-- Ata prindë që kanë kërkuar të pagëzojnë fëmijtë te kisha ukrainase - me dokumenta katolike, por sipas ritit ortodoks - për të lehtësuar jetën e fëmijve tanë në shkollat dhe në jetën kanadeze, janë të lirë ta bëjnë këtë.



Peshkop Serafimi më pushoi me këmbënguljen e kryepeshkopit të Tiranës, z. Anastasios, dhe me ndërhyrjen sendërgjuese të peshkopit shqiptaro-amerikan të kishës greke, z. Ilia Katre, i cili ka filluar fushatën për t’u fronëzuar kryepeshkop i Shqipërisë. Pushimi nuk më befasoi, madje shumë vonoi. Gjatë dy vjetëve të fundit jam kërcënuar disa herë nga peshkopi, pa arsye kishtare, përderisa problemet shëndetësore të kryepeshkopit Anastasios janë përkeqësuar, po kështu dhe mania kundër atyre që kundërshtojnë ta adhurojnë.



Që unë të rifilloj shërbesën priftërore, imzot Serafimi më kërkon këto gjëra:

-- Të ndryshoj emrin e uebsajtit tonë, www.AlbanianOrthodox.com, se qenka i përafërt me atë të sajtit të kryepeshkopatës së Tiranës; www.OrthodoxAlbania.org;

-- Të mos shkruaj më artikuj në shtyp, ku të kritikohet kryepeshkopi Anastasios;

-- T’i dërgoj një letër zotit Janullatos, ku t’i kërkoj ndjesë për shkrimet që kam bërë “kundër tij”;

-- Të heq nga uebsajti ato shkrime e materiale që cënojnë kryepeshkopin Anastasios.



Nuk do të bëj asnjë nga ato që kërkon kisha greke, nëpërmjet peshkop Serafimit. Nuk është kokëfortësi, sesa bindje në vlera universale e integritet në Kanada. Është çasti për të rrëfyer besimin tim. Të gjitha këto që kërkon peshkop Serafimi janë tejepërtej të paligjshme, si nga ana kishtare, ashtu dhe nga ana qytetare. Bindjet e mia nuk më lejojnë të shkel vetveten dhe juve, prandaj dhe kërkoj ndjesë nëse me disa prej jush ndodhem në pozita jo të njëjta. Por kjo është jeta e krishterë: duhet ta duam njëri-tjetrin edhe kur kemi mendime të kundërta, mjafton që bindjet tona të jenë të sinqerta dhe të mos dëmtojnë të tjerët.



Për ata që kanë pakëz dritë, duket qartë se kryepeshkopi Anastasios mëton që gjithë bota t’i bjerë në gjunjë, por ja që kjo nuk është e mundur për disa shqiptarë ortodoksë. Në raste të tilla, kur ndodh një manipulim i tillë mendor, me përmasa grupore, qëndresa ka ekzistuar dhe do të ekzistojë, ndonjëherë dhe atje ku nuk pandehet. Reagimi im veç, ka motive spirituale dhe jo politike, e as nacionaliste. Po të ishte kaq vendimtar marifeti i shkishërimeve, ne nuk do të kishim sot kishë shqiptare të pavarur në Shqipëri, sepse ato që bëheshin dhe shkruheshin nga mërgimtarët e viteve 1910 në Amerikë, jo vetëm që nuk kishin miratimin e hierarkisë që vepronte ato vite në atdhe, por anatematizoheshin. Mallkimet dhe shkishërimet ndaj gjuhës shqipe morën fund në vitet 1920, por ato kundër shqiptarëve vazhduan deri në vitet 1960, për t’u riaktivizuar sot, në vitin 2005. Turp!



Shembulli më i spikatur është ai i të shenjtit Petro Nini Luarasi, i cili kishte ndriçim, shprehu opinione dhe prandaj u përndoq e u shkishërua nga hierarkia ortodokse. Por nëse ne do të trembeshim nga akte të tilla bizantine, nuk do të kishim shijuar mesha shqip në Toronto. Fëmijtë tanë do të dinin më pak shqip, shumë prej tyre e prej nesh nuk do të njiheshin fare me njëri-tjetrin, sepse kryepeshkopi jo shqiptar i atdheut tonë është shprehur kundër organizimit të shqiptarëve ortodoksë në diasporë. Përndryshe, përse nuk janë hapur kisha ortodokse për shqiptarët që kanë emigruar në shtete të tjera, mbas viteve 90? Përse?



Vëllezër e motra! Në një kohë kur kleri grek i Torontos ligjëron e nxiton për Vorio Epirin, unë kam hapur një debat të ri në shtypin shqiptar, mbi përmasat kulturore të ortodoksisë shqiptare. Në të njëjtën kohë jam pozicionuar për të drejtat e njeriut në Shqipëri, kam mbrojtur minoritetin grek, sipas bindjeve të mia që përkojnë me vlerat e këtushme, kam mbrojtur dinjitetin e ortodoksisë, kur ky është shkelur nga dinjitarët, prandaj dhe jam sulmuar e përbaltur shumë herë në shtyp nga ekstremistët shqiptarë, të cilët rëndom përdoren nga qarqe ndërluftuese, për të shkaktuar përçarje fetare.



Nuk më intereson kaq shumë hiri i godinave, sesa e ardhmja e shqiptarëve. Për më tepër jam i bindur se kryepeshkopi Janullatos është vërtet një personalitet shumëpërmasor, por ai kurrë nuk mund të jetë shenjtor, siç kërkon të shpallet. Si mund të jetë dikush i shenjtë dhe në të njëjtën kohë të manipulojë besimtarët, të kërkojë t’i falet gjithë krijesa, e nga ana tjetër të shpërfytyrohet e të urrejë, të përndjekë gjer në humbje ata që kanë mendime të kundërta? Ato që kam shkruar, pra, i besoj, i mbroj dhe nuk i mohoj!



Juaji me Krishtin,

At Foti Cici

[Hyllien]

Prit prit se kjo nuk eshte gje hic. Pune 1-2 vitesh pervec Kishes Maqedonase eshte duke filluar shkeputjen dhe Kisha Malit te Zi. Para disa ditesh ne BBC por dhe te Economist kishte faqe te tera qe i kushtoheshin pavarsise se kishave Maqedonase dhe te Malit te Zi nga Serbia. Te shohim cfare do ndodhi deri atehere. Megjithate Serafiemi gjithmone do ta gjej kohen per ne Shqiptaret, sic e kan gjet paraardhesit e tij ketu e 1500 vjet me pare ne mos me teper.


Nje gje isha kurioz te dija. Per cilat shkrime behet fjale tek website ? Pjesen per albanologjine ? Uratat e Nolit ? Apo ndonje pjese tjeter ? Apo pjesa ime e preferuar kur Mitropoli i Kosturit mallkon shkronjat shqipe ?

Po behet estrade kjo pune, si mbledhja e KPD-se Ps-iste para nja 1 viti.

[Qafir Arnaut]

Po behet estrade kjo pune, si mbledhja e KPD-se Ps-iste para nja 1 viti.

Pikerisht tek estrada e kam llafin une. Eshte skandal. Kisha e Lindjes eshte duke u degjeneruar. Skandal ne FYROM, skandal ne Jeruzalem, skandal ne Shqiperi...Nesje keshtu eshte kur nuk ka nje monarki.